ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----
Showing posts with label CHAKKARAKAL NEWS. Show all posts
Showing posts with label CHAKKARAKAL NEWS. Show all posts

Sunday, December 16, 2012

നാലുവയസ്സുകാരന്‍ ചികിത്സാ സഹായം തേടുന്നു

 നാലുവയസ്സുകാരന്‍ ചികിത്സാ 
സഹായം തേടുന്നു
ചക്കരക്കല്ല് (കണ്ണൂര്‍): ഉദാരമതികളുടെ കനിവ് തേടുകയാണ് വൃക്കരോഗിയായ കോയ്യോട് കിഴക്കെവീട്ടില്‍ നാലുവയസ്സുകാരന്‍ മുഹമ്മദ് ശാഫി.  പിതാവ് ശൗക്കത്തലി ആസ്ത്മ രോഗിയും കാലിന് സ്വാധീനക്കുറവു മൂലം അവശതയനുഭവിക്കുന്നയാളുമാണ്. 13ാം വാര്‍ഡില്‍ കോയ്യോട് മൊയാരം ബാങ്കിന് സമീപത്തെ  ജീര്‍ണിച്ച വീട്ടില്‍ താമസിക്കുന്ന അഞ്ചംഗ കുടുംബം നിത്യവൃത്തിക്കുതന്നെ ബുദ്ധിമുട്ടുകയാണ്. ശാഫിയുടെ മനോരോഗിയായ മാതാവ് ഖദീജ കോഴിക്കോട് കുതിരവട്ടം ആശുപത്രിയില്‍ ചികിത്സയിലാണ്.
സാമ്പത്തിക പരാധീനതമൂലം കുടുംബം തുടര്‍ചികിത്സക്കായി ബുദ്ധിമുട്ടുകയാണ്. ഷമീര്‍ പ്രസിഡന്‍റായും ബഷീര്‍ സെക്രട്ടറിയായും ചികിത്സാ സഹായ കമ്മിറ്റി രൂപവത്കരിച്ച്
കെ.വി. ഖദീജ കുടുംബ സഹായ കമ്മിറ്റി, കോയ്യോട് എന്ന പേരില്‍ കോര്‍പറേഷന്‍ ബാങ്ക് കണ്ണൂര്‍ ശാഖയില്‍ അക്കൗണ്ട് തുടങ്ങിയിട്ടുണ്ട്.
അക്കൗണ്ട് നമ്പര്‍ 002700101014544.
IFSC Code: 0000027.
Contact: Ibrahim Master, Mob: 9447 888 489

