ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----
Showing posts with label SIO KANNUR. Show all posts
Showing posts with label SIO KANNUR. Show all posts

Monday, July 29, 2013

ഇഫ്താര്‍ വിരുന്ന്

 ഇഫ്താര്‍ വിരുന്ന്
കണ്ണൂര്‍: എസ്.ഐ.ഒ ജില്ലാ കമ്മിറ്റിയുടെ ആഭിമുഖ്യത്തില്‍ വിദ്യാര്‍ഥി പ്രസ്ഥാനങ്ങള്‍ക്കും മാധ്യമ പ്രവര്‍ത്തകര്‍ക്കുമായി ഇഫ്താര്‍ വിരുന്നൊരുക്കി. ജില്ലാ ഓഫിസില്‍ നടന്ന ചടങ്ങില്‍ ടി.പി. ശമീം ഇഫ്താര്‍ സന്ദേശം നല്‍കി. നസീര്‍, വിവേക്, അനൂപ് മട്ടന്നൂര്‍ തുടങ്ങിയവര്‍ റമദാന്‍ ആശംസകള്‍ നേര്‍ന്നു. എസ്.ഐ.ഒ ജില്ലാ പ്രസിഡന്‍റ് ശംസീര്‍ ഇബ്രാഹിം വിരുന്നിന് നേതൃത്വം നല്‍കി. ജമാഅത്തെ ഇസ്ലാമി ജില്ലാ പ്രസിഡന്‍റ് യു.പി. സിദ്ദീഖ് മാസ്റ്റര്‍ സമാപനം നിര്‍വഹിച്ചു.

Thursday, July 4, 2013

എസ്.ഐ.ഒ മെംബര്‍ഷിപ് കാമ്പയിന് തുടക്കം


എസ്.ഐ.ഒ മെംബര്‍ഷിപ് 
കാമ്പയിന് തുടക്കം
തലശ്ശേരി:  ‘ബീ  പ്രാക്ടിക്കല്‍, ഡിമാന്‍ഡ് ജസ്റ്റിസ്’ എന്ന തലക്കെട്ടില്‍ നടക്കുന്ന 2013-14 വര്‍ഷത്തെ കാമ്പസ് മെംബര്‍ഷിപ് കാമ്പയിന്‍ തലശ്ശേരി ഗവ.ബ്രണ്ണന്‍ കോളജില്‍ എസ്.ഐ.ഒ സംസ്ഥാന ജനറല്‍ സെക്രട്ടറി കെ.വി.സഫീര്‍ഷ ഉദ്ഘാടനം ചെയ്തു.  കോളജ് വിദ്യാര്‍ഥിനി നൗറീന്‍ മുസമ്മില്‍ ആദ്യ മെംബര്‍ഷിപ് ഏറ്റുവാങ്ങി. സംസ്ഥാന സെക്രട്ടറി കെ.എസ്. നിസാര്‍, കണ്ണൂര്‍ ജില്ലാ പ്രസിഡന്‍റ് ശംസീര്‍ ഇബ്രാഹിം, സെക്രട്ടറി അഫ്സല്‍ എന്നിവര്‍ സംസാരിച്ചു. യൂനിറ്റ് പ്രസിഡന്‍റ് സുഹൈല്‍ സ്വാഗതവും സെക്രട്ടറി നാജിയ നന്ദിയും പറഞ്ഞു.

Tuesday, June 25, 2013

എസ്.ഐ.ഒ ഹൈസ്കൂള്‍ മെംബര്‍ഷിപ് കാമ്പയിന്‍ തുടങ്ങി

എസ്.ഐ.ഒ ഹൈസ്കൂള്‍
മെംബര്‍ഷിപ് കാമ്പയിന്‍ തുടങ്ങി
കണ്ണൂര്‍: എസ്.ഐ.ഒയുടെ ആഭിമുഖ്യത്തില്‍ ജൂലൈ 20 വരെ നടക്കുന്ന ‘അറിവിന്‍െറ ആകാശം പോരാട്ടത്തിന്‍െറ മണ്ണ്’ മെംബര്‍ഷിപ് കാമ്പയിന് തുടക്കമായി. പെരിങ്ങത്തൂര്‍ എന്‍.എ.എം ഹയര്‍ സെക്കന്‍ഡറി സ്കൂളില്‍ നടന്ന ചടങ്ങില്‍ എസ്.ഐ.ഒ ജില്ലാ പ്രസിഡന്‍റ് ശംസീര്‍ ഇബ്രാഹിം കാമ്പയിന്‍ ഉദ്ഘാടനം ചെയ്തു.
സ്കൂള്‍ വിദ്യാര്‍ഥി ഹാമിര്‍ ആദ്യ മെംബര്‍ഷിപ് ഏറ്റുവാങ്ങി. ജില്ലാ ജോയന്‍റ് സെക്രട്ടറി ആര്‍.എ. സാബിഖ്  അധ്യക്ഷത വഹിച്ചു. ഏരിയാ സെക്രട്ടറി സക്കീര്‍ ഹുസൈന്‍ സ്വാഗതവും ആദില്‍ നന്ദിയും പറഞ്ഞു.

