ഇസ്‌ലാമിക സാമ്പത്തിക വ്യവസ്ഥ ദാരിദ്ര്യത്തെ തുടച്ചു നീക്കും - കെ എ പട്ടേരി
കവിയൂര്‍ : ഇസ്‌ലാമിക സാമ്പത്തിക വ്യവസ്ഥ നടപ്പാക്കുന്ന രാജ്യത്ത് ദാരിദ്ര്യം തുടച്ചു നീക്കാന്‍ കഴിയുമെന്ന്‍ പ്രമുഖ ഗാന്ധിയന്‍ ആക്ടിവിസ്റ്റ് കുഞ്ഞികൃഷ്ണന്‍ അടിയോടി പട്ട്യേരി പ്രസ്താവിച്ചു . ജമാഅത്തെ ഇസ്ലാമി കവിയൂര്‍ - വയലില്‍ പള്ളി വനിതാ പ്രവര്‍ത്തകര്‍ നടത്തുന്ന കൈത്താങ്ങ്‌ പലിശ രഹിത പരസ്പര സഹായ സംഘത്തിന്റെ ഒന്നാം വാര്‍ഷികം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. പലിശക്കെണിയില്‍ നിന്നും ജനങ്ങളെ രക്ഷിക്കുന്നതിനു വേണ്ടി ഒരു കൂട്ടം വനിതകള്‍ മുന്നോട്ട് വന്നത് രാജ്യത്തിനു മാതൃകയാണ് . ഇതൊരു സേവന പ്രവര്ത്തനമെന്നതിലുപരി പലിശക്കെതിരെയുള്ള ശക്തമായ ഒരു വിദ്യാഭ്യാസമാണ് കൈത്താങ്ങ്‌ നിര്‍വഹിക്കുന്നതെന്നും , ഇത്തരം സംരംഭങ്ങള്‍ നാട്ടിലെല്ലായിടത്തും വളര്‍ന്നു വരേണ്ടതുണ്ടെന്നും അദ്ദേഹം ചൂണ്ടിക്കാട്ടി . ജമാഅത്തെ ഇസ്ലാമി കാസര്‍ക്കോട് ജില്ലാ പ്രസിടന്റ്റ് യു പി സിദ്ദീഖ് മാസ്റ്റര്‍ മുഖ്യ പ്രഭാഷണം നിര്‍വഹിച്ചു . വാര്‍ഡു മെമ്പര്‍ സിന്ധു മനോഹരന്‍ , അഡ്വക്കേറ്റ് രവീന്ദ്രന്‍ , എം ദാവൂദ് എന്നിവര്‍ സംസാരിച്ചു. ബുഷ്‌റ പി റിപ്പോര്‍ട്ട്‌ അവതരിപ്പുച്ചു . കൈത്താങ്ങ്‌ പ്രസിടന്റ്റ് പി സി ഷമീമ അദ്ദ്യക്ഷത വഹിച്ചു , സെക്രട്ടറി സി ഹസീന സ്വാഗതം പറഞ്ഞു.
No comments:
Post a Comment
Thanks