പ്രവര്‍ത്തനഫണ്ട് ഉദ്ഘാടനം

പ്രവര്‍ത്തനഫണ്ട് ഉദ്ഘാടനം

മട്ടന്നൂര്‍: സോളിഡാരിറ്റി മട്ടന്നൂര്‍ യൂനിറ്റ് പ്രവര്‍ത്തനഫണ്ട് ഉദ്ഘാടനം വ്യാപാരി വ്യവസായി ഏകോപനസമിതി മട്ടന്നൂര്‍ മേഖല ജനറല്‍ സെക്രട്ടറി മുസ്തഫ ദാവാരി നിര്‍വഹിച്ചു. യൂനിറ്റ് സെക്രട്ടറി ടി.പി. തസ്നീം ഫണ്ട് ഏറ്റുവാങ്ങി. സി.എം. മഅ്റൂഫ്, എന്‍.കെ. റിയാസ് എന്നിവര്‍ പങ്കെടുത്തു.

‘മഅ്ദനിയുടെ അറസ്റ്റും ജയില്‍വാസവും അജണ്ടയുടെ ഭാഗം’

 

 ‘മഅ്ദനിയുടെ അറസ്റ്റും ജയില്‍വാസവും അജണ്ടയുടെ ഭാഗം’ 

 മട്ടന്നൂര്‍: നിയമവിധേയ വിചാരണ പോലും നിഷേധിക്കപ്പെട്ട് ചെയ്യാത്ത കുറ്റത്തിന്‍െറ പേരില്‍ ജയിലില്‍ കഴിയുന്ന അബ്ദുന്നാസിര്‍ മഅ്ദനിക്ക് ജാമ്യം നല്‍കാന്‍ തയാറാകാത്തത് വ്യക്തമായ അജണ്ടയുടെ ഭാഗമാണെന്ന് തെഹല്‍ക ന്യൂസ് റിപ്പോര്‍ട്ടറും മഅ്ദനി വിഷയം അന്വേഷിച്ചതിന്‍െറ പേരില്‍ കേസില്‍ പ്രതിചേര്‍ക്കപ്പെടുകയും ചെയ്ത കെ.കെ. ഷാഹിന. മഅ്ദനിക്കെതിരെ സാക്ഷി പറഞ്ഞ മലയാളികളും കര്‍ണാടകക്കാരും അടങ്ങുന്നവരെ നേരില്‍ കണ്ട് ചര്‍ച്ച നടത്തിയതോടെ മഅ്ദനിയുടെ നിരപരാധിത്വം ബോധ്യപ്പെട്ടെന്നും അവര്‍ പറഞ്ഞു. ‘മഅ്ദനിക്കു വേണ്ടത് ജാമ്യം’ എന്ന വിഷയത്തില്‍ സോളിഡാരിറ്റി മട്ടന്നൂര്‍ യൂനിറ്റ് സംഘടിപ്പിച്ച മനുഷ്യാവകാശ സമ്മേളനത്തില്‍ മുഖ്യപ്രഭാഷണം നടത്തുകയായിരുന്നു ഷാഹിന.
മുസ്ലിംകള്‍ മാത്രമല്ല, സമൂഹത്തിന്‍െറ താഴെതട്ടിലുള്ള ചെറുത്തുനില്‍ക്കാനാവാത്ത നിരവധിപേര്‍ ചെയ്യാത്തകുറ്റം ചുമത്തപ്പെട്ട് ജയിലില്‍ കഴിയുന്നുണ്ട്. രേഖയില്‍ ഒളിവിലും എന്നാല്‍, കസ്റ്റഡിയില്‍ കഴിയുന്നവരുമായ ആളുകള്‍ കര്‍ണാടക ജയിലുകളിലുണ്ട്. മഅ്ദനിയുടെ അറസ്റ്റുമായി ബന്ധപ്പെട്ട് യാഥാര്‍ഥ്യം അന്വേഷിച്ചിറങ്ങിയതിനാണ് തന്നെ കേസില്‍പെടുത്തിയതെന്നും ഇതുമൂലം ഏഴുമാസത്തോളം സ്വന്തം വീട്ടില്‍ താമസിക്കാനാകാത്ത അവസ്ഥയുണ്ടായെന്നും ഷാഹിന പറഞ്ഞു.
സമ്മേളനം സോളിഡാരിറ്റി സംസ്ഥാന സെക്രട്ടറി കെ. സാദിഖ് ഉദ്ഘാടനം ചെയ്തു. പൊലീസ് പറയുന്നതാണ് ശരിയെന്ന നിലപാടിലേക്കാണ് രാജ്യത്ത് കാര്യങ്ങള്‍ നീങ്ങുന്നതെന്നും നിരപരാധികള്‍ ജയിലിലടക്കപ്പെടുമ്പോള്‍ ഉത്തരവാദപ്പെട്ട രാഷ്ട്രീയ പാര്‍ട്ടികള്‍ വിവേകത്തോടെ പ്രവര്‍ത്തിക്കേണ്ടതുണ്ടെന്നും അദ്ദേഹം പറഞ്ഞു.
സോളിഡാരിറ്റി ജില്ല സമിതിയംഗം ടി.കെ. അസ്ലം അധ്യക്ഷത വഹിച്ചു.
സ്വാമി വിശ്വഭദ്രാനന്ദ ശക്തിബോധി മുഖ്യാതിഥിയായിരുന്നു. എം. രതീഷ് (ഡി.വൈ.എഫ്.ഐ), വി.എന്‍. മുഹമ്മദ് (യൂത്ത്ലീഗ്), ഒ.കെ. പ്രസാദ് (യൂത്ത് കോണ്‍.), താജുദ്ദീന്‍ മട്ടന്നൂര്‍ (ഐ.എന്‍.എല്‍), നിസാര്‍ മത്തേര്‍ (പി.ഡി.പി), കൃഷ്ണകുമാര്‍ കണ്ണോത്ത് (ആകാശവാണി), ജോസഫ് ജോണ്‍ (വെല്‍ഫെയര്‍പാര്‍ട്ടി) എന്നിവര്‍ സംസാരിച്ചു. സോളിഡാരിറ്റി ഏരിയ ജന. സെക്രട്ടറി അന്‍സാര്‍ ഉളിയില്‍ സ്വാഗതവും സെക്രട്ടറി നൗഷാദ് മത്തേര്‍ നന്ദിയും പറഞ്ഞു.

