ഹിദായത് നഗര്‍ റോഡിലെ വളവ് ഇനി ഓര്‍മ

 

 

 

 

ഹിദായത് നഗര്‍ റോഡിലെ വളവ് നികത്തി
ഹിദായത് നഗര്‍ റോഡിലെ വളവ് ഇനി ഓര്‍മ

കാഞ്ഞിരോട് : സ്കൂള്‍ വാഹനങ്ങളടക്കം നിരവധി വാഹനങ്ങള്‍ ദിവസവും കടന്നു പോകുന്ന മായന്‍മുക്ക് _ ഹിദായത്ത് നഗര്‍ റോഡിലെ അപകട ഭീതിയുയര്‍ത്തിയ വളവു നികത്തി. പരിസരവാസിയും സ്ഥലം ഉടമയുമായ ടി. വി. അബ്ദുല്‍ റഷീദ്  സാഹിബ് സൗജന്യമായി സ്ഥലം വിട്ടുകൊടുത്തതോടെയാണ് വാഹനങ്ങള്‍ക്കും കാല്‍നടക്കാര്‍ക്കും ഭീഷണി ഉയര്‍ത്തിയ വളവു നികത്തുന്നതിനു സൗകര്യമൊരുങ്ങിയത് . 

     മസ്ജിദുല്‍ ഹുദ, അല്‍ ഹുദ ഇംഗ്ളീഷ് സ്കൂള്‍ തുടങ്ങിയ സ്ഥാപനങ്ങളുടെ നടത്തിപ്പുകാരായ കാഞ്ഞിരോട് ഇസ്ലാമിയ ട്രസ്റ്റ് ഭാരവാഹികള്‍ മുന്‍കയ്യെടുത്താണ് നിര്‍മാണ പ്രവര്‍ത്തനങ്ങള്‍ നടത്തുന്നത്.  വളവ് നില്‍കുന്ന ഭാഗത്ത് റോഡ് വീതികൂട്ടി കരങ്കല്ല് കൊണ്ട് ഭിത്തികെട്ടി മണ്ണിട്ട് നികത്തിയാണ് നിര്‍മാണം നടക്കുന്നത്. നിര്‍മാണ പ്രവര്‍ത്തനങ്ങള്‍ക്കുള്ള ചെലവും വഹികുന്നത് കാഞ്ഞിരോട് ഇസ്ലാമിയ ട്രസ്റ്റാണ്.
     നിര്‍മാണ പ്രവര്‍ത്തനങ്ങള്‍ക്ക് സ്ഥലം ഉടമ ടി. വി. അബ്ദുല്‍ റഷീദ് സാഹിബ് , ജമാഅത്തെ  ഇസ്ലാമി യൂനിറ്റ് പ്രസിഡന്‍്റ് വി. പി. അബ്ദുല്‍ ഖാദര്‍ എഞ്ചിനീയര്‍ , എ. എം. മുഹമ്മദ് ,വി. കെ. അബ്ദുല്‍ റസാക്ക്, പി. സി. അജ്മല്‍ , പി. പി.  അബ്ദുല്‍ സത്താര്‍ തുടങ്ങിയവര്‍ നേതൃത്വം നല്‍കി.

കിഡ്സ് ഫെസ്റ്റ് 2012

ഉത്തര മേഖല 

മജ്ലിസ് കിഡ്സ് ഫെസ്റ്റ് 2012
സ്വാഗത സംഘം രൂപീകരിച്ചു

കാഞ്ഞിരോട്: നവംമ്പര്‍ 10 ന് കാഞ്ഞിരോട് അല്‍ ഹുദ  ഇംഗ്ളീഷ് സ്കൂളില്‍ നടക്കുന്ന ഉത്തര മേഖല മജ്ലിസ് കിഡ്സ് ഫെസ്റ്റ് 2012 സ്വാഗത സംഘം രൂപികരിച്ചു.
സ്വാഗത സംഘം ഭാരവാഹികള്‍:
പി.സി. മൊയ്തു മാസ്റ്റര്‍ (മുഖ്യ രക്ഷാധികാരി)
വി.പി. അബ്ദുല്‍ ഖാദര്‍ എഞ്ചിനീയര്‍ (ചെയര്‍മാന്‍)
കെ.ടി. കുഞ്ഞിമൊയ്തീന്‍ (ജന.കണ്‍വീനര്‍)
എം.പി. യമുന ടീച്ചര്‍  (പോഗ്രാം)
എം. തുളസി ടീച്ചര്‍ (സ്റ്റേജ് & അക്കമഡേഷന്‍)
ടി. അബ്ദുല്‍ ഖാദര്‍ മാസ്റ്റര്‍  (റിസപ്ഷന്‍)
കെ. സജീം (പ്രചാരണം)
എ.എം മുഹമ്മദ്  (ഭക്ഷണം )
പി.പി. അബ്ദുല്‍ സത്താര്‍  (ലോ & ഓര്‍ഡര്‍)
വി.കെ. നൗഷാദ് (ധനകാര്യം)

നഴ്സുമാരുടെ സമരത്തിന് ഐക്യദാര്‍ഢ്യവുമായി വെല്‍ഫെയര്‍ പാര്‍ട്ടി

 

 നഴ്സുമാരുടെ സമരത്തിന്
ഐക്യദാര്‍ഢ്യവുമായി വെല്‍ഫെയര്‍ പാര്‍ട്ടി

കണ്ണൂര്‍: നഴ്സിങ് സമരത്തിന്‍െറ മറവില്‍ യോഗ്യത നേടിയിട്ടില്ലാത്ത നഴ്സുമാരെയും വിദ്യാര്‍ഥികളെയും വെച്ചുള്ള ചികിത്സ ജനങ്ങളുടെ ജീവന്‍വെച്ചുള്ള തീക്കളിയാണെന്ന് വെല്‍ഫെയര്‍ പാര്‍ട്ടി ഓഫ് ഇന്ത്യ ജില്ലാ പ്രസിഡന്‍റ് കെ.ടി. രാധാകൃഷ്ണന്‍ കൂടാളി പറഞ്ഞു. കണ്ണൂര്‍ ധനലക്ഷ്മി ആശുപത്രിക്കു മുന്നിലെ നഴ്സുമാരുടെ സമരപ്പന്തല്‍ സന്ദര്‍ശിച്ച് സംസാരിക്കുകയായിരുന്നു അദ്ദേഹം.
വെല്‍ഫെയര്‍ പാര്‍ട്ടി ഓഫ് ഇന്ത്യ ജില്ലാ വൈസ് പ്രസിഡന്‍റുമാരായ പള്ളിപ്രം പ്രസന്നന്‍, സൈനുദ്ദീന്‍ കരിവെള്ളൂര്‍, ജില്ലാ സെക്രട്ടറിമാരായ എന്‍.എം. ശഫീഖ്, മോഹനന്‍ കുഞ്ഞിമംഗലം, മണ്ഡലം പ്രസിഡന്‍റ് ഇംതിയാസ് എന്നിവരും കൂടെയുണ്ടായിരുന്നു.

