ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----
Showing posts with label SOLIDARITY TALIPARAMBA AREA. Show all posts
Showing posts with label SOLIDARITY TALIPARAMBA AREA. Show all posts

Tuesday, December 4, 2012

കുറ്റവാളികളെ പിടികൂടണം -സോളിഡാരിറ്റി

കുറ്റവാളികളെ പിടികൂടണം -സോളിഡാരിറ്റി
തളിപ്പറമ്പ്: തളിപ്പറമ്പിലും പരിസരപ്രദേശങ്ങളിലും ബൈക്ക് കത്തിക്കല്‍ തുടര്‍ക്കഥയാകുന്ന സാഹചര്യത്തില്‍ സമഗ്രമായ അന്വേഷണത്തിലൂടെ കുറ്റവാളികളെ പിടികൂടി നിയമത്തിന് മുന്നില്‍ കൊണ്ടുവരണമെന്ന് സോളിഡാരിറ്റി തളിപ്പറമ്പ് ഏരിയാ സെക്രട്ടേറിയറ്റ് യോഗം ആവശ്യപ്പെട്ടു. ഏരിയാ പ്രസിഡന്‍റ് സി.എച്ച്. മിഫ്താഫ് അധ്യക്ഷത വഹിച്ചു. കഴിഞ്ഞദിവസം സാമൂഹിക ദ്രോഹികള്‍ അഗ്നിക്കിരയാക്കിയ ഞാറ്റുവയല്‍ സി.എച്ച് റോഡിലെ ഫഹാമ വീട്ടില്‍ അനസ് ഹാരിസിന്‍െറ ബൈക്കും സ്ഥലവും ഏരിയാ നേതാക്കളായ ഷെരീഫ്, സി.കെ. മുനവ്വിര്‍, റംഷിദ്, ഖാലിദ്, മുസദ്ദിഖ് എന്നിവര്‍ സന്ദര്‍ശിച്ചു.

Sunday, October 28, 2012

നഴ്സുമാരുടെ സമരത്തിന് ഐക്യദാര്‍ഢ്യം

 നഴ്സുമാരുടെ സമരത്തിന് ഐക്യദാര്‍ഢ്യം
 തളിപ്പറമ്പ്: തളിപ്പറമ്പ് ലൂര്‍ദ് ആശുപത്രിക്ക് മുന്നില്‍ നഴ്സുമാര്‍ നടത്തുന്ന സമരത്തിന് സോളിഡാരിറ്റി തളിപ്പറമ്പ് ഏരിയാ കമ്മിറ്റി ഐക്യദാര്‍ഢ്യം പ്രഖ്യാപിച്ചു. സോളിഡാരിറ്റി ജില്ലാ സെക്രട്ടറി സാദിഖ് ഉളിയില്‍ സമരപന്തലില്‍ അഭിവാദ്യം അര്‍പ്പിച്ച് സംസാരിച്ചു. ഐക്യദാര്‍ഢ്യ പ്രകടനത്തിന് സി.എച്ച്. മിഫ്താഫ്, ഫൈസല്‍ മാടായി, കെ.കെ. ഖാലിദ്, വി.കെ. മുനീര്‍ എന്നിവര്‍ നേതൃത്വം നല്‍കി. പെരുന്നാള്‍ ദിനത്തില്‍ നമസ്കാരത്തിനുശേഷം സ്ത്രീകളും കുട്ടികളും യുവാക്കളും സമരപന്തലിലേക്ക് ഐക്യദാര്‍ഢ്യ യാത്ര നടത്തി. ജമാഅത്തെ ഇസ്ലാമി ഏരിയാ വൈസ് പ്രസിഡന്‍റ് കെ.പി. ആദംകുട്ടി സംഗമം ഉദ്ഘാടനം ചെയ്തു. ഏരിയാ പ്രസിഡന്‍റ് സി.എച്ച്. മിഫ്താഫ് അധ്യക്ഷത വഹിച്ചു.
.

