ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----

Wednesday, March 9, 2011

MSF CIVIL SERVICE HELP DESK

സിവില്‍ സര്‍വീസ്
ഹെല്‍പ് ഡെസ്ക്
സിവില്‍ സര്‍വീസ് പരീക്ഷക്ക് ഓണ്‍ലൈനില്‍ അപേക്ഷിക്കുന്നവരെ സഹായിക്കുന്നതിന് ഹെല്‍പ് ഡെസ്ക് ആരംഭിക്കാന്‍ എം.എസ്.എഫ് ജില്ലാ എക്സിക്യൂട്ടിവ് യോഗം തീരുമാനിച്ചു. 
ബന്ധപ്പെടേണ്ട നമ്പര്‍: 
9847950904
9947508291

VOTERS LIST

അന്തിമ വോട്ടര്‍പട്ടിക
പരിശോധിക്കാന്‍ അവസരം
സമ്മറി റിവിഷന്‍ 2011 നടപടി പൂര്‍ത്തിയാക്കിയ ശേഷം ജില്ലയിലെ അന്തിമ വോട്ടര്‍പട്ടിക    2011 ജനുവരി അഞ്ചിന് പ്രസിദ്ധീകരിക്കുകയും പരിശോധനക്കായി എല്ലാ താലൂക്ക്, വില്ലേജ് ഓഫിസുകളിലും തയാറാക്കിവെക്കുകയും വോട്ടര്‍പട്ടികയുടെ പകര്‍പ്പ് എല്ലാ അംഗീകൃത രാഷ്ട്രീയ പാര്‍ട്ടികള്‍ക്കും നല്‍കുകയും ചെയ്തിട്ടുണ്ടെന്ന് കലക്ടര്‍ അറിയിച്ചു. എല്ലാ വോട്ടര്‍മാരും വില്ലേജ് ഓഫിസുകളില്‍ നിന്നും താലൂക്ക് ഓഫിസില്‍ നിന്നും അവരവരുടെ പേര് വോട്ടര്‍ പട്ടികയില്‍ ഉണ്ടെന്ന് പരിശോധിച്ച് ഉറപ്പുവരുത്തേണ്ടതാണ്. പരിശോധനക്കാവശ്യമായ സൌകര്യംഎല്ലാ താലൂക്ക് ഓഫിസുകളിലും ഒരുക്കിയിട്ടുണ്ട്.

HAJJ 2011

ഹജ്ജ് ഫോം വിതരണം
ഈ വര്‍ഷത്തെ  ഹജ്ജ് അപേക്ഷാഫോമുകള്‍ മാര്‍ച്ച് 16 മുതല്‍ കരിപ്പൂര്‍ ഹജ്ജ് ഹൌസ്, കലക്ടറേറ്റുകള്‍, മദ്റസാധ്യാപക ക്ഷേമനിധി ബോര്‍ഡ് ഓഫിസ്, ന്യൂനപക്ഷ ഡയറക്ടറേറ്റ് എന്നിവിടങ്ങളില്‍നിന്ന് വിതരണം ചെയ്യും. അപേക്ഷ മാര്‍ച്ച് 16 മുതല്‍ ഏപ്രില്‍ 30 വരെ സംസ്ഥാന ഹജ്ജ് കമ്മിറ്റി ഓഫിസില്‍ തപാല്‍ മാര്‍ഗം സ്വീകരിക്കും. കൂടുതല്‍ വിവരങ്ങള്‍ അപേക്ഷാ ഫോമിനോടൊപ്പം ലഭിക്കും. 2010 ഹജ്ജിന് തെരഞ്ഞെടുക്കപ്പെട്ട് പണമടച്ചശേഷം വിവിധ കാരണങ്ങളാല്‍ യാത്ര റദ്ദാക്കിയവര്‍, പണമടച്ച പ്രകാരമുള്ള കാറ്റഗറി ലഭിക്കാത്തവര്‍ എന്നിവരില്‍ തിരികെ ലഭിക്കാനുള്ള തുക ഇതുവരെയും ലഭിക്കാത്തവര്‍, അവരുടെ കവര്‍ നമ്പര്‍, തിരികെ ലഭിക്കാനുള്ള തുക, പണമടച്ച രശീതികളുടെ പകര്‍പ്പ്, യാത്ര റദ്ദാക്കിയതിന്റെ കാരണം/ കാറ്റഗറി സംബന്ധിച്ച രേഖ എന്നിവ സഹിതം മുംബൈയിലുള്ള കേന്ദ്ര ഹജ്ജ് കമ്മിറ്റിക്ക് അപേക്ഷിക്കണം.

