ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----
Showing posts with label JIH. Show all posts
Showing posts with label JIH. Show all posts

Tuesday, July 30, 2013

മറൈന്‍ഡ്രൈവില്‍ ജമാഅത്തെ ഇസ്‌ലാമി റാബിഅ അദവിയ്യ തീര്‍ക്കുന്നു


മറൈന്‍ഡ്രൈവില്‍ ജമാഅത്തെ ഇസ്‌ലാമി റാബിഅ അദവിയ്യ തീര്‍ക്കുന്നു
ഈജിപ്തിലെ സൈനികഭരണത്തിന്റെ ജനാധിപത്യകശാപ്പിനെതിരെ ജനാധിപത്യപോരാളികളോട് ഐക്യദാര്‍ഢ്യപ്പെട്ടുകൊണ്ട് ജമാഅത്തെ ഇസ്‌ലാമി കേരള ഘടകം റാബിഅ അദവിയ്യ സ്‌ക്വയര്‍ ഒരുക്കുന്നു. എറണാകുളം മറൈന്‍ഡ്രൈവില്‍ ഓഗസ്റ്റ് 3 ശനി രാവിലെ 10 മണി മുതല്‍ ഞാറാഴ്ച പുലര്‍ച്ചവരെയാണ് ഐക്യദാര്‍ഢ്യ ചത്വരം തീര്‍ക്കുന്നത്. സ്ത്രീകള്‍, കുട്ടികള്‍, ചെറുപ്പക്കാര്‍, വിദ്യാര്‍ഥികള്‍ തുടങ്ങി സമൂഹത്തിലെ വിവിധ തുറകളിലെ ആയിരങ്ങള്‍ ചത്വരത്തില്‍ ഒത്തുചേരും. പ്രമുഖ മനുഷ്യാവകാശ പ്രവര്‍ത്തകര്‍, ആക്ടീവിസ്റ്റുകള്‍, മതപണ്ഡിതന്മാര്‍ തുടങ്ങിയവര്‍ ഐക്യദാര്‍ഢ്യ പ്രഭാഷണങ്ങള്‍ നടത്തും. ഈജിപ്ഷ്യന്‍ ചരിത്രത്തിലാദ്യമായി ജനാധിപത്യ തെരഞ്ഞെടുപ്പിലൂടെ അധികാരത്തിലെത്തിയ സര്‍ക്കാറിനെ അട്ടിമറിച്ച സൈനിക ഭരണകൂടം ജനങ്ങളുടെ സമാധാനപരമായ പ്രക്ഷോഭങ്ങളെ നിഷ്‌കരുണം ചോരയില്‍ മുക്കിക്കൊല്ലുന്ന പശ്ചാത്തലത്തില്‍ അതിനെതിരെയുള്ള ശക്തമായ പ്രതിഷേധവും പോരാളികളോടുള്ള ഐക്യദാര്‍ഢ്യവുമാണ് ചത്വരത്തില്‍ ഉയരുക. വ്യാജ ജനാധിപത്യവാദികളുടെ കൂട്ട മൗനത്തിനെതിരെയുള്ള സര്‍ഗാത്മക പ്രതിഷേധവും നഗരിയില്‍ അലയടിക്കും. പ്രാര്‍ഥനയും പ്രകടനവും പ്രതിഷേധവും നമസ്‌കാരവും പ്രതികരണവും നോമ്പുമെല്ലാം ഒത്തുചേരുന്ന അപൂര്‍വ നിമിഷങ്ങള്‍ക്ക് കേരളം സാക്ഷിയാകും.

EGYPT SOLIDARITY CONFERENCE

സൈനിക അട്ടിമറിക്കെതിരെ ഈജിപ്തിലെ 
റാബിയ അദവിയ സ്‌ക്വയറില്‍ നടക്കുന്ന ജനാധിപത്യ പ്രക്ഷോഭത്തിന് ഐക്യദാര്‍ഢ്യവുമായി ജമാഅത്തെ ഇസ്ലാമി കേരള എറണാകുളത്ത് ഐക്യദാര്‍ഢ്യത്തിന്റെ റാബിയ അദവിയ സ്‌ക്വയര്‍ തീര്‍ക്കുന്നു.ഓഗസ്ത് 3 ശനി രാവിലെ 10 മണിക്കാരംഭിച്ച് ഞായര്‍ കാലത്ത് സുബ്ഹ് നമസ്‌കരിച്ച് സമാപിക്കും. പ്രമുഖ മനുഷ്യാവകാശ പ്രവര്‍ത്തകര്‍,ആക്്ടിവിസ്‌ററുകള്‍,സംസ്‌കാരിക പ്രവര്‍ത്തകര്‍,എഴുത്തുകാര്‍,മതപണ്ഢിതന്‍മാര്‍ തുടങ്ങിയവര്‍ പങ്കെടുക്കും.
 

