WIRAS

കോമേഴ്സ് അസോസിയേഷന്‍
ഉദ്ഘാടനം

വിളയാങ്കോട്: വാദിഹുദ ഇന്‍സ്റ്റിറ്റ്യൂട്ട് ഓഫ് റിസര്‍ച് ആന്‍ഡ് അഡ്വാന്‍സ്ഡ് സ്റ്റഡീസ് (വിറാസ്) കോമേഴ്സ് അസോസിയേഷന്‍ ദിനേശ് പ്രോഡക്ട്സ് ചെയര്‍മാന്‍ സി. രാജന്‍ ഉദ്ഘാടനം ചെയ്തു.
ടി.ഐ.ടി ഗ്രൂപ്പ് ഓഫ് ഇന്‍സ്റ്റിറ്റ്യൂട്ട്സ് വൈസ് ചെയര്‍മാന്‍ എസ്.എ.പി. അബ്ദുസ്സലാം അധ്യക്ഷത വഹിച്ചു. ഡോ. രജനി, എ.പി. ശംസീര്‍, ആര്‍.സി. പ്രദീപന്‍, മുനവ്വിര്‍, അപര്‍ണ പവനജന്‍ എന്നിവര്‍ സംസാരിച്ചു. കോമേഴ്സ് ഡിപാര്‍ട്മെന്റ് ഹെഡ് പി. പാര്‍വതി അമ്മ സ്വാഗതവും അസോസിയേഷന്‍ സെക്രട്ടറി എന്‍.വി. ജസീം നന്ദിയും പറഞ്ഞു. തുടര്‍ന്ന് സംരംഭകത്വ വികസനത്തെക്കുറിച്ചുള്ള സെമിനാര്‍ നടന്നു.

SOLIDARITY KANNUR

SOLIDARITY KANNUR

OBIT_SUBAIR

 വാഹനാപകടത്തില്‍
പരിക്കേറ്റയാള്‍ മരിച്ചു

കാഞ്ഞിരോട്: വാഹനാപകടത്തില്‍ പരിക്കേറ്റ് ചികിത്സയിലായിരുന്നയാള്‍ മരിച്ചു. കാഞ്ഞിരോട് പുറവൂരിലെ പാറക്കണ്ടി നസീമ മന്‍സിലില്‍ എസ്. സുബൈര്‍ (36) ആണ് മരിച്ചത്. 

ഭാര്യ: പാറക്കണ്ടി നസീമ.  

മക്കള്‍: ജസീം, ജംഷീന, ജസീല്‍.  

മാതാവ്: ഹാജറ. സഹോദരി: ഖമറുന്നീസ.
കഴിഞ്ഞയാഴ്ച കണ്ണൂര്‍ ചൊവ്വയില്‍ സുബൈര്‍ സഞ്ചരിച്ചിരുന്ന ബൈക്കില്‍ മാരുതിവാന്‍ ഇടിച്ചായിരുന്നു അപകടം. ഗുരുതരമായ പരിക്കേറ്റ സുബൈര്‍ കോഴിക്കോട് ബേബി മൊമ്മോറിയല്‍ ആശുപത്രിയില്‍ ചികിത്സയിലായിരുന്നു. മത്സ്യത്തൊഴിലാളിയായ സുബൈര്‍ കണ്ണൂര്‍ സിറ്റി സ്വദേശിയാണ്. 

ഖബറടക്കം വെള്ളിയാഴ്ച മൂന്നിന് പുറവൂര്‍ ജുമാമസ്ജിദ് ഖബര്‍സ്ഥാനില്‍.

SOLIDARITY KANNUR

സോളിഡാരിറ്റി മലബാര്‍
നിവര്‍ത്തന പ്രക്ഷോഭം
ജില്ലാതല ഉദ്ഘാടനം ഇരിട്ടിയില്‍

കണ്ണൂര്‍: വികസന കാര്യത്തില്‍ മലബാര്‍ മേഖല അനുഭവിക്കുന്ന അസന്തുലിതാവസ്ഥ പരിഹരിക്കണമെന്നാവശ്യപ്പെട്ട് സോളിഡാരിറ്റി നവംബര്‍ 20 വരെ സംഘടിപ്പിക്കുന്ന മലബാര്‍ നിവര്‍ത്തന പ്രക്ഷോഭം വിജയിപ്പിക്കാന്‍ ജില്ലയില്‍ ഒരുക്കങ്ങള്‍  പൂര്‍ത്തിയായതായി ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ജില്ലാതല ഉദ്ഘാടനം 10ന് ഇരിട്ടിയില്‍ സംസ്ഥാന പ്രസിഡന്റ് പി.ഐ. നൌഷാദ് നിര്‍വഹിക്കും. 'മലബാര്‍ വികസനത്തിന്റെ കണക്കുകള്‍ ചോദിക്കുന്നു' എന്ന മുദ്രാവാക്യമുയര്‍ത്തി വിവേചനവും അസന്തുലിതത്വവും ഇല്ലാത്ത ഐക്യകേരളത്തിന്റെ സൃഷ്ടി ലക്ഷ്യമിട്ടാണ് സോളിഡാരിറ്റിയുടെ നിവര്‍ത്തന പ്രക്ഷോഭം. തലശേãരി^മൈസൂര്‍ റെയില്‍പാത യാഥാര്‍ഥ്യമാക്കുകയെന്നത് ഉന്നയിക്കുന്ന ആവശ്യങ്ങളില്‍ ഒന്നാണ്.  മലയോര ഹൈവേ സാക്ഷാത്കരിക്കുക, മലയോര മേഖലകള്‍ കേന്ദ്രീകരിച്ച് താലൂക്കുകളും വിദ്യാഭ്യാസ ജില്ലകളും സ്ഥാപിക്കുക, പരിയാരം മെഡിക്കല്‍ കോളജ് സര്‍ക്കാര്‍ ഏറ്റെടുക്കുക, ജില്ലയില്‍ ഉള്‍നാടന്‍ ജലഗതാഗത സംവിധാനങ്ങള്‍ ഏര്‍പ്പെടുത്തുക തുടങ്ങിയ ആവശ്യങ്ങളും ഉയര്‍ത്തുന്നു.ഒക്ടോബര്‍ അവസാനവാരം ജില്ലാ പ്രചാരണ വാഹനജാഥയും നവംബര്‍ രണ്ടാംവാരം ഏരിയ കേന്ദ്രങ്ങളില്‍ പദയാത്രയും സംഘടിപ്പിക്കും.  പരിയാരം മെഡിക്കല്‍ കോളജ് സര്‍ക്കാര്‍ ഏറ്റെടുക്കുക എന്ന വിഷയത്തില്‍ നവംബര്‍ നാലിന് കണ്ണൂരില്‍ സംവാദം സംഘടിപ്പിക്കും. പ്രാദേശിക കേന്ദ്രങ്ങളില്‍ ചര്‍ച്ചാ സദസ്സുകള്‍, യുവജന സമ്പര്‍ക്കങ്ങള്‍, ഡോക്യുമെന്ററി പ്രദര്‍ശനം തുടങ്ങിയവയും നടക്കും. വാര്‍ത്താ സമ്മേളനത്തില്‍ ജില്ലാ പ്രസിഡന്റ് ഫാറൂഖ് ഉസ്മാന്‍,  സംസ്ഥാന സമിതിയംഗം കെ.എം. മഖ്ബൂല്‍, വൈസ് പ്രസിഡന്റ് എന്‍.എം. ശഫീഖ്, മീഡിയ കണ്‍വീനര്‍ ടി.പി. ഇല്യാസ് എന്നിവര്‍ പങ്കെടുത്തു.

