ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----

Tuesday, June 28, 2011

SOLIDARITY KANNUR


 നെറ്റ്വര്‍ക് മാര്‍ക്കറ്റിങ്ങിനെതിരെ സോളിഡാരിറ്റി
എസ്.പി ഓഫിസ് മാര്‍ച്ച് നടത്തി
കണ്ണൂര്‍: ജില്ലയില്‍ നെറ്റ്വര്‍ക് മാര്‍ക്കറ്റിങ് നിരോധിക്കുക, തട്ടിപ്പുകള്‍ക്ക് കൂട്ടുനില്‍ക്കുന്ന പൊലീസ് നയം തിരുത്തുക, പൊലീസിന്റെ ക്രിമിനല്‍ മാഫിയ കൂട്ടുകെട്ട് അവസാനിപ്പിക്കുക തുടങ്ങിയ ആവശ്യങ്ങളുന്നയിച്ച് സോളിഡാരിറ്റി ജില്ലാ കമ്മിറ്റിയുടെ നേതൃത്വത്തില്‍ എസ്.പി ഓഫിസ് മാര്‍ച്ച് നടത്തി. സോളിഡാരിറ്റി ജില്ലാ പ്രസിഡന്റ് ഫാറൂഖ് ഉസ്മാന്റെ അധ്യക്ഷതയില്‍ സംസ്ഥാന ജനറല്‍ സെക്രട്ടറി ടി. മുഹമ്മദ് വേളം ഉദ്ഘാടനം ചെയ്തു. ജില്ലയില്‍ നടക്കുന്ന നെറ്റ്വര്‍ക് മാര്‍ക്കറ്റിങ് തട്ടിപ്പുകളെക്കുറിച്ച് സമഗ്രമായ അന്വേഷണം നടത്തി കുറ്റക്കാരെ മാതൃകാപരമായി ശിക്ഷിക്കണമെന്ന് അദ്ദേഹം ആവശ്യപ്പെട്ടു.
സാമൂഹിക പ്രവര്‍ത്തകന്‍ എന്‍. സുബ്രഹ്മണ്യന്‍, ജമാഅത്തെ ഇസ്ലാമി ജില്ലാ പ്രസിഡന്റ് ടി.കെ. മുഹമ്മദലി, എസ്.ഐ.ഒ ജില്ലാ ജോ. സെക്രട്ടറി യൂനുസ് സലീം, സോളിഡാരിറ്റി ജില്ലാ ജനറല്‍ സെക്രട്ടറി ടി.കെ. മുഹമ്മദ് റിയാസ്, സെക്രട്ടറി കെ. സാദിഖ് എന്നിവര്‍ സംബന്ധിച്ചു. പഴയ ബസ്സ്റ്റാന്‍ഡ് പരിസരത്തുനിന്നാരംഭിച്ച മാര്‍ച്ചിന് സോളിഡാരിറ്റി ജില്ലാ വൈസ് പ്രസിഡന്റുമാരായ എന്‍.എം. ഷഫീഖ്്, വി.എന്‍. ഹാരിസ്, സെക്രട്ടറിമാരായ എ.പി. അജ്മല്‍, ടി.കെ. മുഹമ്മദ് അസ്ലം, കെ.എം. അഷ്ഫാഖ് എന്നിവര്‍ നേതൃത്വം നല്‍കി. കണ്ണൂര്‍ ഡിവൈ.എസ്.പി കെ.വി. സന്തോഷിന്റെ നേതൃത്വത്തില്‍ പൊലീസ് ക്ലബ് പരിസരത്ത് പൊലീസ് മാര്‍ച്ച് തടഞ്ഞു. നെറ്റ്വര്‍ക് മാര്‍ക്കറ്റിങ് പൂര്‍ണമായി നിരോധിക്കണമെന്നാവശ്യപ്പെട്ട് സോളിഡാരിറ്റി നേതാക്കള്‍ എസ്.പിക്ക് നിവേദനം നല്‍കി.

Monday, June 27, 2011

SOLIDARITY IRITTY AREA

പ്രതിഷേധിച്ചു
ഇരിട്ടി: ഡീസല്‍, പാചകവാതകം, മണ്ണെണ്ണ എന്നിവക്ക് വില കൂട്ടിയ കേന്ദ്രസര്‍ക്കാറിന്റെ ജനവിരുദ്ധ നടപടിയില്‍ സോളിഡാരിറ്റി ഇരിട്ടി ഏരിയാ കമ്മിറ്റി പ്രതിഷേധിച്ചു. വിലക്കയറ്റം മൂലം ദുരിതമനുഭവിക്കുന്ന പാവപ്പെട്ട ജനങ്ങളുടെ മേല്‍ കനത്ത പ്രഹരമാണ് ഇന്ധന വിലവര്‍ധനയെന്ന് സെക്രട്ടേറിയറ്റ് വിലയിരുത്തി.
യോഗത്തില്‍ അസ്ലം അധ്യക്ഷത വഹിച്ചു. ശാനിഫ്, ശക്കീബ്, ഷഫീര്‍, സജീര്‍, അന്‍സാര്‍ എന്നിവര്‍ സംസാരിച്ചു.

SOLIDARITY KANNUR

സോളിഡാരിറ്റി
മാര്‍ച്ച് ഇന്ന്
കണ്ണൂര്‍: നെറ്റ്വര്‍ക് മാര്‍ക്കറ്റിങ് നിരോധിക്കുക, നിയമം നടപ്പാക്കുക എന്നീ ആവശ്യങ്ങളുന്നയിച്ച് സോളിഡാരിറ്റി തിങ്കളാഴ്ച എസ്.പി ഓഫിസിലേക്ക് മാര്‍ച്ച് നടത്തും. സംസ്ഥാന ജനറല്‍ സെക്രട്ടറി ടി. മുഹമ്മദ് വേളം ഉദ്ഘാടനം ചെയ്യും. രാവിലെ 10ന് മുനിസിപ്പല്‍ ബസ്സ്റ്റാന്‍ഡ് പരിസരത്തുനിന്ന് ആരംഭിക്കും.

MADHYAMAM NO 1

SNVM ISSUE FLASH NEWS

SOLIDARITY KANNUR

സ്വാഗതാര്‍ഹം -സോളിഡാരിറ്റി
കണ്ണൂര്‍: നെറ്റ്വര്‍ക്ക് മാര്‍ക്കറ്റിങ് മണിചെയിന്‍ തട്ടിപ്പുകള്‍ ഗുണ്ടാ ആക്ടില്‍പെടുത്തി കര്‍ശന നടപടികള്‍ കൈക്കൊള്ളുമെന്ന ഗവര്‍ണറുടെ നയപ്രഖ്യാപനം സോളിഡാരിറ്റി ജില്ലാ സെക്രട്ടറി കെ. സാദിഖ് സ്വാഗതം ചെയ്തു.

SOLIDARITY THALIPARAMBA

കപട ആത്മീയതയെ ചെറുക്കേണ്ടത്
യഥാര്ഥ ആത്മീയതകൊണ്ട്
-സോളിഡാരിറ്റി
തളിപ്പറമ്പ്: കപട ആത്മീയവാദികളെ ചെറുക്കേണ്ടത് യഥാര്ഥ ആത്മീയതകൊണ്ടാണെന്നും പ്രവാചകന്മാരെയും പുരോഹിതന്മാരെയും ആള്ദൈവങ്ങളെയും വേര്തിരിച്ചു മനസ്സിലാക്കുമ്പോഴേ അതിനു സാധിക്കുകയുള്ളൂവെന്നും സോളിഡാരിറ്റി സംസ്ഥാന പ്രതിനിധിസഭാംഗം എന്.എം. ശഫീഖ് പറഞ്ഞു.
വാണിജ്യവത്കരിക്കപ്പെടുന്ന ആത്മീയത എന്ന വിഷയത്തില് സോളിഡാരിറ്റി തളിപ്പറമ്പ് യൂനിറ്റ് സംഘടിപ്പിച്ച പ്രഭാഷണ പരിപാടിയില് സംസാരിക്കുകയായിരുന്നു അദ്ദേഹം.
സോളിഡാരിറ്റി ഏരിയാ പ്രസിഡന്റ് മിഫ്താഫ് അധ്യക്ഷത വഹിച്ചു. കെ.കെ. ഖാലിദ് നന്ദി പറഞ്ഞു.
മണിചെയിന് തട്ടിപ്പ് ഗുണ്ടാ ആക്ടില്പെടുത്തിയത്

PROTEST AGAINST DIESEL PRICE HIKE

 
 
 
 
 
 
