ഇഫ്താര്‍ സംഗമം

ഇഫ്താര്‍ സംഗമം

പിലാത്തറ: ടി.ഐ.ടി ഗ്രൂപ് ഓഫ് ഇന്‍സ്റ്റിറ്റ്യൂഷന്‍െറ ആഭിമുഖ്യത്തില്‍ വിളയങ്കോട് വാദിസ്സലാം കാമ്പസില്‍ ഇഫ്താര്‍ സംഗമം സംഘടിപ്പിച്ചു. ജമാഅത്തെ ഇസ്ലാമി ജില്ലാ പ്രസിഡന്‍റ് യു.പി. സിദ്ദീഖ് മാസ്റ്റര്‍ ഇഫ്താര്‍ സന്ദേശം നല്‍കി. ടി.ഐ.ടി വൈസ് ചെയര്‍മാന്‍ എസ്.എ.പി. അബ്ദുസ്സലാം സംഗമം ഉദ്ഘാടനം ചെയ്തു. ടി.ഐ.ടി ജനറല്‍ സെക്രട്ടറി എ. മുഹമ്മദ് കുഞ്ഞി അധ്യക്ഷത വഹിച്ചു. മത്സര വിജയികള്‍ക്ക് കാമ്പസ് മാനേജര്‍ എം.വി.പി. മഹമൂദ് സമ്മാനങ്ങള്‍ വിതരണം ചെയ്തു. സി.എം. വേണുഗോപാല്‍, രഞ്ജിത്ത്,   വി.വി. രാജേഷ്, സിസ്റ്റര്‍ സാലി, ജമാല്‍ കടന്നപ്പള്ളി, രമേശന്‍ , സി.കെ. മുനവ്വിര്‍, സമീര്‍ കൊടിയില്‍ എന്നിവര്‍ സംസാരിച്ചു.

പരിസ്ഥിതി സംരക്ഷണ റാലി നടത്തി.

പരിസ്ഥിതി സംരക്ഷണ റാലി

വാദിഹുദ പ്രോഗ്രസീവ് ഇംഗ്ളീഷ് സ്കൂള്‍ പരിസ്ഥിതി ക്ളബ് പഴയങ്ങാടി ടൗണില്‍ പരിസ്ഥിതി സംരക്ഷണ റാലി നടത്തി.  
വാദിഹുദ കാമ്പസില്‍ നടന്ന സെമിനാറില്‍ പയ്യന്നൂര്‍ കോളജ് സുവോളജി വിഭാഗം തലവന്‍ ഡോ.സ്വരന്‍ പരിസ്ഥിതി ദിന സന്ദേശം നല്‍കി. പ്രിന്‍സിപ്പല്‍ പി.കെ.മുഹമ്മദ് സാജിദ് നദ്വി അധ്യക്ഷത വഹിച്ചു.   ടി.ഐ.ടി ട്രസ്റ്റ് സെക്രട്ടറി എ.മുഹമ്മദ് കുഞ്ഞി വൃക്ഷത്തൈ നട്ടു. 
അധ്യാപകരായ എം.പി.അസീസ്, ഒ.പി.രൂപ, എന്‍.ശ്രീനി, ഷീബ, എന്‍.എസ്.സതി, പി.വി.നിത്യ, അസ്ഹര്‍ അബ്ദുറഹിമാന്‍ എന്നിവര്‍ നേതൃത്വം നല്‍കി.

അപേക്ഷ ക്ഷണിച്ചു

 അപേക്ഷ ക്ഷണിച്ചു

പഴയങ്ങാടി: ടി.ഐ.ടി ഗ്രൂപ്പിന്‍െറ പുതിയ സംരംഭമായ വാദിഹുദാ ഇസ്ലാമിക് അക്കാദമിയിലേക്ക് ഹയര്‍ സെക്കന്‍ഡറി, ഡിഗ്രി, ഡിപ്ളോമ കോഴ്സുകളിലേക്ക് അപേക്ഷ ക്ഷണിച്ചു. പെണ്‍കുട്ടികള്‍ക്ക് മാത്രമുള്ള കാമ്പസ് മുട്ടത്താണ് സജ്ജീകരിച്ചിരിക്കുന്നത്.
ഹയര്‍ സെക്കന്‍ഡറി തലത്തില്‍ കോമേഴ്സ്, ഹ്യുമാനിറ്റീസ്, അഫ്ദലുല്‍ ഉലമ (പ്രിലിമിനറി) എന്നീ കോഴ്സുകളും ഡിഗ്രി തലത്തില്‍ ബി.കോം, ബി.എ ഇംഗ്ളീഷ്, ബി.എ അറബിക് എന്നീ കോഴ്സുകളുമാണുള്ളത്. കൂടുതല്‍ വിവരങ്ങള്‍ക്ക് ഫോണ്‍: 0497-2875165, 8129010152.