SOLIDARITY IRIKKUR AREA

പ്രതിഷേധിച്ചു

ഇരിക്കൂര്‍: സോളിഡാരിറ്റി മലബാര്‍ നിവര്‍ത്തന പ്രക്ഷോഭത്തിന്റെ പ്രചാരണാര്‍ഥമുള്ള ഇരിക്കൂര്‍ ടൌണിലെ ചുവരെഴുത്ത് നശിപ്പിച്ചതില്‍ സോളിഡാരിറ്റി യോഗം പ്രതിഷേധിച്ചു. ഭാരവാഹികള്‍ ഇരിക്കൂര്‍ പൊലീസില്‍ പരാതി നല്‍കി. യോഗത്തില്‍ കെ. ഫാറൂഖ് അധ്യക്ഷത വഹിച്ചു. എന്‍.വി. താഹിര്‍, കെ. സലീം, കെ. മഷ്ഹൂദ്, കെ. ഹാരിസ് എന്നിവര്‍ സംസാരിച്ചു.

GIO KANNUR

ജി.ഐ.ഒ പഠനക്യാമ്പ്

തലശേãരി: ചൊക്ലി ജി.ഐ.ഒവിന്റെ ആഭിമുഖ്യത്തില്‍ വിദ്യാര്‍ഥിനികള്‍ക്കായി പഠനക്യാമ്പ് സംഘടിപ്പിച്ചു. അഫീദ ഖുര്‍ആന്‍ പഠനക്ലാസ് നടത്തി. ഏരിയാ പ്രസിഡന്റ് നബീല അധ്യക്ഷത വഹിച്ചു. ജമാഅത്തെ ഇസ്ലാമി വനിതാ ജില്ലാ സമിതിയംഗം ജബീന, സി.പി. ലാമിയ, അഫീദ എന്നിവര്‍ സംസാരിച്ചു.

SIO KANNUR AREA

 എസ്.ഐ.ഒ കണ്ണൂര്‍ ഏരിയ സംഘടിപ്പിച്ച ഇസ്ലാം പഠനശാല ജില്ലാ പ്രസിഡന്റ് ശംസീര്‍ ഇബ്രാഹിം  ഉദ്ഘാടനം ചെയ്യുന്നു.

മഅ്ദനിക്ക് മാനുഷിക പരിഗണന നല്‍കണം -ഐ.എന്‍.എല്‍

മഅ്ദനിക്ക് മാനുഷിക പരിഗണന നല്‍കണം -ഐ.എന്‍.എല്‍

അബ്ദുന്നാസര്‍ മഅ്ദനിക്ക് മാനുഷിക പരിഗണന നല്‍കാന്‍ കേരള സര്‍ക്കാര്‍ കര്‍ണാടക സര്‍ക്കാറിനോട് അഭ്യര്‍ഥിക്കണമെന്ന് ഇന്ത്യന്‍ നാഷനല്‍ ലീഗ് ജില്ലാ പ്രസിഡന്റ് അഡ്വ. എം.സി. ഹാശിം, ജനറല്‍ സെക്രട്ടറി അഷ്റഫ് പുറവൂര്‍ എന്നിവര്‍ പ്രസ്താവനയില്‍ ആവശ്യപ്പെട്ടു.

