ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----

Monday, July 1, 2013

വെല്‍ഫെയര്‍ പാര്‍ട്ടി നയവിശദീകരണ യോഗം

വെല്‍ഫെയര്‍ പാര്‍ട്ടി
നയവിശദീകരണ യോഗം
ഇരിക്കൂര്‍: വെല്‍ഫെയര്‍ പാര്‍ട്ടി കൂരാരി യൂനിറ്റ് യോഗത്തില്‍ നയവിശദീകരണം ജില്ലാ കമ്മിറ്റിയംഗം രഹ്ന ടീച്ചര്‍ നിര്‍വഹിച്ചു. കെ. അബ്ദുല്‍ ജബ്ബാര്‍ ഹാജി അധ്യക്ഷത വഹിച്ചു. എം.കെ. അബ്ദുറഹ്മാന്‍, നൗഷാദ് മത്തേര്‍, നജ്മ നല്ലക്കണ്ടി എന്നിവര്‍ സംസാരിച്ചു. ലൂസി ബെന്നി സ്വാഗതവും കീത്തടത്ത് മുസ്തഫ നന്ദിയും പറഞ്ഞു.
കൂരാരി യൂനിറ്റ് ഭാരവാഹികള്‍: കെ. അബ്ദുല്‍ ജബ്ബാര്‍ ഹാജി (പ്രസി), എന്‍. നജ്മ (വൈസ് പ്രസി), കീത്തടത്ത് മുസ്തഫ (സെക്ര), എന്‍. സുമയ്യ (ജോ. സെക്ര), കീത്തടത്ത് മുനീര്‍ (ട്രഷ).

WEEKLY


‘ഒരു കൈ ഒരു തൈ’ കാമ്പയിന്‍ ഉദ്ഘാടനം


‘ഒരു കൈ ഒരു തൈ’
കാമ്പയിന്‍ ഉദ്ഘാടനം
തലശ്ശേരി: മലര്‍വാടി ബാലസംഘം ‘ഒരു കൈ ഒരു തൈ’ പരിസ്ഥിതി കാമ്പയിന്‍ ജില്ലാതല ഉദ്ഘാടനം ജില്ലാ രക്ഷാധികാരി യു.പി. സിദ്ദീഖ് മാസ്റ്റര്‍ നിര്‍വഹിച്ചു. ടി.കെ.ഡി മുഴപ്പിലങ്ങാട് സംസാരിച്ചു. സി. അബ്ദുന്നാസിര്‍ അധ്യക്ഷത വഹിച്ചു. സാജിദ് കോമത്ത് സ്വാഗതം പറഞ്ഞു.

ജി.ഐ.ഒ വായന ദിന മത്സര വിജയികള്‍

 ജി.ഐ.ഒ വായന ദിന
മത്സര വിജയികള്‍
കണ്ണൂര്‍: വായന ദിനത്തോടനുബന്ധിച്ച്   ജി.ഐ.ഒ സംസ്ഥാന വ്യാപകമായി ഹൈസ്കൂള്‍, ഹയര്‍ സെക്കന്‍ഡറി വിദ്യാര്‍ഥിനികള്‍ക്കായി സംഘടിപ്പിച്ച ക്വിസ് മത്സരം ‘ഇന്‍ക്വസ്റ്റ്13’ ജില്ലാ തല ഫൈനല്‍ മത്സരം കണ്ണൂര്‍ കൗസര്‍ ഓഡിറ്റോറിയത്തില്‍ നടന്നു.
ഹൈസ്കൂള്‍ തലത്തില്‍ അല്‍ ഫലാഹ് ഇംഗ്ളീഷ് സ്കൂള്‍, വാദിഹുദ ഇംഗ്ളീഷ് സ്കൂള്‍, കൗസര്‍ ഇംഗ്ളീഷ് സ്കൂള്‍ ടീമംഗങ്ങളും ഹയര്‍ സെക്കന്‍ഡറി തലത്തില്‍ എം.എം.എച്ച്.എസ്.എസ് ന്യൂ  മാഹി , അല്‍ ഫലാഹ്  ഇംഗ്ളീഷ് സ്കൂള്‍, സി.എച്ച്.എം.ജി.എച്ച്.എസ്.എസ് വളപട്ടണം എന്നിവരും യഥാക്രമം ഒന്നും രണ്ടും മൂന്നും സ്ഥാനങ്ങള്‍ നേടി. അവാര്‍ഡുദാന ചടങ്ങ് ജില്ലാ പഞ്ചായത്ത് അംഗം പി.  മാധവന്‍ മാസ്റ്റര്‍ ഉദ്ഘാടനം  ചെയ്തു. ജി.ഐ.ഒ ജില്ലാ രക്ഷാധികാരി ഹനീഫ മാസ്റ്റര്‍, ജി.ഐ.ഒ ജില്ലാ പ്രസിഡന്‍റ് ഹസ്ന ഉളിയില്‍, സുമയ്യ, കെ.കെ. നാജിയ എന്നിവര്‍ സംസാരിച്ചു. മത്സരത്തിന് കെ.കെ. നസ്രീന, സക്കരിയ്യ മാസ്റ്റര്‍ എന്നിവര്‍ നേതൃത്വം നല്‍കി.