Thursday, July 25, 2013

രാഷ്ട്രീയ ചൂടില്‍നിന്നകന്ന് സൗഹാര്‍ദത്തിന്‍െറ ഇഫ്താര്‍

രാഷ്ട്രീയ ചൂടില്‍നിന്നകന്ന് സൗഹാര്‍ദത്തിന്‍െറ ഇഫ്താര്‍
  തിരുവനന്തപുരം: സോളാര്‍ ഉയര്‍ത്തിയ രാഷ്ട്രീയ ചൂടില്‍നിന്നകന്ന് സൗഹാര്‍ദത്തിന്‍െറ ഇഫ്താറില്‍ മുഖ്യമന്ത്രിയും മന്ത്രിമാരും നേതാക്കളും. ജമാഅത്തെ ഇസ്ലാമി കേരളഘടകം തിരുവനന്തപുരത്ത് സംഘടിപ്പിച്ച ഇഫ്താര്‍ സംഗമത്തിലാണ് മത, സാമൂഹിക-സാംസ്കാരിക നേതാക്കള്‍ക്കൊപ്പം മാനവിക വിചാരവുമായി ഇവര്‍ ഒത്തുചേര്‍ന്നത്. രാഷ്ട്രീയത്തിന്‍െറയും മതത്തിന്‍െറയും അതിര്‍വരമ്പുകള്‍ക്കപ്പുറത്ത് വിവിധ ചിന്താധാരകളിലുള്ളവര്‍ ഒരു മേശക്ക് ചുറ്റുമിരുന്ന് നോമ്പ് മുറിച്ചാണ് റമദാന്‍ സന്ദേശം നല്‍കിയത്.
നോമ്പുതുറ സമയത്ത് എത്തിയ മുഖ്യമന്ത്രി ഉമ്മന്‍ചാണ്ടി, ആഭ്യന്തരമന്ത്രി തിരുവഞ്ചൂര്‍ രാധാകൃഷ്ണന്‍ എന്നിവരെ ജമാഅത്തെ ഇസ്ലാമി കേരള അമീര്‍ ടി. ആരിഫലി സ്വീകരിച്ചു. ഇത്തരത്തില്‍ ഒന്നിച്ചിരിക്കുന്ന ഘട്ടങ്ങളില്‍ നാം ഒന്നാണെന്ന തോന്നല്‍ ഉണ്ടാകുന്നുവെന്ന് ഇഫ്താര്‍ സംഗമത്തില്‍ അധ്യക്ഷത വഹിച്ച ടി.ആരിഫലി പറഞ്ഞു. ഇത്തരം ഊര്‍ജം സമൂഹത്തില്‍ പ്രസരിപ്പിക്കാന്‍ കഴിഞ്ഞാല്‍ പുതിയ കേരളനിര്‍മിതിക്ക് തുടക്കമാകും. ലോകം ധാര്‍മിക പ്രതിസന്ധി നേരിടുകയാണ്. ധര്‍മം എന്താണെന്ന് സമൂഹത്തിനറിയാം. എന്നാല്‍, അത് സ്വീകരിക്കാന്‍ ഇച്ഛാശക്തിയില്ല. അധാര്‍മികത തിരിച്ചറിയാമെങ്കിലും അത് വെടിയാനും കഴിയുന്നില്ല. ധര്‍മം തിരിച്ചറിഞ്ഞ് അത് സ്വീകരിക്കാന്‍ ഇച്ഛാശക്തി ലഭ്യമാക്കാന്‍ കഴിയുമ്പോഴാണ് വിശ്വാസം അതിന്‍െറ കര്‍ത്തവ്യം നിര്‍വഹിക്കുന്നതെന്നും അദ്ദേഹം പറഞ്ഞു.
നന്മയുടെ സന്ദേശം ഒത്തുചേരുന്നത് കൂടിയാകണം ഇത്തരം കൂടിച്ചേരലെന്ന് മന്ത്രി പി.കെ. കുഞ്ഞാലിക്കുട്ടി പറഞ്ഞു. ശക്തമായ സാമൂഹിക വീക്ഷണത്തിന്‍െറ പ്രതിഫലനമാണ് ഇഫ്താര്‍ സംഗമമെന്ന് ഡോ.എന്‍.എ.കരീം പറഞ്ഞു. നല്ല കാര്യങ്ങളെക്കുറിച്ച് ചിന്തിക്കാനും മനസ്സിനെയും ശരീരത്തെയും അടക്കിനിര്‍ത്താനും വ്രതത്തിന് കഴിയുമെന്ന് സുഗതകുമാരി പറഞ്ഞു. സംസ്കാരത്തിനും ജനാധിപത്യത്തിനും മൂല്യത്തിനും വിലകല്‍പ്പിക്കുന്ന പ്രത്യയശാസ്ത്രത്തിലെ വ്രതാനുഷ്ഠാനം നല്ല സമൂഹത്തെ സൃഷ്ടിക്കുമെന്ന് മുന്‍ മന്ത്രി എന്‍.കെ. പ്രേമചന്ദ്രന്‍ പറഞ്ഞു.