ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----
Showing posts with label SOLIDARITY KANNUR. Show all posts
Showing posts with label SOLIDARITY KANNUR. Show all posts

Monday, July 29, 2013

SOLIDARITY KANNUR

SOLIDARITY  KANNUR DIST CONVENTION @ KAOSER ON 28-07-2013

പ്രതിഷേധ പ്രകടനം

 
 പ്രതിഷേധ പ്രകടനം
കണ്ണൂര്‍: ഈജിപ്തില്‍ പട്ടാളം നടത്തിയ കൂട്ടക്കുരുതിയില്‍ പ്രതിഷേധിച്ച് സോളിഡാരിറ്റി ജില്ലാ കമ്മിറ്റിയുടെ ആഭിമുഖ്യത്തില്‍ കണ്ണൂരില്‍ പ്രകടനം നടത്തി. കാല്‍ടെക്സ് കേന്ദ്രീകരിച്ച് തുടങ്ങിയ പ്രകടനം പഴയ ബസ്സ്റ്റാന്‍ഡില്‍ സമാപിച്ചു. ജില്ലാ പ്രസിഡന്‍റ് പി.കെ. മുഹമ്മദ് സാജിദ്, ജന.സെക്രട്ടറി എ.പി. മുഹമ്മദ് അജ്മല്‍, സെക്രട്ടറി കെ.അബ്ദുല്‍ ജബ്ബാര്‍, കെ.കെ. ഷുഹൈബ്, ടി.പി. ഫൈസല്‍ എന്നിവര്‍ നേതൃത്വം നല്‍കി.

Wednesday, July 17, 2013

സോളിഡാരിറ്റി: പി.കെ. മുഹമ്മദ് സാജിദ് പ്രസി.


സോളിഡാരിറ്റി: 
പി.കെ. മുഹമ്മദ് സാജിദ് പ്രസി.

കണ്ണൂര്‍: സോളിഡാരിറ്റി ജില്ലാ ഭാരവാഹികളെ തെരഞ്ഞെടുത്തു. പി.കെ. മുഹമ്മദ് സാജിദ് പ്രസിഡന്‍റായും എ.പി. മുഹമ്മദ് അജ്മല്‍ ജനറല്‍ സെക്രട്ടറിയായും തെരഞ്ഞെടുക്കപ്പെട്ടു. സെക്രട്ടറിമാരായി ടി.പി. ഇല്യാസ് (സമൂഹം), ബി. അബ്ദുല്‍ ജബ്ബാര്‍ (സേവനം), വി.കെ. നദീര്‍ (പബ്ളിക് റിലേഷന്‍) എന്നിവരെയും ജില്ലാ കമ്മിറ്റി അംഗങ്ങളായി കെ. സാദിഖ്, കെ.എം. മഖ്ബൂല്‍, കെ.എന്‍. ജാബിര്‍, ഫാറൂഖ് ഇരിക്കൂര്‍, എ.പി.വി. മുസ്തഫ, ടി.കെ. മുഹമ്മദ് അസ്ലം, കെ.എം. അഷ്ഫാഖ് എന്നിവരെയും ഏരിയാ പ്രസിഡന്‍റുമാരായി ശിഹാബുദ്ദീന്‍ (പയ്യന്നൂര്‍), ബി. ഖലീല്‍ (മാടായി), സി.എച്ച്. മിഫ്താഫ് (വളപട്ടണം), കെ.കെ. ശുഹൈബ് (കണ്ണൂര്‍), കെ.കെ. ഫിറോസ് (എടക്കാട്), പി. അശ്റഫ് (തലശ്ശേരി), ടി.പി. തസ്നിം (മട്ടന്നൂര്‍), ഷഫീര്‍ ആറളം (ഇരിട്ടി), പി. സവാദ് (പാനൂര്‍) എന്നിവരെയും തെരഞ്ഞെടുത്തു. സോളിഡാരിറ്റി സംസ്ഥാന സമിതി അംഗം മുഹമ്മദ് അസ്ലം തെരഞ്ഞെടുപ്പിന് മേല്‍നോട്ടം വഹിച്ചു.



