ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----

Sunday, February 27, 2011

SOLIDARITY KANNUR_THOTTADA SAMAJWADI COLONY WATER PROJECT

 
ജനകീയ കുടിവെളള പദ്ധതി ഉദ്ഘാടനം ചെയ്തു
കണ്ണൂര്‍ : വിപ്ളവ യുവത്വത്തിന്റെ സേവന പോരാട്ടങ്ങളുടെ സാക്ഷ്യപത്രമായി സമാജ്വാദി കോളനി കുടിവെള്ള പദ്ധതി സോളിഡാരിറ്റി സംസ്ഥാന പ്രസിഡണ്ട് പി. മുജീബ് റഹ്മാന്‍ നാടിനു സമര്‍പ്പിച്ചു. തോട്ടടയില്‍ നിന്ന്  ബാന്റ് വാദ്യങ്ങളുടെ അകമ്പടിയോടെ  കോളനിവാസികള്‍ മുജീബ് റഹ്മാനെ ആനയിച്ചു കൊണ്ടാണ് ഉദ്ഘാടന വേദിയിലെത്തിച്ചത്. ഉദ്ഘാടന ശേഷം നടന്ന ഗ്രാമീണരുടെ കലാപരിപാടിയിലും സ്ത്രീകളും കുട്ടികളുമടക്കം വന്‍ ജനാവലി പങ്കെടുത്തു.
    കേരളത്തിലുടനീളം 53 കുടിവെള്ള പദ്ധതികളാണ് സോളിഡാരിറ്റി നടപ്പിലാക്കുന്നത്. തീര്‍ത്തും ദരിദ്രമായ സ്ഥലങ്ങളാണ് ഇതിനുവേണ്ടി പരിഗണിച്ചത്. സമാജ്വാദി കോളനിയില്‍ മാത്രം 100 ഓളം കുടുംബങ്ങളിലെ 500 അംഗങ്ങള്‍ക്ക് ഇതുവഴി ശുദ്ധജലം ല‘ിക്കും. ശരാശരി ഒരു ലക്ഷം രൂപ ചെലവും ബാക്കി പ്രവര്‍ത്തകരുടെ കായികാദ്ധ്വാനവുമാണ് കുടിവെള്ളപദ്ധതിക്ക് സോളിഡാരിറ്റി അവലംബിക്കുന്ന രീതി.  യുവാക്കളുടെ വിപ്ളവകരമായ ഇത്തരം പ്രവര്‍ത്തനങ്ങള്‍ ഇതര യുവജന സംഘടനകള്‍ കൂടി മാതൃകയാക്കണമെന്ന് സോളിഡാരിറ്റി ജില്ലാ പ്രസിഡണ്ട് കെ.എം. മഖ്ബൂല്‍ തന്റെ ആമുഖ പ്ര‘ാഷണത്തില്‍ പറഞ്ഞു.
സമാജ് വാദി കോളനിയില്‍ നടപ്പിലാക്കിയ കുടിവെള്ള പദ്ധതി വഴി കാലങ്ങളായുള്ള ശുദ്ധജലത്തിന് വേണ്ടിയുള്ള മുറവിളിക്ക് ഒരു പരിധിവരെ പരിഹാരമായി. ഒരു കുഴല്‍കിണറും 15 ടാപ്പുകളുമാണ് പദ്ധതിക്കുവേണ്ടി സ്ഥാപിച്ചത്. പ്രദേശത്ത് ഉപയോഗിക്കാതെ കിടന്ന ടാങ്കും ഉപയോഗപ്പെടുത്തി. പദ്ധതിയുടെ ‘ാഗമായി സ്ഥാപിച്ച മോട്ടോറിന്റെ സ്വിച്ച് ഓണ്‍കര്‍മ്മം എടക്കാട് ഗ്രാമപഞ്ചായത്ത്  പ്രസിഡന്റ് കെ. രവീന്ദ്രന്‍ നിര്‍വ്വഹിച്ചു. ജമാ അത്തെ ഇസ്ളാമി സംസ്ഥാന അസിസ്റന്റ് അമീര്‍ ശൈഖ് മുഹമ്മദ് കാരക്കുന്ന് മുഖ്യ പ്ര‘ാഷണം നടത്തി. സോളിഡാരിറ്റി സേവന വി‘ാഗം സെക്രട്ടറി ടി.കെ. മുഹമ്മദ് റിയാസ് റിപ്പോര്‍ട്ട് അവതരിപ്പിച്ചു
    ജില്ലാ പഞ്ചായത്ത്  അംഗം മാധവമന്‍ മാസ്റര്‍, ഡോ. സി എം ജോയ്, പി. പി. അബ്ദുറഹ്മാന്‍ പെരിങ്ങാടി എന്നിവര്‍ സംസാരിച്ചു. എടക്കാട് ബ്ളോക്ക് പഞ്ചായത്ത് അംഗം രാഗിണി. സി, ഗ്രാമ പഞ്ചായത്ത് വികസനകാര്യ സ്റാന്റിംഗ് കമ്മിറ്റി ചെയര്‍മാന്‍ കൃഷ്ണകുമാര്‍, ബാലകൃഷ്ണന്‍ മുണ്ടേരി, എ. ടി. സമീറ, എന്‍. സുബ്രഹ്മണ്യന്‍, എന്നിവര്‍ ആശംസകള്‍ അര്‍പ്പിച്ചു. കെ.കെ. ബഷീര്‍ ,ടി.കെ. മുഹമ്മദലി, അഡ്വ. കെ എല്‍ അബ്ദുള്‍ സലാം, കെ.പി.സുകുമാരന്‍ എന്നിവര്‍ ഉപഹാരങ്ങള്‍ വിതരണം ചെയ്തു. കുടിവെള്ള പദ്ധതിക്കായി സ്ഥലം അനുവദിച്ച് തന്ന ബാലേട്ടന്, കോളനിയിലെ സേവന പ്രവര്‍ത്തനങ്ങള്‍ നിര്‍വ്വഹിക്കുന്ന കെ.കെ. ശുഹൈബ് തുടങ്ങിയവര്‍ ഉപഹാരങ്ങള്‍ ഏറ്റുവാങ്ങി ഉദ്ഘാടനത്തോട് അനുബന്ധിച്ച് വര്‍ണാ‘മായ ഘോഷയാത്രയും കുട്ടികളുടെ കലാപരിപാടികളും അരങ്ങേറി.
    ജില്ലാ ജനറല്‍ സെക്രട്ടറി എന്‍.എം. ഷഫീഖ് സ്വാഗതവും കുടിവെള്ളപദ്ധതി കണ്‍വീനര്‍ കെ.കെ.ഷുഹൈബ് നന്ദി പറഞ്ഞു.
27-02-2011

