ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----

Thursday, May 17, 2012

മദ്റസ വാര്‍ഷികാഘോഷം

 മദ്റസ വാര്‍ഷികാഘോഷം
ചാലാട്: അല്‍ മദ്റസത്തുല്‍ ഇസ്ലാമിയ 12ാം വാര്‍ഷികാഘോഷം വഖഫ് ബോര്‍ഡ് അംഗം പി.പി. അബ്ദുറഹ്മാന്‍ പെരിങ്ങാടി നിര്‍വഹിച്ചു. ചാലാട് ഹിറാ ചാരിറ്റബ്ള്‍ ട്രസ്റ്റ് സെക്രട്ടറി സി.വി. ഉമര്‍കുഞ്ഞി അധ്യക്ഷത വഹിച്ചു.
എം.ഇ.എസ് യൂത്ത്വിങ് ചാലാട് യൂനിറ്റ് സെക്രട്ടറി കെ. റഊഫ്, എം.എസ്.എസ് സംസ്ഥാന സമിതിയംഗം ഐ.എം. ഹാരിസ്, ജമാഅത്തെ ഇസ്ലാമി ചാലാട് നാസിം ടി.കെ. ഖലീലുറഹ്മാന്‍ എന്നിവര്‍ സംസാരിച്ചു. നിഹാല്‍ ഹുസൈന്‍ ഖിറാഅത്ത് നടത്തി. മദ്റസ പ്രിന്‍സിപ്പല്‍ കെ. ജസീര്‍ മൗലവി സ്വാഗതവും സി.എച്ച്. ഷൗക്കത്തലി നന്ദിയും പറഞ്ഞു.

പഠന സഹവാസ ക്യാമ്പ്

 പഠന സഹവാസ ക്യാമ്പ്
വീരാജ്പേട്ട: എസ്.ഐ.ഒ കുടക് ജില്ല സംഘടിപ്പിച്ച വേനല്‍ക്കാല പഠന സഹവാസ ക്യാമ്പ് ‘വിഷന്‍ സമ്മര്‍ ക്യാമ്പ്’ വീരാജ്പേട്ടയില്‍ സമാപിച്ചു. ബ്രൈറ്റ് പബ്ളിക് സ്കൂളില്‍ നടന്ന സമാപന ചടങ്ങില്‍ എസ്.ഐ.ഒ സംസ്ഥാന കാമ്പസ് സെക്രട്ടറി തൗസീഫ് അഹ്മദ്, യൂത്ത് വിങ് സംസ്ഥാന സമിതി അംഗം അതീഖുറഹ്മാന്‍, ഇ.എം. മുഹമ്മദ് റാഫി എന്നിവര്‍ പങ്കെടുത്തു. മൂന്നു ദിവസത്തെ പരിപാടികളില്‍ എന്‍.എം. ശഫീഖ്, കെ. സാദിഖ്, പി.എ. അസ്ഹറുദ്ദീന്‍ മന്‍സൂര്‍, ഇ.എം. റഫീഖ്, സി.എച്ച്. അഫ്സര്‍, സുഹൈല്‍ മംഗലാപുരം, ഉമര്‍ മൗലവി മടിക്കേരി എന്നിവര്‍ ക്ളാസെടുത്തു.
ജില്ലാ പ്രസിഡന്‍റ് അനസ് അബ്ദുല്ല അധ്യക്ഷത വഹിച്ചു. വിവിധ മത്സരങ്ങളില്‍ പങ്കെടുത്തവര്‍ക്ക് സമ്മാനം വിതരണം ചെയ്തു. കെ.ടി. ബശീര്‍ നന്ദി പറഞ്ഞു.

സ്കോളര്‍ഷിപ് നേടി

 സ്കോളര്‍ഷിപ് നേടി
വീരാജ്പേട്ട: മംഗലാപുരം യൂനിവേഴ്സിറ്റി ബി.എസ്സി പരീക്ഷയില്‍ കുടക് ജില്ലയില്‍നിന്ന് ഒന്നാംസ്ഥാനം നേടിയ മടിക്കേരി ഫീല്‍ഡ് മാര്‍ഷല്‍ കെ.എം. കാരിയപ്പ കോളജ് വിദ്യാര്‍ഥിനി കെ.ഇ. സഫൂറ ‘ദ കൂര്‍ഗ് ഫൗണ്ടേഷന്‍’ മെരിറ്റ് സ്കോളര്‍ഷിപ് നേടി. സിദ്ധാപുരത്തെ കെ. ഇബ്രാഹിമിന്‍െറ മകളാണ്. ജി.ഐ.ഒ കുടക് ജില്ലാ ഓര്‍ഗനൈസര്‍ ആയിരുന്നു.