വലിയന്നൂരില്‍ യൂത്ത്ലീഗ് പ്രവര്‍ത്തകന് വെട്ടേറ്റു

വലിയന്നൂരില്‍ യൂത്ത്ലീഗ് പ്രവര്‍ത്തകന് വെട്ടേറ്റു

കണ്ണൂര്‍: യൂത്ത്ലീഗ് പ്രവര്‍ത്തകനെ ഒരുസംഘം വെട്ടിപ്പരിക്കേല്‍പിച്ചു. മുസ്ലിം യൂത്ത് ലീഗ് പുറത്തീല്‍ ശാഖ വൈസ് പ്രസിഡന്റ് പുറത്തീല്‍ മക്രീല്‍ വീട്ടില്‍ നിയാസിനാണ് (25) ഇന്നലെ രാത്രി ഏഴുമണിയോടെ വെട്ടേറ്റത്. കൈക്കും വയറിനും പുറംഭാഗത്തും വെട്ടേറ്റ നിയാസിനെ തലശേãരി ഇന്ദിരാഗാന്ധി സഹകരണാശുപത്രിയില്‍ പ്രവേശിപ്പിച്ചു. സി.പി.എമ്മുകാരാണ് അക്രമത്തിനു പിന്നിലെന്ന് മുസ്ലിംലീഗ് ആരോപിച്ചു.
സ്കൂട്ടറില്‍ സഞ്ചരിക്കുകയായിരുന്ന നിയാസിനെ വലിയന്നൂര്‍ കനാല്‍ പാലത്തിനു സമീപംവെച്ച് കാറിലെത്തിയ സംഘം തടഞ്ഞുനിര്‍ത്തി വെട്ടിപ്പരിക്കേല്‍പിക്കുകയായിരുന്നുവത്രെ.
അടിയന്തര ശസ്ത്രക്രിയക്ക് വിധേയനാക്കിയ നിയാസിനെ മുസ്ലിംലീഗ് ജില്ലാ ജനറല്‍ സെക്രട്ടറി ബി.പി. ഫാറൂഖ്, അഡ്വ. പി.വി. സൈനുദ്ദീന്‍, അഡ്വ. കെ.എ. ലത്തീഫ്, എം.പി. മുഹമ്മദലി, കെ.പി. താഹിര്‍ എന്നിവര്‍ സന്ദര്‍ശിച്ചു. അക്രമികളെ ഉടന്‍ അറസ്റ്റു ചെയ്യണമെന്ന് കണ്ണൂര്‍ മണ്ഡലം മുസ്ലിം യൂത്ത്ലീഗ് കമ്മിറ്റി ആവശ്യപ്പെട്ടു. എം. മുസ്ലിഹ്, അഷ്റഫ്, എം. മഹറൂഫ്, സമീര്‍ എന്നിവര്‍ സംസാരിച്ചു. യൂത്ത്ലീഗ് പ്രവര്‍ത്തകനെ ആക്രമിച്ച സംഭവത്തില്‍ കണ്ണൂര്‍ മണ്ഡലം എം.എസ്.എഫ് കമ്മിറ്റി പ്രതിഷേധിച്ചു.

ഫണ്ട് പേരിനുമാത്രം
മുണ്ടേരിയില്‍മാലിന്യ നിര്‍മാര്‍ജന
പ്രവര്‍ത്തനം അവതാളത്തില്‍

മുണ്ടേരിയില്‍ മാലിന്യ നിര്‍മാര്‍ജനത്തിന് ഓരോ വാര്‍ഡിന് അനുവദിച്ചത് നാമമാത്ര തുകയെന്ന് ആരോപണം.
 പഞ്ചായത്തിലെ ഓരോ വാര്‍ഡിനും ശുചീകരണ^ബോധവത്കരണ പ്രവര്‍ത്തനങ്ങള്‍ക്ക് അനുവദിച്ചത് അയ്യായിരം രൂപ മാത്രമാണ്. കുറഞ്ഞ തുക കൊണ്ട് ഫലപ്രദമായ പ്രവര്‍ത്തനങ്ങളൊന്നും നടത്താന്‍ സാധിക്കുന്നില്ലെന്നാണ് മെംബര്‍മാരുടെ അഭിപ്രായം. കേവലം ലഘുനോട്ടീസുകള്‍ മാത്രമാണ് പ്രധാന കവലകളില്‍ വിതരണം ചെയ്തത്.
കുടുക്കിമൊട്ട, ഏച്ചൂര്‍, കാഞ്ഞിരോട്, മുണ്ടേരിമൊട്ട തുടങ്ങിയ ബസാറുകളിലും പാതയോരങ്ങളിലും മാലിന്യം കുമിഞ്ഞുകൂടുമ്പോഴും ആരോഗ്യ പ്രവര്‍ത്തകരും വാര്‍ഡ് മെംബര്‍മാരും നടപടിയെടുക്കാത്തതിനാല്‍ പ്രതിഷേധം ഉയര്‍ന്നിട്ടുണ്ട്.

SOLIDARITY KANNUR

നിവര്‍ത്തന പ്രക്ഷോഭ പ്രഖ്യാപന സമ്മേളനം

മട്ടന്നൂര്‍: മാറിവരുന്ന സര്‍ക്കാറുകള്‍ മലബാര്‍ മേഖലയോട് കാണിച്ച വിവേചനത്തിനെതിരെ സോളിഡാരിറ്റി നടത്തുന്ന മലബാര്‍ നിവര്‍ത്തന പ്രക്ഷോഭത്തിന്റെ റാലിയും പ്രഖ്യാപന സമ്മേളനവും ഒക്ടോബര്‍ 10ന് ഇരിട്ടിയില്‍ നടക്കും.
പരിപാടിയില്‍ സോളിഡാരിറ്റി സംസ്ഥാന പ്രസിഡന്റ് പി.ഐ. നൌഷാദ്, ജമാഅത്തെ ഇസ്ലാമി സംസ്ഥാന ജനറല്‍ സെക്രട്ടറി പി. മുജീബ്റഹ്മാന്‍, എസ്.ഐ.ഒ സംസ്ഥാന പ്രസിഡന്റ് ശിഹാബ് പൂക്കോട്ടൂര്‍, അറക്കല്‍ ആദിരാജ, പ്രഫ. കോയമ്മ, ഡോ. ജോസ് മണിപ്പാറ, ശ്രീരാമന്‍ കൊയ്യോന്‍, മഹേഷ്ചന്ദ്രബാലിഗ, കൃഷ്ണന്‍ മാസ്റ്റര്‍, കഴവൂര്‍ ജോണ്‍സന്‍ എന്നിവര്‍ പങ്കെടുക്കും.
പരിപാടിയുടെ വിജയത്തിനായി ടി.കെ. അസ്ലം, എന്‍.വി. ത്വാഹിര്‍, നൌഷാദ് മേത്തര്‍, ടി.കെ. റഷീദ്, സി. അലി, ഷഫീര്‍ ആറളം, കെ.കെ.റഹീം എന്നിവര്‍ അംഗങ്ങളായി സ്വാഗതസംഘം രൂപവത്കരിച്ചു. യോഗത്തില്‍ കെ. സാദിഖ് അധ്യക്ഷത വഹിച്ചു. കെ.വി. നിസാര്‍ സംസാരിച്ചു.

