ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----
Showing posts with label AICL. Show all posts
Showing posts with label AICL. Show all posts

Sunday, September 30, 2012

പലിശരഹിത സാമ്പത്തിക പ്രവര്‍ത്തനത്തിനുള്ള നിയമ പോരാട്ടം തുടരും- ടി. ആരിഫലി

 പലിശരഹിത സാമ്പത്തിക പ്രവര്‍ത്തനത്തിനുള്ള
നിയമ പോരാട്ടം തുടരും- ടി. ആരിഫലി
കൊച്ചി: രാജ്യത്ത് പലിശരഹിത സാമ്പത്തിക പ്രവര്‍ത്തനത്തിന് അനുവാദം നേടിയെടുക്കാനുള്ള നിയമപോരാട്ടം തുടരുമെന്ന് ജമാഅത്തെ ഇസ്ലാമി കേരളാ അമീര്‍ ടി. ആരിഫലി പറഞ്ഞു. കൊച്ചി കേന്ദ്രമായുള്ള ആള്‍ട്ടര്‍നേറ്റീവ് ഇന്‍വെസ്റ്റ്മെന്‍റ്സ് ആന്‍ഡ് ക്രെഡിറ്റ്സ് ലിമിറ്റഡിന്‍െറ (എ.ഐ.സി.എല്‍) വാര്‍ഷിക ജനറല്‍ ബോഡിയില്‍ മുഖ്യപ്രഭാഷണം നടത്തുകയായിരുന്നു അദ്ദേഹം. 
എ.ഐ.സി.എല്ലിന്‍െറ പ്രവര്‍ത്തനങ്ങള്‍ക്ക് റിസര്‍വ് ബാങ്ക് ഏര്‍പ്പെടുത്തിയ നിയന്ത്രണങ്ങള്‍ക്കെതിരെ നിയമ യുദ്ധത്തിലാണിപ്പോള്‍. ഇസ്ലാമിക സാമ്പത്തിക പ്രവര്‍ത്തനങ്ങള്‍ക്ക് അനുവാദം ലഭ്യമാക്കാനുള്ള വലിയ ചുമതലയാണ് എ. ഐ.സി.എല്‍ ഏറ്റെടുത്തിരിക്കുന്നത്.
ഇക്കാര്യത്തില്‍ ഇസ്ലാമിക നിയമ വ്യവസ്ഥയില്‍ ഏതെങ്കിലും തരത്തിലുള്ള വിട്ടുവീഴ്ചക്ക് തയാറാകാനാവില്ല. മുംബൈ ഹൈകോടതിയില്‍ ഇതുസംബന്ധിച്ച് കേസ് ഫയല്‍ ചെയ്തിട്ടുണ്ടെന്നും അദ്ദേഹം വ്യക്തമാക്കി.
പലിശ രഹിത ഇസ്ലാമിക സാമ്പത്തിക ക്രമം രാജ്യത്ത് വ്യാപകമായി ചര്‍ച്ച ചെയ്യപ്പെടുന്നുണ്ട്. ഈ ചര്‍ച്ചകളിലൊക്കെ എ.ഐ.സി.എല്‍ പരാമര്‍ശിക്കപ്പെടുകയും പരിചയപ്പെടുത്തപ്പെടുകയും ചെയ്യുന്നുണ്ട്. ശരീഅത്ത് ബോര്‍ഡിന്‍െറ നിയന്ത്രണത്തില്‍ നടത്തുന്ന രാജ്യത്തെ ഏക സ്ഥാപനം എന്ന നിലയിലാണ് ഈ ചര്‍ച്ചകള്‍ വരുന്നത്. ഗുജറാത്തിലെ യൂനിവേഴ്സിറ്റിയില്‍ നടന്ന സെമിനാറില്‍ പോലും ഇക്കാര്യം ചര്‍ച്ചാവിഷയമായി.
രാജ്യത്തെ മുസ്ലിം സമൂഹത്തില്‍ കെട്ടിക്കിടക്കുന്ന പണം പശ്ചാത്തല വികസനമടക്കമുള്ള കാര്യങ്ങളിലേക്ക് കൊണ്ടുവരണമെന്ന് സര്‍ക്കാറും ആഗ്രഹിക്കുന്നുണ്ട്.  ബ്യൂറോക്രസിയാണ് പ്രധാന തടസ്സം.
വിദേശത്ത് അധ്വാനിച്ച് കൊണ്ടുവരുന്ന പണം നമ്മുടെ രാജ്യത്തിന്‍െറ വികസന സംരംഭങ്ങളില്‍ വിനിയോഗിക്കപ്പെടണമെന്നത് ജനങ്ങളുടെ കൂടി ആഗ്രഹവുമാണ്.
ഇതിന് തടസ്സം നില്‍ക്കുന്നവരെ കാര്യങ്ങള്‍ ബോധിപ്പിക്കാനുള്ള ശ്രമവും തുടരുന്നുണ്ടെന്ന് അമീര്‍ വ്യക്തമാക്കി.
എ.ഐ.സി.എല്‍ ചെയര്‍മാന്‍ എ. മുഹമ്മദലി അധ്യക്ഷത വഹിച്ചു. കമ്പനി സെക്രട്ടറി തന്‍വീര്‍ മുഹ്യിദ്ദീന്‍ കണക്ക് അവതരിപ്പിച്ചു.
മാനേജിങ് ഡയറക്ടര്‍ ഡോ. പി.സി. അന്‍വര്‍ സ്വാഗതവും ഡയറക്ടര്‍ സി. അബ്ദുല്‍ ഹമീദ് നന്ദിയും പറഞ്ഞു.