സാമുദായികത രാഷ്ട്രീയ താല്‍പര്യത്തിന് ഉപയോഗിക്കുന്നത് അപകടകരം: ഒ. അബ്ദുറഹ്മാന്‍

 

 

 സാമുദായികത രാഷ്ട്രീയ താല്‍പര്യത്തിന് ഉപയോഗിക്കുന്നത്
അപകടകരം: ഒ. അബ്ദുറഹ്മാന്‍

കണ്ണൂര്‍: രാഷ്ട്രീയ താല്‍പര്യത്തിനും സ്വാര്‍ഥ താല്‍പര്യത്തിനും വേണ്ടി സാമുദായികത ഉപയോഗിക്കുമ്പോഴാണ് അപകടകരമാവുന്നതെന്ന് ‘മാധ്യമം’ എഡിറ്റര്‍ ഒ. അബ്ദുറഹ്മാന്‍ പറഞ്ഞു. ജമാഅത്തെ ഇസ്ലാമി കണ്ണൂര്‍ ജില്ലാ കമ്മിറ്റി ‘കേരള രാഷ്ട്രീയം, സാമുദായികത, വര്‍ഗീയത’ എന്ന വിഷയത്തില്‍ ചേംബര്‍ ഹാളില്‍ സംഘടിപ്പിച്ച തുറന്ന ചര്‍ച്ച ഉദ്ഘാടനം ചെയ്യുകയായിരുന്നു അദ്ദേഹം.
കേരളം എന്നും നിലനിര്‍ത്തിയിരുന്നത് മത-സാമുദായിക സൗഹൃദമാണ്. അതിന് ഒരിക്കലെങ്കിലും ഗുരുതരമായ പോറലേറ്റാല്‍ പിന്നീട് തിരിച്ച് പിടിക്കാനാവാത്ത അവസ്ഥയുണ്ടാവും. എല്ലാ മതങ്ങളെയും പ്രവര്‍ത്തിക്കാനും ഉള്‍ക്കൊള്ളാനും തയറായിക്കൊണ്ടാണ് കേരളം അഭിമാനകരമായ പാരമ്പര്യം നിലനിര്‍ത്തിയത്. എന്നാല്‍, സ്വാതന്ത്ര്യത്തിന്‍െറ 60 വര്‍ഷത്തിന് ശേഷം തിരിഞ്ഞുനോക്കുമ്പോള്‍ ജാതീയത മറ്റൊരുതരത്തില്‍ ശക്തി പ്രാപിക്കുകയും സാമുദായികത വര്‍ഗീയതയായി മാറുകയും ചെയ്യുകയാണ്.  അസ്വസ്ഥരായ ജനങ്ങളെ യഥാര്‍ഥ പ്രശ്നങ്ങളില്‍ നിന്ന് തിരിച്ചുവിടാന്‍ അയഥാര്‍ഥമായ വിഷയങ്ങള്‍ മാധ്യമങ്ങളടക്കം ഉയര്‍ത്തിക്കൊണ്ടുവരികയാണ്. എല്ലാ സംസ്ഥാനങ്ങളിലും പ്രാദേശികതയും ജാതീയതയും പറഞ്ഞുള്ള വീതംവെപ്പാണ് നടക്കുന്നത്. കേരളത്തിലും കേന്ദ്രത്തിലും അടുത്ത കാലത്ത് നടന്ന മന്ത്രിസഭാ പുന$സംഘടന പോലും ഇത്തരത്തിലാണ് നടന്നത്. ആഗോളവല്‍കരണത്തിനും കോര്‍പറേറ്റ്വല്‍കരണത്തിനും ഇതില്‍ പങ്കുണ്ട്. കോടികളുടെ അഴിമതി നടത്തുന്ന ഭരണാധികാരികള്‍ക്ക് അറബ് വസന്തം പാഠമാകണം. അണ്ണാ ഹസാരെക്ക് ആദ്യഘട്ടത്തില്‍ ലഭിച്ച പിന്തുണ കണ്ണുതുറപ്പിക്കേണ്ടതാണെന്നും ഒ. അബ്ദുറഹ്മാന്‍ പറഞ്ഞു.
വര്‍ഗീയതയും തീവ്രവാദവും ഏതുഭാഗത്ത് നിന്ന് വന്നാലും എതിര്‍ക്കാന്‍ മടിയില്ളെന്ന് സി.പി.എം സംസ്ഥാന കമ്മിറ്റി അംഗം എം.വി. ജയരാജന്‍ പറഞ്ഞു. ഭൂരിപക്ഷം ഹിന്ദുക്കളും മുസ്ലിംകളും ഭീകരവാദത്തിന് എതിരാണ്. ഭീകരവാദികളെന്നാല്‍ ന്യൂനപക്ഷം മാത്രമാണെന്ന് പ്രചരിപ്പിക്കുന്നവരുടെ ലക്ഷ്യം മറ്റൊരു ഭീകരവാദം വളര്‍ത്തുകയാണ്. പള്ളിക്കുന്നില്‍ കൊല്ലപ്പെട്ട സചിന്‍െറ വീട്ടില്‍ സി.പി.എം നേതാക്കള്‍ പോയത് വര്‍ഗീയ കലാപം ഉണ്ടാവരുതെന്നതിനാലാണെന്നും അദ്ദേഹം പറഞ്ഞു.
ആരെയും പ്രീണിപ്പിക്കാനല്ല, എല്ലാവരെയും ഉള്‍ക്കൊള്ളാനാണ് കോണ്‍ഗ്രസ് ശ്രമിക്കുന്നതെന്ന് കെ.പി.സി.സി സെക്രട്ടറി സതീശന്‍ പാച്ചേനി പറഞ്ഞു. മുസ്ലിം തീവ്രവാദത്തെ കോണ്‍ഗ്രസ് പ്രോല്‍സാഹിപ്പിക്കുന്നുവെന്ന് ഇപ്പോള്‍ പ്രചരിപ്പിക്കുന്നവര്‍ തന്നെയാണ് അഞ്ചാറ് വര്‍ഷം മുമ്പ് മൃദുഹിന്ദുത്വത്തെ പുല്‍കുന്നുവെന്ന് പറഞ്ഞത്. പിറവം, നെയ്യാറ്റിന്‍കര ഉപതെരഞ്ഞെടുപ്പുകളില്‍ ജാതീയതയും വര്‍ഗീയതയും ഉയര്‍ത്തുന്ന തരത്തിലാണ് ഇടതുപക്ഷം പ്രചാരണം നടത്തിയതെന്നും അദ്ദേഹം പറഞ്ഞു.
ന്യൂനപക്ഷങ്ങളെ ബാധിക്കുന്ന കാര്യങ്ങള്‍ മാത്രമാണ് ചര്‍ച്ച ചെയ്യപ്പെടുന്നതെന്ന് മുസ്ലിം ലീഗ് ജില്ലാ വൈസ്പ്രസിഡന്‍റ് അഡ്വ. പി.വി. സൈനുദ്ദീന്‍ പറഞ്ഞു. സമുദായവും മുസ്ലിം ലീഗും അനര്‍ഹമായതെന്തോ നേടിയെടുത്തുവെന്ന നിലയിലാണ് പ്രചാരണം. എന്നാല്‍ ഒന്നും നേടിയിട്ടില്ളെന്നാണ് നരേന്ദ്രന്‍ കമീഷന്‍ റിപ്പോര്‍ട്ട് പുറത്തുവന്നപ്പോള്‍ വ്യക്തമായത്. മുസ്ലിം ലീഗിന്‍േറതടക്കം എല്ലാ പാര്‍ട്ടികളുടേയും പ്രവര്‍ത്തനങ്ങളെക്കുറിച്ച് ധവളപത്രം പുറത്തിറക്കണമെന്നും അദ്ദേഹം ആവശ്യപ്പെട്ടു.
പുതിയതരം ജാതീയതയാണ് ഇപ്പോള്‍ നിലവിലുള്ളതെന്ന് വെല്‍ഫയര്‍ പാര്‍ട്ടി കണ്ണൂര്‍ ജില്ലാ പ്രസിഡന്‍റ് രാധാകൃഷ്ണന്‍ കൂടാളി പറഞ്ഞു. നിക്ഷിപ്ത താല്‍പര്യത്തിനും വോട്ടുബാങ്കിനും വേണ്ടി വര്‍ഗീയത വളര്‍ത്തുന്ന രാഷ്ട്രീയപാര്‍ട്ടികള്‍ ആത്മപരിശോധന നടത്തണമെന്നും അദ്ദേഹം പറഞ്ഞു.
ലീഗിന് അഞ്ചാംമന്ത്രി സ്ഥാനം കൊടുത്തതിനെയല്ല, അത് എങ്ങനെ കൊടുത്തുവെന്നതാണ് എതിര്‍ക്കപ്പെടുന്നതെന്ന് എസ്.എന്‍.ഡി.പി തളിപ്പറമ്പ് താലൂക്ക് കണ്‍വീനര്‍ വി.പി. ദാസന്‍ പറഞ്ഞു. മന്ത്രി സ്ഥാനം നല്‍കിയത് യു.ഡി.എഫില്‍ ചര്‍ച്ച ചെയ്തിട്ടല്ല. മറിച്ച് പാണക്കാട് തങ്ങള്‍ പ്രഖ്യാപിക്കുകയായിരുന്നുവെന്നും അദ്ദേഹം പറഞ്ഞു.
ജമാഅത്തെ ഇസ്ലാമി സംസ്ഥാന ജനറല്‍ സെക്രട്ടറി പി. മുജീബ്റഹ്മാന്‍ മോഡറേറ്ററായിരുന്നു. വഖഫ് ബോര്‍ഡ് അംഗം പി.പി. അബ്ദുറഹ്മാന്‍ പെരിങ്ങാടി, ജമാഅത്തെ ഇസ്ലാമി കണ്ണൂര്‍ ജില്ലാ സെക്രട്ടറി കളത്തില്‍ ബഷീര്‍ എന്നിവര്‍ സംബന്ധിച്ചു. ജില്ലാ പ്രസിഡന്‍റ് ടി.കെ. മുഹമ്മദലി സ്വാഗതവും ജില്ലാ സമിതി അംഗം ജമാല്‍ കടന്നപ്പള്ളി നന്ദിയും പറഞ്ഞു.