‘ഒരു കൈ ഒരു തൈ’ കാമ്പയിന്‍

‘ഒരു കൈ ഒരു തൈ’ കാമ്പയിന്‍
കണ്ണൂര്‍: മലര്‍വാടി ബാലസംഘം ‘ഒരു കൈ ഒരു തൈ’ പരിസ്ഥിതി കാമ്പയിന്‍ താണ യൂനിറ്റുതല ഉദ്ഘാടനം കണ്ണൂര്‍ ഫോറസ്റ്റ് ഓഫിസര്‍ സവീന്‍, കണ്ണോത്തുംചാല്‍ അല്‍ മദ്റസത്തുല്‍ ഇസ്ലാമിയ പരിസരത്ത് വൃക്ഷത്തൈ നട്ട് നിര്‍വഹിച്ചു. ബി. യാസര്‍, സീനത്ത് ടീച്ചര്‍ എന്നിവര്‍ സംസാരിച്ചു. വി.പി. നിസാര്‍ ഹരിതപ്രതിജ്ഞ ചൊല്ലിക്കൊടുത്തു.

കാന്തപുരത്തിന്‍െറ പ്രസ്താവന പ്രതിഷേധാര്‍ഹം - ജി.ഐ.ഒ കേരള

കാന്തപുരത്തിന്‍െറ പ്രസ്താവന
പ്രതിഷേധാര്‍ഹം - ജി.ഐ.ഒ കേരള
കോഴിക്കോട്: മുസ്ലിം പെണ്‍കുട്ടികളുടെ വിവാഹ രജിസ്ട്രേഷനുമായി ബന്ധപ്പെട്ട വിവാദങ്ങള്‍ക്കൊടുവില്‍ വിവാഹപ്രായത്തെ വഴിപിഴക്കലുമായി കൂട്ടിച്ചേര്‍ത്ത് കാന്തപുരം എ.പി. അബൂബക്കര്‍ മുസ്ലിയാര്‍ നടത്തിയ അഭിപ്രായ പ്രകടനത്തെ ജി.ഐ.ഒ സംസ്ഥാന സെക്രട്ടേറിയറ്റ് അപലപിച്ചു.
വിദ്യാഭ്യാസപരമായി മുസ്ലിം പെണ്‍കുട്ടികള്‍ ഉയര്‍ന്നു നില്‍ക്കുന്ന കാലത്ത്  മതപുരോഹിതന്മാര്‍ ഇത്തരത്തിലുള്ള വിവാദ പരാമര്‍ശങ്ങള്‍ നടത്തുന്നത് അംഗീകരിക്കാനാവില്ളെന്ന്  യോഗം കൂട്ടിച്ചേര്‍ത്തു.