സ്കൂള്‍ പ്രിന്‍സിപ്പല്‍ കുഴഞ്ഞുവീണ് മരിച്ചു

 ഹയര്‍സെക്കന്‍ഡറി
സ്കൂള്‍ പ്രിന്‍സിപ്പല്‍ കുഴഞ്ഞുവീണ് മരിച്ചു
ബംഗളൂരു: മകന്‍ ജോലി ചെയ്ത ആശുപത്രിയില്‍ നിന്ന് പ്രവൃത്തിപരിചയ സര്‍ട്ടിഫിക്കറ്റ് വാങ്ങാനത്തെിയ മലയാളിയായ ഹയര്‍സെക്കന്‍ഡറി സ്കൂള്‍ പ്രിന്‍സിപ്പല്‍ ബംഗളൂരുവില്‍ കുഴഞ്ഞുവീണു മരിച്ചു. കണ്ണൂര്‍ ചക്കരക്കല്ല് മൊയിലുവിന്‍റവിട  അബ്ദുറഹ്മാനാണ് (53) മരിച്ചത്. കല്യാശ്ശേരി ഹയര്‍സെക്കന്‍ഡറി സ്കൂള്‍ പ്രിന്‍സിപ്പലാണ്. ഗുജറാത്ത് മെഡിക്കല്‍ കോളജില്‍ നഴ്സായ മൂത്തമകന്‍ ജസീര്‍ മുമ്പ് ജോലി ചെയ്ത മൈസൂര്‍ റോഡിലെ ബിഡദിക്കടുത്ത രാജരാജേശ്വരി മെഡിക്കല്‍ കോളജില്‍നിന്ന് സര്‍ട്ടിഫിക്കറ്റ് വാങ്ങാനത്തെിയതായിരുന്നു. ചൊവ്വാഴ്ച ഉച്ച 3.30ഓടെയാണ് സംഭവം. ആശുപത്രിയില്‍നിന്ന്  ഇറങ്ങി 20 മിനിറ്റോളം നടന്നശേഷം കുഴഞ്ഞുവീഴുകയായിരുന്നു. ഉടന്‍ആശുപത്രിയില്‍ എത്തിച്ചെങ്കിലും മരിച്ചു.
ചക്കരക്കല്ല് സഫാമസ്ജിദ് കമ്മിറ്റി മെംബറും ചക്കരക്കല്ല് പെയിന്‍ ആന്‍ഡ് പാലിയേറ്റിവ് അംഗവുമാണ്. ഭാര്യ: ജമീല. മറ്റുമക്കള്‍: ജംഷീര്‍ (എന്‍ജിനീയറിങ് വിദ്യാര്‍ഥി, സേലം), ജിഹാന, ജിഷാന, ജിഷാദ്.
സഹോദരങ്ങള്‍: എം. മുസ്തഫ മാസ്റ്റര്‍ (ചെമ്പിലോട് ഗ്രാമപഞ്ചായത്തംഗം), സുബൈര്‍ മാസ്റ്റര്‍ (ചെമ്പിലോട് ഹയര്‍സെക്കന്‍ഡറി അധ്യാപകന്‍), ശംസുദ്ദീന്‍, സഫിയ, ഖദീജ, ഹലീമ.
ബംഗളൂരു കെ.എം.സി.സി, എം.എം.എ പ്രവര്‍ത്തകരുടെ സഹായത്തോടെ മൃതദേഹം നാട്ടിലേക്ക് കൊണ്ടുപോയി. ഖബറടക്കം ബുധനാഴ്ച വൈകീട്ട് നാലിന് പള്ളിക്കണ്ടി ഖബര്‍സ്ഥാനില്‍. 
അബ്ദുറഹ്മാന്‍ മാസ്റ്ററുടെ
വിയോഗം നാടിന്‍െറ ദുഃഖമായി
 അധ്യാപകന്‍െറ ആകസ്മിക മരണം നാടിന്‍െറ ദുഃഖമായി. ചക്കരക്കല്ല് വാഴയില്‍ പള്ളിക്ക് സമീപം ദാറുല്‍ ഫലാഹില്‍ അബ്ദുറഹ്മാന്‍ മാസ്റ്ററുടെ വിയോഗവാര്‍ത്ത ഞെട്ടലോടെയാണ് നാട്ടുകാര്‍ കേട്ടത്. കല്യാശ്ശേരി ഗവ. ഹയര്‍സെക്കന്‍ഡറി സ്കൂള്‍ പ്രിന്‍സിപ്പലായി സേവനമനുഷ്ഠിക്കവെയുള്ള ഇദ്ദേഹത്തിന്‍െറ മരണം സഹപ്രവര്‍ത്തകര്‍ക്ക് വിശ്വസിക്കാനാവുന്നില്ല. ആത്മാര്‍ഥതയോടുകൂടി തന്‍െറ ജോലികള്‍ നിര്‍വഹിക്കുന്നതില്‍ തല്‍പരനായിരുന്നു. അതോടൊപ്പം സാമൂഹിക സേവന രംഗത്തും അദ്ദേഹത്തിന്‍െറ ശ്രദ്ധ പതിഞ്ഞിരുന്നു.
ബംഗളൂരു രാജേശ്വരി കോളജില്‍ മകന്‍െറ സര്‍ട്ടിഫിക്കറ്റ് സംബന്ധമായ ആവശ്യത്തിന് പോയി തിരിച്ച് നാട്ടിലേക്ക് പുറപ്പെടാനിരിക്കെ റോഡില്‍ കുഴഞ്ഞുവീഴുകയായിരുന്നു. ഓടിക്കൂടിയ നാട്ടുകാര്‍ ഉടനെ ആശുപത്രിയിലത്തെിച്ചെങ്കിലും ജീവന്‍ രക്ഷിക്കാനായില്ല.
ബുധനാഴ്ച പുലര്‍ച്ചെ ബംഗളൂരു കെ.എം.സി.സിയുടെ സഹായത്തോടെ ചക്കരക്കല്ലിലെ വീട്ടിലത്തെിച്ച മൃതദേഹം പൊതുദര്‍ശനത്തിന് വെച്ചു. മുസ്ലിംലീഗ് നേതാക്കളായ വി.കെ. അബ്ദുല്‍ ഖാദര്‍ മൗലവി, കെ.പി. താഹിര്‍, സി.പി.എം ഏരിയാ സെക്രട്ടറി കെ. ഭാസ്കരന്‍, മമ്പറം മാധവന്‍, സത്യന്‍ വണ്ടിച്ചാല്‍, ജമാഅത്തെ ഇസ്ലാമി ജില്ലാ പ്രസിഡന്‍റ് ടി.കെ. മുഹമ്മദലി, സോളിഡാരിറ്റി സംസ്ഥാന സമിതിയംഗം കെ.എം. മഖ്ബൂല്‍, അധ്യാപക സംഘടനാ നേതാക്കളായ തമ്പാന്‍ മാസ്റ്റര്‍, ബഷീര്‍ ചെറിയാണി, ഐ. ഹരിദാസ് തുടങ്ങി രാഷ്ട്രീയ സാമൂഹിക രംഗങ്ങളിലെ ഒട്ടേറെ പേര്‍ പരേതന്‍െറ വീട് സന്ദര്‍ശിച്ചു. ബുധനാഴ്ച വൈകീട്ട് 6.30ന് പള്ളിക്കണ്ടി ഖബര്‍സ്ഥാനില്‍ ഖബറടക്കി. 