Monday, June 24, 2013

ശിരോവസ്ത്ര നിരോധം: വിവാദ സര്‍ക്കുലറില്‍ പ്രതിഷേധിച്ചു



ശിരോവസ്ത്ര നിരോധം:
വിവാദ സര്‍ക്കുലറില്‍ പ്രതിഷേധിച്ചു

കണ്ണൂര്‍: സ്കൂളിലെ ശിരോവസ്ത്ര നിരോധവുമായി ബന്ധപ്പെട്ട് ഡി.പി.ഐ പുറപ്പെടുവിച്ച വിവാദ സര്‍ക്കുലറും ഇന്‍റലിജന്‍സ് റിപ്പോര്‍ട്ടും പിന്‍വലിക്കണമെന്ന് ആവശ്യപ്പെട്ട് എസ്.ഐ.ഒ കണ്ണൂര്‍ നഗരത്തില്‍ പ്രതിഷേധ പ്രകടനം നടത്തി.
സ്റ്റേറ്റ് ബാങ്ക് പരിസരത്തുനിന്നാരംഭിച്ച പ്രകടനം നഗരം ചുറ്റി പഴയസ്റ്റാന്‍ഡ് പരിസരത്ത് സമാപിച്ചു. പ്രതിഷേധ യോഗത്തില്‍ എസ്.ഐ.ഒ ജില്ലാ പ്രസിഡന്‍റ് ശംസീര്‍ ഇബ്രാഹീം സംസാരിച്ചു. ശിരോവസ്ത്രം നിരോധിക്കുന്ന സ്കൂള്‍ മാനേജ്മെന്‍റുകള്‍ പൗരാവകാശ ധ്വംസനമാണ് നടത്തുന്നതെന്ന് അദ്ദേഹം പറഞ്ഞു. ഭരണഘടന ഉറപ്പുനല്‍കുന്ന മൗലികാവകാശങ്ങള്‍ നിഷേധിക്കുന്ന സ്ഥാപനങ്ങള്‍ക്കെതിരെ വിദ്യാഭ്യാസവകുപ്പ് നടപടി സ്വീകരിക്കണം. ജമാഅത്തെ ഇസ്ലാമി, സോളിഡാരിറ്റി തുടങ്ങിയ സംഘടനകളെ കുഴപ്പക്കാരായി ചിത്രീകരിച്ച ഉദ്യോഗസ്ഥര്‍ക്കെതിരെ മാതൃകാപരമായി ശിക്ഷാനടപടി കൈക്കൊള്ളണമെന്ന് അദ്ദേഹം ആവശ്യപ്പെട്ടു. ജില്ലാ സെക്രട്ടറി ആശിഖ് കാഞ്ഞിരോട്, ജോ. സെക്രട്ടറി ആര്‍.എ. സാബിഖ് എന്നിവര്‍ സംസാരിച്ചു. പ്രകടനത്തിന് അഫ്സല്‍ ഹുസൈന്‍, ടി.എ. ബിനാസ്, റംസി സലാം എന്നിവര്‍ നേതൃത്വം നല്‍കി.

Thursday, June 20, 2013

കോളജുകളുടെ സ്വയംഭരണാവകാശം: എസ്.ഐ.ഒ മാര്‍ച്ചില്‍ പ്രതിഷേധമിരമ്പി

 


കോളജുകളുടെ സ്വയംഭരണാവകാശം:
എസ്.ഐ.ഒ മാര്‍ച്ചില്‍ പ്രതിഷേധമിരമ്പി
കണ്ണൂര്‍: കോളജുകളുടെ സ്വയംഭരണാവകാശവുമായി ബന്ധപ്പെട്ട വിഷയത്തില്‍ സര്‍ക്കാര്‍ നിയമ നിര്‍മാണം നടത്തണമെന്നാവശ്യപ്പെട്ട് എസ്.ഐ.ഒ നടത്തിയ കലക്ടറേറ്റ് മാര്‍ച്ചില്‍ വിദ്യാര്‍ഥി രോഷമിരമ്പി. കണ്ണൂര്‍ പഴയ ബസ്സ്റ്റാന്‍ഡ് പരിസരത്ത് നിന്നാരംഭിച്ച മാര്‍ച്ചില്‍ നിരവധി വിദ്യാര്‍ഥികള്‍ പങ്കെടുത്തു. മാര്‍ച്ച് കലക്ടറേറ്റ് കവാടത്തില്‍ പൊലീസ് തടഞ്ഞു. തുടര്‍ന്ന് എസ്.ഐ.ഒ സംസ്ഥാന സെക്രട്ടറി സി.ടി. സുഹൈബ് മാര്‍ച്ച് ഉദ്ഘാടനം ചെയ്തു. സ്വയംഭരണാവകാശം എന്ന ആശയം സ്വാഗതാര്‍ഹമാണെങ്കിലും മതിയായ ചര്‍ച്ചയും മുന്നൊരുക്കങ്ങളും കൂടാതെ നടപ്പാക്കിയാല്‍ വിപരീത ഫലമായിരിക്കും ഉണ്ടാവുകയെന്ന് അദ്ദേഹം പറഞ്ഞു. സ്വയംഭരണാവകാശം ഇരുതല മൂര്‍ച്ചയുള്ള വാളാണെന്നും നിലവിലെ എന്‍.ആര്‍. മാധവമേനോന്‍ കമ്മിറ്റി റിപ്പോര്‍ട്ട് മാനേജ്മെന്‍റുകള്‍ക്ക് അമിതാധികാരമാണ് നല്‍കുന്നതെന്നും അദ്ദേഹം ആരോപിച്ചു. സോളിഡാരിറ്റി യൂത്ത് മൂവ്മെന്‍റ് സെക്രട്ടറി സാദിഖ് ഉളിയില്‍, ശംസീര്‍ ഇബ്രാഹിം, ആഷിഖ് കാഞ്ഞിരോട് എന്നിവര്‍ സംസാരിച്ചു. ടി.എ. ബിനാസ് അധ്യക്ഷത വഹിച്ചു.

