ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----
Showing posts with label NH. Show all posts
Showing posts with label NH. Show all posts

Wednesday, May 29, 2013

ദേശീയപാത സംരക്ഷണ സമിതിയുടെ 24 മണിക്കൂര്‍ നിരാഹാരം തുടങ്ങി

 ദേശീയപാത സംരക്ഷണ സമിതിയുടെ
24 മണിക്കൂര്‍ നിരാഹാരം തുടങ്ങി
കണ്ണൂര്‍:  കുടിയൊഴിപ്പിക്കലിനെതിരെ ദേശീയപാത സംരക്ഷണ സമിതിയുടെ ആഭിമുഖ്യത്തില്‍ 24 മണിക്കൂര്‍ നിരാഹാര സമരം തുടങ്ങി. കണ്ണൂര്‍ സ്റ്റേഡിയം കോര്‍ണറില്‍ നടക്കുന്ന സമരം മഹാരാഷ്ട്രയിലെ പ്രമുഖ സാമൂഹിക പ്രവര്‍ത്തകയും സമാജ്വാദി ജനപരിഷത്ത് ദേശീയ  ഉപാധ്യക്ഷയുമായ നിഷാ ഷിവുല്‍ക്കര്‍  ഉദ്ഘാടനം ചെയ്തു.
രാജ്യത്ത് നിലനില്‍ക്കുന്ന വികസനം ജനസംഖ്യയിലെ മേലേക്കിടയിലെ ചെറിയ വിഭാഗം ആളുകള്‍ക്കു വേണ്ടിയുള്ളതാണെന്ന് അവര്‍ പറഞ്ഞു. വികസനത്തിന്‍െറ ആഘാതം അനുഭവിക്കുന്നത് സ്ത്രീകളും സമൂഹത്തിലെ താഴേക്കിടയിലുള്ളവരും ദരിദ്രരുമാണ്. 1990ല്‍ നടപ്പാക്കിയ  ആഗോളവത്കരണം മൂലം കുടിവെള്ളം, ഖനിജങ്ങള്‍ തുടങ്ങിയ പ്രകൃതി വിഭവങ്ങള്‍ വന്‍കിട കമ്പനികള്‍ക്കും വരേണ്യ വിഭാഗങ്ങള്‍ക്കും വേണ്ടി കൊള്ളയടിക്കുന്നത് വര്‍ധിക്കുകയാണ്. ഈ  നയങ്ങള്‍ക്കെതിരെ വ്യാപകമായി  ജനകീയ മുന്നേറ്റങ്ങളുണ്ടാകുന്നു.
സ്ത്രീകളും യുവാക്കളും സമൂഹത്തിന്‍െറ അടിത്തട്ടിലുള്ളവരുമാണ് ഈ മുന്നേറ്റങ്ങളിലുള്ളത്. അതിനാല്‍ സമരം വിജയിക്കുമെന്നും അതിനുള്ള ഇച്ഛാശക്തിയുണ്ടാകണമെന്നും അവര്‍ പറഞ്ഞു. ഡി. സുരേന്ദ്രനാഥ്  അധ്യക്ഷത വഹിച്ചു. എടക്കാട് പ്രേമരാജന്‍, പി.ബി.എം. ഫര്‍മീസ്, ഭാസ്കരന്‍ വെള്ളൂര്‍, അഡ്വ. വിനോദ് പയ്യട, കെ. മുഹമ്മദ് നിയാസ്, എം.കെ. പ്രേമരാജന്‍, കെ.എം. മഖ്ബൂല്‍, പ്രേമന്‍ പാതിരിയാട്, ടി.സി. മനോജ്, പള്ളിപ്രം പ്രസന്നന്‍, പ്രഫ. ജമാലുദ്ദീന്‍, എ. ശേഖര്‍, എം.കെ. ജയരാജന്‍, പി. മഷ്ഹൂദ്, ചന്ദ്രാംഗദന്‍, അഡ്വ. പി. സനൂപ്, നസീര്‍ കടാങ്കോട്, എം.കെ. അബൂബക്കര്‍, ടി.പി. ഇല്യാസ് എന്നിവര്‍ സംസാരിച്ചു. യു.കെ. സെയ്ത് സ്വാഗതം പറഞ്ഞു.  ദേശീയപാത വികസനത്തിന് ഭൂമി ഏറ്റെടുക്കുന്നതിനായി പുറപ്പെടുവിച്ച വിജ്ഞാപനം റദ്ദു ചെയ്യുക, ബി.ഒ.ടി ഒഴിവാക്കി പൊതു ഉടമസ്ഥതയില്‍ നാലുവരിപ്പാത നിര്‍മിക്കുക എന്നീ ആവശ്യങ്ങള്‍ ഉന്നയിച്ചു നടക്കുന്ന സമരത്തില്‍ 50ഓളം പേരാണ് നിരാഹാരമനുഷ്ഠിക്കുന്നത്. സമരം ഇന്ന് രാവിലെ പത്തിന് അവസാനിക്കും.