MADANI

MADANI

മനുഷ്യാവകാശ സമ്മേളനം നാളെ മട്ടന്നൂരില്‍

മനുഷ്യാവകാശ സമ്മേളനം
നാളെ മട്ടന്നൂരില്‍

മട്ടന്നൂര്‍: ‘മഅ്ദനിക്ക് വേണ്ടത് ജാമ്യം’ എന്ന പ്രമേയവുമായി സോളിഡാരിറ്റി മട്ടന്നൂര്‍ യൂനിറ്റിന്‍െറ ആഭിമുഖ്യത്തില്‍ ശനിയാഴ്ച വൈകീട്ട് 4.30ന് മട്ടന്നൂര്‍ മാര്‍ക്കറ്റ് സൈറ്റില്‍ മനുഷ്യാവകാശ സമ്മേളനം നടത്തും. തെഹല്‍ക ന്യൂസ് റിപ്പോര്‍ട്ടര്‍ കെ.കെ. ഷാഹിന, സ്വാമി വിശ്വഭദ്രാനന്ദ ശക്തിബോധി, ശാഫി നദ്വി, കെ. സാദിഖ് (സോളിഡാരിറ്റി), എം. രതീഷ് (ഡി.വൈ.എഫ്.ഐ), വി.എന്‍. മുഹമ്മദ് (യൂത്ത് ലീഗ്), ഒ.കെ. പ്രസാദ് (യൂത്ത് കോണ്‍ഗ്രസ്), താജുദ്ദീന്‍ മട്ടന്നൂര്‍ (ഐ.എന്‍.എല്‍), സി.വി. ശശീന്ദ്രന്‍ (സി.എം.പി), ജോസഫ് ജോണ്‍ (വെല്‍ഫെയര്‍പാര്‍ട്ടി), നിസാര്‍ മത്തേര്‍ (പി.ഡി.പി), കൃഷ്ണകുമാര്‍ കണ്ണോത്ത് (ആകാശവാണി) എന്നിവര്‍ പങ്കെടുക്കും.