Tuesday, September 11, 2012

സോളിഡാരിറ്റി കണ്‍വെന്‍ഷന്‍

സോളിഡാരിറ്റി കണ്‍വെന്‍ഷന്‍
തളിപ്പറമ്പ്: ‘വിപ്ളവ വസന്തത്തിന്‍െറ ശലഭങ്ങളാവുക, സോളിഡാരിറ്റിയില്‍ അംഗമാവുക’ കാമ്പയിനിന്‍െറ ഭാഗമായി സോളിഡാരിറ്റി ഏരിയാ പ്രവര്‍ത്തകസംഗമം സംഘടിപ്പിച്ചു. സംസ്ഥാന പ്രതിനിധിസഭാംഗം പി.കെ. മുഹമ്മദ് സാജിദ് നദ്വി ഉദ്ഘാടനം ചെയ്തു. ഏരിയാ പ്രസിഡന്‍റ് സി.എച്ച്. മിഫ്താഫ് അധ്യക്ഷത വഹിച്ചു. കെ.കെ. ഖാലിദ്, ഷിഹാബ്, മുസദ്ദിഖ് എന്നിവര്‍ സംസാരിച്ചു.

Wednesday, September 5, 2012

സോളിഡാരിറ്റി കാമ്പയിന്‍

സോളിഡാരിറ്റി കാമ്പയിന്‍
തളിപ്പറമ്പ്: ‘വിപ്ളവവസന്തത്തിന്‍െറ ശലഭങ്ങളാവുക, സോളിഡാരിറ്റി അംഗമാവുക’ പ്രചാരണ കാമ്പയിന്‍ വിജയിപ്പിക്കാന്‍ സോളിഡാരിറ്റി തളിപ്പറമ്പ് ഏരിയാ കമ്മിറ്റി യോഗം തീരുമാനിച്ചു.
പ്രവര്‍ത്തക കണ്‍വെന്‍ഷന്‍, യുവജനകൂട്ടായ്മ, പഠനക്യാമ്പ്, സേവനപ്രവര്‍ത്തനം, മേഖലാ സമ്മേളനം തുടങ്ങിയവ സംഘടിപ്പിക്കും. ഏരിയാ പ്രസിഡന്‍റ് സി.എച്ച്. മിഫ്താഫ് അധ്യക്ഷത വഹിച്ചു. കെ.കെ. ഉസ്മാന്‍, ഖാലിദ് കുപ്പം, മുസദ്ദിഖ്, സി.എച്ച്. മിലാസ്, ഷരീഫ് എന്നിവര്‍ സംസാരിച്ചു.

Saturday, September 1, 2012

ടവര്‍നിര്‍മാണം നിര്‍ത്തിവെക്കണം
-സോളിഡാരിറ്റി
തളിപ്പറമ്പ്: നരിക്കോട് ഹരിജന്‍ കോളനിയില്‍ ജനങ്ങള്‍ തിങ്ങിപ്പാര്‍ക്കുന്നിടത്ത് ടവര്‍ നിര്‍മിക്കാനുള്ള നീക്കത്തില്‍നിന്ന് ബന്ധപ്പെട്ടവര്‍ പിന്മാറണമെന്ന് സോളിഡാരിറ്റി തളിപ്പറമ്പ് ഏരിയാ സെക്രട്ടേറിയറ്റ് ആവശ്യപ്പെട്ടു. ഇരകളാക്കപ്പെടുന്നവരുടെ ചെറുത്തുനില്‍പുകളെ പൊലീസിനെ ഉപയോഗിച്ച് നേരിടുന്ന പ്രവണത തുടരുകയാണെങ്കില്‍ പൊതുജനങ്ങളെ അണിനിരത്തി ശക്തമായ സമരപരിപാടികള്‍ക്ക് സോളിഡാരിറ്റി നേതൃത്വംനല്‍കുമെന്ന് സെക്രട്ടേറിയറ്റ് മുന്നറിയിപ്പ് നല്‍കി. ഏരിയാ പ്രസിഡന്‍റ് സി.എച്ച്. മിഫ്താഫ് അധ്യക്ഷത വഹിച്ചു. കെ.കെ. ഖാലിദ്, മുസദ്ദിഖ്, ഉസ്മാന്‍ എന്നിവര്‍ സംസാരിച്ചു.

