ജില്ലയിലെ ആക്രമണം രാഷ്ട്രീയത്തിന്
വെല്ലുവിളി -വെല്‍ഫെയര്‍ പാര്‍ട്ടി
വെല്ലുവിളി -വെല്‍ഫെയര്‍ പാര്‍ട്ടി
കണ്ണൂര്‍: ജില്ലയില്‍ അരങ്ങേറിക്കൊണ്ടിരിക്കുന്ന ആക്രമണ സംഭവങ്ങള്‍ മൂല്യാധിഷ്ഠിത രാഷ്ട്രീയത്തിന് കടുത്ത വെല്ലുവിളിയാണെന്ന് വെല്‍ഫെയര്‍ പാര്‍ട്ടി ജില്ലാ പ്രസിഡന്‍റ് കെ.ടി. രാധാകൃഷ്ണന്‍ കൂടാളി അഭിപ്രായപ്പെട്ടു. വെല്‍ഫെയര്‍ പാര്‍ട്ടി ജില്ലാ ആസ്ഥാനത്ത് നടന്ന പ്രചാരണ മാഗസിന്‍ പ്രകാശന ചടങ്ങില്‍ സംസാരിക്കുകയായിരുന്നു അദ്ദേഹം. പൊതുമുതല്‍ നശിപ്പിക്കലും ജനങ്ങളുടെ സൈ്വരജീവിതം തടസ്സപ്പെടുത്തുംവിധം അന്യായമായ ഹര്‍ത്താലും ആക്രമണവും രാഷ്ട്രീയ പ്രവര്‍ത്തനത്തിന് ചേര്‍ന്നതല്ളെന്നും അദ്ദേഹം പറഞ്ഞു. സംസ്ഥാന ജനറല്‍ സെക്രട്ടറി പി.എ. അബ്ദുല്‍ ഹഖീം ജില്ലാ ട്രഷറര്‍ വി.കെ. ഖാലിദിന് നല്‍കി പത്രിക പ്രകാശനം ചെയ്തു. ജില്ലാ ജനറല്‍ സെക്രട്ടറി അഡ്വ. കെ.എല്‍. അബ്ദുല്‍ സലാം സ്വാഗതവും വൈസ് പ്രസിഡന്‍റ് പള്ളിപ്രം പ്രസന്നന്‍ നന്ദിയും പറഞ്ഞു.
No comments:
Post a Comment
Thanks