Monday, May 6, 2013

ദേശീയപാത വികസനം: 20 മുതല്‍ നിരാഹാര സമരം

 ഭൂവുടമകള്‍ രേഖകള്‍ കൈമാറില്ല
ദേശീയപാത വികസനം: 
20 മുതല്‍ നിരാഹാര സമരം
കണ്ണൂര്‍: ദേശീയപാതക്കുവേണ്ടി ഭൂമി ഏറ്റെടുക്കുന്നതിന് സ്ഥല ഉടമകളോട് ജില്ല കലക്ടര്‍ ആവശ്യപ്പെട്ട രേഖകള്‍ കൈമാറേണ്ടതില്ളെന്ന് ദേശീയപാത സംരക്ഷണ സമിതിയുടെ നേതൃത്വത്തില്‍ കണ്ണൂരില്‍ ചേര്‍ന്ന ജനകീയ കണ്‍വെന്‍ഷന്‍ തീരുമാനിച്ചു.
സ്വകാര്യ കമ്പനികള്‍ക്ക് വന്‍ ലാഭം കൊയ്യാനാണ് ദേശീയപാത വികസനം ബി.ഒ.ടി പദ്ധതിയാക്കിയത്. നാലുവരിപ്പാത നിര്‍മിക്കാന്‍ 30 മീറ്റര്‍ മതിയാകുമെന്നിരിക്കെ 45 മീറ്റര്‍ ഭൂമി ഏറ്റെടുക്കുന്നത് വ്യാപകമായ കുടിയിറക്കലിന് ഇടയാക്കും. ആയിരങ്ങളെ തെരുവാധാരമാക്കാന്‍ ഇടയാക്കുന്ന പദ്ധതിയുമായി സഹകരിക്കേണ്ടതില്ളെന്നും കണ്‍വെന്‍ഷനില്‍ പങ്കെടുത്തവര്‍ അഭിപ്രായപ്പെട്ടു.
സാധാരണ ജനങ്ങളുടെ സഞ്ചാര സ്വാതന്ത്ര്യം തടസ്സപ്പെടുത്തുന്ന പദ്ധതിയില്‍നിന്ന് സര്‍ക്കാര്‍ പിന്മാറണമെന്ന് യോഗം ആവശ്യപ്പെട്ടു.
മേയ് 20 മുതല്‍ ജില്ല ആസ്ഥാനത്ത് ദേശീയപാത സംരക്ഷണ സമിതിയുടെ നേതൃത്വത്തില്‍ നിരാഹാര സമരം ആരംഭിക്കും. ഇതിനു മുന്നോടിയായി ജില്ലയിലെ 10 കേന്ദ്രങ്ങളില്‍ പ്രാദേശിക കൂട്ടായ്മകള്‍ സംഘടിപ്പിക്കും. ഡോ. ഡി. സുരേന്ദ്രനാഥ് അധ്യക്ഷത വഹിച്ചു.
യു.കെ. സെയ്ത്, എടക്കാട് പ്രേമരാജന്‍, പോള്‍ ടി. സാമുവല്‍, ടി.പി. ഇല്യാസ്, എം.കെ. അബൂബക്കര്‍, ഉത്തമന്‍ എടക്കാട്, ഫ്രാന്‍സിസ്, നാസര്‍ കടാങ്കോട്, മേരി എബ്രഹാം, മുഹമ്മദലി എന്നിവര്‍ സംസാരിച്ചു.

Saturday, December 22, 2012

ദേശീയപാത വികസനം

 
 
 
 
 
 