 കണ്ണൂര്‍: പെട്രോള്‍-ഡീസല്‍ വിലവര്‍ധന ആഴ്ചപ്പരിപാടിയാക്കിയ ഭരണക്കാര്‍ പാചകവാതകത്തിന്റെയും മണ്ണെണ്ണയുടെയും വില വര്‍ധിപ്പിച്ചതോടെ തനി കൊള്ളക്കാരായി മാറിയിരിക്കുകയാണെന്ന് സോളിഡാരിറ്റി ജില്ലാ വൈസ് പ്രസിഡന്റ് എന്‍.എം. ഷഫീഖ്. പാചകവാതക വിലവര്‍ധനയില്‍ പ്രതിഷേധിച്ച് സോളിഡാരിറ്റി കണ്ണൂര്‍ ഏരിയാ കമ്മിറ്റി നടത്തിയ അടുപ്പുകൂട്ടി പ്രതിഷേധ പരിപാടി ഉദ്ഘാടനം ചെയ്യുകയായിരുന്നു അദ്ദേഹം.
ജില്ലാ സെക്രട്ടറി സാദിഖ് ഉളിയില്‍ സംസാരിച്ചു. ഏരിയാ പ്രസിഡന്റ് ടി. അസീര്‍ അധ്യക്ഷത വഹിച്ചു. സെക്രട്ടറി കെ.പി. നൌഷാദ് സ്വാഗതം പറഞ്ഞു. ഫോര്‍ട്ട് റോഡില്‍നിന്ന് ആരംഭിച്ച പ്രകടനത്തിന് മുഹമ്മദ് അര്‍ഷിദ്, സക്കീര്‍ ഹുസൈന്‍, ഷുഹൈബ് മുഹമ്മദ് എന്നിവര്‍ നേതൃത്വം നല്‍കി.
ചക്കരക്കല്ല്: പാചകവാതക, ഇന്ധന വിലവര്‍ധനവിനെതിരെ സോളിഡാരിറ്റി കാഞ്ഞിരോട് ഏരിയയുടെ ആഭിമുഖ്യത്തില്‍ അടുപ്പുകൂട്ടി പ്രതിഷേധം. ചക്കരക്കല്ല് ടാക്സി സ്റ്റാന്‍ഡില്‍ നടന്ന പരിപാടി കാഞ്ഞിരോട് ഏരിയാ പ്രസിഡന്റ് കെ.കെ. ഫൈസല്‍ ഉദ്ഘാടനം ചെയ്തു. കെ.ടി. മുഹമ്മദ് ബഷീര്‍, എം. സജീദ്, സി.ടി. ഷഫീഖ്, ഗഫൂര്‍ ചെമ്പിലോട്, അഷ്റഫ് കോയ്യോട്, മുനീര്‍ അഞ്ചരക്കണ്ടി, തൌഫീഖ് കടാങ്കോട് തുടങ്ങിയവര്‍ പങ്കെടുത്തു.
ഡീസലിനും പാചകവാതകത്തിനും വിലകൂട്ടിയ കേന്ദ്ര സര്‍ക്കാര്‍ നടപടിയില്‍ പ്രതിഷേധിച്ച് സോളിഡാരിറ്റി പ്രവര്‍ത്തകര്‍ ഇരിട്ടിയില്‍ പ്രകടനം നടത്തി. എം. ഷാനിഫ്, ഷക്കീബ്, സഫീര്‍ ആറളം, അന്‍സാര്‍ എന്നിവര്‍ നേതൃത്വം നല്‍കി.
പഴയങ്ങാടി: ഡീസല്‍, പാചകവാതകം, മണ്ണെണ്ണ എന്നിവയുടെ വില വര്‍ധിപ്പിച്ച കേന്ദ്ര സര്‍ക്കാര്‍ നടപടിക്കെതിരെ സോളിഡാരിറ്റി മാടായി ഏരിയയുടെ ആഭിമുഖ്യത്തില്‍ പഴയങ്ങാടി ബസ് സ്റ്റാന്‍ഡില്‍ അടുപ്പ് കൂട്ടി  പ്രതിഷേധിച്ചു.  മഹമൂദ് വാടിക്കല്‍ ഉദ്ഘാടനം ചെയ്തു. പി.കെ.മുഹമ്മദ് സാജിദ് നദ്വി, എ.പി.വി. മുസ്തഫ എന്നിവര്‍ സംസാരിച്ചു. സോളിഡാരിറ്റി പ്രവര്‍ത്തകര്‍ ടൌണില്‍ പ്രതിഷേധ പ്രകടനവും നടത്തി.
പാനൂര്‍: പാചകവാതക വിലവര്‍ധനക്കെതിരെ സോളിഡാരിറ്റി പ്രതിഷേധം ശ്രദ്ധേയമായി. പാത്രവും വിറകും തലയിലേന്തി ടൌണിനെ വലംവെച്ച പ്രകടനം ജങ്ഷനില്‍വെച്ച് ചായവെച്ച് പൊതുജനങ്ങള്‍ക്ക് വിതരണം ചെയ്താണ് പാചകവാതക -ഡീസല്‍ വിലവര്‍ധനക്കെതിരെ പാനൂരില്‍ സോളിഡാരിറ്റി പ്രവര്‍ത്തകര്‍ പ്രതിഷേധിച്ചത്. ഏരിയാ പ്രസിഡന്റ് ശുഹൈബ് പെരിങ്ങത്തൂര്‍, ഒ.ടി. നാസര്‍, സാലിഹ് മുഹമ്മദ്, ഇ. നവാസ് എന്നിവര്‍ നേതൃത്വം നല്‍കി.
എടക്കാട്: ഇന്ധന വിലവര്‍ധനവില്‍ പ്രതിഷേധിച്ച് സോളിഡാരിറ്റി ഏരിയാ കമ്മിറ്റിയുടെ ആഭിമുഖ്യത്തില്‍ എടക്കാട് ബസാറില്‍ പ്രകടനം നടത്തി. ഏരിയ പ്രസിഡന്റ് മുഹമ്മദ് സാലിം, റൌഫ്, ശബീര്‍ എന്നിവര്‍ നേതൃത്വം നല്‍കി.
പെരിങ്ങത്തൂര്‍: സോളിഡാരിറ്റി കരിയാട് യൂനിറ്റിന്റെ നേതൃത്വത്തില്‍ പെട്രോള്‍, ഡീസല്‍, പാചകവാതക വില വര്‍ധനയില്‍ പ്രതിഷേധിച്ച് പ്രകടനം നടത്തി. കരിയാട് പുതുശേãരി മുക്ക് കേന്ദ്രീകരിച്ചായിരുന്നു പ്രകടനം. സക്കീര്‍ ഹുസൈന്‍, കെ.കെ. ഫാറൂഖ്, കെ.കെ. അബ്ദുല്ല എന്നിവര്‍ നേതൃത്വം നല്‍കി.

Saturday, June 25, 2011

COORG NEWS

അന്തര് സംസ്ഥാന ഗതാഗതം ദുരിതത്തില്
 സീഗത്തോട് പാലം അപ്രോച്ച് റോഡ് തകര്ന്നു
 ണിഗുപ്പ: മൈസൂര്-തലശേãരി ഹൈവേയിലെ സീഗത്തോട് പാലത്തിനോടനുബന്ധിച്ച് പുതുതായി നിര്മിച്ച റോഡ് തകര്ന്ന് ചളിക്കുളമായി. റോഡ് ഉപയോഗശൂന്യമായതിനാല് വാഹനങ്ങള് ദുര്ബലമായ പഴയപാലത്തെ തന്നെ ആശ്രയിക്കേണ്ട ഗതികേടിലാണ്. മൂന്ന് മാസം മുമ്പ് പണി പൂര്ത്തിയായ റോഡിന്റെ ഇരുവശവും തകര്ന്നിട്ടുണ്ട്. കണ്ണൂര്-മൈസൂര്-ഹൂന്സൂര്-വീരാജ്പേട്ട റൂട്ടില് ഓടുന്ന ചരക്ക് വാഹനങ്ങളടക്കം വഴിയാണ് പോകേണ്ടത്. ബ്രിട്ടീഷുകാരുടെ കാലത്ത് നിര്മിച്ച പഴയ പാലം തകര്ച്ച നേരിട്ടതിനാലാണ് പൊതുമരാമത്ത് വകുപ്പ് പുതിയ പാലത്തിന്റെയും റോഡിന്റെയും നിര്മാണം കെ.ആര്.ഡി.സി.എല്ലിനെ ഏല്പിച്ചത്. നിര്മാണത്തിലെ അപാകതയാണ് പാലം റോഡ് തകര്ച്ചക്ക് കാരണമെന്ന് നാട്ടുകാര് പറയുന്നു

SOLIDARITY THALASSERY AREA

സോളിഡാരിറ്റി യോഗം
തലശേãരി: മണിചെയിന് തട്ടിപ്പിനെതിരെ സോളിഡാരിറ്റി ജില്ലാ കമ്മിറ്റി നേതൃത്വത്തില് 27ന് നടത്തുന്ന എസ്.പി ഓഫിസ് മാര്ച്ച് വിജയിപ്പിക്കാന് തലശേãരി ഏരിയ സെക്രട്ടേറിയറ്റ് യോഗം തീരുമാനിച്ചു. ഏരിയാ പ്രസിഡന്റ് പി. സെഹീദ് അധ്യക്ഷത വഹിച്ചു. കെ.പി. ഷാനവാസ്, കെ. സാജിദ് എന്നിവര് സംസാരിച്ചു.

SOLIDARITY TALIPARAMBA AREA

'നെറ്റ്വര്ക്ക് മാര്ക്കറ്റിങ് നിരോധിക്കണം'
തളിപ്പറമ്പ്: നെറ്റ്വര്ക്ക് മാര്ക്കറ്റിങ് നിരോധിക്കണമെന്നാവശ്യപ്പെട്ട് സോളിഡാരിറ്റി ജൂണ് 27ന് നടത്തുന്ന എസ്.പി ഓഫിസ് മാര്ച്ച് വിജയിപ്പിക്കാന് സോളിഡാരിറ്റി തളിപ്പറമ്പ് ഏരിയാ സെക്രട്ടേറിയറ്റ് തീരുമാനിച്ചു. ഏരിയാ പ്രസിഡന്റ് മിഫ്താഫ് അധ്യക്ഷത വഹിച്ചു. ടി.കെ.പി. സത്താര്, കെ.കെ. ഖാലിദ്, .വി. ഷരീഫ്, സി.എച്ച്. മിലാസ് എന്നിവര് സംസാരിച്ചു

SOLIDARITY KANNUR AREA

'അക്രമം ജനശ്രദ്ധ തിരിച്ചുവിടാന്'
കണ്ണൂര്: എസ്.എന് വിദ്യാമന്ദിര് സ്കൂള് പ്രിന്സിപ്പലിന്റെ വീടാക്രമിച്ച് ജനശ്രദ്ധ തിരിച്ചുവിടാനുള്ള ദുശãക്തികളുടെ ശ്രമം തിരിച്ചറിയണമെന്ന് സോളിഡാരിറ്റി ഏരിയാ സെക്രട്ടേറിയറ്റ് ആവശ്യപ്പെട്ടു. ഭരണഘടന അനുശാസിക്കുന്ന മതസ്വാതന്ത്യ്രം യൂനിഫോം കേസിന്റെ പേരില് നിഷേധിക്കാനുള്ള ശ്രമത്തെ നിയമപരമായി നേരിടാമെന്നിരിക്കെ അക്രമം നടത്തി സമരത്തെ വഴിതിരിച്ചുവിടാന് ശ്രമിക്കുന്നത് അനുവദിക്കില്ല.
നെറ്റ്വര്ക്ക് മാര്ക്കറ്റിങ് നിരോധിക്കണമെന്നാവശ്യപ്പെട്ട് ജൂണ് 27ന് നടത്തുന്ന എസ്.പി ഓഫിസ് മാര്ച്ച് വിജയിപ്പിക്കാന് സെക്രട്ടേറിയറ്റ് തീരുമാനിച്ചു. ഏരിയാ പ്രസിഡന്റ് ടി. അസീര് അധ്യക്ഷത വഹിച്ചു. സി.എച്ച്. അഫ്താര്, കെ.കെ. ഷുഹൈബ്, പി.വി. സക്കീര് ഹുസൈന്, ജമീല് എന്നിവര് സംസാരിച്ചു

GIO KANNUR

ജി.. അപലപിച്ചു
കണ്ണൂര്: എസ്.എന് വിദ്യാമന്ദിര് പ്രിന്സിപ്പലിന്റെ വീടിനു നേരെ നടന്ന ആക്രമണത്തെ  ജി.. സെക്രട്ടേറിയറ്റ് അപലപിച്ചു. വിദ്യാര്ഥികളുടെ മൌലികാവകാശത്തിനുവേണ്ടി ജനാധിപത്യ രീതിയില് നടത്തുന്ന പോരാട്ടം വഴിതിരിച്ചുവിടാനുള്ള ഗൂഢശ്രമത്തിന്റെ ഭാഗമാണ് ആക്രമണമെന്ന് സെക്രട്ടേറിയറ്റ് അഭിപ്രായപ്പെട്ടു.
സ്കൂളില് നിന്ന് നിര്ബന്ധിച്ച് ടി.സി നല്കിയ പത്താം ക്ലാസ് വിദ്യാര്ഥിനിക്കെതിരെ ആക്രമണത്തിന്റെ പേരില് പ്രിന്സിപ്പല് പൊലീസില് പരാതി നല്കിയത് മാനസികമായി പീഡിപ്പിക്കാന് വേണ്ടിയാണ്.
പ്രശ്നത്തില് ജനപ്രതിനിധികളും സാംസ്കാരിക സംഘടനകളും ഇടപെടണമെന്നും യോഗം ആവശ്യപ്പെട്ടു. 
പ്രസിഡന്റ് ടി.കെ.ജംഷീറ അധ്യക്ഷത വഹിച്ചു.

