സുലൈമാന്‍ മാസ്റ്ററുടെ മരണം:
പ്രതികളെ അറസ്റ്റ് ചെയ്യണം
-ആക്ഷന്‍ കമ്മിറ്റി
പ്രതികളെ അറസ്റ്റ് ചെയ്യണം
-ആക്ഷന്‍ കമ്മിറ്റി
കണ്ണൂര്‍: പുല്ലൂപ്പിക്കടവ് കൗസര്‍ സ്കൂള്‍ അധ്യാപകന്‍ വയനാട് സ്വദേശി സുലൈമാന്‍ മാസ്റ്ററുടെ മരണത്തിന് ഉത്തരവാദികളായ മുഴുവന്‍ പ്രതികളെയും അറസ്റ്റ് ചെയ്യണമെന്ന് ആക്ഷന്‍ കമ്മിറ്റി സംഘടിപ്പിച്ച പ്രതിഷേധ കൂട്ടായ്മ ആവശ്യപ്പെട്ടു. മരണം നടന്ന് മാസങ്ങള്‍ കഴിഞ്ഞിട്ടും പ്രതികളെ പിടികൂടുന്നതില്‍ പൊലീസ് കാണിക്കുന്ന അലംഭാവം അവസാനിപ്പിക്കണമെന്നും പ്രതികളെ പിടികൂടുംവരെ ആക്ഷന്‍ കമ്മിറ്റി സമരപരിപാടികളുമായി മുന്നോട്ടുപോകുമെന്നും യോഗം അറിയിച്ചു. പള്ളിയത്ത് ശ്രീധരന്‍ അധ്യക്ഷത വഹിച്ചു. സി.പി.എം ജില്ലാ കമ്മിറ്റിയംഗം വയക്കാടി ബാലകൃഷ്ണന്‍, സോളിഡാരിറ്റി ജില്ലാ സെക്രട്ടറി കെ. സാദിഖ്, സി.എച്ച്. പ്രഭാകരന്‍ മാസ്റ്റര്‍ (എന്‍.സി.പി), ടി. രവീന്ദ്രന്‍, നിസാര്‍ (സി.പി.ഐ), രാജീവ് (വെല്‍ഫെയര്‍ പാര്‍ട്ടി) എന്നിവര്‍ സംസാരിച്ചു. ആര്‍.കെ. സാബിക്ക് നന്ദി പറഞ്ഞു.
No comments:
Post a Comment
Thanks