ദേശീയപാത വികസനം:
 പ്രതിഷേധത്തെ തുടര്‍ന്ന്
തെളിവെടുപ്പ് നിര്‍ത്തിവെച്ചു
 കണ്ണൂര്‍: ദേശീയപാത 17 വികസനത്തിന്‍െറ ഭാഗമായി കണ്ണൂര്‍ കലക്ടറേറ്റില്‍ നടന്ന പരിസ്ഥിതി ആഘാത തെളിവെടുപ്പ് നാട്ടുകാരുടേയും സംഘടന പ്രതിനിധികളുടേയും പ്രതിഷേധത്തെ തുടര്‍ന്ന് നിര്‍ത്തിവെച്ചു. ജില്ല കലക്ടര്‍ രത്തന്‍ കേല്‍ക്കറുടെ സാന്നിധ്യത്തില്‍ ദേശീയപാത അധികൃതരും മലിനീകരണ നിയന്ത്രണ ബോര്‍ഡ് ഉദ്യോഗസ്ഥരും ചേര്‍ന്ന് നടത്തിയ തെളിവെടുപ്പാണ് പ്രതിഷേധത്തിന് വേദിയായത്. തെളിവെടുപ്പിന് ശേഷം പ്രതിഷേധക്കാര്‍ കലക്ടറേറ്റ് പരിസരത്ത് പദ്ധതി റിപ്പോര്‍ട്ടിന്‍െറ കോപ്പി കത്തിച്ചു.
കരിവെള്ളൂര്‍ മുതല്‍ വളപട്ടണം വരെ റോഡ് വികസനത്തിന് സ്ഥലമെടുന്നത് സംബന്ധിച്ച പരാതി സ്വീകരിക്കാനായിരുന്നു തെളിവെടുപ്പ്. പരിസ്ഥിതി മന്ത്രാലയത്തിന്‍െറ അനുമതി ലഭിക്കാത്ത പദ്ധതി ടെന്‍ഡര്‍ വിളിച്ച് ഹൈദരാബാദ് ആസ്ഥാനമായ  കമ്പനിക്ക് കരാര്‍ കൊടുത്തതും വിജ്ഞാപനം പുറപ്പെടുവിപ്പിച്ചതും തെളിവെടുപ്പിനത്തെിയവര്‍ ചോദ്യംചെയ്തു.
പദ്ധതി എങ്ങനെ നടപ്പാക്കണമെന്ന് തീരുമാനിച്ച ശേഷം തെളിവെടുപ്പ് നടത്തുന്നത് പ്രഹസനമാണെന്ന് പ്രതിഷേധക്കാര്‍ ചൂണ്ടിക്കാട്ടി. പദ്ധതിക്ക് വേണ്ടി വീണ്ടും സര്‍വേ നടത്തുകയാണ് വേണ്ടത്. റോഡിനായി മുറിച്ചുമാറ്റുന്ന മരങ്ങള്‍ വീണ്ടും വെച്ചുപിടിപ്പിക്കുമെന്നാണ് പദ്ധതി റിപ്പോര്‍ട്ടില്‍ പറയുന്നത്. എന്നാല്‍, കേരളത്തിലൊരിടത്തും റോഡ് വികസനത്തിനായി മുറിച്ചുമാറ്റിയതിന് പകരം മരം നട്ട ചരിത്രമില്ളെന്നും പ്രതിഷേധക്കാര്‍ ചൂണ്ടിക്കാട്ടി.
റോഡ് നിര്‍മാണ തൊഴിലാളികളുടെ സുരക്ഷയെക്കുറിച്ച് മാത്രമാണ് റിപ്പോര്‍ട്ടിലുള്ളത്. വികസനത്തിന്‍െറ ഇരകളായി കുടിയൊഴിപ്പിക്കുന്നവരെക്കുറിച്ച് പരാമര്‍ശമൊന്നുമില്ല. 45 മീറ്റര്‍ വീതിയില്‍ പാത നിര്‍മിക്കാനായി കുന്നായ കുന്നുകളെല്ലാം ഇടിച്ചുനിരത്തുന്നത് നാടിനെ മരുഭൂമിയാക്കും. ഭൂമാഫിയയുമായി ചേര്‍ന്ന് പദ്ധതി നടപ്പാക്കാനാണ് പരിപാടിയെങ്കില്‍ ഒരു ലോഡ് മണ്ണ് പോലും എടുക്കാന്‍ സമ്മതിക്കില്ളെന്ന് ജില്ല പരിസ്ഥിതി സമിതി സെക്രട്ടറി ഭാസ്കരന്‍ വെള്ളൂര്‍ പറഞ്ഞു. മുഴുവന്‍ കുന്നിന്‍പ്രദേശങ്ങളിലും ജനകീയ പ്രതിരോധം തീര്‍ക്കുമെന്നും അദ്ദേഹം മുന്നറിയിപ്പ് നല്‍കി. പദ്ധതി നടപ്പാക്കാനുറച്ച് കരാര്‍ കൊടുത്ത ശേഷം തെളിവെടുപ്പ് നടത്തിയ ദേശീയപാത അധികൃതരെ മറുപടി പറയാന്‍ അനുവദിക്കില്ളെന്നും പ്രതിഷേധക്കാര്‍ പറഞ്ഞു. ജനങ്ങളുടെ പ്രതിഷേധം ബന്ധപ്പെട്ട അധികാരികളെ ജില്ല കലക്ടര്‍ അറിയിക്കണമെന്നും ജനരോഷം കാരണം യോഗം നിര്‍ത്തിവെച്ചതായി മിനുട്ട്സില്‍ രേഖപ്പെടുത്തണമെന്നും തെളിവെടുപ്പിനത്തെിയവര്‍ ആവശ്യപ്പെട്ടു. എന്നാല്‍, ഇതിന് കലക്ടര്‍ വഴങ്ങിയില്ല. എല്ലാവരുടെയും അഭിപ്രായം മിനുട്ട്സില്‍ രേഖപ്പെടുത്തി പ്രസിദ്ധപ്പെടുത്തുമെന്നും യോഗം മാറ്റിവെക്കാനാവില്ളെന്നും അദ്ദേഹം പറഞ്ഞു.
ചാലയിലും ഇരിട്ടിയിലും ദുരന്തമുണ്ടായപ്പോള്‍ ജനങ്ങളോട് പ്രതിബദ്ധത കാണിച്ച കലക്ടര്‍ ഇവിടെയും അത് തുടരണമെന്നും ജനങ്ങളുടെ പ്രതിഷേധത്തെ പ്രതിനിധാനം ചെയ്യണമെന്നും ആവശ്യമുയര്‍ന്നു. എന്നാല്‍, പദ്ധതി നടപ്പാക്കുന്നത് ദേശീയപാത അധികൃതരാണെന്നും അവര്‍ക്ക് തെളിവെടുപ്പ് നടത്താന്‍ സൗകര്യമൊരുക്കുക മാത്രമാണ് ചെയ്യുന്നതെന്നും കലക്ടര്‍ വിശദീകരിച്ചു.
തുടക്കത്തില്‍ പദ്ധതിയുടെ രൂപരേഖ പ്രൊജക്ടര്‍ ഉപയോഗിച്ച് വിശദീകരിച്ച് തുടങ്ങിയത് മുതല്‍, തെളിവെടുപ്പ് പ്രഹസനമാണെന്ന ആരോപണവുമുയര്‍ന്നു. ഇത് സാധൂകരിക്കുന്ന തരത്തില്‍ ധൃതി പിടിച്ചാണ് ദേശീയപാത അധികൃതര്‍ വിശദീകരിച്ചത്. കാര്യങ്ങള്‍ കൃത്യമായി അവതരിപ്പിക്കണമെന്ന് കലക്ടര്‍ തന്നെ ഒന്നിലേറെ തവണ ആവശ്യപ്പെട്ടു.  ദേശീയപാത ആക്ഷന്‍ കൗണ്‍സില്‍ പ്രതിനിധി യു.കെ. സെയ്ത്, മനോഹരന്‍ കരിവെള്ളൂര്‍, കേണല്‍ പി.വി.ഡി. നമ്പ്യാര്‍, മന്‍സൂര്‍ എടക്കാട്, വെല്‍ഫയര്‍ പാര്‍ട്ടി ജില്ല  സെക്രട്ടറി പി.ബി.എം. ഫര്‍മീസ്, സോളിഡാരിറ്റി ജില്ലാ സെക്രട്ടറിമാരായ ടി.പി ഇല്യാസ്, മുഹമ്മദ് നിയാസ് തുടങ്ങിയവര്‍ പ്രതിഷേധക്കാര്‍ക്കുവേണ്ടി സംസാരിച്ചു.
ദേശീയപാത ടെക്നിക്കല്‍ മാനേജര്‍ പ്രിന്‍സ് പ്രഭാഹരന്‍, മലിനീകരണ നിയന്ത്രണ ബോര്‍ഡ് സീനിയര്‍ എന്‍വയേണ്‍മെന്‍റല്‍ എന്‍ജിനീയര്‍ സി.വി. ജയശ്രീ, എന്‍ജിനീയര്‍ പി. മൃദുല, അസി. എന്‍ജിനീയര്‍ ബി. അഭിലാഷ് എന്നിവരാണ് തെളിവെടുപ്പിനത്തെിയത്.