എസ്.ഐ.ഒ മാര്‍ച്ചില്‍ പൊലീസ് അക്രമം; നിരവധി പേര്‍ക്ക് പരിക്ക്

എസ്.ഐ.ഒ മാര്‍ച്ചില്‍ പൊലീസ് അക്രമം;
നിരവധി പേര്‍ക്ക് പരിക്ക്

കോഴിക്കോട്: കോളജുകള്‍ക്ക് സ്വയംഭരണാവകാശം നല്‍കുന്നതിനുമുമ്പ് സമഗ്ര നിയമനിര്‍മാണം വേണമെന്നാവശ്യപ്പെട്ട് എസ്.ഐ.ഒ നടത്തിയ ഡി.ഡി.ഇ ഓഫിസ് മാര്‍ച്ചിനുനേരെ പൊലീസ് ലാത്തിച്ചാര്‍ജ്.
നേതാക്കളടക്കം നിരവധി എസ്.ഐ.ഒ പ്രവര്‍ത്തകര്‍ക്ക് ഗുരുതരമായി പരിക്കേറ്റു. പ്രകോപനമില്ലാതെ ലാത്തിവീശിയ പൊലീസ്, പ്രവര്‍ത്തകരെ വളഞ്ഞിട്ടു തല്ലി. മുപ്പതിലധികം പേര്‍ക്ക്് പരിക്കേറ്റു. എസ്.ഐ.ഒ സംസ്ഥാന കാമ്പസ് സമിതി അംഗം അമീന്‍ മോങ്ങം, ജില്ലാ സമിതിയംഗങ്ങളായ നഈം ഗഫൂര്‍, സജീര്‍ എടത്തുടി, പി.കെ. നുഐം , എം.കെ. ഇബ്രാഹിം , ഫഹ്മി കാപ്പാട്,  എം. സഹല്‍, ജെ.എം.ഷഫീഖ് , സി. നഈം, വസീം പുന്നശ്ശേരി, കെ.പി. അസ്ലഹ് , മുജാഹിദ്, ഹഫീദ് എന്നിവരെ ബീച്ച് ആശുപത്രിയില്‍ പ്രവേശിപ്പിച്ചു.
പൊലീസ് നടപടിയില്‍ പ്രതിഷേധിച്ച് പ്രവര്‍ത്തകര്‍ ഒരു മണിക്കൂറോളം ദേശീയപാത ഉപരോധിച്ചു. അക്രമം നടത്തിയ പൊലീസുകാര്‍ക്കെതിരെ നടപടി സ്വീകരിക്കണമെന്നാവശ്യപ്പെട്ട് കമീഷണര്‍ ഓഫിസിലേക്ക് വിദ്യാര്‍ഥികള്‍ മാര്‍ച്ച് നടത്തി. സോളിഡാരിറ്റി സംസ്ഥാന ജനറല്‍ സെക്രട്ടറി ടി. മുഹമ്മദ് വേളം ഉദ്ഘാടനം ചെയ്തു. സമാധാനപരമായി സമരംചെയ്യുന്ന സംഘടനകളെ തെരഞ്ഞെടുത്ത് ആക്രമിക്കുന്ന ഉമ്മന്‍ ചാണ്ടി സര്‍ക്കാറിന്‍െറ സമീപനത്തിന്‍െറ തുടര്‍ച്ചയാണ് ഈ നടപടിയെന്ന് അദ്ദേഹം പറഞ്ഞു. ജമാഅത്തെ ഇസ്ലാമി ജില്ലാ പ്രസിഡന്‍റ് ഖാലിദ് മൂസാ നദ്വി, ശിഹാബുദ്ദീന്‍ ഇബ്നു ഹംസ എന്നിവര്‍ സംസാരിച്ചു.  നേതാക്കളുമായി നടത്തിയ ചര്‍ച്ചയില്‍, അക്രമം കാണിച്ച പൊലീസുകാര്‍ക്കെതിരെ നടപടി സ്വീകരിക്കുമെന്ന്് സിറ്റി പൊലീസ് കമീഷണര്‍ സ്പര്‍ജന്‍ കുമാര്‍ ഉറപ്പുനല്‍കി. രാവിലെ  ഡി.ഡി.ഇ ഓഫിസ് മാര്‍ച്ച് എസ്.ഐ.ഒ സംസ്ഥാന പ്രസിഡന്‍റ് എസ്. ഇര്‍ഷാദ്  ഉദ്ഘാടനം ചെയ്തു. ജില്ലാ പ്രസിഡന്‍റ് ഷബീര്‍ കൊടുവള്ളി, അമീന്‍ മോങ്ങം എന്നിവര്‍ സംസാരിച്ചു.
ലാത്തിച്ചാര്‍ജ് പൊലീസുകാരന്‍െറ പദ്ധതിയെന്ന്
ഇന്‍റലിജന്‍സ് റിപ്പോര്‍ട്ട്