SOLIDARITY KANNUR

ARAMAM MONTHLY

GIO KANNUR

വനിതാ കോഡ് ബില്‍
മൌലികാവകാശ ലംഘനം -ജി.ഐ.ഒ

കണ്ണൂര്‍: സ്ത്രീകളുടെയും കുട്ടികളുടെയും ക്ഷേമത്തിന് വേണ്ടി തയാറാക്കിയ വനിതാ കോഡ് ബില്ലില്‍ കുഞ്ഞുങ്ങളെ നശിപ്പിക്കാന്‍ പ്രേരിപ്പിക്കുന്നത് മൌലികാവകാശ ലംഘനമാണെന്ന് ജി.ഐ.ഒ സംസ്ഥാന പ്രസിഡന്റ് എ.ആര്‍. തസ്നീം അഭിപ്രായപ്പെട്ടു. ജനസംഖ്യ നിയന്ത്രിക്കാന്‍ കിരാത നിയമങ്ങള്‍ അടിച്ചേല്‍പിക്കുന്നത് അംഗീകരിക്കാനാവില്ല. അങ്ങേയറ്റം മനുഷ്യത്വവിരുദ്ധവും ജനാധിപത്യ വിരുദ്ധവുമായ നിര്‍ദേശങ്ങള്‍ നടപ്പാക്കുന്നതിനെ ചെറുത്തുതോല്‍പിക്കുമെന്നും അവര്‍ പറഞ്ഞു.

പെരിങ്ങാടി അല്‍ഫലാഹ് കാമ്പസില്‍ ജി.ഐ.ഒ ഏരിയാകമ്മിറ്റി സംഘടിപ്പിച്ച സ്വീകരണസമ്മേളനം ഉദ്ഘാടനം ചെയ്യുകയായിരുന്നു അവര്‍. ജില്ലാ കമ്മിറ്റി അംഗം സി.പി. ലാമിയ അധ്യക്ഷത വഹിച്ചു. ജില്ലാ പ്രസിഡന്റ് ടി.കെ. ജംഷീറ മുഖ്യപ്രഭാഷണം നടത്തി. ജില്ലാ കമ്മിറ്റി അംഗങ്ങളായ കെ.കെ. സുഹൈല, സീനത്ത് കണ്ണൂര്‍, ചൊക്ലി ഏരിയാ പ്രസിഡന്റ് നബീല പെരിങ്ങാടി, സെക്രട്ടറി അഫീദ അഹമ്മദ്, ജമാഅത്തെ ഇസ്ലാമി വനിത വിഭാഗം ഏരിയാ പ്രസിഡന്റ് സി. ഹസീന, സെക്രട്ടറി ബിസ്മിന, അല്‍ഫലാഹ് കാമ്പസ് ഏരിയാ പ്രസിഡന്റ് ആബിദ ഖാലിദ്, സെക്രട്ടറി ഹാജറ മാഹി എന്നിവര്‍ സംസാരിച്ചു.

SOLIDARITY THALIPARAMBA AREA

സോളിഡാരിറ്റി യോഗം

തളിപ്പറമ്പ്: മലബാര്‍ വികസന അവഗണനക്കെതിരെ സോളിഡാരിറ്റി നടത്തുന്ന മലബാര്‍ നിവര്‍ത്തന പ്രക്ഷോഭം വിജയിപ്പിക്കാന്‍ സോളിഡാരിറ്റി തളിപ്പറമ്പ് ഏരിയാ സമിതി യോഗം തീരുമാനിച്ചു. ജില്ലാ ജനറല്‍ സെക്രട്ടറി ടി.കെ. മുഹമ്മദ് റിയാസ് ഉദ്ഘാടനം ചെയ്തു. പൊതുയോഗം, ടേബിള്‍ടോക്, പദയാത്ര, വാഹനജാഥ എന്നിവ നടത്തും. സെക്രട്ടറി കെ.കെ. ഖാലിദ് റിപ്പോര്‍ട്ട് അവതരിപ്പിച്ചു. ഉസ്മാന്‍ കുപ്പം, രതീഷ് പരിയാരം, ഷരീഫ്, ജലാല്‍ഖാന്‍ എന്നിവര്‍ സംസാരിച്ചു. ഏരിയാ പ്രസിഡന്റ് മിഫ്താഫ് അധ്യക്ഷത വഹിച്ചു. വൈസ് പ്രസിഡന്റ് നാരായണന്‍ നന്ദി പറഞ്ഞു.

SIO KANNUR

JIH KANHIRODE

 

 

 

 

 

 

 

 

 

 

 

 

 

 

 

 

 ജമാഅത്തെ ഇസ്ലാമി കാഞ്ഞിരോട് യൂനിറ്റ് പുറവൂര്‍ എലിക്കുളത്ത് നിര്‍മിച്ച് നല്‍കുന്ന വീടിന്റെ താക്കോല്‍ ദാനം