Tuesday, August 7, 2012

സ്നേഹസംഗമം

സ്നേഹസംഗമം
തളിപ്പറമ്പ്: സോളിഡാരിറ്റി യൂത്ത് മൂവ്മെന്‍റ് തളിപ്പറമ്പ് ഏരിയാ കമ്മിറ്റി സംഘടിപ്പിച്ച ഇഫ്താര്‍ സ്നേഹസംഗമം സ്വാമി വിശ്വഭദ്രാനന്ദ ശക്തിബോധി ഉദ്ഘാടനം ചെയ്തു. സോളിഡാരിറ്റി ജില്ലാ സെക്രട്ടറി സാദിഖ് ഉളിയില്‍ ഇഫ്താര്‍ സന്ദേശം നല്‍കി. പ്രസ്ഫോറം പ്രസിഡന്‍റ് എം.കെ. മനോഹരന്‍, ഗ്രന്ഥകാരന്‍ കെ.സി. വര്‍ഗീസ്, ജമാഅത്തെ ഇസ്ലാമി ജില്ലാ സമിതി അംഗം കെ.പി. ആദം കുട്ടി എന്നിവര്‍ സംസാരിച്ചു. സംസ്ഥാന ചലച്ചിത്ര അവാര്‍ഡ് ജൂറിയുടെ പ്രത്യേക പരാമര്‍ശത്തിന് അര്‍ഹനായ ‘ആദിമധ്യാന്തം’ സിനിമയില്‍ അഭിനയിച്ച മാസ്റ്റര്‍ പ്രിജിത്തിനെ ചടങ്ങില്‍ അഭിനന്ദിച്ചു. ഏരിയ പ്രസിഡന്‍റ് മിഫ്താഫ് അധ്യക്ഷത വഹിച്ചു. മുസദ്ദിഖ് സ്വാഗതവും കെ.കെ. ഖാലിദ്  നന്ദിയും പറഞ്ഞു.

Thursday, August 2, 2012

ഇഫ്താര്‍ സംഗമം

ഇഫ്താര്‍ സംഗമം
തളിപ്പറമ്പ്: സോളിഡാരിറ്റി തളിപ്പറമ്പ് ഏരിയാ കമ്മിറ്റിയുടെ ആഭിമുഖ്യത്തില്‍ ഇഫ്താര്‍ സ്നേഹസംഗമം നടത്തും. ശനിയാഴ്ച വൈകീട്ട് അഞ്ചിന് ഫുഡ് ഹൗസ് ഓഡിറ്റോറിയത്തില്‍ സ്വാമി വിശ്വഭദ്രാനന്ദശക്തിബോധി ഉദ്ഘാടനം ചെയ്യും.

Monday, April 2, 2012

യുവജന സംഗമം നടത്തും

യുവജന സംഗമം നടത്തും
തളിപ്പറമ്പ്: സോളിഡാരിറ്റി തളിപ്പറമ്പ് ഏരിയാ കമ്മിറ്റിയുടെ ആഭിമുഖ്യത്തില്‍ ഏപ്രില്‍ ആറിന് തളിപ്പറമ്പില്‍ യുവജന സംഗമം നടത്തും. സിനിമാ സംവിധായകന്‍ ഷെറി ഉദ്ഘാടനം ചെയ്യും. വിഷ്വല്‍ പ്രോഗ്രാമും അരങ്ങേറും. സംഘാടക സമിതി യോഗത്തില്‍ ജില്ലാ സമിതി അംഗം ജബ്ബാര്‍ ചേലേരി അധ്യക്ഷത വഹിച്ചു. ഏരിയാ പ്രസിഡന്‍റ് മിഫ്താഫ്, ഉസ്മാന്‍ കുപ്പം, കെ.കെ. ഖാലിദ്, മുസദ്ദിഖ് എന്നിവര്‍ സംസാരിച്ചു.

