ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----

Monday, August 13, 2012

ക്വിസ് പ്രോഗ്രാം

ക്വിസ് പ്രോഗ്രാം
ചക്കരക്കല്ല്: ഖുര്‍ആനിലെ ‘ശൂറ’ അധ്യായത്തെ ആസ്പദമാക്കി ചക്കരക്കല്ല് സഫ സെന്‍ററില്‍ പൊതുജനങ്ങള്‍ക്കായി ക്വിസ് പ്രോഗ്രാം സംഘടിപ്പിച്ചു. ജമാ അത്തെ ഇസ്ലാമി കണ്ണൂര്‍ ഏരിയ വൈസ് പ്രസിഡന്‍റ് ഇ. അബ്ദുല്‍ സലാം ഉദ്ഘാടനം ചെയ്തു. കെ.കെ. ഇബ്രാഹിം മാസ്റ്റര്‍ അധ്യക്ഷത വഹിച്ചു. മത്സരത്തില്‍ ഡോ. കെ.പി. അബ്ദുല്‍ ഗഫൂര്‍ ഒന്നാം സ്ഥാനം നേടി. ആരിഫ മെഹബൂബ്, ഷമീമ ഇബ്രാഹിം  എന്നിവര്‍ രണ്ടും മൂന്നും സ്ഥാനങ്ങള്‍ നേടി.

ഇഫ്താര്‍ സംഗമം

 
  ഇഫ്താര്‍ സംഗമം
കാഞ്ഞിരോട്: ഇന്ത്യന്‍ നാഷനല്‍ ലീഗ് പുറവൂര്‍ ശാഖയുടെയും മെഹബൂബെ മില്ലത്ത് കള്‍ചറല്‍ ഫോറത്തിന്‍െറയും ആഭിമുഖ്യത്തില്‍ റിലീഫ് വിതരണവും ഇഫ്താര്‍ സംഗമവും നടത്തി. റിലീഫ് വിതരണോദ്ഘാടനം ഐ.എന്‍.എല്‍ ജില്ലാ പ്രസിഡന്‍റ് അഡ്വ. എം.സി. ഹാശിം നിര്‍വഹിച്ചു. മുന്‍ എം.എല്‍.എ കെ.കെ. ശൈലജ ടീച്ചര്‍ മുഖ്യപ്രഭാഷണം നടത്തി. കെ.എം. മഖ്ബൂല്‍ മാസ്റ്റര്‍ റമദാന്‍ സന്ദേശം നല്‍കി. ഐ.എന്‍.എല്‍ ജില്ലാ സെക്രട്ടറി അഷ്റഫ് പുറവൂര്‍ അധ്യക്ഷത വഹിച്ചു. മഹമൂദ് പാറക്കാട്ട്, താജുദ്ദീന്‍ മട്ടന്നൂര്‍, എം.പി. മുഹമ്മദലി, ഖാദര്‍ കണ്ണൂര്‍, കെ.കെ. കീറ്റുക്കണ്ടി, രാമദാസ് കതിരൂര്‍, കെ.വി. ജയചന്ദ്രന്‍, സന്ദീപ് മട്ടന്നൂര്‍, നൗഷാദ് കീച്ചേരി, പി.സി. അഹമ്മദ് ഹാജി, അഡ്വ. മനോജ്, പി.സി. അഹമ്മദ്കുട്ടി, പി.സി. നൗഷാദ്,പി.സി. കുഞ്ഞിമുഹമ്മദ്, ടി.കെ. സാജിദ്, വത്സലന്‍ പുറവൂര്‍ എന്നിവര്‍ സംസാരിച്ചു.