മലര്‍വാടി കളിമുറ്റം

മലര്‍വാടി കളിമുറ്റം
പെരിങ്ങത്തൂര്‍: മലര്‍വാടി ബാലസംഘം കരിയാട് യൂനിറ്റിന്‍െറ നേതൃത്വത്തില്‍ കരിയാട് പുതുശ്ശേരി പള്ളി പരിസരത്ത് കളിമുറ്റം 2012 സംഘടിപ്പിച്ചു. കെ.കെ. അസ്ലം ഉദ്ഘാടനം ചെയ്തു. യൂസുഫ്, ഖദീജ എന്നിവര്‍ സമ്മാനം വിതരണം ചെയ്തു. മജീദ് നേതൃത്വം നല്‍കി.

വാദിഹുദ ഹയര്‍ സെക്കന്‍ഡറിക്ക് നൂറു മേനി

വാദിഹുദ ഹയര്‍ സെക്കന്‍ഡറിക്ക് നൂറു മേനി
പഴയങ്ങാടി: പ്ളസ് ടു പരീക്ഷയില്‍ പഴയങ്ങാടി വാദിഹുദ ഹയര്‍ സെക്കന്‍ഡറി സ്കൂളില്‍ പരീക്ഷയെഴുതിയ മുഴുവന്‍ വിദ്യാര്‍ഥികളും വിജയിച്ചു. സ്ഥാപനത്തിന്‍െറ യശസ്സ് ഉയര്‍ത്തി വിജയം കൊയ്ത വിദ്യാര്‍ഥികളെ പി.ടി.എ, പ്രിന്‍സിപ്പല്‍, മാനേജ്മെന്‍റ്  അനുമോദിച്ചു.

മലര്‍വാടി കളിക്കളം

മലര്‍വാടി കളിക്കളം
കണ്ണൂര്‍: മലര്‍വാടി ബാലസംഘം ബാലോത്സവം 2012ന്‍െറ ഭാഗമായി നാലുവയല്‍ ഐ.സി.എം ഗ്രൗണ്ടില്‍ മലര്‍വാടി ഏരിയാ കളിക്കളം സംഘടിപ്പിച്ചു. ജില്ലാ കോഓഡിനേറ്റര്‍ ഇബ്രാഹിം മാസ്റ്റര്‍ ഉദ്ഘാടനം ചെയ്തു. മലര്‍വാടി എസ്.ആര്‍.ജി മെംബര്‍ ഹിഷാം മാസ്റ്റര്‍ കുട്ടികളോട് സംവദിച്ചു. വിജയികള്‍ക്കുള്ള സമ്മാന വിതരണം ജമാഅത്തെ ഇസ്ലാമി കണ്ണൂര്‍ ഏരിയാ പ്രസിഡന്‍റ് മുഹമ്മദ് ഹനീഫ മാസ്റ്റര്‍ നിര്‍വഹിച്ചു. പി.പി. അമീറുദ്ദീന്‍, സി.എച്ച്. ഫരീദ ഷുക്കൂര്‍, കെ.പി. സാബിര്‍, എം.അഹമ്മദ് പാഷ എന്നിവര്‍ പരിപാടികള്‍ നിയന്ത്രിച്ചു. കണ്ണൂര്‍ ഏരിയാ കോഓഡിനേറ്റര്‍ കെ.കെ. ഷുഹൈബ് മുഹമ്മദ് സ്വാഗതവും സഹീര്‍ ചൊവ്വ നന്ദിയും പറഞ്ഞു.