OBIT_KP ABU MUSLIYAR

അബു മുസ്ലിയാര്‍
മാച്ചേരി അയ്യപ്പന്‍മല റോഡില്‍ തുമ്പത്ത് ഹൌസില്‍ കെ.പി. അബു മുസ്ലിയാര്‍ (94) നിര്യാതനായി. 
ഭാര്യ: കുഞ്ഞാമിന. 
മക്കള്‍: സഫൂറ, നിസാര്‍, റഷീദ് (സൌദി) സക്കീന, അലീമ. 
മരുമക്കള്‍: അബ്ദുറസാഖ് (അബൂദബി), നാസര്‍ (ബംഗളൂരു), ഖദീജ, റുക്സാന, പരേതനായ അബ്ദുല്ല. 
26-02-2011

CHELORA

 
മാലിന്യം ഇറക്കുന്നത് തടഞ്ഞ ട്രഞ്ചിങ് ഗ്രൌണ്ട് സമരസമിതി പ്രവര്‍ത്തകരെ പൊലീസ് അറസ്റ്റ് ചെയ്ത് നീക്കുന്നു.
ചേലോറയില്‍ വീണ്ടും
ബലംപ്രയോഗിച്ച് മാലിന്യമിറക്കി
ചേലോറയില്‍ ശനിയാഴ്ച വീണ്ടും ബലം പ്രയോഗിച്ച് മാലിന്യമിറക്കി. കഴിഞ്ഞ നാല് ദിവസമായി ട്രഞ്ചിങ് ഗ്രൌണ്ട് സമരസമിതിയുടെ നേതൃത്വത്തില്‍ നടന്നുവരുന്ന  അനിശ്ചിതകാല സമരം കാരണം നഗരസഭാ മാലിന്യങ്ങള്‍ സംസ്കരിക്കാന്‍ കഴിയാതെ നഗരസഭാ വളപ്പില്‍ കെട്ടിക്കിടക്കുകയായിരുന്നു.
മാലിന്യ നിക്ഷേപം കാരണം ചേലോറയിലെ ജനങ്ങളുടെ കുടിവെള്ളത്തില്‍ മാലിന്യം കലരുന്നതിനാല്‍ പുതിയ കുടിവെള്ള സംവിധാനം ഏര്‍പ്പെടുത്തുമെന്ന നഗരസഭാധികൃതരുടെ ഉറപ്പ് പാലിക്കാത്തതില്‍ പ്രതിഷേധിച്ചായിരുന്നു സമരം. എന്നാല്‍, അധികൃതര്‍ സമരസമിതിയുമായി നടത്തിയ ചര്‍ച്ചകള്‍ പരാജയപ്പെടുകയായിരുന്നു.
കഴിഞ്ഞ ദിവസം ചേലോറ പഞ്ചായത്ത് പ്രസിഡന്റിന്റെ സാന്നിധ്യത്തില്‍ ഇനിയൊരറയിപ്പില്ലാതെ മാലിന്യമിറക്കില്ലെന്ന എ.ഡി.എമ്മിന്റെ ഉറപ്പ് ലംഘിച്ചുകൊണ്ടാണ് ശനിയാഴ്ച ടൌണ്‍ സി.ഐയുടെ സംരക്ഷണത്തില്‍ സമരക്കാരെ നോക്കുകുത്തിയാക്കി മാലിന്യമിറക്കിയത്.
മാലിന്യവണ്ടി മുന്നറിയിപ്പില്ലാതെയാണ് വന്നത്. സാധാരണ രാവിലെ എട്ടുമുതല്‍ ഒരുമണി വരെയാണ് മാലിന്യമിറക്കാറ്. എന്നാല്‍, ഇന്നലെ രാവിലെ ഏഴു മണിയോടെ എത്തിയ മാലിന്യവണ്ടി ഗേറ്റ് തുറന്ന് മാലിന്യം ഇറക്കുകയായിരുന്നു.
 വിവരമറിഞ്ഞെത്തിയ സമരസമിതി മെംബര്‍മാരും ജനപ്രതിനിധികളും നാട്ടുകാരും ഗ്രൌണ്ടില്‍നിന്ന് മാലിന്യവണ്ടി തടയുകയും പുറത്തിറക്കുന്നത് തടയുകയും ചെയ്തു. വിവരമറിഞ്ഞെത്തിയ ചകരക്കല്ല് പൊലീസ് സമരക്കാരെ അറസ്റ്റ് ചെയ്ത് നീക്കിയ ശേഷമാണ് മാലിന്യവുമായെത്തിയ വണ്ടികള്‍ പുറത്തിറക്കിയത്.
