ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----

Saturday, August 11, 2012

SOLIDARITY POSTER

ISLAMIC SPEECH

IUML KANHIRODE

റമദാന്‍ കിറ്റ് വിതരണം

റമദാന്‍ കിറ്റ് വിതരണം
പെരിങ്ങത്തൂര്‍: യു.എ.ഇ ഇസ്ലാമിക് അസോസിയേഷന്‍െറ നേതൃത്വത്തില്‍ കരിയാട് റമദാന്‍ കിറ്റ് വിതരണം ചെയ്തു. ജമാഅത്തെ ഇസ്ലാമി ചൊക്ളി ഏരിയാ പ്രസിഡന്‍റ് കെ.കെ. അബ്ദുല്ല വിതരണ ഉദ്ഘാടനം നിര്‍വഹിച്ചു. കെ.എം. അബ്ദുല്ല, ഫാറൂഖ് മലര്‍വാടി എന്നിവര്‍ സംസാരിച്ചു.

ഇഫ്താര്‍ സംഗമം

ഇഫ്താര്‍ സംഗമം
ശ്രീകണ്ഠപുരം: ചെമ്പേരി വിമല്‍ജ്യോതി എന്‍ജിനീയറിങ് കോളജില്‍ നടന്ന ഇഫ്താര്‍ സംഗമവും ഡോക്യുമെന്‍ററി പ്രദര്‍ശനവും ഫാ. മാത്യു ചാലില്‍ ഉദ്ഘാടനം ചെയ്തു. പ്രിന്‍സിപ്പല്‍ ബെന്നി ജോസഫ് അധ്യക്ഷത വഹിച്ചു. എസ്.ഐ.ഒ ദഅ്വാ സെക്രട്ടറി അഫ്സല്‍ അഴിയൂര്‍ റമദാന്‍ സന്ദേശം കൈമാറി. വിദ്യാര്‍ഥികളായ അലി, ഹഫീദ്, റജീബ് എന്നിവര്‍ നേതൃത്വം നല്‍കി.

ഇഫ്താര്‍ സംഗമം

 ഇഫ്താര്‍ സംഗമം
മട്ടന്നൂര്‍: മട്ടന്നൂര്‍ ഹിറാമസ്ജിദ് കമ്മിറ്റിയുടെ ആഭിമുഖ്യത്തില്‍ ഇഫ്താര്‍ സംഗമം നടത്തി. മസ്ജിദ് പരിസരത്ത് നടന്ന സംഗമം യുവകലാ സാഹിതി ജില്ലാ വൈസ് പ്രസിഡന്‍റ് വി.കെ. സുരേഷ് ബാബു ഉദ്ഘാടനം ചെയ്തു. പി.സി. മുനീര്‍ മാസ്റ്റര്‍ റമദാന്‍ സന്ദേശം നല്‍കി. കെ.പി. റസാഖ് അധ്യക്ഷത വഹിച്ചു. സി.വി. ശശീന്ദ്രന്‍, വി. ഹുസൈന്‍, പി. പുരുഷോത്തമന്‍, കെ.വി. ജയചന്ദ്രന്‍, അഷ്റഫ് പുറവൂര്‍, നൗഷാദ് കീച്ചേരി, താജുദ്ദീന്‍ മട്ടന്നൂര്‍, കൃഷ്ണകുമാര്‍ കണ്ണോത്ത്, ഡോ. എ. ജോസഫ് എന്നിവര്‍ സംസാരിച്ചു. കെ.പി. സലിം സ്വാഗതവും എം.കെ. അബ്ദുറഹ്മാന്‍ നന്ദിയും പറഞ്ഞു.