Monday, June 10, 2013

ആംവെ നിയമവിധേയമാക്കാനുള്ള ശ്രമം ഉപേക്ഷിക്കണം -സോളിഡാരിറ്റി

ആംവെ നിയമവിധേയമാക്കാനുള്ള
ശ്രമം ഉപേക്ഷിക്കണം -സോളിഡാരിറ്റി
കണ്ണൂര്‍: ആംവെ നടത്തുന്ന മള്‍ട്ടി ലെവല്‍ മാര്‍ക്കറ്റിങ്ങും വഞ്ചനയും പുറത്തുവന്നിരിക്കെ കമ്പനി നിയമവിധേയമാക്കി ഒത്തുകളിക്കാനുള്ള ശ്രമം ഉപേക്ഷിക്കണമെന്ന് സോളിഡാരിറ്റി കണ്ണൂര്‍ ജില്ലാ ിസെക്രട്ടേറിയറ്റ് ആവശ്യപ്പെട്ടു. ട്രേഡ് യൂനിയനുകളും വിപ്ളവ പാര്‍ട്ടികളും ഇത്തരത്തില്‍ തട്ടിപ്പു രീതികള്‍ക്കുവേണ്ടി സംഘടിക്കുകയും സംസാരിക്കുകയും ചെയ്യുന്നത് ഇവരുടെ ഉദ്ദേശ്യശുദ്ധിയെ ചോദ്യം ചെയ്യുന്നു. നൂറുകണക്കിനാളുകള്‍ തട്ടിപ്പിനിരയാവുകയും കേസ് നല്‍കുകയും ചെയ്ത സംഭവത്തില്‍ ഒരക്ഷരം മിണ്ടാത്തവര്‍ ഇത്തരം അനീതിക്കുവേണ്ടി ഓശാന പാടുന്നത് തീര്‍ത്തും ഖേദകരമാണെന്ന് സെക്രട്ടേറിയറ്റ് അഭിപ്രായപ്പെട്ടു. ജില്ലാ പ്രസിഡന്‍റ് ഫാറൂഖ് ഉസ്മാന്‍ അധ്യക്ഷത വഹിച്ചു. ജന. സെക്രട്ടറി ടി.കെ. മുഹമ്മദ് റിയാസ് റിപ്പോര്‍ട്ട് അവതരിപ്പിച്ചു. കെ.എം. മഖ്ബൂല്‍, കെ. മുഹമ്മദ് നിയാസ്, ടി.പി. ഇല്യാസ്, എ.പി. അജ്മല്‍ എന്നിവര്‍ സംസാരിച്ചു.

Saturday, June 1, 2013

സോളിഡാരിറ്റി കുടിവെള്ള പദ്ധതി നാടിനു സമര്‍പ്പിച്ചു

 സോളിഡാരിറ്റി കുടിവെള്ള പദ്ധതി
നാടിനു സമര്‍പ്പിച്ചു
പയ്യന്നൂര്‍: പയ്യന്നൂര്‍ നഗരസഭയുടെ സഹകരണത്തോടെ വെള്ളൂര്‍ കണിയേരിയില്‍ സ്ഥാപിച്ച സോളിഡാരിറ്റി ജനകീയ കുടിവെള്ള പദ്ധതി നാടിനു സമര്‍പ്പിച്ചു. ജമാഅത്തെ ഇസ്ലാമി പയ്യന്നൂര്‍ ഏരിയ പ്രസിഡന്‍റ് ജമാല്‍ കടന്നപ്പള്ളി സ്വിച്ചോണ്‍ കര്‍മം നിര്‍വഹിച്ചു. സോളിഡാരിറ്റി സംസ്ഥാന പ്രതിനിധിസഭാംഗം ടി.പി. മുഹമ്മദ് ശമീം മുഖ്യപ്രഭാഷണം നടത്തി. ജില്ല പ്രസിഡന്‍റ് ഫാറൂഖ് ഉസ്മാന്‍ അധ്യക്ഷത വഹിച്ചു. നഗരസഭാംഗം എം. വനജ, എ. ദാമോദരന്‍, പി.പി. ദാമോദരന്‍, പി. വേലായുധന്‍ തുടങ്ങിയവര്‍ സംസാരിച്ചു. ജില്ല സെക്രട്ടറി ടി.കെ. മുഹമ്മദ് റിയാസ് സ്വാഗതവും ഏരിയ പ്രസിഡന്‍റ് ശിഹാബ് അരവഞ്ചാല്‍ നന്ദിയും പറഞ്ഞു.
30ഓളം കുടുംബങ്ങള്‍ക്കായിരിക്കും പദ്ധതിയുടെ പ്രയോജനം ലഭിക്കുക. നഗരസഭയുടെ പൊതുകിണറില്‍നിന്ന് വെള്ളം ടാങ്കില്‍ ശേഖരിച്ച് വീടുകള്‍ക്കുമുന്നില്‍ സ്ഥാപിച്ച ടാപ്പുകളില്‍ എത്തിക്കും. സോളിഡാരിറ്റിയുടെ സംസ്ഥാന പദ്ധതിയില്‍ ഉള്‍പ്പെടുത്തി 1.75 ലക്ഷം രൂപ ചെലവഴിച്ചാണ് കുടിവെള്ള പദ്ധതി പൂര്‍ത്തിയാക്കിയത്. പൈപ്പിടലും മറ്റും പൂര്‍ണമായും ശ്രമദാനത്തിലൂടെയാണ് നടത്തിയത്. പയ്യന്നൂര്‍ ഏരിയയിലെ സോളിഡാരിറ്റി പ്രവര്‍ത്തകരോടൊപ്പം നാട്ടുകാരായ വേലായുധന്‍, നാരായണന്‍, സുനില്‍, സാജിദ്, ഷംസുദ്ദീന്‍, നസീര്‍ തുടങ്ങിയവരും ശ്രമദാനത്തില്‍ പങ്കാളികളായി. രണ്ടര മാസം മുമ്പാണ് പ്രവൃത്തി ആരംഭിച്ചത്.