ഉദാരമതികളുടെ കനിവില്‍ നിര്‍ധന കുടുംബത്തിന് വീട്

ഉദാരമതികളുടെ കനിവില്‍  

നിര്‍ധന കുടുംബത്തിന് വീട്

മട്ടന്നൂര്‍: കോരിച്ചൊരിയുന്ന മഴയും ചുട്ടുപൊള്ളുന്ന വേനലും സഹിച്ച് രണ്ട് വര്‍ഷത്തോളം ടാര്‍പോളിന്‍ഷീറ്റ് കൊണ്ട് മറച്ച ഷെഡില്‍ കഴിഞ്ഞ നാലംഗ കുടുംബത്തിന്‍െറ വീടെന്ന സ്വപ്നം പൂവണിയുന്നു.   സോളിഡാരിറ്റിയുടെയും മറ്റും സഹായഹസ്തത്താല്‍ ബാര്‍ബര്‍ തൊഴിലാളി മട്ടന്നൂരിനടുത്ത കല്ലൂര്‍ ലക്ഷംവീട് കോളനിയിലെ കെ. അനില്‍കുമാറിനും കുടുംബത്തിനുമാണ് വീട് നിര്‍മിച്ചത്.
ലക്ഷംവീട് കോളനിയില്‍ അനില്‍കുമാറിന്‍െറ വീട് വാസയോഗ്യമല്ലാത്ത അപകടാവസ്ഥയിലായിരുന്നു. ചേരിനിര്‍മാര്‍ജന പദ്ധതിയില്‍പെടുത്തി വീട് പുനര്‍നിര്‍മാണത്തിന് അവസരമൊരുങ്ങിയതോടെ നിലവിലെ വീട്പൊളിച്ച് പദ്ധതി പ്രകാരം നിര്‍മാണം തുടങ്ങി. ലഭിച്ച ആദ്യഗഡു കൊണ്ട് ചുവര്‍ പൂര്‍ത്തിയായെങ്കിലും പിന്നീടുള്ള നിര്‍മാണം നിലച്ചു. വീട് നിര്‍മാണം പൂര്‍ത്തിയാക്കിയാല്‍ പദ്ധതിപ്രകാരം ബാക്കിതുക കിട്ടുമായിരുന്നെങ്കിലും ഈ നിര്‍ധന യുവാവിന് സാധിച്ചില്ല. ചുവരില്‍ ഒതുങ്ങിയ വീടിന് സമീപം പ്ളാസ്റ്റിക് ഷീറ്റ്കൊണ്ട് ഷെഡ്കെട്ടി  അനില്‍കുമാറും ഭാര്യയും രണ്ട് മക്കളും താസിച്ചുവരുകയായിരുന്നു.
വാര്‍ഡ് കൗണ്‍സിലര്‍ സി.വി. ശശീന്ദ്രന്‍െറ നേതൃത്വത്തില്‍ നടന്ന പ്രവര്‍ത്തനമാണ് അനില്‍കുമാറിന്‍െറ പാതിവഴിയില്‍ നിലച്ച വീട് നിര്‍മാണം ഒരുപരിധിവരെ പൂര്‍ത്തിയാക്കാനായത്. കുടുംബത്തിന്‍െറ ദുരിതജീവിതം അറിഞ്ഞ സോളിഡാരിറ്റി മട്ടന്നൂര്‍ യൂനിറ്റ് കോണ്‍ക്രീറ്റിനാവശ്യമായ മുഴുവന്‍ സിമന്‍റും എത്തിച്ചുകൊടുത്തു. മട്ടന്നൂര്‍ പഴശ്ശിരാജ എന്‍.എസ്.എസ് കോളജിലെ എന്‍.എസ്.എസ് യൂനിറ്റിന്‍െറ സഹായവും നാട്ടിലെ ഉദാരമതികളില്‍നിന്ന് സ്വരൂപിച്ച പണവും കൊണ്ടാണ് ഇന്നലെ വീടിന്‍െറ കോണ്‍ക്രീറ്റ് നടത്തിയത്. ഏതാനും എന്‍.എസ്.എസ് വളന്‍റിയര്‍മാരും നിര്‍മാണ പ്രവൃത്തിയില്‍ പങ്കാളികളായി. രണ്ടാഴ്ച മുമ്പ് ഇതേ കോളനിയിലെ നിര്‍ധനരായ കബീറിനും കുടുംബത്തിനും മട്ടന്നൂര്‍ കോളജ് എന്‍.എസ്.എസ് യൂനിറ്റ് വീട് നിര്‍മിച്ചു നല്‍കിയിരുന്നു. മാതൃകാ പ്രവര്‍ത്തനത്തിന്‍െറ മറ്റൊരേട് കൂടിയാണ് ഇന്നലെ എഴുതിച്ചേര്‍ക്കപ്പെട്ടത്.  കൗണ്‍സിലര്‍ സി.വി. ശശീന്ദ്രന്‍, സോളിഡാരിറ്റി ഏരിയാ സെക്രട്ടറി അന്‍സാര്‍ ഉളിയില്‍, മട്ടന്നൂര്‍ യൂനിറ്റ് പ്രസിഡന്‍റ് പി.എം. മഅ്റൂഫ്, മട്ടന്നൂര്‍ കോളജ് എന്‍.എസ്.എസ് പ്രോഗ്രാം ഓഫിസര്‍ ഡോ. സജി ആര്‍. കുറുപ്പ്, കോളനിവാസികളായ കെ. കരീം, ഇ. റഹീം എന്നിവര്‍ നിര്‍മാണ പ്രവൃത്തിക്ക് നേതൃത്വം നല്‍കി.