KANHIRODE NEWS

കമാല്‍ ഹാജി മാത്യകയാകുന്നു
  നന്മയില്‍ പരസ്പരം സഹകരിക്കണം
-എ.കെ. കമാല്‍ ഹാജി

പുറവൂര്‍: നന്മയിലും ജനസേവന പ്രവര്‍ത്തനങ്ങളിലും മതസംഘടനാ ഭേദമന്യേ പരസ്പരം സഹകരിച്ച് പ്രവര്‍ത്തിക്കണമെന്ന് പുറവൂര്‍ മഹല്ല് ജമാഅത്ത് പ്രസിഡന്റ് എ.കെ. കമാല്‍ ഹാജി പറഞ്ഞു. പുറവൂര്‍ എലിക്കുളത്ത് ജമാഅത്തെ ഇസ്ലാമി കാഞ്ഞിരോട് യൂനിറ്റ് നിര്‍മിച്ചുനല്‍കുന്ന വീടിന്റെ ആധാരം കൈമറി സംസാരിക്കുകയായിരുന്നു അദ്ദേഹം.
     മൂന്ന് താലൂക്കുകളും (കണ്ണൂര്‍, തലശേãരി, തളിപ്പറമ്പ്) മൂന്ന് നിയമസഭാ മണ്ഡലങ്ങളും (കണ്ണൂര്‍, തളിപ്പറമ്പ്, മട്ടന്നൂര്‍) മൂന്ന് പഞ്ചായത്തുകളിലുമായി (മുണ്ടേരി, കൂടാളി, കുറ്റ്യാട്ടൂര്‍) വ്യാപിച്ചുകിടക്കുന്ന മഹല്ലാണ് പുറവൂര്‍. പടന്നോട്ട്, തരിയേരി, വേശാല മഹല്ലുകള്‍ മുമ്പ് പുറവൂര്‍ മഹല്ലില്‍ ഉണ്ടായിരുന്നവയാണ്. സമസ്ത നേതാവ് എന്ന നിലക്ക് കേരളത്തില്‍ അങ്ങോളമിങ്ങോളമുള്ള മഹല്ലുകള്‍ സന്ദര്‍ശിക്കാന്‍ എനിക്ക് അവസരം കിട്ടിയിട്ടുണ്ട്. ഭൂമിശാസ്ത്രപരമായി ഇത്രയും പ്രത്യേകളുള്ള മഹല്ല് കേരളത്തില്‍ വേറെയില്ല. പുറവൂര്‍ മഹല്ല് പുരോഗതിയുടെ പാതയിലാണ്. ഇന്ന് കണ്ണൂര്‍ ജില്ലയില്‍ തന്നെ അറിയപ്പെടുന്ന മഹല്ലാണ് ഇത്. കഴിഞ്ഞ ഏതാനും വര്‍ഷങ്ങള്‍ക്കിടയില്‍ വന്‍ പുരോഗതിയാണ് ഇവിടയുെണ്ടായിട്ടുള്ളത്.
     ഞാന്‍ ജമാഅത്തെ ഇസ്ലാമിയുടെ പരിപാടിയില്‍ പങ്കെടുക്കുന്നത് പലരിലും വിസ്മയം ഉളവാക്കിയിട്ടുണ്ട്. ഇതില്‍ അദ്ഭുതപ്പെടാനൊന്നുമില്ല. ഞാന്‍ ജമാഅത്തുകാരനല്ല. ഒരിക്കലും ജമാഅത്തുകാരനാകാന്‍ പോകുന്നുമില്ല. അതിന്റെ ആവശ്യവുമില്ല. നന്മയില്‍ ആരുമായും സഹകരിക്കും. എല്ലാവരും ഇങ്ങനെ തന്നെയാണ് ചെയ്യേണ്ടത്. ഞാന്‍ ജനിച്ചയും വളര്‍ന്നതും കല്യാണം കഴിച്ചതും വീടുവെച്ചതും പുറവൂര്‍ മഹല്ലില്‍ തന്നെയാണ്. നിങ്ങള്‍ക്കിടയില്‍ തന്നെ ജീവിച്ചവനാണ് ഞാന്‍. ശ്രീലങ്കയിലോ മറ്റോ പോയി ഉണ്ടാക്കിയതല്ല ഇതൊന്നും. നിങ്ങള്‍ക്കിടയില്‍ നിങ്ങളിലൊരാളായി ജീവിക്കുന്നവനാണ് ഞാന്‍. ഇവിടെ വീട് നിര്‍മിച്ചുനല്‍കിയത് നല്ല കാര്യമാണ്. ഇത്തരം കാര്യങ്ങളില്‍ കക്ഷിഭേദമന്യേ എല്ലാവരും പരസ്പരം സഹകരിക്കണം.
തികഞ്ഞ ശ്രദ്ധയോടെയാണ് കമാല്‍ ഹാജിയുടെ പ്രസംഗം സദസ്സ് കാതോര്‍ത്തത്. തന്റെ സ്വദസിദ്ദമായ ശൈലിയില്‍ നര്‍മം കലര്‍ന്ന പ്രസംഗത്തിലൂടെ അദ്ദേഹം സദസ്സിനെ പിടിച്ചുനിര്‍ത്തുകയായിരുന്നു. കഴിഞ്ഞ ജുമുഅ ദിവസം പുറവൂര്‍ പള്ളിയില്‍ നമസ്കാരാനന്തരം താക്കോല്‍ദാന പരിപാടിയെക്കുറിഞ്ഞ് അദ്ദേഹം സംസാരിച്ചിരുന്നു. മഹത്കര്‍മമാണെന്ന് നടക്കുന്നതെന്നും എല്ലാവരും സഹകരിക്കണമെന്നും ഇദ്ദേഹം ഉദ്ബോധിപ്പിച്ചിരുന്നു.
    സമസ്തയിലെ ജില്ലയിലെ അറിയപ്പെടുന്ന നേതാവും മതപ്രഭാഷണ പരമ്പരകളിലെയും പൊതുപരിപാടികളിലെയും നിറസാന്നിധ്യമാണ് കമാല്‍ ഹാജി. മദ്റസ മാനേജ്മെന്റ് അസോസിയേഷന്‍ ജില്ലാ പ്രസിഡന്റ്,  സംയുക്ത മുസ്ലിം ജമാഅത്ത് ജില്ലാ ട്രഷറര്‍, കണ്ണൂര്‍ ഇസ്ലാമിക് സെന്റര്‍ ജില്ലാ ട്രഷറര്‍, പുറവൂര്‍ മഹല്ല് ജമാഅത്ത് പ്രസിഡന്റ് തുടങ്ങിയ സ്ഥാനങ്ങള്‍ വഹിക്കുന്ന അദ്ദേഹം ജില്ലയിലെ തന്നെ സാമൂഹിക സേവന രംഗങ്ങളിലെ സജീവ സാന്നിധ്യമാണ്. കഴിഞ്ഞ 25 വര്‍ഷത്തിലധികമായി പുറവൂര്‍ മഹല്ല് പ്രസിഡന്റായി പ്രവര്‍ത്തിക്കുന്നു. മഹല്ല് ഭാരവാഹിയായി 25 വര്‍ഷം പൂര്‍ത്തിയാക്കിയതിന്റെ ആദരസൂചകമായി പുറവൂരിലെ പൌരാവലി ഇദ്ദേഹത്തെ ആദരിച്ചിരുന്നു.
    ഈ പുതിയ സംഘടനാ സംസ്കാരം നാട്ടില്‍ ചര്‍ച്ചാ വിഷയമായിട്ടുണ്ട്. പലരും എസ്.എം.എസിലൂടെയും ഫോണിലൂടെയും അഭിനന്ദനങ്ങള്‍ അറിയിച്ചിട്ടുണ്ട്. കക്ഷിഭേദമന്യേ എല്ലാവരും സഹകരിച്ചു പ്രവര്‍ത്തിച്ചാല്‍ നാടിന്റെ പുരോഗതിക്ക് വലിയ മുതല്‍കൂട്ടാവുമെന്നാണ് അഭിപ്രായം.