Wednesday, October 26, 2011

വിമാനത്താവള റോഡ്: സ്വകാര്യ ഏജന്‍സിയുടെ സര്‍വേക്കെതിരായ ഹരജി ഹൈകോടതി സ്വീകരിച്ചു

വിമാനത്താവള റോഡ്: 
സ്വകാര്യ ഏജന്‍സിയുടെ സര്‍വേക്കെതിരായ 
ഹരജി ഹൈകോടതി സ്വീകരിച്ചു
ചക്കരക്കല്ല്: നിര്‍ദിഷ്ട കണ്ണൂര്‍ വിമാനത്താവളത്തിലേക്കുള്ള ഗ്രീന്‍ഫീല്‍ഡ് റോഡിനുവേണ്ടി സ്വകാര്യ ഏജന്‍സി നടത്തിയ സര്‍വേ ചട്ടവിരുദ്ധമാണെന്നു കാണിച്ച് ആക്ഷന്‍ കമ്മിറ്റി നല്‍കിയ ഹരജി ഹൈകോടതി ഫയലില്‍ സ്വീകരിച്ചു. ഇതുമായി ബന്ധപ്പെട്ട് സംസ്ഥാന സര്‍ക്കാറിനോട് ഹൈകോടതി വിശദീകരണം തേടിയതായി ആക്ഷന്‍ കമ്മിറ്റി ഭാരവാഹികള്‍ അറിയിച്ചു.
ഗ്രീന്‍ഫീല്‍ഡ് റോഡിനുവേണ്ടി നാഷനല്‍ ട്രാന്‍സ്പോര്‍ട്ടേഷന്‍ പ്ലാനിങ് ആന്‍ഡ് റിസര്‍ച് സെന്ററിനെ (നാറ്റ്പാക്) മറികടന്ന് സ്വകാര്യ ഏജന്‍സി നടത്തിയ സര്‍വേ ചട്ടവിരുദ്ധമാണെന്നു കാണിച്ച് ആക്ഷന്‍ കമ്മിറ്റി രക്ഷാധികാരി ഡോ. എം. മുഹമ്മദലി നല്‍കിയ ഹരജിയാണ് ഫയലില്‍ സ്വീകരിച്ചത്.
വിമാനത്താവളത്തിലേക്കുള്ള റോഡു നിര്‍മാണവുമായി ബന്ധപ്പെട്ട സര്‍വേ നടത്താന്‍ സര്‍ക്കാര്‍ ഉത്തരവ് നല്‍കിയത് നാറ്റ്പാകിനായിരുന്നു. എന്നാല്‍, സര്‍വേ നടത്തിയത് സ്വകാര്യ ഏജന്‍സിയായ തിരുവനന്തപുരത്തെ റൂബി കണ്‍സള്‍ട്ടന്‍സിയാണ്. ഇവര്‍ക്ക് ഒരു ഉപാധിയും കൂടാതെ ഒന്നാംഘട്ടമെന്ന നിലയില്‍ 13.5 ലക്ഷം രൂപ നല്‍കിയതായും ഭാരവാഹികള്‍ ആരോപിച്ചു. ഗ്രീന്‍ഫീല്‍ഡ് റോഡ് യാഥാര്‍ഥ്യമാകുന്നതോടെ ഗ്രാമീണജനതയെ രണ്ടുതട്ടാക്കി തിരിക്കും. റോഡ് സംബന്ധിച്ച് അവ്യക്തത നിലനില്‍ക്കുന്നത് വിശദമാക്കാന്‍ അധികൃതര്‍ തയാറായിട്ടില്ല.
റോഡിന്റെ വീതിയോ ഏതെല്ലാം പ്രദേശങ്ങളിലൂടെ കടന്നുപോകുന്നുവെന്നോ ഇനിയും വ്യക്തമാവേണ്ടതുണ്ട്. 45 മീറ്ററിലാണ് റോഡു നിര്‍മാണമെന്ന് അധികൃതര്‍ പറയുമ്പോള്‍, 100 മീറ്ററിലാണ് റോഡു നിര്‍മാണമെന്നും ബി.ഒ.ടി അടിസ്ഥാനത്തിലാണ് ഇതിന്റെ നിര്‍മാണമെന്നും സ്വകാര്യ കമ്പനി നടത്തിയ സര്‍വേയില്‍നിന്ന് വ്യക്തമാവുന്നുണ്ടെന്ന് ആക്ഷന്‍ കമ്മിറ്റി ഭാരവാഹികള്‍ പറഞ്ഞു.
ജനങ്ങളില്‍നിന്ന് സത്യം മറച്ചുപിടിച്ച് വികസനത്തിന്റെ പേരില്‍ വഞ്ചനാപരമായ നിലപാടില്‍ റോഡുനിര്‍മാണവുമായി മുന്നോട്ടുപോകാനുള്ള ശ്രമത്തിനെതിരെ പ്രക്ഷോഭം ശക്തമാക്കാനാണ് തീരുമാനം. 29ന് മന്ത്രി ജോസഫിന്റെ നേതൃത്വത്തില്‍ റോഡുനിര്‍മാണവുമായി ബന്ധപ്പെട്ട യോഗത്തില്‍ പ്രശ്നമുന്നയിക്കുമെന്നും ആക്ഷന്‍ കമ്മിറ്റി രക്ഷാധികാരി ഡോ. എം. മുഹമ്മദലി, ഭാരവാഹികളായ കെ.കെ. രാജന്‍, കെ. രാജന്‍ കാപ്പാട് എന്നിവര്‍ വാര്‍ത്താസമ്മേളനത്തില്‍ പറഞ്ഞു.