Friday, May 4, 2012

എ.ഐ.സി.എല്‍ വായ്പ നല്‍കി

 എ.ഐ.സി.എല്‍ വായ്പ നല്‍കി
കണ്ണൂര്‍: ഇസ്ലാമിക് ഫൈനാന്‍സ് കമ്പനിയായ എ.ഐ.സി.എല്ലിന്‍െറ കണ്ണൂര്‍ ഓഫിസില്‍ നിന്നുള്ള ആദ്യത്തെ വായ്പ നല്‍കി.  സി.ഇ.ഒ കെ.കെ. അലി കൗസര്‍ ചാരിറ്റബിള്‍ ട്രസ്റ്റ് മാനേജര്‍ വി.കെ. ഖാലിദിന് ചെക്ക് നല്‍കി.  മൂന്നു മാസംമുമ്പാണ് എ.ഐ.സി.എല്ലിന്‍െറ കണ്ണൂര്‍ ഓഫിസ് ബെല്ലാര്‍ഡ് റോഡില്‍ പ്രവര്‍ത്തനം തുടങ്ങിയത്. എ.ഐ.സി.എല്ലിന്‍െറ ഓഹരി, വായ്പ സംബന്ധമായതും മറ്റ് സേവനങ്ങളും ഈ ഓഫിസില്‍നിന്ന് ലഭിക്കുമെന്ന് ബ്രാഞ്ച് ഇന്‍ചാര്‍ജ് അബ്ദുല്‍ ഗഫൂര്‍ ആലത്തൂര്‍ അറിയിച്ചു. ഫോണ്‍: 0497 3052601.

Thursday, December 22, 2011

എ.ഐ.സി.എല്‍ കണ്ണൂര്‍ ഓഫിസ് തുറന്നു

 
 
