ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----
Showing posts with label JIH MATTANNUR. Show all posts
Showing posts with label JIH MATTANNUR. Show all posts

Tuesday, September 18, 2012

യാത്രയയപ്പ്

യാത്രയയപ്പ്
മട്ടന്നൂര്‍: ജമാഅത്തെ ഇസ്ലാമി മട്ടന്നൂര്‍ യൂനിറ്റിന്‍െറ നേതൃത്വത്തില്‍ ഈവര്‍ഷം ഹജ്ജിന് പോകുന്നവര്‍ക്ക് യാത്രയയപ്പ് നല്‍കി. മട്ടന്നൂര്‍ ഹിറ സെന്‍ററില്‍ നടന്ന ചടങ്ങില്‍ ജമാഅത്തെ ഇസ്ലാമി ജില്ലാ പ്രസിഡന്‍റ് ടി.കെ. മുഹമ്മദലി മുഖ്യപ്രഭാഷണം നടത്തി. കെ.പി. റസാഖ് അധ്യക്ഷത വഹിച്ചു. പി. അബൂബക്കര്‍, പ്രഫ. കെ. മൂസക്കുട്ടി, അശ്റഫ് പുറവൂര്‍ എന്നിവര്‍ സംസാരിച്ചു. സി. അലി സ്വാഗതം പറഞ്ഞു.

Wednesday, May 2, 2012

കുടുംബ സംഗമം

കുടുംബ സംഗമം
മട്ടന്നൂര്‍: സ്വന്തം ഇച്ഛയെ നിയന്ത്രിക്കുന്നതാണ് ഏറ്റവും വലിയ ത്യാഗമെന്നും വ്യക്തി സംസ്കരണത്തിലൂടെയേ നല്ളൊരു സമൂഹത്തെ കെട്ടിപ്പടുക്കാനാവൂവെന്നും ജമാഅത്തെ ഇസ്ലാമി ജില്ലാ പ്രസിഡന്‍റ് ടി.കെ. മുഹമ്മദലി അഭിപ്രായപ്പെട്ടു. ജമാഅത്തെ ഇസ്ലാമി വളോര യൂനിറ്റ് സംഘടിപ്പിച്ച കുടുംബ സംഗമം ഉദ്ഘാടനം ചെയ്യുകയായിരുന്നു അദ്ദേഹം. കെ. അശ്റഫ് അധ്യക്ഷത വഹിച്ചു. പി.വി. ഇബ്രാഹിംകുട്ടി സംസാരിച്ചു.

Friday, April 20, 2012

വനിതാ സംഗമം

 
 വനിതാ സംഗമം
മട്ടന്നൂര്‍: ജമാഅത്തെ ഇസ്ലാമി വനിതാ യൂനിറ്റിന്‍െറ ആഭിമുഖ്യത്തില്‍ എടയന്നൂരില്‍ നടന്ന വനിതാസംഗമം സംസ്ഥാന വനിതാ വിഭാഗം പ്രസിഡന്‍റ് കെ.എന്‍. സുലൈഖ ഉദ്ഘടനം ചെയ്തു.  യൂനിറ്റ് പ്രസിഡന്‍റ് പി. സാജിത അധ്യക്ഷതവഹിച്ചു. വി. ഷാഹിന സ്വാഗതവും ടി.കെ. ഷിഫ  നന്ദിയും പറഞ്ഞു. ടി.കെ. ഫാത്തിമതുബ ഖിറാഅത്ത് നടത്തി.