പെട്ടിപ്പാലം സമരനായിക ജബീന ഇര്‍ഷാദിനെ ആദരിച്ചു

 പെട്ടിപ്പാലം സമരനായിക
ജബീന ഇര്‍ഷാദിനെ ആദരിച്ചു
കണ്ണൂര്‍: പെട്ടിപ്പാലം മാലിന്യവിരുദ്ധ സമരത്തിന് നേതൃത്വംകൊടുത്ത സമരനായിക ജബീന ഇര്‍ഷാദിനെ വെല്‍ഫെയര്‍ പാര്‍ട്ടി ഓഫ് ഇന്ത്യ കണ്ണൂര്‍ ജില്ലാ കമ്മിറ്റി ആദരിച്ചു. സംസ്ഥാന സെക്രട്ടറി ശ്രീജ നെയ്യാറ്റിന്‍കര ഹാരമണിയിച്ചു. ജില്ലാ പ്രസിഡന്‍റ് രാധാകൃഷ്ണന്‍ കൂടാളി അധ്യക്ഷത വഹിച്ചു. സംസ്ഥാന വൈസ് പ്രസിഡന്‍റ് സുരേന്ദ്രന്‍ കരിപ്പുഴ ഉദ്ഘാടനം ചെയ്തു. ഡോ. ശാന്തി ധനഞ്ജയന്‍, പി. നാണി ടീച്ചര്‍ എന്നിവര്‍ സംസാരിച്ചു. പള്ളിപ്രം പ്രസന്നന്‍ കവിത ആലപിച്ചു. മോഹനന്‍ കുഞ്ഞിമംഗലം സ്വാഗതം പറഞ്ഞു.

സ്വാശ്രയ സ്ഥാപനങ്ങള്‍ക്ക് സര്‍ക്കാര്‍ കടിഞ്ഞാണിടണം -എം.കെ. മുഹമ്മദലി

 സ്വാശ്രയ സ്ഥാപനങ്ങള്‍ക്ക് സര്‍ക്കാര്‍
കടിഞ്ഞാണിടണം -എം.കെ. മുഹമ്മദലി
സുല്‍ത്താന്‍ബത്തേരി: സാമൂഹിക താല്‍പര്യങ്ങള്‍ മുന്‍നിര്‍ത്തി സ്വാശ്രയ സ്ഥാപനങ്ങള്‍ക്ക് സര്‍ക്കാര്‍ കടിഞ്ഞാണിടണമെന്ന് ജമാഅത്തെ ഇസ്ലാമി കേരള അസി. അമീര്‍ എം.കെ. മുഹമ്മദലി. എസ്.ഐ.ഒ സുല്‍ത്താന്‍ബത്തേരിയില്‍ സംഘടിപ്പിച്ച ‘സ്വാശ്രയ വിദ്യാഭ്യാസത്തിന്‍െറ ഒരു ദശാബ്ദം: സോഷ്യല്‍ ഓഡിറ്റിങ് പ്രഖ്യാപനവും വിദ്യാഭ്യാസ വായ്പാ ഇരകളുടെ സംഗമവും’ ഉദ്ഘാടനം ചെയ്യുകയായിരുന്നു അദ്ദേഹം.
വ്യാപകമായ സ്വാശ്രയ സ്ഥാപനങ്ങള്‍ കേരളത്തിന്‍െറ ഉന്നത വിദ്യാഭ്യാസത്തിന്‍െറ നിലവാരത്തകര്‍ച്ചക്ക് കാരണമായെന്നും ഇതുമൂലം തൊഴില്‍രഹിതരുടെ എണ്ണം വര്‍ധിച്ചുവരുകയാണെന്നും മുഹമ്മദലി പറഞ്ഞു. വരുംകാലയളവില്‍ സ്വാശ്രയ വിദ്യാഭ്യാസത്തിന്‍െറ കെടുതികള്‍ രൂക്ഷമാവുമെന്നും കാര്‍ഷിക ആത്മഹത്യകള്‍പോലെ വിദ്യാര്‍ഥി ആത്മഹത്യകളും ഇതുവഴി സൃഷ്ടിക്കപ്പെടുമെന്നും ഇതിനെതിരെ ജനകീയ പ്രതിരോധം രൂപപ്പെടുത്തണമെന്നും ‘സോഷ്യല്‍ ഓഡിറ്റിങ്’ പ്രഖ്യാപനം നിര്‍വഹിച്ച് എസ്.ഐ.ഒ സംസ്ഥാന പ്രസിഡന്‍റ് ശിഹാബ് പൂക്കോട്ടൂര്‍ ആവശ്യപ്പെട്ടു.
എസ്.ഐ.വിന്‍െറ പഠനസഹായ വിതരണത്തിന്‍െറ സംസ്ഥാനതല ഉദ്ഘാടനം സോളിഡാരിറ്റി സംസ്ഥാന പ്രസിഡന്‍റ് പി.ഐ. നൗഷാദ് നിര്‍വഹിച്ചു. വിദ്യാഭ്യാസ ലോണ്‍ ഹോള്‍ഡേഴ്സ് അസോസിയേഷന്‍ സംസ്ഥാന സെക്രട്ടറി എം.വി. ജോണി, എസ്.ഐ.ഒ സംസ്ഥാന പി.ആര്‍ സെക്രട്ടറി പി.കെ. സാദിഖ്, ജമാഅത്തെ ഇസ്ലാമി വയനാട് ജില്ലാ പ്രസിഡന്‍റ് വി.പി. ബഷീര്‍ എന്നിവര്‍ സംസാരിച്ചു. എസ്.ഐ.ഒ സംസ്ഥാന ജനറല്‍ സെക്രട്ടറി കെ.പി. സലാം അധ്യക്ഷത വഹിച്ചു. എജുക്കേഷനല്‍ സ്ട്രാറ്റജി സെല്‍ കണ്‍വീനര്‍ കെ.എ. അനസ് സ്വാഗതവും എസ്.ഐ.ഒ വയനാട് ജില്ലാ പ്രസിഡന്‍റ് പി.എച്ച്. ലത്തീഫ് നന്ദിയും പറഞ്ഞു.