Wednesday, June 19, 2013

എസ്.ഐ.ഒ കലക്ടറേറ്റ് മാര്‍ച്ച് ഇന്ന്

 കോളജുകളുടെ സ്വയംഭരണാവകാശം:
എസ്.ഐ.ഒ കലക്ടറേറ്റ് മാര്‍ച്ച് ഇന്ന്
കണ്ണൂര്‍: കോളജുകള്‍ക്ക് സ്വയംഭരണാവകാശം നല്‍കുന്ന വിഷയത്തില്‍ സര്‍ക്കാര്‍ സമഗ്രമായ നിയമനിര്‍മാണം നടപ്പാക്കണമെന്ന് ആവശ്യപ്പെട്ട് എസ്.ഐ.ഒ ആഭിമുഖ്യത്തില്‍ ഇന്ന് കലക്ടറേറ്റ് മാര്‍ച്ച് നടത്തും.
സംസ്ഥാന ജന. സെക്രട്ടറി കെ.വി. സഫീര്‍ ഷാ ഉദ്ഘാടനം ചെയ്യും. യോഗത്തില്‍ ജില്ലാ പ്രസിഡന്‍റ് ശംസീര്‍ ഇബ്രാഹിം അധ്യക്ഷത വഹിച്ചു. ജില്ലാ വൈസ് പ്രസിഡന്‍റ് ടി.എ. ബിനാസ്, സെക്രട്ടറിമാരായ റംസി സലാം, അഫ്സല്‍ ഹുസൈന്‍, ആര്‍.എ. സാബിഖ്  എന്നിവര്‍ സംസാരിച്ചു.

Saturday, June 8, 2013

പഠനക്കിറ്റ് വിതരണം


പഠനക്കിറ്റ് വിതരണം
ഇരിട്ടി: എസ്.ഐ.ഒ ജില്ലാ കമ്മിറ്റിയുടെ ആഭിമുഖ്യത്തില്‍ സ്കൂള്‍ വിദ്യാര്‍ഥികള്‍ക്ക് പഠനക്കിറ്റ് വിതരണം ചെയ്തു. ആറളം ഗവ. ഹയര്‍സെക്കന്‍ഡറി സ്കൂളില്‍ പഞ്ചായത്ത് പ്രസിഡന്‍റ് വി.ടി. തോമസും എം.ഐ.എം.എല്‍.പി സ്കൂളില്‍ സ്കൂള്‍ മാനേജര്‍ സി. നാസറും കിറ്റ് വിതരണം നടത്തി. എസ്.ഐ.ഒ സംസ്ഥാന സെക്രട്ടറി വി. നിസാര്‍, ആശിഖ് കാഞ്ഞിരോട്, പി.ടി.എ പ്രസിഡന്‍റ് രവീന്ദ്രന്‍, വാര്‍ഡംഗം കുഞ്ഞിക്കണ്ണന്‍, മോഹനന്‍ മാസ്റ്റര്‍, ബെന്നി ലൂക്കോസ്, ഷഫീര്‍ ആറളം, കെ.വി. മുനീര്‍ മാസ്റ്റര്‍, അബ്ദുല്ല മാസ്റ്റര്‍, നഈം ഉളിയില്‍ എന്നിവര്‍ സംസാരിച്ചു. 50 കുട്ടികള്‍ക്കാണ് കിറ്റ് വിതരണം ചെയ്തത്.

