ഖുര്‍ആന്‍ സാധിച്ച പരിവര്‍ത്തനം
അനുപമം- ജസ്റ്റിസ് വി. ഖാലിദ്
കണ്ണൂര്‍: വിശുദ്ധ ഖുര്‍ആന്‍ സാധിച്ച മനഃപരിവര്‍ത്തനം മാസ്മരികവും അനുപമവുമാണെന്ന് ജസ്റ്റിസ് വി. ഖാലിദ് പറഞ്ഞു. ഖുര്‍ആന്‍ സ്റ്റഡി സെന്റര്‍ കൌസര്‍ കോംപ്ലക്സില്‍ നടത്തുന്ന ഖുര്‍ആന്‍ പഠനക്ലാസ് ആറാം ബാച്ച് ഉദ്ഘാടനംചെയ്യുകയായിരുന്നു അദ്ദേഹം. മുഹമ്മദ് നബിയുടെ പ്രതിയോഗികള്‍ക്ക് നബിയോടല്ല മറിച്ച് ഖുര്‍ആനിനോടായിരുന്നു കടുത്ത എതിര്‍പ്പ്. എന്നാല്‍, ആ എതിര്‍പ്പുകള്‍ ഖുര്‍ആനിന്റെ മാസ്മരികതയില്‍ അലിഞ്ഞില്ലാതായി. ഖുര്‍ആന്‍ പഠനത്തിനും പ്രചാരണത്തിനുമുള്ള ഏതു ശ്രമവും ശ്ലാഘനീയമാണെന്നും ജസ്റ്റിസ് പറഞ്ഞു. അനുപമം- ജസ്റ്റിസ് വി. ഖാലിദ്
കേരള വഖഫ് ബോര്‍ഡ് അംഗം പി.പി. അബ്ദുറഹ്മാന്‍ അധ്യക്ഷത വഹിച്ചു. പി.സി. മുനീര്‍ , ഡോ. പി. സലീം, ടി.പി. മഹ്മൂദ് ഹാജി എന്നിവര്‍ സംസാരിച്ചു. എല്ലാ ഞായറാഴ്ചയും രാവിലെ 7.30 മുതല്‍ ഒമ്പതു വരെയാണ് ക്ലാസ്. പ്രവേശനം ആഗ്രഹിക്കുന്നവര്‍ ക്ലാസ് സമയത്ത് ബന്ധപ്പെടണം.
No comments:
Post a Comment
Thanks