Wednesday, May 29, 2013

വെള്ളൂരില്‍ സോളിഡാരിറ്റി കുടിവെള്ള പദ്ധതി യാഥാര്‍ഥ്യമാകുന്നു

വെള്ളൂരില്‍ സോളിഡാരിറ്റി കുടിവെള്ള 
പദ്ധതി യാഥാര്‍ഥ്യമാകുന്നു
പയ്യന്നൂര്‍: സേവനത്തിന്‍െറയും ജനകീയ കൂട്ടായ്മയുടെയും പുതിയ ചരിത്രമെഴുതി പയ്യന്നൂര്‍ വെള്ളൂരില്‍ സോളിഡാരിറ്റിയുടെ കാരുണ്യജലം. പയ്യന്നൂര്‍ നഗരസഭയുടെ സഹകരണത്തോടെ കണിയേരിയിലെ 25 കുടുംബങ്ങള്‍ക്കാണ് പദ്ധതിയുടെ പ്രയോജനം ലഭിക്കുക.
ഇന്ന് വൈകീട്ട് 4.30ന് സോളിഡാരിറ്റി യൂത്ത് മൂവ്മെന്‍റ് സംസ്ഥാന സെക്രട്ടറി പി.ഐ. നൗഷാദ് കുടിവെള്ള വിതരണം ഉദ്ഘാടനം ചെയ്യും. പയ്യന്നൂര്‍ നഗരസഭാധ്യക്ഷ കെ.വി. ലളിത മുഖ്യാതിഥിയാവും. രണ്ടുലക്ഷം രൂപ ചെലവിലാണ് പദ്ധതി പൂര്‍ത്തിയായത്. പൈപ്പ് സ്ഥാപിക്കലും മറ്റും പൂര്‍ണമായും ശ്രമദാനത്തിലൂടെയാണ് പൂര്‍ത്തിയാക്കിയത്. പ്രവര്‍ത്തകരോടൊപ്പം വേലായുധന്‍, ശിഹാബ്, നാരായണന്‍ എന്നിവരുടെ നേതൃത്വത്തില്‍ നാട്ടുകാരും ഈ ജനകീയ സംരംഭത്തിന് വിയര്‍പ്പൊഴുക്കാന്‍ തയാറായി.
നഗരസഭയുടെ പൊതുകിണറില്‍നിന്നാണ് വെള്ളമെടുക്കുക. ടാങ്കില്‍ ശേഖരിക്കുന്ന വെള്ളം പൈപ്പുകള്‍ വഴി വീടുകളിലത്തെും. എല്ലാ വീടുകള്‍ക്ക് മുന്നിലും ടാപ്പുകള്‍ സ്ഥാപിച്ചിട്ടുണ്ട്. രണ്ടരമാസത്തെ അധ്വാനത്തിനുശേഷമാണ് പദ്ധതി യാഥാര്‍ഥ്യമാവുന്നത്. കുടിവെള്ളത്തിന് ദാഹിക്കുന്ന ജനങ്ങള്‍ക്ക് ഒരുപരിധിവരെ ആശ്വാസമാവുന്ന യത്നത്തിനാണ് ഇന്ന് ഫലപ്രാപ്തിയാവുക.
ഉദ്ഘാടന ചടങ്ങില്‍ മുഹമ്മദ് ഷമീം, ഡോ. ഇ. ശ്രീധരന്‍, ജമാലുദ്ദീന്‍ അസ്ഹരി, പി.പി. കൃഷ്ണന്‍ മാസ്റ്റര്‍, എം. വനജ, എ. ദാമോദരന്‍, ജമാല്‍ കടന്നപ്പള്ളി, പി.പി. ദാമോദരന്‍, ഫാറൂഖ് ഉസ്മാന്‍ തുടങ്ങിയവര്‍ സംബന്ധിക്കും. കലാപരിപാടികളും ഉണ്ടാവും.

Tuesday, May 21, 2013

ഐഡിയല്‍ കള്‍ചറല്‍ സെന്‍റര്‍ മികച്ച ക്ളബ്

ഐഡിയല്‍ കള്‍ചറല്‍ സെന്‍റര്‍ 
മികച്ച ക്ളബ്
കണ്ണൂര്‍: സോളിഡാരിറ്റി യൂത്ത് മൂവ്മെന്‍റ് ദശവാര്‍ഷിക പരിപാടികളുടെ ഭാഗമായി ജില്ലയില്‍നിന്ന് മികച്ച ക്ളബായി ചപ്പാരപ്പടവ് അരിപ്പാമ്പ്ര തോട്ടീക്കല്‍ ഐഡിയല്‍ കള്‍ചറല്‍ സെന്‍ററിനെ തെരഞ്ഞെടുത്തു.
ഇന്നുമുതല്‍ കോഴിക്കോട് കടപ്പുറത്ത് നടക്കുന്ന യൂത്ത് സ്പ്രിങ് പരിപാടിയില്‍ യൂത്ത് ക്ളബുകളുടെ ഗ്രാന്‍റ്ഫിനാലെ മത്സരത്തിനായി ജില്ലയില്‍നിന്ന് ഐഡിയല്‍ കള്‍ചറല്‍ സെന്‍ററിനെ പങ്കെടുപ്പിക്കും. പ്രത്യേകം തയാറാക്കിയ ഫോറത്തില്‍ പ്രവര്‍ത്തനങ്ങളെയും സേവനങ്ങളെയും ആധാരമാക്കി വന്ന അപേക്ഷയില്‍നിന്നുമാണ് മികച്ച ക്ളബിനെ തെരഞ്ഞെടുത്തത്. കോഴിക്കോട് നടക്കുന്ന പരിപാടിയില്‍ ജില്ലയില്‍നിന്ന് 5000 പേരെയും ജില്ലയിലെ ആക്ടിവിസ്റ്റുകളെയും സാംസ്കാരിക പ്രവര്‍ത്തകരെയും പങ്കെടുപ്പിക്കുമെന്ന് ജില്ല ഭാരവാഹികള്‍ വാര്‍ത്താക്കുറിപ്പില്‍ അറിയിച്ചു.