Thursday, December 15, 2011

ദേശീയപാത വികസനം: സോളിഡാരിറ്റി സമരജാഥ നാളെ

ദേശീയപാത വികസനം:
സോളിഡാരിറ്റി സമരജാഥ നാളെ
തളിപ്പറമ്പ്: ദേശീയപാത വികസനത്തിന്റെ പേരില്‍ കുടിയിറക്കപ്പെടുന്നവര്‍ക്ക് ന്യായമായ നഷ്ടപരിഹാരം നല്‍കുക, ബി.ഒ.ടി അടിസ്ഥാനത്തിലുള്ള വികസനം തള്ളിക്കളയുക, ജനസാന്ദ്രത കുറഞ്ഞ പ്രദേശങ്ങളിലൂടെ റോഡ് പണിയുക എന്നീ ആവശ്യങ്ങളുന്നയിച്ച് 16ന് സോളിഡാരിറ്റി തളിപ്പറമ്പ് ഏരിയാ കമ്മിറ്റി നിര്‍ദിഷ്ട കുറ്റിക്കോല്‍^ചുടല ബൈപാസ് പ്രദേശങ്ങളിലൂടെ സമരജാഥ സംഘടിപ്പിക്കും. രാവിലെ ഒമ്പതിന് കോരന്‍പീടികയില്‍ ജില്ലാ ജനറല്‍ സെക്രട്ടറി ടി.കെ. റിയാസ് ഉദ്ഘാടനം ചെയ്യും. വൈകീട്ട് 6.30ന് കുപ്പത്ത് സമാപന സമ്മേളനം ജില്ലാ പ്രസിഡന്റ് ഫാറൂഖ് ഉസ്മാന്‍ ഉദ്ഘാടനം ചെയ്യും. ദേശീയപാത സമരസമിതി കണ്‍വീനര്‍ യു.കെ. സെയ്ദ് മുഖ്യപ്രഭാഷണം നടത്തും.  സംഘാടക സമിതി യോഗത്തില്‍ ഏരിയാ പ്രസിഡന്റ് മിഫ്താഫ് അധ്യക്ഷത വഹിച്ചു. വൈസ് പ്രസിഡന്റ് എം. നാരായണന്‍, എ.വി. ഷരീഫ്, കെ.കെ. ഖാലിദ് എന്നിവര്‍ സംസാരിച്ചു.

Thursday, October 27, 2011

സോളിഡാരിറ്റി ഉപഹാരം നല്‍കി

സോളിഡാരിറ്റി ഉപഹാരം നല്‍കി
തളിപ്പറമ്പ്: ടെലിഫിലിം സംവിധാനത്തില്‍ സംസ്ഥാന അവാര്‍ഡുകള്‍ കരസ്ഥമാക്കിയ ഷെറിന്‍ തളിപ്പറമ്പിന് സോളിഡാരിറ്റി ഏരിയാ കമ്മിറ്റി ഉപഹാരം നല്‍കി. സോളിഡാരിറ്റി മലബാര്‍ നിവര്‍ത്തന പ്രക്ഷോഭത്തിന്റെ സമാപനസമ്മേളന ചടങ്ങില്‍ നാടകകൃത്ത് ഇബ്രാഹിം വെങ്ങരയാണ് ഷെറിന് ഉപഹാരം കൈമാറിയത്.