 എ.ഐ.സി.എല്‍ കണ്ണൂര്‍ ഓഫിസ് തുറന്നു.
ഇസ്ലാമിക സാമ്പത്തികവ്യവസ്ഥ സമ്പദ്ഘടനയെ
ശക്തിപ്പെടുത്തും -ടി. ആരിഫലി
കണ്ണൂര്‍: സമ്പദ്ഘടനയെ കൂടുതല്‍ ഊര്‍ജസ്വലമാക്കാന്‍ ഇസ്ലാമിക സാമ്പത്തികവ്യവസ്ഥക്ക് കഴിയുമെന്ന് ജമാഅത്തെ ഇസ്ലാമി കേരള അമീര്‍ ടി. ആരിഫലി. ആള്‍ട്ടര്‍നേറ്റിവ് ഇന്‍വെസ്റ്റ്മെന്റ് ആന്‍ഡ് ക്രഡിറ്റ്സ് ലിമിറ്റഡ് (എ.ഐ.സി.എല്‍) കണ്ണൂര്‍ ഓഫിസ് ഉദ്ഘാടനചടങ്ങില്‍ സംസാരിക്കുകയായിരുന്നു അദ്ദേഹം.
ഇസ്ലാമിക വ്യവസ്ഥയില്‍ പലിശയില്ല. പകരം ലാഭവും നഷ്ടവും പരസ്പരം പങ്കുവെക്കുകയാണ് ചെയ്യുക. അതിനാല്‍ സംരംഭകന് നഷ്ടം സംഭവിക്കാതിരിക്കാനുള്ള നിരീക്ഷണം മുതല്‍മുടക്കുന്നവന്റെ ഭാഗത്തുനിന്ന് ഉണ്ടാകണം. ലാഭമായാലും നഷ്ടമായാലും മുതല്‍മുടക്കിയയാള്‍ക്ക് പലിശ നല്‍കണമെന്നതാണ് നിലവിലെ ബാങ്കിങ് രീതിയുടെ വലിയ പ്രശ്നം.
ഇതില്‍നിന്ന് മാറി ലാഭവും നഷ്ടവും സംരംഭകനും ഇടപാടുകാരനും പരസ്പരം അറിയുന്ന സുതാര്യതയാണ് ഇസ്ലാമിക സാമ്പത്തിക തത്ത്വത്തിന്റെ സവിശേഷത. ഊഹക്കച്ചവടത്തെ അത് നിരാകരിക്കുന്നു. ഇന്ന് സാമ്പത്തിക മേഖലയിലെ അപകടങ്ങള്‍ക്ക് കാരണം ഓഹരിക്കമ്പോളത്തിലെയും മറ്റും ഊഹക്കച്ചവടമാണ്. മുതലാളിത്ത ബാങ്കുകള്‍ തകര്‍ന്നത് അങ്ങനെയാണ്. ഇതേതുടര്‍ന്ന് രാജ്യങ്ങള്‍ സാമ്പത്തികമാന്ദ്യത്തിലായി. കെട്ടിക്കിടക്കുന്ന പണം രാജ്യത്തിന്റെ പൊതു സാമ്പത്തികപ്രവര്‍ത്തനത്തിലേക്ക് ആകര്‍ഷിക്കുന്നതിനാണ് ഇസ്ലാമിക് ബാങ്കിങ്ങിനായി വാദിക്കുന്നതെന്നും ആരിഫലി പറഞ്ഞു.
ചേംബര്‍ ഹാളില്‍ നടന്ന ചടങ്ങില്‍ എ.ഐ.സി.എല്‍ ഓഫിസിന്റെ ഉദ്ഘാടനം ഇന്ത്യന്‍ സെന്റര്‍ ഫോര്‍ ഇസ്ലാമിക് ഫിനാന്‍സ് ജനറല്‍ സെക്രട്ടറി എച്ച്. അബ്ദുറഖീബ് നിര്‍വഹിച്ചു. ഐ.എന്‍.ടി.യു.സി സംസ്ഥാന ജനറല്‍ സെക്രട്ടറി കെ. സുരേന്ദ്രന്‍, നോര്‍ത്ത് മലബാര്‍ ചേംബര്‍ ഓഫ് കോമേഴ്സ് പ്രസിഡന്റ് മഹേഷ്ചന്ദ്ര ബാലിഗ, ജമാഅത്തെ ഇസ്ലാമി ജില്ലാ പ്രസിഡന്റ് ടി.കെ. മുഹമ്മദലി എന്നിവര്‍ സംസാരിച്ചു. ഡോ. പി.സി. അന്‍വര്‍ സ്വാഗതം പറഞ്ഞു.
 
