ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----
Showing posts with label WELFARE PARTY OF INDIA. Show all posts
Showing posts with label WELFARE PARTY OF INDIA. Show all posts

Monday, July 22, 2013

പൊലീസിനെതിരെ നടപടി വേണം -വെല്‍ഫെയര്‍ പാര്‍ട്ടി

പൊലീസിനെതിരെ നടപടി വേണം
-വെല്‍ഫെയര്‍ പാര്‍ട്ടി
തിരുവനന്തപുരം: നിറ്റാജലാറ്റിന്‍ കമ്പനിയുടെ മലിനീകരണത്തിനെതിരെ സമാധാനപരമായി സമരം നടത്തിയ സമരപ്രവര്‍ത്തകരെ ഏകപക്ഷീയമായി ആക്രമിച്ച് പരിക്കേല്‍പിച്ച പൊലീസ് ഉദ്യോഗസ്ഥര്‍ക്കെതിരെ നടപടി സ്വീകരിക്കാന്‍ ആഭ്യന്തര വകുപ്പ് തയാറാകണമെന്ന് വെല്‍ഫെയര്‍ പാര്‍ട്ടി സംസ്ഥാന ജനറല്‍ സെക്രട്ടറി കെ. അംബുജാക്ഷന്‍ ആവശ്യപ്പെട്ടു. ജനകീയ സമരങ്ങളെ തല്ലിയൊതുക്കാനാണ് സര്‍ക്കാര്‍ ശ്രമിക്കുന്നതെങ്കില്‍ അതിന് വലിയ വിലകൊടുക്കേണ്ടിവരും. കമ്പനി അടച്ചുപൂട്ടാന്‍ നടപടി സ്വീകരിക്കുന്നതിന് പകരം സമരക്കാര്‍ക്ക് നേരെ പൊലീസിനെ അഴിച്ചുവിടുന്ന രീതി സര്‍ക്കാര്‍ അവസാനിപ്പിക്കണമെന്നും അദ്ദേഹം പ്രസ്താവനയില്‍ പറഞ്ഞു.

Thursday, July 4, 2013

ഉത്തരാഖണ്ഡ് പ്രളയബാധിതരെ സഹായിക്കണം -വെല്‍ഫെയര്‍ പാര്‍ട്ടി

ഉത്തരാഖണ്ഡ് പ്രളയബാധിതരെ
സഹായിക്കണം -വെല്‍ഫെയര്‍ പാര്‍ട്ടി
തിരുവനന്തപുരം: ഉത്തരാഖണ്ഡിലെ പ്രളയ ദുരിത ബാധിതരെ സഹായിക്കാന്‍ വെല്‍ഫെയര്‍ പാര്‍ട്ടി അഖിലേന്ത്യാ തലത്തില്‍ പ്രഖ്യാപിച്ച ദുരിതാശ്വാസ നിധി വിജയിപ്പിക്കാന്‍ സംസ്ഥാന എക്സിക്യൂട്ടീവ് തീരുമാനിച്ചു. പ്രളയദുരിതമനുഭവിക്കുന്ന ഗ്രാമങ്ങളില്‍ സേവനപ്രവര്‍ത്തനങ്ങളുമായി പാര്‍ട്ടി പ്രവര്‍ത്തകര്‍ രംഗത്തുണ്ട്. ജൂലൈ ആറ്, ഏഴ് ദിവസങ്ങളില്‍ കേരളത്തിലെ പാര്‍ട്ടിഘടകങ്ങള്‍ ബക്കറ്റ് കളക്ഷനിലൂടെ ഫണ്ട് സമാഹരിക്കും. യോഗത്തില്‍ കെ. അംബുജാക്ഷന്‍ അധ്യക്ഷത വഹിച്ചു.

Thursday, May 30, 2013

വെല്‍ഫെയര്‍ പാര്‍ട്ടി മുത്തങ്ങ സമര ഭൂമിയിലേക്ക് മാര്‍ച്ച് നടത്തി


വെല്‍ഫെയര്‍ പാര്‍ട്ടി മുത്തങ്ങ സമര ഭൂമിയിലേക്ക് മാര്‍ച്ച് നടത്തി

സുല്‍ത്താന്‍ ബത്തേരി: വെല്‍ഫെയര്‍ പാര്‍ട്ടി സംസ്ഥാന കമ്മിറ്റിയുടെ ആഭിമുഖ്യത്തില്‍ മുത്തങ്ങ സമരഭൂമിയിലേക്ക് മാര്‍ച്ച് നടത്തി. വനഭൂമിയില്‍ ‘വനാവകാശ നിയമപ്രകാരം ഇത് ആദിവാസികളുടെ ഭൂമി’ എന്ന ബോര്‍ഡ്  സ്ഥാപിച്ചു. 2006ലെ വനാവകാശനിയമം സംസ്ഥാനത്ത് കാര്യക്ഷമമായി നടപ്പാക്കണമെന്നും മുഴുവന്‍ ഭൂരഹിത ആദിവാസികള്‍ക്കും ഭൂമി നല്‍കണമെന്നും ആവശ്യപ്പെട്ടായിരുന്നു മാര്‍ച്ച്. പാര്‍ട്ടി സംസ്ഥാനതലത്തില്‍ സംഘടിപ്പിച്ച ഭൂപ്രക്ഷോഭത്തിന്‍െറ ഭാഗമായാണിത്.
ബുധനാഴ്ച രാവിലെ 11 മണിയോടെയാണ് മുത്തങ്ങയില്‍നിന്ന് മാര്‍ച്ച് ആരംഭിച്ചത്. കുത്തകകള്‍ക്ക് ഭൂമി വാരിക്കോരി നല്‍കാന്‍ മത്സരിക്കുന്ന ഇടതു-വലതു സര്‍ക്കാറുകള്‍ ആദിവാസികള്‍ക്ക് നല്‍കാന്‍ ഭൂമിയില്ളെന്ന് പറയുന്നത് കാപട്യമാണെന്ന് സമരക്കാര്‍ പറഞ്ഞു.  വയനാട്, കോഴിക്കോട്, കണ്ണൂര്‍, മലപ്പുറം, കാസര്‍കോട് ജില്ലകളില്‍നിന്നും പ്രവര്‍ത്തകര്‍ പങ്കെടുത്തു. പാര്‍ട്ടി സംസ്ഥാന ജനറല്‍ സെക്രട്ടറി കെ. അംബുജാക്ഷന്‍ ഉദ്ഘാടനം ചെയ്തു. സംസ്ഥാന വൈസ് പ്രസിഡന്‍റ് പ്രേമ ജി. പിഷാരടി, സംസ്ഥാന സെക്രട്ടറി റസാഖ് പാലേരി, കോഴിക്കോട് ജില്ലാ പ്രസിഡന്‍റ് പി.സി. ഭാസ്കരന്‍, ജനറല്‍ സെക്രട്ടറി പി.കെ. അബ്ദുറഹ്മാന്‍, വയനാട് ജില്ലാ പ്രസിഡന്‍റ് വി. മുഹമ്മദ് ഷെരീഫ്, ജനറല്‍ സെക്രട്ടറി വി.കെ. ബിനു, കാസര്‍കോട് ജില്ലാ പ്രസിഡന്‍റ് പ്രഫ. ടി.ടി. ജേക്കബ്, മലപ്പുറം ജില്ലാ ജനറല്‍ സെക്രട്ടറി കൃഷ്ണന്‍ കുനിയില്‍, കണ്ണൂര്‍ ജില്ലാ വൈസ് പ്രസിഡന്‍റ് പള്ളിപ്പുറം പ്രസന്നന്‍, പുത്തന്‍കുന്ന് വെള്ളച്ചി എന്നിവര്‍ മാര്‍ച്ചിന് നേതൃത്വം നല്‍കി.
തകരപ്പാടി വനാതിര്‍ത്തിയില്‍ പൊലീസ് മാര്‍ച്ച് തടഞ്ഞു. തുടര്‍ന്ന് ജോഗി സ്മൃതി മണ്ഡപ പരിസരത്ത് പ്രതിഷേധ സമ്മേളനം ചേര്‍ന്നു.