ജിജിക്ക് സഹായം നല്‍കും

ജിജിക്ക് സഹായം നല്‍കും

മട്ടന്നൂര്‍: വാഹനാപകടത്തില്‍ ഗുരുതരമായി പരിക്കേറ്റ് കിടപ്പിലായ യുവതിക്ക് സോളിഡാരിറ്റി  സഹായം വാഗ്ദാനം ചെയ്തു. ചാവശ്ശേരി വട്ടക്കയത്തെ വണ്ടിച്ചാല്‍ ഹൗസില്‍ വി.സി. കുഞ്ഞിരാമന്‍- ഗൗരി ദമ്പതികളുടെ മകള്‍ ജിജിക്കാണ് വീട്ടിലത്തെി  നേതാക്കള്‍ സഹായം വാഗ്ദാനം ചെയ്തത്.
ഒന്നരവര്‍ഷം മുമ്പുണ്ടായ അപകടത്തില്‍ കൈകാലുകളുടെയും കഴുത്തിലെയും എല്ലുകള്‍ പൊട്ടിയും തലച്ചോറിന് ക്ഷതമേറ്റും കിടപ്പിലായ ജിജിക്ക് ലക്ഷങ്ങള്‍ ചെലവിട്ട് ചികിത്സ നടത്തിയിട്ടും പരിക്കില്‍ നിന്ന് മോചനം ലഭിച്ചിരുന്നില്ല.
നാട്ടുകാര്‍ കമ്മിറ്റി രൂപവത്കരിച്ച് സ്വരൂപിച്ച തുകയും കുടുംബത്തിന് ആകെയുള്ള വരുമാനവുമാണ് ഇതുവരെ ചികിത്സക്ക് ചെലവിട്ടത്. അപകടത്തില്‍ ഓര്‍മശക്തി നഷ്ടപ്പെടുകകൂടി ചെയ്ത ജിജിക്ക് തുടര്‍ ചികിത്സക്ക് ഇനിയും ലക്ഷങ്ങള്‍ വേണം.
ജിജിയുടെ അവസ്ഥയെക്കുറിച്ച് ‘മാധ്യമം’ വാര്‍ത്ത പ്രസിദ്ധീകരിച്ചിരുന്നു.  ജിജിക്ക് വാട്ടര്‍ബെഡ് നല്‍കുമെന്നും മറ്റ് സഹായങ്ങള്‍ ലഭ്യമാക്കുമെന്നും സോളിഡാരിറ്റി നേതാക്കള്‍ കുടുംബത്തെ അറിയിച്ചു.
സേവനവിഭാഗം കണ്‍വീനര്‍ ടി.കെ. മുനീര്‍, ഏരിയാ സെക്രട്ടറി അന്‍സാര്‍ ഉളിയില്‍, സലീം തെരൂര്‍ എന്നിവരാണ്  വീട് സന്ദര്‍ശിച്ചത്.