MAJLIS KIDS FEST

ഈദ് സുഹൃദ്സംഗമം

ഈദ് സുഹൃദ്സംഗമം

തളിപ്പറമ്പ്: ജമാഅത്തെ ഇസ്ലാമി ധര്‍മശാല ഘടകം സംഘടിപ്പിച്ച ഈദ് സുഹൃദ് സംഗമം  ഗാന്ധിയനും സാംസ്കാരിക പ്രവര്‍ത്തകനുമായ കെ.പി. റഹീം ഉദ്ഘാടനം ചെയ്തു. കണ്ണൂര്‍ എന്‍ജിനീയറിങ് കോളജ് പ്രഫസര്‍ ഡോ. ജോണ്‍, ധര്‍മശാല സാംസ്കാരിക കേന്ദ്രം ഡയറക്ടര്‍ അബ്ദുസ്സമദ്, സോളിഡാരിറ്റി ഏരിയാ പ്രസിഡന്‍റ് സി.എച്ച്. മിഫ്താഫ് എന്നിവര്‍ സംസാരിച്ചു. ജമാഅത്തെ ഇസ്ലാമി ഏരിയാ പ്രസിഡന്‍റ് വി.എന്‍. ഹാരിസ് അധ്യക്ഷത വഹിച്ചു. ജലാല്‍ ഖാന്‍ സ്വാഗതവും ഉമ്മര്‍ മാസ്റ്റര്‍ നന്ദിയും പറഞ്ഞു.

സൗഹൃദ സംഗമം

സൗഹൃദ സംഗമം

വിളയാങ്കോട്: വിറാസ് (വാദിഹുദ ഇന്‍സ്റ്റിറ്റ്യൂട്ട് ഓഫ് റിസര്‍ച് ആന്‍ഡ് അഡ്വാന്‍സ്ഡ് സ്റ്റഡീസ്) കോളജ് യൂനിയന്‍െറ നേതൃത്വത്തില്‍ ഈദ് സൗഹൃദ സംഗമം നടത്തി. പ്രിന്‍സിപ്പല്‍ മുഹമ്മദ് ഇഖ്ബാല്‍ അധ്യക്ഷത വഹിച്ചു. ടി.ഐ.ടി ഗ്രൂപ്പ് വൈസ് ചെയര്‍മാന്‍ എസ്.എ.പി. അബ്ദുല്‍സലാം സംഗമം ഉദ്ഘാടനം ചെയ്തു. ഫാ. ക്ളാരന്‍സ് പാലിയത്ത്, സ്വാമി വിശ്വഭദ്രാനന്ദ ശക്തിബോധി, സി.കെ. മുനവിര്‍, പ്രഫ. കെ.എം. മുരളീധരന്‍ എന്നിവര്‍ സംസാരിച്ചു. കോളജ് യൂനിയന്‍ ചെയര്‍മാന്‍ ജൈസല്‍ ജമാല്‍ സ്വാഗതവും വൈസ് ചെയര്‍മാന്‍ യു. റിഷാന നന്ദിയും പറഞ്ഞു. സംഗീത വിരുന്നും ഉണ്ടായി.

‘മദ്യപാനികളെ പുറത്താക്കാന്‍ ആര്‍ജവം കാണിക്കണം’

‘മദ്യപാനികളെ പുറത്താക്കാന്‍ ആര്‍ജവം കാണിക്കണം’

കണ്ണൂര്‍: മദ്യത്തിനെതിരെ മുസ്ലിംലീഗും യൂത്ത്ലീഗും നടത്തുന്ന കൂട്ടായ്മകള്‍ ആത്മാര്‍ഥതയുള്ളതാണെങ്കില്‍ മുസ്ലിംലീഗിലെ മദ്യപാനികളെ പാര്‍ട്ടിയില്‍നിന്ന് പുറത്താക്കാന്‍ നേതൃത്വം ആര്‍ജവം കാണിക്കണമെന്ന് ഐ.എന്‍.എല്‍ ജില്ലാ ജനറല്‍ സെക്രട്ടറി അഷ്റഫ് പുറവൂര്‍ പ്രസ്താവനയില്‍ ആവശ്യപ്പെട്ടു. ലീഗ് നേതൃത്വം ഇത്തരക്കാരെ പുറത്താക്കാത്തപക്ഷം ലീഗിന്‍െറ അടിത്തറ തകരാര്‍ അധികാലം വേണ്ടിവരില്ളെന്ന് അദ്ദേഹം കൂട്ടിച്ചേര്‍ത്തു.

