ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----
Showing posts with label GIO. Show all posts
Showing posts with label GIO. Show all posts

Tuesday, July 23, 2013

ശിരോവസ്ത്രം: ജി.ഐ.ഒ പരാതി നല്‍കി

 ശിരോവസ്ത്രം: 
ജി.ഐ.ഒ പരാതി നല്‍കി
കൊല്ലം: ശിരോവസ്ത്ര സ്വാതന്ത്ര്യം അനുവദിക്കാത്ത വിദ്യാഭ്യാസ സ്ഥാപനങ്ങള്‍ക്കെതിരെ നിയമനടപടിസ്വീകരിക്കണമെന്നാവശ്യപ്പെട്ട് ഗേള്‍സ് ഇസ്ലാമിക് ഓര്‍ഗനൈസേഷന്‍ (ജി.ഐ.ഒ) ഭാരവാഹികള്‍ മനുഷ്യാവകാശ കമീഷന്‍ സിറ്റിങ്ങില്‍ കമീഷന്‍ അംഗം ആര്‍. നടരാജന് പരാതി നല്‍കി.
ശിരോവസ്ത്രമണിഞ്ഞ് സ്കൂളില്‍ പോകാനാഗ്രഹിക്കുന്ന പെണ്‍കുട്ടികള്‍ക്ക് വിദ്യാഭ്യാസം നിഷേധിക്കുന്ന നിലപാടാണ് ചില മാനേജ്മെന്‍റുകള്‍ സ്വീകരിക്കുന്നതെന്ന് പരാതിയില്‍ ചൂണ്ടിക്കാട്ടുന്നു. ശിരോവസ്ത്രനിരോധത്തിലൂടെ വിദ്യാഭ്യാസം നിഷേധിക്കുക വഴി കടുത്ത മനുഷ്യാവകാശ ലംഘനത്തിനാണ് മുസ്ലിം പെണ്‍കുട്ടികള്‍ ഇരയാകുന്നതെന്ന് പരാതിയില്‍ പറയുന്നു.
കേവലം ചില സ്കൂളുകളില്‍ മാത്രമൊതുങ്ങുന്നതല്ല ഈ പ്രശ്നമെന്ന് ആവര്‍ത്തിക്കുന്ന സംഭവങ്ങള്‍ വ്യക്തമാക്കുന്നതായും പരാതിയില്‍ പറയുന്നു. പരാതിയുടെ അടിസ്ഥാനത്തില്‍ സംസ്ഥാന വിദ്യാഭ്യാസ വകുപ്പ് സെക്രട്ടറിയോട് മനുഷ്യാവകാശ കമീഷന്‍ വിശദീകരണം ആവശ്യപ്പെട്ടെന്നാണറിയുന്നത്. ജി.ഐ.ഒ സംസ്ഥാന കമ്മിറ്റിയംഗം സഹ്ല, ജില്ലാ കമ്മിറ്റിയംഗം ലുബൈന എന്നിവരാണ് പരാതി നല്‍കിയത്.