ആശുപത്രി ഉപകരണം നല്‍കി

 ആശുപത്രി ഉപകരണം നല്‍കി

മട്ടന്നൂര്‍: മട്ടന്നൂര്‍ ഗവ. ആശുപത്രിക്ക് സോളിഡാരിറ്റി മട്ടന്നൂര്‍ യൂനിറ്റിന്‍െറ ആഭിമുഖ്യത്തില്‍ രക്തസമ്മര്‍ദം അളക്കുന്ന  ഉപകരണം വിതരണം  ചെയ്തു. സോളിഡാരിറ്റി ജില്ലാ സെക്രട്ടറി ടി.കെ.അസ്ലമില്‍നിന്ന് നഗരസഭ ആരോഗ്യസ്റ്റാന്‍ഡിങ് കമ്മിറ്റി ചെയര്‍മാന്‍ എന്‍. ഷാജിത്ത് മാസ്റ്റര്‍ ഏറ്റുവാങ്ങി. മെഡിക്കല്‍ ഓഫിസര്‍ പ്രിയ മുഖ്യാതിഥിയായിരുന്നു. സോളിഡാരിറ്റി ഇരിട്ടി ഏരിയാ ജനറല്‍ സെക്രട്ടറി അന്‍സാര്‍ ഉളിയില്‍ സംസാരിച്ചു. മുഹമ്മദ് മരുതായി, മഹറൂഫ്, റിയാസ് എന്നിവര്‍ നേതൃത്വം നല്‍കി.

മാധ്യമ പ്രവര്‍ത്തകനെ മര്‍ദിച്ചതില്‍ പ്രതിഷേധം

മാധ്യമ  പ്രവര്‍ത്തകനെ മര്‍ദിച്ചതില്‍   പ്രതിഷേധം

കണ്ണൂര്‍:  മട്ടന്നൂര്‍ രാജീവ് മെമ്മോറിയല്‍ ബി.എഡ് കോളജിലേക്ക് എസ്.എഫ്.ഐ നടത്തിയ മാര്‍ച്ച് റിപ്പോര്‍ട്ട് ചെയ്യാനെത്തിയ 'മാധ്യമം' മട്ടന്നൂര്‍ ലേഖകന്‍ നാസര്‍ മട്ടന്നൂരിനെ  മര്‍ദിച്ചതില്‍  പ്രതിഷേധം. അക്രമികളെ മാതൃകാപരമായി ശിക്ഷിക്കണമെന്ന് സോളിഡാരിറ്റി മട്ടന്നൂര്‍ യൂനിറ്റ്  ആവശ്യപ്പെട്ടു. യൂനിറ്റ് പ്രസിഡന്റ് ടി.കെ. മുഹമ്മദ് അധ്യക്ഷത വഹിച്ചു. റിയാസ് മട്ടന്നൂര്‍, താജുദ്ദീന്‍, നൌഷാദ് മേത്തര്‍ എന്നിവര്‍ സംസാരിച്ചു.

മലബാര്‍ നിവര്‍ത്തന പ്രക്ഷോഭം

SOLIDARITY MATTANNUR UNIT

ഒപ്പുശേഖരണം നടത്തി

മട്ടന്നൂര്‍: സോളിഡാരിറ്റി മട്ടന്നൂര്‍ യൂനിറ്റിന്റെ ആഭിമുഖ്യത്തില്‍ ഒപ്പുശേഖരണം നടത്തി. മട്ടന്നൂര്‍ ബസ്സ്റ്റാന്‍ഡ് പരിസരത്ത് നടന്ന പരിപാടി ഡി.സി.സി അംഗം കെ.വി. ജയചന്ദ്രന്‍ ഉദ്ഘാടനം ചെയ്തു. ടി.കെ. മുനീര്‍ അധ്യക്ഷത വഹിച്ചു. നൌഷാദ് മേത്തര്‍, റിയാസ്, പി.എ. സുബൈര്‍, കെ.പി. ഷിനോദ് തുടങ്ങിയവര്‍ സംസാരിച്ചു.