യൂത്ത്ലീഗ് മദ്യവിരുദ്ധ കൂട്ടായ്മ

 

യൂത്ത്ലീഗ് മദ്യവിരുദ്ധ കൂട്ടായ്മ

 മുണ്ടേരി: മദ്യനിരോധത്തിനുള്ള സമ്പൂര്‍ണാധികാരം പഞ്ചായത്തുകള്‍ക്ക് നല്‍കണമെന്നാവശ്യപ്പെട്ട് മുണ്ടേരി പഞ്ചായത്ത് മുസ്ലിം യൂത്ത്ലീഗ് കുടുക്കിമൊട്ടയില്‍ മദ്യവിരുദ്ധ കൂട്ടായ്മ സംഘടിപ്പിച്ചു. മുസ്ലിംലീഗ് മണ്ഡലം ജനറല്‍ സെക്രട്ടറി എം.പി. മുഹമ്മദലി ഉദ്ഘാടനം ചെയ്തു.
പ്രസിഡന്‍റ് എം.വി. റിയാസ് അധ്യക്ഷത വഹിച്ചു. മദ്യനിരോധന സമിതി ജില്ലാ പ്രസിഡന്‍റ് എം. മുകുന്ദന്‍ മാസ്റ്റര്‍ മുഖ്യപ്രഭാഷണം നടത്തി. അബ്ദുല്‍ കരീം അല്‍ഖാസിമി, കണ്ണൂര്‍ സലഫി മസ്ജിദ് ഖത്തീബ് നൗഷാദ് സ്വലാഹി, പി.സി. അഹമ്മദ്കുട്ടി, രഘു മാസ്റ്റര്‍, സുധാകരന്‍ മാസ്റ്റര്‍, പി.സി. അഹമ്മദ്, യൂത്ത്ലീഗ് മണ്ഡലം നേതാക്കളായ അഷ്റഫ് കാഞ്ഞിരോട്, പി.സി. നൗഷാദ്, എം. മഹറൂഫ്, എം.എസ്.എഫ് ജില്ലാ സെക്രട്ടറി ആഷിഖ് മുക്കണ്ണി, എം.പി. നൂറുദ്ദീന്‍, പി. മുഹമ്മദലി എന്നിവര്‍ സംസാരിച്ചു. എം.കെ. റഹീം സ്വാഗതവും സി.പി. യാസീന്‍ നന്ദിയും പറഞ്ഞു.

എടക്കാട് ബ്ളോക് കേരളോത്സവം നാലിന് തുടങ്ങും

 എടക്കാട് ബ്ളോക്
കേരളോത്സവം
നാലിന് തുടങ്ങും

കണ്ണൂര്‍: എടക്കാട് ബ്ളോക് പഞ്ചായത്ത് കേരളോത്സവം നവംബര്‍ നാലുമുതല്‍ 11 വരെ മുണ്ടേരി ഗ്രാമപഞ്ചായത്തിലെ വിവിധ കേന്ദ്രങ്ങളില്‍ നടത്തും. ഫുട്ബാള്‍ മത്സരം നവംബര്‍ നാലിന് രാവിലെ ഏഴുമുതല്‍ മുണ്ടേരി ഹൈസ്കൂള്‍ ഗ്രൗണ്ടിലും വോളിബാള്‍ കാനിച്ചേരിയിലും ക്രിക്കറ്റ് മുണ്ടേരി പഞ്ചായത്ത് മിനി സ്റ്റേഡിയത്തിലും നടക്കും. ഷട്ടില്‍ മത്സരം ആറിന് വൈകീട്ട് കയ്പ്പക്കയില്‍ മൊട്ടയിലും കബഡി മത്സരങ്ങള്‍ നവംബര്‍ 10ന് മുണ്ടേരി ഹൈസ്കൂള്‍ ഗ്രൗണ്ടിലും. വടംവലി, കളരിപ്പയറ്റ്, കാര്‍ഷിക  മത്സരങ്ങള്‍ നവംബര്‍ 11ന് മുണ്ടേരി ഹൈസ്കൂളിലും നടക്കും. കായിക മത്സരങ്ങള്‍ നവംബര്‍ 10നും കലാമത്സരങ്ങള്‍ നവംബര്‍ 11നും മുണ്ടേരി ഹൈസ്കൂളില്‍ നടത്തും.

സോളിഡാരിറ്റി പത്ര- ദൃശ്യ മാധ്യമ അവാര്‍ഡ്

 സോളിഡാരിറ്റി പത്ര-
ദൃശ്യ മാധ്യമ അവാര്‍ഡ്

കോഴിക്കോട്:  വികസനം, പരിസ്ഥിതി, മനുഷ്യാവകാശം എന്നീ വിഷയങ്ങളില്‍ മലയാള പത്രങ്ങളിലും ടെലിവിഷന്‍ ചാനലുകളിലും പ്രസിദ്ധീകരിച്ച മികച്ച റിപ്പോര്‍ട്ടുകള്‍ക്കും ഡോക്യുമെന്‍ററികള്‍ക്കും സോളിഡാരിറ്റി യൂത്ത് മൂവ്മെന്‍റ് അവാര്‍ഡ് നല്‍കുന്നു. 2011 നവംബര്‍ ഒന്നിനും 2012 ഒക്ടോബര്‍ 31നും ഇടയില്‍ മലയാള ദിനപത്രങ്ങളില്‍ പ്രസിദ്ധീകരിച്ച പ്രത്യേക വാര്‍ത്തകളും ഫീച്ചറുകളും  ഡോക്യുമെന്‍ററി ചിത്രങ്ങളുമാണ് 10,000 രൂപയും  പ്രശസ്തി പത്രവുമടങ്ങുന്ന അവാര്‍ഡിന് പരിഗണിക്കുക. എന്‍ട്രികള്‍ മൂന്നു കോപ്പി വീതം ബയോഡാറ്റയും ഫോട്ടോയും സഹിതം മീഡിയാ സെക്രട്ടറി, സോളിഡാരിറ്റി യൂത്ത് മൂവ്മെന്‍റ്, പി.ബി നമ്പര്‍ 833, ഹിറാ സെന്‍റര്‍, മാവൂര്‍ റോഡ്, കോഴിക്കോട് എന്ന വിലാസത്തില്‍ നവംബര്‍ 30നകം അയക്കണം.

TRAIN TIME

 

SIO

ബസ്ചാര്‍ജ് വര്‍ധനക്കെതിരെ സമരത്തെരുവ്

 ബസ്ചാര്‍ജ് വര്‍ധനക്കെതിരെ സമരത്തെരുവ്

തളിപ്പറമ്പ്: ബസ്ചാര്‍ജ് വര്‍ധനാ നീക്കം ചെറുക്കണമെന്നാവശ്യപ്പെട്ട് വെല്‍ഫെയര്‍ പാര്‍ട്ടി ഓഫ് ഇന്ത്യ തളിപ്പറമ്പ് മണ്ഡലം കമ്മിറ്റി സമരത്തെരുവ് സംഘടിപ്പിച്ചു. മോഹനന്‍ കുഞ്ഞിമംഗലം ഉദ്ഘാടനം ചെയ്തു. സി. അഷ്റഫ് അധ്യക്ഷത വഹിച്ചു. മുഹമ്മദ് ഇംതിയാസ്, ചന്ദ്രന്‍ മേലൂര്‍ എന്നിവര്‍ സംസാരിച്ചു. അബ്ദുല്‍ ജബ്ബാര്‍ സ്വാഗതവും നൗഷാദ് നന്ദിയും പറഞ്ഞു.