GIO_KANNUR

കണ്ണൂര്‍ ഗവ. വനിതാ കോളജില്‍ ജി.ഐ.ഒ ജില്ലാ സമിതി സംഘടിപ്പിച്ച ഇറോം ചാനു ശര്‍മിള ദിന പരിപാടിയില്‍ ഒപ്പുശേഖരണം നടത്തുന്നു.
സ്ത്രീകളുടെ പ്രശ്നങ്ങള്‍ക്കുനേരെ
ഭരണകൂടം കണ്ണുതുറക്കണം-ജി.ഐ.ഒ
കണ്ണൂര്‍: സ്ത്രീപക്ഷ പ്രശ്നങ്ങള്‍ക്കുനേരെ ഭരണകൂടങ്ങള്‍ കണ്ണുതുറക്കണമെന്ന് ജി.ഐ.ഒ സംസ്ഥാന സെക്രട്ടറി എം. ഖദീജ പറഞ്ഞു. ഗവ. വനിതാ കോളജില്‍ ജി.ഐ.ഒ ജില്ലാ സമിതി സംഘടിപ്പിച്ച ഇറോം ചാനു ശര്‍മിള ദിന പരിപാടി ഉദ്ഘാടനം ചെയ്യുകയായിരുന്നു അവര്‍. സാമൂഹികപ്രശ്നങ്ങളില്‍നിന്ന് അകലുന്ന ഭരണകൂടങ്ങള്‍ സ്ത്രീപ്രശ്നങ്ങള്‍ക്കുനേരെ കണ്ണടക്കുകയാണ്. മണിപ്പൂരില്‍ സഹനത്തിന്റെയും സമരത്തിന്റെയും അത്യപൂര്‍വ മാതൃകയാണ് ശര്‍മിള. ഭരണകൂടം കണ്ണുതുറന്നേ മതിയാവൂവെന്ന് ഖദീജ പറഞ്ഞു.
സീനത്ത് സ്വാഗതവും ഫാരിസ നന്ദിയും പറഞ്ഞു. ജില്ലാസമിതിയംഗങ്ങളായ എസ്.എല്‍.പി. മര്‍ജാന, അശീറ, ശബാന എന്നിവര്‍ നേതൃത്വം നല്‍കി. ഒപ്പുശേഖരണവും നടത്തി.

BAITHUZAKATH KANNUR

കണ്ണൂര്‍ ബൈത്തുസഖാത്തിന്റെ സ്വയംതൊഴില്‍ പദ്ധതി ഗുണഭോക്താവിന് വണ്ടി കൈമാറുന്നു

MUSLIM LEAGUE_KANNUR

തെരഞ്ഞെടുപ്പ് പെരുമാറ്റച്ചട്ടം മറികടന്ന് എസ്.എസ്.എയില്‍ നിയമനം നടത്തുന്നുവെന്നാരോപിച്ച് പ്രോജക്ട് ഓഫിസറെ യൂത്ത്ലീഗ് പ്രവര്‍ത്തകര്‍ ഉപരോധിക്കുന്നു.
പെരുമാറ്റച്ചട്ടലംഘനം: എസ്.എസ്.എ
പ്രോജക്ട് ഓഫിസറെ
ലീഗ് പ്രവര്‍ത്തകര്‍ ഉപരോധിച്ചു
കണ്ണൂര്‍: തെരഞ്ഞെടുപ്പ് പെരുമാറ്റച്ചട്ടം മറികടന്ന് നിയമനം നടത്താനുള്ള നീക്കത്തില്‍ പ്രതിഷേധിച്ച് ലീഗ്, യൂത്ത്ലീഗ് പ്രവര്‍ത്തകര്‍ എസ്.എസ്.എ പ്രോജക്ട് ഓഫിസറെ ഉപരോധിച്ചു. ഐ.ഇ.ഡി.സി റിസോഴ്സ് ടീച്ചര്‍ നിയമന എഗ്രിമെന്റ് സ്വീകരിക്കാനുള്ള നീക്കമാണ് തടഞ്ഞത്.  ഉദ്യോഗാര്‍ഥികളും ഉപരോധക്കാരും തമ്മില്‍ വാക്കേറ്റമുണ്ടായെങ്കിലും പൊലീസെത്തിയതിനെ തുടര്‍ന്ന് സംഘര്‍ഷമുണ്ടായില്ല. തുടര്‍ന്ന്, സ്ഥലത്തെത്തിയ എ.പി. അബ്ദുല്ലക്കുട്ടി എം.എല്‍.എയും സമരക്കാരും ഉദ്യോഗാര്‍ഥികളും പ്രോജക്ട് ഓഫിസറുമായി സംസാരിച്ചു. നിയമനം നടത്താന്‍ അനുവദിക്കില്ലെന്നും തികച്ചും പെരുമാറ്റച്ചട്ട വിരുദ്ധമാണെന്നും സമരക്കാര്‍ വാദിച്ചു. നിയമനം നടത്തില്ലെന്ന് ഓഫിസര്‍ എഴുതി നല്‍കിയ ശേഷം സമരക്കാര്‍ പിരിഞ്ഞുപോയി.  ജില്ലയില്‍ എസ്.എസ്.എക്കു കീഴില്‍ 51 പേരെയാണ് റിസോഴ്സ് ടീച്ചര്‍മാരായി നിയമിക്കാന്‍ ഉത്തരവിറക്കിയത്. കാസര്‍കോട്, കണ്ണൂര്‍, കോഴിക്കോട് ജില്ലകളില്‍നിന്നുള്ളവരാണ് നിയമനത്തിനായി എത്തിയത്.  കണ്ണൂര്‍ മണ്ഡലം മുസ്ലിംലീഗ് സെക്രട്ടറി എം.പി. മുഹമ്മദലി, യൂത്ത്ലീഗ് കണ്ണൂര്‍ മണ്ഡലം ജനറല്‍ സെക്രട്ടറി കെ.എം. ഷംസുദ്ദീന്‍, കളത്തില്‍ സലീം, റംസി തുടങ്ങിയവരുടെ നേതൃത്വത്തിലായിരുന്നു ഉപരോധം.
Courtresy: Madhyamam

