ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----
Showing posts with label GAIL. Show all posts
Showing posts with label GAIL. Show all posts

Thursday, April 4, 2013

വാതക പൈപ്പ്ലൈന്‍: നിയമസഭാ മാര്‍ച്ച് ഒമ്പതിന്

 വാതക പൈപ്പ്ലൈന്‍:
നിയമസഭാ മാര്‍ച്ച് ഒമ്പതിന്
കണ്ണൂര്‍: നിര്‍ദിഷ്ട കൊച്ചി-മംഗലാപുരം വാതക പൈപ്പ്ലൈന്‍ ജനവാസ മേഖലകളെ ഒഴിവാക്കിയും ജനങ്ങളുടെ സുരക്ഷിതത്വം ഉറപ്പുവരുത്തിയും നടപ്പാക്കണമെന്നാവശ്യപ്പെട്ട് ഏപ്രില്‍ ഒമ്പതിന് ഗ്യാസ് പൈപ്പ്ലൈന്‍ വിക്ടിംസ് ഫോറം സംസ്ഥാന കമ്മിറ്റി സെക്രട്ടേറിയറ്റ് മാര്‍ച്ച് നടത്തുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
പൂര്‍ണാനുമതി ലഭിക്കാതെ നിയമവിരുദ്ധമായി പൈപ്പ്ലൈന്‍ നിര്‍മിക്കാന്‍ അനുമതി നല്‍കിയിരിക്കുകയാണ്. ജനങ്ങള്‍ താമസിക്കുന്നതോ ഒന്നിച്ചു കൂടാന്‍ സാധ്യതയുള്ളതോ ആയ സ്ഥലങ്ങളിലൂടെ പൈപ്പ്ലൈന്‍ കൊണ്ടുപോകാന്‍ പാടില്ളെന്ന വ്യവസ്ഥ ലംഘിച്ചാണ് പൂഞ്ച് ലോയ്ഡ് എന്ന കമ്പനിക്ക് കരാര്‍ നല്‍കിയത്. കൃഷിഭൂമിയിലൂടെയോ ജനവാസ കേന്ദ്രത്തിലൂടെയോ പൈപ്പ്ലൈന്‍ വലിക്കാന്‍ അനുവദിക്കില്ളെന്ന് തമിഴ്നാട് മുഖ്യമന്ത്രി പ്രഖ്യാപിച്ചു.
 എന്നാല്‍, ജനവാസ മേഖലയിലൂടെയാണ് കേരളത്തില്‍ ലൈന്‍ പോകുന്നത്. ഇതിനെതിരെ സംസ്ഥാന മുഖ്യമന്ത്രി നിസ്സംഗത പുലര്‍ത്തുകയാണ്. പൈപ്പ്ലൈനിന് അനുകൂലമായി കള്ളപ്രചാരണങ്ങളാണ് നടക്കുന്നത്.
കുത്തകപത്രങ്ങളിലൂടെ വന്‍ പരസ്യങ്ങള്‍ വഴിയും വാര്‍ത്ത വഴിയുമാണ് പൈപ്പ്ലൈനിന് അനുകൂലമായ പ്രചാരണം നടത്തുന്നത്. ഗാര്‍ഹികാവശ്യത്തിന് വിതരണം ചെയ്യുന്നതല്ല ഈ ഗ്യാസ്.
 മംഗലാപുരം, കുദ്രേമുഖ് എന്നിവിടങ്ങളിലെ ഫാക്ടറികളിലേക്കാണ് ഗ്യാസ് കൊണ്ടുപോകുന്നത്.  പൈപ്പ്ലൈന്‍ സുരക്ഷ അമേരിക്കന്‍ നിലവാരത്തിലാണെന്ന് പറയുമ്പോള്‍ അവിടെ 2010ല്‍ 583 തവണയാണ് പൈപ്പ്ലൈന്‍ പൊട്ടിത്തെറിച്ചത്. നൂറുകണക്കിനാളുകള്‍ വെന്തെരിയുകയും മറ്റു നാശനഷ്ടങ്ങളുമുണ്ടായി.
പദ്ധതിക്കെതിരെ എറണാകുളം മുതല്‍ കാസര്‍കോട്ടുവരെ ശക്തമായ ജനകീയ പ്രക്ഷോഭം ഉയരുകയാണ്. ശക്തമായ സമരവുമായി മുന്നോട്ടുപോകാനാണ് തീരുമാനം. ഇതിന്‍െറ ആദ്യപടിയായാണ് നിയമസഭാ മാര്‍ച്ചെന്നും അവര്‍ പറഞ്ഞു.
എ. ഗോപാലന്‍, പ്രേമന്‍ പാതിരിയാട്, പി. രാമര്‍കുട്ടി, ടി.പി. ഇല്യാസ്, പി.ബി.എം. ഫര്‍മീസ് എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.

Thursday, January 17, 2013

ഗ്യാസ് പൈപ്പ്ലൈന്‍ വിരുദ്ധ ജാഥ സമാപിച്ചു

ഗ്യാസ് പൈപ്പ്ലൈന്‍ വിരുദ്ധ
ജാഥ സമാപിച്ചു
കണ്ണൂര്‍: ജനവാസ കേന്ദ്രങ്ങളിലൂടെ നിര്‍ദിഷ്ട ഗ്യാസ് പൈപ്പ്ലെന്‍ കടന്നുപോകരുതെന്നാവശ്യപ്പെട്ട് ജില്ല വിക്ടിംസ് ഫോറം സംഘടിപ്പിച്ച വാഹനജാഥ കരിവെള്ളൂര്‍ പുത്തൂരില്‍ സമാപിച്ചു. രണ്ടുദിവസങ്ങളിലായി ജില്ലയിലെ കടവത്തൂരിലെ മുണ്ടത്തോട് മുതല്‍ പാനൂര്‍, പാട്യം, പാച്ചപ്പൊയ്ക, അഞ്ചരക്കണ്ടി, മയ്യില്‍, മുല്ലക്കൊടി, കരിമ്പം, ചെനയന്നൂര്‍, തളിപ്പറമ്പ്, പരിയാരം,  പൊയില്‍, പരിയാരം മെഡിക്കല്‍ കോളജ്, കടന്നപ്പള്ളി, മാതമംഗലം, മാര്‍ട്ടിന്‍ എന്നിവിടങ്ങളില്‍ പര്യടനം നടത്തി. കരിവെള്ളൂര്‍ പുത്തൂരില്‍ സമാപിച്ചു. സമാപന സമ്മേളനം എ. ഗോപാലന്‍ ഉദ്ഘാടനം ചെയ്തു.
യോഗത്തില്‍ സൈനുദ്ദീന്‍ കരിവെള്ളൂര്‍ അധ്യക്ഷത വഹിച്ചു. യു.കെ. സഈദ്, പ്രേമന്‍ പാതിരിയാട്, സി.കെ. മുനവിര്‍, പി. രാമര്‍കുട്ടി, കെ.എം. മാത്യു, മേരി എബ്രഹാം എന്നിവര്‍ സംസാരിച്ചു. സ്വീകരണത്തിന് ജാഥ ലീഡര്‍ ഡി. സുരേന്ദ്രനാഥ് മറുപടി പറഞ്ഞു. നാരായണന്‍ കോറോത്ത് സ്വാഗതം പറഞ്ഞു.

