ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----

Thursday, June 6, 2013

WANTED


പരിസ്ഥിതി സംരക്ഷണ റാലി നടത്തി.

പരിസ്ഥിതി സംരക്ഷണ റാലി
വാദിഹുദ പ്രോഗ്രസീവ് ഇംഗ്ളീഷ് സ്കൂള്‍ പരിസ്ഥിതി ക്ളബ് പഴയങ്ങാടി ടൗണില്‍ പരിസ്ഥിതി സംരക്ഷണ റാലി നടത്തി.  
വാദിഹുദ കാമ്പസില്‍ നടന്ന സെമിനാറില്‍ പയ്യന്നൂര്‍ കോളജ് സുവോളജി വിഭാഗം തലവന്‍ ഡോ.സ്വരന്‍ പരിസ്ഥിതി ദിന സന്ദേശം നല്‍കി. പ്രിന്‍സിപ്പല്‍ പി.കെ.മുഹമ്മദ് സാജിദ് നദ്വി അധ്യക്ഷത വഹിച്ചു.   ടി.ഐ.ടി ട്രസ്റ്റ് സെക്രട്ടറി എ.മുഹമ്മദ് കുഞ്ഞി വൃക്ഷത്തൈ നട്ടു. 
അധ്യാപകരായ എം.പി.അസീസ്, ഒ.പി.രൂപ, എന്‍.ശ്രീനി, ഷീബ, എന്‍.എസ്.സതി, പി.വി.നിത്യ, അസ്ഹര്‍ അബ്ദുറഹിമാന്‍ എന്നിവര്‍ നേതൃത്വം നല്‍കി.

അപേക്ഷ ക്ഷണിച്ചു

 അപേക്ഷ ക്ഷണിച്ചു
പഴയങ്ങാടി: ടി.ഐ.ടി ഗ്രൂപ്പിന്‍െറ പുതിയ സംരംഭമായ വാദിഹുദാ ഇസ്ലാമിക് അക്കാദമിയിലേക്ക് ഹയര്‍ സെക്കന്‍ഡറി, ഡിഗ്രി, ഡിപ്ളോമ കോഴ്സുകളിലേക്ക് അപേക്ഷ ക്ഷണിച്ചു. പെണ്‍കുട്ടികള്‍ക്ക് മാത്രമുള്ള കാമ്പസ് മുട്ടത്താണ് സജ്ജീകരിച്ചിരിക്കുന്നത്.
ഹയര്‍ സെക്കന്‍ഡറി തലത്തില്‍ കോമേഴ്സ്, ഹ്യുമാനിറ്റീസ്, അഫ്ദലുല്‍ ഉലമ (പ്രിലിമിനറി) എന്നീ കോഴ്സുകളും ഡിഗ്രി തലത്തില്‍ ബി.കോം, ബി.എ ഇംഗ്ളീഷ്, ബി.എ അറബിക് എന്നീ കോഴ്സുകളുമാണുള്ളത്. കൂടുതല്‍ വിവരങ്ങള്‍ക്ക് ഫോണ്‍: 0497-2875165, 8129010152.

പരിസ്ഥിതിദിനം

 പരിസ്ഥിതിദിനം
 കാഞ്ഞിരോട്: കാഞ്ഞിരോട് എ.യു.പി സ്കൂള്‍ പരിസ്ഥിതിദിനം വിവിധ പരിപാടികളോടെ ആചരിച്ചു. ഹെഡ്മിസ്ട്രസ് പി.കെ. യമുന സ്കൂള്‍ അങ്കണത്തില്‍ വൃക്ഷത്തൈ നട്ട് ഉദ്ഘാടനം ചെയ്തു. പരിസ്ഥിതി വിഷയമാക്കി പോസ്റ്റര്‍ രചന, കഥാരചന, കുറിപ്പ് തയാറാക്കല്‍ എന്നിവയും നടന്നു. എം. വന്ദന, കെ. വസുമതി, കെ. പ്രീത എന്നിവര്‍ നേതൃത്വം നല്‍കി.

കേരള ഹജ്ജ് ഗ്രൂപ്പ് ഉംറ സംഘം 10ന് പുറപ്പെടും

 
കേരള ഹജ്ജ് ഗ്രൂപ്പ് ഉംറ സംഘം 
10ന് പുറപ്പെടും
കോഴിക്കോട്: കേരള ഹജ്ജ് ഗ്രൂപ്പിനുകീഴിലെ ജൂണ്‍ മാസ ഉംറ സംഘം സെക്രട്ടറി റഫീഖുര്‍റഹ്മാന്‍െറ നേതൃത്വത്തില്‍ ജൂണ്‍ 10ന് മക്കയിലേക്ക് യാത്രതിരിക്കും. കേരള ഹജ്ജ് ഗ്രൂപ്പ്  പ്രതിനിധി ഇബ്രാഹീം മുല്ല (ഹിറാ സെന്‍റര്‍) സംഘത്തെ അനുഗമിക്കും. 10ന് രാത്രി കരിപ്പൂര്‍-ജിദ്ദ എയര്‍ ഇന്ത്യ വിമാനത്തിലാണ് സംഘത്തിന്‍െറ യാത്ര. തീര്‍ഥാടകര്‍ക്കുള്ള ക്യാമ്പ് ജൂണ്‍ മൂന്നിന് ഹിറാ സെന്‍ററില്‍ നടന്നു. പി.പി. അബ്ദുര്‍റഹ്മാന്‍ പെരിങ്ങാടി, മാലിക് ശഹ്ബാസ് എന്നിവര്‍ ക്ളാസെടുത്തു. പി.പി. അബ്ദുല്‍ മജീദ് സ്വാഗതം പറഞ്ഞു. റമദാനിലേക്കുള്ള ഉംറ ബുക്കിങ് തുടരുന്നതായി സെക്രട്ടറി അറിയിച്ചു.