Tuesday, December 4, 2012

ദേശീയപാത പ്രക്ഷോഭജാഥക്ക് സ്വീകരണം നല്‍കി

 
 



 
 ദേശീയപാത പ്രക്ഷോഭജാഥക്ക് സ്വീകരണം നല്‍കി
അബ്ദുല്ലക്കുട്ടി ബി.ഒ.ടി ഏജന്‍റിനെപ്പോലെ
സംസാരിക്കുന്നു -സി.ആര്‍. നീലകണ്ഠന്‍
കണ്ണൂര്‍: കണ്ണൂര്‍ എം.എല്‍.എ എ.പി. അബ്ദുല്ലക്കുട്ടി ബി.ഒ.ടി ലോബിയുടെ ഏജന്‍റിനെപ്പോലെ സംസാരിക്കുന്നുവെന്ന് ദേശീയപാത സംരക്ഷണ സമിതി ജനറല്‍ കണ്‍വീനര്‍ സി.ആര്‍. നീലകണ്ഠന്‍. ദേശീയപാത പ്രക്ഷോഭ ജാഥക്ക് കണ്ണൂരില്‍ ഒരുക്കിയ സ്വീകരണ സമ്മേളനത്തില്‍ സംസാരിക്കുകയായിരുന്നു ജാഥാ നായകനായ അദ്ദേഹം.
പാലിയേക്കര ബി.ഒ.ടി റോഡ് ഏറ്റവും മികച്ച റോഡാണെന്നാണ് എ.പി. അബ്ദുല്ലക്കുട്ടി അഭിപ്രായപ്പെട്ടത്. ഇത് ഏറ്റവും മോശപ്പെട്ട റോഡാണെന്ന് മുഖ്യമന്ത്രി വരെ അഭിപ്രായപ്പെട്ടിരുന്നു. തെരുവുവിളക്കുകള്‍ പോലും സ്ഥാപിക്കാത്ത റോഡില്‍ അപകടങ്ങള്‍ കൂടുന്നു. നിര്‍മാണത്തിന്‍െറ നിലവാരവും മോശമാണ്. എന്നിട്ടും എം.എല്‍.എ ഈ പാതയെ പുകഴ്ത്തുന്നത് ഒന്നുകില്‍ അദ്ദേഹത്തിന്‍െറ അറിവില്ലായ്മകൊണ്ടായിരിക്കാം. അതല്ളെങ്കില്‍ അദ്ദേഹം ബി.ഒ.ടി ഏജന്‍റായിരിക്കണം.  ഈ റോഡ് ഒന്ന് പരിശോധിച്ചശേഷം അദ്ദേഹം ഇതിന് മറുപടി പറയണമെന്ന് നീലകണ്ഠന്‍ ആവശ്യപ്പെട്ടു.
പ്രക്ഷോഭജാഥ തിരുവനന്തപുരത്ത് എത്തുമ്പോഴേക്കും കേരള നിയമസഭയില്‍ ബി.ഒ.ടി പാതക്കെതിരെ തീരുമാനമുണ്ടാകും. ജാഥ കടന്നുപോകുന്ന സ്ഥലങ്ങളിലെ എം.എല്‍.എമാര്‍ പരസ്യമായി ജാഥയെ അനുകൂലിക്കാന്‍ തയാറായിട്ടുണ്ട്.
പാതക്കുവേണ്ടി ഭൂമി ഏറ്റെടുത്ത മണ്ഡലങ്ങളിലെ എം.എല്‍.എമാര്‍ക്ക് ഇനി അഭിപ്രായം മാറ്റിപ്പറയേണ്ടിവരുമെന്നും അദ്ദേഹം പറഞ്ഞു. ഡോ. ഡി. സുരേന്ദ്രനാഥ് അധ്യക്ഷത വഹിച്ചു. ടി. മുഹമ്മദ് വേളം, സജീര്‍ കീച്ചേരി, ഫാറൂഖ് ഉസ്മാന്‍, എം.കെ. ജയരാജന്‍, കെ. സുനില്‍കുമാര്‍, പള്ളിപ്രം പ്രസന്നന്‍, എടക്കാട് പ്രേമരാജന്‍, പി.ജെ. മാനുവല്‍, അജോയ്കുമാര്‍, അനൂപ് ജോണ്‍ എന്നിവര്‍ സംസാരിച്ചു. യു.കെ. സെയ്ത് സ്വാഗതവും പ്രേമന്‍ പാതിരിയാട് നന്ദിയും പറഞ്ഞു. 30 മീറ്റര്‍ വീതിയില്‍ സര്‍ക്കാര്‍ ചെലവില്‍ നാലുവരിപ്പാത നിര്‍മിക്കുക, ബി.ഒ.ടി ഭൂമി ഏറ്റെടുപ്പ് വിജ്ഞാപനങ്ങള്‍ റദ്ദുചെയ്യുക എന്നീ ആവശ്യങ്ങളുന്നയിച്ചാണ് മഞ്ചേശ്വരം മുതല്‍ തിരുവനന്തപുരം വരെ പ്രക്ഷോഭജാഥ നടത്തുന്നത്.
ദേശീയപാത സംരക്ഷണ സമിതി, ഹൈവേ ആക്ഷന്‍ ഫോറം, എന്‍.എച്ച്. 17 കേരള സ്റ്റേറ്റ് ആക്ഷന്‍ കൗണ്‍സില്‍ എന്നീ സംഘടനകളുടെ ആഭിമുഖ്യത്തിലാണ് ജാഥ സംഘടിപ്പിക്കുന്നത്.
പയ്യന്നൂര്‍ പെരുമ്പയില്‍ നല്‍കിയ സ്വീകരണത്തില്‍ ടി. മാധവന്‍ അധ്യക്ഷത വഹിച്ചു. ഇ.വി. മുഹമ്മദലി, ടി.കെ. സുധീര്‍കുമാര്‍, എസ്. പ്രകാശ് മേനോന്‍, എ. നാസര്‍, റസാഖ് പാലേരി, കെ.പി. പ്രകാശന്‍, സാദിഖ് ഉളിയില്‍, സി.എ. അജിതന്‍, പി.ജെ. മോന്‍സി, നസീര്‍ ഇടപ്പള്ളി, യൂസഫ് വയനാട് എന്നിവര്‍ സംബന്ധിച്ചു. അപ്പുക്കുട്ടന്‍ കാരയില്‍ സ്വാഗതം പറഞ്ഞു. ജാഥ ഇന്ന് കോഴിക്കോട്, മലപ്പുറം ജില്ലകളില്‍ പര്യടനം നടത്തും. 