Tuesday, May 14, 2013

സോളിഡാരിറ്റി എഫ്.സി പഴയങ്ങാടി’ ജേതാക്കള്‍

 
സോളിഡാരിറ്റി എഫ്.സി
പഴയങ്ങാടി’  ജേതാക്കള്‍
കണ്ണൂര്‍: സോളിഡാരിറ്റി യൂത്ത് മൂവ്മെന്‍റ് ദശവാര്‍ഷികാഘോഷ പരിപാടികളുടെ ഭാഗമായി കണ്ണൂരില്‍ സംഘടിപ്പിച്ച ജില്ലാതല സെവന്‍സ് ഫുട്ബാള്‍ ടൂര്‍ണമെന്‍റില്‍ ‘സോളിഡാരിറ്റി എഫ്.സി പഴയങ്ങാടി’ താണ പൂത്താലം സ്പോര്‍ട്സ് ക്ളബിനെ പരാജയപ്പെടുത്തി ജേതാക്കളായി.
ടൂര്‍ണമെന്‍റ് സോളിഡാരിറ്റി ജില്ല പ്രസിഡന്‍റ് ഫാറൂഖ് ഉസ്മാന്‍ ഉദ്ഘാടനം ചെയ്തു. ഫിഫ സന്തോഷ് സമ്മാനദാനം നിര്‍വഹിച്ചു.

Saturday, April 27, 2013

യൂത്ത്ലീഗ് നേതാവിന്‍െറ പ്രസ്താവന അപഹാസ്യം -സോളിഡാരിറ്റി

യൂത്ത്ലീഗ് നേതാവിന്‍െറ പ്രസ്താവന അപഹാസ്യം -സോളിഡാരിറ്റി
കണ്ണൂര്‍: സോളിഡാരിറ്റിയും ജമാഅത്തെ ഇസ്ലാമിയും പൊയ്മുഖം അണിഞ്ഞ സംഘടനകളാണെന്ന യൂത്ത്ലീഗ് സംസ്ഥാന ജനറല്‍ സെക്രട്ടറിയുടെ പ്രസ്താവന അപഹാസ്യവും വസ്തുതയുമായി പുലബന്ധം പോലും ഇല്ലാത്തതാണെന്നും സോളിഡാരിറ്റി ജില്ല സെക്രട്ടേറിയറ്റ് പ്രസ്താവിച്ചു.
രാജ്യത്ത് സമാധാനപരമായി പ്രവര്‍ത്തിക്കുന്ന ജമാഅത്തെ ഇസ്ലാമിക്കും സോളിഡാരിറ്റിക്കും എതിരെ അക്രമപ്രവര്‍ത്തനത്തിലും ആയുധനിര്‍മാണത്തിലും ആരോപണവിധേയരായ യൂത്ത്ലീഗിന്‍െറ നേതാവ് നടത്തിയ പ്രസ്താവന പൊയ്വെടി മാത്രമാണ്.
ലീഗിനെക്കാള്‍ കൂടുതല്‍ തീവ്ര സാമുദായികതയുള്ള സംഘടനയിലേക്ക് സ്വന്തം അണികള്‍ പോകുന്നതും നാറാത്ത് പോലുള്ള ശക്തികേന്ദ്രങ്ങളില്‍ അത്തരം സംഘങ്ങള്‍ പിടിമുറുക്കുന്നതിലും യൂത്ത്ലീഗിനകത്തുണ്ടായ  പരിഭ്രാന്തി മറച്ചുവെക്കാനാണ് സോളിഡാരിറ്റിയെയും ജമാഅത്തെ ഇസ്ലാമിയെയും അനാവശ്യ വിവാദത്തിലേക്ക് വലിച്ചിഴക്കുന്നതെന്നും സെക്രട്ടേറിയറ്റ് ചൂണ്ടിക്കാട്ടി.
യോഗത്തില്‍ ജില്ല പ്രസിഡന്‍റ് ഫാറൂഖ് ഉസ്മാന്‍ അധ്യക്ഷത വഹിച്ചു.

Monday, April 1, 2013

സോളിഡാരിറ്റി പ്രവര്‍ത്തനഫണ്ട് ഉദ്ഘാടനം

 
 
 സോളിഡാരിറ്റി പ്രവര്‍ത്തനഫണ്ട്
ഉദ്ഘാടനം
കണ്ണൂര്‍: സോളിഡാരിറ്റി യൂത്ത ്മൂവ്മെന്‍റ  പ്രവര്‍ത്തനഫണ്ട് സമാഹരണത്തിന്  ജില്ലയില്‍ തുടക്കം.  വാണിദാസ് എളയാവൂര്‍  സെക്രട്ടറി ഫാറൂഖ് ഉസ്മാന് തുക നല്‍കി  ഉദ്ഘാടനം ചെയ്തു. വാരത്തെ വാണിദാസ് എളയാവൂരിന്‍െറ ഭവനത്തില്‍ നടന്ന പരിപാടിയില്‍ , ടി.പി. ഇല്യാസ്, പി.കെ. മുഹമ്മദ് സാജിദ്, കെ.എന്‍. ജുറൈജ്, ഫൈസല്‍ വാരം എന്നിവര്‍ പങ്കെടുത്തു.