വാദിഹുദ ഇസ്ലാമിക് അക്കാദമി ഉദ്ഘാടനം

 വാദിഹുദ ഇസ്ലാമിക്
അക്കാദമി ഉദ്ഘാടനം

പഴയങ്ങാടി. ടി.ഐ.ടി ഗ്രൂപ് ഓഫ് ഇന്‍സ്റ്റിറ്റ്യൂഷന്‍െറ കീഴില്‍ മുട്ടം വാദിനൂര്‍ കാമ്പസില്‍ ആരംഭിച്ച വാദിഹുദ ഇസ്ലാമിക് അക്കാദമിയുടെ ഉദ്ഘാടനം തിരുവനന്തപുരം പാളയം പള്ളി ഇമാം മൗലവി ജമാലൂദ്ദീന്‍ മങ്കട നിര്‍വഹിച്ചു. തുടര്‍ന്ന് നടന്ന സമ്മേളനം ടി.വി. രാജേഷ് എം.എല്‍.എ ഉദ്ഘാടനം  ചെയ്തു.
ടി.ഐ.ടി വൈസ് ചെയര്‍മാന്‍ എസ്.എ.പി. അബ്ദുസ്സലാം അധ്യക്ഷത വഹിച്ചു. സി.പി. മുഹമ്മദ് ശഫീഖ്, ജി.ഐ.ഒ സംസ്ഥാന പ്രസിഡന്‍റ് പി. റുക്സാന, അബ്ദുല്‍ അസീസ് പുതിയങ്ങാടി എന്നിവര്‍ സംസാരിച്ചു.
ടി.ഐ.ടി സെക്രട്ടറി എ. മുഹമ്മദ് കുഞ്ഞി സ്വാഗതവും ഇഖ്ബാല്‍ മാസ്റ്റര്‍ നന്ദിയും പറഞ്ഞു. തുടര്‍ന്ന് നടന്ന പൂര്‍വ വിദ്യാര്‍ഥി സംഗമം ഗള്‍ഫ് മാധ്യമം എഡിറ്റര്‍ വി.കെ. ഹംസ അബ്ബാസ് ഉദ്ഘാടനം ചെയ്തു. 

WIA

വാദിഹുദ മെറിറ്റ് കം-മീന്‍സ് സ്കോളര്‍ഷിപ്

വാദിഹുദ മെറിറ്റ് കം-മീന്‍സ് സ്കോളര്‍ഷിപ്

പിലാത്തറ: വിളയാങ്കോട്ടെ വിറാസ് കോളജ് പ്ളസ് ടു പരീക്ഷയില്‍ ഉയര്‍ന്ന മാര്‍ക്ക് നേടി ജയിച്ച സാമ്പത്തികമായി പിന്നാക്കം നില്‍ക്കുന്ന അനാഥകളും അഗതികളുമായ വിദ്യാര്‍ഥികള്‍ക്ക് ബിരുദപഠനത്തിന് സ്കോളര്‍ഷിപ് നല്‍കുന്നു. ബി.എസ്സി ഫിസിക്സ്, ബി.എസ്സി സൈക്കോളജി, ബി.കോം  വിത്ത് കമ്പ്യൂട്ടര്‍ ആപ്ളിക്കേഷന്‍, ബി.സി.എ കോഴ്സുകളിലേക്കാണ് സ്കോളര്‍ഷിപ് നല്‍കുന്നത്. സ്കോളര്‍ഷിപ്പിനുള്ള അപേക്ഷാഫോറം കോളജില്‍ ലഭ്യമാണ്. താല്‍പര്യമുള്ളവര്‍ കോളജ് ഓഫിസുമായി ബന്ധപ്പെടണമെന്ന് പ്രിന്‍സിപ്പല്‍ അറിയിച്ചു. ഫോണ്‍: 0497 2800614.

