പുതിയ ഹയര്‍ സെക്കന്‍ഡറി: സര്‍ക്കാര്‍
ശാസ്ത്രീയ പഠനം നടത്തണം -എസ്.ഐ.ഒ
ശാസ്ത്രീയ പഠനം നടത്തണം -എസ്.ഐ.ഒ
കോഴിക്കോട്: സംസ്ഥാനത്ത് ഹയര്‍ സെക്കന്‍ഡറി സ്കൂളുകളില്ലാത്ത 148 പഞ്ചായത്തുകളില്‍ ഹയര്‍ സെക്കന്‍ഡറികള്‍ ആരംഭിക്കാനുള്ള തീരുമാനം പുന$പരിശോധിക്കണമെന്ന് എസ്.ഐ.ഒ സംസ്ഥാന സെക്രട്ടേറിയറ്റ് ആവശ്യപ്പെട്ടു. അര ലക്ഷത്തിലധികം സീറ്റുകള്‍ കഴിഞ്ഞ വര്‍ഷം ഒഴിഞ്ഞു കിടക്കെ ശാസ്ത്രീയമായ പഠനം നടത്താതെ വീണ്ടും അനുവദിക്കുന്നത് സംസ്ഥാനത്ത് കൂടുതല്‍ ഹയര്‍ സെക്കന്‍ഡറി സീറ്റുകള്‍ ഒഴിഞ്ഞുകിടക്കാനും സര്‍ക്കാറിന് കൂടുതല്‍ സാമ്പത്തിക ബാധ്യത വരുത്താനും ഇടവരുത്തും. മലബാര്‍ മേഖലയില്‍ ഹയര്‍ സെക്കന്‍ഡറി പ്രവേശനത്തിന് മതിയായ സീറ്റുകളില്ലാത്ത സാഹചര്യമുണ്ട്. ഇത്തരം പ്രദേശങ്ങള്‍ കണ്ടത്തെി ആവശ്യമായ സ്ഥലങ്ങളില്‍ ഹയര്‍ സെക്കന്‍ഡറി സ്കൂളുകളും ബാച്ചുകളും അനുവദിക്കണം.സ്കൂളുകളില്‍ വിദ്യാര്‍ഥികള്‍ക്ക് ആനുപാതികമായി അധ്യാപക തസ്തികകള്‍ സൃഷ്ടിക്കണമെന്നും സെക്രട്ടേറിയറ്റ് ആവശ്യപ്പെട്ടു. സംസ്ഥാന പ്രസിഡന്‍റ് എസ.് ഇര്‍ഷാദ് അധ്യക്ഷത വഹിച്ചു. സെക്രട്ടറിമാരായ കെ.എസ് നിസാര്‍, എ അനസ്, കെ.പി തൗഫീഖ്, സി.ടി സുഹൈബ്, പി.പി ജുമൈല്‍, അസി. സെക്രട്ടറി അബ്ദുറഹീം ചേന്ദമംഗല്ലൂര്‍ എന്നിവര്‍ സംസാരിച്ചു. ജനറല്‍ സെക്രട്ടറി കെ.വി സഫീര്‍ഷ റിപ്പോര്‍ട്ട് അവതരിപ്പിച്ചു.
No comments:
Post a Comment
Thanks