Friday, March 29, 2013

സോളിഡാരിറ്റി പര്യടനം സമാപിച്ചു

 സോളിഡാരിറ്റി പര്യടനം സമാപിച്ചു
കണ്ണൂര്‍: സോളിഡാരിറ്റി പത്താം വാര്‍ഷികത്തിന്‍െറ ഭാഗമായി ജില്ലയിലെ സമര സേവനമേഖലകളിലെ പര്യടനം സമാപിച്ചു. ആറളം കളരിക്കാട് കോളനി, പുന്നാട് ലക്ഷംവീട് കോളനി, സനു കുര്യാക്കോസിന്‍െറ വീട്, മഞ്ജു ബാലകൃഷ്ണന്‍െറ വീട് തുടങ്ങിയ സ്ഥലങ്ങള്‍ നേതാക്കള്‍ സന്ദര്‍ശിച്ചു.

Thursday, March 28, 2013

സമാജ്വാദി കോളനിയിലെ ഭൂരഹിതര്‍ക്ക് ഭൂമി നല്‍കണം -പി.ഐ. നൗഷാദ്

 സമാജ്വാദി കോളനിയിലെ ഭൂരഹിതര്‍ക്ക് ഭൂമി നല്‍കണം -പി.ഐ. നൗഷാദ്
കണ്ണൂര്‍: സമാജ്വാദി കോളനിനിവാസികളോടുള്ള സര്‍ക്കാര്‍ അവഗണന അവസാനിപ്പിക്കണമെന്നും കോളനിയിലെ ഭൂരഹിതരെ ‘സീറോ ലാന്‍ഡ് ലെസ്’ പദ്ധതിയില്‍ ഉള്‍പ്പെടുത്തി ഭൂമി ലഭ്യമാക്കാന്‍ അടിയന്തര നടപടി സ്വീകരിക്കണമെന്നും സോളിഡാരിറ്റി സംസ്ഥാന പ്രസിഡന്‍റ് പി.ഐ. നൗഷാദ് ആവശ്യപ്പെട്ടു. ജില്ലയില്‍ സോളിഡാരിറ്റി മുന്‍കൈയെടുത്ത് നടത്തുന്ന സമരസേവന മേഖലയിലൂടെയുള്ള പര്യടനത്തിന്‍െറ ഭാഗമായി സമാജ്വാദി കോളനിയിലത്തെിയതായിരുന്നു അദ്ദേഹം. പുരുഷോത്തമന്‍, പി. മിനി, ബിന്ദു തുടങ്ങിയവര്‍ അദ്ദേഹത്തെ സ്വീകരിച്ചു.
സോളിഡാരിറ്റി സേവന വിഭാഗം ജില്ല ആശുപത്രിയില്‍ നവീകരിച്ച പോസ്റ്റ് ഓപറേറ്റിവ് വാര്‍ഡിന്‍െറ സമര്‍പ്പണം സംസ്ഥാന പ്രസിഡന്‍റ് പി.ഐ. നൗഷാദ് നിര്‍വഹിച്ചു. ജില്ല പ്രസിഡന്‍റ് ഫാറൂഖ് ഉസ്മാന്‍ അധ്യക്ഷത വഹിച്ചു. ആശുപത്രി സൂപ്രണ്ട് ഡോ. പ്രീത, ആര്‍.എം.ഒ ഡോ. സന്തോഷ്, മറിയക്കുട്ടി എന്നിവര്‍ സംസാരിച്ചു. സിസ്റ്റര്‍ സുനിത നന്ദി പറഞ്ഞു. പെട്ടിപ്പാലത്തെ മാലിന്യവിരുദ്ധ സമരപ്രവര്‍ത്തകരെയും പി.ഐ. നൗഷാദ് സന്ദര്‍ശിച്ചു. സമരപ്രവര്‍ത്തകരായ കെ.പി. അബൂബക്കര്‍, അഹമ്മദ് കുന്നോത്ത് എന്നിവരെ പൊന്നാടയണിയിച്ച് ആദരിച്ചു. ആദില്‍ ഷാ, ആമിര്‍ ഷാ, ഇസ്സ, ഫലാഹ്, നാസിം, നിസാം എന്നിവര്‍ പ്രസിഡന്‍റിന് ഉപഹാരം നല്‍കി. പൊതുജനാരോഗ്യ സംരക്ഷണ സമിതി ചെയര്‍മാന്‍ പി.എം. അബ്ദുന്നാസര്‍, ഫാറൂഖ് ഉസ്മാന്‍, സാദിഖ് ഉളിയില്‍, പി.എം. മുനീര്‍ ജമാല്‍, കെ.പി. ഫിര്‍ദൗസ് എന്നിവര്‍ സംസാരിച്ചു.