Tuesday, May 28, 2013

എസ്.ഐ.ഒ ഹയര്‍സെക്കന്‍ഡറി കോണ്‍ഫറന്‍സ്

 എസ്.ഐ.ഒ ഹയര്‍സെക്കന്‍ഡറി കോണ്‍ഫറന്‍സ്
തലശ്ശേരി: ‘കളറിങ് സ്റ്റുഡന്‍ഡം’ തലക്കെട്ടില്‍ എസ്.ഐ.ഒ, ജി.ഐ.ഒ സംയുക്തമായി ഹയര്‍സെക്കന്‍ഡറി വിദ്യാര്‍ഥി സമ്മേളനം സംഘടിപ്പിച്ചു. എസ്.ഐ.ഒ സംസ്ഥാന ജനറല്‍ സെക്രട്ടറി കെ.വി. സഫീര്‍ഷാ ഉദ്ഘാടനം ചെയ്തു. ആത്മീയതയിലൂന്നിയ രാഷ്ട്രീയത്തിന് കൂടുതല്‍ സ്വീകാര്യത ലഭിക്കുന്ന ഇക്കാലത്ത് വിദ്യാര്‍ഥികള്‍ കാമ്പസുകളില്‍ ഉയര്‍ത്തിപ്പിടിക്കേണ്ടത് ആത്മീയ രാഷ്ട്രീയമാണെന്ന് അദ്ദേഹം പറഞ്ഞു.
‘കാമ്പസുകളിലെ ഇസ്ലാമിക പ്രതിനിധാനം’ വിഷയത്തില്‍ എസ്.ഐ.ഒ മുന്‍ സംസ്ഥാന സമിതിയംഗം യു. ഷൈജുവും ‘കാലം തേടുന്ന വിദ്യാര്‍ഥി’ വിഷയത്തില്‍ സംസ്ഥാന സെക്രട്ടറി നഹാസ് മാളയും സംസാരിച്ചു. ജി.ഐ.ഒ ജില്ലാ പ്രസിഡന്‍റ് ഹസ്ന സാദിഖ് സംസാരിച്ചു. ‘കാമ്പസ് ജീവിതം’ എന്ന തലക്കെട്ടില്‍ നടന്ന ഓപണ്‍ ഫോറത്തില്‍ അഫ്സല്‍ ഹുസൈന്‍, ടി.എ. ബനാസ്, ഫാസില്‍ അബ്ദു, ലബീബ്, നവാല മുഅ്മിന്‍, നാജിയ, അംജദ്, കെ.കെ. നസ്റി എന്നിവര്‍ സംസാരിച്ചു.
ജമാഅത്തെ ഇസ്ലാമി ജില്ലാ പ്രസിഡന്‍റ് ടി.കെ. മുഹമ്മദലി സമാപനം നിര്‍വഹിച്ചു. എസ്.ഐ.ഒ ജില്ലാ പ്രസിഡന്‍റ് ശംസീര്‍ ഇബ്രാഹിം അധ്യക്ഷത വഹിച്ചു. ജില്ലാ ജോയന്‍റ് സെക്രട്ടറി ആര്‍.എ. സാബിഖ് സ്വാഗതവും ജില്ലാ സെക്രട്ടറി ആഷിഖ് കാഞ്ഞിരോട് നന്ദിയും പറഞ്ഞു.

Friday, May 3, 2013

എസ്.ഐ.ഒ ദേശീയ പ്രസിഡന്‍റ് അഷ്ഫാഖ് അഹമ്മദിന് ഉജ്ജ്വല സ്വീകരണം

 
 
 
 
 
 

 
 
 
 
 
 