 
 
 
 ഇസ്ലാമിക് ബാങ്കിങ്:റിസര്‍വ് ബാങ്ക് നിലപാട് പുനഃപരിശോധിക്കണം -അബ്ദുറഖീബ്
കണ്ണൂര്‍: ഇസ്ലാമിക് ബാങ്കിങ് സ്ഥാപനങ്ങള്‍ക്ക് പ്രവര്‍ത്തനാനുമതി നല്‍കുന്നതില്‍ കേന്ദ്ര ധനകാര്യ വകുപ്പും റിസര്‍വ് ബാങ്കും നിലപാട് പുനഃപരിശോധിക്കണമെന്ന് ഇന്ത്യന്‍ സെന്റര്‍ ഫോര്‍ ഇസ്ലാമിക് സ്റ്റഡീസ് (ന്യൂദല്‍ഹി) ജനറല്‍ സെക്രട്ടറി എച്ച്. അബ്ദുറഖീബ്. ആള്‍ട്ടര്‍നേറ്റിവ് ഇന്‍വെസ്റ്റ്മെന്റ് ആന്‍ഡ് ക്രഡിറ്റ്സ് ലിമിറ്റഡ് (എ.ഐ.സി.എല്‍) കണ്ണൂര്‍ ഓഫിസ് ഉദ്ഘാടനത്തോടനുബന്ധിച്ച് 'ഇസ്ലാമിക് ഫിനാന്‍സ്' എന്ന വിഷയത്തില്‍ നടന്ന സെമിനാറില്‍ മുഖ്യാതിഥിയായി സംസാരിക്കുകയായിരുന്നു അദ്ദേഹം.
മുസ്ലിം രാജ്യങ്ങളില്‍ മാത്രമല്ല ബ്രിട്ടന്‍, ഫ്രാന്‍സ്, ജപ്പാന്‍, സിംഗപ്പൂര്‍ എന്നിവിടങ്ങളിലും ഇസ്ലാമിക് ബാങ്കുകള്‍ അതിവേഗം പ്രചാരം നേടുകയാണ്. 15 ശതമാനത്തിന് മുകളിലാണ് ലോകതലത്തില്‍ ഇസ്ലാമിക് ബാങ്കിങ് സ്ഥാപനങ്ങളുടെ വളര്‍ച്ചനിരക്ക്. ഇസ്ലാമിക് ഫിനാന്‍സ് രീതി ലോകബാങ്കിന്റെ മുന്‍ഗണനാ പട്ടികയിലുണ്ട്.
ഇന്ത്യ ആഗ്രഹിക്കുന്ന 9.5 ശതമാനം സാമ്പത്തിക വളര്‍ച്ച കൈവരിക്കണമെങ്കില്‍ അടിസ്ഥാനസൌകര്യ വികസനത്തിന് ഒരു ട്രില്യന്‍ ഡോളര്‍ സമാഹരിക്കണം. ഈ തുക പശ്ചിമേഷ്യന്‍ രാജ്യങ്ങളില്‍നിന്ന് നിക്ഷേപമായി സമാഹരിക്കാന്‍ സാധിക്കും. പശ്ചിമേഷ്യന്‍ നിക്ഷേപകരെ ആകര്‍ഷിക്കാന്‍ കഴിയുന്ന ഇസ്ലാമിക് ബാങ്കിങ് രീതി മുന്നോട്ടുവെക്കാന്‍ നമുക്ക് കഴിയണം. ബ്രിട്ടനും ജര്‍മനിയും ഇന്തോനേഷ്യയും മലേഷ്യയും ഇത്തരത്തില്‍ പശ്ചിമേഷ്യന്‍ നിക്ഷേപം സ്വീകരിക്കുന്നുണ്ട്.
ഇന്ത്യയില്‍ ബാങ്ക് ദേശസാത്കരണം നടന്നിട്ട് 40 വര്‍ഷം കഴിഞ്ഞിട്ടും സാധാരണക്കാരായ 60 ശതമാനവും ബാങ്കിങ് സേവനമേഖലക്ക് പുറത്താണ്. 5.2 ശതമാനം ഗ്രാമങ്ങളില്‍ മാത്രമാണ് ബാങ്കുകള്‍ക്ക് ബ്രാഞ്ചുകളുള്ളത്. ഇതിന് മാറ്റം വരണം. സാധാരണക്കാരുടെ ജീവിതോപാധിയായ കൃഷി, ഉല്‍പാദന മേഖലകളിലാണ് ഇസ്ലാമിക് ഫിനാന്‍സ് ഊന്നല്‍ നല്‍കുന്നത്. ലാഭവും നഷ്ടവും പങ്കുവെക്കുന്ന ഇസ്ലാമിക് ബാങ്കിങ് കര്‍ഷക ആത്മഹത്യക്ക് പരിഹാരമാണെന്ന് എം.എസ്. സ്വാമിനാഥന്‍ അഭിപ്രായപ്പെട്ടിരുന്നു.