G.I.O. KANNUR

ജി.ഐ.ഒ  നയ വിശദീകരണ യോഗം

കണ്ണൂര്‍: ജി.ഐ.ഒ കണ്ണൂര്‍-കാസര്‍കോട് ജില്ലാ കമ്മിറ്റികള്‍ സംയുക്തമായി നയവിശദീകരണ യോഗം സംഘടിപ്പിച്ചു.
കൌസര്‍ കോംപ്ലക്സില്‍ നടന്ന യോഗം ജമാഅത്തെ ഇസ്ലാമി വനിതാ വിഭാഗം കണ്ണൂര്‍ ജില്ലാ പ്രസിഡന്റ് സൌദ പടന്ന ഉദ്ഘാടനം ചെയ്തു. ഉള്‍ക്കാഴ്ചയുള്ള പെണ്‍കൂട്ടായ്മയാണ് സമൂഹത്തിനാവശ്യമെന്ന് സൌദ പടന്ന പറഞ്ഞു.
ജി.ഐ.ഒ ജില്ലാ പ്രസിഡന്റ് ടി.കെ. ജംഷീറ അധ്യക്ഷത വഹിച്ചു. ശാന്തപുരം അല്‍ജാമിഅ ഇസ്ലാമിയയില്‍നിന്ന് ഇസ്ലാമിക് ബാങ്കിങ്ങില്‍ ഒന്നാംറാങ്ക് നേടിയ സി.വി. റന്‍സിലക്ക് ചടങ്ങില്‍ ഉപഹാരം നല്‍കി ആദരിച്ചു. ജി.ഐ.ഒ സംസ്ഥാന സെക്രട്ടറി എം. ഖദീജ നയവിശദീകരണം നടത്തി. കെ.കെ. നാജിയ സ്വാഗതവും കെ.കെ. നസ്രീന നന്ദിയും പറഞ്ഞു. 
ശാന്തപുരം അല്‍ജാമിഅ ഇസ്ലാമിയയില്‍നിന്ന് ഇസ്ലാമിക് ബാങ്കിങ്ങില്‍ ഒന്നാംറാങ്ക് നേടിയ സി.വി. റന്‍സിലക്ക് ഉപഹാരം സമ്മാനിക്കുന്നു