പെരുന്നാള്‍ നിലാവ് കലാസന്ധ്യ

 പെരുന്നാള്‍ നിലാവ് കലാസന്ധ്യ

ഇരിക്കൂര്‍: എസ്.ഐ.ഒ ഇരിക്കൂര്‍ സംവേദന വേദി സംഘടിപ്പിച്ച പെരുന്നാള്‍ നിലാവ് കലാസന്ധ്യ ജില്ലാ സെക്രട്ടറി ആശിഖ് കാഞ്ഞിരോട് ഉദ്ഘാടനം ചെയ്തു. ഹാസ്യ ഒപ്പന, മാപ്പിളപ്പാട്ട് മേള, ഇസ്ലാമിക ചരിത്ര നാടകം ‘ഗുഹാവാസികള്‍’ എന്നിവ അരങ്ങേറി.
സംവേദന വേദി പ്രസിഡന്‍റ് യൂനുസ് സലിം അധ്യക്ഷത വഹിച്ചു. കെ.എ. സൈനുദ്ദീന്‍, എന്‍.എം. ബഷീര്‍ എന്നിവര്‍ സംസാരിച്ചു. ആശിഖ് സ്വാഗതവും ഷഹനാസ് നന്ദിയും പറഞ്ഞു.

സമരവാര്‍ഷികാചരണം

സമരവാര്‍ഷികാചരണം

തലശ്ശേരി: പൊതുജനാരോഗ്യ സംരക്ഷണ സമിതിയുടെ ആഭിമുഖ്യത്തില്‍ പെട്ടിപാലം സമരത്തിന്‍െറ ഒന്നാം വാര്‍ഷികാചരണം ആരംഭിച്ചു. വാര്‍ഷികാചരണത്തിന്‍െറ ഭാഗമായി പുന്നോലില്‍ പ്രകടനങ്ങള്‍ നടന്നു. വിവിധ ഭാഗങ്ങളില്‍ നടന്ന പ്രകടനത്തിന് കെ.പി. അബുബക്കര്‍, അഹമദ്ദ് കുന്നോത്ത്, ടി.എം. മമ്മുട്ടി, കെ. രാജന്‍, എം. ഉസ്മാന്‍ കുട്ടി, കെ.പി. സാദിഖ്, സി.ടി.മജീദ്, എം.എം.ഉസ്മാന്‍ കുട്ടി, ഇ.കെ. യൂസഫ്,എം.വി.മുഹമദ്ദ്, മഹറൂഫ് അബ്ദുള്ള, പി.കെ. ലത്തീഫ്, ടി.പി. അലി, കെ.പി. ഷഹീദ്, ഇ.പി. നാരായണന്‍ എന്നിവര്‍ നേതൃത്വം നല്‍കി.
വിളപ്പില്‍ശാല പഞ്ചായത്ത് പ്രസിഡന്‍റും അംഗങ്ങളും അവിടെ മാലിന്യവിരുദ്ധ സമരത്തില്‍ അണിനിരന്നതുപോലെ ന്യൂമാഹി പഞ്ചായത്ത് പ്രസിഡന്‍റും ഭരണ-പ്രതിപക്ഷ അംഗങ്ങളും പെട്ടിപാലത്തെ ജനങ്ങള്‍ക്കൊപ്പം നില്‍ക്കണമെന്ന് പ്രകടനക്കാര്‍ ആവശ്യപെട്ടു. വാര്‍ഷികാചരണത്തിന്‍െറ ഭാഗമായി വ്യാഴാഴ്ച വൈകീട്ട് മൂന്നരക്ക് പുന്നോല്‍ കുറിച്ചിയില്‍ വിശദീകരണ പൊതുയോഗം സംഘടിപ്പിക്കുമെന്ന് മാലിന്യ വിരുദ്ധ കര്‍മ്മ സമിതി ഭാരവാഹികള്‍ അറിയിച്ചു. 

