എസ്.ഐ.ഒ നിയമസഭാ
മാര്‍ച്ചില്‍ പ്രതിഷേധമിരമ്പി
മാര്‍ച്ചില്‍ പ്രതിഷേധമിരമ്പി
തിരുവനന്തപുരം: കോളജുകള്‍ക്ക് സ്വയംഭരണാവകാശം നല്‍കാനുള്ള തീരുമാനത്തില്‍ നിയമനിര്‍മാണം നടത്തണമെന്നാവശ്യപ്പെട്ട് എസ്.ഐ.ഒ സംസ്ഥാന കമ്മിറ്റി നടത്തിയ നിയമസഭാ മാര്‍ച്ചില്‍ പ്രതിഷേധമിരമ്പി. സ്വയംഭരണാവകാശം ഇരുതല മൂര്‍ച്ചയുള്ള വാളാണെന്നും മതിയായ സൂക്ഷ്മതയും പരിശീലനവും കൂടാതെ ഉപയോഗിച്ചാല്‍ വലിയ അപകടമാകുമെന്നും മാര്‍ച്ച് ഉദ്ഘാടനം ചെയ്ത സംസ്ഥാന പ്രസിഡന്‍റ് എസ്. ഇര്‍ഷാദ് പറഞ്ഞു.
പല വിഷയങ്ങളിലും ഉമ്മന്‍ചാണ്ടി ഏകാധിപതിയെപ്പോലെയാണ് പെരുമാറുന്നതെന്ന് സോളിഡാരിറ്റി സംസ്ഥാന സെക്രട്ടറി സാദിഖ് ഉളിയില്‍ പറഞ്ഞു. എസ്.ഐ.ഒ സംസ്ഥാന സെക്രട്ടറി സഫീര്‍ ഷാ, കെ.എസ്. നിസാര്‍ തുടങ്ങിയവര്‍ സംസാരിച്ചു. സംസ്ഥാന സമിതി അംഗങ്ങളായ തൗഫീഖ് കെ.പി, സി.ടി. സുഹൈബ്, ശിയാസ് പെരുമാതുറ, സക്കീര്‍ നേമം തുടങ്ങിയവര്‍ നേതൃത്വം നല്‍കി. യൂനിവേഴ്സിറ്റി കോളജിന് മുന്നില്‍ നിന്നാരംഭിച്ച മാര്‍ച്ച് നിയമസഭക്ക് മുന്നില്‍ പൊലീസ് തടഞ്ഞു. പൊലീസും സമരക്കാരും തമ്മില്‍ ഏറെനേരം ബാരിക്കേഡില്‍ പിടിവലി ഉണ്ടായി. ബാരിക്കേഡ് സമരക്കാര്‍ മറിച്ചിട്ടു.
No comments:
Post a Comment
Thanks