പെരുന്നാള്‍ അവധി മൂന്നു ദിവസമാക്കണം -എസ്.ഐ.ഒ

 പെരുന്നാള്‍ അവധി
മൂന്നു ദിവസമാക്കണം -എസ്.ഐ.ഒ
കണ്ണൂര്‍: പെരുന്നാള്‍ അവധി മൂന്നുദിവസമാക്കണമെന്നാവശ്യപ്പെട്ട് എസ്.ഐ.ഒ കണ്ണൂര്‍ ജില്ലാ കമ്മിറ്റി താവക്കര ബസ്സ്റ്റാന്‍ഡ് പരിസരത്ത് ഒപ്പുശേഖരണം നടത്തി. ജില്ലാ സെക്രട്ടറി ആഷിഖ് കാഞ്ഞിരോട് ഉദ്ഘാടനം ചെയ്തു. ടി.പി. മുഹ്സിന്‍, ഹിഷാം ഖാലിദ്, മുഹമ്മദ് ഷാന്‍, തന്‍വീര്‍ ഇബ്രാഹിം എന്നിവര്‍ നേതൃത്വം നല്‍കി.

റമദാന്‍ കിറ്റ് വിതരണം

റമദാന്‍ കിറ്റ് വിതരണം
കണ്ണൂര്‍: ജമാഅത്തെ ഇസ്ലാമി തയ്യില്‍ കാര്‍കൂന്‍ ഹല്‍ഖയുടെ ആഭിമുഖ്യത്തില്‍ ഖത്തര്‍ മുസ്ലിം അസോസിയേഷന്‍െറ റമദാന്‍ കിറ്റ് വിതരണവും സമൂഹ നോമ്പുതുറയും നടന്നു.
കിറ്റ് വിതരണോദ്ഘാടനം ജില്ലാ ജമാഅത്തെ ഇസ്ലാമി ജനറല്‍ സെക്രട്ടറി കളത്തില്‍ ബഷീര്‍ നിര്‍വഹിച്ചു. ഹസന്‍ നജ്മി റമദാന്‍ പ്രഭാഷണം നടത്തി. പി.പി. അമീറുദ്ദീന്‍ അധ്യക്ഷത വഹിച്ചു. പി. മുഹമ്മദ് ഫാറൂഖ് സ്വാഗതം പറഞ്ഞു.

അസം റിലീഫ് ദിനം ഇന്ന്

 അസം റിലീഫ് ദിനം ഇന്ന്
കോഴിക്കോട്: അസമിലെ ബോഡോ തീവ്രവാദികള്‍ കെട്ടഴിച്ചുവിട്ട വര്‍ഗീയ കലാപത്തിനിരയായവരെ സഹായിക്കാനായി ശനിയാഴ്ച അസം റിലീഫ് ദിനമായി ആചരിക്കണമെന്ന് ജമാഅത്തെ ഇസ്ലാമി കേരള അമീര്‍ ടി. ആരിഫലി ആഹ്വാനം ചെയ്തു. നൂറുകണക്കിനാളുകളാണ് കലാപത്തില്‍ കൊലചെയ്യപ്പെട്ടത്.
കലാപബാധിതരെ സഹായിക്കാനായി കേന്ദ്ര ജമാഅത്തെ ഇസ്ലാമി അസം ഘടകവുമായി ചേര്‍ന്ന് വ്യവസ്ഥാപിത പുനരധിവാസ പ്രവര്‍ത്തനങ്ങള്‍ ആരംഭിച്ചുകഴിഞ്ഞു. കേരളത്തില്‍നിന്നുള്ള ഐ.ആര്‍.ഡബ്ള്യു വളന്‍റിയര്‍ സംഘം അസമിലേക്ക് പുറപ്പെട്ടിട്ടുണ്ട്. ചികിത്സ, വീട്, വസ്ത്രം, നിയമപോരാട്ടം തുടങ്ങിയ ആവശ്യങ്ങള്‍ മുന്‍നിര്‍ത്തി 50 കോടി രൂപയുടെ പുനരധിവാസ പദ്ധതിയാണ് ജമാഅത്ത് രൂപകല്‍പന ചെയ്തിരിക്കുന്നത്.
സര്‍വം നഷ്ടപ്പെട്ടുപോയ മനുഷ്യസഹോദരര്‍ക്ക് ആശ്വാസം നല്‍കാനുള്ള ഈ വലിയ സംരംഭത്തിന് സര്‍വരും അകമഴിഞ്ഞ പിന്തുണ നല്‍കണമെന്ന് ആരിഫലി അഭ്യര്‍ഥിച്ചു.
ദുരിതാശ്വാസ പ്രവര്‍ത്തനം വിജയിപ്പിക്കാന്‍ പ്രവര്‍ത്തകര്‍ രംഗത്തിറങ്ങണമെന്ന് സോളിഡാരിറ്റി സംസ്ഥാന ജനറല്‍ സെക്രട്ടറി ടി. മുഹമ്മദ് വേളം പ്രസ്താവനയില്‍ ആവശ്യപ്പെട്ടു.