Tuesday, May 14, 2013

വൈദ്യുതി ഓഫിസ് ഉപരോധം ഇന്ന്

നിരക്ക് വര്‍ധന: വെല്‍ഫെയര്‍ പാര്‍ട്ടി വൈദ്യുതി ഓഫിസ്
ഉപരോധം ഇന്ന്

തിരുവനന്തപുരം: വെല്‍ഫെയര്‍ പാര്‍ട്ടി ചൊവ്വാഴ്ച സംസ്ഥാന വ്യാപകമായി കെ.എസ്.ഇ.ബി സെക്ഷന്‍ ഓഫിസുകള്‍ ഉപരോധിക്കും.
 ഗാര്‍ഹിക ഉപഭോക്താക്കളുടെ വൈദ്യുതി നിരക്ക് വര്‍ധന പിന്‍വലിക്കുക, വൈദ്യുതി മേഖല സ്വകാര്യവത്കരണ നീക്കം അവസാനിപ്പിക്കുക എന്നീ ആവശ്യങ്ങളുമായാണ് ഉപരോധം. സര്‍ക്കാറിന്‍െറ വൈദ്യുതി മേഖലയിലെ തെറ്റായ നയസമീപനങ്ങളുടെ ഭാരം ജനങ്ങളുടെ മേല്‍ അടിച്ചേല്‍പിക്കുന്നത്  അംഗീകരിക്കാനാവില്ല. വര്‍ഷം തോറും വൈദ്യുതി നിരക്ക് വര്‍ധിപ്പിക്കാന്‍ തീരുമാനിച്ചതിലൂടെ സാധാരണക്കാര്‍ക്ക് വൈദ്യുതി ഉപയോഗം നിഷേധിക്കാനാണ് നീക്കം. വിലകൊടുത്ത് വൈദ്യുതി വാങ്ങേണ്ടിവരുന്നത് വന്‍കിട ഉപഭോക്താക്കള്‍ക്കും വ്യവസായ മേഖലക്കും വേണ്ടിയാണ്. എന്നാല്‍ അവര്‍ക്കു മേല്‍ വരുത്തിയ നിരക്ക് വര്‍ധനയേക്കാള്‍ അഞ്ച് ശതമാനം അധികമാണ് ഗാര്‍ഹിക ഉപഭോക്താക്കള്‍ക്ക്. സര്‍ക്കാര്‍ ഇത് തിരുത്തണമെന്നതാണ്  പ്രക്ഷോഭത്തിന്‍െറ ആവശ്യം.

Thursday, April 25, 2013

ശിവഗിരിയുടെ മഹത്വത്തിനേറ്റ കളങ്കം -വെല്‍ഫെയര്‍ പാര്‍ട്ടി

ശിവഗിരിയുടെ മഹത്വത്തിനേറ്റ കളങ്കം -വെല്‍ഫെയര്‍ പാര്‍ട്ടി

തിരുവനന്തപുരം: സാമൂഹിക നവോത്ഥാനത്തിന്‍െറ ഈറ്റില്ലമായ ശിവഗിരിയിലേക്ക് നരേന്ദ്രമോഡിയെന്ന നരാധമനെ എഴുന്നള്ളിച്ചതിലൂടെ ആശ്രമത്തിന്‍െറ മഹത്വത്തെ കളങ്കപ്പെടുത്തിയെന്ന് വെല്‍ഫെയര്‍ പാര്‍ട്ടി സംസ്ഥാന ജനറല്‍ സെക്രട്ടറി കെ. അംബുജാക്ഷന്‍ കുറ്റപ്പെടുത്തി. മോഡിയെ ബഹുമാനിക്കുക വഴി ശ്രീനാരായണ ഗുരുവിനെ അപകീര്‍ത്തിപ്പെടുത്തുകയാണ് ശിവഗിരി ഭരണസമിതി ചെയ്തത്. ശ്രീനാരായണീയ പ്രസ്ഥാനങ്ങള്‍ ഇത് നേരത്തെ മനസ്സിലാക്കി ഈ അപകടത്തില്‍ നിന്ന് ശിവഗിരിയെ രക്ഷിക്കേണ്ടിയിരുന്നു. ശിവഗിരിയെയും എസ്.എന്‍.ഡി.പിയെയും രാഷ്ട്രീയ താല്‍പര്യങ്ങള്‍ക്ക് വേണ്ടി ഉപയോഗപ്പെടുത്താനുള്ള വര്‍ഗീയ ശക്തികളുടെ ഗൂഢനീക്കങ്ങളാണ് മോഡിയെ ആനയിച്ചതിന് പിന്നിലുള്ളതെന്നും പ്രസ്താവനയില്‍ പറഞ്ഞു.

Friday, March 22, 2013

മദ്യനയം തിരുത്തണം -വെല്‍ഫെയര്‍ പാര്‍ട്ടി

 മദ്യനയം തിരുത്തണം
-വെല്‍ഫെയര്‍ പാര്‍ട്ടി
കൊച്ചി: മദ്യത്തെ പ്രോത്സാഹിപ്പിക്കുന്ന സര്‍ക്കാര്‍ നയം തിരുത്തണമെന്ന് വെല്‍ഫെയര്‍ പാര്‍ട്ടി സംസ്ഥാന സമിതി വാര്‍ത്താസമ്മേളനത്തില്‍ ആവശ്യപ്പെട്ടു.  വിദേശ മദ്യത്തിന്‍െറ വില വര്‍ധിപ്പിക്കാനും വില നിര്‍ണയാധികാരം സ്വകാര്യ മദ്യ വ്യവസായികള്‍ക്ക് വിട്ടുകൊടുക്കുവാനുമുള്ള തീരുമാനത്തിലേക്കാണ് സര്‍ക്കാറിന്‍െറ പോക്ക്.
നിരന്തര സമരങ്ങള്‍ക്കും മദ്യ വിരുദ്ധ സംഘടനകളുടെ പ്രക്ഷോഭങ്ങള്‍ക്കും ശേഷമാണ് മദ്യ ഷാപ്പുകള്‍ക്ക് എന്‍.ഒ.സി നല്‍കുവാനുള്ള അധികാരം ത്രിതല പഞ്ചായത്തുകള്‍ക്ക് നല്‍കിയത്. എന്നാല്‍, ഈ അധികാരം തങ്ങള്‍ക്ക് അഴിമതി നടത്താനുള്ള ലൈസന്‍സാണെന്ന് ചിലര്‍ കരുതുന്നുവെന്നും അവര്‍ ചൂണ്ടിക്കാട്ടി.
വെല്‍ഫെയര്‍ പാര്‍ട്ടി ഉള്‍പ്പെടെയുള്ള സംഘടനകളുടെ പ്രക്ഷോഭങ്ങളെ തുടര്‍ന്നാണ് 18 പഞ്ചായത്തുകളിലും കോഴിക്കോട് കോര്‍പറേഷനിലും പുതുതായി ബാറുകള്‍ക്ക് എന്‍.ഒ.സി നല്‍കാനുള്ള തീരുമാനം പിന്‍വലിക്കാന്‍ കോഴിക്കോട് കോര്‍പറേഷന്‍ തയാറായത്. മദ്യത്തിനെതിരെ നിലപാട് സ്വീകരിക്കുന്ന സംഘടനകള്‍ മദ്യത്തിനെതിരായ സമരത്തെ  രാഷ്ട്രീയ മുദ്രാവാക്കാന്‍ സന്നദ്ധരാകണമെന്നും അവര്‍ പറഞ്ഞു.
ശനിയാഴ്ച മദ്യ വിരുദ്ധ പ്രവര്‍ത്തകരുടെ സംസ്ഥാന സംഗമം എറണാകുളം ആശീര്‍ഭവനില്‍ നടക്കും. രാവിലെ 11 മുതല്‍ വൈകുന്നേരം നാലുവരെയാണ് സംഗമം. വാര്‍ത്താസമ്മേളനത്തില്‍  സംസ്ഥാന സെക്രട്ടറി റസാഖ് പാലേരി ,ജില്ലാ പ്രസിഡന്‍റ്  സമദ് നെടുമ്പാശേരി , ജില്ലാ ജനറല്‍ സെക്രട്ടറി ജ്യോതിവാസ് പറവൂര്‍ , ജില്ലാ കമ്മിറ്റിയംഗം ഖാലിദ് മുണ്ടപ്പിള്ളി എന്നിവര്‍ പങ്കെടുത്തു.