തീരുമാനമാകാതെ മാലിന്യ പ്രശ്നം

 തീരുമാനമാകാതെ മാലിന്യ പ്രശ്നം

തലശ്ശേരി: പെട്ടിപ്പാലം മാലിന്യ പ്രക്ഷോഭത്തിന് തുടക്കമായിട്ട്  ഒരു വര്‍ഷം പിന്നിടുമ്പോഴും തീര്‍പ്പു കല്‍പിക്കാനാവാതെ മാലിന്യ പ്രശ്നം വീണ്ടും സജീവമാകുന്നു. 2011 ഒക്ടോബര്‍ 31നാണ് നഗരസഭ മാലിന്യം തള്ളുന്നതിനെതിരെ പൊതുജനാരോഗ്യ സംരക്ഷണ സമിതിയുടെ നേതൃത്വത്തില്‍ പെട്ടിപ്പാലത്ത് ആദ്യ സമരം ആരംഭിക്കുന്നത്. ദശാബ്ദങ്ങളായുള്ള മാലിന്യ നിക്ഷേപം മൂലം പെട്ടിപ്പാലം വാസികള്‍ക്ക് ശുദ്ധ വായുവും ജീവജലവും കിട്ടാക്കനിയായപ്പോഴാണ് വിവിധ സംഘടനകള്‍ സമരവുമായി രംഗത്തത്തെിയത്.
2011 നവംബര്‍ ഒന്ന് കേരളപ്പിറവി ദിനത്തില്‍ മാലിന്യ വിരുദ്ധ വിശാല സമര മുന്നണിയും സമര രംഗത്ത് സജീവമായി. പൊതുജനാരോഗ്യ സംരക്ഷണ സമിതിക്ക് കീഴിലുള്ള മദേഴ്സ് എഗൈന്‍സ്റ്റ് വേസ്റ്റ് ഡംപിങ് എന്ന സംഘടനയിലൂടെ പ്രദേശത്തെ സ്ത്രീകളും കുട്ടികളുമടങ്ങുന്ന ആയിരക്കണക്കിനാളുകളും തുടര്‍ന്നുള്ള പ്രക്ഷോഭ പ്രവര്‍ത്തനങ്ങളില്‍ സജീവമായി. ആദ്യ ഘട്ടത്തില്‍ സമരത്തിന് പിന്തുണയുമായത്തെിയ മുഖ്യധാരാ രാഷ്ട്രീയ പാര്‍ട്ടികള്‍ പിന്നീട് കളമൊഴിയുകയായിരുന്നു.
മാലിന്യം തള്ളുന്ന നഗരസഭക്കെതിരെയും ഇവര്‍ക്ക് ഒത്താശ ചെയ്യുന്ന ന്യൂ മാഹി പഞ്ചായത്തിനെതിരെയുമുള്ള സമരം പിന്നീട് പ്രദേശത്തെ ജനങ്ങള്‍ ഏറ്റെടുക്കുകയും ജനകീയ സമരമാവുകയുമായിരുന്നു.
മാലിന്യം ഉറവിടത്തില്‍ സംസ്കരിക്കാന്‍ നഗരത്തിന്‍െറ വിവിധ ഭാഗങ്ങളില്‍ മാലിന്യ പ്ളാന്‍റുകള്‍ സ്ഥാപിക്കുമെന്ന നഗരസഭയുടെ പ്രഖ്യാപനം പാഴ്വാക്കായതോടെ പെട്ടിപ്പാലം പ്രശ്നം പരിഹരിക്കുമെന്ന വിശ്വാസം ജനങ്ങള്‍ക്ക് നഷ്ടമാവുകയുമായിരുന്നു.
സ്ത്രീകളും കുട്ടികളുമടക്കം അണിനിരന്ന സമരം പൊലീസിനെ ഉപയോഗിച്ച് നഗരസഭ അടിച്ചമര്‍ത്താന്‍ ശ്രമം നടത്തി. 2012 മാര്‍ച്ച് 20ന് പുലര്‍ച്ചെ നാല് മണിക്ക് പൊലീസിന്‍െറ നേതൃത്വത്തില്‍ പെട്ടിപ്പാലത്ത് മാലിന്യം തള്ളി. ഇത് തടഞ്ഞ സ്ത്രീകളും കുട്ടികളുമടങ്ങുന്ന നൂറു കണക്കിന് സമരക്കാരെ പൊലീസ് ലാത്തി ഉപയോഗിച്ച് മര്‍ദിക്കുകയും ഇവര്‍ക്കെതിരെ കള്ളക്കേസ് ചുമത്തുകയും ചെയ്തു.  തുടര്‍ന്ന് സമരക്കാരുടെ കടുത്ത പ്രക്ഷോഭത്തെതുടര്‍ന്ന് പെട്ടിപ്പാലം സന്ദര്‍ശിച്ച സംസ്ഥാന ശുചിത്വ മിഷന്‍ മാലിന്യം തള്ളുന്ന നഗരസഭയുടെ നടപടിയെ രൂക്ഷമായി വിമര്‍ശിച്ചു.
ഒരു ബക്കറ്റ് മാലിന്യം പോലും പെട്ടിപ്പാലത്ത് നിക്ഷേപിക്കരുതെന്നും മാലിന്യ നിക്ഷേപം തുടര്‍ന്നാല്‍ പ്രദേശത്തെ വെള്ളം കുടിക്കാന്‍ പോലും സാധിക്കാതാവുമെന്നും മിഷന്‍ സര്‍ക്കാറിന് റിപ്പോര്‍ട്ട് സമര്‍പ്പിച്ചു.
തീരദേശ പ്രദേശമായ പെട്ടിപ്പാലത്ത് മാലിന്യം തള്ളുന്ന നഗരസഭക്കെതിരെ തീരദേശ സംരക്ഷണ അതോറിറ്റി കാരണം കാണിക്കല്‍ നോട്ടീസും അയച്ചിരുന്നു. തീരദേശ പ്രദേശമായ പെട്ടിപ്പാലത്ത് നിര്‍മാണ പ്രവര്‍ത്തനങ്ങള്‍ നടത്തുന്നതോ മാലിന്യം നിക്ഷേപിക്കുന്നതോ തീരദേശസംരക്ഷണ നിയമ (സി.ആര്‍.സെഡ് ആക്ട്) പ്രകാരം കുറ്റകരമാണെന്ന് അതോറിറ്റി അയച്ച നോട്ടീസില്‍ സൂചിപ്പിച്ചു.
എന്നാല്‍, പെട്ടിപ്പാലത്ത് മാലിന്യം നിക്ഷേപിക്കരുതെന്ന കോസ്റ്റല്‍ സോണ്‍ അതോറിറ്റിയുടെ ഉത്തരവിന് ഹൈകോടതിയില്‍ നിന്ന് സ്റ്റേ ലഭിച്ചെന്ന അവകാശ വാദവുമായി ഇപ്പോള്‍ നഗരസഭ ഇവിടെ വീണ്ടും മാലിന്യ നിക്ഷേപത്തിന് ഒരുങ്ങുകയാണ്. ഇതിന്‍െറ പശ്ചാത്തലത്തില്‍ സമരത്തിന്‍െറ ഒന്നാം വര്‍ഷം ആചരിക്കുന്ന സാഹചര്യത്തിലും മാലിന്യ പ്രശ്നത്തിന് പരിഹാരം കാണാത്തതില്‍ പ്രതിഷേധിച്ച് സമരം ശക്തമാക്കാന്‍ ഒരുങ്ങുകയാണ് സമര സമിതി പ്രവര്‍ത്തകര്‍.

SOLIDARITY

SOLIDARITY

JIH KANNUR

MYL

നോര്‍ക്ക പഠന ക്യാമ്പ്

നോര്‍ക്ക പഠന ക്യാമ്പ്

കണ്ണൂര്‍: നോര്‍ക്ക റൂട്ട്സിന്‍െറ ആഭിമുഖ്യത്തില്‍ വിദേശ തൊഴിലന്വേഷകര്‍ക്കായി നവംബര്‍ 12ന് പഠന ക്യാമ്പ് (പ്രീ ഡിപ്പാര്‍ചര്‍ ഓറിയന്‍േറഷന്‍ പ്രോഗ്രാം) നടത്തുന്നു. കണ്ണൂര്‍ ഹോട്ടല്‍ മലബാര്‍ റസിഡന്‍സിയിലാണ് ക്യാമ്പ്. വിസ സംബന്ധമായ പ്രശ്നങ്ങള്‍, തൊഴില്‍ കരാറുകള്‍, ശമ്പള വ്യവസ്ഥകള്‍, വിദേശത്ത് ഇന്‍റര്‍വ്യൂവിന് പങ്കെടുക്കാന്‍ ഉദ്യോഗാര്‍ഥികളെ പ്രാപ്തരാക്കുന്ന ക്ളാസുകള്‍, വിദേശ തൊഴില്‍ സാഹചര്യങ്ങള്‍, തൊഴില്‍ നിയമങ്ങള്‍ എന്നിവയെക്കുറിച്ച് പ്രഗല്ഭര്‍ ക്ളാസെടുക്കും. താല്‍പര്യമുള്ളവര്‍ 100 രൂപ ഫീസ് അടച്ച് പേര് രജിസ്റ്റര്‍ ചെയ്യണം. ആദ്യം പേര് രജിസ്റ്റര്‍ ചെയ്യുന്ന 100 പേര്‍ക്ക് മാത്രമേ പ്രവേശം അനുവദിക്കൂ. കൂടുതല്‍ വിവരങ്ങള്‍ക്ക്: 0495 2304885, 0497 2765310, 9847984777, 9447619044.