ചേലോറ പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍പേഴ്സന്‍ കമല, വാര്‍ഡ് മെംബര്‍ ബിന്ദു ജയരാജ്, ചാലോടന്‍ രാജീവന്‍, കെ.കെ. മധു, ജയദേവന്‍, സുഗതന്‍, അബൂബക്കര്‍, താളിയില്‍ ശോഭ, പാറയില്‍ രാധ തുടങ്ങി ഒമ്പത് പേരെയാണ് പൊലീസ് അറസ്റ്റ് ചെയ്തത്.
ചേലോറ പഞ്ചായത്ത് പ്രസിഡന്റ് എം.പി. പുരുഷോത്തമന്‍ മാസ്റ്ററുമായി പൊലീസ് അധികൃതര്‍ നടത്തിയ ചര്‍ച്ചയുടെ അടിസ്ഥാനത്തില്‍ ഇവരെ പിന്നീട് വിട്ടയച്ചു.
അതേസമയം, ശനിയാഴ്ച നടക്കാനുദ്ദേശിച്ച ചര്‍ച്ച അധികൃതരുടെ ജനാധിപത്യവിരുദ്ധ നടപടിയില്‍ പ്രതിഷേധിച്ച് ബഹിഷ്കരിച്ചതായി കെ.കെ.മധു പറഞ്ഞു.
Courtesy:Madhyamam/27-02-2011

SOLIDARITY THALASSERY

സോളിഡാരിറ്റി തലശേãരി ഏരിയാ കമ്മിറ്റി സംഘടിപ്പിച്ച ബഹുജന പ്രതിഷേധ കൂട്ടായ്മ.
'തലശേãരി ബസ്സ്റ്റാന്‍ഡിലെ ട്രാഫിക് സംവിധാനം:
അടിയന്തര നടപടി വേണം'
തലശേãരി: പുതിയ ബസ്സ്റ്റാന്‍ഡിനെ മനുഷ്യക്കുരുതിക്കളമാക്കുന്ന ട്രാഫിക് സംവിധാനങ്ങള്‍ പൊളിച്ചെഴുതാന്‍ അടിയന്തര നടപടിയെടുക്കണമെന്ന് സോളിഡാരിറ്റി തലശേãരി ഏരിയാ കമ്മിറ്റി ബസ്സ്റ്റാന്‍ഡ് പരിസരത്ത് സംഘടിപ്പിച്ച ബഹുജന പ്രതിഷേധ കൂട്ടായ്മ ആവശ്യപ്പെട്ടു. ബസുകളുടെ മരണപ്പാച്ചിലും നാലുഭാഗത്തുകൂടി കടന്നുവരുന്ന ട്രാഫിക് സംവിധാനവും ഏറെ അപകടസാധ്യതയേറിയ ബസ്സ്റ്റാന്‍ഡില്‍ പൊലീസിനെ വിന്യസിക്കാത്തതും അപകടമരണങ്ങള്‍ വര്‍ധിക്കാന്‍ കാരണമാണെന്ന് കൂട്ടായ്മ വിലയിരുത്തി. നഗരസഭാധികൃതരും ട്രാഫിക് പൊലീസും ഇനിയും നിസ്സംഗത കാട്ടുകയാണെങ്കില്‍ ശക്തമായ ജനകീയ പ്രക്ഷോഭങ്ങള്‍ക്ക് ഇടയാക്കുമെന്ന് കൂട്ടായ്മ മുന്നറിയിപ്പ് നല്‍കി.
ജമാഅത്തെ ഇസ്ലാമി ജില്ലാ സെക്രട്ടറി കളത്തില്‍ ബഷീര്‍ ഉദ്ഘാടനം ചെയ്തു. പെട്ടിപ്പാലം പൊതുജനാരോഗ്യ സമിതി ചെയര്‍മാന്‍ പി.എം. അബ്ദുന്നാസിര്‍, എ.കെ. മുസമ്മില്‍, സി. അബ്ദുന്നാസര്‍, സോളിഡാരിറ്റി ഏരിയാ പ്രസിഡന്റ് എ.പി. അജ്മല്‍ എന്നിവര്‍ സംസാരിച്ചു.
Courtesy:Madhyamam/27-02-2011