Saturday, March 2, 2013

സര്‍ക്കാറുകളുടെ മുന്‍ഗണന കോര്‍പറേറ്റുകള്‍ക്ക് -എസ്.ക്യു.ആര്‍. ഇല്‍യാസ്

 സര്‍ക്കാറുകളുടെ മുന്‍ഗണന
കോര്‍പറേറ്റുകള്‍ക്ക് 
-എസ്.ക്യു.ആര്‍. ഇല്‍യാസ്
തിരുവനന്തപുരം: സാധാരണക്കാരന്‍െറ താല്‍പര്യങ്ങളേക്കാള്‍ കോര്‍പറേറ്റുകളുടെ ഇംഗിതങ്ങള്‍ക്കാണ് കേന്ദ്ര-സംസ്ഥാന സര്‍ക്കാറുകള്‍ മുന്‍ഗണന നല്‍കുന്നതെന്ന് വെല്‍ഫെയര്‍ പാര്‍ട്ടി ദേശീയ ജനറല്‍ സെക്രട്ടറി ഡോ. എസ്.ക്യു.ആര്‍. ഇല്‍യാസ്. ‘ജീവിക്കാന്‍ സമ്മതിക്കാത്ത ഭരണകൂടത്തിനെതിരെ ജനരോഷം’ എന്ന പ്രക്ഷോഭത്തിന്‍െറ സംസ്ഥാനതല ഉദ്ഘാടനം തിരുവനന്തപുരം പുത്തരിക്കണ്ടം മൈതാനിയില്‍ നിര്‍വഹിക്കുകയായിരുന്നു അദ്ദേഹം.
നിത്യജീവിതവുമായി ബന്ധപ്പെട്ട ആരോഗ്യ, വിദ്യാഭ്യാസ മേഖലകളില്‍നിന്ന് സര്‍ക്കാര്‍ പിന്നാക്കം പോവുകയാണ്. സ്വാതന്ത്ര്യസമരകാലത്തെ ക്ഷേമരാഷ്ട്രം എന്ന സങ്കല്‍പത്തില്‍നിന്ന് ഭരണകൂടങ്ങള്‍ പിന്‍വാങ്ങുന്നു.
 ഇതിനെതിരെ ശക്തമായ പ്രതിഷേധമുയര്‍ത്തണം. വികസനത്തിന്‍െറ പേരില്‍ ദുരിതമനുഭവിക്കുന്ന ദുര്‍ബല വിഭാഗങ്ങള്‍ക്ക് മതിയായ പുനരധിവാസമോ നഷ്ടപരിഹാരമോ നല്‍കുന്നില്ല. തുച്ഛവിലയ്ക്ക് ഭൂമി ബലമായി പിടിച്ചെടുത്ത് ഭൂമാഫിയകള്‍ക്കും കുത്തകകള്‍ക്കും കൈമാറുകയാണെന്നും അദ്ദേഹം കുറ്റപ്പെടുത്തി.
സംസ്ഥാന പ്രസിഡന്‍റ് ഡോ. കൂട്ടില്‍ മുഹമ്മദലി അധ്യക്ഷത വഹിച്ചു. സംസ്ഥാന ജനറല്‍ സെക്രട്ടറി കെ. അംബുജാക്ഷന്‍ മുഖ്യപ്രഭാഷണം നടത്തി. ദേശീയ ഉപാധ്യക്ഷന്‍ ഫാ. എബ്രഹാം ജോസഫ്, സംസ്ഥാന ജനറല്‍ സെക്രട്ടറി പി.എ. അബ്ദുല്‍ ഹക്കീം, സംസ്ഥാന വൈസ് പ്രസിഡന്‍റുമാരായ പ്രേമ ജി. പിഷാരടി, ഹമീദ് വാണിയമ്പലം എന്നിവര്‍ പ്രസംഗിച്ചു. സംസ്ഥാന സെക്രട്ടറി ശശി പന്തളം സ്വാഗതവും ജില്ലാ പ്രസിഡന്‍റ് രാജഗോപാലന്‍ നായര്‍ നന്ദിയും പറഞ്ഞു.
സമ്മേളനത്തിന് മുന്നോടിയായി ആശാന്‍ സ്ക്വയറില്‍നിന്നാരംഭിച്ച ബഹുജന മാര്‍ച്ചില്‍ ആയിരങ്ങള്‍ പങ്കെടുത്തു. വൈസ്പ്രസിഡന്‍റുമാരായ തെന്നിലാപുരം രാധാകൃഷ്ണന്‍, സുരേന്ദ്രന്‍ കരിപ്പുഴ, സംസ്ഥാന സെക്രട്ടറിമാരായ ഇ.എ. ജോസഫ്, കെ.എ. ഷഫീഖ്, ശ്രീജ നെയ്യാറ്റിന്‍കര, റസാഖ് പാലേരി, ട്രഷറര്‍ പ്രഫ. പി. ഇസ്മാഈല്‍, ജില്ലാ നേതാക്കളായ അഷ്റഫ് കല്ലറ, അബ്ദുല്‍ അസീസ്, റഷീദ് റാന്നി, മോഹന്‍ സി. മാവേലിക്കര, ഷിബു കടുത്തുരുത്തി എന്നിവര്‍ നേതൃത്വം നല്‍കി.
രണ്ടുമാസത്തെ പ്രക്ഷോഭപരിപാടിയുടെ ഭാഗമായി കേരളത്തിലുടനീളം പ്രക്ഷോഭജാഥകള്‍, സമരത്തെരുവുകള്‍, ഗൃഹസമ്പര്‍ക്ക പരിപാടി തുടങ്ങിയവ സംഘടിപ്പിക്കുമെന്ന് ഭാരവാഹികള്‍ അറിയിച്ചു.

