ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----

Thursday, April 14, 2011

അബ്ദുല്ലക്കുട്ടിയെ തടഞ്ഞു; കാറിന്റെ ചില്ല് തകര്‍ത്തു

കണ്ണൂരില്‍ യു.ഡി.എഫ് ബൂത്ത് 
ഏജന്റുമാര്‍ക്ക് നേരെ വ്യാപക അക്രമം
അബ്ദുല്ലക്കുട്ടിയെ തടഞ്ഞു; 
കാറിന്റെ ചില്ല് തകര്‍ത്തു

ബുധനാഴ്ച വൈകീട്ട് നാലു മണിയോടെയാണ് അബ്ദുല്ലക്കുട്ടിയെ തടഞ്ഞത്. അബ്ദുല്ലക്കുട്ടിയും സംഘവും മുണ്ടേരി പുറവൂര്‍ എല്‍.പി സ്കൂളിലെ 29ാം നമ്പര്‍ ബൂത്ത് സന്ദര്‍ശിച്ച് മടങ്ങുമ്പോള്‍ 'ബൂത്തില്‍ കയറി വോട്ട് ചോദിക്കാന്‍ നീ ആരാടാ' എന്ന് ചോദിച്ച് ഒരു സംഘം എല്‍.ഡി.എഫ് പ്രവര്‍ത്തകര്‍ തടഞ്ഞ് അടിക്കാന്‍ ശ്രമിച്ചുവെന്നും അവരില്‍നിന്ന് ഒഴിഞ്ഞുമാറി കാറില്‍ കയറിയപ്പോള്‍ തടഞ്ഞ് കാറിന്റെ ചില്ല് അടിച്ചുതകര്‍ത്തുവെന്നും അബ്ദുല്ലക്കുട്ടി പറഞ്ഞു.ഇതിനുശേഷം മുണ്ടേരിമൊട്ട സെന്‍ട്രല്‍ യു.പി സ്കൂളില്‍ എത്തിയപ്പോള്‍ ബൂത്തില്‍ കയറാന്‍ അനുവദിക്കാതെ തടഞ്ഞു. ചെറുത്തുനില്‍ക്കാന്‍ ശ്രമിച്ച ഡ്രൈവര്‍ വി. സുഫൈജ്, ഗണ്‍മാന്‍ അനില്‍കുമാര്‍ എന്നിവരെ കൈയേറ്റം ചെയ്തു. ഗണ്‍മാന്‍ ആശുപത്രിയില്‍ ചികിത്സ തേടി. തോക്കെടുത്തപ്പോള്‍ അക്രമികള്‍ പിന്തിരിയുകയായിരുന്നുവെന്നും പിന്നീട് പൊലീസ് എത്തിയാണ് കുഴപ്പക്കാരെ പിന്തിരിപ്പിച്ച് തന്നെയും കൂടെയുണ്ടായിരുന്നവരെയും ടൌണിലെത്താന്‍ സഹായിച്ചതെന്നും അബ്ദുല്ലക്കുട്ടി  പറഞ്ഞു.
ജില്ലയിലെ പ്രശ്നബൂത്തുകളിലൊന്നാണ് പുറവൂര്‍ എല്‍.പി സ്കൂള്‍. വോട്ട് ചെയ്യാന്‍ ക്യൂ നില്‍ക്കുന്നവരോട് സ്ഥാനാര്‍ഥി വോട്ട് ചോദിച്ചുവെന്നാരോപിച്ചാണ് എല്‍.ഡി.എഫ് പ്രവര്‍ത്തകര്‍ തടഞ്ഞ് ആക്രമിച്ചത്.

കുടുക്കിമൊട്ടയില്‍ കടക്ക് തീപിടിച്ച് ലക്ഷങ്ങളുടെ നഷ്ടം

കുടുക്കിമൊട്ടയില്‍ കടക്ക് തീപിടിച്ച്
ലക്ഷങ്ങളുടെ നഷ്ടം
കാഞ്ഞിരോട്: കുടുക്കിമൊട്ടയില്‍ കടക്ക് തീപിടിച്ച് വന്‍ നാശനഷ്ടം. പുലര്‍ച്ചെ രണ്ടു മണിക്കാണ് എം.കെ. സന്തോഷിന്റെ ഉടമസ്ഥതയിലുള്ള സന ഫാന്‍സി കട പൂര്‍ണമായും കത്തിനശിച്ചത്. ഷോര്‍ട്ട് സര്‍ക്യൂട്ടാണ്് കാരണമെന്നറിയുന്നു. കണ്ണൂരില്‍നിന്നുള്ള അഗ്നിശമനസേനയെത്തിയാണ് തീയണച്ചത്.
10 ലക്ഷത്തോളം രൂപയുടെ നഷ്ടം കണക്കാക്കുന്നു. കടയിലുള്ള സാധനസാമഗ്രികള്‍ പൂര്‍ണമായും കത്തിക്കരിഞ്ഞ നിലയിലാണ്.
ഷോപ്പില്‍ സൂക്ഷിച്ച 40,000 രൂപയും അഗ്നിക്കിരയായതായി ഉടമസ്ഥന്‍ പറഞ്ഞു. കുടുക്കിമൊട്ട ചൈത്രപുരം കോംപ്ലക്സിലെ താഴത്തെ നിലയിലാണ് അഗ്നിക്കിരയായ കട.
മുകളില്‍ താമസിക്കുന്ന കുടുംബങ്ങള്‍ അഗ്നിശമനസേനയെ വിവരമറിയിച്ചതിനാല്‍ അടുത്ത കടയിലേക്ക് വ്യാപിക്കുന്നത് തടയാന്‍ സാധിച്ചു.
12-03-2011

OBIT_ലോറിയും ബൈക്കും കൂട്ടിയിടിച്ച് യുവാവ് മരിച്ചു .

  ഷിജു
കുടുക്കിമൊട്ട: ലോറിയും ബൈക്കും കൂട്ടിയിടിച്ച് ബൈക്ക് യാത്രികന്‍ മരിച്ചു. കുടുക്കിമൊട്ടയിലെ അണ്ണാക്കൊട്ടന്‍ ചാലില്‍ തെക്കന്‍ ചന്ദ്രന്‍^ലക്ഷ്മി ദമ്പതികളുടെ മകന്‍ തെക്കന്‍ ഷിജുവാണ് (28) മരിച്ചത്. ബുധനാഴ്ച രാവിലെ 11ന് ചാല ബൈപാസിനടുത്താണ് അപകടം. അപകടം നടന്നയുടന്‍ ഷിജുവിനെ ആശുപത്രിയിലെത്തിച്ചെങ്കിലും വഴിമധ്യേ മരിച്ചു. കാട്ടാമ്പള്ളിയില്‍ സ്വകാര്യ റിസോര്‍ട്ടില്‍ അക്കൌണ്ടന്റായിരുന്നു ഷിജു. സഹോദരങ്ങള്‍: തെക്കന്‍ ഷാജു (ദുബൈ), ടി. നിഷ (അധ്യാപിക, കോട്ടയം മലബാര്‍ ഹയര്‍ സെക്കന്‍ഡറി സ്കൂള്‍). സംസ്കാരം വ്യാഴാഴ്ച വൈകീട്ട് മൂന്നിന് പയ്യാമ്പലത്ത് നദന്നു .
13-04-2011