Saturday, February 18, 2012

മുഹമ്മദ്നബി ജീവിതവും സന്ദേശവും സെമിനാര്‍ നടത്തി

 മുഹമ്മദ്നബി ജീവിതവും
സന്ദേശവും സെമിനാര്‍ നടത്തി
മട്ടന്നൂര്‍: ആദര്‍ശജീവിതം എങ്ങനെയാകണമെന്ന് സ്വജീവിതത്തിലൂടെ പഠിപ്പിച്ചുതന്ന പ്രവാചകനാണ് മുഹമ്മദ് നബിയെന്ന് പ്രമുഖ വാഗ്മി കെ.പി.എ. റഹീം.  മുഹമ്മദ്നബി ജീവിതവും സന്ദേശവും  കാമ്പയിനിന്‍െറ ഭാഗമായി ജമാഅത്തെ ഇസ്ലാമി മട്ടന്നൂര്‍ ഏരിയ സംഘടിപ്പിച്ച സെമിനാര്‍ ഉദ്ഘാടനം ചെയ്യുകയായിരുന്നു അദ്ദേഹം. സത്യം പറയാന്‍ ധൈര്യം കാണിച്ച പ്രവാചകന്‍െറ അനുചരന്മാരും സത്യം പറയാനും പ്രവര്‍ത്തിക്കാനും തയാറാകണമെന്ന്  കെ.പി.എ. റഹീം പറഞ്ഞു. വി.കെ. കുട്ടു അധ്യക്ഷത വഹിച്ചു. അഡ്വ. പി.പി. ജയരാജന്‍, കളത്തില്‍ ബഷീര്‍, പി.സി. മുനീര്‍ മാസ്റ്റര്‍ എന്നിവര്‍ സംസാരിച്ചു. കെ.വി. നിസാര്‍ സ്വാഗതവും കെ.പി. റസാഖ് നന്ദിയും  പറഞ്ഞു. മുഹമ്മദ് റഹ്ബാര്‍ ഖിറാഅത്ത് നടത്തി.

Thursday, February 16, 2012

കുടുംബസംഗമം

 
 കുടുംബസംഗമം
മട്ടന്നൂര്‍: ജമാഅ്ധ ഇസ്ലാമി മട്ടന്നൂര്‍ യൂനിറ്റ് കുടുംബസംഗമം നട്ധി. മട്ടന്നൂര്‍ ഹിറ സെന്ററില്‍ നട്ധിയ കുടുംബസംഗമം വി.എന്‍. ഹാരിസ് ഉദ്ഘാടനം ചെയ്തു. സി. അലി അധ്യക്ഷത വഹിച്ചു.

Wednesday, August 24, 2011

RAMADAN QUIZ

റമദാന്‍ പ്രശ്നോത്തരി വിജയികള്‍

തലശേãരി: ജമാഅത്തെ ഇസ്ലാമി സൈദാര്‍പള്ളി^പിലാക്കൂല്‍ ഘടകത്തിന്റെ ആഭിമുഖ്യത്തില്‍ നടത്തിയ റമദാന്‍ പ്രശ്നോത്തരിയില്‍ സുബിന നസീര്‍, മറിയു മുസമ്മില്‍, ഹൈറുന്നീസ മമ്മൂട്ടി എന്നിവര്‍ യഥാക്രമം ഒന്നും രണ്ടും മൂന്നും സ്ഥാനം നേടി.
മട്ടന്നൂര്‍: ജമാഅത്തെ ഇസ്ലാമി മട്ടന്നൂര്‍ ഹല്‍ഖയുടെ ആഭിമുഖ്യത്തില്‍ ഖുര്‍ആന്‍ പ്രശ്നോത്തരി മത്സരം സംഘടിപ്പിച്ചു. സി. ഉസ്മാന്‍ ഒന്നാംസ്ഥാനവും പി.സി. മൂസഹാജി രണ്ടാംസ്ഥാനവും എന്‍.പി. ഹാരിസ് മൂന്നാംസ്ഥാനവും നേടി. ചടങ്ങില്‍ പി.വി. നിസാര്‍ സംസാരിച്ചു. കെ.വി. സാദിഖ് അധ്യക്ഷത വഹിച്ചു.