Wednesday, July 3, 2013

ശിരോവസ്ത്ര പ്രശ്നത്തില്‍ വിദ്യാഭ്യാസമന്ത്രി നിലപാട് വ്യക്തമാക്കണം -ആരിഫലി

 
ശിരോവസ്ത്ര പ്രശ്നത്തില്‍ വിദ്യാഭ്യാസമന്ത്രി
നിലപാട് വ്യക്തമാക്കണം -ആരിഫലി
തിരുവനന്തപുരം: മുസ്ലിം പെണ്‍കുട്ടികളുടെ ശിരോവസ്ത്ര പ്രശ്നത്തില്‍ വിദ്യാഭ്യാസമന്ത്രി പി.കെ. അബ്ദുറബ്ബ് നിലപാട് വ്യക്തമാക്കണമെന്ന് ജമാഅത്തെ ഇസ്ലാമി സംസ്ഥാന അമീര്‍ ടി. ആരിഫലി. മുസ്ലിം ലീഗ് നേതൃത്വത്തിന്‍െറ നിലപാടറിയാനും ജനങ്ങള്‍ക്ക് താല്‍പര്യമുണ്ട്. സ്കൂളുകളില്‍ മുസ്ലിം പെണ്‍കുട്ടികള്‍ ശിരോവസ്ത്രം ധരിക്കുന്നത് സംബന്ധിച്ച് പൊതുവിദ്യാഭ്യാസ വകുപ്പ് പുറത്തിറക്കിയ സര്‍ക്കുലര്‍ പിന്‍വലിക്കണമെന്നാവശ്യപ്പെട്ട് സോളിഡാരിറ്റി, എസ്.ഐ.ഒ, ജി.ഐ.ഒ സംഘടനകള്‍ നടത്തിയ സെക്രട്ടേറിയറ്റ് ധര്‍ണ ഉദ്ഘാടനം ചെയ്യുകയായിരുന്നു അദ്ദേഹം.
ഭരണഘടനാ അവകാശത്തിനായി പൊരുതുന്നത് രാജ്യദ്രോഹമാണെന്ന് പറയുന്നവര്‍ക്കൊപ്പമാണോ അതോ ഭരണഘടന ഉറപ്പ് നല്‍കുന്ന അവകാശത്തിനൊപ്പമാണോ മന്ത്രിയെന്നാണ് അറിയേണ്ടത്. വിവാദ സര്‍ക്കുലര്‍ പുറപ്പെടുവിച്ചത് മന്ത്രിയുടെ അറിവോടെയല്ളെങ്കില്‍ ബന്ധപ്പെട്ട ഉദ്യോഗസ്ഥരെ മാറ്റിനിര്‍ത്തണം. ദേശീയധാരക്ക് എതിരുനില്‍ക്കുന്നവരാണ് മുസ്ലിംകളെന്ന് വരുത്തിത്തീര്‍ക്കാനാണ് ശ്രമം. ചില സ്കൂളുകളില്‍ ശിരോവസ്ത്രം ധരിക്കാന്‍ അനുവാദം നല്‍കുന്നില്ളെന്ന് പറയുന്ന റിപ്പോര്‍ട്ട് തന്നെയാണ് അത് ധരിക്കാനുള്ള അവകാശത്തിനുവേണ്ടി സംസാരിക്കുന്ന സംഘടനകളെ കരുതിയിരിക്കണമെന്ന് നിര്‍ദേശിക്കുന്നത്. റിപ്പോര്‍ട്ട് നല്‍കിയവര്‍ രാജ്യത്തിന്‍െറ മുന്നേറ്റത്തിന് എതിരുനില്‍ക്കുന്നവരും ചാരപ്പണി നടത്തുന്നവരുമാണ്. രാജ്യത്തെ പ്രബല ന്യൂനപക്ഷ വിഭാഗമായ മുസ്ലിംകള്‍ക്ക് സംരക്ഷണം നല്‍കാന്‍ കഴിയുന്നില്ളെങ്കില്‍ അത് ചോദ്യം ചെയ്യപ്പെടണം. ഇന്ത്യയിലെ രഹസ്യാന്വേഷണ ഏജന്‍സികള്‍ മതങ്ങളെയും ജനങ്ങളെയും തമ്മിലടിപ്പിക്കുകയാണ്. ജനങ്ങളെ പരസ്പരം സംശയത്തിന്‍െറ നിഴലില്‍ നിര്‍ത്തുകയല്ല, സമാധാനപരമായ സഹവര്‍ത്തിത്വമാണ് ആവശ്യമെന്നും അദ്ദേഹം പറഞ്ഞു.
ജനാധിപത്യവും മുസ്ലിം പെണ്‍കുട്ടികളുടെ മതസ്വാതന്ത്ര്യവും തമ്മിലെ സംഘര്‍ഷമാണ് വിവാദ സര്‍ക്കുലറിലൂടെ  സൃഷ്ടിക്കപ്പെട്ടതെന്ന് മാധ്യമ നിരൂപകന്‍ ഭാസുരേന്ദ്ര ബാബു പറഞ്ഞു. പൗരന്മാരുടെ ഇ-മെയില്‍ ചോര്‍ത്തി ഉമ്മന്‍ചാണ്ടി സര്‍ക്കാര്‍ തുടങ്ങിവെച്ച മുസ്ലിംവിരുദ്ധതയുടെ തുടര്‍ച്ചയാണ് സര്‍ക്കുലറിലൂടെ പുറത്തുവന്നിരിക്കുന്നതെന്ന് അധ്യക്ഷത വഹിച്ച സോളിഡാരിറ്റി സംസ്ഥാന പ്രസിഡന്‍റ് ടി. മുഹമ്മദ് വേളം പറഞ്ഞു.
ശിരോവസ്ത്രം അഴിച്ചുവെച്ചാല്‍ മാത്രമേ പൊതുസമൂഹത്തില്‍ സ്വീകാര്യത ലഭിക്കൂ എന്ന കപട മതേതരവാദക്കാര്‍ക്കുമുന്നില്‍ അഭിമാനം പണയം വെക്കാന്‍ മുസ്ലിം പെണ്‍കുട്ടികള്‍ തയാറല്ളെന്ന് വിവാദ സര്‍ക്കുലര്‍ കത്തിച്ചുകൊണ്ട് സംസാരിച്ച ജി.ഐ.ഒ പ്രസിഡന്‍റ് പി. റുക്സാന പറഞ്ഞു. മുസ്ലിം പെണ്‍കുട്ടികളുടെ വിവാഹപ്രായം സംബന്ധിച്ച് സര്‍ക്കുലര്‍ ചര്‍ച്ച ചെയ്ത രാഷ്ട്രീയ സാമൂഹിക സംഘടനകള്‍ എന്തുകൊണ്ട് ശിരോവസ്ത്ര സര്‍ക്കുലറിനെപ്പറ്റി ചര്‍ച്ച ചെയ്യുന്നില്ളെന്ന് എസ്.ഐ.ഒ പ്രസിഡന്‍റ് എസ്.ഇര്‍ഷാദ് പറഞ്ഞു. അഡ്വ.കെ.പി. മുഹമ്മദ്, എം.പി. സാജു, പി.ഐ. നൗഷാദ്, കൂട്ടിക്കട അഷ്റഫ്, ഷഫീര്‍ഷാ, സാദിഖ് ഉളിയില്‍ എന്നിവര്‍ സംസാരിച്ചു. പാളയം രക്തസാക്ഷി മണ്ഡപത്തിനുമുന്നില്‍ നിന്നാരംഭിച്ച പ്രകടനത്തിന് അമീര്‍ കണ്ടല്‍, സക്കീര്‍ നേമം, അമീന എന്നിവര്‍ നേതൃത്വം നല്‍കി.