മതത്തെ അറിയാന്‍ ഇഫ്താര്‍ ഉപകരിക്കുമെന്നും മതങ്ങളെ ശരിയായി മനസ്സിലാക്കാത്തതാണ് തെറ്റിദ്ധാരണക്ക് കാരണമെന്നും മുന്‍ മന്ത്രി എം. വിജയകുമാര്‍ പറഞ്ഞു. ദൈവത്തിന്‍െറ സാമീപ്യം അനുഭവിക്കാനുള്ളതാണ് വ്രതാനുഷ്ഠാനമെന്ന്  മലങ്കരസഭ മെത്രാപ്പോലീത്ത ഗബ്രിയേല്‍ മാര്‍ ഗ്രിഗോറിയോസ് അഭിപ്രായപ്പെട്ടു. അനൗപചാരികമായ ഇത്തരം കൂട്ടായ്മകള്‍ മതങ്ങള്‍ തമ്മില്‍ കൂടുതല്‍ അടുക്കാന്‍ സഹായകരമാകും. വ്രതശുദ്ധി മനുഷ്യ മനസ്സിനെ സമ്പന്നമാക്കുമ്പോള്‍ സമൂഹത്തിനും തിളക്കം കിട്ടുമെന്ന് സി.എസ്.ഐ ബിഷപ് ഡോ. ധര്‍മരാജ് റസാലം പറഞ്ഞു. മതവിഭാഗങ്ങള്‍ തമ്മിലല്ല, രാഷ്ട്രീയക്കാര്‍ തമ്മിലാണ് ഇപ്പോള്‍ പ്രശ്നങ്ങളെന്ന് സ്വാമി അശ്വതി തിരുനാള്‍ പറഞ്ഞു. നന്മക്ക് വേണ്ടിയുള്ള സംഘമാണ് ഇതെന്ന് പ്രമുഖ ചലിച്ചിത്രകാരന്‍ അടൂര്‍ ഗോപാലകൃഷ്ണന്‍ പറഞ്ഞു. അടഞ്ഞ വാതിലുകളല്ല, തുറന്ന വാതിലുകളാണ് വേണ്ടതെന്ന് സ്വാഗതം പറഞ്ഞ ജമാഅത്തെ ഇസ്ലാമി സംസ്ഥാന ജനറല്‍ സെക്രട്ടറി പി. മുജീബ് റഹ്മാന്‍ അഭിപ്രായപ്പെട്ടു.
മന്ത്രി എ.പി.അനില്‍കുമാര്‍, ഡെപ്യൂട്ടി സ്പീക്കര്‍ എന്‍. ശക്തന്‍, പി. ശ്രീരാമകൃഷ്ണന്‍ എം.എല്‍.എ, പാളയം ഇമാം ജമാലുദ്ദീന്‍ മങ്കട, സി.പി.ഐ സംസ്ഥാന സെക്രട്ടറി പന്ന്യന്‍ രവീന്ദ്രന്‍, സാഹിത്യ അക്കാദമി പ്രസിഡന്‍റ് പെരുമ്പടവം ശ്രീധരന്‍, ഡോ. എന്‍.എ. കരീം, കിംസ് ചെയര്‍മാന്‍ ഡോ.എം.ഐ. സഹദുള്ള,ആസൂത്രണ ബോര്‍ഡംഗം സി.പി. ജോണ്‍, ന്യൂനപക്ഷ കമീഷന്‍ ചെയര്‍മാന്‍ എം. വീരാന്‍ കുട്ടി, അബ്ദുല്‍ ഷുക്കൂര്‍ മൗലവി അല്‍ഖാസിമി, മുതിര്‍ന്ന മാധ്യമപ്രവര്‍ത്തകരായ സി. ഗൗരിദാസന്‍ നായര്‍, ഭാസുരേന്ദ്ര ബാബു, കെ.പി. മോഹനന്‍, എം.ജി രാധാകൃഷ്ണന്‍, ടി.എന്‍. ഗോപകുമാര്‍, മീഡിയ വണ്‍ ഡയറക്ടര്‍ വയലാര്‍ ഗോപകുമാര്‍, ഇ.എം.നജീബ്, വെല്‍ഫെയര്‍ പാര്‍ട്ടി സംസ്ഥാന ജനറല്‍ സെക്രട്ടറി കെ. അംബുജാക്ഷന്‍, സി.വി.എം. വാണിമേല്‍, ന്യൂനപക്ഷ ക്ഷേമ ഡയറക്ടര്‍ പി. നസീര്‍, ജമാഅത്തെ ഇസ്ലാമി സംസ്ഥാന അസി. അമീര്‍മാരായ എം.കെ. മുഹമ്മദാലി, ശൈഖ് മുഹമ്മദ് കാരകുന്ന്, സെക്രട്ടറി എന്‍.എം.അബ്ദുറഹ്മാന്‍, സംസ്ഥാന സമിതിഅംഗങ്ങളായ പി.പി.അബ്ദുല്‍ റഹ്മാന്‍, ഷഹീര്‍ മൗലവി, ജില്ലാ പ്രസിഡന്‍റ് എന്‍.എം.അന്‍സാരി തുടങ്ങിയവര്‍ പങ്കെടുത്തു.

