ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----

Wednesday, December 26, 2012

മൊബൈല്‍ ഫോണ്‍ റേഡിയേഷന്‍ സസ്യവളര്‍ച്ചയെ ബാധിക്കുന്നു


മൊബൈല്‍ ഫോണ്‍ റേഡിയേഷന്‍ സസ്യവളര്‍ച്ചയെ ബാധിക്കുന്നു.
പുതിയ കണ്ടത്തെലുമായി നമിത
ദേശീയ ബാലശാസ്ത്ര കോണ്‍ഗ്രസിലേക്ക്

 കണ്ണൂര്‍: മൊബൈല്‍ ഫോണ്‍ ടവറുകളില്‍നിന്നുള്ള റേഡിയേഷന്‍ സസ്യങ്ങളുടെ വളര്‍ച്ചയെ ബാധിക്കുന്നുവെന്ന കണ്ടത്തെലുമായി മുണ്ടേരി ഗവ. ഹയര്‍സെക്കന്‍ഡറി സ്കൂളിലെ വിദ്യാര്‍ഥിനി കെ. നമിത ദേശീയ ബാലശാസ്ത്ര കോണ്‍ഗ്രസിലേക്ക്.
ഡിസംബര്‍ 27 മുതല്‍ 31 വരെ ഉത്തര്‍പ്രദേശിലെ വാരാണസിയില്‍ നടക്കുന്ന 20ാമത് ദേശീയ ബാലശാസ്ത്ര കോണ്‍ഗ്രസില്‍ നമിത സംസ്ഥാനത്തെ പ്രതിനിധാനം ചെയ്യും.
മൊബൈല്‍ ഫോണ്‍ ടവര്‍, മൊബൈല്‍ ഫോണുകള്‍ എന്നിവയില്‍ നിന്നുണ്ടാകുന്ന റേഡിയേഷന്‍ സസ്യങ്ങളുടെ വളര്‍ച്ച കുറയുന്നതിനും രോഗങ്ങള്‍ വരുന്നതിനും കാരണമാകുന്നുവെന്നാണ് കണ്ടത്തെല്‍.
ഇതേ സ്കൂളിലെ വിദ്യാര്‍ഥികളായ എം.പി. നവനീത്, കെ. സായൂജ്, എം. അനുരാഗ്, സഫ സിറാജ് എന്നിവരടങ്ങിയ സംഘമാണ് പ്രോജക്ട് തയാറാക്കിയത്. ശാസ്ത്ര അധ്യാപകന്‍ കെ.പി. ഗംഗാധരന്‍ മാര്‍ഗനിര്‍ദേശം നല്‍കി. ഇത് അഞ്ചാംതവണയാണ് മുണ്ടേരി ഗവ. ഹയര്‍സെക്കന്‍ഡറി സ്കൂള്‍ ദേശീയ ബാലശാസ്ത്ര കോണ്‍ഗ്രസില്‍ പങ്കെടുക്കാന്‍ അര്‍ഹത നേടുന്നത്.

1 comment:

Thanks