Monday, July 1, 2013

കാന്തപുരത്തിന്‍െറ പ്രസ്താവന പ്രതിഷേധാര്‍ഹം - ജി.ഐ.ഒ കേരള

കാന്തപുരത്തിന്‍െറ പ്രസ്താവന
പ്രതിഷേധാര്‍ഹം - ജി.ഐ.ഒ കേരള
കോഴിക്കോട്: മുസ്ലിം പെണ്‍കുട്ടികളുടെ വിവാഹ രജിസ്ട്രേഷനുമായി ബന്ധപ്പെട്ട വിവാദങ്ങള്‍ക്കൊടുവില്‍ വിവാഹപ്രായത്തെ വഴിപിഴക്കലുമായി കൂട്ടിച്ചേര്‍ത്ത് കാന്തപുരം എ.പി. അബൂബക്കര്‍ മുസ്ലിയാര്‍ നടത്തിയ അഭിപ്രായ പ്രകടനത്തെ ജി.ഐ.ഒ സംസ്ഥാന സെക്രട്ടേറിയറ്റ് അപലപിച്ചു.
വിദ്യാഭ്യാസപരമായി മുസ്ലിം പെണ്‍കുട്ടികള്‍ ഉയര്‍ന്നു നില്‍ക്കുന്ന കാലത്ത്  മതപുരോഹിതന്മാര്‍ ഇത്തരത്തിലുള്ള വിവാദ പരാമര്‍ശങ്ങള്‍ നടത്തുന്നത് അംഗീകരിക്കാനാവില്ളെന്ന്  യോഗം കൂട്ടിച്ചേര്‍ത്തു.

Sunday, June 23, 2013

ഇന്‍റലിജന്‍സ് റിപ്പോര്‍ട്ട് പിന്‍വലിക്കണം -ജി.ഐ.ഒ

ഇന്‍റലിജന്‍സ് റിപ്പോര്‍ട്ട്
പിന്‍വലിക്കണം -ജി.ഐ.ഒ
കോഴിക്കോട്: മതസ്വാതന്ത്ര്യവുമായി ബന്ധപ്പെട്ട ശിരോവസ്ത്ര വിഷയം ചോദ്യം ചെയ്ത സംഘടനകളെ മതമൗലിക വാദികളായും വര്‍ഗീയസ്പര്‍ധ വളര്‍ത്തുന്നവരായും ചിത്രീകരിക്കാനുള്ള അധികാരികളുടെ ശ്രമം അപലപനീയമാണെന്ന് ജി.ഐ.ഒ സെക്രട്ടേറിയേറ്റ് അഭിപ്രായപ്പെട്ടു. വിദ്യാഭ്യാസ തൊഴില്‍ സ്ഥാപനങ്ങള്‍ക്കുള്ളില്‍  മഫ്ത ധരിച്ച കുട്ടികളുടെ ആത്മാഭിമാനത്തെയും വിശ്വാസ സ്വാതന്ത്ര്യത്തെയും ഹനിക്കുന്നത്  ജനാധിപത്യ സമൂഹത്തിന്  ലജ്ജാകരമാണ്. ശിരോവസ്ത്ര നിരോധമുള്ള സ്കൂള്‍ മാനേജ്മെന്‍റുകള്‍ക്ക് മൗനാനുവാദം നല്‍കുന്നതാണ് ഐ.ബി റിപ്പോര്‍ട്ട്. വിദ്യാഭ്യാസ അധികാരികളുടെ പേരിലിറങ്ങിയ സര്‍ക്കുലര്‍ തങ്ങളുടെ ശ്രദ്ധയില്‍ പെട്ടിട്ടില്ളെന്ന ഗവണ്‍മെന്‍റിന്‍െറ വിശദീകരണത്തിന് പിന്നിലും ഒളി അജണ്ടയുണ്ടെന്നും സെക്രട്ടേറിയറ്റ് കുറ്റപ്പെടുത്തി.

Wednesday, June 12, 2013

‘സ്ത്രീകള്‍ അബലകളെന്ന ധാരണ തിരുത്തണം’

‘സ്ത്രീകള്‍ അബലകളെന്ന 
ധാരണ തിരുത്തണം’
മട്ടന്നൂര്‍: സ്ത്രീകള്‍ അബലകളെന്ന സമൂഹത്തിന്‍െറ ധാരണ തിരുത്താന്‍, വിശുദ്ധിയും തന്‍േറടവും ഉയര്‍ത്തിപ്പിടിച്ച് ജീവിക്കാന്‍ സ്ത്രീകള്‍ക്ക് കഴിയണമെന്ന് കെ.കെ. സുബൈദ ടീച്ചര്‍ അഭിപ്രായപ്പെട്ടു. ജി.ഐ.ഒ ഇരിട്ടി ഏരിയ സംഘടിപ്പിച്ച സ്ത്രീ സുരക്ഷാ ക്യാമ്പ് ഉദ്ഘാടനം ചെയ്യുകയായിരുന്നു അവര്‍. ഏരിയാ പ്രസിഡന്‍റ് എം.കെ. ശബ്ന അധ്യക്ഷത വഹിച്ചു. സി. ഹസ്ന, എ.കെ. ബഫ്ലാസ്, പി.വി. സാബിറ ടീച്ചര്‍, ഷഹനാസ് ഇരിക്കൂര്‍ എന്നിവര്‍  സംസാരിച്ചു.

