ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----

Monday, September 5, 2011

JIH KANNUR

 
 
 ജമാഅത്തെ ഇസ്ലാമി ഏരിയാ പ്രവര്‍ത്തക കണ്‍വെന്‍ഷന്‍ ജമാഅത്തെ ഇസ്ലാമി സംസ്ഥാന സമിതി അംഗം വി.കെ. അലി  ഉദ്ഘാടനം ചെയ്യുന്നു
'ജീര്‍ണത ബാധിച്ച സമൂഹസൃഷ്ടിക്ക് കാരണം
ദൈവിക വ്യവസ്ഥയുടെ നിരാകരണം'
കണ്ണൂര്‍: ദൈവിക വ്യവസ്ഥയുടെ നിരാകരണം ലോകത്ത് ജീര്‍ണത ബാധിച്ച സമൂഹത്തെയാണ് സൃഷ്ടിക്കുന്നതെന്ന് ജമാഅത്തെ ഇസ്ലാമി സംസ്ഥാന സമിതി അംഗം വി.കെ. അലി പറഞ്ഞു.
ജമാഅത്തെ ഇസ്ലാമി കണ്ണൂര്‍, മട്ടന്നൂര്‍ ഏരിയാ പ്രവര്‍ത്തക കണ്‍വെന്‍ഷന്‍ ഉദ്ഘാടനം ചെയ്യുകയായിരുന്നു അദ്ദേഹം. മനുഷ്യന്റെ വ്യക്തിപരവും സാമൂഹികവുമായ മുഴുവന്‍ ജീവിതത്തെയും ദൈവിക മാര്‍ഗദര്‍ശനത്തിന്റെ മൂശയില്‍ വാര്‍ത്തെടുക്കാനുള്ള പ്രവര്‍ത്തനമാണ് ഇസ്ലാമിക പ്രസ്ഥാനം നടത്തുന്നതെന്നും അദ്ദേഹം പറഞ്ഞു.ജില്ലാ പ്രസിഡന്റ് ടി.കെ. മുഹമ്മദലി അധ്യക്ഷത വഹിച്ചു. പി.സി. മുനീര്‍ സംസാരിച്ചു. ജില്ലാ സെക്രട്ടറി ബഷീര്‍ കളത്തില്‍ സമാപന പ്രസംഗം നടത്തി. ഹനീഫ മാസ്റ്റര്‍ സ്വാഗതവും അഹമ്മദ് നിസാര്‍ നന്ദിയും പറഞ്ഞു.

JIH GONIKUPPA

 
 ജമാഅത്തെ ഇസ്ലാമി ഗോണികുപ്പ ഹല്‍ഖ സംഘടിപ്പിച്ച ഈദ്മീറ്റ് ശാന്തമല്ലികാര്‍ജുന സ്വാമി ഉദ്ഘാടനം ചെയ്യുന്നു
ഈദ്മീറ്റ് സംഘടിപ്പിച്ചു
ഗോണികുപ്പ: ജമാഅത്തെ ഇസ്ലാമി ഗോണികുപ്പ ഹല്‍ഖയുടെ ആഭിമുഖ്യത്തില്‍ ഈദ്മീറ്റ് സംഘടിപ്പിച്ചു. അരമേരി കളഞ്ചേരി മഠത്തിലെ ശാന്തമല്ലികാര്‍ജുന സ്വാമി ഉദ്ഘാടനം ചെയ്തു. മതങ്ങളുടെ താരതമ്യപഠനം ഇന്നത്തെ ആവശ്യകതയാണെന്നും ആഘോഷങ്ങളുടെ സാമൂഹികവശങ്ങള്‍ മനുഷ്യനന്മക്ക് ഉതകുന്നതാകണമെന്നും അദ്ദേഹം അഭിപ്രായപ്പെട്ടു. മംഗലാപുരം ശാന്തിപ്രകാശന മാനേജറും ജമാഅത്തെ ഇസ്ലാമി കര്‍ണാടക ഹല്‍ഖാ ജോ. സെക്രട്ടറിയുമായ എം.എച്ച്. മുഹമ്മദ്കുഞ്ഞി മുഖ്യപ്രഭാഷണം നടത്തി. കാവേരി ഡിഗ്രി കോളജ് പ്രിന്‍സിപ്പല്‍ പ്രഫ. ബിദ്ദപ്പ, ഡോ. സമീര്‍ ചട്ഖാന്‍, ജമാഅത്തെ ഇസ്ലാമി മേഖലാ നാസിം യു. അബ്ദുസ്സലാം എന്നിവര്‍ സംസാരിച്ചു. റഫി ചട്ഖാന്‍ സ്വാഗതം പറഞ്ഞു. തന്‍സീര്‍ ഖിറാഅത്ത് നടത്തി.