Wednesday, January 16, 2013

ഗ്യാസ് പൈപ്പ് ലൈനിനെതിരെ വാഹന ജാഥ തുടങ്ങി

 
 ഗ്യാസ് പൈപ്പ് ലൈനിനെതിരെ
വാഹന ജാഥ തുടങ്ങി
കണ്ണൂര്‍: കൊച്ചി-മംഗലാപുരം വതക പൈപ്പ് ലൈനിനെതിരെ ഗ്യാസ് പൈപ്പ് ലൈന്‍ വിക്ടിംസ് ഫോറം സംഘടിപ്പിച്ച ജില്ല വാഹന ജാഥക്ക് ചാലയില്‍ നിന്ന് തുടക്കമായി.
ഗ്യാസ് ടാങ്കര്‍ ദുരന്തത്തിനിരയായ ചാല നിവാസികളില്‍ നിന്ന് ജാഥ ലീഡര്‍ ഡോ. ഡി. സുരേന്ദ്രനാഥ് പതാക ഏറ്റുവാങ്ങി. കടവത്തൂര്‍ മുണ്ടത്തോട് കൂത്തുപറമ്പ് ബ്ളോക് പഞ്ചായത്ത് അംഗം സമീര്‍ പറമ്പത്ത് ഉദ്ഘാടനം ചെയ്തു. ജനവാസ മേഖലയിലൂടെ പദ്ധതി നടപ്പാക്കുന്നത് വെല്ലുവിളിയാണെന്ന് അദ്ദേഹം പറഞ്ഞു.
തൃപ്രങ്ങോട്ടൂര്‍ ഗ്രാമ പഞ്ചായത്ത് അംഗം കെ. ഇസ്മാഈല്‍ മാസ്റ്റര്‍, പി.ടി.കെ. നാണു, കെ.എം. മമ്മദ്, പയ്യട ഹസന്‍, കെ.എം. മാത്യു, കുന്നോത്തുപറമ്പ് പഞ്ചായത്ത് അംഗം സലിം, എന്‍.കെ. അനില്‍കുമാര്‍, കെ.എം. കുഞ്ഞിക്കണ്ണന്‍, എ. രമേശന്‍, കെ. ജിനില്‍, നിയാസ്, ജലേഷ് എന്നിവര്‍ സംസാരിച്ചു. കെ.കെ. ദാമു മാസ്റ്റര്‍ സ്വാഗതം പറഞ്ഞു.
കടവത്തൂര്‍, കണ്ണന്‍കോട്, പുത്തൂര്‍, പാലക്കൂല്‍, പാനൂര്‍, മാക്കൂല്‍പീടിക, മോകേരി, കൊട്ടയോടി തുടങ്ങിയ സ്ഥലങ്ങളില്‍ സ്വീകരണം ലഭിച്ച ജാഥ ഒന്നാം ദിവസം ചെക്കിക്കുളത്ത് അവസാനിച്ചു.
 വിവിധ സ്വീകരണ കേന്ദ്രങ്ങളില്‍ ജില്ല നേതാക്കളായ ഡോ. ഡി. സുരേന്ദ്രനാഥ്, എ. ഗോപാലന്‍, യു.കെ. സെയ്ത്, പ്രേമന്‍ പാതിരിയാട്, പള്ളിപ്രം പ്രസന്നന്‍, ഫാറൂഖ് ഉസ്മാന്‍, ഹരീഷ് കടവത്തൂര്‍, രാമര്‍കുട്ടി എന്നിവര്‍ സംസാരിച്ചു. ജാഥ ഇന്ന് കരിവെള്ളൂരില്‍ സമാപിക്കും.

Friday, December 7, 2012

‘ഗെയില്‍’ അധികൃതരെ നാട്ടുകാര്‍ തടഞ്ഞു

 ‘ഗെയില്‍’ അധികൃതരെ നാട്ടുകാര്‍ തടഞ്ഞു
പാനൂര്‍: കൊച്ചി-മംഗലാപുരം വാതക പൈപ്പ്ലൈന്‍ പദ്ധതിക്കായി കടവത്തൂര്‍ മുണ്ടത്തോട്ടില്‍ സ്ഥലം അക്വയര്‍ ചെയ്യാനത്തെിയ ലാന്‍ഡ് അക്വിസിഷന്‍ ഉദ്യോഗസ്ഥരെയും ഗെയില്‍ അധികാരികളെയും നാട്ടുകാര്‍ തടഞ്ഞു. നോട്ടീസ് നല്‍കുകയോ സ്ഥലമുടമയുടെ അനുവാദം ചോദിക്കുകയോ ചെയ്തില്ളെന്നാണ് നാട്ടുകാരുടെ പരാതി. പമ്പിങ് സ്റ്റേഷന് സ്ഥലം അക്വയര്‍ ചെയ്യാനാണ് ഉദ്യോഗസ്ഥര്‍ എത്തിയത്. നടപടികള്‍ ആരംഭിച്ച ഉടനെ നാട്ടുകാരുടെ ചോദ്യംചെയ്യലിനെതുടര്‍ന്ന് ഉദ്യോഗസ്ഥര്‍ പിന്മാറി. പുല്ലാട്ടുമ്മല്‍ അമ്മദ് ഹാജി, കെ.കെ. ദാമു, അനീഷ്, ഷാഫി, കെ. സന്തോഷ് തുടങ്ങിയവരുടെ നേതൃത്വത്തിലാണ് തടഞ്ഞത്. പിന്നീട് തൃപ്പങ്ങോട്ടൂര്‍ പഞ്ചായത്ത് ഓഫിസിലത്തെിയ സംഘത്തെ നാട്ടുകാര്‍ ചോദ്യംചെയ്തു. പഞ്ചായത്ത് പരിധിയില്‍ വാതക പൈപ്പ്ലൈന്‍ സ്ഥാപിക്കുന്നതിനെതിരെ സ്പെഷല്‍ ഗ്രാമസഭകള്‍ പ്രമേയം പാസാക്കിയിട്ടുണ്ടെന്ന് പഞ്ചായത്ത് പ്രസിഡന്‍റ് ഡോ. സല്‍മ മഹമൂദ് ഗെയില്‍ അധികൃതരെ അറിയിച്ചു.

Sunday, November 11, 2012

ഗ്യാസ് പൈപ്പ്ലൈന്‍: വാഹനജാഥ 15 മുതല്‍

ഗ്യാസ് പൈപ്പ്ലൈന്‍:
വാഹനജാഥ 15 മുതല്‍
കണ്ണൂര്‍: നിര്‍ദിഷ്ട ഗ്യാസ് പൈപ്പ്ലൈന്‍ ജനവാസ മേഖലയില്‍നിന്നും ഉപേക്ഷിക്കുക എന്ന സന്ദേശവുമായി ഗ്യാസ് പൈപ്പ്ലൈന്‍ വിക്ടിംസ് ഫോറം ജില്ലാ കമ്മിറ്റിയുടെ ആഭിമുഖ്യത്തില്‍ നവംബര്‍ 15, 16 തീയതികളില്‍ വാഹനപ്രചാരണ ജാഥ നടത്തും.
ജില്ലയിലെ കടവത്തൂര്‍ മുതല്‍ കരിവെള്ളൂര്‍ വരെ നടത്തുന്ന വാഹനജാഥ ടാങ്കര്‍ ലോറി പൊട്ടിത്തെറിയിലൂടെ ദുരന്തം വിതറിയ ചാല സ്ക്വയറില്‍ നിന്നും ആരംഭിക്കും.
 ദുരന്തത്തില്‍ ഇരയായവരുടെ ഉറ്റവരെ അണിനിരത്തി ആരംഭിക്കുന്ന ജാഥ, വീണ്ടുമൊരു മഹാദുരന്തം ആവര്‍ത്തിക്കുന്നതിനായി ജനങ്ങള്‍ തിങ്ങിത്താമസിക്കുന്ന മേഖലയിലൂടെ ഗ്യാസ് പൈപ്പ്ലൈന്‍ കൊണ്ടുപോകുന്നതിനെ ചെറുക്കുമെന്ന പ്രതിജ്ഞയെടുക്കും.