SIO KANNUR

യൂനിഫോം വിവാദം വഴിതിരിച്ചുവിടാനുള്ള
ശ്രമങ്ങള്ക്കെതിരെ ജാഗ്രത പാലിക്കണം
-എസ്..
കണ്ണൂര്: ഫുള്സ്ലീവ് യൂനിഫോം വിവാദം വഴിതിരിച്ചുവിടാനുള്ള ഗൂഢശക്തികളുടെ ശ്രമങ്ങള്ക്കെതിരെ സമൂഹം ജാഗ്രത പാലിക്കണമെന്ന് എസ്.. ജില്ലാ സെക്രട്ടേറിയറ്റ് ആവശ്യപ്പെട്ടു.
സ്കൂള് അധികൃതരുടെ ഭാഗത്തുനിന്നുണ്ടായ നീതി നിഷേധത്തെയും പൌരാവകാശ ലംഘനങ്ങളെയും കുറിച്ച് സമൂഹം ചര്ച്ച് ചെയ്ത് ജനാധിപത്യപരമായി നേരിടണം.
ഇരകളാക്കപ്പെട്ട വിദ്യാര്ഥികളുടെ വിഷയത്തില് ജനപ്രതിനിധികള് ഇടപെടണമെന്നും ആവശ്യപ്പെട്ടു. എസ്.എന്. വിദ്യാമന്ദിര് പ്രിന്സിപ്പലിന്റെ വീടാക്രമണത്തെ സെക്രട്ടേറിയറ്റ് അപലപിച്ചു

KANHIRODE NEWS

രോഹിത് മനോഹരന്‍ അന്തര്‍ദേശീയ
കരാട്ടേ  ചാമ്പ്യന്‍
കണ്ണൂര്‍: കാനഡയിലെ എഡ്മോണ്ടനില്‍ നടന്ന അന്തര്‍ദേശീയ കരാട്ടേ മത്സരത്തില്‍ രോഹിത് മനോഹരന്‍, 17 വയസ്സുകാരുടെ വിഭാഗം ബ്ലാക്ക് ബെല്‍റ്റ് കരാട്ടേയില്‍ സ്വര്‍ണമെഡലും ഫൈറ്റിങ്ങില്‍ വെങ്കലവും കരസ്ഥമാക്കി.
കാഞ്ഞിരോട് സ്വദേശി കരാട്ടേ മാസ്റ്റര്‍ ഷിഹാന്‍ കെ.വി. മനോഹരന്റെയും റോജയുടെയും മകനാണ്.
 രണ്ടു വയസ്സുമുതല്‍ കരാട്ടേയും കൊബുഡോയും പരിശീലിക്കുന്ന രോഹിത് എട്ടാമത്തെ വയസ്സില്‍ ജപ്പാനിലെ ഒക്കിനാവയില്‍ നിന്ന് ഹന്‍ഷി കിയോഹിഡെ ഷിന്‍ജോയില്‍നിന്ന് കരാട്ടേയില്‍ ഒന്നാമത് ഡിഗ്രി ബ്ലാക്ബെല്‍റ്റും ഹന്‍ഷി നൌനോബു അഹഗോണില്‍നിന്ന് കൊബുഡോയില്‍ ഒന്നാമത് ഡിഗ്രി ബാക്ബെല്‍റ്റും കരസ്ഥമാക്കി.  ശ്രീലങ്കയില്‍ നടന്ന അന്തര്‍ദേശീയ കരാട്ടേ മത്സരത്തില്‍ വെള്ളിമെഡല്‍ നേടിയിരുന്നു.

Friday, June 24, 2011

SIO KANNUR

 
 എസ്.എന്‍ വിദ്യാമന്ദിറിനെതിരെ നടപടിയാവശ്യപ്പെട്ട് എസ്.ഐ.ഒ 
ഡി.ഡി.ഇ ഓഫിസ് മാര്‍ച്ച് നടത്തി

കണ്ണൂര്‍: ഫുള്‍സ്ലീവ് യൂനിഫോം ധരിച്ചതിന് വിദ്യാര്‍ഥിനികളെ പുറത്താക്കിയ എസ്.എന്‍ വിദ്യാമന്ദിര്‍ അധികൃതര്‍ക്കെതിരെ നടപടിയാവശ്യപ്പെട്ട് എസ്.ഐ.ഒ-ജി.ഐ.ഒ പ്രവര്‍ത്തകര്‍ സംയുക്തമായി ഡി.ഡി.ഇ ഓഫിസിലേക്ക് മാര്‍ച്ച് നടത്തി. നിയമം കാറ്റില്‍പറത്തി പൌരാവകാശലംഘനവും മതസ്വാതന്ത്യ്രനിഷേധവും നടത്തുന്ന സ്കൂള്‍ അധികൃതര്‍ക്കെതിരെ പൊതുവിദ്യാഭ്യാസ വകുപ്പ് നടപടിയെടുക്കണമെന്നാവശ്യപ്പെട്ടാണ് മാര്‍ച്ച്. എസ്.ഐ.ഒ ജില്ലാ പ്രസിഡന്റ് ഷംസീര്‍ ഇബ്രാഹിം ഉദ്ഘാടനം ചെയ്തു.
ഫുള്‍സ്ലീവ് വസ്ത്രം ധരിച്ചതിന്റെ പേരില്‍ പുറത്താക്കിയ നടപടി പുനഃപരിശോധിച്ച് വിദ്യാര്‍ഥികള്‍ക്ക് പ്രവേശം നല്‍കണമെന്ന നിര്‍ദേശത്തിനെതിരാണ് സ്കൂള്‍ അധികൃതര്‍. സംഭവത്തില്‍ ഡി.ഡി.ഇ വിശദീകരണം തേടിയെന്ന സ്കൂള്‍ പ്രിന്‍സിപ്പലിന്റെ വാദം പച്ചക്കള്ളമാണെന്നും സമൂഹത്തെ തെറ്റിദ്ധരിപ്പിക്കുന്നതാണെന്നും ഇതിനെതിരെ വിദ്യാഭ്യാസ മന്ത്രിക്ക് പരാതി നല്‍കുമെന്നും ഷംസീര്‍ ഇബ്രാഹിം പറഞ്ഞു. ജില്ലാ സെക്രട്ടറി റാഷിദ് തലശേãരി അധ്യക്ഷത വഹിച്ചു. ജി.ഐ.ഒ സംസ്ഥാന സെക്രട്ടറി ഖദീജ, സോളിഡാരിറ്റി ജില്ലാ പി.ആര്‍ സെക്രട്ടറി ടി.കെ. അസ്ലം, ജി.ഐ.ഒ ജില്ലാ പ്രസിഡന്റ് ജംഷീറ, ഉമ്മു ഫാഇസ എന്നിവര്‍ സംസാരിച്ചു. എസ്.ഐ.ഒ ജില്ലാ കാമ്പസ് സെക്രട്ടറി റിവിന്‍ജാസ്, ആഷിഖ് കാഞ്ഞിരോട്, ജവാദ് തലശേãരി, മര്‍ജാന എന്നിവര്‍ മാര്‍ച്ചിന് നേതൃത്വം നല്‍കി.
ഫുള്‍സ്ലീവ് യൂനിഫോം: ജുമാനയും ടി.സി വാങ്ങി
കണ്ണൂര്‍: ഫുള്‍സ്ലീവ് യൂനിഫോം ധരിച്ചുവന്നതിനെത്തുടര്‍ന്ന് സസ്പെന്‍ഡ് ചെയ്യപ്പെട്ട തളാപ്പ് എസ്.എന്‍ വിദ്യാമന്ദിര്‍ ഹയര്‍സെക്കന്‍ഡറിയിലെ പത്താംതരം വിദ്യാര്‍ഥിനി ജുമാനയും സ്കൂളില്‍നിന്ന് വിടുതല്‍ സര്‍ട്ടിഫിക്കറ്റ് വാങ്ങി. കഴിഞ്ഞ ദിവസം സ്കൂള്‍ അധികൃതരെകണ്ട് യൂനിഫോം അണിഞ്ഞുവരുന്നതിന് അനുവദിക്കണമെന്നും സസ്പെന്‍ഷന്‍ പിന്‍വലിക്കണമെന്നും ആവശ്യപ്പെട്ടിരുന്നു.
എന്നാല്‍, അധികൃതര്‍ നിലപാടില്‍ ഉറച്ചുനിന്നതിനെത്തുടര്‍ന്ന് വ്യാഴാഴ്ച മാതാവിനൊപ്പം സ്കൂളിലെത്തി ജുമാന ടി.സി വാങ്ങിക്കുകയായിരുന്നു. യൂനിഫോം വിവാദത്തെത്തുടര്‍ന്ന് എസ്.എന്‍ വിദ്യാമന്ദിറില്‍നിന്ന് ടി.സി വാങ്ങിക്കുന്ന മൂന്നാമത്തെ വിദ്യാര്‍ഥിയാണ് ജുമാന.
സ്കൂള്‍ അധികൃതരുടെ നിബന്ധന വിഷമകരമായതിനെത്തുടര്‍ന്ന് കഴിഞ്ഞ തിങ്കളാഴ്ച പ്ലസ്ടു വിദ്യാര്‍ഥികളായ ഷഹനാസും നുഫൈസയും ടി.സി വാങ്ങിയിരുന്നു. ഇവരുടെ ടി.സിയില്‍ ഫുള്‍സ്ലീവ് യൂനിഫോം അണിഞ്ഞുവരുന്നത് സ്കൂളിന്റെ ഡ്രസ്കോഡിന് എതിരാണെന്നും ഇതുകാരണം ടി.സി നല്‍കുന്നുവെന്നുമാണ് പറഞ്ഞിരിക്കുന്നത്. രക്ഷിതാക്കളുടെ ഇഷ്ടമനുസരിച്ചാണ് വിടുതല്‍ സര്‍ട്ടിഫിക്കറ്റ് നല്‍കുന്നതെന്നാണ് ജുമാനക്ക് നല്‍കിയ ടി.സിയില്‍ എഴുതിയിരിക്കുന്നത്. ഇന്നലെ ടി.സി വാങ്ങാനെത്തിയപ്പോഴും തുടര്‍ന്നു പഠിക്കുന്നതിന് അനുവദിക്കണമെന്ന് അപേക്ഷിച്ചിരുന്നു. എന്നാല്‍, സ്കൂള്‍ അധികൃതര്‍ അനുകൂലമായൊന്നും പറഞ്ഞില്ല.
എല്‍.കെ.ജി മുതലേ എസ്.എന്‍ വിദ്യാമന്ദിറിലെ വിദ്യാര്‍ഥിനിയാണ് ജുമാന. തന്റെ സുഹൃത്തുക്കളെവിട്ട് മറ്റു സ്കൂളിലേക്ക് മാറുന്നതില്‍ വിഷമമുണ്ടെന്നും ജുമാന പറഞ്ഞു.
ഈവര്‍ഷം മുതലാണ് സ്കൂളില്‍ ഹാഫ്സ്ലീവ് യൂനിഫോം നിര്‍ബന്ധമാക്കിയത്. ജുമാനയടക്കം ആറുവിദ്യാര്‍ഥികള്‍ തങ്ങള്‍ക്ക് ഫുള്‍സ്ലീവ് യൂനിഫോം അണിയാന്‍ അനുമതി നല്‍കണമെന്ന് അപേക്ഷിച്ചിരുന്നു. എന്നാല്‍, വിട്ടുവീഴ്ച ചെയ്യാതിരുന്ന സ്കൂള്‍ അധികൃതര്‍ ഫുള്‍സ്ലീവ് ധരിച്ചുവന്നതിനെത്തുടര്‍ന്ന് വിദ്യാര്‍ഥികളെ സസ്പെന്‍ഡ് ചെയ്യുകയായിരുന്നു. മൂന്നു കുട്ടികള്‍ ഹാഫ്സ്ലീവ് ധരിക്കാമെന്നു സമ്മതിച്ചതോടെയാണ് അവരെ സ്കൂളില്‍ പ്രവേശിപ്പിച്ചത്. കുട്ടികളെ പുറത്താക്കരുതെന്നും ഫുള്‍സ്ലീവ് യൂനിഫോം അനുവദിക്കണമെന്നും ആവശ്യപ്പെട്ടു താന്‍ സ്കൂളിനു നിര്‍ദേശം നല്‍കിയിരുന്നെന്ന് ഡി.ഡി.ഇ ഇന്നലെയും ആവര്‍ത്തിച്ചു.

