മണിപ്പാല്‍ സംഭവം:
പ്രതിഷേധം ഉയരണം -എസ്.ഐ.ഒ
ഉഡുപ്പി: മണിപ്പാലില്‍ എം.ബി.ബി.എസ് വിദ്യാര്‍ഥിനി കൂട്ടമാനഭംഗത്തിനിരയായ സംഭവം കിരാതമാണെന്നും കുറ്റവാളികളെ ഉടന്‍ പിടികൂടണമെന്നും എസ്.ഐ.ഒ സംസ്ഥാന ജനറല്‍ സെക്രട്ടറി കെ.വി. സഫീര്‍ഷാ പറഞ്ഞു. ഉഡുപ്പിയില്‍ വിദ്യാര്‍ഥിപ്രതിഷേധ റാലി ഉദ്ഘാടനം ചെയ്യുകയായിരുന്നു അദ്ദേഹം. ആവര്‍ത്തിക്കപ്പെടുന്ന ഇത്തരം ഹീനകൃത്യങ്ങള്‍ കേവല നിയമനിര്‍മാണങ്ങള്‍കൊണ്ട് ഇല്ലാതാക്കാന്‍ സാധ്യമല്ല. സംസ്ഥാനത്തിന് പുറത്തുപഠിക്കുന്ന വിദ്യാര്‍ഥികള്‍ നിരവധി ചൂഷണങ്ങള്‍ക്ക് ഇരിയാകുന്നുണ്ട്. അവരുടെ സുരക്ഷ ഉറപ്പുവരുത്താനുള്ള സംവിധാനം സംസ്ഥാന സര്‍ക്കാര്‍ ഒരുക്കണമെന്നും അദ്ദേഹം കൂട്ടിച്ചേര്‍ത്തു.
No comments:
Post a Comment
Thanks