PRABODHANAM WEEKLY

JIH KANHIRODE

 

വീടിന്റെ താക്കോല്‍ കൈമാറി

കാഞ്ഞിരോട്: ജമാഅത്തെ ഇസ്ലാമി കാഞ്ഞിരോട് ഹല്‍ഖ പുറവൂര്‍ എലിക്കുളത്ത് നിര്‍മിച്ചുനല്‍കുന്ന വീടിന്റെ താക്കോല്‍ദാനം കണ്ണൂര്‍ നൂര്‍ മസ്ജിദ് ഖത്തീബ് യു.പി. സിദ്ദീഖ് മാസ്റ്റര്‍ നിര്‍വഹിച്ചു. ആധാരം കൈമാറല്‍ പുറവൂര്‍ മഹല്ല് പ്രസിഡന്റ് കമാല്‍ ഹാജി നിര്‍വഹിച്ചു. ജമാഅത്തെ ഇസ്ലാമി കണ്ണൂര്‍ ഏരിയാ പ്രസിഡന്റ് ഹനീഫ മാസ്റ്റര്‍ അധ്യക്ഷത വഹിച്ചു. പുറവൂര്‍ മഹല്ല് സെക്രട്ടറി പി.സി. കുഞ്ഞിമുഹമ്മദ്, എ. നസീര്‍ എന്നിവ സംസാരിച്ചു. ജമാഅത്തെ ഇസ്ലാമി കാഞ്ഞിരോട് ഹല്‍ഖ നാസിം അഹമ്മദ് പാറക്കല്‍ സ്വാഗതവും സി.എച്ച്. മുസ്തഫ മാസ്റ്റര്‍ നന്ദിയും പറഞ്ഞു.

CIGI KANNUR

സിജി ശില്‍പശാല

കണ്ണൂര്‍: സിജി സംഘടിപ്പിക്കുന്ന ഏഡ്^ഓണ്‍ ക്രിയേറ്റീവ് കമ്യൂണിക്കേഷന്‍ ശില്‍പശാല ഒക്ടോബര്‍ അഞ്ച്, ആറ് തീയതികളില്‍ ചേവായൂര്‍ സിജി കാമ്പസില്‍ നടക്കും. അധ്യാപകര്‍, പരിശീലകര്‍, കൌണ്‍സിലര്‍, ബിരുദ^മാനേജ്മെന്റ് വിദ്യാര്‍ഥികള്‍, മാധ്യമ പ്രവര്‍ത്തകര്‍, സെയില്‍സ് ആന്‍ഡ് മാര്‍ക്കറ്റിങ് പ്രഫഷനല്‍സ്, നേതൃരംഗത്ത് പ്രവര്‍ത്തിക്കുന്നവര്‍, സാമൂഹിക പ്രവര്‍ത്തകര്‍ എന്നിവര്‍ക്ക് പങ്കെടുക്കാം. ഫോണ്‍: 9947099460, 0495^2351366.

SOLIDARITY IRIKKUR AREA

സോളിഡാരിറ്റി ഏരിയ കണ്‍വെന്‍ഷന്‍

ഇരിക്കൂര്‍: സോളിഡാരിറ്റി ഇരിക്കൂര്‍ ഏരിയ കണ്‍വെന്‍ഷന്‍ ജില്ലാ സെക്രട്ടറി കെ. സാദിഖ് ഉദ്ഘാടനം ചെയ്തു. ഏരിയ പ്രസിഡന്റ് ത്വാഹിര്‍ ഇരിക്കൂര്‍ അധ്യക്ഷത വഹിച്ചു. സെക്രട്ടറി ഇഖ്ബാല്‍ ചെങ്ങളായി സ്വാഗതം പറഞ്ഞു.
മലബാറിനോട് ഭരണാധികാരികള്‍ കാണിക്കുന്ന വിവേചനം അവസാനിപ്പിക്കുക എന്ന മുദ്രാവാക്യവുമായി സോളിഡാരിറ്റി സംസ്ഥാന വ്യാപകമായി നടത്തുന്ന മലബാര്‍ നിവര്‍ത്തന പ്രക്ഷോഭം വിജയിപ്പിക്കാന്‍ കണ്‍വെന്‍ഷന്‍ തീരുമാനിച്ചു. പരിപാടിയുടെ ഭാഗമായി പദയാത്ര, വാഹനജാഥ, പൊതുയോഗം, ജനസമ്പര്‍ക്ക പരിപാടി എന്നിവ നടക്കും.

MALARVADY MONTHLY

MEDIA ONE

'മീഡിയ വണ്‍'  ചാനലിന്
സംപ്രേഷണ  അനുമതി

മാധ്യമം ബ്രോഡ്കാസ്റ്റിങ് ലിമിറ്റഡിന് കീഴിലെ 'മീഡിയ വണ്‍' ടി.വി ചാനലിന് കേന്ദ്ര വാര്‍ത്താവിതരണ-പ്രക്ഷേപണ മന്ത്രാലയത്തിന്റെ സംപ്രേഷണ അനുമതി ലഭിച്ചു. വാര്‍ത്തയും ആനുകാലിക-വിനോദ പരിപാടികളും ഉള്‍ക്കൊള്ളുന്ന മലയാളം ടെലിവിഷന്‍ ചാനലാണ് 'മീഡിയ വണ്‍' എന്ന് മാനേജിങ് ഡയറക്ടര്‍ ഡോ. കെ. യാസീന്‍ അശ്റഫ് അറിയിച്ചു.