മുഖ്യമന്ത്രി ജനങ്ങളെ കബളിപ്പിക്കുന്നു -സോളിഡാരിറ്റി

 മുഖ്യമന്ത്രി ജനങ്ങളെ
കബളിപ്പിക്കുന്നു -സോളിഡാരിറ്റി

കോഴിക്കോട്: ഭൂവിനിയോഗ നിയമം അട്ടിമറിച്ചും മെട്രോ റെയില്‍ വിഷയത്തില്‍ കേന്ദ്രവുമായി ഒത്തുകളിച്ചും മുഖ്യമന്ത്രി കേരളത്തിലെ ജനങ്ങളെ കബളിപ്പിക്കുകയാണെന്ന് സോളിഡാരിറ്റി സംസ്ഥാന സെക്രട്ടേറിയറ്റ് കുറ്റപ്പെടുത്തി.
മന്ത്രിസഭയില്‍ ചര്‍ച്ച ചെയ്യാതെയും കൃഷി, റവന്യൂ വകുപ്പുകളെ അറിയിക്കാതെയുമാണ് കേരള ഭൂവിനിയോഗ ബില്‍ അട്ടിമറിച്ച് കഴിഞ്ഞ യു.ഡി.എഫ് സര്‍ക്കാറിലെ ഭൂ ഉപയോഗബില്‍ കൊണ്ടുവരാന്‍ ശ്രമിക്കുന്നത്. എമര്‍ജിങ് കേരളയുടെ ഭാഗമായി കൃഷിഭൂമി ടൂറിസത്തിനും കൃഷിയിതര ആവശ്യങ്ങള്‍ക്കും വേണ്ടി വിട്ടുകൊടുക്കില്ളെന്ന് ഉമ്മന്‍ചാണ്ടി നേരത്തേ ജനങ്ങള്‍ക്ക് നല്‍കിയ ഉറപ്പ് ലംഘിച്ചിരിക്കുകയാണ്. കൊച്ചി മെട്രോ നിര്‍മാണത്തില്‍ ഡി.എം.ആര്‍.സിയെയും ഇ. ശ്രീധരനെയും ഒഴിവാക്കി കേന്ദ്രതലത്തില്‍ ഗൂഢാലോചന നടത്തുകയും കേരളത്തില്‍ ഡി.എം.ആര്‍.സിക്കുവേണ്ടി സംസാരിക്കുകയും ചെയ്യുന്നത് വഞ്ചനയാണെന്ന് സെക്രട്ടേറിയറ്റ് ആരോപിച്ചു.
അതിവേഗ റെയില്‍ ഉപേക്ഷിക്കുകയാണെന്ന് പ്രഖ്യാപിച്ച് മറുവശത്ത് സര്‍വേ നടപടികള്‍ തുടരുന്നു. ഗെയില്‍ വാതക പൈപ്പ്ലൈന്‍ പദ്ധതി ജനങ്ങളുടെ ആശങ്കയും സുരക്ഷാ പ്രശ്നങ്ങളും പരിഹരിച്ചേ മുന്നോട്ടുപോകൂ എന്ന ഉറപ്പ് പാലിക്കാതെ, ജനവാസ മേഖലകളിലൂടെ നിര്‍മാണ പ്രവര്‍ത്തനങ്ങള്‍ നടക്കുകയാണ്. കേരളം ഇന്നേവരെ കണ്ടിട്ടില്ലാത്ത ജനവിരുദ്ധ നടപടികളുമായിട്ടാണ് മുഖ്യമന്ത്രി മുന്നോട്ടുപോവുന്നതെന്നും സെക്രട്ടേറിയറ്റ് കുറ്റപ്പെടുത്തി. സംസ്ഥാന പ്രസിഡന്‍റ് പി.ഐ. നൗഷാദ് അധ്യക്ഷത വഹിച്ചു. ടി. മുഹമ്മദ് വേളം, റസാഖ് പാലേരി, എസ്.എ. അജിംസ്, എ. മുഹമ്മദ് അസ്ലം എന്നിവര്‍ സംസാരിച്ചു.  

സോളിഡാരിറ്റി യൂനിറ്റ് രൂപവത്കരിച്ചു

സോളിഡാരിറ്റി യൂനിറ്റ് രൂപവത്കരിച്ചു

തലശ്ശേരി: സോളിഡാരിറ്റി സൈദാര്‍പള്ളി യൂനിറ്റ് രൂപവത്കരിച്ചു. സോളിഡാരിറ്റി ജില്ലാ സമിതിയംഗം കെ. നിയാസ്, സി.ടി. ഖാലിദ്, എം. ഹര്‍ഷാദ് എന്നിവര്‍ സംസാരിച്ചു. ഭാരവാഹികള്‍: എം. ജസീല്‍ (പ്രസി.), എം.പി. റഷാദ് (സെക്ര.), കെ.പി.കെ. ഫര്‍ജിന്‍ മുഹമ്മദ് (വൈസ് പ്രസി.), എം.പി. ഫായിഖ് (ജോ.സെക്ര.), ഫായിഖ് (ട്രഷ.)

ഈദ് സൗഹൃദ സംഗമം

 ഈദ് സൗഹൃദ സംഗമം

തലശ്ശേരി: ജമാഅത്തെ ഇസ്ലാമി അഴിയൂര്‍ യൂനിറ്റിന്‍െറ ആഭിമുഖ്യത്തില്‍ സംഘടിപ്പിച്ച ഈദ് സൗഹൃദ സംഗമം ഖാലിദ് മൂസ നദ്വി ഉദ്ഘാടനം ചെയ്തു. സി.കെ. ജലീല്‍ അധ്യക്ഷത വഹിച്ചു. ഫാ. എഡ്വിന്‍ തുണ്ടത്തില്‍, മുഹമ്മദലി, കൃഷ്ണന്‍ അടിയോടി,  ശുഐബ് അഴിയൂര്‍ എന്നിവര്‍ സംസാരിച്ചു.

ഈദ് സംഗമം

  ഈദ് സംഗമം

 അഴീക്കോട്: ജമാഅത്തെ ഇസ്ലാമി അഴീക്കോട് ഘടകം പൂതപ്പാറ ഐഡിയല്‍ സെന്‍ററില്‍ ഈദ് സംഗമം നടത്തി. ഹല്‍ഖ നാസിം അബ്ബാസ് മാട്ടൂല്‍ അധ്യക്ഷത വഹിച്ചു. ഭാസ്കരന്‍ മാസ്റ്റര്‍, സതീശന്‍, ബാലകൃഷ്ണന്‍, വി.പി. സക്കീര്‍ എന്നിവര്‍ സംസാരിച്ചു. എം. ഹാരിസ് സ്വാഗതം പറഞ്ഞു.

തുറന്ന ചര്‍ച്ച ഒന്നിന്

‘കേരള രാഷ്ട്രീയം: സാമുദായികത,
വര്‍ഗീയത’ തുറന്ന ചര്‍ച്ച ഒന്നിന്

കണ്ണൂര്‍: ജമാഅത്തെ ഇസ്ലാമി ജില്ലാ ഘടകത്തിന്‍െറ ആഭിമുഖ്യത്തില്‍ ‘കേരള രാഷ്ട്രീയം: സാമുദായികത, വര്‍ഗീയത’ എന്ന വിഷയത്തില്‍ തുറന്ന ചര്‍ച്ച നടത്തും. നവംബര്‍ ഒന്നിന് വൈകീട്ട് നാലിന് കണ്ണൂര്‍ ചേംബര്‍ ഹാളിലാണ് പരിപാടി. മാധ്യമം എഡിറ്റര്‍ ഒ. അബ്ദുറഹ്മാന്‍, എം.വി. ജയരാജന്‍ (സി.പി.എം), സതീശന്‍ പാച്ചേനി (കോണ്‍ഗ്രസ്), അഡ്വ. പി.വി. സൈനുദ്ദീന്‍ (മുസ്ലിംലീഗ്), രാധാകൃഷ്ണന്‍ കൂടാളി (വെല്‍ഫെയര്‍ പാര്‍ട്ടി), പി. മുജീബ് റഹ്മാന്‍ (ജമാഅത്തെ ഇസ്ലാമി) എന്നിവര്‍ പങ്കെടുക്കും.