Wednesday, July 10, 2013

ഈജിപ്തില്‍ ജനാധിപത്യ പുന$സ്ഥാപന ശ്രമങ്ങളെ ഇന്ത്യ പിന്തുണക്കണം -ജമാഅത്തെ ഇസ്ലാമി

ഈജിപ്തില്‍ ജനാധിപത്യ
പുന:സ്ഥാപന ശ്രമങ്ങളെ ഇന്ത്യ
പിന്തുണക്കണം -ജമാഅത്തെ ഇസ്ലാമി
കോഴിക്കോട്: ഈജിപ്തിന്‍െറ ചരിത്രത്തില്‍ ആദ്യമായി സ്വതന്ത്രവും സുതാര്യവുമായ തെരഞ്ഞെടുപ്പിലൂടെ അധികാരത്തില്‍ വന്ന പ്രസിഡന്‍റ് ഡോ. മുഹമ്മദ് മുര്‍സിയെ പട്ടാള അട്ടിമറിയിലൂടെ പുറത്താക്കിയ നടപടിയില്‍ ജമാഅത്തെ ഇസ്ലാമി കേരള ശൂറ പ്രതിഷേധിച്ചു.
ഹുസ്നി മുബാറകിന്‍െറ സ്വേച്ഛാധിപത്യവാഴ്ചക്ക് അന്ത്യംകുറിച്ച് ഈജിപ്ഷ്യന്‍ ജനത പുതിയ സര്‍ക്കാറിനെ അധികാരത്തിലേറ്റിയത് ഏകാധിപത്യത്തില്‍നിന്ന് ജനാധിപത്യത്തിലേക്കുള്ള ഐതിഹാസികമായ തിരിഞ്ഞുനടത്തമായിരുന്നു.
ജനാഭിലാഷങ്ങളെ പ്രതിഫലിപ്പിച്ച ഭരണമാറ്റത്തിന് തിരശ്ശീല വീഴ്ത്താനുള്ള ശ്രമമാണ് ഇപ്പോഴത്തെ സൈനിക നടപടി.
സയണിസ്റ്റുകളും സാമ്രാജ്യത്വ ശക്തികളുമാണ് ഹീനമായ ഈ അട്ടിമറിക്കു പിന്നില്‍ പ്രവര്‍ത്തിച്ചത്. മുര്‍സിയെ അജ്ഞാതകേന്ദ്രത്തില്‍ തടവിലിട്ടതും മാധ്യമങ്ങള്‍ക്ക് വിലക്കേര്‍പ്പെടുത്തിയതും മുസ്ലിം ബ്രദര്‍ഹുഡ് നേതാക്കളെ അറസ്റ്റ് ചെയ്തതും ഈജിപ്തിന്‍െറ ഭാവിയെക്കുറിച്ച് ആശങ്കയുണര്‍ത്തുന്നതാണ്.
പ്രതിസന്ധിഘട്ടത്തിലും ഇച്ഛാശക്തി പ്രകടിപ്പിച്ച പ്രസിഡന്‍റ് മുര്‍സിയെയും ബ്രദര്‍ഹുഡിനെയും ജസ്റ്റിസ് ആന്‍ഡ് ഡെവലപ്മെന്‍റ് പാര്‍ട്ടി നേതാക്കളെയും ശൂറ അഭിനന്ദിച്ചു. ലോകത്തിലെ ഏറ്റവും വലിയ ജനാധിപത്യ രാജ്യമെന്ന നിലയില്‍ ഇന്ത്യയെ അംഗീകരിക്കുകയും ആദരിക്കുകയും ചെയ്തവരാണ് ഡോ. മുഹമ്മദ് മുര്‍സിയും അദ്ദേഹത്തിന്‍െറ പാര്‍ട്ടിയും. ജനാധിപത്യ പാരമ്പര്യങ്ങളുള്ള ഇന്ത്യ പട്ടാള അട്ടിമറിയെ അപലപിക്കുകയും ജനാധിപത്യ പുന$സ്ഥാപനശ്രമങ്ങളെ പിന്തുണക്കുകയും വേണം.  ജനാധിപത്യപോരാളികളെ കൂട്ടക്കൊല നടത്തുന്ന ഈജിപ്ഷ്യന്‍ സൈന്യത്തിന്‍െറ കിരാത നടപടിയെ അപലപിക്കാന്‍ രാജ്യത്തെ ജനാധിപത്യവാദികളും മനുഷ്യാവകാശ പ്രവര്‍ത്തകരും രംഗത്തുവരണമെന്ന് ശൂറ ആവശ്യപ്പെട്ടു. അമീര്‍ ടി. ആരിഫലി അധ്യക്ഷത വഹിച്ചു.

Friday, July 5, 2013

മുര്‍സിക്കെതിരായ സമരത്തിന് പിന്നില്‍ പുറംശക്തികള്‍-ജമാഅത്ത്


മുര്‍സിക്കെതിരായ സമരത്തിന് പിന്നില്‍
പുറംശക്തികള്‍-ജമാഅത്ത്
  ന്യൂദല്‍ഹി: ഈജിപ്തില്‍ മുര്‍സി ഭരണകൂടത്തിനെതിരെ നടക്കുന്ന അക്രമ സമരം ആ രാജ്യത്തെ ജനതക്കെതിരാണെന്ന് ജമാഅത്തെ ഇസ്ലാമി അഖിലേന്ത്യാ അമീര്‍ മൗലാന സയ്യിദ് ജലാലുദ്ദീന്‍ ഉമരി പ്രസ്താവിച്ചു. മുസ്ലിം രാജ്യങ്ങളിലെ ജനാധിപത്യരീതിയില്‍ തെരഞ്ഞെടുക്കപ്പെട്ട സര്‍ക്കാറുകള്‍ക്കെതിരെ സാമ്രാജ്യത്വ ശക്തികള്‍ രംഗത്തുണ്ടെന്നത് രഹസ്യമല്ല. അതാണ് ഈജിപ്തില്‍ കാണുന്നത്. ആഭ്യന്തര സംഘര്‍ഷം സൃഷ്ടിച്ച്  ജനകീയ സര്‍ക്കാറുകളെ അട്ടിമറിക്കാനുള്ള വിദേശശക്തികളുടെ ശ്രമം തിരിച്ചറിഞ്ഞ് ഒറ്റക്കെട്ടായി നില്‍ക്കാന്‍ ഈജിപ്ഷ്യന്‍ ജനതക്ക് കഴിയണം. സമരത്തെ വിവേകത്തോടെയും സംയമനത്തോടെയും നേരിട്ട് സാമ്രാജ്യത്വ ഗൂഢാലോന പരാജയപ്പെടുത്തണമെന്നും  ഉമരി പ്രസ്താവനയില്‍ പറഞ്ഞു.