ADMISSION

വാദിഹുദ പൂര്‍വ വിദ്യാര്‍ഥി സംഗമം

 വാദിഹുദ പൂര്‍വ വിദ്യാര്‍ഥി സംഗമം

ദുബൈ: ദൈവിക പ്രാതിനിധ്യം കൂടി വളര്‍ത്തിയെടുക്കുന്ന വിദ്യാഭ്യാസം കൊണ്ടേ ഉത്തമ വ്യക്തിയെയും ഉന്നത സമൂഹത്തെയും സൃഷ്ടിക്കാന്‍ സാധിക്കുകയുള്ളൂവെന്ന് ‘ഗള്‍ഫ് മാധ്യമം’ ചീഫ് എഡിറ്റര്‍ വി.കെ. ഹംസ അബ്ബാസ് അഭിപ്രായപ്പെട്ടു. പഴയങ്ങാടി വാദിഹുദ പൂര്‍വ വിദ്യാര്‍ഥികളുടെയും രക്ഷിതാക്കളുടെയും സംഗമം ഉദ്ഘാടനം ചെയ്യുകയായിരുന്നു അദ്ദേഹം.
മനുഷ്യാസ്ഥിത്വത്തിന്‍െറ പ്രസക്തി തന്നെ ദൈവത്തിന്‍െറ പ്രതിനിധിയായി അവനെ അയച്ചുവെന്നതാണ്. ഈ ഗുണം നഷ്ടപ്പെടുമ്പോഴാണ് അവന്‍ മൃഗീകരിക്കപ്പെടുന്നത്. ആധുനിക ലോകം കണ്ടത്തെിയ വിദ്യാഭ്യാസ-മാനേജ്മെന്‍റ് രീതികള്‍ ഖുര്‍ആനികാധ്യാപനങ്ങളുടെ പ്രസക്തി അടയാളപ്പെടുത്തുന്നതാണ്. വിജ്ഞാനവും വിവേകവും സക്രിയതയും ആര്‍ജിച്ചെടുക്കലായിരിക്കണം വിദ്യാഭ്യാസത്തിന്‍െറ ലക്ഷ്യം. അറിവ് പകര്‍ന്നുകൊടുക്കുന്നിടത്ത് കേരളത്തില്‍ വാദിഹുദയെ പോലുള്ള ഇസ്ലാമിക വിദ്യാഭ്യാസ സ്ഥാപനങ്ങള്‍ പതിറ്റാണ്ടുകള്‍ക്ക് മുമ്പ് വിഭാവനം ചെയ്ത പഠനരീതി വലിയ ചലനങ്ങളുണ്ടാക്കി.  33 വര്‍ഷം മുമ്പ് ആരംഭിച്ച വാദിഹുദക്ക് കീഴില്‍ ഇപ്പോള്‍ 13 കലാലയങ്ങളുണ്ട്. ജീവകാരുണ്യ പ്രവര്‍ത്തനങ്ങള്‍ക്കുള്ള കേന്ദ്രവും ആരംഭിച്ചതായി വാദിഹുദ ചെയര്‍മാന്‍ കൂടിയായ ഹംസ അബ്ബാസ് പറഞ്ഞു. ‘രക്ഷിതാക്കള്‍ നേരിടുന്ന മൂന്ന് വെല്ലുവിളികള്‍’ എന്ന വിഷയത്തില്‍ വിദഗ്ധ കൗണ്‍സിലര്‍ സംഗീത് ഇബ്രാഹിം ക്ളാസ് നയിച്ചു. അക്കാദമിക് ഡയറക്ടര്‍ മുഹമ്മദ് സാജിദ് അധ്യക്ഷത വഹിച്ചു. എസ്.കെ അബ്ദുല്ല സ്വാഗതവും എസ്.എല്‍.പി റഫീഖ് നന്ദിയും പറഞ്ഞു.
ജസീം അബ്ദുല്‍ കരീം ഖിറാഅത്ത് നടത്തി. വാദിഹുദ അലുംനി ഫോറം ഭാരവാഹികള്‍: വി.കെ. ഹംസ അബ്ബാസ് (മുഖ്യരക്ഷാധികാരി), എസ്.പി. അബ്ദുറഹ്മാന്‍ (രക്ഷാധികാരി), എം.പി ഹാറൂണ്‍ (പ്രസി.), ടി.കെ. നസീര്‍ (വൈസ് പ്രസി.), ഷക്കീബ് അഹ്മദ് (സെക്രട്ടറി).

WANTED

പ്രോഗ്രസീവ് ഇംഗ്ളീഷ് സ്കൂളിന് നൂറുമേനി

മജ്ലിസ് പൊതുപരീക്ഷ:
പ്രോഗ്രസീവ് ഇംഗ്ളീഷ് സ്കൂളിന് നൂറുമേനി

പഴയങ്ങാടി: മജ്ലിസ് വിദ്യാഭ്യാസ ബോര്‍ഡ് സംസ്ഥാന തലത്തില്‍ നടത്തിയ പൊതുപരീക്ഷയില്‍ പ്രോഗ്രസീവ് ഇംഗ്ളീഷ് സ്കൂളിന് നൂറുമേനി. പ്രൈമറി, സെക്കന്‍ഡറി തലങ്ങളില്‍ പരീക്ഷയെഴുതിയ മുഴുവന്‍ വിദ്യാര്‍ഥികളും ഉയര്‍ന്ന മാര്‍ക്കോടെ വിജയിച്ചു. സംസ്ഥാനതലത്തില്‍ ഏറ്റവും ഉയര്‍ന്ന മാര്‍ക്കുനേടിയ കെ.തസ്നീം, റജിയ റഷീദ് എന്നിവര്‍ പ്രോഗ്രസീവ് ഇംഗ്ളീഷ് സ്കൂളിലെ ഒമ്പതാം തരം വിദ്യാര്‍ഥികളാണ്. പ്രൈമറി തലത്തിലും നൂറു ശതമാനം വിജയം നേടി. പ്രിന്‍സിപ്പല്‍ ഒലിപ്പില്‍ നിയാസ്, മാനേജ്മെന്‍റ്, സ്റ്റാഫ് പ്രതിനിധികള്‍ എന്നിവര്‍ വിജയികളെ അനുമോദിച്ചു.