SOLIDARITY MATTANNUR

സോളിഡാരിറ്റി ജനകീയ കുടിവെള്ള
പദ്ധതി സമര്‍പ്പണം ജൂണ്‍ അഞ്ചിന്

മട്ടന്നൂര്‍: സോളിഡാരിറ്റി സംസ്ഥാന കുടിവെള്ള പദ്ധതിയുടെ ഭാഗമായി പുന്നാട് ലക്ഷം വീട് കോളനിയില്‍ ഒരുക്കിയ ജനകീയ കുടിവെള്ള പദ്ധതി ജൂണ്‍ അഞ്ചിന് നാടിന് സമര്‍പ്പിക്കും. സോളിഡാരിറ്റി സംസ്ഥാന പ്രസിഡന്റ് പി. മുജീബുറഹ്മാന്‍ സമര്‍പ്പണ പരിപാടി ഉദ്ഘാടനം ചെയ്യും. കുടിവെള്ള ക്ഷാമം രൂക്ഷമായി നേരിടുന്ന പുന്നാട് കോളനിയിലെ നാല്‍പതോളം വീട്ടുകാര്‍ക്ക് സോളിഡാരിറ്റിയുടെ കുടിവെള്ള പദ്ധതി വലിയ അനുഗ്രഹമായി മാറും. കുടിവെള്ള പദ്ധതിയുടെ ഉദ്ഘാടനത്തിന് ഉത്സവഛായ പകരാന്‍ കോളനി വാസികളും നാട്ടുകാരും തയാറെടുക്കുകയാണ്. ഘോഷയാത്ര ഉള്‍പ്പെടെ വിപുലമായ പരിപാടികളാണ് ഒരുക്കിയിട്ടുള്ളത്.
പരിപാടിയുടെ വിജയത്തിന് വിപുലമായ സംഘാടക സമിതി രൂപവത്കരിച്ചു. യോഗത്തില്‍ സോളിഡാരിറ്റി ജില്ലാ സെക്രട്ടറി എന്‍.എം. ഷഫീഖ് അധ്യക്ഷത വഹിച്ചു. പി.സി. മുനീര്‍, കെ.പി. റസാഖ്, കെ.വി. സാദിഖ് എന്നിവര്‍ സംസാരിച്ചു. ടി.കെ. മുനീര്‍ സ്വാഗതവും ഷാനിഫ് ഇരിട്ടി നന്ദിയും പറഞ്ഞു.
ഭാരവാഹികള്‍: പി.സി. മുനീര്‍ (ചെയര്‍.), ടി.കെ. മുഹമ്മദ് അസ്ലം (ജന. കണ്‍.), ടി.കെ. മുനീര്‍ (കണ്‍.), ഷക്കീബ് ഉളിയില്‍ (പ്രചാരണം), ഷാനിദ് ഇരിട്ടി (പ്രോഗ്രാം), സി.കെ. അന്‍സാര്‍ (സജ്ജീകരണം), കെ.വി. നിസാര്‍ (ഘോഷയാത്ര), പി.പി. റിയാസ് (ഡെക്കറേഷന്‍), നൌഷാദ് മേത്തര്‍ ( പബ്ലിക് റിലേഷന്‍), കെ.വി. സാദിഖ് (റിസപ്ഷന്‍), പി. അബൂബക്കര്‍ (റിഫ്രഷ്മെന്റ്).

SOLIDARITY MATTANNUR

 

 പുന്നാട് കോളനിയില്‍ സോളിഡാരിറ്റി കുടിവെള്ള പദ്ധതി ജമാഅത്തെ ഇസ്ലാമി ജില്ലാ പ്രസിഡന്റ് ടി.കെ. മുഹമ്മദലി ഉദ്ഘാടനം ചെയ്യുന്നു

