ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----

Thursday, July 5, 2012

SOCIAL AUDITING

പ്രവാസി വാര്‍ഷിക കുടുംബസംഗമം 18ന്

പ്രവാസി വാര്‍ഷിക
കുടുംബസംഗമം 18ന്
കണ്ണൂര്‍: ജില്ലയിലെ വിവിധ പ്രവാസി  ഇസ്ലാമിക് അസോസിയേഷനുകളുടെ വാര്‍ഷിക കുടുംബസംഗമം ജൂലൈ 18ന് നടത്താന്‍ പ്രസിഡന്‍റ്  ടി.കെ. മുഹമ്മദലിയുടെ അധ്യക്ഷതയില്‍ ചേര്‍ന്ന ജില്ലാ സമിതി യോഗം തീരുമാനിച്ചു. യു.എ.ഇ കണ്ണൂര്‍ ജില്ലാ ഇസ്ലാമിക് അസോസിയേഷന്‍, ഖത്തര്‍ കണ്ണൂര്‍ ജില്ലാ ഇസ്ലാമിക് അസോസിയേഷന്‍, ക്രിയ റിയാദ്, ജിദ്ദ കണ്ണൂര്‍ ജില്ലാ അസോസിയേഷന്‍, കിയ ദമാം, തുടങ്ങി ജില്ലയിലെ വിവിധ അസോസിയേഷനുകളെ പ്രതിനിധീകരിച്ച് പ്രവാസി കുടുംബങ്ങള്‍ സംഗമത്തില്‍ പങ്കെടുക്കും. കണ്ണൂര്‍ ചേംബര്‍ ഹാളില്‍ രാവിലെ തുടങ്ങുന്ന സംഗമത്തില്‍ പ്രമുഖ വ്യക്തിത്വങ്ങള്‍ പ്രഭാഷണം നടത്തും. ആദംകുട്ടി, സി.കെ. അബ്ദുല്‍ജബ്ബാര്‍, ഹനീഫമാസ്റ്റര്‍ എന്നിവരെ സ്റ്റിയറിങ് കമ്മിറ്റി സാരഥികളായി തെരഞ്ഞെടുത്തു. 

ക്രെഡിറ്റ് ആന്‍ഡ് സെമസ്റ്റര്‍; ടേബിള്‍ടോക്ക് നാളെ

ക്രെഡിറ്റ് ആന്‍ഡ് സെമസ്റ്റര്‍; 
ടേബിള്‍ടോക്ക് നാളെ
കണ്ണൂര്‍: ‘ക്രെഡിറ്റ് ആന്‍ഡ് സെമസ്റ്റര്‍ സമ്പ്രദായം വിലയിരുത്തപ്പെടുന്നു’ എന്ന തലക്കെട്ടില്‍ എസ്.ഐ.ഒ കണ്ണൂര്‍ യൂനിവേഴ്സിറ്റി സമിതി സംഘടിപ്പിക്കുന്ന ടേബിള്‍ടോക്ക് വെള്ളിയാഴ്ച വൈകീട്ട് നാലിന് കണ്ണൂര്‍ ചേംബര്‍ ഹാളില്‍ നടക്കും. കണ്ണൂര്‍ യൂനിവേഴ്സിറ്റി പ്രോ. വി.സി ഡോ. എ.പി. കുട്ടികൃഷ്ണന്‍ ഉദ്ഘാടനം ചെയ്യും. മുഹമ്മദ് അസ്ലം (സിന്‍ഡിക്കേറ്റ് മെംബര്‍), സുധീര്‍ ചന്ദ്രന്‍ (കെ.വി.ഇ.വി), ബാബു ചാത്തോത്ത് (യൂനിവേഴ്സിറ്റി സ്റ്റാഫ് ഓര്‍ഗനൈസേഷന്‍), സി.കെ.എ. ജബ്ബാര്‍ (മാധ്യമപ്രവര്‍ത്തകന്‍), ശിഹാബ് പൂക്കോട്ടൂര്‍ (എസ്.ഐ.ഒ), തേജസ്വിനി (എസ്.എഫ്.ഐ), സുധീപ് ജെയിംസ് (കെ.എസ്.യു), ഷരണ്‍ (എ.ഐ.എസ്.എഫ്), അബ്ദുറഹ്മാന്‍ (എം.എസ്.എഫ്), രഞ്ജിത്ത് (എ.ബി.വി.പി), വിവേക് (എയിഡ്സൊ) തുടങ്ങിയവര്‍ സംബന്ധിക്കും. യോഗത്തില്‍ കണ്‍വീനര്‍ ടി.എം.സി. സിയാദലി അധ്യക്ഷത വഹിച്ചു. ശംസീര്‍ ഇബ്രാഹിം, ആഷിഖ് കാഞ്ഞിരോട്, അഫ്സല്‍ ഹുസൈന്‍, റംസി, റാഷിദ് മൊഹ്യുദ്ദീന്‍, വി.പി. ശക്കീര്‍, സഷീര്‍, ബിനാസ് എന്നിവര്‍ സംസാരിച്ചു.