Monday, October 17, 2011

ലബാര്‍ വിവേചനം അവസാനിപ്പിക്കുക:സോളിഡാരിറ്റി

 സോളിഡാരിറ്റി പൊതുയോഗം
തളിപ്പറമ്പ്: തളിപ്പറമ്പ് താലൂക്ക് വിഭജിച്ച് ഇരിട്ടി, പയ്യന്നൂര്‍ താലൂക്ക് രൂപവത്കരിക്കണമെന്ന് സോളിഡാരിറ്റി മുന്‍ സംസ്ഥാന സമിതി അംഗം സലീം മമ്പാട് അഭിപ്രായപ്പെട്ടു. മലബാര്‍ വിവേചനം അവസാനിപ്പിക്കുക എന്നാവശ്യപ്പെട്ട് സോളിഡാരിറ്റി നടത്തുന്ന മലബാര്‍ നിവര്‍ത്തന പ്രക്ഷോഭത്തിന്റെ ഭാഗമായി സംഘടിപ്പിച്ച പൊതുയോഗത്തില്‍ മുഖ്യപ്രഭാഷണം നടത്തുകയായിരുന്നു അദ്ദേഹം. ഏരിയാ പ്രസിഡന്റ് മിഫ്താഫ് അധ്യക്ഷത വഹിച്ചു. ജില്ലാ ജനറല്‍ സെക്രട്ടറി ടി.കെ. മുഹമ്മദ് റിയാസ്, മക്തബ് പത്രാധിപര്‍ കെ. സുനില്‍കുമാര്‍, എന്നിവര്‍ സംസാരിച്ചു. ടി.പി. ഷാജഹാന്‍ സ്വാഗതവും കെ.കെ. ഖാലിദ് നന്ദിയും പറഞ്ഞു.

Thursday, October 13, 2011

മലബാര്‍ നിവര്‍ത്തന പ്രക്ഷോഭം


സോളിഡാരിറ്റി ബൈക്ക് റാലി നടത്തി

സോളിഡാരിറ്റി ബൈക്ക് റാലി നടത്തി
തളിപ്പറമ്പ്: മലബാര്‍ വിവേചനം അവസാനിപ്പിക്കുക എന്ന തലക്കെട്ടില്‍ സോളിഡാരിറ്റി സംഘടിപ്പിക്കുന്ന മലബാര്‍ നിവര്‍ത്തന പ്രക്ഷോഭത്തിന്റെ ഭാഗമായി തളിപ്പറമ്പ് ഏരിയാ കമ്മിറ്റി ഇരിട്ടിയിലേക്ക് ബൈക്ക് റാലി സംഘടിപ്പിച്ചു. ഏരിയാ പ്രസിഡന്റ് സി.എച്ച്. മിഫ്താഫ് ഉദ്ഘാടനം ചെയ്തു. ഉസ്മാന്‍ കുപ്പം, ലത്തീഷ് പരിയാരം, ഷിബു, നൈജിന്‍ പരിയാരം, മിലാസ്, ടി.കെ.പി. സത്താര്‍ നേതൃത്വം നല്‍കി.

Sunday, August 28, 2011

SOLIDARITY TALIPARAMABA AREA

 ഇഫ്താര്‍ സംഗമം
തളിപ്പറമ്പ്: സോളിഡാരിറ്റി തളിപ്പറമ്പ് ഏരിയ കമ്മിറ്റിയുടെ ആഭിമുഖ്യത്തില്‍ സാമൂഹിക പ്രവര്‍ത്തകരുടെയും മാധ്യമപ്രവര്‍ത്തകരുടെയും ഇഫ്താര്‍ സംഗമം സംഘടിപ്പിച്ചു. പ്രമുഖ ഗ്രന്ഥകാരന്‍ കെ.സി. വര്‍ഗീസ് ഉദ്ഘാടനം ചെയ്തു. മക്തബ് പത്രാധിപര്‍ കെ.സുനില്‍കുമാര്‍, പ്രസ്ഫോറം സെക്രട്ടറി എം.പി. സുകുമാരന്‍, ഡി.സി.സി മെമ്പര്‍ അഡ്വ. അബ്ദുല്‍ റസാഖ്, സാമൂഹിക പ്രവര്‍ത്തകന്‍ ഗോപിനാഥ് തുടങ്ങിയവര്‍ സംസാരിച്ചു. കെ.എം. മഖ്ബൂല്‍ ഇഫ്താര്‍ സന്ദേശം നല്‍കി.സുദാസ് കണ്ണോത്ത് (പെയിന്‍ ആന്‍ഡ് പാലിയേറ്റീവ്), ഐ. ദിവാകരന്‍ (മനോരമ), രവിചന്ദ്രന്‍ (മാധ്യമം), നാരായണന്‍കുട്ടി  മാരാര്‍ (സുദിനം), കെ.പി. രാജീവന്‍ (ദീപിക), എം.പി. സുകുമാരന്‍ (കൌമുദി), പി. രഞ്ജിത്ത് (വീക്ഷണം), പി. രാജന്‍ (ജനയുഗം), പി. മനോഹരന്‍, ശോഭ, നാസര്‍, എം.കെ. മനോഹരന്‍ (പ്രസി. പ്രസ് ഫോറം) തുടങ്ങിയവര്‍ പങ്കെടുത്തു. സി.എച്ച്. മിഫ്താഫ്  അധ്യക്ഷത വഹിച്ചു. കെ.കെ. ഖാലിദ് നന്ദി പറഞ്ഞു.