Monday, October 29, 2012

ഗെയിലിന്‍െറ വാദം പൊളിയുന്നു

 
 
പൈപ്പിടുന്ന വയലില്‍ കൃഷി;
ഗെയിലിന്‍െറ വാദം പൊളിയുന്നു
 പയ്യന്നൂര്‍: ഗ്യാസ് പൈപ്പിടുന്നതിന് ഏറ്റെടുത്ത വയലുകളില്‍ നെല്‍കൃഷി ഉള്‍പ്പെടെയുള്ള ഹ്രസ്വകാല വിളവിറക്കാനാവുമെന്ന ഗ്യാസ് അതോറിറ്റി ഓഫ് ഇന്ത്യ ലിമിറ്റഡിന്‍െറ വാദം പൊളിയുന്നു. പൈപ്പിടാന്‍ കുഴിയെടുത്ത ഭാഗങ്ങളില്‍ കൃഷിയിറക്കാനാവില്ളെന്നാണ് കാര്‍ഷികമേഖലയിലെ വിദഗ്ധര്‍ ചൂണ്ടിക്കാട്ടുന്നത്.
20 മീറ്ററോളം വീതിയിലുള്ള സ്ഥലമാണ് പൈപ്പ് സ്ഥാപിക്കുന്നതിന് ഗെയില്‍ ഏറ്റെടുക്കുന്നത്. ഇതില്‍ പകുതിയോളം ഭാഗം പൈപ്പ് സ്ഥാപിക്കുന്നതിന് കുഴിയെടുക്കും. രണ്ടുമീറ്ററിലധികം ആഴത്തിലായിരിക്കും കുഴിയെടുത്ത് പൈപ്പ് സ്ഥാപിക്കുക. ഈഭാഗത്ത് മണ്ണിട്ട് പൈപ്പ് മൂടും. എന്നാല്‍, മൂടിയ ഭാഗത്ത് കിളക്കാനോ കന്നുപൂട്ടാനോ പവര്‍ടില്ലറുകള്‍ ഉപയോഗിച്ച് ഉഴാനോ സാധിക്കില്ളെന്ന് വിദഗ്ധര്‍ ചൂണ്ടിക്കാട്ടുന്നു. കുഴിച്ച ഭാഗങ്ങളില്‍ വെള്ളം നിറയുമ്പോള്‍ പവര്‍ടില്ലറുകള്‍ ഇറക്കിയാല്‍ ടയറുകള്‍ കുഴിയിലേക്ക് താഴാനിടയുണ്ട്. കാള പൂട്ടി കൃഷിചെയ്യാനും സാധിക്കില്ല.
കുഴികളും കുളങ്ങളും മറ്റും നികത്തിയ വയലുകളില്‍ വര്‍ഷങ്ങളോളം കൃഷിയിറക്കാനാവില്ളെന്നതിനാല്‍ പൈപ്പിട്ട സ്ഥലങ്ങളിലും നിലമൊരുക്കാനാവില്ളെന്ന് കര്‍ഷകരും പറയുന്നു. വേനല്‍കാലങ്ങളില്‍ പച്ചക്കറി കൃഷിയോ മറ്റോ ചെയ്യാമെന്നല്ലാതെ മഴക്കാലത്ത് ഒരുകൃഷിയും ചെയ്യാനാവില്ളെന്നതാണ് സ്ഥിതി. കൃഷിവകുപ്പിന് ഇതറിയാമെങ്കിലും ഇതുവരെ ഇത് വ്യക്തമാക്കിയിട്ടില്ല. മഴക്കാലങ്ങളില്‍ പൈപ്പിന് കുഴിയെടുത്ത സ്ഥലങ്ങളില്‍ ചളിയും ഗര്‍ത്തവും ഉണ്ടാവാന്‍ സാധ്യതയുണ്ടെന്നതിനാല്‍ ഇത് സംരക്ഷണമേഖലയാക്കി പ്രവേശം തടയാനുള്ള സാധ്യതയും തള്ളിക്കളയാനാവില്ല. എങ്കില്‍, പൈപ്പിട്ട സ്ഥലം പൂര്‍ണമായും കര്‍ഷകന് നഷ്ടപ്പെടുന്ന സ്ഥിതിയുണ്ടാവും.
സ്ഥലമേറ്റെടുക്കുമ്പോള്‍ കൃഷിചെയ്യാമെന്നതിനാല്‍ മാര്‍ക്കറ്റ് വിലയുടെ 10 ശതമാനം മാത്രമാണ് കൃഷിക്കാരന് ലഭിക്കുക. പല സ്ഥലങ്ങളിലും റവന്യൂ വകുപ്പിന്‍െറ രേഖകളില്‍ ചെറിയ തുക മാത്രമാണ് രേഖപ്പെടുത്തിയിട്ടുള്ളത്. അതുകൊണ്ട്, നാമമാത്രമായ തുകക്ക് കൃഷിയിടം ഒഴിഞ്ഞുകൊടുക്കേണ്ടിവരും. കണ്ണൂര്‍, കാസര്‍കോട് ജില്ലകളില്‍ ഹെക്ടര്‍ കണക്കിന് വയലുകള്‍ കീറിയാണ് പൈപ്പ്ലൈന്‍ കടന്നുപോകുന്നത്. കണ്ണൂര്‍ ജില്ലയില്‍ കടന്നപ്പള്ളി-പാണപ്പുഴ, എരമം-കുറ്റൂര്‍ ഗ്രാമപഞ്ചായത്തുകളില്‍ പൂര്‍ണമായും വയലുകളിലൂടെയാണ് പൈപ്പ്ലൈന്‍ കടന്നുപോകുന്നത്. ഇത് വ്യാപക പ്രതിഷേധത്തിനിടയാക്കിയിട്ടുണ്ട്.

Saturday, October 27, 2012

GAIL


 GAIL നിര്‍മ്മാണ പ്രവര്‍ത്തനങ്ങള്‍ തുടങ്ങിയ കൊടക്കാട് വലിയ പൊയില്‍ പ്രദേശം ഗ്യാസ് പൈപ്പ് ലൈന്‍ വിക്ടിംസ് ഫോറം ജില്ലാ നേതാക്കള്‍ പ്രദേശവാസികളോടൊപ്പം സന്ദര്‍ശിക്കുന്നു.

 നിര്‍ദ്ദിഷ്ട ഗ്യാസ് പൈപ്പ് ലൈന്‍ പദ്ധതിക്കായി ഗെയില്‍ അധികൃതര്‍ റബ്ബറും തെങ്ങുകളുമടക്കം നൂറു കണക്കിന് മരങ്ങള്‍ സ്ഥലമുടമകളുടെ സമ്മതമില്ലാതെ വെട്ടിമാറ്റിയതില്‍ ഗ്യാസ് പൈപ്പ് ലൈന്‍ വിക്ടിംസ് ഫോറം ജില്ലാ  കമ്മിറ്റി യോഗം ശക്തമായി പ്രതിഷേധിച്ചു. പദ്ധതിക്കുള്ള പൂര്‍ണ്ണാനുമതി ഇതുവരെ ലഭ്യമായില്ലെന്ന് ഹൈക്കോടതിയില്‍ ഗെയില്‍ അധികൃതര്‍ തന്നെ സത്യവാങ്മൂലം നല്‍കിയെന്നിരിക്കെ അനുമതിയില്ലാതെ പദ്ധതിയുമായി മുന്നോട്ടുപോകന്ന ഗെയില്‍ അധികൃതരുടെ നടപടിക്കെതിരെ യോഗം ശക്തമായി അപലപിച്ചു. 
ജില്ലാ ചെയര്‍മാന്‍ എ. ഗോപാലന്‍ അധ്യക്ഷത വഹിച്ചു. ജില്ലാ ജനറല്‍ കണ്‍വീനര്‍ യു.കെ. സെയ്ത് , dr. ഡി. സുരേന്ദ്രനാഥ്, രാമന്‍ കുട്ടി വെള്ളാവ്, കെ.​എം. മാത്യു, സൈനുദ്ദീന്‍ കരിവെള്ളൂര്‍, കെ. സാദിഖ് എന്നിവര്‍ സംസാരിച്ചു.