Tuesday, June 7, 2011

JIH MATTANNUR

 
  ജമാഅത്തെ ഇസ്ലാമി ഭവന പദ്ധതിയുടെ താക്കോല്‍ ദാനം നിര്‍വഹിച്ചു
ജനസേവനം മതത്തിന്റെ ആത്മാവ്
-ശൈഖ് മുഹമ്മദ് കാരകുന്ന്
മട്ടന്നൂര്‍: ജനസേവനം മതത്തിന്റെ ആത്മാവാണെന്നും ദൈവത്തോടുള്ള ആരാധന അതിനുള്ള പ്രചോദനമാണെന്നും ജമാഅത്തെ ഇസ്ലാമി അസി. അമീര്‍ ശൈഖ് മുഹമ്മദ് കാരകുന്ന്.
ജമാഅത്തെ ഇസ്ലാമി ഉളിയില്‍ യൂനിറ്റിന്റെ ആഭിമുഖ്യത്തില്‍ നിര്‍മിച്ച അഞ്ച് വീടുകളുടെ താക്കോല്‍ദാനം നിര്‍വഹിക്കുകയായിരുന്നു അദ്ദേഹം. ലോകത്ത് കോടീശ്വരന്മാരുള്ള രാജ്യമെന്ന ഖ്യാതിയുള്ള ഇന്ത്യയില്‍ മഹാഭൂരിപക്ഷവും ദരിദ്രരായിരിക്കെ ഇത്തരം സംരംഭങ്ങള്‍ മഹനീയമാണെന്നും ജനസേവനത്തിന്റെ മാര്‍ഗത്തില്‍ ഒന്നും ചെയ്യാതിരിക്കുന്നത് മതനിഷേധമാണെന്ന വേദവാക്യം ഓര്‍മിക്കണമെന്നും അദ്ദേഹം പറഞ്ഞു. വി.കെ. കുട്ടു അധ്യക്ഷത വഹിച്ചു.
ഇരിട്ടി ബ്ലോക് പഞ്ചായത്ത് പ്രസിഡന്റ് കെ. ശ്രീധരന്‍ ഉദ്ഘാടനം ചെയ്തു. മൌണ്ട്ഫ്ലവര്‍ സ്കൂളില്‍നിന്ന് സി.ബി.എസ്.ഇ പരീക്ഷയില്‍ ഉന്നതവിജയം നേടിയവര്‍ക്ക് കീഴൂര്‍^ചാവശേãരി പഞ്ചായത്ത് പ്രസിഡന്റ് കെ. അബ്ദുല്‍റഷീദ് ഉപഹാരം നല്‍കി. സോളിഡാരിറ്റി സംസ്ഥാന സമിതിയംഗം കെ.എം. മഖ്ബൂല്‍ മുഖ്യപ്രഭാഷണം നടത്തി. ഗ്രാമപഞ്ചായത്ത് മെംബര്‍മാരായ വിനോദ്കുമാര്‍, എന്‍. രാജന്‍, കൂരന്‍മുക്ക് മഹല്ല് പ്രസിഡന്റ് കെ. മഹമൂദ് ഹാജി, പി.എന്‍. മൊയ്തൂട്ടി, പി.വി. സാബിറ എന്നിവര്‍ വീടുകളുടെ താക്കോല്‍ ഏറ്റുവാങ്ങി. കെ. സാദിഖ് സ്വാഗതവും കെ. ബഷീര്‍ നന്ദിയും പറഞ്ഞു. എ. ഗഫൂര്‍ മാസ്റ്റര്‍ ഖിറാഅത്ത് നടത്തി.