സിന്‍ഡിക്കേറ്റ് തീരുമാനം സ്വാഗതാര്‍ഹം -എസ്.ഐ.ഒ

സിന്‍ഡിക്കേറ്റ് തീരുമാനം സ്വാഗതാര്‍ഹം 
-എസ്.ഐ.ഒ
തേഞ്ഞിപ്പലം: കാലിക്കറ്റ് സര്‍വകലാശാല വിദ്യാര്‍ഥി യൂനിയന്‍ കൗണ്‍സിലില്‍ മുഴുവന്‍ കോളജുകള്‍ക്കും പ്രാതിനിധ്യം നല്‍കണമെന്ന വിദ്യാര്‍ഥി സംഘടനകളുടെ ആവശ്യം അംഗീകരിച്ച സിന്‍ഡിക്കേറ്റ് തീരുമാനം സ്വാഗതാര്‍ഹമാണെന്ന് എസ്.ഐ.ഒ.സര്‍വകലാശാല യൂനിയന്‍െറ പ്രവര്‍ത്തനത്തില്‍ ക്രമക്കേടുകളുണ്ടെന്ന സിന്‍ഡിക്കേറ്റ് കണ്ടത്തെല്‍ ശരിയാണ്. അവ പരിഹരിക്കാന്‍ സംവിധാനമുണ്ടാക്കി, പിടിച്ചെടുത്ത അവകാശങ്ങള്‍ തിരിച്ചു നല്‍കണമെന്നും എസ്.ഐ.ഒ യൂനിവേഴ്സിറ്റി കമ്മിറ്റി ആവശ്യപ്പെട്ടു.

‘റമദാന്‍ സന്ദേശം' സീഡി കിറ്റ് പ്രകാശനം ചെയ്തു

‘റമദാന്‍ സന്ദേശം'  സീഡി കിറ്റ്
പ്രകാശനം ചെയ്തു
കോഴിക്കോട്: വിശുദ്ധ റമദാന്‍െറ പുണ്യദിനങ്ങള്‍ക്ക് ആത്മീയ ചൈതന്യം പകരാന്‍ ഡി ഫോര്‍ മീഡിയ ഒരുക്കിയ 'റമദാന്‍ സന്ദേശം' സീഡി കിറ്റ് ജമാഅത്തെ ഇസ്ലാമി കേരള അമീര്‍ ടി. ആരിഫലി പ്രകാശനം ചെയ്തു. 17 വിഷയങ്ങളിലായി പ്രമുഖ പണ്ഡിതന്മാര്‍ നടത്തുന്ന പ്രഭാഷണങ്ങളാണ് സീഡി കിറ്റില്‍ തയാറാക്കിയത്.
ഹിറാ സെന്‍ററില്‍ നടന്ന ചടങ്ങില്‍ പ്രഥമ പ്രതി ആദ്യ ബുക്കിങ്ങ് നടത്തിയ കെ. മൊയ്തീന്‍ മാസ്റ്റര്‍ ഏറ്റുവാങ്ങി.
ഡി ഫോര്‍ മീഡിയ ഡയറക്ടര്‍ വി.കെ. അബ്ദു അധ്യക്ഷത വഹിച്ചു.

ALIF CENTRE