Wednesday, June 5, 2013

വായനദിന മത്സരം

 വായനദിന മത്സരം
കോഴിക്കോട്: ജി.ഐ.ഒ കേരളയുടെ ആഭിമുഖ്യത്തില്‍ വായനദിനത്തോടനുബന്ധിച്ച്  ഹൈസ്കൂള്‍ - ഹയര്‍ സെക്കന്‍ഡറി വിദ്യാര്‍ഥിനികള്‍ക്കായി ക്വിസ് മത്സരം നടത്തുന്നു.
രണ്ടു ഘട്ടങ്ങളിലായാണ് മത്സരം നടത്തുക. ജൂണ്‍ 19ന് നടക്കുന്ന സ്കൂള്‍തലമത്സരത്തില്‍ 30ശതമാനം ചോദ്യങ്ങള്‍ നിര്‍ദേശിക്കുന്ന പുസ്തകങ്ങളില്‍നിന്നും മറ്റുള്ളവ കലാസാഹിത്യസാംസ്കാരിക ശാസ്ത്രമേഖലയില്‍ നിന്നുമായിരിക്കും. സ്ഥാപനതല മത്സത്തില്‍നിന്ന് വിജയികളാകുന്ന ഒന്നും രണ്ടും സ്ഥാനക്കാരെ ജൂണ്‍ 30ന് നടക്കുന്ന രണ്ടാംഘട്ട മത്സരത്തില്‍ പങ്കെടുപ്പിക്കും. കൂടുതല്‍ വിവരങ്ങള്‍ക്ക്  0495- 2721655, 8714244698

‘മഫ്ത’ വിഷയത്തില്‍ തിരുത്തല്‍ നടപടി സ്വാഗതാര്‍ഹം -ജി.ഐ.ഒ

 
‘മഫ്ത’ വിഷയത്തില്‍ തിരുത്തല്‍ നടപടി
സ്വാഗതാര്‍ഹം -ജി.ഐ.ഒ
കോഴിക്കോട്:  ആലുവ നിര്‍മല സ്കൂള്‍ മാനേജ്മെന്‍റ് മഫ്ത വിഷയത്തില്‍ എടുത്ത തിരുത്തല്‍ നടപടി ഏറെ സ്വാഗതാര്‍ഹമാണെന്ന് ജി.ഐ.ഒ കേരള സെക്രട്ടേറിയറ്റ് വിലയിരുത്തി.
കേരളത്തിലെ മുസ്ലിം സ്ത്രീക്ക് അവരുടെ മതപരമായ വസ്ത്രം ധരിക്കുവാന്‍ എയ്ഡഡ്, അണ്‍എയ്ഡഡ്, സ്വാശ്രയ, പ്രൈവറ്റ് സ്ഥാപനങ്ങളില്‍ പലതും അനുവദിക്കുന്നില്ല. ഇത് ഒരു പൗരന്‍െറ മൗലികാവകാശത്തിന്മേലുള്ള കടന്നുകയറ്റമാണ്.
ഇത്തരം നിലപാടെടുക്കുന്ന സ്ഥാപനങ്ങള്‍ക്കെതിരെ സര്‍ക്കാര്‍ കര്‍ശന നടപടി സ്വീകരിക്കണമെന്നും സെക്രട്ടേറിയറ്റ് ആവ

Saturday, May 11, 2013

GIO


മാപ്പിളപ്പെണ്ണിന്‍െറ കാന്‍വാസ്

 മാപ്പിളപ്പെണ്ണിന്‍െറ കാന്‍വാസ്
കോഴിക്കോട്: മൂടുപടങ്ങള്‍ക്കുള്ളിലും  ചായക്കൂട്ടുകളുടെ മനോഹാരിത സൂക്ഷിച്ച ഒരു കൂട്ടം ചിത്രകാരികളുടെ കാന്‍വാസ് പ്രദര്‍ശനം ആര്‍ട്ട് ഗാലറിയില്‍ പ്രത്യേക കാഴ്ചയൊരുക്കുന്നു.
സംസ്ഥാനത്തിന്‍െറ വിവിധ ഭാഗങ്ങളില്‍നിന്നുള്ള 22 മുസ്ലിം ചിത്രകാരികളുടെ നിറക്കാഴ്ചകളാണ് കോഴിക്കോട് ടൗണ്‍ഹാളിനടുത്ത ലളിതകലാ അക്കാദമി ആര്‍ട്ട് ഗാലറിയില്‍ പ്രദര്‍ശനത്തിനുള്ളത്. മൈലാഞ്ചിയുടെ ചുവപ്പില്‍ തുടങ്ങിയ കലാവാസനക്ക് നിറം ചാര്‍ത്തിയതിന്‍െറ സന്തോഷത്തിലാണിവര്‍. മുസ്ലിം പെണ്‍കുട്ടികളെടുത്ത ഫോട്ടോകളും പ്രദര്‍ശനത്തിനുണ്ട്. പ്രകൃതിയില്‍നിന്ന് ലഭിക്കുന്ന വിദ്യാഭ്യാസത്തിന്‍െറ ആവശ്യകത വെളിപ്പെടുത്തുന്ന ‘എജുക്കേഷന്‍ വിത്തൗട്ട് സ്കൂള്‍’, പെണ്‍ കണ്ണുകളെ മൂടിക്കെട്ടാന്‍ ശ്രമിക്കുന്നവര്‍ക്കെതിരെ കടുത്ത താക്കീതുമായി ‘ഹു ആര്‍ യു’, ജീവജാലങ്ങളില്‍ ദൈവത്തിനുള്ള വാത്സല്യം പ്രകടമാക്കുന്ന ‘ഐ ഓഫ് ഗോഡ്’ തുടങ്ങി 50ലേറെ ചിത്രങ്ങളാണ് പ്രദര്‍ശനത്തില്‍.
വികസിത ഇന്ത്യയിലെ കണ്‍കെട്ടിയ സ്ത്രീത്വത്തെയാണ് ‘ഡെവലപ്ഡ് ഇന്ത്യയില്‍’ ചിത്രീകരിച്ചിരിക്കുന്നത്. കഷ്ടതകള്‍ക്കിടയില്‍ വിജയം നേടിയ സ്ത്രീകളെ ‘ലൈറ്റ് ഫ്രം ദ ഡാര്‍ക്ക്നസ്’ പ്രതിനിധാനം ചെയ്യുന്നു. ‘ബേണിങ് കാന്‍ഡ്ല്‍’ ‘സ്ളീപ്ലെസ് നൈറ്റ്’, ‘ഡെവലപ്ഡ് ഇന്ത്യ’ തുടങ്ങിയ ചിത്രങ്ങളിലെല്ലാം ഉരുകിത്തീരുന്ന പെണ്‍ജന്മങ്ങള്‍ ദര്‍ശിക്കാം. ഗേള്‍സ് ഇസ്ലാമിക ഓര്‍ഗനൈസേഷന്‍െറ (ജി.ഐ.ഒ) ആഭിമുഖ്യത്തില്‍ നടത്തുന്ന പ്രദര്‍ശനത്തില്‍ എല്ലാ ജില്ലകളിലെയും 15നും 25നുമിടയില്‍ പ്രായമുള്ള പെണ്‍കുട്ടികള്‍ വരച്ച ചിത്രങ്ങളാണുള്ളത്. എഴുത്തുകാരി ഷബ്ന പൊന്നാട് പ്രദര്‍ശനം ഉദ്ഘാടനം ചെയ്തു. മേയ്  10 ന് അവസാനിക്കും. 