അല്‍ബറഖ എന്ന പേരില്‍ ഇസ്ലാമിക് ബാങ്കിങ് സ്ഥാപനം രൂപവത്കരിച്ച് അടിസ്ഥാനസൌകര്യ വികസനത്തിന് പണം കണ്ടെത്താനുള്ള സംസ്ഥാന സര്‍ക്കാറിന്റെ നീക്കം ശരിയായ ദിശയിലുള്ളതാണ്. ചെറിയ തോതിലുള്ള പലിശരഹിത വായ്പാ സംവിധാനത്തിന് ആന്ധ്ര സര്‍ക്കാറും തുടക്കംകുറിച്ചിട്ടുണ്ട്.
ഇസ്ലാമിക് ബാങ്കിങ് മുസ്ലിംകള്‍ക്ക് മാത്രമുള്ളതാണെന്ന തെറ്റിദ്ധാരണയുണ്ട്. സുബ്രഹ്മണ്യം സ്വാമി നല്‍കിയ ഹരജി കേരള ഹൈകോടതി തള്ളിയത് ഇതിനാലാണ്. പലിശരഹിത ബാങ്കിങ് എല്ലാ ആളുകള്‍ക്കും ഗുണം ചെയ്യുന്ന ചൂഷണരഹിതമായ സാമ്പത്തിക വ്യവസ്ഥയാണെന്നും അബ്ദുറഖീബ് പറഞ്ഞു.
ഇസ്ലാമിക് ഫിനാന്‍സിനെക്കുറിച്ച് കൂടുതല്‍ ചര്‍ച്ചകള്‍ നടക്കണമെന്ന് സെമിനാര്‍ ഉദ്ഘാടനം ചെയ്ത കണ്ണൂര്‍ യൂനിവേഴ്സിറ്റി വൈസ് ചാന്‍സലര്‍ ഡോ. പി.കെ. മൈക്കിള്‍ തരകന്‍ പറഞ്ഞു. സാമ്പ്രദായിക ബാങ്കിങ് രീതിയുടെ തകര്‍ച്ചയുടെ പശ്ചാത്തലത്തില്‍ ഏറ്റവും ഫലപ്രദമായ ബദല്‍ ആയാണ് ഇസ്ലാമിക് ബാങ്കിങ് പരിഗണിക്കപ്പെടുന്നത്. ഇസ്ലാമിന്റെ ആഴമേറിയ ജീവിതവീക്ഷണങ്ങളാണ് അത് പ്രതിനിധാനം ചെയ്യുന്നത്. എല്ലാവര്‍ക്കും ഗുണം ചെയ്യുന്നത് എന്നതാണ് ഇസ്ലാമിക് ഫിനാന്‍സിന്റെ പ്രസക്തി. ആധുനിക ബാങ്കിങ് മേഖലയുടെ തകര്‍ച്ചയുടെ പശ്ചാത്തലത്തില്‍ ഇസ്ലാമിക് ബാങ്കിങ് ബദല്‍ കൂടുതല്‍ ചര്‍ച്ച ചെയ്യപ്പെടണമെന്ന് മൈക്കിള്‍ തരകന്‍ ചൂണ്ടിക്കാട്ടി.
എ.ഐ.സി.എല്‍ ചീഫ് എക്സിക്യൂട്ടിവ് ഓഫിസര്‍ കെ.കെ. അലി അധ്യക്ഷത വഹിച്ചു. വിവിധ സെഷനുകളില്‍ എ.ഐ.സി.എല്‍ ഡയറക്ടര്‍ കെ.ടി. മുഹമ്മദ് അബ്ദുല്‍ സലാം, എം.വി. മുഹമ്മദ് സലീം മൌലവി, കെ.എം. തഖ്യുദ്ദീന്‍, അഹ്മദ് പാറക്കല്‍, തന്‍വീര്‍ മൊഹ്യുദ്ദീന്‍, എ.വി. കബീര്‍, എ.ഐ.സി.എല്‍ ഡയറക്ടര്‍ സി.എ. അബ്ദുല്‍ ഹമീദ്, മുഹമ്മദ് പാലത്ത് എന്നിവര്‍ ക്ലാസെടുത്തു. ഫൈസല്‍ ബാവ നന്ദി പറഞ്ഞു. സുമയ്യ ഖിറാഅത്ത് നടത്തി.