കോഴിക്കോട്: കോളജുകള്‍ക്ക് സ്വയംഭരണാവകാശം അനുവദിക്കാനുള്ള നീക്കത്തില്‍ പ്രതിഷേധിച്ച് എസ്.ഐ.ഒ നടത്തിയ ഡി.ഡി.ഇ ഓഫിസ് മാര്‍ച്ചില്‍ വിദ്യാര്‍ഥികളെ മര്‍ദിക്കാന്‍ ഒരു പൊലീസുകാരന്‍ അമിതാവേശം കാണിച്ചതായി ഇന്‍റലിജന്‍സ് റിപ്പോര്‍ട്ട്. പൊലീസിനെതിരെ മുദ്രാവാക്യം വിളിക്കാതെയും കൈപോലും ചൂണ്ടാതെയും മാര്‍ച്ച് നടത്തുന്നതിനിടെ ഒരു പൊലീസുകാരന്‍ കരുതിക്കൂട്ടി ലാത്തിച്ചാര്‍ജിന് നേതൃത്വം നല്‍കിയെന്നാണ് ഇന്‍റലിജന്‍സ് റിപ്പോര്‍ട്ട്.  ഇയാളെ കുറിച്ചുള്ള വിവരങ്ങള്‍ ഇന്‍റലിജന്‍സ് സിറ്റി പൊലീസ് കമീഷണര്‍ക്കും ആഭ്യന്തര മന്ത്രാലയത്തിനും കൈമാറി. ലാത്തിച്ചാര്‍ജ് നടത്താന്‍ തക്കവിധം ഒരു പ്രകോപനവും വിദ്യാര്‍ഥികളില്‍നിന്ന് ഉണ്ടായിട്ടില്ളെന്ന് റിപ്പോര്‍ട്ടിലുണ്ട്.
കഴിഞ്ഞദിവസം ഇടതുയുവജന സംഘടനകള്‍ എല്‍.ഡി.വൈ.എഫ് നടത്തിയ കലക്ടറേറ്റ് മാര്‍ച്ചില്‍ രൂക്ഷമായ കല്ളേറുണ്ടായിട്ടും ലാത്തിച്ചാര്‍ജിന് തുനിയാതിരുന്ന പൊലീസ്, സമാധാനപരമായി മാര്‍ച്ച് നടത്തിയ എസ്.ഐ.ഒ വിദ്യാര്‍ഥികളെ മര്‍ദിച്ചതിന് പിന്നിലെ ലക്ഷ്യവും ഇന്‍റലിജന്‍സ് അന്വേഷിക്കുന്നുണ്ട്. വെള്ളിയാഴ്ച എ.ബി.വി.പിയുടെ നേതൃത്വത്തില്‍ വിദ്യാര്‍ഥികള്‍ നടത്തിയ ഡി.ഡി.ഇ ഓഫിസ് മാര്‍ച്ചിനിടെ പൊലീസിന് നേരെ കൈയേറ്റ ശ്രമം നടന്നതായും ഒരു സംഘം വിദ്യാര്‍ഥികള്‍ രണ്ടാമത്തെ ഗേറ്റിലൂടെ ഉള്ളില്‍ പ്രവേശിച്ചിട്ടും പൊലീസ് അനങ്ങിയില്ളെന്നും റിപ്പോര്‍ട്ടില്‍ ചൂണ്ടിക്കാട്ടുന്നു.
ഇന്നലെ ലാത്തിച്ചാര്‍ജിന് നേതൃത്വം നല്‍കിയ പൊലീസുകാരന്‍െറ രാഷ്ട്രീയ-സംഘടനാ ബന്ധമടക്കം വിശദാംശം ശേഖരിച്ചതായി അറിയുന്നു. എസ്.ഐ.ഒ പ്രവര്‍ത്തകര്‍ കുഴപ്പമൊന്നും ഉണ്ടാക്കിയില്ളെന്നും എന്നിട്ടും ലാത്തിച്ചാര്‍ജ് നടത്തിയതിന് ദു$ഖമുണ്ടെന്നും ഡ്യൂട്ടിയിലുണ്ടായിരുന്ന ഉന്നത പൊലീസ് ഓഫിസര്‍ പ്രതികരിച്ചു. ജനാധിപത്യ രീതിയില്‍ നടത്തുന്ന സമരങ്ങളെ തല്ലിയൊതുക്കാന്‍ പൊലീസ് ശ്രമിക്കുന്നതായി എസ്.ഐ.ഒ സംസ്ഥാന പ്രസിഡന്‍റ് എസ്. ഇര്‍ഷാദ് ആരോപിച്ചു. ലാത്തിയടിയേറ്റ് പരിക്കേറ്റ് ചികില്‍സയില്‍ കഴിയുന്ന പ്രവര്‍ത്തകരെ സന്ദര്‍ശിച്ച് സംസാരിക്കുകയായിരുന്നു അദ്ദേഹം. ജനറല്‍ സെക്രട്ടറി സഫീര്‍ഷ, സെക്രട്ടറി കെ.എസ്. നിസാര്‍, സംസ്ഥാന സമിതിയംഗം റബീഹ് മുഹമ്മദ് എന്നിവരും പരിക്കേറ്റവരെ സന്ദര്‍ശിച്ചു.
Courtesy:Madhyamam