Tuesday, September 27, 2011

CHAKKARAKAL NEWS

ചക്കരക്കല്‍ ബാര്‍വിരുദ്ധ സമരസമിതിധര്‍ണ നടത്തും
ചക്കരക്കല്ല്: ചക്കരക്കല്ലില്‍ ബാര്‍വിരുദ്ധ സമരസമിതി നടത്തുന്ന സമരത്തിന്റെ ഭാഗമായി ഒക്ടോബര്‍ 10ന് കലക്ടറേറ്റിനുമുന്നില്‍ ധര്‍ണ നടത്താന്‍ തീരുമാനിച്ചു. സമരം 101ാം ദിവസം തികയുന്ന ഒക്ടോബര്‍ നാലിന് ചക്കരക്കല്ല് ബസാറില്‍ വിപുലമായ പൊതുയോഗം നടത്തും. സമരസമിതി യോഗത്തില്‍ കെ.വി. കോരന്‍ അധ്യക്ഷത വഹിച്ചു. അഡ്വ. അഹമ്മദ് മാണിയൂര്‍, രാജന്‍ കോരമ്പേത്ത്, എം. മുകുന്ദന്‍ മാസ്റ്റര്‍, ടി.പി.ആര്‍. നാഥ്, ടി. ചന്ദ്രന്‍, ദിനു മൊട്ടമ്മല്‍, എ. രഘു മാസ്റ്റര്‍, പി.കെ. കുമാരന്‍, കെ.സി. ശ്രീനിവാസന്‍, കെ. അശ്റഫ്, അബ്ദുല്‍സലാം,  രമേശന്‍ മാമ്പ, എ.ടി. സമീറ, യു.ലക്ഷ്മണന്‍, പി.സി. അഹമ്മദ്, സി. കാര്‍ത്യായനി ടീച്ചര്‍, കെ. അപ്പ നായര്‍, അരിപ്പ സുരേഷ്, കെ. പുരുഷോത്തമന്‍, ഷാഹുല്‍ ഹമീദ്, കെ.കെ. രവീന്ദ്രന്‍, സൌമി മട്ടന്നൂര്‍ എന്നിവര്‍ സംസാരിച്ചു.

Tuesday, August 16, 2011

CHAKKARAKAL NEWS

ചക്കരക്കല്ലില്‍ ബാര്‍ വിരുദ്ധ സമരത്തിന്റെ ഭാഗമായി നടന്ന പൊതുയോഗം ഇയ്യച്ചേരി കുഞ്ഞികൃഷ്ണന്‍ ഉദ്ഘാടനം ചെയ്യുന്നു.
ചക്കരക്കല്ലിലെ ബാര്‍ വിരുദ്ധ സമരം:
കൂട്ട ഉപവാസവും പൊതുയോഗവും നടത്തി
ചക്കരക്കല്ല്: ചക്കരക്കല്ലിലെ ബാറിനെതിരെ ബഹുജന സമരം അമ്പതാം ദിവസം പിന്നിട്ടതിന്റെ ഭാഗമായി ബാറിന് മുന്നില്‍ കൂട്ട ഉപവാസം നടത്തി. വൈകുന്നേരം ചക്കരക്കല്ല് ടൌണില്‍ നടന്ന പൊതുയോഗം കേരള മദ്യവര്‍ജന സമിതി സെക്രട്ടറി ഇയച്ചേരി കുഞ്ഞികൃഷ്ണന്‍ ഉദ്ഘാടനം ചെയ്തു. രാവിലെ നടന്ന ബഹുജന ഉപവാസം ഫാ. തോമസ് തൈത്തോട്ടം ഉദ്ഘാടനം ചെയ്തു. കെ.വി. കോരന്‍, ടി.പി.ആര്‍. നാഥ്, സി.ടി. അശ്കര്‍, അബ്ദുല്‍ അസീസ് വയനാട്, ഡോ. ശാന്തി, കെ. ചന്ദ്രന്‍, മധു കക്കാട്, എം. സജീദ്, രാജന്‍ കോരമ്പേത്ത്, എം.കെ. ഖാലിദ്, ആശാഹരി, രമേശന്‍ മാമ്പ, എം. മൊയ്തീന്‍ കുട്ടി മാസ്റ്റര്‍, അഹ്മദ് മാണിയൂര്‍ എന്നിവര്‍ പങ്കെടുത്തു.

Wednesday, February 23, 2011

CHAKKARAKAL NEWS

കടയുടമയെ മര്‍ദിച്ചു;പൊലീസിനുനേരെ
അസഭ്യവര്‍ഷവും
ചക്കരക്കല്ല്: കടയുടമയെ കടയില്‍ കയറി മര്‍ദിച്ചു. പ്രതികളെ അറസ്റ്റ് ചെയ്യാനെത്തിയ പൊലീസിനുനേരെ അസഭ്യവര്‍ഷവും നടന്നു. എന്നാല്‍, പൊലീസിന്റെ ഇടപെടല്‍മൂലം സംഘര്‍ഷം ഒഴിവായി. തിങ്കളാഴ്ച രാത്രി 8.20ഓടെയാണ് സംഭവം.  സാഫ്റോണ്‍ ഗ്ലാസ്മാര്‍ട്ട് ഉടമ ഒ.വി. സഫറലിയെയാണ് കടയില്‍ കയറി മര്‍ദിച്ചത്.
പരിക്കേറ്റ ഇദ്ദേഹത്തെ കണ്ണൂര്‍ എ.കെ.ജി ആശുപത്രിയില്‍ പ്രവേശിപ്പിച്ചു. ഡോ. എം. മുഹമ്മദലി, എം.ടി. കുഞ്ഞദു, സുബൈര്‍ ഹാജി, ഇ.പി. ലത്തീഫ്, കെ. നിസാര്‍ എന്നിവര്‍ ചേര്‍ന്ന് ആക്രമിച്ചതാണെന്ന് സഫറലി പൊലീസില്‍ പരാതി നല്‍കി.
വഴിത്തര്‍ക്കമാണത്രെ മര്‍ദനത്തിന് കാരണം.  പ്രതികള്‍ സ്റ്റേഷനില്‍ പൊലീസിനുനേരെ അസഭ്യം ചൊരിഞ്ഞതായും പറയുന്നു. മര്‍ദനമേറ്റ കടയുടമ ചക്കരക്കല്ല് പൊലീസില്‍ പരാതി നല്‍കി.