സോളിഡാരിറ്റി കുടിവെള്ള
പദ്ധതി നിര്‍മാണം തുടങ്ങി

മട്ടന്നൂര്‍: കുടിവെള്ളക്ഷാമം നേരിടുന്ന പുന്നാട് ലക്ഷംവീട് കോളനിയില്‍ സോളിഡാരിറ്റിയുടെ ജനകീയ കുടിവെള്ള പദ്ധതിയുടെ നിര്‍മാണം ആരംഭിച്ചു. ഞായറാഴ്ച രാവിലെ കോളനിയില്‍ നടന്ന നിര്‍മാണ പ്രവൃത്തി ജമാഅത്തെ ഇസ്ലാമി ജില്ലാ പ്രസിഡന്റ് ടി.കെ. മുഹമ്മദലി ഉദ്ഘാടനം ചെയ്തു. കോളനിയിലെ 40ഓളം വീട്ടുകാര്‍ക്ക് കുടിവെള്ളം വിതരണം ചെയ്യുന്ന പദ്ധതിക്കാണ് തുടക്കമായത്. പൈപ്പ് സ്ഥാപിക്കുന്നതിനുള്ള ചാലുകീറുന്ന പ്രവൃത്തിയാണ് ആദ്യദിനം ആരംഭിച്ചത്. ടാങ്ക്നിമാണം ഉള്‍പ്പെടെയുള്ള പ്രവൃത്തികള്‍ വരുംദിവസങ്ങളില്‍ നടക്കും. മേയ് മാസത്തോടെ കോളനിയില്‍ കുടിവെള്ള വിതരണം നടത്താന്‍ കഴിയുന്ന വിധത്തിലാണ് പ്രവൃത്തികള്‍ നടത്തുക. ഞായറാഴ്ച ആരംഭിച്ച നിര്‍മാണ പ്രവൃത്തികളില്‍ കോളനിവാസികളും പങ്കെടുത്തു.
ജമാഅത്തെ ഇസ്ലാമി ഇരിട്ടി ഏരിയാ ഓര്‍ഗനൈസര്‍ പി.സി. മുനീര്‍, കെ.വി. നിസാര്‍, നാസര്‍ പുന്നാട്, ടി.കെ. മുനീര്‍, നൌഷാദ് മേത്തര്‍, അന്‍സാര്‍ ഉളിയില്‍ എന്നിവര്‍ നേതൃത്വം നല്‍കി.

SOLIDARITY MATTANNUR

 സോളിഡാരിറ്റി ജനകീയ കുടിവെള്ള പദ്ധതി
നിര്‍മ്മാണ പ്രവൃത്തി നാളെ തുടങ്ങും

മട്ടന്നൂര്‍: കുടിവെള്ളക്ഷാമം അതിരൂക്ഷമായി നേരിടുന്ന പുന്നാട് ലക്ഷംവീട് കോളനിയില്‍ സോളിഡാരിറ്റിയുടെ ജനകീയ കുടിവെള്ള പദ്ധതിയുടെ നിര്‍മ്മാണ പ്രവൃത്തി ഞായറാഴ്ച തുടങ്ങും.
കോളനിയിലെ നാല്‍പതോളം വീട്ടുകാര്‍ക്ക് കുടിവെള്ള പദ്ധതിയുടെ പ്രയോജനം ലഭിക്കും.
കാലങ്ങളായി കോളനിവാസികള്‍ കുടിവെള്ളത്തിന് നെട്ടോട്ടമോടുമ്പോഴും ഇവിടെയുള്ള കിണര്‍ നോക്കുകുത്തിയായി നില്‍ക്കുകയാണ്.
മുറവിളികള്‍ക്കൊന്നും പരിഹാരമില്ലാതെ കിടക്കുന്ന സാഹചര്യത്തിലാണ് സോളിഡാരിറ്റി ജനകീയ കുടിവെള്ള പദ്ധതിയുമായി രംഗത്ത് വന്നത്. ഞായറാഴ്ച നിര്‍മ്മാണ പ്രവൃത്തിതുടങ്ങുന്ന പദ്ധതി മെയ് പകുതിയോടെ പൂര്‍ത്തീകരിച്ച് ജലവിതരണം നടത്തുമെന്ന് ബന്ധപ്പെട്ടവര്‍ വ്യക്തമാക്കി.
സ്വകാര്യ വ്യക്തിയില്‍ നിന്നും സ്ഥലം വിലക്ക് വാങ്ങി പദ്ധതിക്കായുള്ള കിണര്‍ നിര്‍മ്മിച്ചുകഴിഞ്ഞു.
ഇവിടെ ടാങ്ക് പണിത് ഓരോവീടുകളിലേക്കും പ്രത്യേകം ടാപ്പ് പണിയുകയും ചെയ്യും. കോളനിയിലെ കുടിവെള്ള ക്ഷാമത്തിന് ശാശ്വത പരിഹാരം കാണുന്നതിന് രണ്ടരലക്ഷത്തിലേറെ രൂപ ചെലവിട്ടാണ് പദ്ധതി തയാറാക്കിയത്.
ഞായറാഴ്ച രാവിലെ ആറ് മണിക്ക് ജമാഅത്തെ ഇസ്ലാമി ജില്ലാ പ്രസിഡന്റ് ടി.കെ. മുഹമ്മദലി നിര്‍മ്മാണ പ്രവൃത്തി ഉദ്ഘാടനം ചെയ്യും.
സോളിഡാരിറ്റി സേവന വിഭാഗം കണ്‍വീനര്‍ ടി.കെ. മുനീര്‍, കെ. സാദിഖ്, ടി.കെ. അസ്ലം, കെ. ഷാനിഫ് എന്നിവരുടെ നേതൃത്വത്തിലാണ് പ്രവൃത്തികള്‍ നടക്കുക.