Wednesday, December 21, 2011

ഇസ്ലാമിക് ഫിനാന്‍സ് കമ്പനി കണ്ണൂര്‍ ഓഫിസ് ഉദ്ഘാടനം ഇന്ന്

ഇസ്ലാമിക് ഫിനാന്‍സ് കമ്പനി
കണ്ണൂര്‍ ഓഫിസ് ഉദ്ഘാടനം ഇന്ന്
കണ്ണൂര്‍: ഇന്ത്യയിലെ ഏക ബാങ്കിതര ഇസ്ലാമിക് ഫിനാന്‍സ് സ്ഥാപനമായ എ.ഐ.സി.എല്ലിന്റെ കണ്ണൂര്‍ ഓഫിസ് ഇന്ന് വൈകീട്ട് നാലിന് എച്ച്. അബ്ദു റഖീബ് ചേംബര്‍ ഹാളില്‍ ഉദ്ഘാടനം ചെയ്യും. ടി. ആരിഫലി, എന്‍.വി. ജയരാജന്‍, കെ. സുരേന്ദ്രന്‍, ഹാഫിസ് അനസ് മൌലവി, മഹേഷ് ചന്ദ്ര ബാലിഗ, ടി.കെ. മുഹമ്മദലി തുടങ്ങിയവര്‍ സംബന്ധിക്കും. ഓഫിസ് ഉദ്ഘാടനത്തോടനുബന്ധിച്ച് എ.ഐ.സി.എല്‍ നടത്തുന്ന ഇസ്ലാമിക് ഫിനാന്‍സ്സെമിനാര്‍ കണ്ണൂര്‍ യൂനിവേഴ്സിറ്റി വൈസ് ചാന്‍സലര്‍ മൈക്കിള്‍ തരകന്‍ രാവിലെ 9.30ന് ഉദ്ഘാടനം ചെയ്യും. എം.വി. മുഹമ്മദ് സലീം മൌലവി, സി.എ. തഖീയുദ്ദീന്‍, അഹമ്മദ് പാറക്കല്‍, മുഹമ്മദ് പാലത്ത്, സി.എസ്. തന്‍വീര്‍, മുഹ്യുദ്ദീന്‍ എന്നിവര്‍ വിഷയം അവതരിപ്പിക്കും.
എച്ച്. അബ്ദുറഖീബ് കണ്ണൂരില്‍
കണ്ണൂര്‍: ഇസ്ലാമിക് ഫിനാന്‍സിന്റെ ഇന്ത്യയിലെ സാധ്യതകള്‍ കണ്ടെത്തുന്നതില്‍ ക്രിയാത്മക നേതൃത്വം നല്‍കുന്ന  എച്ച്. അബ്ദുറഖീബ് (ന്യൂദല്‍ഹി) ഇന്ന് കണ്ണൂരില്‍. ഇന്ത്യന്‍ സെന്റര്‍ ഫോര്‍ ഇസ്ലാമിക് ഫിനാന്‍സിന്റെ ജനറല്‍ സെക്രട്ടറിയായ അബ്ദുറഖീബ് ഇസ്ലാമിക് ബാങ്കിങ്  ഇന്ത്യയില്‍ ആരംഭിക്കാനുള്ള പഠന റിപ്പോര്‍ട്ട് റിസര്‍വ് ബാങ്കിനും ഫിനാന്‍സ് മന്ത്രിക്കും നല്‍കിയാണ് ഈ മേഖലയില്‍ പ്രശസ്തനായത്. ഇസ്ലാമിക് ഫിനാന്‍സ് കമ്പനിയായ എ.ഐ.സി.എല്‍ കണ്ണൂര്‍ മേഖലാ ഓഫിസ് ഉദ്ഘാടനത്തോടനുബന്ധിച്ച് നടക്കുന്ന ഇസ്ലാമിക് ഫിനാന്‍സ് സെമിനാറില്‍ അദ്ദേഹം ഇന്ന് വിഷയം അവതരിപ്പിക്കും.