Sunday, August 7, 2011

SOLIDARITY TALIPARAMABA AREA

സോളിഡാരിറ്റി ഒപ്പുശേഖരണം നടത്തും
തളിപ്പറമ്പ്: മദ്യഷാപ്പുകള്‍ക്കുമേല്‍ തീരുമാനമെടുക്കാന്‍ തദ്ദേശ സ്ഥാപനങ്ങള്‍ക്കുണ്ടായിരുന്ന അധികാരം പുനഃസ്ഥാപിക്കണമെന്നാവശ്യപ്പെട്ട് സോളിഡാരിറ്റി സംസ്ഥാന വ്യാപകമായി നടത്തുന്ന ഒപ്പുശേഖരണത്തിന്റെ ഭാഗമായി ആഗസ്റ്റ് ഒമ്പതിന് ക്വിറ്റിന്ത്യാ ദിനത്തില്‍ തളിപ്പറമ്പില്‍ ഒപ്പുശേഖരണം നടത്താന്‍ തളിപ്പറമ്പ് ഏരിയാ സെക്രട്ടേറിയറ്റ് യോഗം തീരുമാനിച്ചു.
മദ്യനിരോധന സമിതി ജില്ലാ ട്രഷറര്‍ ഡോ. ശാന്തി ധനഞ്ജയന്‍ ഉദ്ഘാടനം ചെയ്യും. സി.കെ. മുനവിര്‍ മുഖ്യപ്രഭാഷണം നടത്തും. യോഗത്തില്‍ ഏരിയാ പ്രസിഡന്റ് മിഫ്താഫ് അധ്യക്ഷത വഹിച്ചു. കെ.കെ. ഖാലിദ്, എം. നാരായണന്‍, ടി.കെ.പി. സത്താര്‍ എന്നിവര്‍ സംസാരിച്ചു.

Saturday, June 25, 2011

SOLIDARITY TALIPARAMBA AREA

'നെറ്റ്വര്‍ക്ക് മാര്‍ക്കറ്റിങ് നിരോധിക്കണം'
തളിപ്പറമ്പ്: നെറ്റ്വര്‍ക്ക് മാര്‍ക്കറ്റിങ് നിരോധിക്കണമെന്നാവശ്യപ്പെട്ട് സോളിഡാരിറ്റി ജൂണ്‍ 27ന് നടത്തുന്ന എസ്.പി ഓഫിസ് മാര്‍ച്ച് വിജയിപ്പിക്കാന്‍ സോളിഡാരിറ്റി തളിപ്പറമ്പ് ഏരിയാ സെക്രട്ടേറിയറ്റ് തീരുമാനിച്ചു. ഏരിയാ പ്രസിഡന്റ് മിഫ്താഫ് അധ്യക്ഷത വഹിച്ചു. ടി.കെ.പി. സത്താര്‍, കെ.കെ. ഖാലിദ്, എ.വി. ഷരീഫ്, സി.എച്ച്. മിലാസ് എന്നിവര്‍ സംസാരിച്ചു.