രാഷ്ട്രീയ ഗുണ്ടായിസത്തിലും യു.എ.പി.എ
ഉപയോഗിക്കാന്‍ തയാറാവുമോ -ആരിഫലി
  കണ്ണൂര്‍: കണ്ണൂരിലെ ഗുണ്ടാ രാഷ്ട്രീയത്തിന്‍െറ ഭാഗമായി നടന്ന റെയ്ഡുകള്‍, അക്രമസംഭവങ്ങള്‍ എന്നിവയുമായി ബന്ധപ്പെട്ട് യു.എ.പി.എ എന്ന കാടന്‍ നിയമം ചുമത്താന്‍ കേരള സര്‍ക്കാര്‍ തയാറുണ്ടോ എന്ന് ജമാഅത്തെ ഇസ്ലാമി കേരള അമീര്‍ ടി. ആരിഫലി. എസ്.ഐ.ഒ ദേശീയ പ്രസിഡന്‍റ് അഷ്ഫാഖ് അഹമ്മദിന് എസ്.ഐ.ഒ സംസ്ഥാന കമ്മിറ്റി കണ്ണൂരിലൊരുക്കിയ സ്വീകരണ യോഗം ഉദ്ഘാടനം ചെയ്യുകയായിരുന്നു അദ്ദേഹം.
നാറാത്ത് ഒരു പാര്‍ട്ടിയുമായി ബന്ധപ്പെട്ട കേന്ദ്രത്തില്‍നിന്ന് ഒരു വാളും രണ്ട് ബോംബുകളും പിടികൂടപ്പെട്ടുവെന്നാണ് പറയുന്നത്. ഒരു വാളായാലും അര വാളായാലും കൃത്യമായ അന്വേഷണം നടത്തണം. ഈ സംഭവം പൊലീസും പത്രങ്ങളും കൈകാര്യം ചെയ്തത് ലോകത്ത് ഇത്തരമൊരു സംഭവമുണ്ടായിട്ടില്ല എന്ന മട്ടിലാണ്.
കണ്ണൂരില്‍ ഗുണ്ടാ രാഷ്ട്രീയത്തിന്‍െറ ഭാഗമായി പല നേതാക്കളുടെയും വീടുകളില്‍നിന്നും ഓഫിസുകളില്‍നിന്നും ബോംബുകളും വടിവാളുകളും പിടിച്ചെടുത്തിട്ടുണ്ട്. ഇത്തരം സംഭവങ്ങളില്‍ യു.എ.പി.എ ചുമത്താന്‍ കേരളത്തിലെ മതേതരത്വം ഉദ്ഘോഷിക്കുന്ന സര്‍ക്കാര്‍ സന്നദ്ധമാകുമോ? ഒരു പ്രത്യേക ഭാഗത്തുനിന്നുള്ള സംഭവമായതിനാല്‍ ഒരു സമുദായത്തെയും സമുദായവുമായി ബന്ധപ്പെട്ട മത-സാംസ്കാരിക സംഘടനകളെയും ഇതിന്‍െറ പേരില്‍ കരിവാരിത്തേക്കാന്‍ ശ്രമമുണ്ടാകുന്നു. ഇന്ത്യയിലുംലോകത്ത് പൊതുവായും രൂപപ്പെട്ട ഇസ്ലാമോഫോബിയയുടെ പശ്ചാത്തലത്തില്‍ കേരളത്തിലെ രാഷ്ട്രീയ പാര്‍ട്ടികളും മാധ്യമങ്ങളും കിട്ടാവുന്ന അവസരമെല്ലാം ഉപയോഗപ്പെടുത്തുകയാണ്. സമുദായത്തിന്‍െറ മൊത്ത കുത്തക അവകാശപ്പെടുന്ന മുസ്ലിംലീഗും മതസംഘടനകളും ഇത് തിരിച്ചറിയണം.
ലോകത്തെ ഏറ്റവും കാട്ടാളത്തം നിറഞ്ഞ കരിനിയമമാണ് യു.എ.പി.എ. മഅ്ദനി ഉള്‍പ്പെടെയുള്ള മുസ്ലിം യുവാക്കളെ ജയിലിലടക്കാന്‍ ഉപയോഗിച്ചത് ഈ നിയമമാണ്. നിരവധി മുസ്ലിം യുവാക്കളെ അന്യായമായി തുറുങ്കിലടച്ചിരിക്കുകയാണെന്ന് ഇന്ത്യന്‍ പ്രസിഡന്‍റും പ്രധാനമന്ത്രിയും സുപ്രീം കോടതി ജഡ്ജിമാരും പറയുന്നു. എന്നിട്ടും ഇതിന് മാറ്റം വാരാത്തതിനു കാരണം ഇസ്രായേലിന്‍െറയും അതിന്‍െറ ചാരസംഘടനയായ മൊസാദിന്‍െറയും പ്രവര്‍ത്തനഫലമാണെന്ന് വിശ്വസിക്കേണ്ടിയിരിക്കുന്നുവെന്ന് ആരിഫലി പറഞ്ഞു.
സാമൂഹിക തിന്മകള്‍ക്കും സ്ത്രീകള്‍ക്കെതിരായ അതിക്രമങ്ങള്‍ക്കുമെതിരെ വിദ്യാര്‍ഥിസമൂഹം രംഗത്തിറങ്ങണമെന്ന് സമ്മേളനത്തില്‍ സംസാരിച്ച എസ്.ഐ.ഒ ദേശീയ പ്രസിഡന്‍റ് അഷ്ഫാഖ് അഹമ്മദ് അഭിപ്രായപ്പെട്ടു.
സാമൂഹികമാറ്റത്തിനുതകുന്ന വിദ്യാഭ്യാസക്രമത്തിലൂടെ മാത്രമേ രാജ്യത്ത് മൂല്യാധിഷ്ഠിത വ്യവസ്ഥ രൂപപ്പെടുകയുള്ളൂവെന്ന് അദ്ദേഹം പറഞ്ഞു.
എസ്.ഐ.ഒ സംസ്ഥാന പ്രസിഡന്‍റ് എസ്. ഇര്‍ഷാദ് അധ്യക്ഷത വഹിച്ചു. ജമാഅത്തെ ഇസ്ലാമി സംസ്ഥാന ജനറല്‍ സെക്രട്ടറി പി. മുജീബ് റഹ്മാന്‍, സോളിഡാരിറ്റി സംസ്ഥാന പ്രസിഡന്‍റ് പി.ഐ. നൗഷാദ്, എസ്.ഐ.ഒ കര്‍ണാടക സംസ്ഥാന പ്രസിഡന്‍റ് തൗസീഫ് അഹമ്മദ്, ജി.ഐ.ഒ സംസ്ഥാന പ്രസിഡന്‍റ് പി. റുക്സാന എന്നിവര്‍ സംസാരിച്ചു. കെ.വി. സഫീര്‍ ഷാ സ്വാഗതവും ഷംസീര്‍ ഇബ്രാഹിം നന്ദിയും പറഞ്ഞു.
അഖിലേന്ത്യ പ്രസിഡന്‍റായി തെരഞ്ഞെടുക്കപ്പെട്ട ശേഷം ആദ്യമായി കണ്ണൂരിലത്തെിയ അഷ്ഫാഖ് അഹമ്മദിന് പ്രവര്‍ത്തകര്‍ ഉജ്ജ്വല സ്വീകരണമാണ് നല്‍കിയത്. നഗരത്തില്‍ ഉശിരന്‍ വിദ്യാര്‍ഥി പ്രകടനം നടന്നു.
സ്റ്റേറ്റ് ബാങ്ക് പരിസരത്തുനിന്ന് ആരംഭിച്ച പ്രകടനം സ്റ്റേഷന്‍ റോഡ്, പഴയ ബസ്സ്റ്റാന്‍ഡ് വഴി സ്റ്റേഡിയം കോര്‍ണറിലെ പൊതുസമ്മേളന നഗരിയില്‍ സമാപിച്ചു. ദേശീയ പ്രസിഡന്‍റിനെ തുറന്ന വാഹനത്തിലാണ് സമ്മേളന വേദിയിലേക്ക് ആനയിച്ചത്. സി.ടി. സുഹൈബ്, കെ.എസ്. നിസാര്‍, കെ.പി. തൗഫീഖ്, മുഹമ്മദ് ആഷിഖ്, കെ. നാജിയ, ഹസ്ന ഉളിയില്‍, ബിനാസ് എന്നിവര്‍ പ്രകടനത്തിന് നേതൃത്വം നല്‍കി. വളപട്ടണം പാലത്തില്‍നിന്ന് ആരംഭിച്ച ബൈക്ക് റാലിയും ഉണ്ടായി.