വിളയാങ്കോട് കാരുണ്യനികേതന്‍ ചാമ്പ്യന്മാര്‍

സാമൂഹികക്ഷേമ വകുപ്പ് കണ്ണൂരില്‍ നടത്തിയ കായികമേളയില്‍ ജേതാക്കളായ വിളയാങ്കോട് കാരുണ്യനികേതന്‍ ബധിര വിദ്യാലയ ടീം.

 

 

 

 ലോക വികലാംഗ ദിനാചരണത്തിന്‍െറ ഭാഗമായി കണ്ണൂര്‍ പൊലീസ് മൈതാനിയില്‍ നടന്ന കായികമത്സരത്തില്‍നിന്ന്.

വികലാംഗ കായികമേള: 

വിളയാങ്കോട്  കാരുണ്യനികേതന്‍ 

ചാമ്പ്യന്മാര്‍

കണ്ണൂര്‍: ലോക വികലാംഗ ദിനാചരണത്തിന്‍െറ ഭാഗമായി സാമൂഹികക്ഷേമ വകുപ്പ് കണ്ണൂരില്‍ നടത്തിയ കായികമേളയില്‍ വിളയാങ്കോട് കാരുണ്യനികേതന്‍ ഓവറോള്‍ ചാമ്പ്യന്മാരായി. 102 പോയന്‍റ് നേടിയാണ് കാരുണ്യനികേതന്‍ ജേതാക്കളായത്. പട്ടുവം സെന്‍റ് തെരേസാസ് സ്പെഷല്‍ സ്കൂളിലെ വിജിന വ്യക്തിഗത ചാമ്പ്യന്‍പട്ടം കരസ്ഥമാക്കി.
മത്സരഫലങ്ങള്‍ (ഒന്നും
രണ്ടും സ്ഥാനം നേടിയവര്‍)
50 മീറ്റര്‍ ഓട്ടം-സബ്ജൂനിയര്‍ (ആണ്‍): അദ്നാന്‍-കാരുണ്യനികേതന്‍ വിളയാങ്കോട്, നിഹാല്‍-കാരുണ്യനികേതന്‍ വിളയാങ്കോട്50 മീ. ഓട്ടം-സബ്ജൂനിയര്‍ (പെണ്‍): സി.എച്ച്. മുബഷീറ-കാരുണ്യനികേതന്‍ വിളയാങ്കോട്, പി.ആര്‍. ഗ്രീഷ്മ-കാരുണ്യനികേതന്‍ വിളയാങ്കോട്
100 മീ. ഓട്ടം-ജൂനിയര്‍ (ആണ്‍): നിജാദ് റഹ്മാന്‍-കാരുണ്യനികേതന്‍ വിളയാങ്കോട്, മിഥുന്‍-കാരുണ്യനികേതന്‍ വിളയാങ്കോട്
100 മീ. ഓട്ടം-ജൂനിയര്‍ (പെണ്‍): സൈനബ-കാരുണ്യനികേതന്‍ വിളയാങ്കോട്, അനുശ്രീ-കാരുണ്യനികേതന്‍ വിളയാങ്കോട്100 മീ. ഓട്ടം-സീനിയര്‍ (ആണ്‍): ശ്യാം-കാരുണ്യനികേതന്‍ വിളയാങ്കോട്, അബ്ദുല്‍ റഹീം-കാരുണ്യനികേതന്‍ വിളയാങ്കോട്100 മീ. ഓട്ടം-സീനിയര്‍ (പെണ്‍): ജെയ്മോള്‍, രതിഷ-കാരുണ്യനികേതന്‍ വിളയാങ്കോട്
ലമണ്‍ ആന്‍ഡ് സ്പൂണ്‍ റെയ്സ്-ജൂനിയര്‍ (ആണ്‍): മിഥുന്‍-കാരുണ്യനികേതന്‍ വിളയാങ്കോട്, മുഹമ്മദ് അര്‍ഫത്ത്-കാരുണ്യനികേതന്‍ വിളയാങ്കോട്
ലമണ്‍ ആന്‍ഡ് സ്പൂണ്‍ റെയ്സ്-ജൂനിയര്‍ (പെണ്‍): അനുശ്രീ-കാരുണ്യനികേതന്‍ വിളയാങ്കോട്, സൈനബ-കാരുണ്യനികേതന്‍ വിളയാങ്കോട്ലമണ്‍ ആന്‍ഡ് സ്പൂണ്‍ റെയ്സ്-സീനിയര്‍ (ആണ്‍): യൂനുസ്-കാരുണ്യനികേതന്‍ വിളയാങ്കോട്, യു.വി. രാജേഷ്-കാരുണ്യനികേതന്‍ വിളയാങ്കോട്ലമണ്‍ ആന്‍ഡ് സ്പൂണ്‍ റെയ്സ്-സീനിയര്‍ (പെണ്‍): ജെയ്മോള്‍, പി.വി. ശ്രുതി-എ.കെ.വി.എഫ് നായാട്ടുപാറ.
ടവല്‍ ചെയര്‍ പ്ളേ-ജൂനിയര്‍ (ആണ്‍): ഹേമന്ത്-കാരുണ്യനികേതന്‍ വിളയാങ്കോട്, മുഹമ്മദ് നസീം-കാരുണ്യനികേതന്‍ വിളയാങ്കോട്.
ടവല്‍ ചെയര്‍ പ്ളേ-ജൂനിയര്‍ (പെണ്‍): സഫൂറ-കാരുണ്യനികേതന്‍ വിളയാങ്കോട്, സൈനബ-കാരുണ്യനികേതന്‍ വിളയാങ്കോട്
ടവല്‍ ചെയര്‍ പ്ളേ-സീനിയര്‍ (ആണ്‍): റഹീം-കാരുണ്യനികേതന്‍ വിളയാങ്കോട്, രാജേഷ്ടവല്‍ ചെയര്‍ പ്ളേ-സീനിയര്‍ (പെണ്‍): ജെയ്മോള്‍, സബിന-ശാന്തിദീപം ചാല