Wednesday, February 27, 2013

വെല്‍ഫെയര്‍ പാര്‍ട്ടി പ്രക്ഷോഭത്തിന്

വെല്‍ഫെയര്‍ പാര്‍ട്ടി
പ്രക്ഷോഭത്തിന്
തിരുവനന്തപുരം: ജനജീവിതം ദുസ്സഹമാക്കുന്ന കേന്ദ്ര-സംസ്ഥാന സര്‍ക്കാറുകളുടെ ജനദ്രോഹ നടപടികള്‍ക്കെതിരെ വെല്‍ഫെയര്‍പാര്‍ട്ടി ജനകീയ പ്രക്ഷോഭത്തിന് ഒരുങ്ങുന്നു.കേന്ദ്രസര്‍ക്കാര്‍ ജനവിരുദ്ധ സമീപനങ്ങള്‍ നടപ്പാക്കിക്കൊണ്ടിരിക്കുകയാണ്. സംസ്ഥാന സര്‍ക്കാറാകട്ടെ കുടിവെള്ള വിതരണം സ്വകാര്യവത്കരിച്ചും വൈദ്യുതി മേഖലയില്‍ സ്വകാര്യവത്കരണം കൊണ്ടുവന്നും ബസ്ചാര്‍ജ് വര്‍ധിപ്പിച്ചും കെ.എസ്.ആര്‍.ടി.സിയെ തകര്‍ത്തും ജനദ്രോഹ നടപടികള്‍ ആവര്‍ത്തിക്കുന്നു.‘ജീവിക്കാന്‍ സമ്മതിക്കാത്ത ഭരണകൂടത്തിനെതിരെ ജനരോഷം’ എന്ന സമരപരിപാടിയുടെ ഭാഗമായി മാര്‍ച്ച്, ഏപ്രില്‍ മാസങ്ങളില്‍ പ്രക്ഷോഭ ജാഥകള്‍, സമരത്തെരുവുകള്‍, ഗൃഹസമ്പര്‍ക്ക പരിപാടി തുടങ്ങിയവ സംഘടിപ്പിക്കും. തൃശൂര്‍, കോഴിക്കോട് എന്നിവിടങ്ങളില്‍ പ്രതിഷേധ സംഗമങ്ങള്‍ നടത്തും.
പരിപാടിയുടെ ഉദ്ഘാടനം ഫെബ്രുവരി 28ന് തിരുവനന്തപുരം പുത്തരിക്കണ്ടം മൈതാനിയില്‍ പാര്‍ട്ടി ജനറല്‍ സെക്രട്ടറി ഡോ. എസ്.ക്യൂ.ആര്‍. ഇല്യാസ് നിര്‍വഹിക്കും. സംസ്ഥാന പ്രസിഡന്‍റ് ഡോ. കൂട്ടില്‍ മുഹമ്മദലി അധ്യക്ഷത വഹിക്കും. സംസ്ഥാന ജനറല്‍ സെക്രട്ടറി കെ.അംബുജാക്ഷന്‍, വൈസ് പ്രസിഡന്‍റ് പ്രേമ പിഷാരടി എന്നിവര്‍ സംസാരിക്കും. ഇതിനോടനുബന്ധിച്ച് പാളയം രക്തസാക്ഷിമണ്ഡപത്തില്‍ നിന്ന് ബഹുജന മാര്‍ച്ച് നടത്തുമെന്നും നേതാക്കള്‍ വാര്‍ത്താസമ്മേളനത്തില്‍ പറഞ്ഞു. സുരേന്ദ്രന്‍ കരിപ്പുഴ, കെ.എ. ഷഫീഖ്, ശ്രീജ നെയ്യാറ്റിന്‍കര, ശശി പന്തളം എന്നിവര്‍ പത്രസമ്മേളനത്തില്‍ പങ്കെടുത്തു.

Monday, February 18, 2013

സുധാകരനെ നിലക്കുനിര്‍ത്തണം -വെല്‍ഫെയര്‍ പാര്‍ട്ടി

 
സുധാകരനെ നിലക്കുനിര്‍ത്തണം
-വെല്‍ഫെയര്‍ പാര്‍ട്ടി
കോഴിക്കോട്: കോണ്‍ഗ്രസ് നേതാവും കണ്ണൂര്‍ എം.പിയുമായ കെ.സുധാകരന്‍ സൂര്യനെല്ലി പെണ്‍കുട്ടിയെ അപമാനിച്ചത് പ്രതിഷേധാര്‍ഹമാണെന്ന് വെല്‍ഫെയര്‍ പാര്‍ട്ടി സംസ്ഥാന ജനറല്‍ സെക്രട്ടറി കെ. അംബുജാക്ഷന്‍ പ്രസ്താവനയില്‍ പറഞ്ഞു. ജനപ്രതിനിധിയില്‍നിന്ന് ഉണ്ടാകാന്‍ പാടില്ലാത്തതാണ് സുധാകരനില്‍നിന്ന് സംഭവിച്ചത്. ആരെയും എന്തും പറയാന്‍ അധികാരമുണ്ടെന്ന് ധരിച്ച് നിഗളിച്ചു നടക്കുന്ന സുധാകരനെ പോലുള്ള നേതാക്കളെ മൂക്കുകയറിടാന്‍ കോണ്‍ഗ്രസ് നേതൃത്വം തയാറാകണം. പാര്‍ലമെന്‍റ് സമ്മേളനം ആരംഭിക്കുന്നതിന് മുമ്പേ കുര്യനെ എം.പി സ്ഥാനത്തു നിന്ന് മാറ്റിനിര്‍ത്തി പുനരന്വേഷണം നടത്താന്‍ കോണ്‍ഗ്രസ് നേതൃത്വം തയാറാകണമെന്നും അദ്ദേഹം കൂട്ടിച്ചേര്‍ത്തു. ഈ ആവശ്യമുന്നയിച്ച് പാര്‍ട്ടി നടത്തുന്ന പ്രക്ഷോഭ പരിപാടികളുടെ ഭാഗമായി തിങ്കളാഴ്ച വൈകുന്നേരം ജില്ലാ ആസ്ഥാനങ്ങളില്‍ പ്രതിഷേധ ജ്വാല സംഘടിപ്പിക്കുമെന്നും അദ്ദേഹം പറഞ്ഞു.

Tuesday, February 12, 2013

ജസ്റ്റിസ് ബസന്തിനെ പദവികളില്‍ നിന്ന് നീക്കണം -വെല്‍ഫെയര്‍ പാര്‍ട്ടി

ജസ്റ്റിസ് ബസന്തിനെ പദവികളില്‍
നിന്ന് നീക്കണം -വെല്‍ഫെയര്‍ പാര്‍ട്ടി
തിരുവനന്തപുരം: സൂര്യനെല്ലിയിലെ പീഡിപ്പിക്കപ്പെട്ട പെണ്‍കുട്ടി വേശ്യാവൃത്തി നടത്തുകയായിരുന്നെന്ന ജസ്റ്റിസ് ആര്‍.ബസന്തിന്‍െറ പരാമര്‍ശം നിന്ദ്യവും സ്ത്രീ സമൂഹത്തെ അപമാനിക്കലുമാണെന്ന് വെല്‍ഫെയര്‍ പാര്‍ട്ടി ജനറല്‍ സെക്രട്ടറി കെ. അംബുജാക്ഷന്‍ പ്രസ്താവനയില്‍ പറഞ്ഞു. സര്‍ക്കാര്‍ കേസുകള്‍ കൈകാര്യം ചെയ്യുന്ന പാനല്‍ ഓഫ് അഡ്വക്കറ്റ്സില്‍ നിന്ന് അദ്ദേഹത്തെ മാറ്റാന്‍ സര്‍ക്കാര്‍ തയാറാകണമെന്നും സുപ്രീം കോടതിയിലെ സീനിയര്‍ അഭിഭാഷക പദവി ബാര്‍ കൗണ്‍സില്‍ ഓഫ് ഇന്ത്യ പുന$പരിശോധിക്കണമെന്നും അദ്ദേഹം ആവശ്യപ്പെട്ടു. ജസ്റ്റിസ് ബസന്ത് കേരളീയ സമൂഹത്തോട് മാപ്പ് പറയണം. സ്ത്രീപീഡന കേസുകളില്‍ സര്‍ക്കാര്‍ കാണിക്കുന്ന അലംഭാവത്തില്‍ പ്രതിഷേധിച്ച് സമരങ്ങള്‍ക്ക് നേതൃത്വം കൊടുക്കുമെന്നും അദ്ദേഹം പറഞ്ഞു.