പെന്‍ഷന്‍ പരിഷ്കരണം തീരുമാനം ഏകപക്ഷീയം -വെല്‍ഫെയര്‍ പാര്‍ട്ടി

പെന്‍ഷന്‍ പരിഷ്കരണം തീരുമാനം
ഏകപക്ഷീയം -വെല്‍ഫെയര്‍ പാര്‍ട്ടി
തിരുവനന്തപുരം: ഏപ്രില്‍ മുതല്‍ പങ്കാളിത്ത പെന്‍ഷന്‍ നടപ്പാക്കുമെന്ന പ്രഖ്യാപനം ഏകപക്ഷീയവും ജനാധിപത്യവിരുദ്ധവുമാണെന്ന് വെല്‍ഫെയര്‍പാര്‍ട്ടി സംസ്ഥാന ജനറല്‍ സെക്രട്ടറി കെ. അംബുജാക്ഷന്‍ അഭിപ്രായപ്പെട്ടു. നിലവിലെ പെന്‍ഷന്‍ സമ്പ്രദായത്തില്‍ ഏത് മാറ്റം വരുത്തുമ്പോഴും വിശദചര്‍ച്ചകള്‍ നടക്കണം. നിയമനിര്‍മാണ സഭകളിലെ ചര്‍ച്ചകളിലൂടെയും ഉദ്യോഗസ്ഥരുമായും അവരുടെ സംഘടനകളുമായുള്ള ആലോചനകളിലൂടെയുമുള്ള സമവായത്തിലൂടെ വേണം തീരുമാനങ്ങളില്‍ എത്തേണ്ടത്. ആ നടപടിക്രമം സര്‍ക്കാര്‍ പാലിച്ചില്ല.
ആഗോള മൂലധനശക്തികളുടെ നിര്‍ദേശം പാലിക്കുന്ന ഏജന്‍സിയായി ഭരണകൂടം മാറി. പുതിയ നിയമനങ്ങള്‍ക്ക് അപ്രഖ്യാപിത വിലക്ക് പ്രഖ്യാപിക്കുന്ന തീരുമാനങ്ങളും തയാറാക്കുകയാണ്. ഇപ്പോഴത്തെ പ്രത്യേക രാഷ്ട്രീയ സാഹചര്യം ഉപയോഗിച്ച് ജനാധിപത്യവിരുദ്ധമായി നീങ്ങാനാണ് സര്‍ക്കാര്‍ ശ്രമിക്കുന്നത്. ഈ നിലപാടിനെതിരെ ബഹുജനങ്ങള്‍ അണിനിരക്കണമെന്ന് പ്രസ്താവനയില്‍ ആവശ്യപ്പെട്ടു.

HEALTH CARE

AL JAMIA

അവാര്‍ഡ് ദാനം

അവാര്‍ഡ് ദാനം
എടക്കാട്: എടക്കാട് മഹല്ലിലെ ഖുര്‍ആന്‍  മന:പാഠമാക്കിയ പത്ത്പേര്‍ക്ക് സഫ സെന്‍റര്‍ സംഘടിപ്പിച്ച അവാര്‍ഡുദാനം ഗള്‍ഫ് മാധ്യമം എഡിറ്റര്‍ വി.കെ. ഹംസ അബ്ബാസ് നിര്‍വഹിച്ചു. ശഹ്സാദ്, ജാഫര്‍, മുഈനുദ്ദീന്‍, അമീര്‍ അബ്ദുല്‍ ഖാദര്‍, ഇസ്മായില്‍, അമീര്‍ അബ്ദുറഹ്മാന്‍, ഫവാസ്, നിയാസ്, റാസിഖ്, ശിഹാബ് എന്നിവര്‍ക്ക് അവാര്‍ഡ് നല്‍കി. പി.പി. അബ്ദുറഹിമാന്‍, കളത്തില്‍ ബഷീര്‍ എടക്കാട്, ഹാഫിള് ശിഹാബ് എന്നിവര്‍ സംസാരിച്ചു. അമീര്‍ അബ്ദുറഹ്മാന്‍, ഫവാസ് എന്നിവര്‍ ഖുര്‍ആന്‍ പാരായണം നടത്തി. സമൂഹ നോമ്പുതുറയും നടന്നു.