Friday, March 22, 2013

സോളിഡാരിറ്റി സ്വാഗതം ചെയ്തു


സോളിഡാരിറ്റി സ്വാഗതം ചെയ്തു
കണ്ണൂര്‍: കേരളത്തില്‍ പുതിയ താലൂക്കുകള്‍ പ്രഖ്യാപിച്ചതില്‍ ഇരിട്ടി ഉള്‍പ്പെടുത്തിയ സര്‍ക്കാര്‍ തീരുമാനം സ്വാഗതാര്‍ഹമാണെന്ന് സോളിഡാരിറ്റി ജില്ല പ്രസിഡന്‍റ് ഫാറൂഖ് ഉസ്മാന്‍ പറഞ്ഞു.
മലബാര്‍ അവഗണന അവസാനിപ്പിക്കണമെന്ന് ആവശ്യപ്പെട്ട് സോളിഡാരിറ്റി നടത്തിയ പ്രക്ഷോഭത്തില്‍ ഉന്നയിച്ചതായിരുന്നു ഇരിട്ടി താലൂക്ക് എന്ന ആവശ്യം. മലയോര മേഖലയിലെ പ്രദേശവാസികള്‍ക്ക് ആശ്വാസം നല്‍കുന്നതാണ് പുതിയ പ്രഖ്യാപനമെന്ന് അദ്ദേഹം പ്രസ്താവനയില്‍ പറഞ്ഞു.

Tuesday, February 26, 2013

‘അഫ്സല്‍ ഗുരുവിന്‍െറ വധശിക്ഷ മൗലികാവകാശ ലംഘനം’

 
  ‘അഫ്സല്‍ ഗുരുവിന്‍െറ വധശിക്ഷ പൗരന്‍െറ മൗലികാവകാശ ലംഘനം’ 
 കണ്ണൂര്‍: മനുഷ്യാവകാശവും പൗരന്‍െറ മൗലികാവകാശവും ലംഘിക്കപ്പെട്ടാണ് അഫ്സല്‍ ഗുരുവിന്‍െറ വധശിക്ഷ നടപ്പാക്കിയതെന്ന് സോളിഡാരിറ്റി സംസ്ഥാന കമ്മിറ്റി സംഘടിപ്പിച്ച ‘അഫ്സല്‍ ഗുരു: വധശിക്ഷ’ തുറന്ന ചര്‍ച്ച അഭിപ്രായപ്പെട്ടു. ആവശ്യത്തിലേറെ ധൃതിയാണ് ശിക്ഷ നടപ്പാക്കുന്നതില്‍ ഉണ്ടായത്. സര്‍ക്കാര്‍ സങ്കുചിത രാഷ്ട്രീയമാണ് ഇക്കാര്യത്തില്‍ പയറ്റിയതെന്നും ചര്‍ച്ചയില്‍ അഭിപ്രായമുയര്‍ന്നു. കേന്ദ്രസര്‍ക്കാര്‍ പ്രതിസന്ധി മറികടക്കാന്‍ ഇത്തരം കൃത്യങ്ങള്‍ ചെയ്യുന്നത് പതിവാക്കിയിരിക്കുകയാണെന്ന് ചര്‍ച്ച ഉദ്ഘാടനം ചെയ്ത സോളിഡാരിറ്റി സംസ്ഥാന ജനറല്‍ സെക്രട്ടറി ടി. മുഹമ്മദ് വേളം പറഞ്ഞു. ന്യായങ്ങളും തെളിവുകളും നോക്കിയല്ല പല ശിക്ഷകളും ഉണ്ടാകുന്നതും നടപ്പാക്കുന്നതും. പാര്‍ലമെന്‍റ് ആക്രമണം ഉത്തരംകിട്ടാത്ത ചോദ്യമാണ്. കേന്ദ്ര ഭരണകൂടം പ്രതിസന്ധികളില്‍ അകപ്പെടുമ്പോഴൊക്കെ രാജ്യത്ത് ഭീകരാക്രമണങ്ങള്‍ ഉണ്ടാവുകയാണ്. രഹസ്യപ്പൊലീസും സര്‍ക്കാറും ഒത്തൊരുമിച്ചാണോ ഭീകരാക്രമണങ്ങള്‍ നടത്തുന്നതെന്ന് വരെ പല കോണുകളില്‍നിന്നും ചോദ്യങ്ങളുയരുന്നുണ്ട്. മാധ്യമങ്ങള്‍ വാര്‍ത്താകഥകളാണ് സൃഷ്ടിക്കുന്നത്. ഭരണകൂട ഭീകരതക്കെതിരെ ജനകീയ പ്രതിരോധം അടിച്ചമര്‍ത്തപ്പെടുകയാണ്. ഇതിന്‍െറ സമീപകാല ഉദാഹരണമാണ് കൂടങ്കുളം സമരമെന്നും അദ്ദേഹം പറഞ്ഞു. ഭരണകൂടവിരുദ്ധ വികാരമില്ലാതാക്കാനും തങ്ങളുടെ കക്ഷിരാഷ്ട്രീയത്തിനുമായി സര്‍ക്കാര്‍ ചില വധശിക്ഷകള്‍ നടപ്പാക്കുകയാണെന്ന് ഡി.വൈ.എഫ്.ഐ സംസ്ഥാന കമ്മിറ്റിയംഗം കെ.വി. സുമേഷ് പറഞ്ഞു. വധശിക്ഷ വേണോ എന്ന ചര്‍ച്ച രാജ്യത്ത് നടന്നുകൊണ്ടിരിക്കെയാണ് ഗുരുവിനെ തൂക്കിലേറ്റിയത്. ഹൈന്ദവഭീകരത രാജ്യത്ത് യാഥാര്‍ഥ്യമായി നില്‍ക്കുകയാണ്. ഇത് തടയാന്‍ കേന്ദ്രസര്‍ക്കാര്‍ തയാറാവുന്നില്ളെന്നും സുമേഷ് പറഞ്ഞു. രഹസ്യമായി വധശിക്ഷ നടപ്പാക്കിയത് ഭരണകൂടത്തിന്‍െറ വ്യക്തമായ അജണ്ടയാണെന്നും ഭൂരിപക്ഷ വര്‍ഗീയതയെ പ്രീണിപ്പിക്കാനാണിതെന്നും എ.ഐ.വൈ.എഫ് ജില്ല സെക്രട്ടറി അഡ്വ. പി. അജയകുമാര്‍ പറഞ്ഞു. കരിനിയമങ്ങളുടെ പിന്‍ബലമാണ് ഇത്തരം ശിക്ഷകള്‍ക്ക് ശക്തിപകരുന്നതെന്ന് എന്‍.സി.എച്ച്.ആര്‍.ഒ സംസ്ഥാന കമ്മിറ്റിയംഗം അഡ്വ. എന്‍.എം. സിദ്ദീഖ് പറഞ്ഞു. ജനാധിപത്യവിരുദ്ധമായും മനുഷ്യാവകാശങ്ങളെ കാറ്റില്‍പറത്തിയുമാണ് അഫ്സല്‍ ഗുരുവിന്‍െറ ശിക്ഷ നടപ്പാക്കിയതെന്ന് സി.പി.ഐ-എം.എല്‍ സംസ്ഥാന കമ്മിറ്റിയംഗം കെ.എം. വേണുഗോപാല്‍ പറഞ്ഞു. സോളിഡാരിറ്റി സംസ്ഥാന സെക്രട്ടറി കെ. സാദിഖ് അധ്യക്ഷത വഹിച്ചു. ജില്ല പ്രസിഡന്‍റ് ഫാറൂഖ് ഉസ്മാന്‍ സ്വാഗതവും കെ. മുഹമ്മദ് നിയാസ് നന്ദിയും പറഞ്ഞു.