Saturday, October 6, 2012

ഗ്യാസ് പൈപ്പ്ലൈന്‍ അനുവദിക്കില്ല -വിക്ടിംസ് ഫോറം

ജനവാസ മേഖലയിലൂടെ ഗ്യാസ് പൈപ്പ്ലൈന്‍
അനുവദിക്കില്ല -വിക്ടിംസ് ഫോറം
കണ്ണൂര്‍: ജനവാസ കേന്ദ്രങ്ങളിലൂടെ വാതക പൈപ്പ്ലൈന്‍ കൊണ്ടുപോകാന്‍ അനുവദിക്കില്ളെന്ന് ഗ്യാസ് പൈപ്പ്ലൈന്‍ വിക്ടിംസ് ഫോറം ജില്ലാ ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു.
ചാല ദുരന്തത്തിന്‍െറ പശ്ചാത്തലത്തില്‍ വാതക പൈപ്പ്ലൈന്‍ ജനവാസ കേന്ദ്രങ്ങളിലൂടെ  കൊണ്ടുപോകുന്നത് എന്ത് വിലകൊടുത്തും തടയും.
ചാല ദുരന്തത്തില്‍ 18 ടണ്‍ എല്‍.പി.ജിയാണ് കത്തിയത്. കിലോമീറ്ററുകള്‍ ദൂരത്തില്‍ നിരവധി വീടുകളും ജനങ്ങളുമാണ് ദുരന്തത്തിന് ഇരയായത്. 6000 ടണ്‍ വഹിക്കുന്ന ഗെയിലിന്‍െറ ഗ്യാസ് പൈപ്പ്ലൈന്‍ പൊട്ടിത്തെറിച്ചാല്‍ ഊഹിക്കാന്‍ പറ്റാത്ത ദുരന്തമാണുണ്ടാകുക.
കടന്നപ്പള്ളിയിലൂടെ പോകുന്ന വാതക പൈപ്പ്ലൈന്‍ പൊട്ടിയാല്‍ പരിയാരം മെഡിക്കല്‍ കോളജ് അടക്കം കത്തിനശിക്കും. മറ്റു സ്ഥലങ്ങളിലും വന്‍ ദുരന്തമാണ് ഉണ്ടാകുക. ഈസ്റ്റ് ഗോദാവരി, ഗോവ എന്നിവിടങ്ങളില്‍ ഗ്യാസ്പൈപ്പ്ലൈനില്‍ വന്‍ സ്ഫോടനങ്ങള്‍ ഉണ്ടായിട്ടുണ്ട്. ഏറ്റവും സുരക്ഷിതമെന്ന് പറയുന്ന അമേരിക്കയിലും ഗ്യാസ്പൈപ്പ്ലൈനുകളില്‍ 2010ല്‍ 583ഉം 2011ല്‍ 680ഉം വന്‍ പൊട്ടിത്തെറിയും തീപിടിത്തവുമുണ്ടായി വന്‍ നാശമാണ് വിതച്ചത്. അമേരിക്കയില്‍ സാന്‍റിയാഗോയില്‍ മാത്രം 5000 കോടി ഡോളറാണ് നഷ്ടം.
അവിടെ സുരക്ഷാ ദൂരം 1200 മീറ്ററായിട്ടുപോലും വലിയ ദുരന്തമാണ് ഉണ്ടായത്. സുരക്ഷാ ദൂരം ഇവിടെ 650 മീറ്ററാണ്. 16 സംസ്ഥാനങ്ങളില്‍ എല്‍.എന്‍.ജി എത്തിച്ചു.
കേരളത്തിലെ  പ്രവര്‍ത്തനങ്ങള്‍ കുമ്പളയില്‍ തുടങ്ങിക്കഴിഞ്ഞു. 95 ശതമാനം വാണിജ്യ ആവശ്യത്തിനാണ് എല്‍.എന്‍.ജി കൊണ്ടുപോകുന്നത്. സ്ഥലം വിട്ടുകൊടുക്കുന്ന സ്ഥലമുടമകള്‍ക്ക് 10 ശതമാനം തുക മാത്രമാണ് അധികൃതര്‍ വാഗ്ദാനം ചെയ്യുന്നത്. 10,000 കി.മീറ്ററില്‍ അഞ്ച് അപകടങ്ങള്‍ക്ക് സാധ്യതയുണ്ടെന്ന് ഗെയില്‍ തന്നെ പറയുന്നു. അത് എവിടെയുമാകാം. 6000ത്തോളം ഏക്കര്‍ ഭൂമി പ്രത്യക്ഷത്തിലും പതിനായിരക്കണക്കിന് ഏക്കര്‍ പരോക്ഷമായും നഷ്ടപ്പെടും. ഇതോടെ കേരളത്തില്‍ പാടശേഖരങ്ങളുടെ ആയുസ്സ് ഒടുങ്ങും.
പാലക്കാട് ഫാന്‍റസി പാര്‍ക്കുമായി നടക്കുന്ന കേസുകളില്‍ ഗെയില്‍ കോടതിയില്‍ പറഞ്ഞത് പരിസ്ഥിതി അനുമതി ലഭിച്ചിട്ടില്ളെന്നാണ്.
അനുമതി ലഭിക്കാതെയാണ് പൈപ്പ്ലൈന്‍ സ്ഥാപിക്കാന്‍ മുന്നിട്ടിറങ്ങിയിട്ടുള്ളത്. പദ്ധതിയുമായി മുന്നോട്ടുപോയാല്‍ ശക്തമായ ജനമുന്നേറ്റം രൂപപ്പെടുത്തുമെന്നും അവര്‍ വ്യക്തമാക്കി.
വാര്‍ത്താസമ്മേളനത്തില്‍ ജില്ലാ ചെയര്‍മാന്‍ എ. ഗോപാലന്‍, കണ്‍വീനര്‍ യു.കെ. സെയ്ദ്, പ്രേമന്‍ പാതിരിയാട്, രാമര്‍കുട്ടി, കെ.കെ. ജലേഷ് എന്നിവര്‍ പങ്കെടുത്തു.