Monday, December 3, 2012

ദേശീയപാത സംരക്ഷണസമിതി ജാഥ ഇന്ന് കണ്ണൂരില്‍

 ദേശീയപാത സംരക്ഷണസമിതി
ജാഥ ഇന്ന് കണ്ണൂരില്‍
കണ്ണൂര്‍: ബി.ഒ.ടിയും വേണ്ട ടോളും വേണ്ട എന്ന മുദ്രാവാക്യവുമായി ദേശീയപാത സംരക്ഷണ സമിതിയുടെ നേതൃത്വത്തില്‍ കാസര്‍കോട് മുതല്‍ തിരുവനന്തപുരം വരെ സി.ആര്‍. നീലകണ്ഠന്‍ നയിക്കുന്ന സംസ്ഥാന വാഹനജാഥക്ക് കണ്ണൂര്‍ സ്റ്റേഡിയം കോര്‍ണറില്‍ തിങ്കളാഴ്ച വൈകീട്ട് അഞ്ചിന് സ്വീകരണം നല്‍കും. നാലുമണിക്ക് കാല്‍ടെക്സ് ജങ്ഷനില്‍നിന്ന് പ്രകടനമായി ജാഥയെ സമ്മേളനസ്ഥലത്തേക്ക് സ്വീകരിക്കുമെന്ന് ജില്ലാ കണ്‍വീനര്‍ യു.കെ. സെയ്ദ് അറിയിച്ചു.

Saturday, November 24, 2012

വാഹജനജാഥക്ക് കണ്ണൂരില്‍ സ്വീകരണം നല്‍കും

വാഹജനജാഥക്ക് കണ്ണൂരില്‍
സ്വീകരണം നല്‍കും
കണ്ണൂര്‍: ദേശീയപാത സംരക്ഷണ സമിതി സംസ്ഥാന കമ്മിറ്റി നടത്തുന്ന വാഹനജാഥക്ക് ഡിസംബര്‍ മൂന്നിന് വൈകീട്ട് അഞ്ചു മണിക്ക് കണ്ണൂര്‍ സ്റ്റേഡിയം കോര്‍ണറില്‍ സ്വീകരണം നല്‍കാന്‍ സംരക്ഷണ സമിതി ജില്ലാ കമ്മിറ്റി യോഗത്തില്‍ തീരുമാനിച്ചു. ഉച്ച രണ്ടു മണിക്ക് പയ്യന്നൂരിലത്തെുന്ന ജാഥയെ ജില്ലാ നേതാക്കള്‍ ചേര്‍ന്ന് സ്വീകരിക്കും. വൈകീട്ട് നാലു മണിക്ക് കണ്ണൂര്‍ കാല്‍ടെക്സ് ജങ്ഷനില്‍നിന്ന് പ്രകടനമായി ആനയിക്കും.
സമ്മേളനത്തിനായി ഫൈസല്‍ മാടായി കണ്‍വീനറായി സ്വാഗതസംഘം രൂപവത്കരിച്ചു. ജില്ലാ കമ്മിറ്റി യോഗത്തില്‍ ചെയര്‍മാന്‍ ഡി. സുരേന്ദ്രനാഥ്, യു.കെ. സെയ്ത്, പ്രേമരാജ് എടക്കാട്, പി. വിജയന്‍, ശുഹൈബ് മുഹമ്മദ്, മേരി എബ്രഹാം, പി.ഇസെഡ്. അബ്ദുല്‍ അസീസ് എന്നിവര്‍ സംസാരിച്ചു.

Sunday, November 11, 2012

‘പൊതുനിരത്തുകള്‍ സ്വകാര്യവത്കരിക്കരുത്’

 
 ‘പൊതുനിരത്തുകള്‍
സ്വകാര്യവത്കരിക്കരുത്’
 കണ്ണൂര്‍: അഞ്ച് കോടിയിലധികം മതിപ്പുചെലവുള്ള എല്ലാ പദ്ധതികളും മേലില്‍ ബി.ഒ.ടി അടിസ്ഥാനത്തില്‍ സ്വകാര്യ പങ്കാളിത്തത്തിലൂടെ മാത്രമേ നടപ്പാക്കൂവെന്ന സര്‍ക്കാര്‍ തീരുമാനം പൊതുനിരത്തുകളിലൂടെയുള്ള ഏത് യാത്രക്കും ചുങ്കം കൊടുക്കേണ്ടിവരുമെന്നതടക്കമുള്ള ഗുരുതരമായ അവസ്ഥ സംജാതമാക്കുമെന്ന് ദേശീയപാത സംരക്ഷണ സമിതി സംസ്ഥാന ജനറല്‍ കണ്‍വീനര്‍ ഹാഷിം ചേന്ദംപള്ളി.
സംരക്ഷണ സമിതി ജില്ലാ കണ്‍വെന്‍ഷന്‍ ഉദ്ഘാടനം ചെയ്യുകയായിരുന്നു അദ്ദേഹം. ദേശീയപാത വികസനത്തിന് പ്രഖ്യാപിച്ചതായി അവകാശപ്പെടുന്ന പുനരധിവാസ പാക്കേജ് ഫലത്തില്‍ വഞ്ചനാപരവും തട്ടിപ്പുമാണ്.
ജനങ്ങളോടൊപ്പം ഇത്തരം ഘട്ടങ്ങളില്‍ നില്‍ക്കേണ്ട രാഷ്ട്രീയ നേതൃത്വങ്ങളും ജനപ്രതിനിധികളും ഒറ്റുകാരന്‍െറ റോളിലേക്ക് മാറിക്കഴിഞ്ഞു.
ദേശീയപാത വികസനത്തിന്‍െറ മറവിലുള്ള ഭീകരമായ അഴിമതിക്കൂട്ടുകെട്ടിനെ തുറന്നുകാണിക്കാന്‍ ജനാഭിമുഖ്യമുള്ള എല്ലാവരും രംഗത്തിറങ്ങണമെന്ന് അദ്ദേഹം ആവശ്യപ്പെട്ടു.
ഡോ. ഡി. സുരേന്ദ്രനാഥ് അധ്യക്ഷത വഹിച്ചു.
കെ.എം. മഖ്ബൂല്‍, യു.കെ. സെയ്ദ്, പ്രേമരാജന്‍ എടക്കാട്, അപ്പുക്കുട്ടന്‍ കാരേയില്‍, പള്ളിപ്രം പ്രസന്നന്‍, സജീര്‍ കീച്ചേരി, പി.എം. അബ്ദുന്നാസര്‍, നസീര്‍ കടാങ്കോട്, കെ.കെ. ഉത്തമന്‍, എം.കെ. ജയരാജന്‍, എം.കെ. അബൂബക്കര്‍, പ്രേമന്‍ പാതിരിയാട്, പോള്‍ ടി. സാമുവല്‍ എന്നിവര്‍ സംസാരിച്ചു.