എസ്.ഐ.ഒ വളപട്ടണം ഏരിയാ സമ്മേളനം

 എസ്.ഐ.ഒ വളപട്ടണം
ഏരിയാ സമ്മേളനം
പാപ്പിനിശ്ശേരി: ‘ഭാവി നമ്മുടേതാണ്’ എന്ന കാമ്പയിനോടനുബന്ധിച്ച് എസ്.ഐ.ഒ വളപട്ടണം ഏരിയാ സമ്മേളനം മുന്‍ ജില്ലാ പ്രസിഡന്‍റ് ഷംസീര്‍ ഇബ്രാഹിം ഉദ്ഘാടനം ചെയ്തു. ടി.പി. മുഹമ്മദ് ശമീം മുഖ്യപ്രഭാഷണം നടത്തി. ജില്ലാ സമിതിയംഗം ഹുദൈഫ മുസ്തഫ അധ്യക്ഷത വഹിച്ചു. ഹഫീഫ് വളപട്ടണം സ്വാഗതവും ശാഹിദ് പാപ്പിനിശ്ശേരി നന്ദിയും പറഞ്ഞു.

കടന്നപ്പള്ളിയെ കുരുതികൊടുക്കാന്‍ അനുവദിക്കില്ല-സോളിഡാരിറ്റി

കടന്നപ്പള്ളിയെ കുരുതികൊടുക്കാന്‍
അനുവദിക്കില്ല-സോളിഡാരിറ്റി
പയ്യന്നൂര്‍: കടന്നപ്പള്ളി ഗ്രാമത്തെ ഉന്മൂലനം ചെയ്ത് വാതക പൈപ്പിടാനുള്ള ഗ്യാസ് അതോറിറ്റിയുടെ നീക്കം ശക്തമായി ചെറുക്കാന്‍ സോളിഡാരിറ്റി യൂത്ത് മൂവ്മെന്‍റ് ജില്ലാ കമ്മിറ്റി യോഗം തീരുമാനിച്ചു. ഒരു നാടിന്‍െറ സുഭിക്ഷതയുടെ ചിഹ്നങ്ങളായ നെല്‍വയലുകളും നീര്‍ത്തടങ്ങളും തകര്‍ക്കാന്‍ ആരെയും അനുവദിക്കരുതെന്ന് യോഗം ആഹ്വാനം ചെയ്തു. നെല്‍വയലുകള്‍ സംരക്ഷിക്കാന്‍ കോടികള്‍ മുടക്കുന്ന സര്‍ക്കാര്‍തന്നെ മറുവശത്ത് നാടിന്‍െറ നാശത്തിന് വഴിമരുന്നിടുന്നത് തിരിച്ചറിയണം. പ്രസിഡന്‍റ് ഫാറൂഖ് ഉസ്മാന്‍ അധ്യക്ഷത വഹിച്ചു. ജനറല്‍ സെക്രട്ടറി ടി.കെ.മുഹമ്മദ് റിയാസ്, സാജിദ് നദ്വി, കെ.സാദിഖ് എന്നിവര്‍ സംസാരിച്ചു.