Thursday, June 23, 2011

SIO KANNUR

 
ഫുള്‍സ്ലീവ് യൂനിഫോം വിവാദം
ഡി.ഡി.ഇ വിശദീകരണം തേടിയതെന്ന് സ്കൂള്‍
അധികൃതര്‍;  ഭാവി തകര്‍ക്കുമെന്ന് വിദ്യാര്‍ഥികള്‍
കണ്ണൂര്‍: ഫുള്‍സ്ലീവ്     യൂനിഫോം ധരിച്ച  കുട്ടികളെ സ്കൂളില്‍ പ്രവേശിപ്പിക്കണമെന്ന്  ഡി.ഡി.ഇ ഉത്തരവ് നല്‍കിയിട്ടില്ലെന്നും  വിശദീകരണം മാത്രമാണ് ആവശ്യപ്പെട്ടതെന്നും തളാപ്പ് എസ്.എന്‍ വിദ്യാ മന്ദിര്‍   പ്രിന്‍സിപ്പല്‍ ദീപിക ജെയ്ദേവ് പറഞ്ഞു.  ഇതു സംബന്ധിച്ച്  വിശദീകരണം ഇന്ന് നല്‍കുമെന്നും അവര്‍ പറഞ്ഞു. അതിനിടെ  പുറത്താക്കിയ കുട്ടികളിലൊരാളായ പത്താം ക്ലാസ് വിദ്യാര്‍ഥിനി ജുമാനയെ ഇന്നലെയും ക്ലാസില്‍ പ്രവേശിക്കാന്‍ സ്കൂള്‍ അധികൃതര്‍ അനുവദിച്ചില്ല. ജുമാനക്കൊപ്പം സസ്പെന്‍ഡ് ചെയ്യപ്പെട്ട ഒരു കുട്ടി കഴിഞ്ഞ ദിവസം മുതല്‍ക്കു  യൂനിഫോമില്‍ മാറ്റം വരുത്തി സ്കൂളില്‍ പ്രവേശം നേടിയിരുന്നു.
യൂനിഫോം സംബന്ധിച്ച  പശ്നങ്ങള്‍ കാര്യമാക്കാതെ തുടര്‍ന്നും കുട്ടികളെ പഠിപ്പിക്കാന്‍ അനുവദിക്കണമെന്നാവശ്യപ്പെട്ട് ഡി.ഡി.ഇ  സ്കൂളിന് നിര്‍ദേശം നല്‍കിയെന്ന് മാധ്യമങ്ങളിലൂടെ അറിഞ്ഞതിനെ തുടര്‍ന്നാണ് ജുമാന ഇന്നലെ സ്കൂളിലെത്തിയത്. എന്നാല്‍, യൂനിഫോമിന്റെ കൈ മുറിക്കാതെ ക്ലാസില്‍ പ്രവേശിപ്പിക്കാന്‍ പറ്റില്ലെന്ന്  സ്കൂള്‍ അധികൃതര്‍ അറിയിക്കുകയായിരുന്നു.  സ്കൂളിലെ നിയമം എല്ലാവര്‍ക്കും ഒരുപോലെയാണെന്നും ചിലര്‍ക്കു വേണ്ടി മാത്രം ഇതില്‍ മാറ്റം വരുത്താനാവില്ലെന്നും പ്രിന്‍സിപ്പല്‍ ദീപിക ജെയ്ദേവ് പറഞ്ഞു.  പി.ടി.എ തീരുമാനപ്രകാരമാണ് യൂനിഫോമില്‍ മാറ്റം വരുത്തിയത്. അതില്‍ വീണ്ടും മാറ്റം വരുത്തണമെന്ന് അവര്‍ പറഞ്ഞിട്ടില്ല.
സ്കൂള്‍ അധികൃതര്‍ യൂനിഫോമിലെ നിബന്ധനകളെക്കുറിച്ച്  അഡ്മിഷനെടുക്കുന്ന സമയത്ത് ഒന്നും പറഞ്ഞില്ലെന്നും  ഇപ്പോഴത്തെ നടപടികള്‍ തങ്ങളുടെ ഭാവി തന്നെ തകര്‍ക്കുന്നതാണെന്നും സസ്പെന്‍ഷനിലായ ജുമാനയും ടി. സി വാങ്ങിച്ച നുഫൈസയും ഷഹനാസും വാര്‍ത്താ സമ്മേളനത്തില്‍ പറഞ്ഞു. എല്‍.കെ.ജി മുതല്‍ താന്‍ എസ്. എന്‍ വിദ്യാ മന്ദിറില്‍ തന്നെയാണ് പഠിക്കുന്നതെന്നും പെട്ടെന്നു നടപ്പാക്കിയ ഇത്തരം നിബന്ധനകള്‍ വിഷമമുണ്ടാക്കുന്നുവെന്നും ജുമാന പറഞ്ഞു.
കണ്ടിന്യൂയിങ് വാല്വേഷനായതിനാല്‍  മറ്റു സ്കൂളുകളില്‍ ചേര്‍ന്ന് പഠിക്കുന്നത് ഇനി വിഷമമുണ്ടാക്കും. യൂനിഫോം നിബന്ധന തടസ്സമായപ്പോള്‍ ടി.സി വാങ്ങിയ നുഫൈസയും ഷഹനാസും വിദ്യാ മന്ദിറിലെ പ്ലസ് ടു വിദ്യാര്‍ഥികളാണ്.  ഇവര്‍ക്ക് ഇതുവരെ മറ്റു സ്കൂളുകളിലൊന്നും ചേരാനായിട്ടില്ല. സി.ബി.എസ്.ഇ സിലബസ് ആയതിനാല്‍ അഡ്മിഷന്‍ കിട്ടാന്‍ പ്രയാസമാകുമെന്ന് ഇവര്‍ പറയുന്നു.
 പ്ലസ് വണ്‍ മുതലാണ് ഇവര്‍ വിദ്യാ മന്ദിറില്‍ പഠിക്കാനെത്തുന്നത്. ആദ്യ വര്‍ഷം തന്നെ നിബന്ധനകള്‍ പറഞ്ഞിരുന്നെങ്കില്‍ മറ്റു സ്കൂളിലേക്ക് മാറാമായിരുന്നുവെന്ന് ഇവര്‍ പറയുന്നു.
തങ്ങള്‍ സ്കൂള്‍ ചട്ടം ലംഘിച്ചു വെന്നാണ് പറയുന്നത്. എന്നാല്‍,  ഫുള്‍ സ്ലീവ് ധരിച്ചു എന്നതല്ലാതെ ഒന്നും തങ്ങള്‍ ചെയ്തിട്ടില്ലെന്നും  കുട്ടികള്‍ പറഞ്ഞു. അപേക്ഷകള്‍ പരിഗണിക്കാതെ നിര്‍ബന്ധപൂര്‍വം ടി.സി തന്നു വിടുകയായിരുന്നുവെന്ന് വാര്‍ത്താ സമ്മേളനത്തില്‍ പങ്കെടുത്ത രക്ഷിതാക്കള്‍ പറഞ്ഞു. രക്ഷിതാക്കളായ എം.വി.പി. മൊയതീന്‍, മുഹമ്മദ് സഖ്ലൂന്‍ എന്നിവരും വാര്‍ത്താ സമ്മേളനത്തില്‍  പങ്കെടുത്തു.

IDEAL ULIYIL

 
 
 
വിജയികളെ അനുമോദിച്ചു
ഉളിയില്‍: സി.ബി.എസ്.ഇ പത്താം തരം പരീക്ഷയില്‍ മികച്ച വിജയം നേടിയ നരയന്‍പാറ മൌണ്ട് ഫ്ലവര്‍ ഇംഗ്ലീഷ് സ്കൂള്‍ വിദ്യാര്‍ഥികളെ ഐഡിയല്‍ എജുക്കേഷനല്‍ ചാരിറ്റബിള്‍ ട്രസ്റ്റിന്റെയും സ്കൂള്‍ പി.ടി.എയുടെയും ആഭിമുഖ്യത്തില്‍ അനുമോദിച്ചു. മാധ്യമം മുന്‍ ഡെപ്യൂട്ടി ജനറല്‍ മാനേജര്‍ വി.കെ. ഖാലിദ് ഉപഹാരം വിതരണം ചെയ്തു. സ്കൂള്‍ കമ്മിറ്റി പ്രസിഡന്റ് ഡോ. പി. സലീം, ട്രസ്റ്റ് ചെയര്‍മാന്‍ ടി.കെ. മുഹമ്മദലി, എ.കെ. റഫീഖ്, വി. മാഞ്ഞുമാസ്റ്റര്‍, യു.പി. സിദ്ദീഖ്, എ.കെ. റഷീദ്, കെ.എം. സാദിഖ് എന്നിവര്‍ സംസാരിച്ചു. പ്രിന്‍സിപ്പല്‍ കെ.പി മന്‍സൂര്‍ സ്വാഗതവും വൈസ് പ്രിന്‍സിപ്പല്‍ സിന്ധുജോസഫ് നന്ദിയും പറഞ്ഞു.

JIH KUNHIPALLY

യൂനിഫോം വിതരണം
കക്കാട്: ജമാഅത്തെ ഇസ്ലാമി കുഞ്ഞിപ്പള്ളി യൂനിറ്റിന്റെ ആഭിമുഖ്യത്തില്‍ കുഞ്ഞിപ്പള്ളി വെല്‍ഫെയര്‍ സ്കൂളിലെ നിര്‍ധന വിദ്യാര്‍ഥികള്‍ക്ക് യൂനിഫോമും നോട്ടുപുസ്തകങ്ങളും വിതരണം ചെയ്തു. ടി. അബ്ദുല്‍ വാരിസ് ഉദ്ഘാടനം ചെയ്തു. ഹെഡ്മിസ്ട്രസ് എസ്. തങ്കമണി അധ്യക്ഷത വഹിച്ചു. എം.കെ. മുഹമ്മദ്കുഞ്ഞി, മധുസൂദനന്‍ മാസ്റ്റര്‍, ബി. ഹസന്‍, നഹീര്‍ മാസ്റ്റര്‍ എന്നിവര്‍ സംസാരിച്ചു. സി.പി. മുസ്തഫ സ്വാഗതവും ഇന്ദിര ടീച്ചര്‍ നന്ദിയും പറഞ്ഞു.