Tuesday, June 18, 2013

ഹജ്ജ്: സര്‍ക്കാര്‍ ക്വോട്ട വെട്ടിക്കുറക്കരുത് -ജമാഅത്തെ ഇസ്ലാമി


ഹജ്ജ്: സര്‍ക്കാര്‍ ക്വോട്ട 
വെട്ടിക്കുറക്കരുത് -ജമാഅത്തെ ഇസ്ലാമി
കോഴിക്കോട് :  സൗദി സര്‍ക്കാര്‍ 20 ശതമാനം ഹജ്ജ് ക്വോട്ട വെട്ടിക്കുറച്ചതിനത്തെുടര്‍ന്ന് ഹജ്ജ് കമ്മിറ്റി മുഖേന തെരഞ്ഞെടുത്ത തീര്‍ഥാടകരുടെ ആശങ്ക പരിഹരിക്കണമെന്ന് ജമാഅത്തെ ഇസ്ലാമി കേരള അമീര്‍ ടി. ആരിഫലി ആവശ്യപ്പെട്ടു.
വെട്ടിക്കുറച്ച ഹജ്ജ് ക്വോട്ട സൗദി ഭരണകൂടം പുന$സ്ഥാപിച്ചില്ളെങ്കില്‍ സ്വകാര്യ ഹജ്ജ് ഗ്രൂപ്പുകളുടെ ക്വോട്ട വെട്ടിക്കുറക്കണമെന്ന കേന്ദ്ര നിയമമന്ത്രാലയം നല്‍കിയ നിയമോപദേശം പാലിക്കപ്പെടുന്നുവെന്ന് സര്‍ക്കാര്‍ ഉറപ്പുവരുത്തണം. ചിലവുകുറഞ്ഞ തീര്‍ഥാടനമാര്‍ഗം എന്ന നിലയില്‍ സാധാരണക്കാരും ഇടത്തരക്കാരുമാണ് ഹജ്ജ് കമ്മിറ്റിയെ ഏറെയും ആശ്രയിക്കുന്നത്. നിലവില്‍ ഹജ്ജ് കമ്മിറ്റി വഴി തെരഞ്ഞെടുക്കപ്പെട്ട 1,25,025 സീറ്റുകളും നില നിര്‍ത്തിക്കൊണ്ടു മാത്രമേ ഇന്ത്യയില്‍നിന്നുള്ള തീര്‍ഥാടകരുടെ എണ്ണം വെട്ടിക്കുറക്കാവൂ. 
34,005 സീറ്റുകളും സ്വകാര്യ മേഖലയില്‍നിന്ന് മാത്രമേ കുറവു വരുത്താവൂ. നിയമമന്ത്രാലയത്തിന്‍െറ ഉപദേശത്തെ മറികടന്ന് സ്വകാര്യ ഹജ്ജ് ഗ്രൂപ്പുകളെ സഹായിക്കാന്‍ ശ്രമിക്കുന്ന ഉദ്യോഗസ്ഥ നീക്കങ്ങള്‍ക്ക് തടയിടണമെന്നും അദ്ദേഹം ആവശ്യപ്പെട്ടു.