വെല്‍ഫെയര്‍ പാര്‍ട്ടി പേരാവൂര്‍ മണ്ഡലം പ്രഖ്യാപന സമ്മേളനം

 വെല്‍ഫെയര്‍ പാര്‍ട്ടി പേരാവൂര്‍
മണ്ഡലം പ്രഖ്യാപന സമ്മേളനം
ഇരിട്ടി: വെല്‍ഫെയര്‍ പാര്‍ട്ടി പേരാവൂര്‍ നിയോജകമണ്ഡലം പ്രഖ്യാപന സമ്മേളനം ഇരിട്ടിയില്‍ സംസ്ഥാന വൈസ് പ്രസിഡന്‍റ് സുരേന്ദ്രന്‍ കരിപുഴ ഉദ്ഘാടനം ചെയ്തു.
അഴിമതി രാഷ്ട്രീയത്തിനെതിരെ ജനപക്ഷ മൂല്യങ്ങള്‍ ഉയര്‍ത്തിപ്പിടിച്ച് പ്രവര്‍ത്തിക്കുമെന്ന് അദ്ദേഹം പറഞ്ഞു. ജില്ലാ പ്രസിഡന്‍റ് രാധാകൃഷ്ണന്‍ കൂടാളി അധ്യക്ഷത വഹിച്ചു. സംസ്ഥാന സെക്രട്ടറി ശ്രീജ നെയ്യാറ്റിന്‍കര മുഖ്യപ്രഭാഷണം നടത്തി. സ്വാമി വിശ്വഭദ്രാനന്ദ ബോധി, പള്ളിപ്രം പ്രസന്നന്‍, മധു കക്കാട് എന്നിവര്‍ സംസാരിച്ചു.
ഭാരവാഹികള്‍: രഘുനാഥ് ഇരിട്ടി (പ്രസി.), പത്മനാഭന്‍ മാസ്റ്റര്‍ മണത്തണ (വൈസ് പ്രസി.), ടി.കെ. റഷീദ് (ജന. സെക്ര.), ഫൈസല്‍ ആറളം (സെക്ര.), കെ.പി. ഖാദര്‍ (ട്രഷ.).

ജിജിക്ക് സഹായം നല്‍കും

ജിജിക്ക് സഹായം നല്‍കും
മട്ടന്നൂര്‍: വാഹനാപകടത്തില്‍ ഗുരുതരമായി പരിക്കേറ്റ് കിടപ്പിലായ യുവതിക്ക് സോളിഡാരിറ്റി  സഹായം വാഗ്ദാനം ചെയ്തു. ചാവശ്ശേരി വട്ടക്കയത്തെ വണ്ടിച്ചാല്‍ ഹൗസില്‍ വി.സി. കുഞ്ഞിരാമന്‍- ഗൗരി ദമ്പതികളുടെ മകള്‍ ജിജിക്കാണ് വീട്ടിലത്തെി  നേതാക്കള്‍ സഹായം വാഗ്ദാനം ചെയ്തത്.
ഒന്നരവര്‍ഷം മുമ്പുണ്ടായ അപകടത്തില്‍ കൈകാലുകളുടെയും കഴുത്തിലെയും എല്ലുകള്‍ പൊട്ടിയും തലച്ചോറിന് ക്ഷതമേറ്റും കിടപ്പിലായ ജിജിക്ക് ലക്ഷങ്ങള്‍ ചെലവിട്ട് ചികിത്സ നടത്തിയിട്ടും പരിക്കില്‍ നിന്ന് മോചനം ലഭിച്ചിരുന്നില്ല.
നാട്ടുകാര്‍ കമ്മിറ്റി രൂപവത്കരിച്ച് സ്വരൂപിച്ച തുകയും കുടുംബത്തിന് ആകെയുള്ള വരുമാനവുമാണ് ഇതുവരെ ചികിത്സക്ക് ചെലവിട്ടത്. അപകടത്തില്‍ ഓര്‍മശക്തി നഷ്ടപ്പെടുകകൂടി ചെയ്ത ജിജിക്ക് തുടര്‍ ചികിത്സക്ക് ഇനിയും ലക്ഷങ്ങള്‍ വേണം.
ജിജിയുടെ അവസ്ഥയെക്കുറിച്ച് ‘മാധ്യമം’ വാര്‍ത്ത പ്രസിദ്ധീകരിച്ചിരുന്നു.  ജിജിക്ക് വാട്ടര്‍ബെഡ് നല്‍കുമെന്നും മറ്റ് സഹായങ്ങള്‍ ലഭ്യമാക്കുമെന്നും സോളിഡാരിറ്റി നേതാക്കള്‍ കുടുംബത്തെ അറിയിച്ചു.
സേവനവിഭാഗം കണ്‍വീനര്‍ ടി.കെ. മുനീര്‍, ഏരിയാ സെക്രട്ടറി അന്‍സാര്‍ ഉളിയില്‍, സലീം തെരൂര്‍ എന്നിവരാണ്  വീട് സന്ദര്‍ശിച്ചത്.

