തുറന്ന സംവാദം നാളെ
കോഴിക്കോട്: ‘ബസ് ചാര്‍ജ് വര്‍ധന അനിവാര്യമോ, വാദവും പ്രതിവാദവും’ സോളിഡാരിറ്റി ഓപണ്‍ ഫോറം തിങ്കളാഴ്ച രാവിലെ 11ന് തൃശൂര്‍ അലങ്കാര്‍ ഓഡിറ്റോറിയത്തില്‍ നടക്കും. ബസ് ഓപറേറ്റേഴ്സ് ഓര്‍ഗനൈസേഷന്‍ സംസ്ഥാന ഭാരവാഹികളായ പി.കെ. മൂസ, പി. ഗോപിനാഥന്‍, സാമൂഹികപ്രവര്‍ത്തകരായ സിജോ കാപ്പന്‍, സി.എം. ശെരീഫ്, സോളിഡാരിറ്റി സംസ്ഥാന പ്രസിഡന്‍റ് പി.ഐ. നൗഷാദ് എന്നിവര്‍ പങ്കെടുക്കും. ബസ് ചാര്‍ജ് വര്‍ധനയുടെ അനിവാര്യതയും എതിര്‍വാദങ്ങളും അവതരിപ്പിച്ചശേഷം ചര്‍ച്ചയില്‍ ഇടപെടാന്‍ പൊതുജനങ്ങള്‍ക്കും അവസരമുണ്ടാകും. അനുകൂലവും പ്രതികൂലവുമായ വാദം അവതരിപ്പിക്കാന്‍ വ്യക്തികള്‍ക്കും ക്ളബുകള്‍ക്കും സംഘടനകള്‍ക്കും സൗകര്യം ലഭിക്കും പരിപാടിയില്‍ പങ്കെടുക്കാന്‍ ആഗ്രഹിക്കുന്നവര്‍ തിങ്കള്‍ രാവിലെ 11ന് മുമ്പായി തൃശൂര്‍ അലങ്കാര്‍ ഓഡിറ്റോറിയത്തില്‍ എത്തണമെന്ന് സംസ്ഥാന സെക്രട്ടറി റസാഖ് പാലേരി അറിയിച്ചു.
No comments:
Post a Comment
Thanks