Wednesday, April 3, 2013

‘തീവ്രവാദമായി ചിത്രീകരിക്കുന്നത് മൗലികാവകാശ ലംഘനം’

‘തീവ്രവാദമായി ചിത്രീകരിക്കുന്നത് മൗലികാവകാശ ലംഘനം’
കോഴിക്കോട്: പര്‍ദയിട്ട മുസ്ലിം പെണ്‍കുട്ടികളുടെ സംഘടനാ പ്രവര്‍ത്തനം തീവ്രവാദമായി ചിത്രീകരിക്കുന്നത് മൗലികാവകാശങ്ങളുടെ ലംഘനമാണെന്ന് ജി.ഐ.ഒ സംസ്ഥാന സെക്രട്ടേറിയറ്റ്. രാജ്യത്തെ ന്യൂനപക്ഷത്തെ ഭീകരമുദ്ര ചാര്‍ത്തി പൊതുസമൂഹത്തില്‍ അവതരിപ്പിക്കുന്ന ഭരണകൂട ഭീകരതയുടെ പുതിയ നീക്കമാണ് മഹാരാഷ്ട്ര പൊലീസിന്‍െറ രഹസ്യ റിപ്പോര്‍ട്ട്.
മുസ്ലിം പെണ്‍കുട്ടികളുടെ വിദ്യാഭ്യാസപരവും സാംസ്കാരികവുമായ ഉയര്‍ച്ചയും ശാക്തീകരണവും സംഘടനയുടെ മുഖ്യ ലക്ഷ്യങ്ങളിലൊന്നാണ്.ന്യൂനപക്ഷങ്ങളെ അടിച്ചമര്‍ത്താന്‍ കരുതിക്കൂട്ടിയുള്ള നീക്കമായേ റിപ്പോര്‍ട്ടിനെ കാണാനാവൂവെന്നും ജി.ഐ.ഒ പ്രസ്താവനയില്‍ പറഞ്ഞു.

ജി.ഐ.ഒ: മഹാരാഷ്ട്ര പൊലീസ് നിലപാടില്‍ പ്രതിഷേധം

ജി.ഐ.ഒ: മഹാരാഷ്ട്ര പൊലീസ്
നിലപാടില്‍ പ്രതിഷേധം
കോഴിക്കോട്: ജി.ഐ.ഒവിനെക്കുറിച്ച മഹാരാഷ്ട്രാ പൊലീസ് നിലപാടില്‍ വനിതാ സാമൂഹിക പ്രവര്‍ത്തകര്‍ സംയുക്ത പ്രസ്താവനയില്‍ അപലപിച്ചു.  ജി.ഐ.ഒ മുസ്ലിം വിദ്യാര്‍ഥിനികളെ തീവ്രവാദ പ്രവര്‍ത്തനങ്ങള്‍ക്ക് നിര്‍ബന്ധിക്കുന്നുവെന്ന മഹാരാഷ്ട്ര പൊലീസിന്‍െറ രഹസ്യ റിപ്പോര്‍ട്ട്  വാസ്തവവിരുദ്ധമാണെന്ന് അവര്‍ പറഞ്ഞു. കേരളത്തില്‍ നന്മയുടെയും നീതിയുടെയും പക്ഷത്തുനിന്ന് പെണ്‍കുട്ടികളെ സംഘടിപ്പിക്കുകയും അവരുടെ സാമൂഹിക സാംസ്കാരിക ഉന്നമനത്തിനായി പ്രവര്‍ത്തിക്കുകയും ചെയ്യുന്ന സംഘടനയാണ് ജി.ഐ.ഒ.
സ്ത്രീകളുടെ സാമൂഹിക പ്രശ്നങ്ങളില്‍ കൃത്യമായി ഇടപെട്ട് പ്രതികരിക്കുകയും പരിഹാരം നിര്‍ദേശിക്കുകയും ചെയ്യുന്ന ഒരു സംഘമായിട്ടാണ് ഈ പ്രവര്‍ത്തകരെ തങ്ങള്‍ അനുഭവിച്ചിട്ടുള്ളതെന്ന് ഇവര്‍ പറഞ്ഞു. ഡോ. ഖമറുന്നീസ അന്‍വര്‍, കെ. അജിത, ഡോ. ഷെര്‍ളി വാസു, ദീദി ദാമോദരന്‍, കെ.കെ. ഫാത്തിമ സുഹ്റ, കെ.പി. സുധീര, എം. ജിഷ, , കെ.എന്‍. സുലൈഖ, ഒ.ജെ. ചിന്നമ്മ എന്നിവര്‍ പ്രസ്താവനയില്‍ ഒപ്പുവെച്ചു.