‘ഖുര്‍ആന്‍ മനുഷ്യജീവിതത്തെ സമ്പൂര്‍ണമായി മാറ്റി’

‘ഖുര്‍ആന്‍ മനുഷ്യജീവിതത്തെ
സമ്പൂര്‍ണമായി  മാറ്റി’
പഴയങ്ങാടി: മനുഷ്യജീവിതത്തെ സമ്പൂര്‍ണമായും പരിവര്‍ത്തന വിധേയമാക്കിയത് ഖുര്‍ആനാണെന്ന് ഡയലോഗ് സെന്‍റര്‍ ഡയറക്ടര്‍ ശൈഖ് മുഹമ്മദ് കാരകുന്ന്. ഫ്രൈഡേ ക്ളബ് പഴയങ്ങാടിയില്‍ സംഘടിപ്പിച്ച ഖുര്‍ആന്‍ സെമിനാറില്‍ സംസാരിക്കുകയായിരുന്നു അദ്ദേഹം.
അന്ധവിശ്വാസം, സാംസ്കാരിക ജീര്‍ണത, സാമ്പത്തിക ഉച്ചനീചത്വം തുടങ്ങി മനുഷ്യനെ വരിഞ്ഞുമുറുക്കിയ സകലമാന തിന്മകളില്‍ നിന്നും പരിവര്‍ത്തിപ്പിക്കുന്നതില്‍ ഖുര്‍ആന്‍ വഹിച്ച പങ്ക് നിസ്തുലമാണ്.  
ഒരു മനുഷ്യനെ അകാരണമായി വധിച്ചാല്‍ ലോകത്തുള്ള മുഴുവന്‍ മനുഷ്യരെയും വധിക്കുന്നതിന് തുല്യമാണെന്നാണ് ഖുര്‍ആന്‍െറ ഭാഷ്യം. അതുകൊണ്ടുതന്നെ ഒരാള്‍ക്ക് നല്‍കുന്ന ജീവിത സൗകര്യം മൊത്തം മനുഷ്യര്‍ക്ക് നല്‍കുന്ന ജീവിത സൗകര്യത്തിനു തുല്യമായിരിക്കുമെന്നും അദ്ദേഹം പറഞ്ഞു.
ഫാ. ജേക്കബ് ജോസഫ്, സ്വാമി വിശ്വഭദ്രാനന്ദ ശക്തിബോധി എന്നിവര്‍ സംസാരിച്ചു. ഡോ.എസ്.എല്‍.പി.ഉമര്‍ ഫാറൂഖ് അധ്യക്ഷത വഹിച്ചു. പ്രഫ.എ.ജമാലുദ്ദീന്‍ സ്വാഗതവും ജമാല്‍ കടന്നപ്പള്ളി നന്ദിയും പറഞ്ഞു.

ചേലോറയില്‍ വീണ്ടും കുടിവെള്ള വിതരണം മുടങ്ങി; നാട്ടുകാര്‍ നെട്ടോട്ടത്തില്‍

ചേലോറയില്‍ വീണ്ടും കുടിവെള്ള
വിതരണം മുടങ്ങി; നാട്ടുകാര്‍ നെട്ടോട്ടത്തില്‍
ചേലോറ ട്രഞ്ചിങ് ഗ്രൗണ്ട് നിവാസികള്‍ക്ക് വീണ്ടും കുടിവെള്ളം മുടങ്ങി. കുടിവെള്ളത്തിനായി നാട്ടുകാര്‍ നെട്ടോട്ടത്തില്‍. വെള്ളം പമ്പുചെയ്യുന്ന മോട്ടോറിന്‍െറ വാള്‍വ് തകരാറിലായതാണ് കുടിവെള്ളം മുടങ്ങാന്‍ കാരണം. സംവിധാനം തകരാറിലായിട്ട് രണ്ടാഴ്ച പിന്നിട്ടിട്ടും ഒരു നടപടിയുമില്ളെന്നും നഗരസഭയുടെ മാലിന്യം തള്ളലിനെതിരെ സമരം ചെയ്യുന്ന പ്രദേശവാസികളോട് അധികൃതരുടെ ഭാഗത്തുനിന്നുള്ള പ്രതികാര നടപടിയാണിതെന്നും സമരസമിതി മെംബര്‍മാരായ മധു ചേലോറയും അബൂബക്കര്‍ ഹാജിയും പറഞ്ഞു.
അതേസമയം, മാലിന്യം തള്ളലിനെതിരെ പ്രദേശവാസികളുടെ സമരം 138 ദിവസം പിന്നിടുകയാണ്. ഇതിനിടയില്‍ പലതവണ സമരത്തെ പ്രകോപനപരമായി നേരിട്ടതും പൊലീസ് അകമ്പടിയില്‍ ബലമായി മാലിന്യം തള്ളിയതും സംഘര്‍ഷത്തിനിടയാക്കിയിരുന്നു. അതിനിടയില്‍ ചേലോറയില്‍ മാലിന്യ സംസ്കരണത്തിന് പുതിയ പദ്ധതി ആവിഷ്കരിക്കുമെന്ന അധികൃതരുടെ പ്രഖ്യാപനത്തെക്കുറിച്ച് തങ്ങള്‍ക്കൊന്നും അറിയില്ളെന്ന് സമരസമിതി നേതാക്കള്‍ പറഞ്ഞു.
അധികൃതര്‍ തങ്ങളെ ചര്‍ച്ചക്കു വിളിക്കുകയോ കൂടിയാലോചന നടത്തുകയോ ചെയ്തിട്ടില്ല. ഇത് നാട്ടുകാരെ വഞ്ചിക്കാനുള്ള ഏര്‍പ്പാടാണെന്നും ഇവര്‍ ആരോപിച്ചു.