Tuesday, February 5, 2013

സര്‍ക്കാര്‍ നിലപാട് ധിക്കാരം -വെല്‍ഫെയര്‍ പാര്‍ട്ടി

സര്‍ക്കാര്‍ നിലപാട്
ധിക്കാരം -വെല്‍ഫെയര്‍ പാര്‍ട്ടി
കൊല്ലം: സൂര്യനെല്ലിക്കേസില്‍ പുനരന്വേഷണമില്ളെന്ന സര്‍ക്കാര്‍ നിലപാട് കേരളത്തിന്‍െറ പൊതുവികാരത്തിനെതിരായ ധിക്കാരമാണെന്ന് വെല്‍ഫെയര്‍ പാര്‍ട്ടി സംസ്ഥാന പ്രവര്‍ത്തക സമിതി പ്രസ്താവിച്ചു. സര്‍ക്കാര്‍ നിയമസാങ്കേതികത്വം പറയുന്നത് ചിലരെ രക്ഷിക്കാനാണ്. 35 പ്രതികള്‍ക്കെതിരെ പെണ്‍കുട്ടിയുടെ മൊഴി പരിഗണിക്കുകയും കുര്യന് മാത്രം അത് ബാധകമാക്കാതിരിക്കുന്നതും എന്തടിസ്ഥാനത്തിലാണ്? അന്വേഷണത്തിലെ അട്ടിമറിയെക്കുറിച്ച സുപ്രീംകോടതി നിരീക്ഷണവും ബാഹ്യ ഇടപെടലിനെക്കുറിച്ച അന്വേഷണ ഉദ്യോഗസ്ഥന്‍െറ വെളിപ്പെടുത്തലും ചോദ്യം ചെയ്യുന്നതില്‍ വന്ന വീഴ്ച പുറത്തുവന്നതും പരിഗണിച്ച് പുനരന്വേഷണത്തിന് ഉത്തരവിടാം. ആരോപണ വിധേയരെ രക്ഷിക്കാന്‍ മുഖ്യമന്ത്രിയും ആഭ്യന്തര മന്ത്രിയും ഇറങ്ങിയത് നിയമവ്യവസ്ഥയെ വെല്ലുവിളിക്കലാണ്. യോഗത്തില്‍ സംസ്ഥാന പ്രസിഡന്‍റ് ഡോ.കൂട്ടില്‍ മുഹമ്മദലി അധ്യക്ഷത വഹിച്ചു.

Thursday, January 31, 2013

പൊതുസ്ഥാപനങ്ങളെ സര്‍ക്കാര്‍ തകര്‍ക്കുന്നു -വെല്‍ഫെയര്‍ പാര്‍ട്ടി

 പൊതുസ്ഥാപനങ്ങളെ സര്‍ക്കാര്‍
തകര്‍ക്കുന്നു -വെല്‍ഫെയര്‍ പാര്‍ട്ടി 
തിരുവനന്തപുരം: അവശ്യമേഖലയില്‍ പ്രവര്‍ത്തിക്കുന്ന പൊതുസ്ഥാപനങ്ങളായ വൈദ്യുതി ബോര്‍ഡ്, കെ.എസ്.ആര്‍.ടി.സി, ജല അതോറിറ്റി എന്നിവയെ തകര്‍ത്ത് ഈ മേഖലകള്‍ സമ്പൂര്‍ണമായി സ്വകാര്യമേഖലക്ക് വിട്ടുകൊടുക്കാന്‍ കേന്ദ്ര-സംസ്ഥാന സര്‍ക്കാറുകള്‍ ശ്രമിക്കുന്നതായി വെല്‍ഫെയര്‍ പാര്‍ട്ടി ആരോപിച്ചു. സര്‍ക്കാര്‍ നിലപാടിനെതിരെ പ്രക്ഷോഭം സംഘടിപ്പിക്കുമെന്നും നേതാക്കള്‍ വാര്‍ത്താസമ്മേളനത്തില്‍ പറഞ്ഞു.
ഡീസല്‍ സബ്സിഡി പിന്‍വലിച്ചതുമൂലം പ്രതിസന്ധിയിലായ കെ.എസ്.ആര്‍.ടി.സിയെ രക്ഷിക്കാന്‍ സര്‍ക്കാര്‍ ആത്മാര്‍ഥശ്രമം നടത്തിയിട്ടില്ല. മന്ത്രിസഭാ തീരുമാനം കബളിപ്പിക്കലാണ്. ഡീസല്‍ സബ്സിഡി പുന$സ്ഥാപിക്കാന്‍ കേന്ദ്രത്തില്‍ സമ്മര്‍ദം ചെലുത്താന്‍ നിരവധി വഴിയുണ്ടായിട്ടും കത്തെഴുതി കാത്തിരിക്കയാണ്.
മന്ത്രിസ്ഥാനങ്ങള്‍ക്കും പദവികള്‍ക്കും വേണ്ടി സമ്മര്‍ദം പയറ്റുന്ന യു.ഡി.എഫിലെ ഘടകകക്ഷികള്‍  ജനങ്ങളുടെ പൊതുആവശ്യത്തിന് അതുപയോഗിക്കുന്നില്ല. ലീഗിനും കേരള കോണ്‍ഗ്രസിനും ജനങ്ങളോട് പ്രതിബദ്ധതയുണ്ടെങ്കില്‍ അവരുടെ ശക്തി ഉപയോഗിക്കണം. കെ.എസ്.ആര്‍.ടി.സിയെ ഇല്ലാതാക്കാനാണ് ചീഫ് സെക്രട്ടറിയുടെ നേതൃത്വത്തില്‍ സമിതിയെ നിയോഗിച്ചിരിക്കുന്നത്. ഡീസല്‍ വിലവര്‍ധനയുടെ സാഹചര്യം അവസരമായി ഉപയോഗിക്കാനാണ് സര്‍ക്കാര്‍ ശ്രമം. അതുകൊണ്ടാണ് സ്വകാര്യ പമ്പുകളെ ആശ്രയിക്കാന്‍ കെ.എസ്.ആര്‍.ടി.സിയെ അനുവദിക്കാത്തത്.
വൈദ്യുതി വിതരണത്തെ സ്വകാര്യവത്കരിക്കുന്ന കേന്ദ്ര സര്‍ക്കാറിന്‍െറ വായ്പാ പുന$സംഘടനാ പാക്കേജില്‍ കേരളം ഒപ്പിട്ടത് ലാഘവത്തോടെയാണ്. മുഖ്യമന്ത്രി അറിയാതെ വൈദ്യുതി മന്ത്രി കരാര്‍ ഒപ്പിടാന്‍ അനുവദിക്കില്ല. ഇത് നാടകമാണ്. വൈദ്യുതി വിതരണം സ്വകാര്യ കമ്പനികളെ ഏല്‍പിച്ച ദല്‍ഹിയില്‍ നിരക്ക് വന്‍തോതില്‍ ഉയര്‍ന്നു. 
കുടിവെള്ളത്തിന് നെട്ടോട്ടമോടുന്ന കേരളത്തില്‍ ജലവിതരണരംഗം സ്വകാര്യമേഖലക്ക് തീറെഴുതാനുള്ള നീക്കം കേരളത്തിലേക്ക് വരുന്ന സ്വകാര്യ-വിദേശ കമ്പനികള്‍ക്കു വേണ്ടിയാണ്. ഇത്രയും രൂക്ഷ പ്രതിസന്ധിയിലേക്ക് സംസ്ഥാനം പോയിട്ടും ഇടതുപക്ഷം നിഷ്ക്രിയമാണെന്നും ജനവിരുദ്ധ നയത്തിനുള്ള പരോക്ഷ പിന്തുണയാണിതെന്നും അവര്‍ പറഞ്ഞു.
സംസ്ഥാന വൈസ് പ്രസിഡന്‍റ് സുരേന്ദ്രന്‍ കരീപ്പുഴ, സെക്രട്ടറിമാരായ കെ.എ. ഷെഫീഖ്, ശ്രീജ നെയ്യാറ്റിന്‍കര എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.