SIO KANNUR

എസ്.എന്‍ വിദ്യാമന്ദിര്‍: എസ്.ഐ.ഒ
ഡി.ഡി.ഇ ഓഫിസ് മാര്‍ച്ച് ഇന്ന്
കണ്ണൂര്‍: നിയമങ്ങളും ഉത്തരവുകളും കാറ്റില്‍പറത്തി പൌരാവകാശ ലംഘനം തുടരുന്ന എസ്.എന്‍ വിദ്യാമന്ദിര്‍ അധികൃതര്‍ക്കെതിരെ നടപടിയെടുക്കണമെന്നാവശ്യപ്പെട്ട് എസ്.ഐ.ഒ ഇന്ന് ഡി.ഡി.ഇ ഓഫിസ് മാര്‍ച്ച് നടത്തും. ഭരണഘടന ഉറപ്പുനല്‍കുന്ന മൌലികാവകാശങ്ങളുടെ നഗ്നമായ ലംഘനമാണ് എസ്.എന്‍ വിദ്യാമന്ദിറില്‍ നടന്നതെന്ന് യോഗം ആരോപിച്ചു. ജില്ലാ പ്രസിഡന്റ് ഷംസീര്‍ ഇബ്രാഹിം അധ്യക്ഷത വഹിച്ചു. ജില്ലാ സെക്രട്ടറി റാഷിദ് തലശേãരി, കാമ്പസ് സെക്രട്ടറി റിവിന്‍ജാസ്, ജില്ലാ സമിതിയംഗങ്ങളായ എം.ബി.എം. ഫൈസല്‍, നസീം പൂതപ്പാറ എന്നിവര്‍ സംസാരിച്ചു.

SOLIDARITY CHALAD

ബോധവത്കരണ ക്ലാസ്
ചാലാട്: സോളിഡാരിറ്റി ചാലാട് യൂനിറ്റിന്റെ ആഭിമുഖ്യത്തില്‍ ആരോഗ്യ ബോധവത്കരണ ക്ലാസ് സംഘടിപ്പിച്ചു. ഡോ. ഷമല്‍ ഗസ്സാലി 'രോഗവും പ്രതിരോധവും' എന്ന വിഷയത്തില്‍ ക്ലാസെടുത്തു. പ്രസിഡന്റ് ഷുഹൈബ് മുഹമ്മദ് അധ്യക്ഷത വഹിച്ചു. കെ.പി. മുഹമ്മദ് ഷാക്കിര്‍, എല്‍.വി. നഈം, സാബിര്‍, ടി.കെ. അസ്ലം എന്നിവര്‍ സംസാരിച്ചു. റമീസ് ചാലാട് സ്വാഗതവും റിസിന്‍ ഹുസൈന്‍ നന്ദിയും പറഞ്ഞു.

Wednesday, June 22, 2011

SOLIDARITY KANNUR

സ്കൂള്‍ അധികൃതരുടെ നടപടി
പ്രതിഷേധാര്‍ഹം-സോളിഡാരിറ്റി
കണ്ണൂര്‍: ഭരണഘടന അനുശാസിക്കുന്ന മതസ്വാതന്ത്യ്രം നിഷേധിക്കുന്ന രീതിയിലുള്ള എസ്.എന്‍ വിദ്യാമന്ദിര്‍ സ്കൂള്‍ അധികൃതരുടെ നടപടിയില്‍ സോളിഡാരിറ്റി കണ്ണൂര്‍ ഏരിയ സെക്രട്ടേറിയറ്റ് പ്രതിഷേധിച്ചു.
ഫുള്‍സ്ലീവ്  വസ്ത്രം ധരിച്ച് സ്കൂളില്‍ വന്ന കാരണത്താല്‍ പുറത്താക്കിയ വിദ്യാര്‍ഥിനികളെ ഉടന്‍ തിരിച്ചെടുത്ത് സ്കൂള്‍ അധികൃതര്‍ മാപ്പുപറയണമെന്നും അല്ലാത്തപക്ഷം നിയമനടപടി അടക്കമുള്ള ശക്തമായ സമര പരിപാടികള്‍ക്ക് നേതൃത്വം നല്‍കുമെന്നും ഏരിയ സെക്രട്ടേറിയറ്റ് മുന്നറിയിപ്പ് നല്‍കി. ഏരിയാ പ്രസിഡന്റ് ടി. അസീര്‍ അധ്യക്ഷത വഹിച്ചു. ഷുഹൈബ്, സക്കീര്‍ എന്നിവര്‍ സംസാരിച്ചു.

GIO KANNUR

 ഫുള്‍സ്ലീവ് വസ്ത്രം: ഡി.ഡി.ഇയുടെ
തീരുമാനം സ്വാഗതാര്‍ഹം-ജി.ഐ.ഒ
കണ്ണൂര്‍: ഫുള്‍സ്ലീവ് വസ്ത്രം ധരിച്ചതിന്റെ പേരില്‍ എസ്.എന്‍ വിദ്യാമന്ദിര്‍ സ്കൂളില്‍ നിന്നും വിദ്യാര്‍ഥികളെ പുറത്താക്കരുതെന്ന ഡി.ഡി.ഇയുടെ തീരുമാനം ഗേള്‍സ് ഇസ്ലാമിക് ഓര്‍ഗനൈസേഷന്‍ (ജി.ഐ.ഒ) ജില്ലാ സെക്രട്ടേറിയറ്റ് യോഗം സ്വാഗതം ചെയ്തു. വിശ്വസിക്കുന്ന മതാചാരമനുസരിച്ച് വസ്ത്രം ധരിക്കാനും വിദ്യാഭ്യാസം നേടാനും ഭരണഘടന നല്‍കുന്ന മൌലികാവകാശത്തെ ചോദ്യം ചെയ്ത് മതേതരത്വത്തെ കളങ്കപ്പെടുത്തുന്നവര്‍ക്കുള്ള പാഠമാണിത്. വിദ്യാര്‍ഥിനികളെ പുറത്താക്കിയതില്‍ പ്രതിഷേധിച്ച് ബുധനാഴ്ച കണ്ണൂരില്‍ നടത്താന്‍ നിശ്ചയിച്ച മാര്‍ച്ച് മാറ്റിയതായി യോഗം അറിയിച്ചു. ജി.ഐ.ഒ ജില്ലാ പസിഡന്റ് ടി.കെ. ജംഷീറ അധ്യക്ഷത വഹിച്ചു. സംസ്ഥാന സെക്രട്ടറി എം. ഖദീജ, ഉമ്മു ഫായിസ, കെ.കെ.നസ്റീന്‍, മര്‍ജാന മാടായി, സീനത്ത് കണ്ണൂര്‍ എന്നിവര്‍ സംസാരിച്ചു.

NOT WORKING MARKETING

 നെറ്റ്വര്‍ക്ക് മാര്‍ക്കറ്റിങ്: 
സോളിഡാരിറ്റി ജനകീയ മാര്‍ച്ച് 27ന്
കണ്ണൂര്‍: ജനങ്ങളെ വഞ്ചിക്കുന്ന നെറ്റ്വര്‍ക്ക് മാര്‍ക്കറ്റിങ് കമ്പനികള്‍ക്കെതിരെ അധികാരികള്‍ ശക്തമായ നടപടി സ്വീകരിക്കണമെന്ന് സോളിഡാരിറ്റി ജില്ലാ സെക്രട്ടേറിയറ്റ് ആവശ്യപ്പെട്ടു.
നെറ്റ്വര്‍ക്ക് മാര്‍ക്കറ്റിങ് കേന്ദ്രങ്ങള്‍ അടച്ചുപൂട്ടുക, പ്രതികളെ അറസ്റ്റു ചെയ്യുക, നിയമം നടപ്പാക്കുക തുടങ്ങിയ ആവശ്യങ്ങളുന്നയിച്ച് ജൂണ്‍ 27ന് എസ്.പി ഓഫിസിലേക്ക് ജനകീയ മാര്‍ച്ച് നടത്തും. ജനകീയ മാര്‍ച്ചിന് മുഴുവന്‍ ജനങ്ങളുടെയും പിന്തുണ ഉണ്ടാവണമെന്ന് ജില്ലാ പ്രസിഡന്റ് ഫാറൂഖ് ഉസ്മാന്‍ അഭ്യര്‍ഥിച്ചു. ജനറല്‍ സെക്രട്ടറി ടി.കെ. റിയാസ്,എന്‍.എം. ശഫീഖ്, വി.എന്‍. ഹാരിസ്, സാദിഖ് ഉളിയില്‍ എന്നിവര്‍ സംസാരിച്ചു

Tuesday, June 21, 2011

NOT WORKING MARKETING

SOLIDARITY VARAM

'വാരംകടവ് പാലം വഴി ബസ്റൂട്ട്
അനുവദിക്കണം'
വാരംകടവ് പാലം വഴി പുതിയ ബസ്റൂട്ട് അനുവദിക്കണമെന്ന് സോളിഡാരിറ്റി  യൂത്ത് മൂവ്മെന്റ് വാരം യൂനിറ്റ് ആവശ്യപ്പെട്ടു. വാരം, കൊളച്ചേരി, ചേലോറ പഞ്ചായത്തുകളെ ബന്ധിപ്പിക്കുന്ന പാലം ഉദ്ഘാടനം ചെയ്ത് മാസങ്ങളായെങ്കിലും ഇന്നും അവഗണനയിലാണ്. കാട്ടാമ്പള്ളി, പറശãിനിക്കടവ്, പുതിയതെരു, കക്കാട് ഭാഗങ്ങളിലേക്കുള്ള നൂറുകണക്കിന് യാത്രക്കാര്‍ക്ക് സ്വകാര്യ വാഹനങ്ങള്‍ മാത്രമാണ് ആശ്രയം. നിലവില്‍ വാരം കടാങ്കോട് വഴി എളുപ്പത്തില്‍ കണ്ണൂരിലെത്താനാവുന്ന പാലം അധികൃതരുടെ അവഗണനയില്‍നിന്ന് മോചിപ്പിക്കണമെന്നും യോഗം ആവശ്യപ്പെട്ടു. റഫീഖ് കടാങ്കോട്, കെ.കെ. ഫൈസല്‍,  സി. തന്‍വീര്‍ എന്നിവര്‍ സംസാരിച്ചു.

MYL KANNUR

 
'കാലവര്‍ഷക്കെടുതി: അടിയന്തര സഹായമെത്തിക്കണം'
കണ്ണൂര്‍: കാലവര്‍ഷക്കെടുതിയില്‍ ദുരിതമനുഭവിക്കുന്നവര്‍ക്ക് അടിയന്തര സഹായമെത്തിക്കണമെന്ന് കണ്ണൂര്‍ മണ്ഡലം മുസ്ലിം യൂത്ത് ലീഗ് കമ്മിറ്റി ആവശ്യപ്പെട്ടു. പുതിയ മെംബര്‍ഷിപ്പടിസ്ഥാനത്തില്‍ കണ്ണൂര്‍ മണ്ഡലം മുസ്ലിം യൂത്ത് ലീഗ് കമ്മിറ്റി നിലവില്‍ വന്നു.
ഭാരവാഹികള്‍: എം. മുസ്ലിഹ് (പ്രസി.), കെ.കെ. താജുദ്ദീന്‍, ആശിഖ് ചിറക്കല്‍കുളം , അസീസ് എടക്കാട് (വൈ. പ്രസി.), പി. അഷ്റഫ് കാഞ്ഞിരോട് (ജനറല്‍ സെക്രട്ടറി), പി.സി. നൌഷാദ്, സമീര്‍ വാരംകടവ്, എം. മഹറൂഫ് (ജോ.സെക്ര.), ഇഖ്ബാല്‍ പള്ളിപ്പൊയില്‍ (ട്രഷറര്‍). റിട്ടേണിങ് ഓഫിസര്‍ കെ.പി.എ. സലീം തെരഞ്ഞെടുപ്പ് നിയന്ത്രിച്ചു. എം. മുസ്ലിഹ് അധ്യക്ഷത വഹിച്ചു. കണ്ണൂര്‍ മണ്ഡലം മുസ്ലിംലീഗ് ജനറല്‍ സെക്രട്ടറി എം.വി. മുഹമ്മദലി ഉദ്ഘാടനം ചെയ്തു. കെ.പി. താഹിര്‍, സി. സമീര്‍, സി.എച്ച്. മുഹമ്മദ് അഷ്റഫ്, കളത്തില്‍ സലീം, റിയാദ് മുണ്ടേരി എന്നിവര്‍ സംസാരിച്ചു. കെ.എം. ശംസുദ്ദീന്‍ സ്വാഗതവും പി. അഷ്റഫ് നന്ദിയും പറഞ്ഞു.