ഈദ് സംഗമം

 

 

 

 

 ഈദ് സംഗമം

കാഞ്ഞിരോട്: മസ്ജിദുല്‍ ഹുദ കമ്മിറ്റിയുടെ ആഭിമുഖ്യത്തില്‍ കാഞ്ഞിരോട് ഹിദായത്ത് നഗര്‍ അല്‍ഹുദ ഇംഗ്ളീഷ് സ്കൂളില്‍ ഈദ് സംഗമം നടത്തി.  ജമാഅത്തെ ഇസ്ലാമി കണ്ണൂര്‍ ജില്ല  പ്രസിടന്‍്റ്  ടി. കെ. മുഹമ്മദലി ഉല്‍ഘാടനം ചെയ്തു.  എസ്. എൈ. ഓ. ജില്ലാ വൈസ്  പ്രസിഡന്‍്റ് ഷംസീര്‍ ഇബ്രാഹിം ഈദ് സന്ദേശം നല്‍കി. മസ്ജിദുല്‍ ഹുദ കമ്മിറ്റി പ്രസിഡന്‍്റ് ഡോ. സി. കെ. ഖലീല്‍ അധ്യക്ഷത വഹിച്ചു  പി. സി. അജ്മല്‍ ഖിറാഅത്ത് നടത്തി. കാഞ്ഞിരോട്  ഇസ്ലാമിയ ട്രസ്റ്റ് സെക്രട്ടറി ടി. അഹ്മദ് മാസ്റ്റര്‍ സ്വാഗതവും മസ്ജിദുല്‍ ഹുദ കമ്മിറ്റി സെക്രട്ടറി പി. താജുദ്ദീന്‍ നന്ദിയും പറഞ്ഞു.
കാഞ്ഞിരോട്  മുസ്ലിം ജമാഅത്ത് കമ്മിറ്റി മഹല്ല് ഭാരവാഹികളായ സി. കെ. മുസ്തഫ ,പി. കെ. മുസ്തഫ, സി. പി. അബ്ദുള്ള കുട്ടി  തുടങ്ങിയ പ്രമുഖര്‍ പങ്കെടുത്തു.

ഗെയിലിന്‍െറ വാദം പൊളിയുന്നു

 

 

പൈപ്പിടുന്ന വയലില്‍ കൃഷി;
ഗെയിലിന്‍െറ വാദം പൊളിയുന്നു

 പയ്യന്നൂര്‍: ഗ്യാസ് പൈപ്പിടുന്നതിന് ഏറ്റെടുത്ത വയലുകളില്‍ നെല്‍കൃഷി ഉള്‍പ്പെടെയുള്ള ഹ്രസ്വകാല വിളവിറക്കാനാവുമെന്ന ഗ്യാസ് അതോറിറ്റി ഓഫ് ഇന്ത്യ ലിമിറ്റഡിന്‍െറ വാദം പൊളിയുന്നു. പൈപ്പിടാന്‍ കുഴിയെടുത്ത ഭാഗങ്ങളില്‍ കൃഷിയിറക്കാനാവില്ളെന്നാണ് കാര്‍ഷികമേഖലയിലെ വിദഗ്ധര്‍ ചൂണ്ടിക്കാട്ടുന്നത്.
20 മീറ്ററോളം വീതിയിലുള്ള സ്ഥലമാണ് പൈപ്പ് സ്ഥാപിക്കുന്നതിന് ഗെയില്‍ ഏറ്റെടുക്കുന്നത്. ഇതില്‍ പകുതിയോളം ഭാഗം പൈപ്പ് സ്ഥാപിക്കുന്നതിന് കുഴിയെടുക്കും. രണ്ടുമീറ്ററിലധികം ആഴത്തിലായിരിക്കും കുഴിയെടുത്ത് പൈപ്പ് സ്ഥാപിക്കുക. ഈഭാഗത്ത് മണ്ണിട്ട് പൈപ്പ് മൂടും. എന്നാല്‍, മൂടിയ ഭാഗത്ത് കിളക്കാനോ കന്നുപൂട്ടാനോ പവര്‍ടില്ലറുകള്‍ ഉപയോഗിച്ച് ഉഴാനോ സാധിക്കില്ളെന്ന് വിദഗ്ധര്‍ ചൂണ്ടിക്കാട്ടുന്നു. കുഴിച്ച ഭാഗങ്ങളില്‍ വെള്ളം നിറയുമ്പോള്‍ പവര്‍ടില്ലറുകള്‍ ഇറക്കിയാല്‍ ടയറുകള്‍ കുഴിയിലേക്ക് താഴാനിടയുണ്ട്. കാള പൂട്ടി കൃഷിചെയ്യാനും സാധിക്കില്ല.
കുഴികളും കുളങ്ങളും മറ്റും നികത്തിയ വയലുകളില്‍ വര്‍ഷങ്ങളോളം കൃഷിയിറക്കാനാവില്ളെന്നതിനാല്‍ പൈപ്പിട്ട സ്ഥലങ്ങളിലും നിലമൊരുക്കാനാവില്ളെന്ന് കര്‍ഷകരും പറയുന്നു. വേനല്‍കാലങ്ങളില്‍ പച്ചക്കറി കൃഷിയോ മറ്റോ ചെയ്യാമെന്നല്ലാതെ മഴക്കാലത്ത് ഒരുകൃഷിയും ചെയ്യാനാവില്ളെന്നതാണ് സ്ഥിതി. കൃഷിവകുപ്പിന് ഇതറിയാമെങ്കിലും ഇതുവരെ ഇത് വ്യക്തമാക്കിയിട്ടില്ല. മഴക്കാലങ്ങളില്‍ പൈപ്പിന് കുഴിയെടുത്ത സ്ഥലങ്ങളില്‍ ചളിയും ഗര്‍ത്തവും ഉണ്ടാവാന്‍ സാധ്യതയുണ്ടെന്നതിനാല്‍ ഇത് സംരക്ഷണമേഖലയാക്കി പ്രവേശം തടയാനുള്ള സാധ്യതയും തള്ളിക്കളയാനാവില്ല. എങ്കില്‍, പൈപ്പിട്ട സ്ഥലം പൂര്‍ണമായും കര്‍ഷകന് നഷ്ടപ്പെടുന്ന സ്ഥിതിയുണ്ടാവും.
സ്ഥലമേറ്റെടുക്കുമ്പോള്‍ കൃഷിചെയ്യാമെന്നതിനാല്‍ മാര്‍ക്കറ്റ് വിലയുടെ 10 ശതമാനം മാത്രമാണ് കൃഷിക്കാരന് ലഭിക്കുക. പല സ്ഥലങ്ങളിലും റവന്യൂ വകുപ്പിന്‍െറ രേഖകളില്‍ ചെറിയ തുക മാത്രമാണ് രേഖപ്പെടുത്തിയിട്ടുള്ളത്. അതുകൊണ്ട്, നാമമാത്രമായ തുകക്ക് കൃഷിയിടം ഒഴിഞ്ഞുകൊടുക്കേണ്ടിവരും. കണ്ണൂര്‍, കാസര്‍കോട് ജില്ലകളില്‍ ഹെക്ടര്‍ കണക്കിന് വയലുകള്‍ കീറിയാണ് പൈപ്പ്ലൈന്‍ കടന്നുപോകുന്നത്. കണ്ണൂര്‍ ജില്ലയില്‍ കടന്നപ്പള്ളി-പാണപ്പുഴ, എരമം-കുറ്റൂര്‍ ഗ്രാമപഞ്ചായത്തുകളില്‍ പൂര്‍ണമായും വയലുകളിലൂടെയാണ് പൈപ്പ്ലൈന്‍ കടന്നുപോകുന്നത്. ഇത് വ്യാപക പ്രതിഷേധത്തിനിടയാക്കിയിട്ടുണ്ട്.

MADHYAMAM WEEKLY