Sunday, December 30, 2012

വെല്‍ഫെയര്‍ പാര്‍ട്ടി ജനകീയ കുറ്റവിചാരണയും പ്രതീകാത്മക തൂക്കിലേറ്റലും നടത്തി

വെല്‍ഫെയര്‍ പാര്‍ട്ടി ജനകീയ കുറ്റവിചാരണയും
പ്രതീകാത്മക തൂക്കിലേറ്റലും നടത്തി 
 കൊച്ചി: ദല്‍ഹിയില്‍ കൂട്ട ബലാത്സംഗത്തിനിരയായ പെണ്‍കുട്ടി മരിച്ചതിനെ തുടര്‍ന്ന് വെല്‍ഫെയര്‍ പാര്‍ട്ടി സംസ്ഥാന കമ്മിറ്റിയുടെ നേതൃത്വത്തില്‍ ജനകീയ കുറ്റവിചാരണയും പ്രതീകാത്മകമായി തൂക്കിലേറ്റുകയും ചെയ്തു. കലൂരില്‍ നടന്ന പരിപാടി പ്രേമ ജി. പിഷാരടി ഉദ്ഘാടനം ചെയ്തു. സ്ത്രീകളുടെ സുരക്ഷ ഉറപ്പാക്കാന്‍ കഴിയാത്ത ഭരണകൂടങ്ങള്‍ സ്ഥാനത്തിരിക്കാന്‍ അര്‍ഹരല്ളെന്ന് അവര്‍ പറഞ്ഞു. സ്ത്രീകളെ കച്ചവടച്ചരക്കാക്കുന്ന ആധുനിക കാലത്ത് സ്ത്രീകളോടുള്ള മനോഭാവത്തിലാണ് മാറ്റം വരേണ്ടത്. സ്ത്രീകള്‍ വെറും ശരീരമല്ളെന്നും മജ്ജയും മാംസവുമുള്ള മനുഷ്യരാണെന്ന് തിരിച്ചറിയാനും അവരെ ആദരിക്കാനും കഴിയുന്ന സമൂഹത്തിനെ ഒൗന്നത്ത്യമുണ്ടാവൂ. സ്ത്രീകള്‍ സുരക്ഷിതമല്ളെന്നത് സമൂഹത്തിന്‍െറ അധ$പതനത്തിന്‍െറ നേര്‍ചിത്രമാണെന്നും അവര്‍ പറഞ്ഞു. ഇ.സി. ആയിശ ടീച്ചര്‍, നിര്‍മല ലെനിന്‍, ചന്ദ്രിക തിരുവനന്തപുരം, ഉമാ ഉദയന്‍ എന്നിവര്‍ സംസാരിച്ചു. മിനു മുംതാസ്, റംലാ മമ്പാട്, സുലൈഖ അബ്ദുല്‍ അസീസ്, ലതിക മണി, സമീറ എം.എസ് എന്നിവര്‍ നേതൃത്വം നല്‍കി.

Saturday, December 29, 2012

വെല്‍ഫെയര്‍ പാര്‍ട്ടി പ്രക്ഷോഭ സമ്മേളനം

 വെല്‍ഫെയര്‍ പാര്‍ട്ടി പ്രക്ഷോഭ സമ്മേളനം:
നിയമത്തിന്‍െറ മറവില്‍ മഅ്ദനിയെ
ഇഞ്ചിഞ്ചായി കൊല്ലുന്നെന്ന് പിതാവ് 
കൊല്ലം: നിരപരാധിയായ അബ്ദുന്നാസിര്‍ മഅ്ദനിയെ നിയമത്തിന്‍െറ മറവില്‍ ഇഞ്ചിഞ്ചായി കൊല്ലുകയാണെന്ന് പിതാവ് അബ്ദുസ്സമദ് മാസ്റ്റര്‍. ഭരണകൂടം വിചാരിച്ചാല്‍ ഒരു പൗരനെ ഏത് കുറ്റവും ചുമത്തി എത്രകാലം വേണമെങ്കിലും ജയിലിലടയ്ക്കാം. അതിന്‍െറ ഏറ്റവും വലിയ ഉദാഹരണമാണ് മഅ്ദനി. ‘മഅ്ദനിക്ക് മോചനമാണ് വേണ്ടത്’ എന്ന ആവശ്യമുയര്‍ത്തി വെല്‍ഫെയര്‍ പാര്‍ട്ടി ചിന്നക്കട പ്രസ്ക്ളബ് മൈതാനത്ത് സംഘടിപ്പിച്ച പ്രക്ഷോഭ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. മഅ്ദനിക്ക് നീതി കിട്ടാനുള്ള പ്രവര്‍ത്തനങ്ങളില്‍ ജീവനുള്ള കാലത്തോളം താന്‍ പ്രവര്‍ത്തിക്കും. കുറ്റം ആരോപിച്ച് ജയിലിലടച്ച് ഇഞ്ചിഞ്ചായി കൊലപ്പെടുത്തുന്ന അവസ്ഥ രാജ്യത്തിന് ഗുണകരമല്ല. മനുഷ്യാവകാശ ലംഘനങ്ങള്‍ക്കെതിരെ ജനാധിപത്യമാര്‍ഗത്തില്‍ സംഘടിക്കുകയും ദുഷ്പ്രവണതകള്‍ തിരുത്താന്‍ ഭരണാധികാരികളെ പ്രേരിപ്പിക്കുകയും വേണമെന്ന് അദ്ദേഹം പറഞ്ഞു.
ആധുനിക ഇന്ത്യ കണ്ട ഏറ്റവും വലിയ മനുഷ്യാവകാശ ലംഘനമാണ് മഅ്ദനിയുടെ കാര്യത്തില്‍ സംഭവിച്ചിരിക്കുന്നതെന്ന് അധ്യക്ഷത വഹിച്ച വെല്‍ഫെയര്‍ പാര്‍ട്ടി സംസ്ഥാന ജനറല്‍ സെക്രട്ടറി കെ. അംബുജാക്ഷന്‍ പറഞ്ഞു. സാമൂഹിക നീതിക്കും പൗരാവകാശങ്ങള്‍ക്കുമായി ശബ്ദിക്കുന്നവരെ രാജ്യദ്രോഹികളായി ചിത്രീകരിക്കുന്നു. രണ്ട് ഇന്ത്യക്കാരെ വെടിവെച്ചുകൊന്നവരെ ജാമ്യത്തില്‍ ഇറ്റലിയിലേക്ക് പോകാന്‍ ഇവിടെ അവസരമൊരുക്കി. ഇറ്റലിക്കാരെ നാം വിശ്വസിക്കുമ്പോള്‍ മഅ്ദനിക്ക് ജാമ്യം നല്‍കാന്‍ വിശ്വാസമില്ളെന്ന നിലപാടിലാണ് ബന്ധപ്പെട്ടവര്‍.
ഒരു നിയമം രണ്ട് നീതി എന്ന രീതിയാണുള്ളത്. മഅ്ദനിക്ക് നീതി ലഭിക്കുന്നതിനായി കേരള നിയമസഭയുടെ സംയുക്ത സംഘം അദ്ദേഹത്തെ സന്ദര്‍ശിക്കണം. നിയമസഭ ഇക്കാര്യത്തില്‍ ഐകകണ്ഠ്യേന പ്രമേയം പാസാക്കണമെന്നും അദ്ദേഹം ആവശ്യപ്പെട്ടു.
മഅ്ദനിക്കെതിരായ ആരോപണങ്ങള്‍ കല്ലുവെച്ച നുണയാണെന്ന് ജസ്റ്റിസ് ഫോര്‍ മഅ്ദനി ഫോറം ജനറല്‍ കണ്‍വീനര്‍ എച്ച്. ഷഹീര്‍ മൗലവി പറഞ്ഞു. മഅ്ദനി വിഷയത്തില്‍ നീതി ലഭിക്കുംവരെ പോരാട്ടം തുടരുമെന്നും അദ്ദേഹം അറിയിച്ചു. സാമൂഹിക പ്രവര്‍ത്തകന്‍ സുനില്‍വെട്ടിയറ, വെല്‍ഫെയര്‍ പാര്‍ട്ടി സംസ്ഥാന വൈസ് പ്രസിഡന്‍റുമാരായ ഹമീദ് വാണിയമ്പലം, സുരേന്ദ്രന്‍ കുരീപ്പുഴ, ജില്ലാ പ്രസിഡന്‍റ് അബ്ദുല്‍ അസീസ്, ജനറല്‍ സെക്രട്ടറി കെ.ബി. മുരളി എന്നിവര്‍ സംസാരിച്ചു.