Sunday, February 24, 2013

‘അഫ്സല്‍ ഗുരു വധശിക്ഷ’: തുറന്ന ചര്‍ച്ച നാളെ

‘അഫ്സല്‍ ഗുരു വധശിക്ഷ’:
തുറന്ന ചര്‍ച്ച നാളെ
കണ്ണൂര്‍: ‘അഫ്സല്‍ ഗുരു വധശിക്ഷ’ എന്ന തലക്കെട്ടില്‍ സോളിഡാരിറ്റി സംസ്ഥാന കമ്മിറ്റി സംഘടിപ്പിക്കുന തുറന്ന ചര്‍ച്ച തിങ്കളാഴ്ച വൈകീട്ട് നാലിന് കണ്ണൂര്‍ ചേംബര്‍ ഹാളില്‍ നടക്കും. ടി.വി. രാജേഷ് എം.എല്‍.എ, അഡ്വ. പി.എ. പൗരന്‍, സി. ദാവൂദ്, ഐ. ഗോപിനാഥ്, അഡ്വ. എന്‍.എം. സിദ്ദീഖ്, അഡ്വ. പി. അജയകുമാര്‍, കെ.എം. വേണുഗോപാല്‍, കെ. സുനില്‍കുമാര്‍, ടി. മുഹമ്മദ് വേളം തുടങ്ങിയവര്‍ സംബന്ധിക്കും.

Saturday, February 23, 2013

AFSAK GURU


പണിമുടക്കില്‍ വലഞ്ഞവര്‍ക്ക് ഭക്ഷണപ്പൊതികളുമായി സോളിഡാരിറ്റി

 
 
 
 
 
പണിമുടക്കില്‍ വലഞ്ഞവര്‍ക്ക്
ഭക്ഷണപ്പൊതികളുമായി സോളിഡാരിറ്റി
 കണ്ണൂര്‍: പണിമുടക്കില്‍ വലഞ്ഞവര്‍ക്ക് ഭക്ഷണവുമായി സോളിഡാരിറ്റി പ്രവര്‍ത്തകര്‍. പണിമുടക്കിന്‍െറ രണ്ടാം ദിനമായ ഇന്നലെ കണ്ണൂര്‍ നഗരത്തില്‍ ഒറ്റപ്പെട്ടുപോയ യാത്രക്കാര്‍ക്കും നഗരത്തില്‍ അലഞ്ഞുതിരിഞ്ഞു നടക്കുന്നവര്‍ക്കും ആശ്വാസമായാണ് സോളിഡാരിറ്റി പ്രവര്‍ത്തകര്‍ ഭക്ഷണപ്പൊതികള്‍ വിതരണം ചെയ്തത്.
കണ്ണൂര്‍ സെന്‍ട്രല്‍ ജയിലിലെ തടവുകാര്‍ നിര്‍മിക്കുന്ന മലബാര്‍ ഫ്രീഡം ചപ്പാത്തിയും കറിയുമാണ് പ്രവര്‍ത്തകര്‍ വിതരണം ചെയതത്. റെയില്‍വേ സ്റ്റേഷന്‍ പരിസരത്തും പഴയ ബസ്സ്റ്റാന്‍ഡ് പരിസരത്തുമായി നൂറോളം പൊതി ഭക്ഷണമാണ് വിതരണം ചെയ്തത്.
സോളിഡാരിറ്റി താണ യൂനിറ്റിന്‍െറ ആഭിമുഖ്യത്തില്‍ നടന്ന പരിപാടി ജില്ല സെക്രട്ടറി ടി.പി. ഇല്യാസ് ഉദ്ഘാടനം ചെയ്തു.  ജില്ല സമിതി അംഗം കെ.എന്‍. ജുറൈജ്, താണ യൂനിറ്റ് പ്രസിഡന്‍റ് കെ.എന്‍. ജാബിര്‍, ബി. യാസിര്‍, ഇബ്രാഹിം, ടി. താജുദ്ദീന്‍ ഷാന്‍ മുഹമ്മദ് എന്നിവര്‍ പങ്കെടുത്തു.