Friday, April 27, 2012

NH

 ബി.ഒ.ടി വിരുദ്ധ വാഹനജാഥ തുടങ്ങി
കണ്ണൂര്‍: കേരളത്തിലെ ദേശീയപാതകള്‍ ബി.ഒ.ടി കമ്പനികള്‍ക്ക് തീറെഴുതിക്കൊടുത്ത് ജനങ്ങള്‍ക്ക് വഴിനടക്കാനുള്ള സ്വാതന്ത്ര്യം നിഷേധിക്കുന്നതിനെതിരെ ദേശീയപാത സംരക്ഷണ സമിതി കണ്ണൂര്‍ ജില്ലാ കമ്മിറ്റി സംഘടിപ്പിക്കുന്ന വാഹനപ്രചാരണജാഥ ആരംഭിച്ചു. മാഹിപ്പാലത്ത് സോളിഡാരിറ്റി ജില്ലാ വൈസ് പ്രസിഡന്‍റ് എന്‍.എം. ശഫീഖ് ഉദ്ഘാടനം ചെയ്തു. ദേശീയപാത സംരക്ഷണസമിതി ചെയര്‍മാന്‍ ഡോ. സുരേന്ദ്രനാഥ് അധ്യക്ഷത വഹിച്ചു. ഷിജു എടക്കാട്, റഷീദ് പാപ്പിനിശ്ശേരി,നസീര്‍ കടാങ്കോട്,ഫൈസല്‍ മാടായി എന്നിവര്‍ സംസാരിച്ചു. ദേശീയപാത സംരക്ഷണസമിതി ജനറല്‍ കണ്‍വീനര്‍ യു.കെ. സെയ്ദ് സ്വാഗതവും എം.കെ. ജയരാജന്‍ നന്ദിയും പറഞ്ഞു. ചൊക്ളി, പാനൂര്‍,തലശ്ശേരി, എടക്കാട് തുടങ്ങിയ സ്ഥലങ്ങളിലെ പര്യടനത്തിനുശേഷം ജാഥ മുഴപ്പിലങ്ങാട് കുളംബസാറില്‍ സമാപിച്ചു. ഇന്ന് ചാല സ്ക്വയര്‍, തിലാനൂര്‍, തങ്കേകുന്ന്, മേലേചൊവ്വ, കണ്ണൂര്‍, കോട്ടക്കുന്ന്, പുതിയതെരു തുടങ്ങിയ സ്ഥലങ്ങളില്‍ പര്യടനം നടത്തി പാപ്പിനിശ്ശേരിയില്‍ സമാപിക്കും.

Monday, April 2, 2012

ദേശീയപാത സംരക്ഷണ സമിതി എം.പിയുടെ വീട്ടിലേക്ക് മാര്‍ച്ച് നടത്തി

 ദേശീയപാത സംരക്ഷണ സമിതി
എം.പിയുടെ വീട്ടിലേക്ക് മാര്‍ച്ച് നടത്തി
കണ്ണൂര്‍: ദേശീയപാത വികസനത്തിനായി കുടിയൊഴിപ്പിക്കുന്നവരുടെ പ്രശ്നത്തില്‍ ഇടപെടണമെന്നാവശ്യപ്പെട്ട് ദേശീയപാത സംരക്ഷണ സമിതിയുടെ ആഭിമുഖ്യത്തില്‍ കെ. സുധാകരന്‍ എം.പിയുടെ വീട്ടിലേക്ക് മാര്‍ച്ച് നടത്തി. ബി.ഒ.ടി പാത ഉപേക്ഷിക്കുക, ദേശീയപാത 30 മീറ്ററില്‍ സര്‍ക്കാര്‍ നേരിട്ട് നിര്‍മിക്കുക, സമരക്കാരെ കള്ളക്കേസില്‍ കുടുക്കുന്നത് അവസാനിപ്പിക്കുക തുടങ്ങിയ ആവശ്യങ്ങളും സമരക്കാര്‍ ഉയര്‍ത്തി.
ആക്ഷന്‍ കൗണ്‍സില്‍ സംസ്ഥാന ജനറല്‍ കണ്‍വീനര്‍ ടി.കെ. സുധീര്‍കുമാര്‍ ഉദ്ഘാടനം ചെയ്തു. സ്ഥലം നഷ്ടപ്പെടുന്നവര്‍ക്ക് ഒന്നും കൊടുക്കില്ളെന്ന് പ്രഖ്യാപിച്ച് ഭൂമി പിടിച്ചെടുക്കാനാണ് അധികൃതര്‍ ശ്രമിക്കുന്നതെന്ന് അദ്ദേഹം കുറ്റപ്പെടുത്തി.  എ. അപ്പുക്കുട്ടന്‍ (ഇടതുപക്ഷ ഏകോപന സമിതി), എം.കെ. ജയരാജന്‍ (എസ്.യു.സി.ഐ), പി.ഇസെഡ്. അസീസ് ഹാജി (മുഴപ്പിലങ്ങാട് ശാദുലി പള്ളി പ്രസിഡന്‍റ്), നസീര്‍ കടാങ്കോട് (കടാങ്കോട് ആക്ഷന്‍ കമ്മിറ്റി) തുടങ്ങിയവര്‍ സംസാരിച്ചു. എസ്.എന്‍ പാര്‍ക്കിനടുത്തുനിന്ന് തുടങ്ങിയ മാര്‍ച്ച് എം.പിയുടെ വീടിനു സമീപം പൊലീസ് തടഞ്ഞു. എം.കെ. അബൂബക്കര്‍, വത്സലന്‍, ഷാജി ചാല, പി.വി. മഹമൂദ്, അഷ്റഫ് തുടങ്ങിയവര്‍ നേതൃത്വം നല്‍കി.