SOLIDARITY_MATTANNUR

സോളിഡാരിറ്റിയുടെ ജനകീയ കൃഷിത്തോട്ടം കീഴൂര്‍-ചാവശേãരി പഞ്ചായത്ത് പ്രസിഡന്റ് കെ. റഷീദ് ഉദ്ഘാടനം ചെയ്യുന്നു.

വിലക്കയറ്റത്തിനെതിരെ
ജനകീയ കൃഷിത്തോട്ടം

മട്ടന്നൂര്‍: രൂക്ഷമായ വിലക്കയറ്റത്തിനെതിരെയുള്ള സമരത്തിന്റെ ഭാഗമായി മട്ടന്നൂര്‍ ഏരിയയിലെ സോളിഡാരിറ്റി പ്രവര്‍ത്തകരുടെ കര്‍മശേഷി ഉപയോഗിച്ച് ഐഡിയലില്‍ 12 സെന്റ് സ്ഥലത്ത് ഒരുക്കിയ കൃഷിത്തോട്ടം കീഴൂര്‍-ചാവശേãരി പഞ്ചായത്ത് പ്രസിഡന്റ് കെ. റഷീദ് ഉദ്ഘാടനം ചെയ്തു. ജില്ലാ പഞ്ചായത്തംഗം ഷജീറ ടീച്ചര്‍ മുഖ്യാതിഥിയായിരുന്നു. ഇതര യുവജന പ്രസ്ഥാനങ്ങള്‍ക്കുകൂടി ഏറ്റെടുക്കാവുന്നതും മാതൃകാപരവുമായ പ്രവര്‍ത്തനങ്ങളാണ് സോളിഡാരിറ്റിയുടേതെന്ന് കെ. റഷീദ് പറഞ്ഞു.
പ്രവര്‍ത്തകരുടെ അധ്വാനം കൂട്ടിച്ചേര്‍ത്ത് കുറഞ്ഞ ചെലവില്‍ സോളിഡാരിറ്റി കുടിവെള്ള പദ്ധതി പോലുള്ളവ മാതൃകയാക്കി നാടിന്റെ വികസനത്തിന് യുവാക്കളുടെ കര്‍മശേഷി ഉപയോഗപ്പെടുത്താന്‍ ശ്രമിക്കണമെന്ന് മുഖ്യാതിഥിയായ ഷജീറ ടീച്ചര്‍ പറഞ്ഞു. പി.സി. മുനീര്‍, രവീന്ദ്രന്‍ മാസ്റ്റര്‍, ഫാത്തിമ എന്നിവര്‍ സംസാരിച്ചു. ഏരിയാ പ്രസിഡന്റ് കെ. സാദിഖ് അധ്യക്ഷത വഹിച്ചു. കൃഷിത്തോട്ടം കണ്‍വീനര്‍ അന്‍സാര്‍ ഉളിയില്‍ സ്വാഗതവും നൌഷാദ് മേത്തര്‍ നന്ദിയും പറഞ്ഞു.
COURTESY: Madhyamam/08-02-2011