JIH PUNNOL

സുഹൃദ് സംഗമവും അനുമോദനവും
മാഹി: ജമാഅത്തെ ഇസ്ലാമി പുന്നോല്‍ യൂനിറ്റ് തണല്‍ ഹാളില്‍ ഞായറാഴ്ച വൈകീട്ട് 4.30ന് സുഹൃദ്സംഗമവും അനുമോദനവും സംഘടിപ്പിക്കും. \'യേശുവിന്റെ പാത, മുഹമ്മദ് നബിയുടെയും\' എന്ന തലക്കെട്ടില്‍ നടക്കുന്ന സംഗമത്തില്‍ ചാലില്‍ സെന്റ് പീറ്റേഴ്സ് ഇടവക വികാരി ഫാ. ഷാജു ആന്റണി തറമ്മല്‍, സോളിഡാരിറ്റി സംസ്ഥാന സമിതിയംഗം ടി.പി. മുഹമ്മദ് ഷമീം എന്നിവര്‍ പ്രഭാഷണം നടത്തും.
മുഹമ്മദ് ഷമീം രചിച്ച \'ബുദ്ധന്‍, യേശു, മുഹമ്മദ്^ലോകമതങ്ങളെക്കുറിച്ച് ഒരു പഠനം\' എന്ന ഗ്രന്ഥസമര്‍പ്പണവും നടക്കും. പുന്നോല്‍ കുറിച്ചിയില്‍ റെയില്‍വേ ട്രാക്കില്‍ ബോംബ് കണ്ടെത്തി ദുരന്തത്തില്‍നിന്ന് നാടിനെ രക്ഷിച്ച വിദ്യാര്‍ഥികളെ ചടങ്ങില്‍ ആദരിക്കും.
Courtesy:Madhyamam/27-02-2011

MADIKERI

മടിക്കേരിയില്‍ നിരോധാജ്ഞ രണ്ടു ദിവസത്തേക്കുകൂടി നീട്ടി
മടിക്കേരി: വ്യാഴാഴ്ച ഹിന്ദു സമാജോത്സവ ഘോഷയാത്രയുടെ സമയത്തുണ്ടായ സംഘര്‍ഷത്തെയും കല്ലേറിനെയും തുടര്‍ന്ന് മടിക്കേരി ടൌണില്‍ ഏര്‍പ്പെടുത്തിയ നിരോധാജ്ഞ രണ്ടു ദിവസത്തേക്കുകൂടി നീട്ടി ജില്ലാ കലക്ടര്‍ ഉത്തരവ് പുറപ്പെടുവിച്ചു. ഘോഷയാത്രാ സമയത്ത് നടന്ന കല്ലേറില്‍ 11 പേര്‍ക്കെതിരെ കേസെടുത്തിട്ടുണ്ട്.
വെള്ളിയാഴ്ചയും ശനിയാഴ്ചയും മടിക്കേരി പട്ടണത്തില്‍ ഹര്‍ത്താലിന് തുല്യമായ സ്ഥിതിയായിരുന്നു. വെള്ളിയാഴ്ചയും രണ്ടു കടകള്‍ക്കുനേരെ കല്ലേറുണ്ടായി. വൈകീട്ട് രണ്ടിടങ്ങളില്‍ പൊലീസ് ചെറിയ തോതില്‍ ലാത്തിവീശി. ശനിയാഴ്ച സ്ഥിതി ശാന്തമാണ്. വിദ്യാലയങ്ങള്‍ക്ക് അവധിയായിരുന്നു. പരീക്ഷകള്‍ നടന്നു.
Courtesy:Madhyamam/27-02-2011