PRABODHANAM WEEKLY


MADHYAMAM WEEKLY


ഇഫ്താര്‍


സോളിഡാരിറ്റി കണ്ണൂര്‍ ജില്ല, കണ്ണൂര്‍ ഹെഡ് ക്വാട്ടേര്‍സ് ഹോസ്പിറ്റലില്‍ നടത്തിയ ഇഫ്താര്‍ സംഗമത്തില്‍ സംസ്ഥാന സമിതിയംഗം കെ എം മഖ്ബൂല്‍ സന്ദേശം കൈമാറുന്നു. വേദിയില്‍ യു എ ഇ കണ്ണൂര്‍ അസോസിയേഷന്‍ പ്രസിഡന്റ്‌ അഡ്വക്കെറ്റ് ശുകൂര്‍, ആര്‍ എം ഒ ഡോക്ടര്‍ സന്തോഷ്‌, പി സി ഷമീം, ടി കെ മുഹമ്മദ്‌ റിയാസ് (ജെനറല്‍ സെക്രട്ടറി, സോളിഡാരിറ്റി - കണ്ണൂര്‍.)

ലീഗ് ഹൗസ് ഉദ്ഘാടനം

 
 ലീഗ് ഹൗസ് ഉദ്ഘാടനം
കാഞ്ഞിരോട്: കാഞ്ഞിരോട് ബസാറില്‍ നിര്‍മിച്ച ലീഗ് ഹൗസിന്‍െറ ഉദ്ഘാടനം സംസ്ഥാന വൈസ് പ്രസിഡന്‍റ് വി.കെ. അബ്ദുല്‍ ഖാദര്‍ മൗലവി ഉദ്ഘാടനം ചെയ്തു. എ. അശ്റഫ് മാസ്റ്റര്‍ അധ്യക്ഷത വഹിച്ചു.
അഡ്വ. പി.വി. സൈനുദ്ദീന്‍, അന്‍സാരി തില്ലങ്കേരി, കെ.പി. താഹിര്‍, എം.പി. മുഹമ്മദലി, അശ്റഫ് ബംഗാളിമുഹല്ല, കെ.പി സലാം, പി.സി. അഹമ്മദ്കുട്ടി, എം.പി. നൂറുദ്ദീന്‍, പി. അശ്റഫ്, നജീബ് കുനിയില്‍ , എം.കെ. റഹീം എന്നിവര്‍ സംസാരിച്ചു. എ. മഹറൂഫ് മാസ്റ്റര്‍ സ്വാഗതവും പി.സി. മുനവ്വിര്‍ നന്ദിയും പറഞ്ഞു.

യോഗ്യതയില്ലാത്തവരെ നിയോഗിക്കരുത് -തനിമ

യോഗ്യതയില്ലാത്തവരെ
അക്കാദമി സ്ഥാപനങ്ങളില്‍
നിയോഗിക്കരുത് -തനിമ
കോഴിക്കോട്: യോഗ്യരും പ്രാപ്തരുമല്ലാത്തവരെ അക്കാദമി സ്ഥാപനങ്ങളില്‍ തിരുകിക്കയറ്റി കേരളത്തിന്‍െറ സാംസ്കാരിക പൈതൃകത്തിന്‍െറ പിന്തുടര്‍ച്ച ഇല്ലാതാക്കരുതെന്ന് തനിമ കലാ സാഹിത്യവേദി സംസ്ഥാന സെക്രട്ടേറിയറ്റ് യോഗം ആവശ്യപ്പെട്ടു. കേരളപ്പിറവിക്കുശേഷം തെരഞ്ഞെടുക്കപ്പെട്ട സര്‍ക്കാറുകളുടെ സാംസ്കാരിക ഇച്ഛാശക്തിയാണ് നമ്മുടെ സാംസ്കാരിക സ്ഥാപനങ്ങള്‍ ഇന്ത്യയിലെ മറ്റു സംസ്ഥാനങ്ങളില്‍നിന്ന് തലയുയര്‍ത്തി നില്‍ക്കാന്‍ കാരണം. എന്നാല്‍, ഇന്ന് ബംഗാളും കര്‍ണാടകയും മഹാരാഷ്ടയുമൊക്കെ വ്യത്യസ്ത കലാസാഹിത്യ പ്രവര്‍ത്തനങ്ങളുടെ പേരില്‍ മലയാളത്തേക്കാള്‍ ബഹുദൂരം മുന്നിലാണെന്ന്  സെക്രട്ടേറിയറ്റ് പറഞ്ഞു. സംസ്ഥാന പ്രസിഡന്‍റ് ആദം അയൂബ് അധ്യക്ഷത വഹിച്ചു.