Friday, December 28, 2012

കെ.സി.ബി.സിയുടെ നിലപാട് സ്വാഗതാര്‍ഹം -വെല്‍ഫെയര്‍ പാര്‍ട്ടി

കെ.സി.ബി.സിയുടെ നിലപാട്
സ്വാഗതാര്‍ഹം -വെല്‍ഫെയര്‍ പാര്‍ട്ടി

തൃശൂര്‍: മദ്യനിരോധത്തിനുവേണ്ടി കേരള  കത്തോലിക്ക മെത്രാന്‍സഭ (കെ.സി.ബി.സി) സ്വീകരിക്കുന്ന നിലപാടുകളെ  വെല്‍ഫെയര്‍ പാര്‍ട്ടി  സംസ്ഥാന എക്സിക്യൂട്ടീവ്  അഭിനന്ദിച്ചു. മദ്യവില്‍പ്പനക്കാരില്‍ നിന്ന് സംഭാവനകള്‍ സ്വീകരിക്കുകയില്ളെന്നും  മദ്യക്കച്ചവടക്കാരെയും  മദ്യപരെയും സഭയുടെ ഒൗദ്യോഗിക സ്ഥാനങ്ങളിലേക്ക് പരിഗണിക്കില്ളെന്നുമുള്ള കെ.സി.ബി.സിയുടെ തീരുമാനം ധീരമാണ്. തിരുവനന്തപുരം ഐകഫ് സെന്‍ററില്‍ നടന്ന പാര്‍ട്ടി സംസ്ഥാന എക്സിക്യൂട്ടീവ് യോഗത്തില്‍ പ്രസിഡന്‍റ്  ഡോ.കൂട്ടില്‍ മുഹമ്മദാലി അധ്യക്ഷത വഹിച്ചു. മദ്യനിരോധത്തിന് വേണ്ടി തെരഞ്ഞെടുപ്പുകളെ പ്രയോജനപ്പെടുത്താന്‍ കെ.സി.ബി.സിയുടെ  ഭാഗത്ത് നിന്നും ശ്രമം ഉണ്ടാകണമെന്ന്  യോഗം അഭിപ്രായപ്പെട്ടു.  
കെ. അംബുജാക്ഷന്‍,പി.എ. അബ്ദുല്‍ ഹക്കീം, സുരേന്ദ്രന്‍ കരിപ്പുഴ, പ്രേമ പിഷാരടി, ഇ.എ. ജോസഫ് എന്നിവര്‍ സംസാരിച്ചു.

Tuesday, December 11, 2012

ഹാരിസണ്‍ എസ്റ്റേറ്റ് പിടിച്ചെടുത്ത് ബോര്‍ഡ് നാട്ടി

 ഭൂസംരക്ഷണ മാര്‍ച്ച്: 
വെല്‍ഫെയര്‍ പാര്‍ട്ടി
ഹാരിസണ്‍ എസ്റ്റേറ്റ് 
പിടിച്ചെടുത്ത് ബോര്‍ഡ് നാട്ടി
കല്‍പറ്റ: ഭൂരഹിതര്‍ക്ക് നല്‍കാന്‍ സംസ്ഥാനത്ത് ഇഷ്ടംപോലെ ഭൂമിയുണ്ടെന്ന് പ്രഖ്യാപിച്ച് വെല്‍ഫെയര്‍ പാര്‍ട്ടി ഓഫ് ഇന്ത്യ പ്രവര്‍ത്തകര്‍ വയനാട്ടിലെ ചുണ്ടേല്‍ ഹാരിസണ്‍സ് എസ്റ്റേറ്റ് പിടിച്ചെടുക്കല്‍ പ്രഖ്യാപനം നടത്തി ബോര്‍ഡ് സ്ഥാപിച്ചു. പാട്ടക്കാലാവധി കഴിഞ്ഞിട്ടും ഹാരിസണ്‍സ് മലയാളം ലിമിറ്റഡ് കമ്പനി സര്‍ക്കാറിന് തിരിച്ചുകൊടുക്കാത്ത ഭൂമിയില്‍ ‘ഇത് ഭൂരഹിതരുടെ ഭൂമിയാണ്’ എന്ന ബോര്‍ഡാണ് സ്ഥാപിച്ചത്.
കഴിഞ്ഞമാസം സെക്രട്ടേറിയറ്റിന് മുന്നില്‍ നടത്തിയ ഭൂസംരക്ഷണ മാര്‍ച്ചോടെ തുടങ്ങിയ സമരത്തിന്‍െറ രണ്ടാം ഘട്ടമായാണ് നൂറുകണക്കിന് പ്രവര്‍ത്തകര്‍ ചുണ്ടേല്‍ ടൗണില്‍നിന്ന് എസ്റ്റേറ്റിലേക്ക് മാര്‍ച്ച് നടത്തിയത്. എസ്റ്റേറ്റ് കവാടത്തില്‍ പൊലീസ് തടഞ്ഞു.
ഭൂരഹിതരായ ആദിവാസികളിലെ ഭൂരിപക്ഷമായ പണിയ വിഭാഗത്തിന്‍െറ പ്രതിനിധി വെള്ളച്ചി, പാര്‍ട്ടി സംസ്ഥാന ജന. സെക്രട്ടറി കെ. അംബുജാക്ഷന്‍ എന്നിവര്‍ ചേര്‍ന്നാണ് ബോര്‍ഡ് സ്ഥാപിച്ചത്.
നേരത്തേ ചുണ്ടേല്‍ ടൗണില്‍ നടന്ന പൊതുസമ്മേളനം സംസ്ഥാന വൈസ് പ്രസിഡന്‍റ് ഹമീദ് വാണിയമ്പലം ഉദ്ഘാടനം ചെയ്തു. മാഫിയകള്‍ കൈവശപ്പെടുത്തിയ മുഴുവന്‍ ഭൂമിയും തിരിച്ചുപിടിച്ച് ഭൂരഹിതര്‍ക്ക് വിതരണം ചെയ്യുംവരെ പിന്മടക്കമില്ലാത്ത സമരത്തിനാണ് പാര്‍ട്ടി തുടക്കം കുറിച്ചിരിക്കുന്നതെന്ന് അദ്ദേഹം പറഞ്ഞു. അരുകിലാക്കപ്പെട്ട ജനതക്കു താങ്ങായി അടിവേരുള്ള വൃക്ഷമായി പാര്‍ട്ടിനിലകൊള്ളും. ഭൂമിപ്രശ്നത്തില്‍ ഇടതുപക്ഷവും വലതുപക്ഷവും മാഫിയകളുമായി ഒത്തുകളിക്കുകയാണ്. ഒരു തുണ്ട് ഭൂമിക്കായി മുത്തങ്ങയില്‍ സമരംചെയ്ത ആദിവാസികളെ വെടിവെച്ച യു.ഡി.എഫിനും ഘടകകക്ഷികള്‍ക്കും ഭൂസമരം ചെയ്യാന്‍ അര്‍ഹതയില്ല. ചെങ്ങറയില്‍ പാവപ്പെട്ട ആദിവാസികള്‍ സമരംചെയ്തപ്പോള്‍ അധിക്ഷേപിക്കുകയും തീവ്രവാദ മുദ്രകുത്തുകയും ചെയ്ത എല്‍.ഡി.എഫിനും ഘടകകക്ഷികള്‍ക്കും ഇതിന് അര്‍ഹതയില്ല. ആദിവാസികളും ദലിതരും ഭൂമി ചോദിച്ചാല്‍ തീവ്രവാദവും ഭീകരവാദവുമായി ചിത്രീകരിക്കുന്നു. എന്നാല്‍, കുത്തകകള്‍ ഭൂമി കൈയടക്കുന്നു. തുച്ഛമായ തുകക്ക് ഭൂമി വര്‍ഷങ്ങളായി കൈവശംവെച്ച കുത്തകകള്‍ അതിന്‍െറ പാട്ടകുടിശ്ശിക പോലും നല്‍കുന്നില്ല. എന്നിട്ടും ഭൂമി സര്‍ക്കാര്‍ ഏറ്റെടുക്കുന്നില്ല. വര്‍ഷങ്ങളായി അധികാരത്തിലിരിക്കുകയും ഏറെക്കാലം റവന്യൂ വകുപ്പ് കൈകാര്യം ചെയ്യുകയും ചെയ്ത സി.പി.എം ഇപ്പോള്‍ ഭൂസമരം നടത്തുന്നത് പാര്‍ട്ടിയിലെ പ്രതിസന്ധി മറികടക്കാനാണ്. കുത്തകകള്‍ക്ക് അനുകൂലമായ ഭൂനയമാണ് യു.ഡി.എഫ് സര്‍ക്കാറിന്‍േറത്.
ഭൂരഹിതര്‍ക്ക് നല്‍കാന്‍ ഭൂമിയില്ല എന്ന സര്‍ക്കാര്‍ ന്യായം അടിസ്ഥാന രഹിതമാണ്. ഇത്തരം ഭൂമി കാണിച്ചുകൊടുക്കുകയാണ് വെല്‍ഫെയര്‍ പാര്‍ട്ടി ഇപ്പോള്‍ ചെയ്യുന്നതെന്നും നടപടിയില്ളെങ്കില്‍ കുടില്‍കെട്ടി സമരമടക്കം നടത്തുമെന്നും ഹമീദ് വാണിയമ്പലം മുന്നറിയിപ്പ് നല്‍കി. സംസ്ഥാന കമ്മിറ്റിയംഗം റസാഖ് പാലേരി സ്വാഗതം പറഞ്ഞു. സംസ്ഥാന വൈസ് പ്രസിഡന്‍റ് സുരേന്ദ്രന്‍ കരിപ്പുഴ അധ്യക്ഷത വഹിച്ചു. സംസ്ഥാന ജനറല്‍ സെക്രട്ടറി കെ. അംബുജാക്ഷന്‍ മുഖ്യപ്രഭാഷണം നടത്തി. സംസ്ഥാന വൈസ് പ്രസിഡന്‍റ് പ്രേമ പിഷാരടി, കോഴിക്കോട്, കാസര്‍കോട്, വയനാട് ജില്ലാ പ്രസിഡന്‍റുമാരായ പി.സി. ഭാസ്കരന്‍, പ്രഫ. എം.എന്‍. ജേക്കബ്, വി. മുഹമ്മദ് ശരീഫ്, സംസ്ഥാന കമ്മിറ്റിയംഗങ്ങളായ ജോണ്‍സണ്‍ നെല്ലിക്കുന്ന്, ശശി പന്തളം, ബിനു വയനാട് എന്നിവര്‍ സംസാരിച്ചു.