MUNDERI PANCHAYATH

ഐ.ടി പഠനം സ്വപ്നം മാത്രം
മുണ്ടേരിയില്‍ 30 ശതമാനം സ്കൂളുകളില്‍
വൈദ്യുതിയില്ല
എടക്കാട് മണ്ഡലം സമ്പൂര്‍ണ വൈദ്യുതീകരണ പ്രഖ്യാപനം നടത്തിയെങ്കിലും മുണ്ടേരി പഞ്ചായത്തിലെ 30 ശതമാനം ലോവര്‍ പ്രൈമറി സ്കൂളുകളും വൈദ്യുതീകരിക്കാത്തത്.
കാഞ്ഞിരോട് എ.എല്‍.പി, കാഞ്ഞിരോട് സെന്‍ട്രല്‍ എല്‍.പി, തലമുണ്ട എല്‍.പി എന്നീ വിദ്യാലയങ്ങളാണ് വൈദ്യുതി സ്വപ്നംകണ്ട് കാലംകഴിക്കുന്നത്.
സര്‍ക്കാറിന്റെ വിവിധ പദ്ധതികളിലൂടെ ലഭിച്ച വൈദ്യുതിയില്‍ മാത്രം പ്രവര്‍ത്തിക്കുന്ന പല പഠനോപകരണങ്ങളും ഈ വിദ്യാലയങ്ങളിലെ അലമാരകളില്‍ കെട്ടിക്കിടക്കുകയാണത്രെ. കഴിഞ്ഞവര്‍ഷം എം.എല്‍.എ ഫണ്ടുപയോഗിച്ച് ലഭിച്ച കമ്പ്യൂട്ടറുകള്‍ നിശ്ചലമാതൃകയായിട്ടാണ് ഇവിടെ പ്രദര്‍ശിപ്പിക്കുന്നത്.
പുതിയ വിദ്യാഭ്യാസ സമ്പ്രദായത്തില്‍ നിരവധി പഠനപ്രവര്‍ത്തനങ്ങള്‍ വൈദ്യുതി സഹായത്താല്‍ നടത്തി പഠനം എളുപ്പമാക്കി മാറ്റാന്‍ സാധിക്കേണ്ടതുണ്ടെങ്കിലും ഇവിടത്തെ അധ്യാപകരും വിദ്യാര്‍ഥികളും ഒരുപോലെ പ്രയാസപ്പെടുകയാണ്.
 പഞ്ചായത്തിലെ എല്‍.പി സ്കൂളുകള്‍ സ്വകാര്യ മേഖലയിലാണത്രെ. ലാഭകരമല്ലാത്തതിനാല്‍ മാനേജ്മെന്റ് സ്കൂളുകള്‍ വൈദ്യുതീകരിക്കാന്‍ താല്‍പര്യം കാണിക്കാത്തതാണ് ഇത്തരം സ്കൂളുകള്‍ ഇന്നും ഇരുട്ടിലാവാന്‍ കാരണം.
എന്നാല്‍, ഇതില്‍ കാഞ്ഞിരോട് എ.എല്‍.പി സ്കൂള്‍ വയറിങ് ജോലി കഴിഞ്ഞ് അപേക്ഷ നല്‍കിയെങ്കിലും ചുവപ്പുനാടയില്‍ കുടുങ്ങിക്കിടക്കുകയാണ്.
വിവരസാങ്കേതിക വിദ്യയുടെ പ്രാധാന്യം അനുദിനം വര്‍ധിക്കുമ്പോഴും ഈ സ്കൂളുകളിലെ കുട്ടികള്‍ക്ക് തങ്ങളുടേതല്ലാത്ത കാരണംകൊണ്ട് ഈ അവസരം നിഷേധിക്കപ്പെടുകയാണ്.
Courtesy: Madhyamam

JIH PUNNOL

സുഹൃദ് സംഗമം
തലശേãരി: മനുഷ്യന്‍ കൈവരിക്കുന്ന ആത്മീയതയും ദൈവവിശ്വാസവും സമൂഹനന്മക്ക് ഉപകരിക്കുന്നതാവണമെന്നും അതാണ് യേശുക്രിസ്തുവും മുഹമ്മദ് നബിയും കാണിച്ച മാതൃകയെന്നും സോളിഡാരിറ്റി സംസ്ഥാന സമിതിയംഗം ടി.പി. മുഹമ്മദ് ശമീം. ജമാഅത്തെ ഇസ്ലാമി പുന്നോലില്‍ സംഘടിപ്പിച്ച 'യേശുവിന്റെ പാത, മുഹമ്മദ് നബിയുടെയും' എന്ന തലക്കെട്ടിലുള്ള സുഹൃദ് സംഗമത്തില്‍ മുഖ്യപ്രഭാഷണം നടത്തുകയായിരുന്നു അദ്ദേഹം. പി.എം. മുനീര്‍ ജമാല്‍ അധ്യക്ഷത വഹിച്ചു.
ചാലില്‍ സെന്റ് പീറ്റേഴ്സ് പള്ളി വികാരി ഫാ. ഷാജു ആന്റണി തറേമ്മല്‍ സംസാരിച്ചു. മുഹമ്മദ് ശമീം രചിച്ച 'ബുദ്ധന്‍, യേശു, മുഹമ്മദ്' എന്ന പുസ്തകം സീനിയര്‍ സിറ്റിസണ്‍ കമ്മിറ്റി ഭാരവാഹി വി. വത്സന് കൈമാറി. എ.പി. അര്‍ഷദ് സ്വാഗതം പറഞ്ഞു.