Tuesday, April 30, 2013

എസ്.ഐ.ഒ ദേശീയ പ്രസിഡന്‍റിന് സ്വീകരണം രണ്ടിന്

എസ്.ഐ.ഒ ദേശീയ പ്രസിഡന്‍റിന്
സ്വീകരണം രണ്ടിന്

കണ്ണൂര്‍: എസ്.ഐ.ഒ ദേശീയ പ്രസിഡന്‍റ് അഷ്ഫാഖ് അഹ്മദ് ശരീഫിന് സംസ്ഥാന ഘടകം നല്‍കുന്ന സ്വീകരണ പരിപാടി മേയ് രണ്ടിന് കണ്ണൂരില്‍ നടക്കും. വൈകീട്ട് മൂന്നിന് വിദ്യാര്‍ഥി റാലിയോടെ പരിപാടിക്ക് തുടക്കമാകും. നഗരം ചുറ്റിയശേഷം പ്രകടനം  സ്റ്റേഡിയം കോര്‍ണറില്‍ സമാപിക്കും. പൊതുസമ്മേളനം ജമാഅത്തെ ഇസ്ലാമി സംസ്ഥാന അമീര്‍ ടി. ആരിഫലി ഉദ്ഘാടനം ചെയ്യും. എസ്.ഐ.ഒ സംസ്ഥാന പ്രസിഡന്‍റ് എസ്. ഇര്‍ശാദ് അധ്യക്ഷത വഹിക്കും. എസ്.ഐ.ഒ ദേശീയ ജനറല്‍ സെക്രട്ടറി സര്‍വര്‍ ഹസന്‍, കര്‍ണാടക സംസ്ഥാന പ്രസിഡന്‍റ് തൗസീഫ് അഹമ്മദ്, ജമാഅത്തെ ഇസ്ലാമി സംസ്ഥാന ജന. സെക്രട്ടറി പി. മുജീബ് റഹ്മാന്‍, സോളിഡാരിറ്റി സംസ്ഥാന പ്രസിഡന്‍റ് പി.ഐ. നൗഷാദ്, ജി.ഐ.ഒ സംസ്ഥാന പ്രസിഡന്‍റ് റുക്സാന, എസ്.ഐ.ഒ സംസ്ഥാന ജന. സെക്രട്ടറി കെ.വി. സഫീര്‍ ഷാ എന്നിവര്‍ പങ്കെടുക്കും.

Thursday, April 25, 2013

റാഗിങ്: എസ്.ഐ.ഒ നിവേദനം നല്‍കി

റാഗിങ്: എസ്.ഐ.ഒ
നിവേദനം നല്‍കി
കണ്ണൂര്‍: അന്യസംസ്ഥാനങ്ങളില്‍ റാഗിങ്ങിനിരകളായ വിദ്യാര്‍ഥികളുടെ കുടുംബത്തിന് നീതി ലഭിക്കാന്‍ സര്‍ക്കാര്‍ സമ്മര്‍ദം ചെലുത്തണമെന്നാവശ്യപ്പെട്ട് എസ്.ഐ.ഒ ജില്ല കമ്മിറ്റി കലക്ടര്‍ക്ക് നിവേദനം നല്‍കി. വിദ്യാര്‍ഥികളുടെ സുരക്ഷ ഉറപ്പുവരുത്താന്‍ നോര്‍ക്ക പോലുള്ള സംവിധാനം ഏര്‍പ്പെടുത്തണമെന്നും നിവേദനത്തില്‍ ആവശ്യപ്പെട്ടു. എസ്.ഐ.ഒ ജില്ല വൈസ് പ്രസിഡന്‍റ് ടി.എ. ബിനാസ്, സെക്രട്ടേറിയറ്റംഗങ്ങളായ സാബിഖ്, ആര്‍.എ. അഫ്സല്‍, റംസി സലാം എന്നിവര്‍ നിവേദക സംഘത്തിലുണ്ടായിരുന്നു.

Monday, March 18, 2013

‘അബ്ദുല്‍ ഖാദര്‍ ജീലാനിയുടേത് തെറ്റിദ്ധരിക്കപ്പെട്ട വ്യക്തിത്വം’