Monday, January 7, 2013

പി. റുക്സാന ജി.ഐ.ഒ പ്രസിഡന്‍റ്, ലബീബ ഇബ്രാഹീം ജന. സെക്രട്ടറി

പി. റുക്സാന ജി.ഐ.ഒ പ്രസിഡന്‍റ്, 
ലബീബ ഇബ്രാഹീം ജന. സെക്രട്ടറി
  കോഴിക്കോട്: ഗേള്‍സ് ഇസ്ലാമിക് ഓര്‍ഗനൈസേഷന്‍ കേരളയുടെ 2013- 2014 വര്‍ഷത്തെ സംസ്ഥാന പ്രസിഡന്‍റായി പി. റുക്സാനയെയും ജനറല്‍ സെക്രട്ടറിയായി ലബീബ ഇബ്രാഹീമിനെയും തെരഞ്ഞെടുത്തു. വൈസ്പ്രസിഡന്‍റ് എം.കെ. സുഹൈല, സെക്രട്ടറി സൗദ പേരാമ്പ്ര, സമിതിയംഗങ്ങളായി എ. നജ്ദ , പി.എസ്. സുഫൈറ, പി. സുമയ്യ, എ.ആര്‍. തസ്നീം, പി.സി. മുര്‍ഷിദ, മാഹിദ ഫര്‍ഹാന, വി. ഹുസ്ന, നാഫിയ യൂസുഫ്, ഫൗസിയ, എസ്. സഹ്ല, സംറ അബ്ദുല്‍റസാഖ്, പി.എച്ച്. മുബീന, സുഹദ പര്‍വീന്‍, നവാല, ടി.എം. ജാസ്മിന്‍, എ.പി. റഹ്മത്ത് എന്നിവരെയും തെരഞ്ഞെടുത്തു. ജമാഅത്തെ ഇസ്ലാമി കേരള അമീര്‍ ടി.ആരിഫലി തെരഞ്ഞെടുപ്പിന് നേതൃത്വം നല്‍കി.

Wednesday, December 26, 2012

ജി.ഐ.ഒ സംസ്ഥാന മെംബേഴ്സ് മീറ്റ് തുടങ്ങി

ജി.ഐ.ഒ  സംസ്ഥാന 
മെംബേഴ്സ് മീറ്റ് തുടങ്ങി
പെരുമ്പിലാവ്: ജി.ഐ.ഒ കേരളസംസ്ഥാന മെംബേഴ്സ് മീറ്റ് അന്‍സാര്‍ കോളജ് കാമ്പസില്‍ ജമാഅത്തെ ഇസ്ലാമി കോഴിക്കോട് ജില്ലാ പ്രസിഡന്‍റ് ഖാലിദ് മൂസ നദ്വി ഉദ്ഘാടനം ചെയ്തു. ജി.ഐ.ഒ സംസ്ഥാന പ്രസിഡന്‍റ് എം.കെ.സുഹൈല അധ്യക്ഷത വഹിച്ചു. ജി.ഐ.ഒ ആദ്യകാല രക്ഷാധികാരിയായിരുന്ന വി.മൂസ മൗലവി സദസ്സിനെ അഭിസംബോധന ചെയ്തു . രണ്ടു ദിവസങ്ങളിലായി നടക്കുന്ന വിവിധ സെഷനുകളില്‍ ജമാഅത്തെ ഇസ്ലാമി കേരള അസിസ്റ്റന്‍റ് അമീര്‍ എം.കെ. മുഹമ്മദലി, സോളിഡാരിറ്റി സംസ്ഥാന പ്രസിഡന്‍റ് പി.ഐ. നൗഷാദ് , ജമാഅത്തെ ഇസ്ലാമി വനിതാ വിഭാഗം പ്രസിഡന്‍റ് കെ.എന്‍ .സുലൈഖ,  എസ്.ഐ.ഒ  കേരള ജനറല്‍ സെക്രട്ടറി സമീര്‍ നീര്‍ക്കുന്നം,  പി. റുക്സാന, സാജിദ് നദ്വി, കെ.കെ. സുഹറ തുടങ്ങിയവര്‍ സംസാരിക്കും ജമാഅത്തെ ഇസ്ലാമി കേരള അമീര്‍ ടി.ആരിഫലി പുതിയ നേതൃത്വത്തിന്‍െറ പ്രഖ്യാപനം നടത്തും.

Saturday, December 22, 2012

‘തര്‍തീല്‍ 2012’ ഡി.വി.ഡി പുറത്തിറങ്ങി

‘തര്‍തീല്‍ 2012’ 
ഡി.വി.ഡി പുറത്തിറങ്ങി
കോഴിക്കോട്: ഗേള്‍സ് ഇസ്ലാമിക് ഓര്‍ഗനൈസേഷന്‍ സംഘടിപ്പിച്ച ഖുര്‍ആന്‍ പാരായണ മത്സരം ‘തര്‍തീല്‍ 12’ ന്‍െറ വീഡിയോ ഡി.വി.ഡി പുറത്തിറങ്ങി.
ഹിറാ സെന്‍ററില്‍  ജമാഅത്തെ ഇസ്ലാമി അഖിലേന്ത്യ ഉപാധ്യക്ഷന്‍ പ്രഫ. കെ.എ. സിദ്ദീഖ് ഹസന്‍ ആദ്യ കോപ്പി കേരള അമീര്‍ ടി. ആരിഫലിക്ക് നല്‍കി പ്രകാശനം ചെയ്തു.