Courtesy: Madhyamam

പ്രവൃത്തി പരിചയമേളയില്‍ കാരുണ്യനികേതന് മികവ്

പ്രവൃത്തി പരിചയമേളയില്‍
കാരുണ്യനികേതന് മികവ്

വിളയാങ്കോട്: കോഴിക്കോട് നടന്ന 16ാമത് സംസ്ഥാന പ്രവൃത്തിപരിചയമേളയില്‍ കാരുണ്യനികേതന്‍ ബധിര വിദ്യാലത്തിന് മികച്ച ജയം. യു.പി വിഭാഗം ഫാബ്രിക് പെയിന്‍റിങ്ങില്‍ (വെജിറ്റബിള്‍) ഏഴാംതരം വിദ്യാര്‍ഥി അഹമ്മദ് റഫീഖ് എ ഗ്രേഡോടെ ഒന്നാംസ്ഥാനം നേടി. കഴിഞ്ഞ വര്‍ഷം പാലക്കാട് നടന്ന സംസ്ഥാന പ്രവൃത്തി പരിചയമേളയില്‍ ഇതേ ഇനത്തില്‍ രണ്ടാംസ്ഥാനം അഹമ്മദ് റഫീഖിനായിരുന്നു. ബുക് ബൈന്‍ഡിങ് മത്സരയിനത്തില്‍ യു.പി വിഭാഗത്തില്‍ മുഹമ്മദ് അറഫാത്ത് രണ്ടാംസ്ഥാനവും ബീഡ്സ് വര്‍ക്ക് ഇനത്തില്‍ എ.ടി. ശമീല്‍ മൂന്നാംസ്ഥാനവും നേടി. ഹൈസ്കൂള്‍ വിഭാഗത്തില്‍ പത്താംതരം വിദ്യാര്‍ഥി പി.സി.പി. മുഹമ്മദ് അല്‍ത്താഫ് വെജിറ്റബിള്‍ പ്രിന്‍റിങ്ങില്‍ മൂന്നാംസ്ഥാനം കരസ്ഥമാക്കി.
ഹൈസ്കൂള്‍ വിഭാഗത്തില്‍ എ ഗ്രേഡ് നേടിയവര്‍: വി.വി. ശ്യാം (ബുക് ബൈന്‍ഡിങ്), പി.എം. അഖില്‍ (കാര്‍ഡ് ആന്‍ഡ് സ്ട്രോ ബോര്‍ഡ് വര്‍ക്), മുഹമ്മദ് നസീം (ക്ളേ മോഡലിങ്), എന്‍.ആര്‍. അനുശ്രീ (എംബ്രോയിഡറി), സൈനബ (എച്ച്.എസ് വിഭാഗം ഗാര്‍മെന്‍റ് മേക്കിങ് എ ഗ്രേഡ്). വിജയികളെ കാരുണ്യനികേതന്‍ സ്റ്റാഫ് കൗണ്‍സിലും മാനേജ്മെന്‍റും അഭിനന്ദിച്ചു.

മൂല്യാധിഷ്ഠിത വിദ്യാഭ്യാസം കാലഘട്ടത്തിന് അനിവാര്യം -മന്ത്രി കെ.സി. ജോസഫ്

 

 