 ‘അബ്ദുല്‍ ഖാദര്‍ ജീലാനിയുടേത്
തെറ്റിദ്ധരിക്കപ്പെട്ട വ്യക്തിത്വം’
കണ്ണൂര്‍: മുഹ്യിദ്ദീന്‍ അബ്ദുല്‍ ഖാദര്‍ ജീലാനിയെപോലുള്ളവരുടെ സംഭാവനകള്‍ സമൂഹത്തില്‍ വേണ്ടവിധത്തില്‍ ചര്‍ച്ച ചെയ്യപ്പെട്ടിട്ടില്ളെന്ന് എസ്.ഐ.ഒ ജില്ല കമ്മിറ്റി സംഘടിപ്പിച്ച സായാഹ്ന സദസ്സ് അഭിപ്രായപ്പെട്ടു. സമൂഹത്തില്‍ വ്യാപകമായിരുന്ന ആര്‍ഭാടങ്ങള്‍ക്കെതിരെ ശക്തമായ നിലപാടെടുത്ത ജീലാനിയുടെ അധ്യാപനങ്ങള്‍ക്ക് ഇന്നും പ്രസക്തിയുണ്ടെന്ന് ചെമ്മനാട് ജുമാമസ്ജിദ് ഖത്തീബ് ഹുസൈന്‍ സഖാഫി കാമിലി അഭിപ്രായപ്പെട്ടു. വൈജ്ഞാനിക മേഖലകളില്‍ ജീലാനി അര്‍പ്പിച്ച സംഭാവനകള്‍ കേരളീയ സമൂഹത്തില്‍ ഇനിയും ആഴത്തില്‍ ചര്‍ച്ച ചെയ്യപ്പെടേണ്ടതുണ്ടെന്നും അദ്ദേഹം അഭിപ്രായപ്പെട്ടു. ശൈഖ് ജീലാനിയെകുറിച്ച് സമൂഹത്തില്‍ പ്രചരിപ്പിക്കപ്പെട്ട തെറ്റിദ്ധാരണകള്‍ നീക്കം ചെയ്യപ്പെടേണ്ടതുണ്ടെന്ന് ശിഹാബ് പൂക്കോട്ടൂര്‍ പറഞ്ഞു. ആധ്യാത്മിക മേഖലകളില്‍ കനപ്പെട്ട സംഭാവനകള്‍ അര്‍പ്പിച്ച വ്യക്തികളുടെ സാമൂഹിക രാഷ്ട്രീയ ഇടപെടലുകള്‍ കൂടി പരിഗണിക്കപ്പെടേണ്ടതുണ്ടെന്നും അദ്ദേഹം അഭിപ്രായപ്പെട്ടു. എസ്.ഐ.ഒ കണ്ണൂര്‍ ജില്ല പ്രസിഡന്‍റ് ശംസീര്‍ ഇബ്രാഹിം അധ്യക്ഷത വഹിച്ചു. സംസ്ഥാന സെക്രട്ടറി ജുമൈല്‍ കൊടിഞ്ഞി, തഫ്സല്‍ ഇഅ്ജാസ് എന്നിവര്‍ സംസാരിച്ചു. ജില്ല വൈസ് പ്രസിഡന്‍റ് ബിനാസ് സ്വാഗതവും സെക്രട്ടറി അഷിഖ് കാഞ്ഞിരോട് നന്ദിയും പറഞ്ഞു.

Tuesday, March 5, 2013

ഏകീകൃത എന്‍ട്രന്‍സ് പരീക്ഷാകേന്ദ്രം അനുവദിക്കണം -എസ്.ഐ.ഒ

ഏകീകൃത എന്‍ട്രന്‍സ് പരീക്ഷാകേന്ദ്രം
അനുവദിക്കണം -എസ്.ഐ.ഒ
കണ്ണൂര്‍: കേന്ദ്ര മാനവവിഭവ മന്ത്രാലയത്തിന്‍െറ കീഴില്‍ ഐ.ഐ.ടി,എന്‍.ഐ.ടി, മറ്റു കേന്ദ്ര സഹായമുള്ള ഉന്നത വിദ്യാഭ്യാസ സ്ഥാപനങ്ങള്‍ എന്നിവയിലേക്ക് സി.ബി.എസ്.സിയുടെ മേല്‍നോട്ടത്തില്‍ നടത്തുന്ന ഏകീകൃത പ്രവേശ പരീക്ഷക്ക് സെന്‍റര്‍ മലബാറില്‍ അനുവദിക്കണമെന്ന് എസ്.ഐ.ഒ ജില്ല സെക്രട്ടേറിയറ്റ് ആവശ്യപ്പെട്ടു. അഖിലേന്ത്യ അടിസ്ഥാനത്തില്‍ നടത്തുന്ന പ്രവേശ പരീക്ഷ ഏപ്രില്‍ ഒമ്പത്, 22, 23, 25 തീയതികളിലാണ്. കേരള മെഡിക്കല്‍, എന്‍ജിനീയറിങ് പ്രവേശ പരീക്ഷ നടക്കുന്നത് ഏപ്രില്‍ 22 മുതല്‍ 25 വരെയാണ്. അതിനാല്‍ ഏപ്രില്‍ ഒമ്പതിന് നടക്കുന്ന പരീക്ഷക്കാണ് കേരളത്തിലെ വിദ്യാര്‍ഥികള്‍ അപേക്ഷിച്ചിട്ടുള്ളത്.
കേരളത്തില്‍ എറണാകുളത്ത് മാത്രമായിരുന്നു പരീക്ഷക്ക് കേന്ദ്രമുണ്ടായിരുന്നത്. ഒറ്റ കേന്ദ്രമായതിനാല്‍ ഭൂരിപക്ഷം വിദ്യാര്‍ഥികള്‍ക്കും ഏപ്രില്‍ ഒമ്പതിന് നടക്കുന്ന പ്രവേശ പരീക്ഷക്ക് അവസരം ലഭിച്ചിരുന്നില്ല. കേരള എന്‍ട്രന്‍സ് പരീക്ഷ നടക്കുന്ന മറ്റു തീയതികളില്‍ പരീക്ഷക്ക് അവസരം ലഭിച്ചവര്‍ ഏതെങ്കിലും ഒരു പരീക്ഷ ഒഴിവാക്കേണ്ട അവസ്ഥയായിരുന്നു.
ഇതിനു പരിഹാരം കാണാന്‍ കേന്ദ്രത്തില്‍ സമ്മര്‍ദം ചെലുത്തി കേരളത്തില്‍ കൂടുതല്‍ പരീക്ഷാ കേന്ദ്രങ്ങള്‍ അനുവദിക്കാന്‍ ഉന്നത വിദ്യാഭ്യാസ വകുപ്പിന് പരാതി ലഭിച്ചിരുന്നു. തുടര്‍ന്ന് തിരുവനന്തപുരം, കോട്ടയം, തൃശൂര്‍ ജില്ലകളില്‍ പരീക്ഷാകേന്ദ്രം അനുവദിച്ചു. 50 ശതമാനത്തിലധികം വിദ്യാര്‍ഥികള്‍ പരീക്ഷയെഴുതുന്ന മലബാറില്‍ ഒറ്റ സെന്‍ററും അനുവദിച്ചില്ല. മലബാര്‍ മേഖലയിലെ ജനപ്രതിനിധികള്‍ വിഷയത്തില്‍ ഇടപെടണമെന്ന് യോഗം ആവശ്യപ്പെട്ടു. ഈ ആവശ്യമുന്നയിച്ച് പ്രതിഷേധ പരിപാടികള്‍ സംഘടിപ്പിക്കാന്‍ യോഗം തീരുമാനിച്ചു. എസ്.ഐ.ഒ ജില്ല പ്രസിഡന്‍റ് ശംസീര്‍ ഇബ്രാഹിം അധ്യക്ഷത വഹിച്ചു. ജില്ല സെക്രട്ടറി ആഷിഖ് കാഞ്ഞിരോട് റിപ്പോര്‍ട്ട് അവതരിപ്പിച്ചു.

