ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----

Saturday, June 1, 2013

PRABODHANAM WEEKLY


വെല്‍ഫെയര്‍ പാര്‍ട്ടി ജില്ല വനിതാ വിങ് രൂപവത്കരണം

വെല്‍ഫെയര്‍ പാര്‍ട്ടി ജില്ല
വനിതാ വിങ് രൂപവത്കരണം
കണ്ണൂര്‍: വെല്‍ഫെയര്‍ പാര്‍ട്ടി ഓഫ് ഇന്ത്യ വനിതാ വിങ് ജില്ലാതല അഡ്ഹോക് കമ്മിറ്റി രൂപവത്കരണ കണ്‍വെന്‍ഷന്‍ നാളെ 9.30ന് കണ്ണൂര്‍ ട്രെയ്നിങ് സ്കൂളിന് മുന്‍വശത്തുള്ള ജില്ല കമ്മിറ്റി ഓഫിസ് ഹാളില്‍ നടക്കും. സംസ്ഥാന വൈസ് പ്രസിഡന്‍റ് പ്രേമ പിഷാരടി ഉദ്ഘാടനം ചെയ്യും.

ജി.ഐ.ഒ ഏരിയാ സമ്മേളനം

 ജി.ഐ.ഒ  ഏരിയാ സമ്മേളനം
തലശ്ശേരി: ജി.ഐ.ഒ  തലശ്ശേരി ഏരിയാ സമ്മേളനം ഇസ്ലാമിക് സെന്‍ററില്‍  ജില്ല സെക്രട്ടറി കെ .കെ. നാജിയ ഉദ്ഘാടനം ചെയ്തു. ആയിഷ തഹ്നിയ അധ്യക്ഷത വഹിച്ചു. വനിത ജില്ല സമിതി അംഗം ജബീന ഇര്‍ഷാദ് മുഖ്യ പ്രഭാഷണം നിര്‍വഹിച്ചു. ജില്ല സമിതി അംഗം സി.ടി. അമീന  സമാപനം നിര്‍വഹിച്ചു. എസ് .എസ് .എല്‍. സി, പ്ളസ്ടു ക്ളാസുകളില്‍ ഉന്നത വിജയം നേടിയവര്‍ക്ക് ഉപഹാരം നല്‍കി. നൂറ് സ്വാഗതവും നഫ്സീന നന്ദിയും പറഞ്ഞു.

സോളിഡാരിറ്റി കുടിവെള്ള പദ്ധതി നാടിനു സമര്‍പ്പിച്ചു

 സോളിഡാരിറ്റി കുടിവെള്ള പദ്ധതി
നാടിനു സമര്‍പ്പിച്ചു
പയ്യന്നൂര്‍: പയ്യന്നൂര്‍ നഗരസഭയുടെ സഹകരണത്തോടെ വെള്ളൂര്‍ കണിയേരിയില്‍ സ്ഥാപിച്ച സോളിഡാരിറ്റി ജനകീയ കുടിവെള്ള പദ്ധതി നാടിനു സമര്‍പ്പിച്ചു. ജമാഅത്തെ ഇസ്ലാമി പയ്യന്നൂര്‍ ഏരിയ പ്രസിഡന്‍റ് ജമാല്‍ കടന്നപ്പള്ളി സ്വിച്ചോണ്‍ കര്‍മം നിര്‍വഹിച്ചു. സോളിഡാരിറ്റി സംസ്ഥാന പ്രതിനിധിസഭാംഗം ടി.പി. മുഹമ്മദ് ശമീം മുഖ്യപ്രഭാഷണം നടത്തി. ജില്ല പ്രസിഡന്‍റ് ഫാറൂഖ് ഉസ്മാന്‍ അധ്യക്ഷത വഹിച്ചു. നഗരസഭാംഗം എം. വനജ, എ. ദാമോദരന്‍, പി.പി. ദാമോദരന്‍, പി. വേലായുധന്‍ തുടങ്ങിയവര്‍ സംസാരിച്ചു. ജില്ല സെക്രട്ടറി ടി.കെ. മുഹമ്മദ് റിയാസ് സ്വാഗതവും ഏരിയ പ്രസിഡന്‍റ് ശിഹാബ് അരവഞ്ചാല്‍ നന്ദിയും പറഞ്ഞു.
30ഓളം കുടുംബങ്ങള്‍ക്കായിരിക്കും പദ്ധതിയുടെ പ്രയോജനം ലഭിക്കുക. നഗരസഭയുടെ പൊതുകിണറില്‍നിന്ന് വെള്ളം ടാങ്കില്‍ ശേഖരിച്ച് വീടുകള്‍ക്കുമുന്നില്‍ സ്ഥാപിച്ച ടാപ്പുകളില്‍ എത്തിക്കും. സോളിഡാരിറ്റിയുടെ സംസ്ഥാന പദ്ധതിയില്‍ ഉള്‍പ്പെടുത്തി 1.75 ലക്ഷം രൂപ ചെലവഴിച്ചാണ് കുടിവെള്ള പദ്ധതി പൂര്‍ത്തിയാക്കിയത്. പൈപ്പിടലും മറ്റും പൂര്‍ണമായും ശ്രമദാനത്തിലൂടെയാണ് നടത്തിയത്. പയ്യന്നൂര്‍ ഏരിയയിലെ സോളിഡാരിറ്റി പ്രവര്‍ത്തകരോടൊപ്പം നാട്ടുകാരായ വേലായുധന്‍, നാരായണന്‍, സുനില്‍, സാജിദ്, ഷംസുദ്ദീന്‍, നസീര്‍ തുടങ്ങിയവരും ശ്രമദാനത്തില്‍ പങ്കാളികളായി. രണ്ടര മാസം മുമ്പാണ് പ്രവൃത്തി ആരംഭിച്ചത്.