Monday, July 2, 2012

ഗ്യാസ് പൈപ്പ്ലൈന്‍: വികസന സമിതി തീരുമാനം വെല്ലുവിളി -വിക്ടിംസ് ഫോറം

ഗ്യാസ് പൈപ്പ്ലൈന്‍: വികസന സമിതി
തീരുമാനം വെല്ലുവിളി -വിക്ടിംസ് ഫോറം
കണ്ണൂര്‍: നിര്‍ദിഷ്ട കൊച്ചി-മംഗലാപുരം വാതക പൈപ്പ്ലൈന്‍ പദ്ധതിയെപ്പറ്റി തെറ്റിദ്ധാരണ പ്രചരിപ്പിക്കാനുള്ള ജില്ലാ വികസന സമിതിയുടെ നിലപാടില്‍ വാതക പൈപ്പ്ലൈന്‍ വിക്ടിംസ് ഫോറം ജില്ലാ കമ്മിറ്റി പ്രതിഷേധിച്ചു.
വന്‍കിട വ്യവസായ ശാലകളുടെ ഊര്‍ജാവശ്യം പരിഹരിക്കാനാണ് നിര്‍ദിഷ്ട പദ്ധതിയെന്ന് അധികൃതരുടെ പ്രഖ്യാപിത ലക്ഷ്യം നിലവിലിരിക്കെ, പാചക വാതക വിതരണ പ്രതിസന്ധി പരിഹരിക്കാനാണെന്ന വ്യാജ പ്രചാരണം നടത്തുന്നത് ജനങ്ങളുടെ രാഷ്ട്രീയ സാക്ഷരതയെയും ചിന്താശേഷിയെയും പരിഹസിക്കാനാണ്.
ജനങ്ങളുടെ സുരക്ഷ ഉറപ്പാക്കേണ്ട അധികൃതര്‍ കേവലം ഭൂമി നഷ്ടപ്പെടുന്നവരുടെ നഷ്ടപരിഹാര തുകയുടെ പ്രശ്നം മാത്രമായി ഇത് ചുരുക്കുകയാണ്.
ഭൂമിശാസ്ത്രപരമായും സാമ്പത്തികമായും ദൂരവ്യാപകമായ പ്രത്യാഘാതങ്ങള്‍ ക്ഷണിച്ചുവരുത്തുന്ന പദ്ധതിക്കെതിരെയും അധികൃതരുടെ വ്യാജ പ്രചാരണങ്ങള്‍ക്കെതിരെയും പ്രക്ഷോഭം ശക്തമാക്കാന്‍ യോഗം തീരുമാനിച്ചു. ഇതിന്‍െറ മുന്നോടിയായി ജൂലൈ 17ന് കലക്ടറേറ്റിലേക്ക് ബഹുജന മാര്‍ച്ച് നടത്തും.
എ. ഗോപാലന്‍ അധ്യക്ഷത വഹിച്ചു. യു.കെ. സെയ്ത്, പ്രേമന്‍ പാതിരിയാട്, ഡോ. ഡി. സുരേന്ദ്രനാഥ്, ഹംസ മാസ്റ്റര്‍ അഞ്ചരക്കണ്ടി, രാമന്‍കുട്ടി വെള്ളാവ്, സി. ശശി എന്നിവര്‍ സംസാരിച്ചു.

Monday, June 25, 2012

‘വാതക പൈപ്പ്ലൈന്‍: നഷ്ടപരിഹാര പ്രശ്നമായി ചുരുക്കരുത് ’

 
 ‘വാതക പൈപ്പ്ലൈന്‍: നഷ്ടപരിഹാര
പ്രശ്നമായി ചുരുക്കരുത് ’
കണ്ണൂര്‍: വാതക പൈപ്പ്ലൈന്‍ സ്ഥാപിക്കുന്നത് അത് കടന്നുപോകുന്ന പ്രദേശത്തെ സ്ഥലമുടമകളുടെ നഷ്ടപരിഹാര പ്രശ്നമായി ചുരുക്കരുതെന്ന് മനുഷ്യാവകാശപ്രവര്‍ത്തകന്‍ എന്‍. സുബ്രഹ്മണ്യന്‍. ഗ്യാസ് പൈപ്പ്ലൈന്‍ വിക്ടിംസ് ഫോറത്തിന്‍െറ കണ്ണൂര്‍ ജില്ലാ കണ്‍വെന്‍ഷന്‍ ഉദ്ഘാടനം ചെയ്യുകയായിരുന്നു അദ്ദേഹം.
വാതക പൈപ്പ്ലൈന്‍ സ്ഥാപിക്കുന്നത് സുരക്ഷാപ്രശ്നം മാത്രമല്ല, ജനസാന്ദ്രമായ കേരളത്തില്‍ അതീവമലിനീകരണ വ്യവസായങ്ങള്‍ വരാനും ഇടയാകും. ജനവാസകേന്ദ്രങ്ങളില്‍ വാതക പൈപ്പ്ലൈന്‍ സ്ഥാപിക്കാന്‍ പാടില്ളെന്ന നിയമം നിലവിലിരിക്കെ അധികാരികള്‍ നിയമലംഘനത്തിന് കൂട്ടുനില്‍ക്കുന്നത് നിയമവ്യവസ്ഥയോടുള്ള വെല്ലുവിളിയാണ്. വാതക പൈപ്പ്ലൈന്‍ പദ്ധതി നടപ്പാക്കാന്‍ അനുവദിക്കരുതെന്ന് കണ്‍വെന്‍ഷന്‍ ആവശ്യപ്പെട്ടു. ഡോ. ഡി.സുരേന്ദ്രനാഥ് അധ്യക്ഷത വഹിച്ചു. എ. ഗോപാലന്‍, യു.കെ. സെയ്ത്, പ്രേമന്‍ പാതിരിയാട്, കെ. സാദിഖ് ഉളിയില്‍, സി. ശശി, ഹംസ മാസ്റ്റര്‍, കെ.കെ. ജലേഷ്, കെ.എം. മാത്യു, എ.കെ. രാജന്‍ എന്നിവര്‍ സംസാരിച്ചു.ഭാരവാഹികള്‍: എ. ഗോപാലന്‍ (ചെയര്‍.), പ്രേമന്‍ പാതിരിയാട് (വൈ. ചെയര്‍.), യു.കെ. സെയ്ത് (ജന. കണ്‍.)

Sunday, June 24, 2012

ഗ്യാസ് പൈപ്പ്ലൈന്‍: സമര കണ്‍വെന്‍ഷന്‍ ഇന്ന്

ഗ്യാസ് പൈപ്പ്ലൈന്‍:
സമര കണ്‍വെന്‍ഷന്‍ ഇന്ന്
കണ്ണൂര്‍: ജനങ്ങളുടെ ആശങ്കയും ഭയവും കണക്കിലെടുക്കാതെ ജനവാസ മേഖലയിലൂടെ ഗ്യാസ് പൈപ്പ്ലൈന്‍ സ്ഥാപിക്കാനുള്ള ഗെയിലിന്‍െറ നടപടിക്കെതിരെ  ഗ്യാസ് പൈപ്പ്ലൈന്‍ വിക്ടിംസ് ഫോറം ജില്ലാ കമ്മിറ്റിയുടെ നേതൃത്വത്തില്‍ ഞായറാഴ്ച വൈകുന്നേരം മൂന്നുമണിക്ക് ജില്ലാതല സമര കണ്‍വെന്‍ഷന്‍ സംഘടിപ്പിക്കും.
കണ്ണൂര്‍ റെയിന്‍ബോ ടൂറിസ്റ്റ് ഹോമില്‍ നടക്കുന്ന കണ്‍വെന്‍ഷനില്‍ സംസ്ഥാന-ജില്ലാ നേതാക്കള്‍ പങ്കെടുക്കും.