 മൂല്യാധിഷ്ഠിത വിദ്യാഭ്യാസം കാലഘട്ടത്തിന്
അനിവാര്യം -മന്ത്രി കെ.സി. ജോസഫ്

പഴയങ്ങാടി: വിദ്യാഭ്യാസ രംഗത്തെ മൂല്യവത്കരണമാണ് കാലഘട്ടത്തിന്‍െറ ആവശ്യമെന്ന് ഗ്രാമവികസന മന്ത്രി കെ.സി. ജോസഫ് പറഞ്ഞു. പഴയങ്ങാടി വാദിഹുദ കാമ്പസില്‍ നിര്‍മിച്ച മാത്സ് ലാബ് ഉദ്ഘാടനം ചെയ്യുകയായിരുന്നു അദ്ദേഹം. ഈ ആവശ്യത്തിലൂന്നി വിദ്യാഭ്യാസം ലക്ഷ്യമായി കാണുന്ന പ്രസ്ഥാനങ്ങള്‍ പ്രവര്‍ത്തിക്കണമെന്നും അദ്ദേഹം പറഞ്ഞു.
ടി.ഐ.ടി ഗ്രൂപ്പ് ഓഫ് ഇന്‍സ്റ്റിട്ട്യൂഷന്‍ ചെയര്‍മാനും ഗള്‍ഫ് മാധ്യമം എഡിറ്ററുമായ വി.കെ. ഹംസ അബ്ബാസ് അധ്യക്ഷത വഹിച്ചു. വിവിധ പരീക്ഷകളില്‍ ഉന്നത വിജയം നേടിയ വിദ്യാര്‍ഥികള്‍ക്കും വിവിധ മേഖലകളില്‍ പ്രശസ്ത സേവനം നല്‍കിയവര്‍ക്കും മന്ത്രി കെ.സി. ജോസഫ് അവാര്‍ഡുകള്‍ വിതരണം ചെയ്തു. മാടായി ഗ്രാമപഞ്ചായത്ത്  പ്രസിഡന്‍റ് രാജമ്മ തച്ചന്‍, പ്രോഗ്രസീവ് സീനിയര്‍ സെക്കന്‍ഡറി ഇംഗ്ളീഷ് സ്കൂള്‍ പി.ടി.എ പ്രസിഡന്‍റ് മഹ്മൂദ് വാടിക്കല്‍, വാദിഹുദ ഹയര്‍സെക്കന്‍ഡറി സ്കൂള്‍ പി.ടി.എ പ്രസിഡന്‍റ് മുഹമ്മദ് റഫീഖ്, എന്‍.ഐ.ഐ.ടി ഓപറേഷന്‍ ഹെഡ് കെ. ബിജു എന്നിവര്‍ സംസാരിച്ചു. അക്കാദമിക് ഡയറക്ടര്‍ പി.കെ. മുഹമ്മദ് സാജിദ് നദ്വി സ്വാഗതവും പ്രിന്‍സിപ്പല്‍ ഒലിപ്പില്‍ നിയാസ് നന്ദിയും പറഞ്ഞു.

പ്രോഗ്രസിവ് ഇംഗ്ളീഷ് സ്കൂള്‍ വാദിഹുദ ചാമ്പ്യന്മാര്‍

 പ്രോഗ്രസിവ് ഇംഗ്ളീഷ് സ്കൂള്‍ വാദിഹുദ ചാമ്പ്യന്മാര്‍

കൊടിയത്തൂര്‍: വിദ്യാ കൗണ്‍സില്‍ ഫോര്‍ എജുക്കേഷന്‍ ഉത്തരമേഖലാ ഇന്‍റര്‍ സ്കൂള്‍ വോളിബാള്‍ ടൂര്‍ണമെന്‍റ്-12 കൊടിയത്തൂര്‍ വാദിറഹ്മ ഇംഗ്ളീഷ് സ്കൂള്‍ ഗ്രൗണ്ടില്‍ നടന്നു. കൊടുവള്ളി സര്‍ക്കിള്‍ ഇന്‍സ്പെക്ടര്‍ ഇ. സുനില്‍കുമാര്‍ ടൂര്‍ണമെന്‍റ് ഉദ്ഘാടനം ചെയ്തു. വിദ്യാ കൗണ്‍സില്‍ സെക്രട്ടറി എസ്. ഖമറുദ്ദീന്‍ അധ്യക്ഷത വഹിച്ചു. അമല്‍ ഇംഗ്ളീഷ് സ്കൂള്‍ ചമ്മണ്ണൂര്‍ തൃശൂരിനെ പരാജയപ്പെടുത്തി പ്രോഗ്രസിവ് ഇംഗ്ളീഷ് സ്കൂള്‍ വാദിഹുദ കണ്ണൂര്‍ ചാമ്പ്യന്മാരായി.മുക്കം എ.ഇ.ഒ കെ.ടി. അബ്ദുസ്സലാം വിജയികള്‍ക്കുള്ള ട്രോഫികള്‍ വിതരണം ചെയ്തു. വിദ്യാ കൗണ്‍സില്‍ ജോ. സെക്രട്ടറി മഞ്ചറ മുഹമ്മദലി അധ്യക്ഷത വഹിച്ചു. വൈസ് പ്രിന്‍സിപ്പല്‍ കെ.എച്ച്. ഹാഫിഷ് സ്വാഗതവും പ്രോഗ്രാം കണ്‍വീനര്‍ ടി. ബാബുരാജന്‍ മാസ്റ്റര്‍ നന്ദിയും പറഞ്ഞു.