Saturday, June 4, 2011

JIH MATTANNUR

ജമാഅത്തെ ഇസ്ലാമി ഭവന പദ്ധതി:
വീടുകളുടെ താക്കോല്‍ ദാനം ആറിന്
മട്ടന്നൂര്‍: ഭവനമെന്ന സ്വപ്നത്തിനു മുന്നില്‍ പകച്ചു നില്‍ക്കുന്ന നിരാലംബര്‍ക്ക് ആശ്വാസമായി ജമാഅത്തെ ഇസ്ലാമിയുടെ വീടൊരുങ്ങി.
നിരവധി സേവന പ്രവര്‍ത്തനങ്ങളിലൂടെ ജന ശ്രദ്ധയാകര്‍ഷിച്ച ജമാഅത്തെ ഇസ്ലാമി ഉളിയില്‍ ഘടകം ആവിഷ്കരിച്ച ഭവന പദ്ധതിയാണ് സമൂഹത്തിലെ പാവപ്പെട്ടവര്‍ക്ക് ആശ്വാസമാകുന്നത്. പദ്ധതിയുടെ ഒന്നാം ഘട്ടമെന്ന നിലയില്‍ പൂര്‍ത്തിയാക്കിയ ആറ് വീടുകളുടെ താക്കോല്‍ ദാനം ജൂണ്‍ ആറിന് ജമാഅത്തെ ഇസ്ലാമി കേരള അസിസ്റ്റന്റ്  അമീര്‍ ശൈഖ് മുഹമ്മദ് കാരകുന്ന് നിര്‍വഹിക്കും.
കഴിഞ്ഞ മഹല്ല് സംഗമത്തിലാണ് ജമാഅത്തെ ഇസ്ലാമി ഭവന നിര്‍മാണ പദ്ധതി പ്രഖ്യാപിച്ചത്. ഉളിയില്‍, നരയമ്പാറ പ്രദേശങ്ങളിലെ അര്‍ഹതപ്പെട്ടവരെ കണ്ടെത്തി 14 വീടുകള്‍ നിര്‍മിക്കാന്‍ പദ്ധതി തയാറാക്കുകയും ചെയ്തു. ഇതില്‍ ആറ് വീടുകളാണ് ആദ്യഘട്ടത്തില്‍ നിര്‍മാണം പൂര്‍ത്തീകരിച്ചത്. ബാക്കിയുള്ള എട്ട് വീടുകളുടെ നിര്‍മാണം പൂര്‍ത്തിയായി വരുന്നു. പാവപ്പെട്ടവരെ കണ്ടെത്തി അവരുടെ സ്ഥലത്ത് തന്നെ രണ്ടര ലക്ഷത്തോളം രൂപ ചെലവഴിച്ചാണ് വീട് നിര്‍മാണം. ജാതി- മത പരിഗണനയില്ലാതെയാണ് ഗുണഭോക്താക്കളെ തെരഞ്ഞെടുത്തിരിക്കുന്നത് . ഐഡിയല്‍ സലാല വെല്‍ഫെയര്‍ കമ്മിറ്റിയും ഈ സദുദ്ദ്യമത്തില്‍ നിസ്സീമ സഹായം നല്‍കി. ഏവരുടെയും സഹകരണമാണ് കാലതാമസം കൂടാതെ പദ്ധതി പൂര്‍ത്തിയാക്കാന്‍ കാരണമായതെന്ന് സംഘാടകര്‍ വ്യക്തമാക്കി. പൂര്‍ത്തിയായ ആറ് വീടുകളുടെ താക്കോല്‍ദാന ചടങ്ങ് തിങ്കളാഴ്ച വൈകീട്ട് നാല് മണിക്ക് നരയമ്പാറ ഐഡിയല്‍ മസ്ജിദ് ഗ്രൌണ്ടിലാണ് ഒരുക്കിയിട്ടുള്ളത്. ഇരിട്ടി ബ്ലോക് പഞ്ചായത്ത് പ്രസിഡന്റ് കെ. ശ്രീധരന്‍ ഉദ്ഘാടനം ചെയ്യും. ഉപഹാര വിതരണം കീഴൂര്‍^ ചാവശേãരി പഞ്ചായത്ത് പ്രസിഡന്റ് കെ. അബ്ദുല്‍ റഷീദും മുഖ്യ പ്രഭാഷണം സോളിഡാരിറ്റി സംസ്ഥാന സമിതിയംഗം കെ.എം. മഖ്ബൂലും നടത്തും.  വി.കെ. കുട്ടു അധ്യക്ഷത വഹിക്കും.

Wednesday, January 12, 2011

JIH MATTANNUR

ജമാഅത്തെ ഇസ്ലാമി കാഞ്ഞിരോട്, ഇരിട്ടി മേഖലാ സമ്മേളനം മട്ടന്നൂരില്‍ സംസ്ഥാന അസിസ്റ്റന്റ് അമീര്‍ ശൈഖ് മുഹമ്മദ് കാരകുന്ന് ഉദ്ഘാടനം ചെയ്യുന്നു.