Monday, February 25, 2013

എസ്.ഐ.ഒ നേതൃസംഗമം

  എസ്.ഐ.ഒ നേതൃസംഗമം
കണ്ണൂര്‍: എസ്.ഐ.ഒ ജില്ല നേതൃസംഗമം നടത്തി. ജമാഅത്തെ ഇസ്ലാമി ജില്ല സെക്രട്ടറി കളത്തില്‍ ബഷീര്‍ ഉദ്ഘാടനം ചെയ്തു. എസ്.ഐ.ഒ ജില്ല സെക്രട്ടറി ആശിഖ് കാഞ്ഞിരോട് ആമുഖഭാഷണം നടത്തി. സംസ്ഥാന സമിതിയംഗം  റബിഹ് മുഹമ്മദ് നയവിശദീകരണവും ജില്ല വൈ. പ്രസിഡന്‍റ് ടി.എ. ബിനാസ് പദ്ധതി വിശദീകരണവും നടത്തി. ജില്ല സമിതിയംഗം അഫീഫ് അബ്ദുല്‍ കരീം ഖുര്‍ആന്‍ ക്ളാസെടുത്തു.  ജില്ല പ്രസിഡന്‍റ് ശംസീര്‍ ഇബ്രാഹിം സമാപന പ്രസംഗം നടത്തി.

Sunday, February 17, 2013

ഡി. വിനയചന്ദ്രനെ അനുസ്മരിച്ചു

 ഡി. വിനയചന്ദ്രനെ അനുസ്മരിച്ചു
കണ്ണൂര്‍: എഴുത്തില്‍ വ്യത്യസ്തത പുലര്‍ത്തിയ അപൂര്‍വം എഴുത്തുകാരില്‍ ഒരാളായിരുന്നു അന്തരിച്ച കവി ഡി. വിനയചന്ദ്രനെന്ന് കെ.സി. ഉമേഷ്ബാബു പറഞ്ഞു. എസ്.ഐ.ഒ ജില്ല കമ്മിറ്റിയുടെ ആഭിമുഖ്യത്തില്‍ പൊലീസ് ക്ളബില്‍ സംഘടിപ്പിച്ച ഡി. വിനയചന്ദ്രന്‍ അനുസ്മരണവും സാംസ്കാരിക സായാഹ്നവും ഉദ്ഘാടനം ചെയ്യുകയായിരുന്നു അദ്ദേഹം.  എസ്.ഐ.ഒ ജില്ല വൈസ് പ്രസിഡന്‍റ് ടി.എ. ബിനാസ്  അധ്യക്ഷത വഹിച്ചു. ബഷീര്‍ കളത്തില്‍, മാധവന്‍ പുറച്ചേരി, മനോജ് കാട്ടാമ്പള്ളി, സി.കെ. മുനവ്വിര്‍ എന്നിവര്‍ സംസാരിച്ചു. റംഷീദ് തളിപ്പറമ്പ് സ്വാഗതവും ആഷിഖ് കാഞ്ഞിരോട് നന്ദിയും പറഞ്ഞു.