Monday, June 20, 2011

IRIKKUR

 
സണ്‍ഡേ സ്കൂള്‍ ഉദ്ഘാടനം
ഇരിക്കൂര്‍: സണ്‍ഡേ മോറല്‍ സ്കൂള്‍ എ.എം.ഐ യു.പി സ്കൂളില്‍ കെ. അബ്ദുല്‍ ജബ്ബാര്‍ ഹാജി ഉദ്ഘാടനം ചെയ്തു. യു.കെ. മായന്‍ മാസ്റ്റര്‍ അധ്യക്ഷത വഹിച്ചു. സി.കെ. മുനവ്വിര്‍, സി.സി. ഫാത്തിമ എന്നിവര്‍ സംസാരിച്ചു. കെ.പി. ഹാരിസ് സ്വാഗതവും എന്‍.വി. ത്വാഹിര്‍ നന്ദിയും പറഞ്ഞു.

SIO MOTTAMBRAM

വിജയികളെ അനുമോദിച്ചു
പഴയങ്ങാടി: എസ്.എസ്.എല്‍.സി, പ്ലസ് ടു പരീക്ഷകളില്‍ ഉന്നത വിജയം നേടിയ വിദ്യാര്‍ഥികളെ മൊട്ടാമ്പ്രം എസ്.ഐ.ഒ യൂനിറ്റിന്റെ ആഭിമുഖ്യത്തില്‍ അനുമോദിച്ചു. പി.എം. അബ്ദുല്ല അധ്യക്ഷത വഹിച്ചു. താഹ മാടായി അവാര്‍ഡുകള്‍ വിതരണം ചെയ്തു. പി.കെ.സാജിദ് നദ്വി മുഖ്യ പ്രഭാഷണം നടത്തി. മര്‍ജാന്‍ മഹമൂദ്, റുബൈസ അക്ബര്‍ എന്നിവര്‍ മറുപടി പ്രസംഗം നടത്തി. ഫവാസ് ഖമറുദ്ദീന്‍ സ്വാഗതവും വി.കെ.നബീല്‍ നന്ദിയും പറഞ്ഞു.

COORG NEWS

സിദ്ധാപുരം-മടിക്കേരി
റോഡ് ചളിക്കുളമായി
സിദ്ധാപുരം: സിദ്ധാപുരം-മടിക്കേരി റോഡില്‍കാവേരി പുഴയ്ക്ക് കുറുകേ സിദ്ധാപുരത്ത് നിര്‍മിച്ച പാലത്തിന്റെ അപ്രോച്ച്  റോഡ് തകര്‍ന്ന് ചളിക്കുളമായി. വര്‍ഷങ്ങള്‍ നീണ്ട കാത്തിരിപ്പിനുശേഷം പണി പൂര്‍ത്തിയായി ഉദ്ഘാടനം നടക്കുന്നതിന് മുമ്പേയാണ് റോഡ് തകര്‍ന്നത്്.
കോഴിക്കോട്^ഹാസന്‍ ഹൈവേയിലെ ഈ പാലം ഏഴ് കോടി രൂപ ചെലവിട്ടാണ് നിര്‍മിച്ചത്. 128 വര്‍ഷം പഴക്കമുള്ള പഴയപാലം ഗതാഗതയോഗ്യമല്ലാതായപ്പോഴാണ് പുതിയ പാലത്തിന്റെ പണി മുംബൈയിലെ ഗാമന്‍ ഇന്ത്യന്‍ കമ്പനിക്ക് പൊതുമരാമത്ത് നല്‍കിയത്.
അഞ്ച് വര്‍ഷമാണ് പാലം പണിപൂര്‍ത്തിയാക്കാന്‍ എടുത്തത്. ഉദ്ഘാടനത്തിന് മുമ്പുതന്നെ പാലത്തിന്റെ രണ്ടറ്റങ്ങളിലുമുള്ള റോഡുകള്‍ ചളിക്കുണ്ടുകളായി മാറിയിരിക്കയാണ്. ഇപ്പോള്‍ മിക്ക വാഹനങ്ങളും പഴയ പാലത്തെയാണ് ഗതാഗതത്തിന് ആശ്രയിക്കുന്നത്.

QURAN STUDY CENTRE KANNUR

'ആത്മീയ വളര്‍ച്ചക്ക് പ്രകൃതി പ്രതിഭാസങ്ങളെ
ഉപയോഗപ്പെടുത്തണം'
കണ്ണൂര്‍: ജീവന്റെ ആധാരമായ മഴയുള്‍പ്പെടെയുള്ള പ്രകൃതി പ്രതിഭാസങ്ങളെ ആത്മീയ വളര്‍ച്ചക്കുള്ള പഠനമാധ്യമായി ഉപയോഗിക്കാന്‍ സാധാരണക്കാര്‍ക്കും അഭ്യസ്ത വിദ്യര്‍ക്കും സാധിക്കണമെന്ന് ഖാലിദ് മൂസ നദ്വി പറഞ്ഞു. കൌസര്‍ ഖുര്‍ആന്‍ സ്റ്റഡി സെന്റര്‍ സംഘടിപ്പിച്ച മഴ ഒരനുഗ്രഹം എന്ന വിഷയത്തില്‍ പ്രഭാഷണം നടത്തുകയായിരുന്നു അദ്ദേഹം. മുഴുവന്‍ ജീവജാലങ്ങള്‍ക്കും ആവശ്യമായ മഴ ഒരേ സമയം ജീവജലവും ഭക്ഷണവുമാണ്. ജനനത്തെയും മരണത്തെയും പരലോകത്തെയും കുറിച്ചുള്ള വലിയ സന്ദേശമാണ് മഴ നല്‍കുന്നത് ^അദ്ദേഹം പറഞ്ഞു. യു.പി. സിദ്ദീഖ് മാസ്റ്റര്‍ അധ്യക്ഷത വഹിച്ചു. ഡോ. പി. സലീം, കെ.പി. അബ്ദുല്‍ അസീസ്, ടി.പി. മഹമൂദ് ഹാജി എന്നിവര്‍ സംസാരിച്ചു.

Sunday, June 19, 2011

SIO KANNUR

എസ്.ഐ.ഒ മെംബര്‍ഷിപ് വിതരണോദ്ഘാടനം
പഴയങ്ങാടി: തന്നെക്കുറിച്ചും ചുറ്റുപാടിനെക്കുറിച്ചും ബോധ്യമുള്ള, സാമൂഹിക പ്രതിബദ്ധതയുള്ള വിദ്യാര്‍ഥികളാവാന്‍ ശ്രമിക്കണമെന്ന് എസ്.ഐ.ഒ സംസ്ഥാന പ്രസിഡന്റ് ശിഹാബ് പൂക്കോട്ടൂര്‍ പറഞ്ഞു. പഴയങ്ങാടി പ്രോഗ്രസീവ് ഇംഗ്ലീഷ് സ്കൂളില്‍ നടന്ന എസ്.ഐ.ഒ സംസ്ഥാനതല ഹൈസ്കൂള്‍ മെംബര്‍ഷിപ് വിതരണോദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം.
എസ്.ഐ.ഒ ജില്ലാ സെക്രട്ടറി റാഷിദ് തലശേãരി അധ്യക്ഷത വഹിച്ചു. സംസ്ഥാന സമിതിയംഗം സി.പി. ഹബീബ് റഹ്മാന്‍, സോളിഡാരിറ്റി ജില്ലാ പ്രസിഡന്റ് ഫാറൂഖ് ഉസ്മാന്‍, വൈസ് പ്രസിഡന്റ് വി.എന്‍. ഹാരിസ് എന്നിവര്‍ സംസാരിച്ചു. നൌഷാദ് സ്വാഗതവും  ശംസീര്‍ ഇബ്രാഹിം നന്ദിയും പറഞ്ഞു. സ്കൂള്‍ വിദ്യാര്‍ഥിനി ശില്‍പ ആദ്യ മെംബര്‍ഷിപ് ഏറ്റുവാങ്ങി.

Friday, June 17, 2011

COORG NEWS

 
അപകടങ്ങള്‍ കുറക്കാന്‍ മെറ്റല്‍ ബീം ക്രോസ്
വീരാജ്പേട്ട-മാക്കൂട്ടം ചുരം റോഡ് നിര്‍മാണം:
രണ്ടാംഘട്ടം ഈമാസം അവസാനം തീരും.
വീരാജ്പേട്ട: പെരുമ്പാടി ചെക്പോസ്റ്റില്‍ നിന്നും മാക്കൂട്ടം കാക്കത്തോട് ദേവീക്ഷേത്രം വരെയുള്ള  റോഡിന്റെ ഭാഗമായ കൂട്ടുപുഴ മാക്കൂട്ടം ചെക്പോസ്റ്റ് വരെയുള്ള 1.75 കി.മീ റോഡിന്റെ മുഴുവന്‍ നിര്‍മാണവും ഈ മാസവും 30നുള്ളില്‍ തീരുമെന്ന് മടിക്കേരി അസി. എക്സി. എന്‍ജിനീയര്‍ ധര്‍മരാജ് അറിയിച്ചു.
മൊത്തം 28.4 കോടി രൂപയാണ് മാക്കൂട്ടം ചുരം റോഡ് പുനര്‍നിര്‍മാണത്തിന് ചെലവിട്ടത്. തെരഞ്ഞെടുക്കപെട്ട ഭാഗങ്ങളില്‍ 'മെറ്റല്‍ ബീം ക്രോസ്' നിര്‍മിച്ചിട്ടുണ്ട്.
 റോഡിന്റെ ഇരുഭാഗങ്ങളിലും നിര്‍മിച്ച ഈ മെറ്റല്‍ ബീം അപകടങ്ങള്‍ ഉണ്ടാക്കുന്നത് നിയന്ത്രിക്കും.
നിര്‍മാണ പ്രവര്‍ത്തനങ്ങളുടെ ഗുണനിലവാരം പരിശോധിക്കുന്നതിന് വീരാജ്പേട്ട കേന്ദ്രമായി സ്ഥിരം ഗുണനിലവാരം കേന്ദ്രം തന്നെ തുടങ്ങിയിരുന്നു.
കുശാല്‍നഗറില്‍
കാട്ടാന കൃഷി നശിപ്പിച്ചു
വീരാജ്പേട്ട: കുടക് ജില്ലയില്‍ കുശാല്‍ നഗറിലെ ചില ഭാഗങ്ങളില്‍ കഴിഞ്ഞ ദിവസങ്ങളിലുണ്ടായ കാട്ടാന അക്രമത്തില്‍ അത്തൂരിലെ കര്‍ഷകരുടെ കൃഷി നശിച്ചു. മേഖലയില്‍ കാട്ടുമൃഗ ശല്യം രൂക്ഷമാണ്.
അത്തൂര്‍, ആനക്കാട്, ഗുഡെഹൊസൂര്‍, രംഗസമുദ്ര, ഹെബ്ബാലെ എന്നിവിടങ്ങളില്‍ ആന, പന്നി തുടങ്ങിയ വന്യമൃഗങ്ങള്‍ സന്ധ്യയാവുന്നതോടെ കൂട്ടത്തോടെ ഇറങ്ങി കൃഷി നശിപ്പിക്കുന്നത് നിസ്സഹായരായി നോക്കിനില്‍ക്കാനേ കര്‍ഷകര്‍ക്കാവുന്നുള്ളൂ. ദിനംപ്രതി ഇത് തുടരുമ്പോഴും വനംവകുപ്പ് അധികൃതര്‍ മൌനം പാലിക്കുകയാണെന്ന് ആരോപണമുണ്ട്. ഈ ഭാഗങ്ങളിലെ പകുതിയിലധികം കര്‍ഷകര്‍ കേരളത്തില്‍നിന്ന് കുടിയേറിയവരാണ്.
ഫോറസ്റ്റ് അതിര്‍ത്തിയില്‍ കാട് വെട്ടി ബാങ്ക് ലോണും മറ്റുമെടുത്ത് കൃഷി ചെയ്യുന്നവരാണ് ഈ മേഖലയിലെ കര്‍ഷകരധികവും. ഏറുമാടം കെട്ടിയും കമ്പിവേലി കെട്ടിയും കാട്ടാനകളെയും മറ്റും തുരത്തുന്നത് വിഫലമാണെന്നും കര്‍ഷകര്‍ പറയുന്നു.