Friday, November 23, 2012

‘ഫലസ്തീന്‍ ഉമ്മമാര്‍ സ്വാതന്ത്ര്യ പോരാളികള്‍ക്ക് മാതൃക’

 
 ‘ഫലസ്തീന്‍ ഉമ്മമാര്‍
സ്വാതന്ത്ര്യ പോരാളികള്‍ക്ക് മാതൃക’
കോഴിക്കോട്: ഫലസ്തീന്‍ ഉമ്മമാരുടെ മനോധൈര്യവും ത്യാഗന്നദ്ധതയും ലോക സ്വാതന്ത്യ പ്രസ്ഥാനങ്ങള്‍ക്കും പോരാളികള്‍ക്കും മാതൃകയാണെന്ന് ജമാഅത്തെ ഇസ്ലാമി വനിതാവിഭാഗം പ്രസിഡന്‍റ് കെ.എന്‍ സുലൈഖ പറഞ്ഞു.
ഗസ്സ പോരാളികള്‍ക്ക് അഭിവാദ്യമര്‍പ്പിച്ച്  ഗേള്‍സ് ഇസ്ലാമിക് ഓര്‍ഗനൈസേഷനും (ജി.ഐ.ഒ) ജമാഅത്തെ ഇസ്ലാമി വനിതാ വിഭാഗവും സംയുക്തമായി സംഘടിപ്പിച്ച ഐക്യദാര്‍ഢ്യ റാലിയില്‍ സംസാരിക്കുകയായിരുന്നു അവര്‍. ഇസ്രായേല്‍ നടത്തുന്ന മനുഷ്യക്കുരുതിക്കു നേരെ ലോകമാധ്യമങ്ങള്‍ കണ്ണടക്കുന്ന ഗൂഢതന്ത്രം തിരിച്ചറിയണമെന്ന് ജി.ഐ.ഒ സംസ്ഥാന സെക്രട്ടറി പി. റുക്സാന പറഞ്ഞു.
മാവൂര്‍ റോഡിലെ ഹിറാ സെന്‍ററില്‍നിന്ന് ആരംഭിച്ച് മാനാഞ്ചിറ കിഡ്സണ്‍ കോര്‍ണറില്‍ സമാപിച്ച റാലിക്ക് ജി.ഐ.ഒ സംസ്ഥാന പ്രസിഡന്‍റ് എം.കെ. സുഹൈല, സംസ്ഥാന സമിതിയംഗം എ.കെ. ഫാസില, ജില്ലാ പ്രസിഡന്‍റ് സംറ അബ്ദുറസാഖ് എന്നിവര്‍ നേതൃത്വം നല്‍കി.

Thursday, November 22, 2012

ഐക്യദാര്‍ഢ്യറാലി ഇന്ന് (22-11-2012)

 ഐക്യദാര്‍ഢ്യറാലി ഇന്ന് (22-11-2012)
കോഴിക്കോട്: ഇസ്രായേല്‍ കൂട്ടക്കുരുതിക്കിരയാകുന്ന ഫലസ്തീന്‍ ജനതക്ക് ഐക്യദാര്‍ഢ്യം പ്രഖ്യാപിച്ച് ഗേള്‍സ് ഇസ്ലാമിക് ഓര്‍ഗനൈസേഷനും ജമാഅത്തെ ഇസ്ലാമി കേരള വനിതാ വിഭാഗവും സംയുക്തമായി സംഘടിപ്പിക്കുന്ന ഗസ്സ ഐക്യദാര്‍ഢ്യ റാലി ഇന്ന് വൈകുന്നേരം 3.30ന് കോഴിക്കോട്  നടക്കും. കെ.എന്‍. സുലൈഖ, എം.കെ.സുഹൈല എന്നിവര്‍ റാലിയെ അഭിസംബോധന ചെയ്യും.

Tuesday, November 20, 2012

ഗസ്സ: ഇസ്രായേല്‍ ധാര്‍ഷ്ട്യം അവസാനിപ്പിക്കണം -ജി.ഐ.ഒ

 ഗസ്സ: ഇസ്രായേല്‍ ധാര്‍ഷ്ട്യം
അവസാനിപ്പിക്കണം -ജി.ഐ.ഒ
കോഴിക്കോട്: ഫലസ്തീന്‍ ജനതക്കുമേല്‍ ഇസ്രായേല്‍ നടത്തുന്ന ധാര്‍ഷ്ട്യം അവസാനിപ്പിക്കണമെന്ന് ജി.ഐ.ഒ സെക്രട്ടേറിയറ്റ് ആവശ്യപ്പെട്ടു. ആക്രമണത്തെ യോഗം അപലപിച്ചു. ഇസ്രായേലിന്‍െറ നടപടിക്കെതിരെ ഇന്ത്യയടക്കമുള്ള അന്താരാഷ്ട്ര സമൂഹം പ്രതികരിക്കണം. ഗസ്സയില്‍ പൊരുതുന്ന സ്ത്രീകളും കുട്ടികളുമുള്‍ക്കൊള്ളുന്ന ജനതക്കുവേണ്ടി നിലകൊള്ളണമെന്നുംപ്രസ്താവനയില്‍ ആവശ്യപ്പെട്ടു. ജി.ഐ.ഒ സംസ്ഥാന പ്രസിഡന്‍റ് എം.കെ.സുഹൈല അധ്യക്ഷതവഹിച്ചു.