SIO KANNUR

KOODAMKULAM

 

 ആണവനിലയ വിരുദ്ധ 

ഐക്യദാര്‍ഢ്യ യാത്ര തുടങ്ങി

പാടിയോട്ടുചാല്‍: ആണവനിലയ സമരം വിജയിച്ച  പെരിങ്ങോത്തുനിന്ന് തമിഴ്നാട്ടിലെ കൂടംകുളത്തേക്കുള്ള ആണവ നിലയ വിരുദ്ധ ഐക്യദാര്‍ഢ്യ യാത്ര എന്‍ഡോസള്‍ഫാന്‍ സമരനായിക ലീലാകുമാരിയമ്മ ഉദ്ഘാടനം ചെയ്തു. സര്‍ക്കാര്‍ എന്നാല്‍, മനുഷ്യരാണെന്നും മനുഷ്യര്‍ക്കുവേണ്ടി പ്രവര്‍ത്തിക്കുന്ന സംവിധാനമായി സര്‍ക്കാറുകള്‍ പ്രവര്‍ത്തിക്കണമെന്നും അവര്‍ പറഞ്ഞു. മാനവരാശിയുടെ നിലനില്‍പിന് ഭീഷണി വരുത്തുന്ന പ്രവര്‍ത്തനങ്ങള്‍ ഒരിക്കലും സര്‍ക്കാറിന്റെ ഭാഗത്തുനിന്നുണ്ടാവരുത്. അത് ഭരണകര്‍ത്താക്കള്‍ ശ്രദ്ധിക്കണം.  യാത്ര ഉദ്ഘാടനം ചെയ്യുന്ന ഇന്ന് ഞാന്‍ സന്തോഷവതിയാണ്. എന്‍ഡോസള്‍ഫാനെതിരെ ഞാന്‍ സുപ്രീംകോടതിയില്‍ സമര്‍പ്പിച്ച വിധി എനിക്ക് അനുകൂലമായത് ഇന്നാണ്-അവര്‍ പറഞ്ഞു.
ചില സമയത്ത് നിരക്ഷരര്‍ നടത്തുന്ന സമരപ്രവര്‍ത്തനങ്ങള്‍ പോലും അംഗീകരിക്കേണ്ടിവരുമെന്നും ആദിവാസികള്‍ നിലനില്‍പിന് വേണ്ടി നടത്തുന്ന സമരങ്ങള്‍ ഭരണവര്‍ഗത്തിന്റെ തെറ്റായ നയങ്ങള്‍ക്കെതിരെയുള്ള ചലനങ്ങളാണെന്നും സിവിക് ചന്ദ്രന്‍ പറഞ്ഞു. ആണവ നിലയ വിരുദ്ധ സമര ഐക്യദാര്‍ഢ്യ സമിതി ചെയര്‍മാന്‍ വി.കെ. രവീന്ദ്രന്‍ അധ്യക്ഷത വഹിച്ചു.  ആണവനിലയ വിരുദ്ധ സമരസമിതി ചെയര്‍മാന്‍ ഡോ. ഡി. സുരേന്ദ്രനാഥ്, സോളിഡാരിറ്റി സംസ്ഥാന സെക്രട്ടറി റസാഖ് പാലേരി, എഴുത്തുകാരന്‍ കെ. രാമചന്ദ്രന്‍, പോരാട്ടം കണ്‍വീനര്‍ അഡ്വ. പി.ജെ. മാനുവല്‍, ഫെയര്‍ട്രേഡ് ചെയര്‍മാന്‍ തോമസ് കുളപ്പുരക്കല്‍, വി.ആര്‍.കൃഷ്ണയ്യര്‍, ലോ ഫൌണ്ടേഷന്‍ വൈസ് ചെയര്‍മാന്‍ ഷാജി തലവില്‍ എന്നിവര്‍ സംസാരിച്ചു. എന്‍. സുബ്രഹ്മണ്യന്‍ സ്വാഗതവും പെരിങ്ങോം ഹാരിസ് നന്ദിയും പറഞ്ഞു.
ജാഥ പയ്യന്നൂരില്‍നിന്ന് ഇന്ന് രാവിലെ ആറിന് പുറപ്പെടും. കോഴിക്കോട്, കോട്ടക്കല്‍, തൃശൂര്‍, എറണാകുളം, തിരുവനന്തപുരം എന്നിവിടങ്ങളിലെ സ്വീകരണങ്ങള്‍ക്കുശേഷം രണ്ടിന് തമിഴ്നാട് കൂടംകുളത്ത് എത്തും.
ആണവ നിലയ പദ്ധതികള്‍ ഉപേക്ഷിക്കുക, കൂടംകുളത്തെ ആണവ പദ്ധതി ഉപേക്ഷിക്കാന്‍ കേരള നിയമസഭ പ്രമേയം പാസാക്കുക എന്നിവയാണ് ജാഥയുടെ മുദ്രാവാക്യം. വടക്കന്‍ മേഖല ജാഥയെ സിവിക് ചന്ദ്രന്‍, ഡോ. ഡി. സുരേന്ദ്രനാഥ്, എം.എ. റഹ്മാന്‍ എന്നിവര്‍ നയിക്കും.  കോതമംഗലത്ത് നിന്നുവരുന്ന തെക്കന്‍ മേഖല ജാഥയും ഒക്ടോബര്‍ രണ്ടിന് കൂടംകുളത്ത് സംഗമിക്കും.