ബോധവത്കരണം നടത്തണമെന്ന് മുഖ്യമന്ത്രി

വാതക പൈപ്പ്ലൈന്‍:
ബോധവത്കരണം
നടത്തണമെന്ന് മുഖ്യമന്ത്രി
തിരുവനന്തപുരം: ഗെയ്ല്‍ ഇന്ത്യ ലിമിറ്റഡിന്‍െറ ആഭിമുഖ്യത്തില്‍ പ്രകൃതിവാതക വിതരണത്തിനായി സംസ്ഥാനത്ത് ഇടുന്ന വാതക പൈപ്പ്ലൈന്‍ സംബന്ധിച്ച് പൊതുജനങ്ങള്‍ക്കുള്ള സംശയങ്ങള്‍ ദൂരീകരിക്കാന്‍ ബോധവത്കരണം നടത്തണമെന്ന് മുഖ്യമന്ത്രി ഉമ്മന്‍ചാണ്ടി നിര്‍ദേശിച്ചു. പദ്ധതിയുടെ നേട്ടങ്ങളും വ്യക്തമാക്കണമെന്നും ഗെയ്ല്‍ ഇന്ത്യ പ്രതിനിധികളുമായുള്ള ചര്‍ച്ചയില്‍ മുഖ്യമന്ത്രി പറഞ്ഞു.
ഇതിനായി വ്യവസായ വകുപ്പും ഗെയ്ലും സംയുക്തമായി പത്ര-ദ്യശ്യ മാധ്യമങ്ങളിലൂടെ ബോധവത്കരണം നടത്തണം.
പൈപ്പ്ലൈന്‍ കടന്നുപോകുന്ന ജില്ലകളിലെ കലക്ടര്‍മാരുടെ നേതൃത്വത്തില്‍ ജനപ്രതിനിധികളെയും പരിസ്ഥിതി പ്രവര്‍ത്തകരെയും ഉള്‍പ്പെടുത്തി ജില്ലാതല യോഗങ്ങളും പഞ്ചായത്ത്തല യോഗങ്ങളും വിളിക്കും. പൈപ്പ്ലൈനിലൂടെ വിതരണം നടത്താനുദ്ദേശിക്കുന്ന പ്രകൃതിവാതകം പാചകവാതകം പോലെ സ്ഫോടനാത്മക സ്വഭാവമുളളതല്ളെന്ന് ഗെയ്ല്‍ എക്സിക്യൂട്ടീവ് ഡയറക്ടര്‍ അശുതോഷ് കര്‍ണാഡ് പറഞ്ഞു. ആരേയും മാറ്റിപാര്‍പ്പിക്കേണ്ടിവരില്ല.
പദ്ധതി കാര്യക്ഷമമായാല്‍ കേരളത്തിന്‍െറ ഊര്‍ജപ്രതിസന്ധി പരിഹരിക്കപ്പെടുമെന്നും പാചകവാതക വില കുറയുമെന്നും എ.കെ. ബാലന്‍ എം.എല്‍.എ പറഞ്ഞു. എം.എല്‍.എമാര്‍, പഞ്ചായത്ത് പ്രതിനിധികള്‍, വ്യവസായ, ഊര്‍ജ സെക്രട്ടറിമാര്‍ തുടങ്ങിയവര്‍ ചര്‍ച്ചയില്‍ പങ്കെടുത്തു.

Saturday, June 23, 2012

ഗ്യാസ് പൈപ്പ്ലൈന്‍: സമര കണ്‍വെന്‍ഷന്‍ നാളെ

ഗ്യാസ് പൈപ്പ്ലൈന്‍:
സമര കണ്‍വെന്‍ഷന്‍ നാളെ
കണ്ണൂര്‍: ജനങ്ങളുടെ ആശങ്കയും ഭയവും കണക്കിലെടുക്കാതെ ജനവാസ മേഖലയിലൂടെ ഗ്യാസ് പൈപ്പ്ലൈന്‍ സ്ഥാപിക്കാനുള്ള ഗെയിലിന്‍െറ നടപടിക്കെതിരെ  ഗ്യാസ് പൈപ്പ്ലൈന്‍ വിക്ടിംസ് ഫോറം ജില്ലാ കമ്മിറ്റിയുടെ നേതൃത്വത്തില്‍ ഞായറാഴ്ച വൈകുന്നേരം മൂന്നുമണിക്ക് ജില്ലാതല സമര കണ്‍വെന്‍ഷന്‍ സംഘടിപ്പിക്കും. കണ്ണൂര്‍ റെയിന്‍ബോ ടൂറിസ്റ്റ് ഹോമില്‍ നടക്കുന്ന കണ്‍വെന്‍ഷനില്‍ സംസ്ഥാന-ജില്ലാ നേതാക്കള്‍ പങ്കെടുക്കും.

ഭൂമി നഷ്ടപ്പെടുന്നവര്‍ക്ക് കമ്പോള വില നല്‍കും-മുഖ്യമന്ത്രി

വാതക പൈപ്പ് ലൈന്‍
ഭൂമി നഷ്ടപ്പെടുന്നവര്‍ക്ക്
കമ്പോള വില നല്‍കും-മുഖ്യമന്ത്രി
കണ്ണൂര്‍:  കൊച്ചി-മംഗലാപുരം വാതക പൈപ്പ്ലൈന്‍ പദ്ധതിയുടെ ഭാഗമായി ഭൂമി നഷ്ടപ്പെടുന്നവര്‍ക്ക് കമ്പോള വിലക്ക് ആനുപാതികമായ നഷ്ടപരിഹാരം നല്‍കും. നിര്‍ദിഷ്ട പദ്ധതി പ്രദേശത്തെ ജനങ്ങളുടെ ആശങ്ക ചൂണ്ടിക്കാട്ടി  നിയമസഭയില്‍  ടി.വി. രാജേഷ് എം.എല്‍.എ ഉന്നയിച്ച സബ്മിഷനു മറുപടിയായി മുഖ്യമന്ത്രി ഉമ്മന്‍ചാണ്ടിയാണ്  ഇക്കാര്യം അറിയിച്ചത്. 
ജില്ലാ തല പര്‍ച്ചേസ് കമ്മിറ്റിയാണ് സ്ഥലവില നിശ്ചയിക്കുക.  ഇതു സംബന്ധിച്ച നിര്‍ദേശം വൈകാതെ മന്ത്രിസഭക്കു മുമ്പാകെ സമര്‍പ്പിക്കും.  പദ്ധതിക്കായി ഭൂമി ഏറ്റെടുക്കുമ്പോള്‍ 1962ലെ പെട്രോളിയം ധാതു പൈപ്പ് ലൈന്‍ ആക്ട് പ്രകാരം കോമ്പിറ്റന്‍റ് അതോറിറ്റി നിശ്ചയിക്കുന്ന സ്ഥലവിലയുടെ 10 ശതമാനവും കൃഷി നാശത്തിന് നിയമപ്രകാരമുള്ള നഷ്ടപരിഹാരവുമാണ് നല്‍കുക.  കഴിഞ്ഞ മാസം ചീഫ് സെക്രട്ടറിയുടെ അധ്യക്ഷതയില്‍ ചേര്‍ന്ന യോഗത്തില്‍ ജില്ലാ തല പര്‍ച്ചേസിങ് കമ്മിറ്റി രൂപവത്കരിക്കാന്‍ തീരുമാനിച്ചിരുന്നു.അഞ്ച് സെന്‍റില്‍ താഴെ ഭൂമിയുള്ളവരും, സ്വന്തമായി വീടില്ലാത്ത ഭൂവുടമകള്‍ക്കും  ഉചിതമായ നഷ്ടപരിഹാരം നല്‍കാന്‍ ജില്ലാതല പര്‍ച്ചേസിങ് കമ്മിറ്റി ബന്ധപ്പെട്ട അധികാരികളുടെ അംഗീകാരത്തോടെ വകുപ്പിന് സമര്‍പ്പിക്കേണ്ടതാണ്.
കേരളത്തെ ദേശീയ വാതക ശൃംഖലയുമായി ബന്ധിപ്പിക്കുന്ന പദ്ധതിയില്‍ ഏഴു ജില്ലകളിലായി 503 കീലോ മീറ്റര്‍ ദൈര്‍ഘ്യത്തിലാണ് പൈപ്പുകള്‍ സ്ഥാപിക്കുന്നത്. പൈപ്പ് ലൈന്‍ കടന്നു പോകുന്ന ജില്ലകളിലെ ഗാര്‍ഹികവും വ്യാവസായികവുമായ ആവശ്യങ്ങള്‍ക്കുള്ള പ്രകൃതി വാതകം ഇതു വഴി നല്‍കാനാകും. സ്ഥലമെടുപ്പു സംബന്ധിച്ച് കണ്ണൂര്‍ ജില്ലയിലടക്കമുള്ള പദ്ധതി പ്രദേശങ്ങളിലെ ജനങ്ങള്‍ ആശങ്കയിലാണ്. രണ്ടും മൂന്നും സെന്‍റു മാത്രമുള്ളവര്‍ പോലും പൈപ്പ് ലൈന്‍ പദ്ധതി വരുന്നതോടെ അവ നഷ്ടപ്പെടുമെന്ന ഭീതിയിലാണുള്ളത്. സ്ഥല വിലക്കു പകരം ഭൂമി ലഭ്യമാക്കണമെന്നും ചിലയിടങ്ങളില്‍ ആവശ്യമുയരുന്നുണ്ട്. 
 കണ്ണൂര്‍ ജില്ലയില്‍ തലശ്ശേരി താലൂക്കിലെ കടവത്തൂര്‍, കണ്ണങ്കോട്, പാലത്തായി, എലാങ്കോട്, പുത്തൂര്‍ , പാനൂര്‍, മൊകേരി, പാട്യം, കോങ്ങാറ്റ, എരുവട്ടി, കൂവപ്പാടി, ഓലായിക്കര, പറമ്പായി, പാതിരിയാട്, കൈതേരിപ്പൊയില്‍, കുന്നിരിക്ക, ചാമ്പാട്, കൂലാട്ട്മല, കണ്ണൂര്‍ താലൂക്കിലെ അഞ്ചരക്കണ്ടി, കാമത്തേ്, മാമ്പ, താറ്റിയോട്, തലമുണ്ട, കൂടാളി, കാഞ്ഞിരോട്, പുറവൂര്‍, മുണ്ടേരി, തളിപ്പറമ്പ് താലൂക്കിലെ മാണിയൂര്‍, മയ്യില്‍, കയരളം, മുല്ലക്കൊടി, കുറുമാത്തൂര്‍, നണിച്ചേരി, പാണലാട്, പൂമംഗലം, കുറ്റ്യേരി, ഇരിങ്ങല്‍, പരിയാരം, കടന്നപ്പള്ളി, ചെറുവിച്ചേരി, മണിയറ, കൈതപ്രം, എരമം, വടവന്തൂര്‍, കുറുവേലി, ആലപ്പടമ്പ്, പുത്തൂര്‍ എന്നീ പ്രദേശങ്ങളിലൂടെയാണ് പൈപ്പ് ലൈന്‍ കടന്നു പോകുന്നത്.

