ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----

Sunday, December 16, 2012

നാലുവയസ്സുകാരന്‍ ചികിത്സാ സഹായം തേടുന്നു

 നാലുവയസ്സുകാരന്‍ ചികിത്സാ 
സഹായം തേടുന്നു
ചക്കരക്കല്ല് (കണ്ണൂര്‍): ഉദാരമതികളുടെ കനിവ് തേടുകയാണ് വൃക്കരോഗിയായ കോയ്യോട് കിഴക്കെവീട്ടില്‍ നാലുവയസ്സുകാരന്‍ മുഹമ്മദ് ശാഫി.  പിതാവ് ശൗക്കത്തലി ആസ്ത്മ രോഗിയും കാലിന് സ്വാധീനക്കുറവു മൂലം അവശതയനുഭവിക്കുന്നയാളുമാണ്. 13ാം വാര്‍ഡില്‍ കോയ്യോട് മൊയാരം ബാങ്കിന് സമീപത്തെ  ജീര്‍ണിച്ച വീട്ടില്‍ താമസിക്കുന്ന അഞ്ചംഗ കുടുംബം നിത്യവൃത്തിക്കുതന്നെ ബുദ്ധിമുട്ടുകയാണ്. ശാഫിയുടെ മനോരോഗിയായ മാതാവ് ഖദീജ കോഴിക്കോട് കുതിരവട്ടം ആശുപത്രിയില്‍ ചികിത്സയിലാണ്.
സാമ്പത്തിക പരാധീനതമൂലം കുടുംബം തുടര്‍ചികിത്സക്കായി ബുദ്ധിമുട്ടുകയാണ്. ഷമീര്‍ പ്രസിഡന്‍റായും ബഷീര്‍ സെക്രട്ടറിയായും ചികിത്സാ സഹായ കമ്മിറ്റി രൂപവത്കരിച്ച്
കെ.വി. ഖദീജ കുടുംബ സഹായ കമ്മിറ്റി, കോയ്യോട് എന്ന പേരില്‍ കോര്‍പറേഷന്‍ ബാങ്ക് കണ്ണൂര്‍ ശാഖയില്‍ അക്കൗണ്ട് തുടങ്ങിയിട്ടുണ്ട്.
അക്കൗണ്ട് നമ്പര്‍ 002700101014544.
IFSC Code: 0000027.
Contact: Ibrahim Master, Mob: 9447 888 489

PRABODHANAM WEEKLY


മുണ്ടേരിക്കടവ് പക്ഷിസങ്കേതം മാലിന്യകേന്ദ്രമായതായി പരാതി

 മുണ്ടേരിക്കടവ് പക്ഷിസങ്കേതം
മാലിന്യകേന്ദ്രമായതായി പരാതി
കണ്ണൂര്‍: മുണ്ടേരിക്കടവ് പക്ഷിസങ്കേതം മാലിന്യനിക്ഷേപ കേന്ദ്രമായി മാറിയെന്നും പ്രദേശം മദ്യപസംഘങ്ങളുടെ താളവമായെന്നും പരാതി. മുണ്ടേരിക്കടവ് പക്ഷിസങ്കേതം പഠനഗ്രൂപ്പ് ഇതുസംബന്ധിച്ച് തലശ്ശേരി ആര്‍.ഡി.ഒയുടെ ചുമതല വഹിക്കുന്ന സബ്കലക്ടര്‍ക്ക് പരാതി നല്‍കി. മുണ്ടേരി പാലത്തിനു സമീപവും വാരംകടവ് പാലത്തിനു സമീപവുമാണ് ഇറച്ചിക്കോഴിയുടെ അവശിഷ്ടങ്ങളും ബാര്‍ബര്‍ഷോപ്പുകളിലെ മാലിന്യങ്ങളും വലിച്ചെറിയുന്നത്. ഈ മേഖലയില്‍ മാലിന്യം നിക്ഷേപിക്കുന്നതും മദ്യക്കുപ്പികള്‍ വലിച്ചെറിയുന്നതും നിയന്ത്രിക്കാന്‍ നടപടി സ്വീകരിക്കണമെന്ന് പഠനഗ്രൂപ്പ് കണ്‍വീനര്‍ നല്‍കിയ പരാതിയില്‍ അഭ്യര്‍ഥിച്ചു.

JIH PAPPINISSERY


PRABODHANAM WEEKLY