മര്‍ദനം: പത്തുപേര്‍ക്കെതിരെ കേസ്
ചക്കരക്കല്ല്: വ്യാപാരിയെ കടയില്‍ കയറി മര്‍ദിച്ച സംഭവത്തില്‍ പത്തുപേര്‍ക്കെതിരെ ചക്കരക്കല്ല് പൊലീസ് കേസെടുത്തു. ഡോ. മുഹമ്മദലി, സുബൈര്‍ നാഷനല്‍ പ്ലാസ്റ്റിക്, കെ. നിസാര്‍, ഇ.വി. ലത്തീഫ്, എം.ടി. കുഞ്ഞു എന്നിവര്‍ക്കും കണ്ടാലറിയാവുന്ന അഞ്ചുപേര്‍ക്കെതിരെയുമാണ് കേസ്. ചക്കരക്കല്ലിലെ സാഫ്രോണ്‍ ഗ്ലാസ് മാര്‍ട്ട് ഉടമ ഒ.വി. സഫറലിയെയാണ് കഴിഞ്ഞ ദിവസം രാത്രി 8.20ഓടെ ഒരുസംഘം കടയില്‍ കയറി മര്‍ദിച്ചത്.

Friday, January 21, 2011

Chakkarakal Muslim League Office Attack


ചക്കരക്കല്ലില്‍ മുസ്ലിംലീഗ് ഓഫിസിനുനേരെ അക്രമം
ടൌണ്‍ മുസ്ലിംലീഗ് കമ്മിറ്റിക്ക് കീഴില്‍ പ്രവര്‍ത്തിക്കുന്ന ശിഹാബ്തങ്ങള്‍ സ്മാരക റിലീഫ് സെല്‍ ഓഫിസിനുനേരെ അക്രമം. ബുധനാഴ്ച രാത്രിയാണ് സംഭവം. ജുമാമസ്ജിദിനു സമീപത്തായി പ്രവര്‍ത്തിക്കുന്ന ഓഫിസിന്റെ ചുമര്‍ കുത്തിപ്പൊളിച്ച നിലയിലാണ്. മുന്‍വശത്തെ സിമന്റ് ഇളക്കിമാറ്റിയിട്ടുണ്ട്. വാതില്‍ തകര്‍ത്തു അകത്തുകടന്ന അക്രമികള്‍ ഇവിടെയുണ്ടായിരുന്ന പത്തോളം കസേരകള്‍, ബോര്‍ഡ്, കൊടി തുടങ്ങിയവ നശിപ്പിച്ചു. ഇവ റോഡരികില്‍ കൂട്ടിയിട്ട നിലയിലാണുള്ളത്.
ടൌണ്‍ ലീഗ് സെക്രട്ടറി എം. സുബൈര്‍ ചക്കരക്കല്ല് പൊലീസില്‍ പരാതി നല്‍കി. മുസ്ലിംലീഗ് ജില്ലാ പ്രസിഡന്റ് വി.കെ. അബ്ദുല്‍ ഖാദര്‍ മൌലവി, മണ്ഡലം പ്രസിഡന്റ് എം. മുസ്തഫ മാസ്റ്റര്‍, പി.പി. മഹമൂദ്, എം.പി. മുഹമ്മദലി, കെ.പി. താഹിര്‍ എന്നിവര്‍ സംഭവസ്ഥലം സന്ദര്‍ശിച്ചു.
ടൌണില്‍ പ്രതിഷേധ പ്രകടനവും പൊതുയോഗവും നടത്തി. സി.എച്ച്. മുഹമ്മദലി ഹാജി, കെ.കെ. അബ്ദുല്‍ ഫത്താഹ്, എം.കെ. അബ്ദുല്‍ ഖാദര്‍, കെ.കെ. അശ്റഫ് എന്നിവര്‍ നേതൃത്വം നല്‍കി.
Courtesy:Madhyamam/21-01-11