Tuesday, June 19, 2012

ജനവാസ മേഖലയില്‍ പൈപ്പ്ലൈന്‍ സ്ഥാപിക്കുന്നത് ചെറുക്കും


ജനവാസ മേഖലയില്‍ പൈപ്പ്ലൈന്‍
സ്ഥാപിക്കുന്നത് ചെറുക്കും
കണ്ണൂര്‍: വന്‍കിട വ്യവസായികള്‍ക്ക് ചുരുങ്ങിയ വിലക്ക് ഗ്യാസ് വിതരണം നടത്താന്‍ ജനവാസ മേഖലയില്‍ പൈപ്പ്ലൈന്‍ സ്ഥാപിക്കുന്നത് ചെറുക്കുമെന്ന് ഗ്യാസ് പൈപ്പ്ലൈന്‍ വിക്ടിംസ് ഫോറം ജില്ലാ കമ്മിറ്റി യോഗം അറിയിച്ചു.
ഗ്യാസ് പൈപ്പ്ലൈന്‍ പദ്ധതിക്കെതിരെ ശക്തമായ സമരം തുടരുന്നതിന്‍െറ ഭാഗമായി ജൂണ്‍ 24ന് വൈകീട്ട് മൂന്നിന് കണ്ണൂര്‍ പഴയ ബസ്സ്റ്റാന്‍ഡിന് സമീപത്തുള്ള റെയിന്‍ബോ ടൂറിസ്റ്റ് ഹോമില്‍ വിപുലമായ കണ്‍വെന്‍ഷന്‍ വിളിച്ചുചേര്‍ക്കും.
യോഗത്തില്‍ ഡി.സുരേന്ദ്രനാഥ് അധ്യക്ഷത വഹിച്ചു. യു.കെ.സെയ്ത്, ഭാസ്കരന്‍ വെള്ളൂര്‍, എം.കെ.ജയരാജന്‍, പ്രേമന്‍ പാതിരിയാട്, സുരേഷ്ബാബു, കെ.എം. മഖ്ബൂല്‍, പള്ളിപ്രം പ്രസന്നന്‍, മേരി അബ്രഹാം എന്നിവര്‍ സംസാരിച്ചു.

Thursday, May 24, 2012

‘ഗ്യാസ്ലൈന്‍ പദ്ധതി: സ്ഥലം ഏറ്റെടുക്കുന്നത് റദ്ദാക്കണം’

‘ഗ്യാസ്ലൈന്‍ പദ്ധതി: സ്ഥലം
ഏറ്റെടുക്കുന്നത് റദ്ദാക്കണം’
അഞ്ചരക്കണ്ടി: നിര്‍ദിഷ്ട കൊച്ചി-മംഗലാപുരം ഗ്യാസ്ലൈന്‍ പദ്ധതിക്ക് സ്ഥലം ഏറ്റെടുക്കുന്ന നടപടി റദ്ദുചെയ്യണമെന്ന് അഞ്ചരക്കണ്ടിയില്‍ ചേര്‍ന്ന സ്ഥലം നഷ്ടപ്പെടുന്നവരുടെ യോഗം ആവശ്യപ്പെട്ടു.
1962ലെ പെട്രോളിയം-മിനറല്‍ ആക്ട്പ്രകാരം ജനവാസ കേന്ദ്രങ്ങളിലൂടെ പൈപ്പ്ലൈന്‍ കൊണ്ടുപോകാന്‍ പാടില്ളെന്നിരിക്കെ സര്‍ക്കാര്‍തന്നെ നിയമം ലംഘിക്കുന്നതിന് കൂട്ടുനില്‍ക്കുന്ന  പദ്ധതി ഉപേക്ഷിക്കണമെന്നാവശ്യപ്പെട്ട് ഗ്യാസ് പൈപ്പ്ലൈന്‍ വിക്ടിംസ് ഫോറത്തിന്‍െറ ആഭിമുഖ്യത്തില്‍ കൊച്ചി ഗെയില്‍ ഓഫിസിലേക്ക് മേയ് 29ന് നടക്കുന്ന ബഹുജന മാര്‍ച്ച് വിജയിപ്പിക്കാനും യോഗം തീരുമാനിച്ചു. ഹംസ മാസ്റ്റര്‍ അധ്യക്ഷത വഹിച്ചു. എ. ഗോപാലന്‍, പ്രേമന്‍ പാതിരിയാട്, കെ.എം. മഖ്ബൂല്‍, യു.കെ. സെയ്ദ്, പി. വിജയന്‍, അബ്ദുല്‍ കരീം, നൗഫല്‍, അഷ്റഫ് തുടങ്ങിയവര്‍ സംസാരിച്ചു.