SIO KANNUR

 
പരിയാരം മെഡിക്കല്‍ കോളജ് മാര്‍ച്ച് നടത്തി
സ്വാശ്രയം: സര്‍ക്കാര്‍ ധവളപത്രമിറക്കണം -എസ്.ഐ.ഒ
കണ്ണൂര്‍: സ്വാശ്രയ സ്ഥാപനങ്ങളിലെ സര്‍ക്കാര്‍ സീറ്റ് പ്രവേശം സംബന്ധിച്ച് ധവളപത്രമിറക്കാന്‍ സര്‍ക്കാര്‍ തയാറാവണമെന്ന് എസ്.ഐ.ഒ സംസ്ഥാന പ്രസിഡന്റ് ശിഹാബ് പൂക്കോട്ടൂര്‍ ആവശ്യപ്പെട്ടു. എസ്.ഐ.ഒ പരിയാരം മെഡിക്കല്‍ കോളജിലേക്ക് നടത്തിയ പ്രതിഷേധ മാര്‍ച്ച് ഉദ്ഘാടനം ചെയ്യുകയായിരുന്നു അദ്ദേഹം. നോക്കുകുത്തിയായി മാറിയ മുഹമ്മദ് കമ്മിറ്റി പിരിച്ചുവിടണമെന്നും സര്‍ക്കാറിന്റെ മേല്‍നോട്ടത്തില്‍ മുഴുവന്‍ സീറ്റുകളുടെയും ഫീസ് ഘടന ഏകീകരിക്കണമെന്നും ശിഹാബ് പൂക്കോട്ടൂര്‍ പറഞ്ഞു. ആയുര്‍വേദ കോളജ് പരിസരത്തുനിന്ന് ആരംഭിച്ച മാര്‍ച്ച് പരിയാരം മെഡിക്കല്‍ കോളജ് ഗേറ്റിനു മുന്നില്‍ പൊലീസ് ബാരിക്കേഡ് ഉയര്‍ത്തി തടഞ്ഞു. തുടര്‍ന്ന് നടന്ന പ്രതിഷേധ യോഗത്തില്‍ എസ്.ഐ.ഒ ജില്ലാ കമ്മിറ്റിയംഗം ശംസീര്‍ ഇബ്രാഹിം, കണ്ണൂര്‍ ജില്ലാ സെക്രട്ടറി എ. റാഷിദ്, കാസര്‍കോട് ജില്ലാ സെക്രട്ടറി ടി.എം.സി. സിയാദലി എന്നിവര്‍ സംസാരിച്ചു. മാര്‍ച്ചിന് ഒ.കെ. ഫാരിസ്, ഫര്‍ഹാന്‍ തൃക്കരിപ്പൂര്‍, ശാഹിദ് മാടായി, ജവാദ് തലശേãരി, റഷാദ് തളിപ്പറമ്പ് തുടങ്ങിയവര്‍ നേതൃത്വം നല്‍കി.

SOLIDARITY

 നെറ്റ്വര്‍ക്ക് മാര്‍ക്കറ്റിങ് നിരോധിക്കണം
-സോളിഡാരിറ്റി
കോഴിക്കോട്: നൂറുകണക്കിന് കുടുംബങ്ങളുടെ ജീവിതം തകര്‍ത്ത നെറ്റ്വര്‍ക്ക് മാര്‍ക്കറ്റിങ് അടിയന്തരമായി നിരോധിക്കണമെന്ന് സോളിഡാരിറ്റി യൂത്ത് മൂവ്മെന്റ് ഭാരവാഹികള്‍ വാര്‍ത്താ സമ്മേളനത്തില്‍ ആവശ്യപ്പെട്ടു. കഴിഞ്ഞ 10 വര്‍ഷത്തിനിടെ ലക്ഷക്കണക്കിന് യുവാക്കളില്‍നിന്നും പതിനായിരത്തോളം കുടുംബങ്ങളില്‍നിന്നുമായി പതിനായിരം കോടിയോളം രൂപ നെറ്റ്വര്‍ക്ക് മാര്‍ക്കറ്റിങ് കമ്പനികള്‍ തട്ടിയെടുത്തിട്ടുണ്ട്.  ഈ സാഹചര്യത്തില്‍ എല്ലാ നിയമങ്ങളും കാറ്റില്‍പറത്തി പ്രവര്‍ത്തിക്കുന്ന നെറ്റ്വര്‍ക്ക് മാര്‍ക്കറ്റിങ് കമ്പനികള്‍ നിരോധിക്കാന്‍ സര്‍ക്കാര്‍ തയാറാകണമെന്ന് ഭാരവാഹികള്‍ ആവശ്യപ്പെട്ടു.
'99ലെ സെബി റെഗുലേഷന്‍ ആക്ട് പ്രകാരം നെറ്റ് വര്‍ക്ക് മാര്‍ക്കറ്റിങ് കമ്പനികള്‍ക്ക് സെബിയുടെ അംഗീകാരം ലഭിക്കണം ^ഭാരവാഹികള്‍ പറഞ്ഞു. വാര്‍ത്താ സമ്മേളനത്തില്‍ സംസ്ഥാന പ്രസിഡന്റ് പി.ഐ. നൌഷാദ്, ജനറല്‍ സെക്രട്ടറി ടി. മുഹമ്മദ് വേളം, സെക്രട്ടറി റസാഖ് പാലേരി, മീഡിയ സെക്രട്ടറി സി.എം. ശരീഫ് എന്നിവര്‍ പങ്കെടുത്തു.

SOLIDARITY TALIPARAMBA

മാലിന്യപ്രശ്നം അവസാനിപ്പിച്ചില്ലെങ്കില്‍
സമരം ശക്തമാക്കും  -സോളിഡാരിറ്റി
തളിപ്പറമ്പ്: നഗരസഭയുടെ കരിമ്പം ട്രഞ്ചിങ് ഗ്രൌണ്ട് മൂലം പരിസരവാസികള്‍ വര്‍ഷങ്ങളായി അനുഭവിക്കുന്ന ദുരിതം അവസാനിപ്പിച്ചില്ലെങ്കില്‍ ശക്തമായ സമരപരിപാടികള്‍ക്ക് നേതൃത്വം നല്‍കുമെന്ന് സോളിഡാരിറ്റി തളിപ്പറമ്പ് ഏരിയാ സെക്രട്ടേറിയറ്റ് മുന്നറിയിപ്പ് നല്‍കി.
മാറിമാറി ഭരിച്ച നഗരസഭാ ഭരണാധികാരികള്‍ തെരഞ്ഞെടുപ്പ് വേളകളില്‍ മാലിന്യപ്രശ്നങ്ങളില്‍ വാഗ്ദാനങ്ങള്‍ നല്‍കുക മാത്രമാണ് ചെയ്തത്. സംസ്കരണ പ്ലാന്റ് കാര്യക്ഷമമാക്കി മാലിന്യപ്രശ്നം പരിഹരിക്കാനോ ജനങ്ങളുടെ ദുരിതം അകറ്റാനോ ഇതുവരെ തയാറായിട്ടില്ല. ജനങ്ങള്‍ക്ക് ആരോഗ്യപരമായി ജീവിക്കാനുള്ള അവകാശമുണ്ടെന്നും അതിന് തടസ്സം നിന്നാല്‍ ശക്തമായ സമരപരിപാടികള്‍ക്ക് നേതൃത്വം നല്‍കുമെന്നും സെക്രട്ടേറിയറ്റ് പറഞ്ഞു. ഏരിയാ പ്രസിഡന്റ് മിഫ്താഫ് അധ്യക്ഷത വഹിച്ചു. ടി.കെ.പി. സത്താര്‍, എ.വി. ഷരീഫ്, കെ.കെ. ഖാലിദ് എന്നിവര്‍ സംസാരിച്ചു.

Thursday, June 16, 2011

SOLIDARITY KANNUR

സോളിഡാരിറ്റി :
 ഫാറൂഖ് ഉസ്മാന്‍ ജില്ലാ പ്രസിഡന്റ്
ടി.കെ. മുഹമ്മദ് റിയാസ് ജനറല്‍ സെക്രട്ടറി
കണ്ണൂര്‍: സോളിഡാരിറ്റി യൂത്ത് മൂവ്മെന്റ് ജില്ലാ പ്രസിഡന്റായി ഫാറൂഖ് ഉസ്മാനെയും ജനറല്‍ സെക്രട്ടറിയായി ടി.കെ. മുഹമ്മദ് റിയാസിനെയും തെരഞ്ഞെടുത്തു. വൈസ് പ്രസിഡന്റുമാരായി എന്‍.എം. ശഫീഖ്, വി.എന്‍. ഹാരിസ് എന്നിവരെയും സെക്രട്ടറിമാരായി എ.പി. അജ്മല്‍, കെ.എം. അശ്ഫാഖ്, ടി.കെ. മുഹമ്മദ് അസ്ലം, കെ. സാദിഖ് എന്നിവരെയും തെരഞ്ഞെടുത്തു.
പി. ശിഹാബുദ്ദീന്‍ (പാനൂര്‍), സി.എച്ച്. മുജീബ് റഹ്മാന്‍ (ന്യൂ മാഹി), പി.എ. സയീദ് (തലശേãരി), പി. സാലിം (എടക്കാട്), പി.സി. അനസ് (കൂത്തുപറമ്പ്), ടി.കെ. മുഹമ്മദ് അസ്ലം (ഇരിട്ടി), എന്‍.വി. താഹിര്‍ (ഇരിക്കൂര്‍), കെ.എന്‍. ജുറൈജ് (കണ്ണൂര്‍), ടി.പി. ഇല്യാസ് (വളപട്ടണം), ശിഹാബുദ്ദീന്‍ (പയ്യന്നൂര്‍), സി.എച്ച്. മിഫ്താഫ് (തളിപ്പറമ്പ്), പി.കെ. മുഹമ്മദ് സാജിദ് (മാടായി), കെ.കെ. ഫൈസല്‍ (കാഞ്ഞിരോട്), എന്നിവര്‍ ഏരിയാ പ്രസിഡന്റുമാരാണ്.
ജില്ലാ സമിതി അംഗങ്ങളായി കെ.എം. മഖ്ബൂല്‍, പി.സി. ശമീം, കെ. നിയാസ്, ബി. അബ്ദുല്‍ ജബ്ബാര്‍, എ.പി.വി. മുസ്തഫ എന്നിവരെയും തെരഞ്ഞെടുത്തു. തെരഞ്ഞെടുപ്പിന് സോളിഡാരിറ്റി സംസ്ഥാന പ്രവര്‍ത്തക സമിതി അംഗങ്ങളായ എന്‍.കെ. അബ്ദുല്‍ സലാം, ഡോ. മുഹമ്മദ് നജീബ് എന്നിവര്‍ നേതൃത്വം നല്‍കി. ജമാഅത്തെ ഇസ്ലാമി ജില്ലാ പ്രസിഡന്റ് ടി.കെ. മുഹമ്മദ് അലി സമാപന പ്രസംഗം നടത്തി.

