ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----

Friday, August 26, 2011

RAMADAN QUIZ

ക്വിസ് മത്സര വിജയികള്‍
ചൊക്ലി: ഖുര്‍ആന്‍ പഠിതാക്കള്‍ക്കായി ജമാഅത്തെ ഇസ്ലാമി ചൊക്ലി പ്രാദേശിക ഘടകത്തിന്റെ ആഭിമുഖ്യത്തില്‍ നടത്തിയ ക്വിസില്‍ സി.എം. മുസ്തഫ, ബി. ഖദീജ, മാഹിറ എന്നിവര്‍ യഥാക്രമം ഒന്ന്, രണ്ട്, മൂന്ന് സ്ഥാനങ്ങള്‍ നേടി. ജമാഅത്ത് പ്രാദേശിക അമീര്‍ പി. ഖാദര്‍ മാസ്റ്റര്‍ പരിപാടി നിയന്ത്രിച്ചു.
തലശേãരി: ജമാഅത്തെ ഇസ്ലാമി ചേറ്റംകുന്ന് ഘടകത്തിന്റെ ആഭിമുഖ്യത്തില്‍ റമദാന്‍ പ്രശ്നോത്തരി സംഘടിപ്പിച്ചു. സി. ഫസീജ സാദിഖ്, വി.പി. മാജിദ അഷ്ഫാഖ്, സി.എം. സജീറ റോഷന്‍ എന്നിവര്‍ യഥാക്രമം ഒന്ന്, രണ്ട്, മൂന്ന് സ്ഥാനങ്ങള്‍ നേടി. മസ്ജിദുസലാം പള്ളി കമ്മിറ്റി പ്രസിഡന്റ് ഫസല്‍ യഹ്യ സമ്മാനദാനം നടത്തി.

IFTHAR

ഇഫ്താര്‍ സംഗമം
കക്കാട്: ജമാഅത്തെ ഇസ്ലാമി കക്കാട് ഘടകം ഇഫ്താര്‍ സംഗമവും പെന്‍ഷന്‍ വിതരണവും നടത്തി. സംഗമം കണ്ണൂര്‍ ജില്ലാ പഞ്ചായത്തംഗം പി.പി. മഹമൂദും അഗതികള്‍ക്കുള്ള പെന്‍ഷന്‍ വിതരണം പുഴാതി പഞ്ചായത്ത് പ്രസിഡന്റ് സി. രാധാകൃഷ്ണനും ഉദ്ഘാടനം ചെയ്തു. സി.പി. മുസ്തഫ അധ്യക്ഷത വഹിച്ചു. സി.പി.എം ഏരിയാ കമ്മിറ്റിയംഗം പള്ളിയത്ത് ശ്രീധരന്‍, എന്‍.സി.പി ജില്ലാ ട്രഷറര്‍ സി.എച്ച്. പ്രഭാകരന്‍, സി.പി.ഐ ജില്ലാ കമ്മിറ്റിയംഗം സി.എച്ച്. രാഘവന്‍, പുഴാതി മണ്ഡലം കോണ്‍ഗ്രസ് പ്രസിഡന്റ് സി.കെ. വിനോദ്, ഐ.എന്‍.എല്‍ നേതാവ് പി.വി. മുത്തലിബ്, പുഴാതി പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍മാന്‍മാരായ ബി. അബ്ദുല്‍കരീം, ജഗേഷ്ബാബു, സി.പി.എം പുഴാതി ലോക്കല്‍ സെക്രട്ടറി ടി. രവീന്ദ്രന്‍, കക്കാട് ലോക്കല്‍ സെക്രട്ടറി കാടന്‍ ബാലകൃഷ്ണന്‍, പി.എം. സിദ്ദീഖ് എന്നിവര്‍ സംസാരിച്ചു. അമീര്‍ കീഴുപറമ്പ് റമദാന്‍ സന്ദേശം നല്‍കി. ഒ.ഐ. ഷാജഹാന്‍ സ്വാഗതവും സി.പി. മുര്‍ശിദ് നന്ദിയും പറഞ്ഞു. ഐമന്‍ റഷീദ് ഖിറാഅത്ത് നടത്തി.
സിദ്ദാപുരം: ജമാഅത്തെ ഇസ്ലാമി സിദ്ദാപുരം യൂനിറ്റ് ഇഫ്താര്‍ സംഗമം സംഘടിപ്പിച്ചു. ജില്ലാ പഞ്ചായത്തംഗം എം.എസ്. വെങ്കടേശ്, സാമൂഹിക പ്രവര്‍ത്തകന്‍ സി.എ. നന്ദ സുബ്ബയ്യ, മൂര്‍നാട് പി.യു കോളജ് ലെക്ചറര്‍ മഹാദേവസ്വാമി, 'സന്മാര്‍ഗ' വാരിക പത്രാധിപര്‍ അബ്ദുല്‍ഖാദര്‍ കുക്കില, കെ. നന്ദ, വി.സി. അഹമ്മദ്കുട്ടി ഹാജി, മുന്‍ പഞ്ചായത്ത് പ്രസിഡന്റ് പുട്ടു സ്വാമി, കെ.യു. അബ്ദുല്‍ മജീദ് എന്നിവര്‍ പങ്കെടുത്തു. അബ്ദുല്‍ ഖാദര്‍ കുക്കില റമദാന്‍ സന്ദേശം നല്‍കി. റഊഫ് ഖിറാഅത്ത് നടത്തി. എ.കെ. അബ്ദുല്ല സ്വാഗതം പറഞ്ഞു. പി.കെ. അബ്ദുറഹ്മാന്‍ അധ്യക്ഷത വഹിച്ചു.
വീരാജ്പേട്ട: ഇമാം മുസ്ലിം ജുമാമസ്ജിദ് കമ്മിറ്റിയും ജമാഅത്തെ ഇസ്ലാമി യൂത്ത് വിങ്ങും സംയുക്തമായി കുടുംബസംഗമവും ഇഫ്താറും നടത്തി. ഇസ്ലാമിക വിജ്ഞാനകോശം അസി. എഡിറ്റര്‍ ഷാനവാസ് കൊടുവള്ളി ക്ലാസെടുത്തു. പ്രാദേശിക അമീര്‍ കെ.പി.കെ. മുഹമ്മദ് അധ്യക്ഷത വഹിച്ചു. കെ.പി. നാസര്‍ സ്വാഗതവും ഇ. സിറാജ് നന്ദിയും പറഞ്ഞു.