രാഷ്ട്രീയ പാര്‍ട്ടികളെ നിയന്ത്രിക്കുന്നത് ക്വട്ടേഷന്‍ സംഘങ്ങള്‍ -എസ്.ഐ.ഒ

 
രാഷ്ട്രീയ പാര്‍ട്ടികളെ നിയന്ത്രിക്കുന്നത്
ക്വട്ടേഷന്‍ സംഘങ്ങള്‍ -എസ്.ഐ.ഒ
തലശ്ശേരി: അക്രമത്തിന്‍െറയും അറുകൊലയുടെയും രാഷ്ട്രീയത്തെ ചെറുത്തുതോല്‍പിക്കാന്‍ വിദ്യാര്‍ഥി സമൂഹം തയാറാവണമെന്ന് എസ്.ഐ.ഒ സംസ്ഥാന പ്രസിഡന്‍റ് ശിഹാബ് പൂക്കോട്ടൂര്‍ പറഞ്ഞു. കണ്ണൂര്‍ യൂനിവേഴ്സിറ്റി കാമ്പസ് പ്രവര്‍ത്തക സംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. വിയോജിപ്പുകളെ കായികമായി നേരിടുന്ന ഹിംസാത്മകമായ രാഷ്ട്രീയമാണ് സമൂഹത്തിലും കാമ്പസുകളിലും വ്യാപിക്കുന്നത്. പ്രത്യയശാസ്ത്രങ്ങള്‍ക്കും സംവാദങ്ങള്‍ക്കും പകരം ക്വട്ടേഷന്‍ സംഘങ്ങളാണ് രാഷ്ട്രീയ പാര്‍ട്ടികളെ നിയന്ത്രിക്കുന്നതെന്നും അദ്ദേഹം അഭിപ്രായപ്പെട്ടു. എസ്.ഐ.ഒ കണ്ണൂര്‍ യൂനിവേഴ്സിറ്റി സമിതി കണ്‍വീനര്‍ ടി.എം.സി. സിയാദലി അധ്യക്ഷത വഹിച്ചു.
ജി.ഐ.ഒ സംസ്ഥാന പ്രസിഡന്‍റ് എം.കെ. സുഹൈല, ജമാഅത്തെ ഇസ്ലാമി ജില്ലാ പ്രസിഡന്‍റ് ടി.കെ. മുഹമ്മദലി എന്നിവര്‍ സംസാരിച്ചു. കാമ്പസ് ആക്ടിവിസം എന്ന തലക്കെട്ടില്‍ നടന്ന ചര്‍ച്ചയില്‍ ജി.ഐ.ഒ കോഴിക്കോട് ജില്ലാ സെക്രട്ടറി അമല്‍ അബ്ദുറഹ്മാന്‍, എസ്.ഐ.ഒ തൃശൂര്‍ ജില്ലാ സെക്രട്ടറി ആഖില്‍, മലപ്പുറം ജില്ലാ സെക്രട്ടറി അഷ്റഫ് കൊണ്ടോട്ടി എന്നിവര്‍ സംസാരിച്ചു. എസ്.ഐ.ഒ സംസ്ഥാന സമിതിയംഗം സല്‍മാന്‍ സഈദ് മോഡറേറ്ററായിരുന്നു. ശംസീര്‍ ഇബ്രാഹിം ഖുര്‍ആന്‍ ദര്‍സ് നടത്തി. ജി.ഐ.ഒ ജില്ലാ സെക്രട്ടറി കെ.കെ. നസ്റീന സ്വാഗതവും കണ്ണൂര്‍ യൂനിവേഴ്സിറ്റി സമിതി സെക്രട്ടറി റിവിന്‍ജാസ് നന്ദിയും പറഞ്ഞു. എസ്.ഐ.ഒ ജില്ലാ ആക്ടിങ് പ്രസിഡന്‍റ് ആശിഖ് കാഞ്ഞിരോട്, അഫ്സല്‍ ഹുസൈന്‍, മിസ്അബ് അബ്ദുല്‍ കരീം തുടങ്ങിയവര്‍ നേതൃത്വം നല്‍കി.