Thursday, March 29, 2012

ദേശീയപാത വികസന സര്‍വേ വീണ്ടും തടസ്സപ്പെടുത്തി

ദേശീയപാത വികസന സര്‍വേ
വീണ്ടും തടസ്സപ്പെടുത്തി
ചക്കരക്കല്ല്: ദേശീയപാത വികസന സര്‍വേ നാട്ടുകാര്‍ വീണ്ടും തടസ്സപ്പെടുത്തി. വാരം-കടാങ്കോട് പ്രദേശത്ത് കൂടി  പോകുന്ന വളപട്ടണം-ചാല കണ്ണൂര്‍ ബൈപ്പാസ് ചാലില്‍ മൊട്ട-നാലു വരി പാതക്ക് വേണ്ടിയുള്ള സര്‍വേയാണ് ബുധനാഴ്ച 11 മണിയോടെ പ്രദേശവാസികളായ 600 ഓളം സ്ത്രീകളും പുരുഷന്മാരും കുട്ടികളുമടങ്ങുന്ന സംഘം തടഞ്ഞത്.
കഴിഞ്ഞ ദിവസം സര്‍വേ ഉദ്യോഗസ്ഥരെ തടഞ്ഞത് സംഘര്‍ഷത്തിലത്തെിയപ്പോള്‍ കടാങ്കോട് ആക്ഷന്‍ കമ്മിറ്റി അംഗങ്ങളായ എട്ടുപേരെ ചക്കരക്കല്ല് പൊലീസ് അറസ്റ്റ് ചെയ്തിരുന്നു. ഇരുന്നൂറിലധികം വീടുകളടങ്ങുന്ന  ജനവാസ കേന്ദ്രത്തിലൂടെയാണ് പാത കടന്നുപോകുന്നത്.
ഇതിനുപകരണം നിര്‍ദിഷ്ട അലൈന്‍മെന്‍റ് അല്‍പം മാറ്റി ജനവാസമില്ലാത്ത പ്രദേശത്ത ് കൂടെ  സര്‍വേ നടത്തണമെന്ന പ്രദേശവാസികളുടെ നിര്‍ദേശം അധികൃതര്‍ ചെവിക്കൊണ്ടില്ളെന്നും തികച്ചും പക്ഷപാതപരമായ സമീപനമാണ് സ്വീകരിക്കുന്നതെന്നും പ്രദേശവാസികള്‍ ആരോപിച്ചു.  ബുധനാഴ്ച രാവിലെ 11 മണിയോടെ തുടങ്ങിയ സര്‍വേ ജനങ്ങളുടെ എതിര്‍പ്പുകാരണം നിര്‍ത്തിവെച്ചെങ്കിലും അധികൃതരുടെ നിര്‍ദേശപ്രകാരം ഉച്ചയോടെ വീണ്ടും ആരംഭിക്കുകയായിരുന്നു. അതിനിടയില്‍ പൊലീസും അധികൃതരും സ്ത്രീകളെയും കുട്ടികളെയും ഭീഷണിപ്പെടുത്തുകയും ബലം പ്രയോഗിക്കുകയും ചെയ്തതായി നാട്ടുകാര്‍ ആരോപിച്ചു. ബലപ്രയോഗത്തിലൂടെ നാലുവരി പാതക്കുവേണ്ടി കുറ്റിയടിച്ചത് ഒരു കാരണവശാലും അംഗീകരിക്കാന്‍  കഴിയില്ളെന്ന് ജനങ്ങള്‍ പറഞ്ഞു. സ്ഥലം എം.പി, എം.എല്‍.എ, വാര്‍ഡ് മെംബര്‍, ദേശീയപാത ചാര്‍ജ് വഹിക്കുന്ന ഉദ്യോഗസ്ഥര്‍ തുടങ്ങിയവര്‍ തങ്ങളോട് പുറംതിരിഞ്ഞ് നില്‍ക്കുകയാണെന്നും ഇവര്‍ പറഞ്ഞു.
എം.എല്‍.എയുടെ വീടിനു മുന്നില്‍ ധര്‍ണ നടത്തി
കണ്ണൂര്‍: ദേശീയ പാത വികസനത്തിന് ഭൂമി ഏറ്റെടുക്കുമ്പോള്‍ ജനവാസകേന്ദ്രങ്ങള്‍ ഒഴിവാക്കണമെന്നാവശ്യപ്പെട്ട് കടാങ്കോട് ആക്ഷന്‍ കമ്മിറ്റിയുടെ നേതൃത്വത്തില്‍  എം.എല്‍.എയുടെ വീടിനു മുന്നില്‍ ധര്‍ണ നടത്തി.
കണ്ണൂര്‍ എം.എല്‍.എ എ.പി. അബ്ദുല്ലക്കുട്ടിയുടെ പള്ളിക്കുന്നിലുള്ള വീടിനു മുന്നിലാണ്  ധര്‍ണ നടത്തിയത്.
 കണ്‍വീനര്‍ എം.കെ. അബൂബക്കര്‍ ഉദ്ഘാടനം ചെയ്തു. നസീര്‍, പോള്‍ ടി. സാമുവല്‍ എന്നിവര്‍  നേതൃത്വം നല്‍കി. ധര്‍ണ നടക്കുമ്പോള്‍ എം.എല്‍.എ വീട്ടിലുണ്ടായിരുന്നില്ല.