Monday, December 19, 2011

ഇസ്ലാമിക് ഫൈനാന്‍സ് സെമിനാര്‍: സ്വാഗതസംഘം രൂപവത്കരിച്ചു

ഇസ്ലാമിക് ഫൈനാന്‍സ് സെമിനാര്‍:
സ്വാഗതസംഘം രൂപവത്കരിച്ചു
കണ്ണൂര്‍: ആള്‍ട്ടര്‍നേറ്റീവ് ഇന്‍വെസ്റ്റ്മെന്റ്സ് ആന്‍ഡ് ക്രഡിറ്റ്സ് ലിമിറ്റഡ് (എ.ഐ.സി.എല്‍) കണ്ണൂര്‍ ഓഫിസ് ഉദ്ഘാടനത്തോടനുബന്ധിച്ച് ഡിസംബര്‍ 21ന് കണ്ണൂര്‍ ചേംബര്‍ ഹാളില്‍ നടത്തുന്ന ഇസ്ലാമിക് ഫൈനാന്‍സ് സെമിനാറിന്റെ സ്വാഗതസംഘം രൂപവത്കരിച്ചു.  ഭാരവാഹികള്‍: ടി.കെ. മുഹമ്മദലി (ചെയര്‍.), വി.കെ. ഖാലിദ് (ജന. കണ്‍.), എ. അബ്ദുല്‍ ഗഫൂര്‍ (കണ്‍.).
സെമിനാറിന്റെ രജിസ്ട്രേഷനുമായി ബന്ധപ്പെട്ട വിവരങ്ങള്‍ക്ക് 
ഫോണ്‍: 9446945939
info@aicl-india.com
www.aicl-india.com