ജമാഅത്തെ ഇസ്ലാമി മേഖലാ
സമ്മേളനങ്ങള്‍ക്ക് തുടക്കം

മട്ടന്നൂര്‍: വര്‍ത്തമാന സാമൂഹിക രാഷ്ട്രീയ വിഷയങ്ങളില്‍ ജമാഅത്തെ ഇസ്ലാമിയുടെ നിലപാട് വിശദീകരിക്കുന്നതിന് മതം, രാഷ്ട്രം, രാഷ്ട്രീയം എന്ന വിഷയത്തെ ആസ്പദമാക്കി നടത്തുന്ന മേഖലാ സമ്മേളനങ്ങള്‍ക്ക് തുടക്കമായി. കാഞ്ഞിരോട്, ഇരിട്ടി മേഖലാ സമ്മേളനം മട്ടന്നൂരില്‍ ജമാഅത്തെ ഇസ്ലാമി സംസ്ഥാന അസിസ്റ്റന്റ് അമീര്‍ ശൈഖ് മുഹമ്മദ് കാരകുന്ന് ഉദ്ഘാടനം ചെയ്തു.
മനുഷ്യന് അനീതിയില്‍നിന്ന് മോചനം ലഭിക്കാന്‍ പുതിയ ലോകം ഉണ്ടാവേണ്ടതുണ്ടെന്നും മനുഷ്യജീവിതത്തിന്റെ സമഗ്ര മേഖലകളിലും ഇടപെടേണ്ടത് ദൈവിക വ്യവസ്ഥയാണെന്നും അദ്ദേഹം പറഞ്ഞു. പൌരബോധമില്ലാതെ പോയതിനാലാണ് രാജ്യം അഴിമതിയുടെ കൈകളിലമര്‍ന്നത്. മദ്യവും മയക്കുമരുന്നും കേരളത്തിന്റെ ദുരന്തമായത് ആരിലൂടെയാണെന്ന് ജനങ്ങള്‍ തിരിച്ചറിയണം. സാധാരണക്കാരുടെ പ്രശ്നങ്ങള്‍ ഏറ്റെടുത്ത് ജമാഅത്തെ ഇസ്ലാമി മുന്നോട്ടുവരുമ്പോള്‍ മതമൌലികവാദികളെന്നും തീവ്രവാദികളെന്നുംപറഞ്ഞ് ചിലര്‍ എതിര്‍ക്കുകയാണ്. പ്രസ്ഥാനം ഇസ്ലാമിന്റെ രാഷ്ട്രീയം ഉയര്‍ത്തിപ്പിടിച്ച് മുന്നോട്ടുപോകുന്നത് സകലര്‍ക്കും സമത്വം ആഗ്രഹിച്ചാണ്. എല്ലാ രാഷ്ട്രീയ പാര്‍ട്ടികളിലെ പ്രവര്‍ത്തകര്‍ക്കും ഉള്‍ക്കൊള്ളാന്‍ പറ്റുന്ന മാനവിക മൂല്യങ്ങളുടെ ഇസ്ലാമിക രാഷ്ട്രീയമാണ് ജമാഅത്തെ ഇസ്ലാമിയുടെ ലക്ഷ്യമെന്നും സകലരെയും ഒരുപോലെ കാണുന്ന ജമാഅത്തിനെ ചിലര്‍ തെറ്റിദ്ധരിപ്പിക്കുകയാണെന്നും ശൈഖ് മുഹമ്മദ് പറഞ്ഞു.
ജമാഅത്തെ ഇസ്ലാമി ജില്ലാ പ്രസിഡന്റ് ടി.കെ. മുഹമ്മദലി അധ്യക്ഷത വഹിച്ചു. സോളിഡാരിറ്റി സംസ്ഥാന പ്രവര്‍ത്തക സമിതിയംഗം ടി.പി. മുഹമ്മദ് ഷമീം പ്രഭാഷണം നടത്തി.
അബ്ദുസലാം മാസ്റ്റര്‍ സ്വാഗതവും പി.സി. മുനീര്‍ മാസ്റ്റര്‍ നന്ദിയും പറഞ്ഞു. എ. ഗഫൂര്‍ മാസ്റ്റര്‍ ഖിറാഅത്ത് നടത്തി.
Madhyamam-12-01-2011