സര്‍വേ തടയാന്‍ ശ്രമിച്ച സമരസമിതി പ്രവര്‍ത്തകര്‍ അറസ്റ്റില്‍

ദേശീയപാത വികസനം
സര്‍വേ തടയാന്‍ ശ്രമിച്ച സമരസമിതി
പ്രവര്‍ത്തകര്‍ അറസ്റ്റില്‍
മുഴപ്പിലങ്ങാട്: ദേശീയപാത വികസനവുമായി ബന്ധപ്പെട്ട് സര്‍വേ നടത്താനത്തെിയ ഉദ്യോഗസ്ഥരെ തടഞ്ഞ ഒമ്പത് സമരസമിതി പ്രവര്‍ത്തകരെ പൊലീസ് അറസ്റ്റ് ചെയ്തു.
എടക്കാട് റെയില്‍വേ സ്റ്റേഷനുസമീപം ചൊവ്വാഴ്ച  രാവിലെ 11 മണിയോടെയാണ് സംഭവം.
കണ്ണൂര്‍ സി.ഐ സുകുമാരന്‍െറ നേതൃത്വത്തിലുള്ള പൊലീസ് സംഘമാണ് അറസ്റ്റ് ചെയ്തത്.  അറസ്റ്റ് ചെയ്യുന്ന രംഗം പത്രത്തിനുവേണ്ടി ഫോട്ടോ എടുക്കാനത്തെിയ മുഴപ്പിലങ്ങാട്ടെ ഫോട്ടോഗ്രാഫര്‍ ചന്ദ്രനെ സി.ഐ സുകുമാരന്‍ തടഞ്ഞു.  ഫോട്ടോ എടുത്താല്‍ രണ്ടു ദിവസത്തേക്ക് പുറംലോകം കാണില്ളെന്നും ജാമ്യമില്ലാത്ത കുറ്റം ചുമത്തി അറസ്റ്റ് ചെയ്യുമെന്നും ഇദ്ദേഹം ഭീഷണിപ്പെടുത്തി. 
സമരസമിതി നേതാവ്  കെ.കെ. ഉത്തമന്‍, ഷിജു, കെ.വി. ചന്ദ്രന്‍, പോള്‍ ടി. സാമുവല്‍, അനൂപ് ജോണ്‍, കെ.വി.ശ്രീമതി, വി. ശോഭ, എം.കെ. മറിയു, എ. മോഹനന്‍ എന്നിവരെയാണ് അറസ്റ്റ് ചെയ്തത്.  ഇവരെ തലശ്ശേരി മജിസ്ട്രേറ്റ് കോടതിയില്‍ ഹാജരാക്കി രണ്ടാള്‍ ജാമ്യത്തില്‍ ഏഴു മണിക്കുശേഷം വിട്ടയച്ചു.
കൃത്യനിര്‍വഹണം തടസ്സപ്പെടുത്തിയതിന് എന്‍.എച്ച്. സര്‍വേ  ഉദ്യോഗസ്ഥ ഭാരതിയുടെ പരാതിയിലാണ് ഇവര്‍ക്കെതിരെ കേസെടുത്തത്.

Monday, February 6, 2012

സമരപ്പന്തല്‍ ഉദ്ഘാടനം

സമരപ്പന്തല്‍ ഉദ്ഘാടനം
എടക്കാട്: മുഴപ്പിലങ്ങാട് പഞ്ചായ്ധ് ഓഫിസിന് സമീപം സ്ഥാപിച്ച ദേശീയപാത സമരപ്പന്തലിന്റെ  ഉദ്ഘാടനം  മുഴപ്പിലങ്ങാട് ശാദുലിയാ ജുമാമസ്ജിദ് കമ്മിറ്റി പ്രസിഡന്റ് പി. ഇസഡ്. അബ്ദുല്‍ അസീസ് ഹാജിയും നടാല്‍ മഹാവിഷ്ണുക്ഷേത്രം കമ്മിറ്റി പ്രതിനിധി പി. ചന്ദ്രനും ചേര്‍ന്ന് നിര്‍വഹിച്ചു.
നാലുവരിപ്പാത നിര്‍മാണ പദ്ധതിയുടെ അപാകത പരിഹരിക്കുക, കുടിയൊഴിപ്പിക്കുന്നവര്‍ക്ക് അര്‍ഹമായ പുനരധിവാസം മുന്‍കൂട്ടി പ്രഖ്യാപിക്കുക എന്നീ ആവശ്യങ്ങളുന്നയിച്ച് എടക്കാട്^മുഴപ്പിലങ്ങാട്^നടാല്‍^ചാല എന്‍.എച്ച് ആക്ഷന്‍ കൌണ്‍സില്‍ നട്ധുന്ന സമര്ധിന്റെ ഭാഗമായാണ് പന്തല്‍ ഒരുക്കിയിരിക്കുന്നത്. 
ആക്ഷന്‍ കൌണ്‍സില്‍ കണ്‍വീനര്‍ കെ.കെ. ഉ്ധമന്‍ അധ്യക്ഷത വഹിച്ചു. എന്‍.എച്ച് ആക്ഷന്‍ കൌണ്‍സില്‍ ജില്ലാ ചെയര്‍മാന്‍ ഡോ. ഡി. സുരേന്ദ്രനാഥ്, ദേശീയപാത സംരക്ഷണസമിതി ജില്ലാ ജനറല്‍ കണ്‍ വീനര്‍ യു.കെ. സഈദ് ,  ജവഹര്‍ ഫൌണ്ടേഷന്‍ ചെയര്‍മാന്‍ എടക്കാട് പ്രേമരാജന്‍ , സോളിഡാരിറ്റി ഏരിയാ പ്രസിഡന്റ് പി.എ.  സഈദ് , എസ്.യു.സി.ഐ ജില്ലാ കമ്മിറ്റിയംഗം പോള്‍ ടി. സാമുവല്‍ എന്നിവര്‍ സംസംസാരിച്ചു.  എം.കെ. അബൂബക്കര്‍ സ്വാഗതവും കെ. രാമചന്ദ്രന്‍ നന്ദിയും പറഞ്ഞു.