Wednesday, February 20, 2013

പ്രകടനം നിരോധിച്ചത് ജനാധിപത്യ വിരുദ്ധം -സോളിഡാരിറ്റി

 
 പോപ്പുലര്‍ ഫ്രണ്ടിന്‍െറ പ്രകടനം നിരോധിച്ചത് ജനാധിപത്യ വിരുദ്ധം -സോളിഡാരിറ്റി
കണ്ണൂര്‍: ഫെബ്രുവരി 17ന് പോപ്പുലര്‍ ഫ്രണ്ട് നടത്താന്‍ തീരുമാനിച്ച പ്രകടനം അനുമതി നല്‍കിയതിന് ശേഷം തികച്ചും ബാലിശമായ കാരണങ്ങള്‍ നിരത്തി ഒരുദിവസം മുമ്പ് തടഞ്ഞ ജില്ല കലക്ടറുടെ നടപടി ജനാധിപത്യ വിരുദ്ധമാണെന്ന് സോളിഡാരിറ്റി ജില്ലാ കമ്മിറ്റി പ്രസ്താവനയില്‍ പറഞ്ഞു.
ഒരു ജനാധിപത്യ ക്രമത്തില്‍ എതിര്‍സംഘടനകളുടെ അനുവാദത്തോടുകൂടി മാത്രമേ പ്രതികരണങ്ങള്‍ സംഘടിപ്പിക്കാവൂ എന്നാണെങ്കില്‍ ഇവിടെ ഒരു സംഘടനക്കും പ്രകടനത്തിന് അനുവാദം നല്‍കാന്‍ അധികൃതര്‍ക്ക് കഴിയില്ല.
ജില്ല പ്രസിഡന്‍റ് ഫാറൂഖ് ഉസ്മാന്‍ അധ്യക്ഷത വഹിച്ചു. ടി.കെ. മുഹമ്മദ് റിയാസ്, ടി.പി. ഇല്യാസ്, കെ. മുഹമ്മദ് നിയാസ്, ബി. അബ്ദുല്‍ ജബ്ബാര്‍ എന്നിവര്‍ സംസാരിച്ചു. എ.പി. അജ്മല്‍ റിപ്പോര്‍ട്ട് അവതരിപ്പിച്ചു.

Wednesday, February 13, 2013

സോളിഡാരിറ്റി മാര്‍ച്ച് നടത്തി

 
 
 
 
 പരിയാരം മെഡിക്കല്‍ കോളജ് :
സോളിഡാരിറ്റി മാര്‍ച്ച് നടത്തി
കണ്ണൂര്‍: പരിയാരം മെഡിക്കല്‍ കോളജ് ഉപാധികളോടെ സര്‍ക്കാര്‍ ഏറ്റെടുക്കുക എന്ന പ്രക്ഷോഭ പരിപാടികളുടെ ഭാഗമായി സോളിഡാരിറ്റി മാര്‍ച്ച് നടത്തി. നൂറുകണക്കിന് വരുന്ന പ്രവര്‍ത്തകര്‍ പ്രകടനമായി പരിയാരം മെഡിക്കല്‍ കോളജിലേക്ക് നടത്തിയ മാര്‍ച്ച് കൂടങ്കുളം ഐക്യദാര്‍ഢ്യ സമരസമിതി ജനറല്‍ കണ്‍വീനര്‍ എന്‍. സുബ്രഹ്മണ്യന്‍ ഉദ്ഘാടനം ചെയ്തു.
കേരളത്തിലുടനീളം സി.പി.എം പ്രവര്‍ത്തകര്‍ക്കുള്ള ഉപജീവന മാര്‍ഗമായി മാത്രം സഹകരണ മേഖലയെ മാറ്റിയിരിക്കുകയാണെന്ന്അദ്ദേഹം പറഞ്ഞു. മാര്‍ച്ച് കവാടത്തിനരികെ പൊലീസ് തടഞ്ഞു.
കവാടത്തിന് മുന്നില്‍ ‘പരിയാരം മെഡിക്കല്‍ കോളജ് സര്‍ക്കാര്‍ ഏറ്റെടുക്കാത്തതിനാല്‍ ജനങ്ങള്‍ ഏറ്റെടുത്തിരിക്കുന്നു’ എന്ന ബോര്‍ഡ് സോളിഡാരിറ്റി സംസ്ഥാന സെക്രട്ടറി കെ.സാദിഖ് നാട്ടി.
 ജില്ല ജനറല്‍ സെക്രട്ടറി ടി.കെ. മുഹമ്മദ് റിയാസ് അധ്യക്ഷത വഹിച്ചു. കെ. സാദിഖ്, പി.ബി.എം. ഫര്‍മീസ് എന്നിവര്‍ സംസാരിച്ചു. ജില്ല  സെക്രട്ടറി കെ. നിയാസ് സ്വാഗതവും ടി.പി. ഇല്യാസ് നന്ദിയും പറഞ്ഞു.