കാഷ് അവാര്‍ഡ് നല്‍കി

 ഖുര്‍ആന്‍ സ്റ്റഡിസെന്‍ററിന്‍െറ ആഭിമുഖ്യത്തില്‍ നടത്തിയ ജില്ലാതല പരീക്ഷയില്‍ ഒന്നാംറാങ്ക് നേടിയ സുമയ്യാ ഫാറൂഖിന് ജമാഅത്തെ ഇസ്ലാമി ജില്ലാ ജനറല്‍ സെക്രട്ടറി കളത്തില്‍ ബഷീര്‍ കാഷ് അവാര്‍ഡ് നല്‍കുന്നു.

ഇഫ്താര്‍സംഗമം

 ഇഫ്താര്‍സംഗമം
 ചാലാട്: ജമാഅത്തെ ഇസ്ലാമി ചാലാട് വനിതാ ഘടകം, ചാലാട് ഹിറാ ഇംഗ്ളീഷ് സ്കൂളില്‍ ഇഫ്താര്‍ സംഗമം നടത്തി. വി. ജാസ്മിന്‍ അധ്യക്ഷത വഹിച്ചു. സി.എച്ച്. ഷൗക്കത്തലി റമദാന്‍ സന്ദേശം നല്‍കി. സെക്രട്ടറി സാഹിദ ഹാരിസ് സ്വാഗതം പറഞ്ഞു. വി.സി.റസിയ, പി. സറീന എന്നിവര്‍ നേതൃത്വം നല്‍കി.

ഇഫ്താര്‍സംഗമം


ഇഫ്താര്‍സംഗമം
കണ്ണൂര്‍: ജമാഅത്തെ ഇസ്ലാമി വളപട്ടണം യൂനിറ്റ് സംഘടിപ്പിച്ച ഇഫ്താര്‍ സംഗമം വിവിധ രാഷ്ട്രീയ സാംസ്കാരിക സംഘടനാ പ്രതിനിധികളുടെ സുഹൃദ്സംഗമമായി. ജമാഅത്തെ ഇസ്ലാമി കാസര്‍കോട് ജില്ലാ പ്രസിഡന്‍റ് യു.പി. സിദ്ദീഖ് മാസ്റ്റര്‍ ഇഫ്താര്‍ സന്ദേശം നല്‍കി. യൂനിറ്റ് പ്രസിഡന്‍റ് വി.കെ. മുസ്തഫ അധ്യക്ഷത വഹിച്ചു. ഗ്രാമപഞ്ചായത്ത് പ്രസിഡന്‍റ് എം. അബ്ദുറഹ്മാന്‍, കെ.എല്‍.പി. ഹാരിസ്, പള്ളിപ്രം പ്രസന്നന്‍, എ.എന്‍. സലിം, വളപട്ടണം ഗവ. ഹയര്‍സെക്കന്‍ഡറി സ്കൂള്‍ പ്രിന്‍സിപ്പല്‍ സുരേന്ദ്രന്‍ എന്നിവര്‍ സംസാരിച്ചു.
ഗ്രാമപഞ്ചായത്ത് അംഗങ്ങളായ അശ്റഫ്, സദാനന്ദന്‍, അബ്ദുല്‍ റഷീദ്, ടി.വി. മജീദ്, വി.കെ. ഉമ്മര്‍, വ്യാപാരി വ്യവസായി ഏകോപന സമിതി യൂനിറ്റ് പ്രസിഡന്‍റ് കെ.വി. അബൂബക്കര്‍, പി.സി.കെ. തങ്ങള്‍, ജലീല്‍ ഹാജി തുടങ്ങിയവര്‍ പങ്കെടുത്തു.