SOLIDARITY KOOTHUPARAMBA AREA

സോളിഡാരിറ്റി പൊതുയോഗം

കൂത്തുപറമ്പ്: സോളിഡാരിറ്റി കൂത്തുപറമ്പ് ഏരിയാ കമ്മിറ്റിയുടെ ആഭിമുഖ്യത്തില്‍ ടൌണില്‍ പൊതുയോഗം സംഘടിപ്പിച്ചു. മറോളിഘട്ട് ടൌണ്‍സ്ക്വയറില്‍ നടന്ന പരിപാടി ജില്ലാ വൈസ് പ്രസിഡന്റ് എന്‍.എം. ഷഫീഖ് ഉദ്ഘാടനം ചെയ്തു. ഏരിയാ പ്രസിഡന്റ് പി.സി. അനസ് അധ്യക്ഷത വഹിച്ചു. തലക്കുപിടിച്ച സാമ്രാജ്യത്വം' എന്ന വിഷയത്തില്‍ പ്രബോധനം എഡിറ്റര്‍ സദറുദ്ദീന്‍ വാഴക്കാട് പ്രഭാഷണം നടത്തി. ടി.കെ. ഷഫീഖ്, അനൂപ്കുമാര്‍, സുബൈര്‍ എന്നിവര്‍ സംസാരിച്ചു. അനൂപ്കുമാര്‍ സംവിധാനം ചെയ്ത ഹ്രസ്വചിത്രം 'തുള്ളിക്കുടം' ഡോക്യുമെന്ററിയുടെ പ്രദര്‍ശനവുമുണ്ടായി.

SOLIDARITY KANNUR

 

 എന്‍ഡോസള്‍ഫാന്‍ നിരോധം:
ആഹ്ലാദ പ്രകടനം നടത്തി

കൂത്തുപറമ്പ്: എന്‍ഡോസള്‍ഫാന്‍ കീടനാശിനിക്ക് ഏര്‍പ്പെടുത്തിയ നിരോധം തുടരുമെന്ന സുപ്രീം കോടതിവിധി സ്വാഗതാര്‍ഹമാണെന്ന് സോളിഡാരിറ്റി ജില്ലാ വൈസ് പ്രസിഡന്റ് എന്‍.എം. ശഫീഖ് പറഞ്ഞു. സോളിഡാരിറ്റി കൂത്തുപറമ്പ് ഏരിയാ കമ്മിറ്റി കൂത്തുപറമ്പ് ടൌണില്‍  സംഘടിപ്പിച്ച ആഹ്ലാദപ്രകടനം ഉദ്ഘാടനം ചെയ്യുകയായിരുന്നു അദ്ദേഹം. ജില്ലാ സെക്രട്ടറി ടി.കെ. മുഹമ്മദ് അസ്ലം സംസാരിച്ചു. ഏരിയാ പ്രസിഡന്റ് പി.സി. അനസ് അധ്യക്ഷത വഹിച്ചു. പ്രകടനത്തിന് ഏരിയാ വൈസ് പ്രസിഡന്റ് അനൂപ്കുമാര്‍, സെക്രട്ടറി സുബൈര്‍, ജില്ലാസമിതി അംഗങ്ങളായ എന്‍.വി. താഹിര്‍, പി.എ. സഈദ്, പി. ശിഹാബുദ്ദീന്‍, നൌഷാദ് മേത്തര്‍ എന്നിവര്‍ നേതൃത്വം നല്‍കി.
തലശേãരി: സോളിഡാരിറ്റി തലശേãരി ഏരിയാ കമ്മിറ്റി നടത്തിയ ആഹ്ലാദപ്രകടനത്തിന് ജില്ലാ സെക്രട്ടറി അജ്മല്‍, കെ.എം. അശ്ഫാഖ്, കെ. നിയാസ്, ഏരിയാ സെക്രട്ടറി സാജിദ് എന്നിവര്‍ നേതൃത്വം നല്‍കി.
പാനൂര്‍: പാനൂര്‍ ടൌണില്‍ സോളിഡാരിറ്റി പാനൂര്‍ ഏരിയാ കമ്മിറ്റി നടത്തിയ ആഹ്ലാദ പ്രകടനത്തിന് ഏരിയാ പ്രസിഡന്റ് പി. ശിഹാബുദ്ദീന്‍, വൈസ് പ്രസിഡന്റ് അബ്ദുല്‍ മനാഫ്, ഒ.ടി. നാസര്‍, ഉമറുല്‍ ഫാറൂഖ് എന്നിവര്‍ നേതൃത്വം നല്‍കി.
പെരിങ്ങത്തൂര്‍: സോളിഡാരിറ്റി പെരിങ്ങത്തൂര്‍ യൂനിറ്റ് സംഘടിപ്പിച്ച ആഹ്ലാദ പ്രകടനത്തിന് പ്രസിഡന്റ് സവാദ് റഹ്മാന്‍, സെക്രട്ടറി ജാനിഫ് മുസ്തഫ, ഫിര്‍ദൌസ്, ഉമറുല്‍ ഫാറൂഖ് എന്നിവര്‍ നേതൃത്വം നല്‍കി.

SIO KANNUR

 ഇസ്ലാം പഠനശാല അഞ്ചിന്

കണ്ണൂര്‍: എസ്.ഐ.ഒ കണ്ണൂര്‍ ഏരിയ വിദ്യാര്‍ഥികള്‍ക്കും യുവാക്കള്‍ക്കുമായി ഒക്ടോബര്‍ അഞ്ചിന് ഇസ്ലാം പഠനശാല സംഘടിപ്പിക്കുന്നു. രണ്ട് സെഷനുകളിലായി 'അല്ലാഹുവിലേക്ക് മടങ്ങുക', ഇസ്ലാം, ഇസ്ലാമിക പ്രസ്ഥാനം^ആദര്‍ശം, ലക്ഷ്യം, മാര്‍ഗം' എന്നീ വിഷയങ്ങളില്‍ പഠനവും ചര്‍ച്ചയും നടക്കും. പങ്കെടുക്കാന്‍ താല്‍പര്യമുള്ളവര്‍ ബന്ധപ്പെടുക. 

ഫോണ്‍: 8907521990, 8891295299, 9746437248.