Saturday, December 17, 2011

എ.ഐ.സി.എല്‍ കണ്ണൂരില്‍ പ്രവര്‍ത്തനമാരംഭിക്കുന്നു

എ.ഐ.സി.എല്‍ കണ്ണൂരില്‍
പ്രവര്‍ത്തനമാരംഭിക്കുന്നു
കണ്ണൂര്‍: ഇസ്ലാമിക സാമ്പത്തിക ക്രമമനുസരിച്ച് പ്രവര്‍ത്തിക്കുന്ന സാമ്പത്തിക സ്ഥാപനമായ ആള്‍ട്ടര്‍നേറ്റീവ് ഇന്‍വെസ്റ്റ്മെന്റ് ആന്‍ഡ് ക്രെഡിറ്റ്സ് ലിമിറ്റഡ് (എ.ഐ.സി.എല്‍) കണ്ണൂരില്‍ പ്രവര്‍ത്തനം ആരംഭിക്കുന്നു. കമ്പനിയുടെ കണ്ണൂര്‍ ഓഫിസിന്റെ ഉദ്ഘാടനം ഈമാസം 21ന് വൈകീട്ട് നാലുമണിക്ക് കണ്ണൂര്‍ ചേംബര്‍ ഹാളില്‍ നടക്കുന്ന ചടങ്ങില്‍ ഇന്ത്യന്‍ സെന്റര്‍ ഫോര്‍ ഇസ്ലാമിക് ഫിനാന്‍സ് ജനറല്‍ സെക്രട്ടറി എച്ച്.അബ്ദുല്‍ റഖീബ് നിര്‍വഹിക്ക്കും. എ.ഐ.സി.എല്‍ ചീഫ് എക്സിക്യൂട്ടിവ് ഓഫിസര്‍ കെ.കെ. അലി വാര്‍ത്താസമ്മേളനത്തില്‍ അറിയിച്ചു.
എ.ഐ.സി.എല്‍ ഡയറക്ടര്‍ ടി. ആരിഫലി, ഇന്‍കല്‍ ചെയര്‍മാന്‍ ടി. ബാലകൃഷ്ണന്‍ ഐ.എ.എസ് എന്നിവര്‍ മുഖ്യാതിഥികളായിരിക്കും. കൊച്ചി ആസ്ഥാനമായി 10 വര്‍ഷം മുമ്പ് തുടങ്ങിയ എ.ഐ.സി.എല്ലിന്റെ മൂന്നാമത്തെ ഓഫിസാണ് കണ്ണൂരില്‍ തുറക്കുന്നത്. ഉദ്ഘാടനത്തോടനുബന്ധിച്ച് 'ഇസ്ലാമിക സാമ്പത്തികക്രമത്തെ അറിയുക' എന്ന തലക്കെട്ടില്‍ സെമിനാറും സംഘടിപ്പിക്കും. 21ന് രാവിലെ 9.30 മുതല്‍ ചേംബര്‍ ഹാളില്‍ നടക്കുന്ന സെമിനാറില്‍ ഇസ്ലാമിക് ഫിനാന്‍സിന്റെ വിവിധ തലങ്ങള്‍ സംബന്ധിച്ച് ബന്ധപ്പെട്ട മേഖലയിലെ വിദഗ്ധര്‍ പ്രഭാഷണം നടത്തും. സെമിനാറില്‍ പങ്കെടുക്കാനാഗ്രഹിക്കുന്നവര്‍ 9446945939 എന്ന നമ്പറിലോ info@aiclindia.com എന്ന വിലാസത്തിലോ ബന്ധപ്പെട്ട് പേര് രജിസ്റ്റര്‍ ചെയ്യണം.
റിസര്‍വ് ബാങ്ക് അനുമതിയോടെ ആളുകളില്‍നിന്ന് ഓഹരി സ്വീകരിച്ച് ഇസ്ലാമിക സാമ്പത്തിക ക്രമം അനുസരിച്ച് പ്രവര്‍ത്തിക്കുന്ന എ.ഐ.സി.എല്‍ മികച്ച പ്രകടനമാണ് കാഴ്ചവെച്ചിട്ടുള്ളതെന്ന് കെ.കെ. അലി പറഞ്ഞു. എട്ടു വര്‍ഷമായി തുടര്‍ച്ചയായി ഡിവിഡന്റ് നല്‍കുന്ന കമ്പനിക്ക് 700 നിക്ഷേപകരും ഏഴു കോടിയുടെ ആസ്തിയുമുണ്ടെന്നും അദ്ദേഹം പറഞ്ഞു.