സൗഹൃദ കേരളത്തിന് വിരുന്നൊരുക്കി ഇഫ്താര്‍ സംഗമം

സൗഹൃദ കേരളത്തിന് വിരുന്നൊരുക്കി
ഇഫ്താര്‍ സംഗമം
 തിരുവനന്തപുരം: വിയോജിപ്പുകള്‍ മാറ്റിവെച്ച് സൗഹൃദ കേരളത്തിന് ആഹ്വാനവുമായി മത-രാഷ്ട്രീയ നേതൃത്വത്തിന്‍െറ വേറിട്ട സംഗമം. ജമാഅത്തെ ഇസ്ലാമി സംസ്ഥാന കമ്മിറ്റി തിരുവനന്തപുരത്ത് സംഘടിപ്പിച്ച ഇഫ്താറാണ് ഭരണ, സാമൂഹിക മണ്ഡലങ്ങളിലെ പ്രമുഖരുടെ കൂട്ടായ്മക്ക് വേദിയായത്. ജമാഅത്തെ ഇസ്ലാമി അധ്യക്ഷന്‍ ടി. ആരിഫലി റമദാന്‍ സന്ദേശം നല്‍കി.
മന്ത്രിമാരായ പി.കെ. കുഞ്ഞാലിക്കുട്ടി, മഞ്ഞളാംകുഴി അലി, എ.പി. അനില്‍കുമാര്‍, വര്‍ക്കല കഹാര്‍ എം.എല്‍.എ, വിവിധ പാര്‍ട്ടി നേതാക്കളായ ഒ. രാജഗോപാല്‍, കെ.പി.എ. മജീദ്, ബിനോയ് വിശ്വം, സി.പി. ജോണ്‍, കെ. അംബുജാക്ഷന്‍, ഗാന്ധി സ്മാരക നിധി ചെയര്‍മാന്‍ പി. ഗോപിനാഥന്‍ നായര്‍,  പെരുമ്പടവം ശ്രീധരന്‍, വിമല മേനാന്‍, ആര്‍.വി.ജി. മേനോന്‍, മുഖ്യ വിവരാവകാശ കമീഷണര്‍ സിബി മാത്യൂസ്, ഭാസുരേന്ദ്ര ബാബു, വയലാര്‍ ഗോപകുമാര്‍, റിട്ട. ഡി.ജി.പി സത്താര്‍ കുഞ്ഞ്, വനിതാകമീഷന്‍ അധ്യക്ഷ കെ.സി. റോസക്കുട്ടി, സ്വാമി സൂക്ഷ്മാനന്ദ, ഫാദര്‍ യൂജിന്‍ പെരേര, എച്ച്. ഷഹീര്‍ മൗലവി, ഇ.എം. നജീബ്, സ്വാമി സന്ദീപാനന്ദ ഗിരി, പി.കെ. ഹംസ മൗലവി ഫാറൂഖി, പാനിപ്ര ഇബ്രാഹീം മൗലവി, എ. അബ്ബാസ് സേട്ട്, കായംകുളം യൂനുസ്, ഡോ. പി. നസീര്‍, പി.ടി. ചാക്കോ, കെ.എ. ഷഫീഖ്, എം. ഫൈസല്‍ ഖാന്‍,  ജമാഅത്തെ ഇസ്ലാമി നേതാക്കളായ ടി.കെ. ഹുസൈന്‍, എന്‍.എം. അബ്ദുറഹ്മാന്‍, എന്‍.എം. അന്‍സാരി, എം. മെഹ്ബൂബ് തുടങ്ങിയവര്‍ സംബന്ധിച്ചു. സംസ്ഥാന ജനറല്‍ സെക്രട്ടറി പി. മുജീബുറഹ്മാന്‍ സ്വാഗതവും അസിസ്റ്റന്‍റ് അമീര്‍ ശൈഖ് മുഹമ്മദ് കാരകുന്ന് നന്ദിയും പറഞ്ഞു.