ഫലസ്തീന്‍ ഐക്യദാര്‍ഢ്യറാലി നടത്തി

ഫലസ്തീന്‍ ഐക്യദാര്‍ഢ്യറാലി നടത്തി

പഴയങ്ങാടി: ഫലസ്തീന്‍ ജനതക്ക് ഐക്യദാര്‍ഢ്യം പ്രഖ്യാപിച്ച് വിദ്യാര്‍ഥികള്‍ പഴയങ്ങാടിയില്‍ പ്രകടനം നടത്തി. വാദിഹുദ കാമ്പസിലെ 1200ല്‍പരം വിദ്യാര്‍ഥികളാണ് റാലിയില്‍ പങ്കെടുത്തത്. രാവിലെ 10ന് ആരംഭിച്ച റാലി പഴയങ്ങാടി നഗരം ചുറ്റി കാമ്പസില്‍ സമാപിച്ചു.
യുദ്ധ വിരുദ്ധ പ്ളക്കാര്‍ഡുകളും ഗസ്സയിലെ ഭീകര ദൃശ്യങ്ങള്‍ പകര്‍ത്തിയ ചിത്രങ്ങളും വിദ്യാര്‍ഥികള്‍ കൈയിലേന്തി. ജനിച്ച മണ്ണില്‍ ജിവിക്കാനുള്ള ഫലസ്തീനികളുടെ പോരാട്ടത്തിന് ഐക്യദാര്‍ഢ്യം പ്രകടിപ്പിച്ചു.
വാദിഹുദ മാനേജര്‍ എ. മുഹമ്മദ് കുഞ്ഞി, അക്കാദമിക് ഡയറക്ടര്‍ പി.കെ. മുഹമ്മദ് സാജിദ് നദ്വി, പ്രിന്‍സിപ്പല്‍ പി.കെ. മുസ്തഫ, ആര്‍.സി. പവിത്രന്‍, ബാബു മാസ്റ്റര്‍, പി.ടി.എ. പ്രസിഡന്‍റ് മഹ്മൂദ് വാടിക്കല്‍, മുസ്തഫ ഇബ്രാഹിം, ഹെഡ്മാസ്റ്റര്‍ വി.സി. ഇക്ബാല്‍ എന്നിവര്‍ നേതൃത്വം നല്‍കി.

വാദിഹുദ പ്രൈവറ്റ് ഐ.ടി.ഐക്ക് മികച്ച ജയം

വാദിഹുദ പ്രൈവറ്റ്
ഐ.ടി.ഐക്ക് മികച്ച ജയം

പഴയങ്ങാടി: തഅ്ലീമുല്‍ ഇസ്ലാം ട്രസ്റ്റിന് കീഴില്‍ പ്രവര്‍ത്തിക്കുന്ന വാദിഹുദ പ്രൈവറ്റ്  ഐ.ടി.ഐയില്‍നിന്ന്  ഡ്രാഫ്റ്റ്സ്മാന്‍ സിവില്‍ ട്രേഡില്‍ അഖിലേന്ത്യാ പരീക്ഷ എഴുതിയ മുഴുവന്‍ പേരും മെക്കാനിക് മോട്ടോര്‍ വെഹിക്കിള്‍ ട്രേഡില്‍ 80 ശതമാനം വിദ്യാര്‍ഥികളും ജയിച്ചു. അധ്യാപകരെയും വിദ്യാര്‍ഥികളെയും ട്രസ്റ്റ് വൈസ് ചെയര്‍മാന്‍ എസ്.എ.പി. അബ്ദുസ്സലാം, പ്രിന്‍സിപ്പല്‍ ടി.പി. ഷാഹുല്‍ ഹമീദ് എന്നിവര്‍ അഭിനന്ദിച്ചു.