Thursday, October 25, 2012

ഗേള്‍സ് ഇസ്ലാമിക് ഓര്‍ഗനൈസേഷന്‍

ഗേള്‍സ് ഇസ്ലാമിക് ഓര്‍ഗനൈസേഷന്‍ (ജി.ഐ.ഒ) സംസ്ഥാന തലത്തില്‍ വനിതകള്‍ക്കായി സംഘടിപ്പിച്ച ഖുര്‍ആന്‍ പാരായണ മത്സരം ‘തര്‍തീല്‍ 12’ല്‍ ആദ്യ മൂന്ന് സ്ഥാനങ്ങള്‍ നേടിയ നുഹാ അബ്ദുല്‍ റഹീം (എറണാകുളം), വി.ഐ. സുമയ്യ (എറണാകുളം), റഫീഹ അബ്ദുല്‍ ഖാദര്‍ (കണ്ണൂര്‍) എന്നിവര്‍

Monday, October 22, 2012

സംസ്ഥാനതല വനിതാ ഖുര്‍ആന്‍ പാരായണം

 
 സംസ്ഥാനതല വനിതാ ഖുര്‍ആന്‍ പാരായണം:
നുഹാ അബ്ദുറഹീം ഒന്നാമത്
കോഴിക്കോട്: ഗേള്‍സ് ഇസ്ലാമിക് ഓര്‍ഗനൈസേഷന്‍ (ജി.ഐ.ഒ) സംസ്ഥാന തലത്തില്‍ വനിതകള്‍ക്കായി സംഘടിപ്പിച്ച ഖുര്‍ആന്‍ പാരായണ മത്സരം ‘തര്‍തീല്‍ 12’ല്‍ നുഹാ അബ്ദുല്‍ റഹീമിന് (എറണാകുളം) ഒന്നാം സ്ഥാനം. വി.ഐ. സുമയ്യ (എറണാകുളം) രണ്ടാം സ്ഥാനവും റഫീഹ അബ്ദുല്‍ ഖാദര്‍ (കണ്ണൂര്‍) മൂന്നാം സ്ഥാനവും നേടി. ഒന്നാം സ്ഥാനത്തിന് 25,000 രൂപ, രണ്ടാംസ്ഥാനത്തിന് 15,000, മൂന്നാം സ്ഥാനത്തിന് 10,000 രൂപയുമാണ് സമ്മാനം. സംസ്ഥാനത്തിന്‍െറ വിവിധ ഭാഗങ്ങളിലായി നടന്ന മത്സരത്തില്‍ മൂവായിരത്തോളം പേര്‍ പങ്കെടുത്തിരുന്നു. തുടര്‍ന്നുള്ള സെക്കന്‍ഡറി മത്സരത്തില്‍ വിജയികളായ 10 പേരാണ് ഞായറാഴ്ച നടന്ന മെഗാ ഫൈനലില്‍ പങ്കെടുത്തത്.
അവാര്‍ഡ് വിതരണവും  സമാപന സമ്മേളനവും ജമാഅത്തെ ഇസ്ലാമി കേന്ദ്ര പ്രതിനിധി സഭാംഗം നാസിറാ ഖാനം ഉദ്ഘാടനം ചെയ്തു. ജമാഅത്തെ ഇസ്ലാമി കേരള അമീര്‍ ടി. ആരിഫലി അവാര്‍ഡ് പ്രഖ്യാപനം നടത്തി.
ഖുര്‍ആന്‍ പാരായണത്തില്‍ ഒരുപാട് പുരോഗതിയുണ്ടായെങ്കിലും പുരുഷന്മാരില്‍ മാത്രം ഒതുങ്ങി നില്‍ക്കുകയായിരുന്നു. ഇപ്പോള്‍ കേരളത്തില്‍ സ്ത്രീകളുടെ ഖുര്‍ആന്‍ പാരായണം പൊതുരംഗത്തേക്ക് വരുകയാണെന്നും  ആരിഫലി പറഞ്ഞു. ജി.ഐ.ഒ സംസ്ഥാന പ്രസിഡന്‍റ് എം.കെ. സുഹൈല അധ്യക്ഷത വഹിച്ചു. ജമാഅത്തെ ഇസ്ലാമി അസി. അമീര്‍ ശൈഖ് മുഹമ്മദ് കാരകുന്ന് മുഖ്യപ്രഭാഷണം നടത്തി. സെക്രട്ടറി കെ.കെ. ഫാത്തിമ സുഹറ, വനിതാലീഗ് സംസ്ഥാന പ്രസിഡന്‍റ് ഖമറുന്നീസ അന്‍വര്‍, എം.ജി.എം കേരള പ്രസിഡന്‍റ് ഖദീജ നര്‍ഗീസ്, ഖാലിദ് മൂസ നദ്വി, ജമാഅത്തെ ഇസ്ലാമി വനിതാ വിഭാഗം പ്രസിഡന്‍റ് കെ.എന്‍. സുലൈഖ, സോളിഡാരിറ്റി ജനറല്‍ സെക്രട്ടറി ടി. മുഹമ്മദ് വേളം, എസ്.ഐ.ഒ സംസ്ഥാന പ്രസിഡന്‍റ്  ശിഹാബ് പൂക്കോട്ടൂര്‍ എന്നിവര്‍ സംസാരിച്ചു. പി. റുക്സാന നന്ദി പറഞ്ഞു.