SIO KANNUR

 
 പരിയാരത്തേക്കും അമൃതയിലേക്കും
എസ്.ഐ.ഒ മാര്‍ച്ച്  നടത്തും
കോഴിക്കോട്: സ്വാശ്രയ പ്രശ്നത്തില്‍ സര്‍ക്കാറും മാനേജ്മെന്റുകളും നടത്തുന്ന ഒളിച്ചുകളി അവസാനിപ്പിക്കണമെന്ന് ആവശ്യപ്പെട്ട് സംസ്ഥാന വ്യാപകമായി പ്രക്ഷോഭ പരിപാടികള്‍ സംഘടിപ്പിക്കാന്‍ എസ്.ഐ.ഒ സംസ്ഥാന സെക്രട്ടേറിയറ്റ് തീരുമാനിച്ചു. സ്വാശ്രയ മാനേജ്മെന്റുകളുടേയും സര്‍ക്കാറിന്റെയും രാഷ്ട്രീയ പാര്‍ട്ടികളുടെയും ഒത്തുകളിക്ക് വിലനല്‍കേണ്ടിവരുന്നത് കേരളത്തിന്റെ ഉന്നത വിദ്യാഭ്യാസരംഗമാണ്. ഈ വിദ്യാര്‍ഥിവഞ്ചനക്കെതിരെ വിദ്യാര്‍ഥികളെ അണിനിരത്തും. സര്‍ക്കാര്‍ സീറ്റുകള്‍ ധിക്കാരപൂര്‍വം ഏറ്റെടുത്ത് കൊള്ളലാഭത്തിന് വില്‍ക്കുന്ന പരിയാരം മെഡിക്കല്‍ കോളജിലേക്കും അമൃതയിലേക്കും ഇന്ന് വിദ്യാര്‍ഥി മാര്‍ച്ച് നടത്തും. പരിയാരം മെഡിക്കല്‍ കോളജിലേക്കുള്ള മാര്‍ച്ച് സംസ്ഥാന പ്രസിഡന്റ് ശിഹാബ് പൂക്കോട്ടൂരും അമൃതയിലേക്കുള്ള മാര്‍ച്ച് സംസ്ഥാന സമിതിയംഗം ജമാല്‍ പനായിക്കുളവും ഉദ്ഘാടനം ചെയ്യും.

MSF IRIKKUR

ഹെല്‍പ് ഡെസ്ക് തുടങ്ങി
ഇരിക്കൂര്‍: മുസ്ലിം, ക്രിസ്ത്യന്‍ വിഭാഗങ്ങളിലെ വിദ്യാര്‍ഥികള്‍ക്ക് സര്‍ക്കാര്‍ അനുവദിച്ച പ്രീ മെട്രിക് സ്കോളര്‍ഷിപ് ഫോറം പൂരിപ്പിക്കുന്നതിനും സംശയ നിവാരണത്തിനും പഞ്ചായത്ത് എം.എസ്.എഫ് കമ്മിറ്റി ഹെല്‍പ് ഡെസ്ക് ആരംഭിച്ചു. 
ഫോണ്‍: 9947508291, 9037799398.


SOLIDARITY CHALAD

പടന്നത്തോട്മാലിന്യപ്രശ്നംപരിഹരിക്കണം :സോളിഡാരിറ്റി
ചാലാട്: പടന്നത്തോട് മാലിന്യപ്രശ്നം പരിഹരിക്കാന്‍ നഗരസഭാ അധികാരികള്‍ നടപടിയെടുക്കണമെന്ന് സോളിഡാരിറ്റി ചാലാട് യൂനിറ്റ് ആവശ്യപ്പെട്ടു. കെ.കെ. ശുഹൈബ് മുഹമ്മദ് അധ്യക്ഷത വഹിച്ചു. കെ.പി. മുഹമ്മദ് ഷാക്കിര്‍, ഡോ. ഷമല്‍ ഗസാലി, എല്‍.വി. നഹീം എന്നിവര്‍ സംസാരിച്ചു. കെ.പി. സാബിര്‍ സ്വാഗതവും റമീസ് ചാലാട് നന്ദിയും പറഞ്ഞു.

Monday, June 13, 2011

SOLIDARITY IRITTY

ജനകീയ കുടിവെള്ളപദ്ധതി നാടിന് സമര്‍പ്പിച്ചു
ഇരിട്ടി: പുന്നാട് ലക്ഷംവീട് കോളനിയിലെ 40 കുടുംബങ്ങള്‍ക്ക് 2.75 ലക്ഷം രൂപ ചെലവില്‍ സോളിഡാരിറ്റി നിര്‍മിച്ച ജനകീയ കുടിവെള്ള പദ്ധതി ഉത്സവച്ഛായ കലര്‍ന്ന അന്തരീക്ഷത്തില്‍ അഡ്വ. സണ്ണി ജോസഫ് എം.എല്‍.എ നാടിന് സമര്‍പ്പിച്ചു. ജീവല്‍പ്രശ്നങ്ങള്‍ ഏറ്റെടുത്തു നടപ്പാക്കുന്നതില്‍ സോളിഡാരിറ്റിയുടെ പ്രവര്‍ത്തനം മാതൃകാപരമാണെന്ന് പദ്ധതി ഉദ്ഘാടനം ചെയ്ത് എം.എല്‍.എ പറഞ്ഞു.
സോളിഡാരിറ്റി ജില്ലാ പ്രസിഡന്റ് ഫാറൂഖ് ഉസ്മാന്‍ അധ്യക്ഷത വഹിച്ചു. ഗ്രാമപഞ്ചായത്ത് പ്രസിഡന്റ് കെ. അബ്ദുറഷീദ്, ജമാഅത്തെ ഇസ്ലാമി സംസ്ഥാന കമ്മിറ്റിയംഗം യൂസഫ് ഉമരി, ജില്ലാ പ്രസിഡന്റ് ടി.കെ. മുഹമ്മദലി, ജില്ലാ പഞ്ചായത്തംഗം ഷജീറ ടീച്ചര്‍, ബ്ലോക് മെംബര്‍ സി. അഷ്റഫ്, വാര്‍ഡ് മെംബര്‍മാരായ ടി.കെ. ശരീഫ, സി.കെ. അനിത, സോളിഡാരിറ്റി സംസ്ഥാന സമിതിയംഗം കെ.എം. മഖ്ബൂല്‍, പി.വി. സാബിറ, കെ. സാദിഖ് മാസ്റ്റര്‍, കെ. മഹ്റൂഫ്, നാസര്‍ പുന്നാട്, ശിഫ, പി.സി. മുനീര്‍ മാസ്റ്റര്‍, മുഹമ്മദ് ശമീം എന്നിവര്‍ സംസാരിച്ചു.മട്ടന്നൂരില്‍നിന്ന് നിരവധി വാഹനങ്ങള്‍ ഘോഷയാത്രയായി പുന്നാട് ടൌണില്‍ എത്തുകയും അവിടെനിന്ന് എം.എല്‍.എയെയും മറ്റു വിശിഷ്ടാതിഥികളെയും ആനയിച്ച് ഘോഷയാത്ര നടത്തി.

PM FOUNDATION

Saturday, June 11, 2011

SOLIDARITY IRITTY

ജനകീയ കുടിവെള്ള പദ്ധതി
നാളെ നാടിന് സമര്‍പ്പിക്കും
ഇരിട്ടി: ജനകീയ കുടിവെള്ള പദ്ധതി നാളെ നാടിന് സമര്‍പ്പിക്കുമെന്ന് സോളിഡാരിറ്റി നേതാക്കള്‍ അറിയിച്ചു.
കീഴൂര്‍ ചാവശേãരി പഞ്ചായത്തില്‍ പുന്നാട് ലക്ഷംവീട് കോളനിയിലെ നാല്‍പത് കുടുംബങ്ങള്‍ക്കാണ് സോളിഡാരിറ്റി കുടിവെള്ളമെത്തിക്കുന്നത്. സംസ്ഥാന തലത്തില്‍ സോളിഡാരിറ്റി ആവിഷ്കരിച്ച ഒന്നാംഘട്ട ജനകീയ കുടിവെള്ള പദ്ധതിയുടെ ഭാഗമായാണ് പുന്നാട് കോളനിയില്‍ കുടിവെള്ളമെത്തിക്കുന്നത്. ഇരിട്ടി മേഖലയില്‍ ആറളം കോളനിയിലെ 28 കുടുംബങ്ങള്‍ക്ക് രണ്ടു മാസം മുമ്പ് കുടിവെള്ള വിതരണം നടത്തിയിരുന്നു.
ജൂണ്‍ 12ന് വൈകുന്നേരം നാലിന് എം.എല്‍.എ അഡ്വ. സണ്ണി ജോസഫ് പദ്ധതി നാടിന് സമര്‍പ്പിക്കും. പമ്പ് ഹൌസിന്റെ സ്വിച്ച് ഓണ്‍ കര്‍മം ജമാഅത്തെ ഇസ്ലാമി സംസ്ഥാന സമിതിയംഗം യൂസഫ് ഉമരി നിര്‍വഹിക്കും. ബ്ലോക് പഞ്ചായത്ത് പ്രസിഡന്റ് കെ. ശ്രീധരന്‍ പ്രഥമ ജലവിതരണം ഉദ്ഘാടനം ചെയ്യും. പഞ്ചായത്ത് പ്രസിഡന്റ് കെ. അബ്ദുല്‍ റഷീദ് മുഖ്യാതിഥിയായിരിക്കും. ടി.പി. മുഹമ്മദ് ഷമീം മുഖ്യപ്രഭാഷണം നടത്തും. ജില്ലാ പഞ്ചായത്ത് അംഗം ടി.പി. ഷജീറ ടീച്ചര്‍, ജമാഅത്തെ ഇസ്ലാമി ജില്ലാ പ്രസിഡന്റ് ടി.കെ. മുഹമ്മദലി, ബ്ലോക് പഞ്ചായത്ത് മെംബര്‍ സി. അഷറഫ് എന്നിവര്‍ പങ്കെടുക്കും.
ഞായറാഴ്ച വൈകുന്നേരം മൂന്നിന് മട്ടന്നൂരില്‍ നിന്ന് വാഹനജാഥയും തുടര്‍ന്ന് പുന്നാട്ടുനിന്ന് കോളനിയിലേക്ക് ഘോഷയാത്രയും ഉണ്ടാകും.  ടി.കെ. മുഹമ്മദ് അസ്ലം, ടി.കെ. മുനീര്‍, നൌഷാദ് മേത്തര്‍, എം. ഷാനിഫ്, ഷഫീര്‍ ആറളം എന്നിവര്‍ പരിപാടികള്‍ വിശദീകരിച്ചു.