Tuesday, December 4, 2012

കൈയേറിയ വനഭൂമി തിരിച്ചുപിടിക്കണം

 കൈയേറിയ വനഭൂമി
തിരിച്ചുപിടിക്കണം
-വെല്‍ഫെയര്‍ പാര്‍ട്ടി
തിരുവനന്തപുരം:  വനഭൂമി സ്വകാര്യവ്യക്തികള്‍ കൈയേറ്റം നടത്തിയതായി കേന്ദ്ര -വനം പരിസ്ഥിതി മന്ത്രാലയത്തിന്‍െറ റിപ്പോര്‍ട്ട് കേരളത്തില്‍ നടന്ന വനംകൈയേറ്റത്തിന്‍െറ ബാക്കിപത്രമാണെന്നും കൈയേറ്റക്കാരെ ഒഴിപ്പിച്ച് ഭൂമി വീണ്ടെടുക്കാന്‍ സംസ്ഥാന സര്‍ക്കാര്‍ തയാറാകണമെന്നും വെല്‍ഫെയര്‍പാര്‍ട്ടി സംസ്ഥാന എക്സിക്യൂട്ടീവ് ആവശ്യപ്പെട്ടു.
സംസ്ഥാന സര്‍ക്കാര്‍ നല്‍കിയ വിവരങ്ങളുടെ അടിസ്ഥാനത്തിലാണ് കേന്ദ്രം റിപ്പോര്‍ട്ട് തയാറാക്കിയത്. ഇതിന്‍െറ അടിസ്ഥാനത്തില്‍ ഭൂമി വനം വകുപ്പ് നിജപ്പെടുത്തി കൈയേറ്റക്കാര്‍ക്ക് നോട്ടീസ് നല്‍കണം.  ദേശീയാടിസ്ഥാനത്തില്‍ നടക്കുന്ന ഊര്‍ജിത വനവത്കരണത്തെ അട്ടിമറിക്കുന്ന ശക്തികള്‍ കേരളത്തില്‍ സജീവമാണ്. അവരെ മറികടന്ന് വനഭൂമി ഏറ്റെടുക്കാന്‍ സംസ്ഥാന സര്‍ക്കാര്‍ ഇച്ഛാശക്തി കാണിക്കണം. സുരേന്ദ്രന്‍ കരിപ്പുഴ അധ്യക്ഷത വഹിച്ചു.

Tuesday, November 20, 2012

ഇന്ത്യ ഇടപെടണം -വെല്‍ഫെയര്‍ പാര്‍ട്ടി

 ഇന്ത്യ ഇടപെടണം
-വെല്‍ഫെയര്‍ പാര്‍ട്ടി
തിരുവനന്തപുരം: എല്ലാ നിയമങ്ങളെയും അവഗണിച്ച് ഗസ്സയില്‍ ഇസ്രായേല്‍ നടത്തിക്കൊണ്ടിരിക്കുന്ന മനുഷ്യക്കുരുതി അവസാനിപ്പിക്കാന്‍ ഇന്ത്യ ഇടപെടണമെന്ന് വെല്‍ഫെയര്‍ പാര്‍ട്ടി സംസ്ഥാന എക്സിക്യൂട്ടീവ് ആവശ്യപ്പെട്ടു.
നയതന്ത്ര സമ്മര്‍ദങ്ങളിലൂടെ ഇസ്രായേല്‍ അതിക്രമത്തെ ചെറുക്കാന്‍  ഇന്ത്യ മുന്നിട്ടിറങ്ങണം.  അമേരിക്കന്‍ സമ്മര്‍ദത്തിന് കീഴടങ്ങിയതുകൊണ്ടാണോ കേന്ദ്രസര്‍ക്കാര്‍ മൗനം പാലിക്കുന്നതെന്ന് സംശയിക്കണം.
ഇസ്രായേലിന്‍െറ കൂട്ടക്കുരുതിയില്‍ പ്രതിഷേധിച്ച് ചൊവ്വാഴ്ച ജില്ലാ കേന്ദ്രങ്ങളില്‍ പ്രകടനങ്ങള്‍ സംഘടിപ്പിക്കും. യോഗത്തില്‍ വൈസ് പ്രസിഡന്‍റ് സുരേന്ദ്രന്‍ കരിപ്പുഴ അധ്യക്ഷത വഹിച്ചു.

Monday, November 19, 2012

ബാര്‍ ലൈസന്‍സ് അനുവദിക്കരുത് -വെല്‍ഫെയര്‍ പാര്‍ട്ടി

ബാര്‍ ലൈസന്‍സ് അനുവദിക്കരുത് 
-വെല്‍ഫെയര്‍ പാര്‍ട്ടി
തിരുവനന്തപുരം: സംസ്ഥാനത്ത് 30 ഹോട്ടലുകള്‍ക്ക് കൂടി ബാര്‍ ലൈസന്‍സ് അനുവദിക്കാനുള്ള നടപടികളില്‍നിന്ന് സര്‍ക്കാര്‍ പിന്മാറണമെന്ന് വെല്‍ഫെയര്‍ പാര്‍ട്ടി സംസ്ഥാന ജനറല്‍ സെക്രട്ടറി കെ. അംബുജാക്ഷന്‍ പ്രസ്താവനയില്‍ ആവശ്യപ്പെട്ടു.