പ്രസംഗമത്സരം

 പ്രസംഗമത്സരം

പയ്യന്നൂര്‍: സ്വാതന്ത്ര്യദിനാഘോഷ ഭാഗമായി വിളയാങ്കോട് വിറാസും ഫോക്ലോര്‍ അക്കാദമിയും ഡോ. സുകുമാര്‍ അഴീക്കോട് സ്മാരക അന്തര്‍കലാലയ പ്രസംഗമത്സരം സംഘടിപ്പിച്ചു. പ്രിന്‍സിപ്പല്‍ പി. മുഹമ്മദ് ഇഖ്ബാല്‍ ഉദ്ഘാടനം ചെയ്തു. യൂനിയന്‍ ചെയര്‍മാന്‍ വി.വി. മുനവ്വിര്‍ അധ്യക്ഷത വഹിച്ചു. പ്രഫ. ജുനൈദ്, പ്രഫ. മുരളീധരന്‍ എന്നിവര്‍ സംസാരിച്ചു. പ്രോഗ്രാം കണ്‍വീനര്‍ ആര്‍.സി. പ്രദീപന്‍ സ്വാഗതവും ജന. സെക്രട്ടറി യൂനുസ് സലീം നന്ദിയും പറഞ്ഞു.
13 കോളജുകളില്‍നിന്നായി 25ഓളം വിദ്യാര്‍ഥികള്‍ പങ്കെടുത്ത മത്സരത്തില്‍ നിര്‍മലഗിരിയിലെ ആല്‍ബിയ തോമസ് ഒന്നാംസ്ഥാനത്തിനര്‍ഹയായി. ക്രസന്‍റ് കോളജ് ഫാര്‍മസ്യൂട്ടിക്കല്‍ പഴയങ്ങാടിയിലെ മുഹമ്മദ് സ്വാലിഹ് രണ്ടാംസ്ഥാനവും ഡോണ്‍ബോസ്കോ ആര്‍ട്സ് കോളജിലെ അനുപമ സെബാസ്റ്റ്യന്‍ മൂന്നാംസ്ഥാനവും കരസ്ഥമാക്കി.
വൈകീട്ട് നടന്ന സമ്മാനദാന ചടങ്ങ് വിറാസ് അക്കാദമിക് ഡയറക്ടര്‍ സാജിദ് നദ്വി ഉദ്ഘാടനം ചെയ്തു. പ്രിന്‍സിപ്പല്‍ മുഹമ്മദ് ഇഖ്ബാല്‍ അധ്യക്ഷത വഹിച്ചു. ഫോക്ലോര്‍ അക്കാദമി ചെയര്‍മാന്‍ പ്രഫ. ബി. മുഹമ്മദ് അഹമ്മദ് സമ്മാനദാനം നിര്‍വഹിച്ചു. മാധ്യമം കണ്ണൂര്‍ ബ്യൂറോ ചീഫ് സൂപ്പി വാണിമേല്‍, വി.വി. മുനവ്വിര്‍ എന്നിവര്‍ സംസാരിച്ചു. അപര്‍ണ സ്വാഗതവും റിഷാന നന്ദിയും പറഞ്ഞു.

ക്ളബ് ഉദ്ഘാടനം

ക്ളബ് ഉദ്ഘാടനം

പഴയങ്ങാടി: പ്രോഗ്രസിവ് ഇംഗ്ളീഷ് സ്കൂളിലെ 2012-13 വര്‍ഷത്തെ ക്ളബ് പ്രവര്‍ത്തനങ്ങളുടെ ഉദ്ഘാടനം സാഹിത്യകാരന്‍ പയ്യന്നൂര്‍ കുഞ്ഞിരാമന്‍ മാസ്റ്റര്‍ നിര്‍വഹിച്ചു. പ്രിന്‍സിപ്പല്‍ ഒലിപ്പില്‍ നിയാസ് അധ്യക്ഷത വഹിച്ചു. സ്കൂള്‍ ലീഡര്‍ ശമ്മാസ് സ്വാഗതവും സഫ ഹാരിഫ് നന്ദിയും പറഞ്ഞു.

സീറ്റൊഴിവ്

 സീറ്റൊഴിവ്

പഴയങ്ങാടി: വാദിഹുദ കാമ്പസില്‍ പ്രവര്‍ത്തിക്കുന്ന ഇസ്ലാമിക് കോംപ്ളക്സ് പ്രൈവറ്റ് ഐ.ടി.ഐയില്‍ പട്ടികജാതി/പട്ടികവര്‍ഗ വിഭാഗത്തിന് സംവരണം ചെയ്ത ഡ്രാഫ്റ്റ്സ്മാന്‍ സിവില്‍ ട്രേഡില്‍ രണ്ടും മെക്കാനിക് മോട്ടോര്‍ വെഹ്ക്കിള്‍ ട്രേഡില്‍ ഒന്നും സീറ്റുകള്‍ ഒഴിവുണ്ട്.
 താല്‍പര്യമുള്ളവര്‍ ആഗസ്റ്റ് ആറിന് 10 മണിക്ക് സര്‍ട്ടിഫിക്കറ്റുകള്‍ സഹിതം ഓഫിസില്‍ ഹാജരാകണം. ഫോണ്‍: 0497 2870485.

സീറ്റൊഴിവ്

സീറ്റൊഴിവ്

പിലാത്തറ: കണ്ണൂര്‍ സര്‍വകലാശാലയുടെ കീഴിലുള്ള വിളയാങ്കോട് വിറാസ് കോളജില്‍ ബി.എസ്സി ഫിസിക്സ്, ബി.എസ്സി സൈക്കോളജി വിഭാഗങ്ങളില്‍ സീറ്റൊഴിവുണ്ട്. താല്‍പര്യമുള്ളവര്‍ സര്‍ട്ടിഫിക്കറ്റുകളുമായി ജൂലൈ 31ന് നേരിട്ട് ഹാജരാവണമെന്ന് പ്രിന്‍സിപ്പല്‍ അറിയിച്ചു. ഫോണ്‍. 04972800614.