Sunday, May 20, 2012

‘ജനവാസ മേഖലയില്‍ പൈപ്പ്ലൈന്‍ സ്ഥാപിക്കുന്നത് ചെറുക്കും’

‘ജനവാസ മേഖലയില്‍
പൈപ്പ്ലൈന്‍
സ്ഥാപിക്കുന്നത് ചെറുക്കും’
കണ്ണൂര്‍: ജില്ലയിലെ ജനവാസ മേഖലയിലൂടെ ഗ്യാസ് പൈപ്പ്ലൈന്‍ സ്ഥാപിക്കുന്നത് ചെറുക്കുമെന്ന് ഗ്യാസ് പൈപ്പ്ലൈന്‍ വിക്ടിംസ് ഫോറം ജില്ലാ കമ്മിറ്റി യോഗം മുന്നറിയിപ്പ് നല്‍കി. സാധാരണക്കാരന്‍െറ കിടപ്പാടാവകാശം നിഷേധിച്ചും കൃഷിയിടങ്ങള്‍ ഇല്ലാതാക്കിയും ഭൂമി ഏറ്റെടുക്കാനുള്ള ശ്രമത്തെ പ്രതിരോധിക്കും. അതീവ സുരക്ഷിതത്വം ആവശ്യമായ പദ്ധതി, സുരക്ഷാ പഠനമോ പാരിസ്ഥിതിക ആഘാത പഠനമോ നടത്താതെ ജനങ്ങളുടെ മേല്‍ അടിച്ചേല്‍പിക്കാനുള്ള നീക്കത്തെ നേരിടാനും യോഗം തീരുമാനിച്ചു. ഡോ. ഡി. സുരേന്ദ്രനാഥ് അധ്യക്ഷത വഹിച്ചു. യു.കെ. സെയ്ത്, എ. ഗോപാലന്‍, പ്രേമന്‍ പാതിരിയാട്, പി.വി. വിജയന്‍, പി. അബ്ദുല്‍ കരീം, ഭാസ്കരന്‍ വെള്ളൂര്‍, മേരി അബ്രഹാം എന്നിവര്‍ സംസാരിച്ചു.

Monday, May 7, 2012

വാതക പൈപ്പ്ലൈന്‍ വന്‍ പ്രത്യാഘാതം സൃഷ്ടിക്കും -സി.ആര്‍. നീലകണ്ഠന്‍

 
 ദക്ഷിണേന്ത്യയിലെ ഇരകള്‍ 28ന് ‘ഗെയില്‍’ ഓഫിസ് മാര്‍ച്ച് നടത്തും
വാതക പൈപ്പ്ലൈന്‍ പദ്ധതി വന്‍ പ്രത്യാഘാതം
സൃഷ്ടിക്കും -സി.ആര്‍. നീലകണ്ഠന്‍
കണ്ണൂര്‍: ദക്ഷിണേന്ത്യയിലെ വാതക പൈപ്പ്ലൈന്‍ പദ്ധതി ഇരകള്‍ മേയ് 28ന് ഗ്യാസ് അതോറിറ്റി ഓഫ് ഇന്ത്യ ലിമിറ്റഡ് (ഗെയില്‍) കൊച്ചി ഓഫിസിലേക്ക് മാര്‍ച്ച് നടത്തും. കണ്ണൂരില്‍ കേരള, കര്‍ണാടക, തമിഴ്നാട് സംസ്ഥാനങ്ങളിലെ ഇരകളുടെ പ്രതിനിധിസംഗമത്തിലാണ് സമര പ്രഖ്യാപനം.
സാമൂഹിക സാമ്പത്തിക മേഖലകളില്‍ പദ്ധതി വന്‍ പ്രത്യാഘാതം സൃഷ്ടിക്കുമെന്ന് സംഗമം ഉദ്ഘാടനം ചെയ്ത സി.ആര്‍. നീലകണ്ഠന്‍ പറഞ്ഞു. 
വന്‍കിട വ്യവസായികള്‍ക്ക് ചുരുങ്ങിയ വിലയില്‍ പ്രകൃതിവാതകം വിതരണം ചെയ്യാന്‍ ജനങ്ങളുടെ പാര്‍പ്പിട-കൃഷിഭൂമികള്‍ നഷ്ടപരിഹാരം നല്‍കാതെ മരവിപ്പിക്കാനുള്ള തീരുമാനം ഗൂഢാലോചനയുടെ ഫലമാണെന്ന് അദ്ദേഹം പറഞ്ഞു.
അഴിമതിയുടെ പൈപ്പ്ലൈനാണ് ഭരണകൂടങ്ങള്‍ ചേര്‍ന്ന് സ്ഥാപിക്കുന്നതെന്ന് ചടങ്ങില്‍ സംസാരിച്ച തമഴ്നാട് കര്‍ഷകസംഘം ജനറല്‍ സെക്രട്ടറി പി. കന്ദസ്വാമി അഭിപ്രായപ്പെട്ടു.
ദക്ഷിണേന്ത്യന്‍ സംസ്ഥാനങ്ങളിലെ ജനങ്ങള്‍ക്ക് ഒരുമിച്ചു നില്‍ക്കാന്‍ പദ്ധതി നിമിത്തമാവുന്നത് പ്രതീക്ഷ നല്‍കുന്നു. മംഗലാപുരം റിഫൈനറീസിന്‍െറ പൈപ്പ്ലൈന്‍ ഉയര്‍ത്തിയ ഭീഷണിക്ക് പിറകെ വാതകലൈന്‍ കര്‍ണാടകയില്‍ ആശങ്ക പരത്തുകയാണെന്ന് കൃഷ്ണപ്രസാദ് (മംഗലാപുരം) പറഞ്ഞു.
മേല്‍മണ്ണ് നഷ്ടമായി കൃഷി മുടങ്ങുന്നതാണ് പദ്ധതി പ്രദേശത്തെ കര്‍ഷകര്‍ നേരിടുന്ന വലിയ പ്രശ്നം. ഗ്യാസ് പൈപ്പ്ലൈന്‍ വിക്ടിംസ് ഫോറം ദക്ഷിണേന്ത്യന്‍ ജനറല്‍ കണ്‍വീനര്‍ റസാഖ് പാലേരി അധ്യക്ഷത വഹിച്ചു.
മുരുകാനന്ദന്‍ വാളയാര്‍, പി.ആര്‍. ബാലു (തമിഴ്നാട്), അറുമുഖം (കോയമ്പത്തൂര്‍), ഡോ. ഡി. സുരേന്ദ്രനാഥ്, കെ.എം. മഖ്ബൂല്‍, എന്‍. സുബ്രഹ്മണ്യന്‍, എന്‍. ഹംസ മാസ്റ്റര്‍ അഞ്ചരക്കണ്ടി, അഡ്വ. മാന്വല്‍ എറണാകുളം എന്നിവര്‍ സംസാരിച്ചു. യു.കെ. സഈദ് സ്വാഗതവും പ്രേമന്‍ പാതിരിയാട് നന്ദിയും പറഞ്ഞു.
ഫോറം വിവിധ സംസ്ഥാന ചെയര്‍മാന്‍മാരായി സി.ആര്‍. നീലകണ്ഠന്‍ (കേരളം), പി. കന്ദസ്വാമി (തമിഴ്നാട്), കൃഷ്ണപ്രസാദ് (കര്‍ണാടക), റസാഖ് പാലേരി (ജന. കണ്‍) എന്നിവരെ തെരഞ്ഞെടുത്തു.