Tuesday, May 28, 2013

ുട്ടാണിശ്ശേരില്‍ കോയാകുട്ടി മൗലവി അതുല്യനായ പണ്ഡിതന്‍ -ടി. ആരിഫലി

ുട്ടാണിശ്ശേരില്‍ കോയാകുട്ടി മൗലവി
അതുല്യനായ പണ്ഡിതന്‍ -ടി. ആരിഫലി

കോഴിക്കോട്: പ്രഗല്ഭ പണ്ഡിതനും ഗ്രന്ഥകാരനുമായ മുട്ടാണിശ്ശേരില്‍ കോയാകുട്ടി മൗലവിയുടെ നിര്യാണത്തില്‍ ജമാഅത്തെ ഇസ്ലാമി കേരള അമീര്‍ ടി. ആരിഫലി അനുശോചിച്ചു. സാമ്പ്രദായിക പണ്ഡിതന്മാരില്‍നിന്ന് വ്യത്യസ്തമായി വിവിധ വൈജ്ഞാനിക മേഖലകളില്‍ ഒരേസമയം കഴിവുതെളിയിച്ച പണ്ഡിതനായിരുന്നു അദ്ദേഹമെന്ന് അമീര്‍ അഭിപ്രായപ്പെട്ടു.

സകാത്തിന്‍െറ പ്രസക്തി ചര്‍ച്ചചെയ്ത് സെമിനാര്‍

 സകാത്തിന്‍െറ പ്രസക്തി 
ചര്‍ച്ചചെയ്ത് സെമിനാര്‍
 കോഴിക്കോട്: സകാത്തിന്‍െറ സാമൂഹിക പ്രസക്തി ചര്‍ച്ചചെയ്ത്, സംഘടിത സകാത് സംരംഭമായ ‘ബൈത്തുസ്സകാത് കേരള’ സെമിനാര്‍.
സാമൂഹിക പുരോഗതിയില്‍ സകാത്തിനുള്ള പങ്ക്, സംഘടിത സകാത് സംരംഭങ്ങളുടെ പ്രവര്‍ത്തനം തുടങ്ങിയ കാര്യങ്ങള്‍ ചര്‍ച്ചചെയ്തു. ഹൈസണ്‍ ഹെറിറ്റേജില്‍ നടന്ന ചടങ്ങ്  എം.ഐ. ഷാനവാസ് എം.പി ഉദ്ഘാടനം ചെയ്തു. പണക്കാരന്‍ പാവങ്ങള്‍ക്ക് എറിഞ്ഞുകൊടുക്കുന്ന നാണയത്തുട്ടല്ല സകാത്തെന്നും സംഘടിതമായി ശേഖരിച്ച് വ്യവസ്ഥാപിതമായി വിതരണംചെയ്യുന്നതാണ് ഇസ്ലാമിലെ സകാത്തെന്നും  അദ്ദേഹം പറഞ്ഞു. ബൈത്തുസ്സകാത് കേരള നടത്തുന്ന പ്രവര്‍ത്തനങ്ങള്‍ മാതൃകാപരമാണെന്നും അദ്ദേഹം പറഞ്ഞു. ബൈത്തുസ്സകാത് കേരള ചെയര്‍മാന്‍ എം.കെ. മുഹമ്മദലി അധ്യക്ഷത വഹിച്ചു. ‘സകാത് പുതിയ മേഖലകള്‍’ എം.വി. മുഹമ്മദ് സലീം മൗലവിയും  ‘സമ്പത്തും മനുഷ്യനും ഇസ്ലാമിന്‍െറ കാഴ്ചപ്പാടില്‍’ ഖാലിദ് മൂസ നദ്വിയും അവതരിപ്പിച്ചു.‘സംഘടിത സകാത് സംരംഭങ്ങള്‍: വളര്‍ച്ചയും പ്രതീക്ഷയും’ സെഷനില്‍ ഡോ. പി. ഇബ്രാഹീം, കുഞ്ഞിമുഹമ്മദ് പറപ്പൂര്‍, ഡോ. മുഹമ്മദ് പാലത്ത് എന്നിവര്‍ വിഷയമവതരിപ്പിച്ചു.‘സകാത്തും കേരള പുരോഗതിയും’ സെഷന്‍ മാധ്യമം-മീഡിയവണ്‍ ഗ്രൂപ് എഡിറ്റര്‍ ഒ. അബ്ദുറഹ്മാന്‍ ഉദ്ഘാടനം ചെയ്തു. ഡോ. ബഹാവുദ്ദീന്‍ നദ്വി, പി.പി. അബ്ദുറഹ്മാന്‍ പെരിങ്ങാടി എന്നിവര്‍ ചര്‍ച്ചയില്‍ പങ്കെടുത്തു. ഡോ. പി.സി. അന്‍വര്‍ സ്വാഗതവും നസീര്‍ ഹുസൈന്‍ നന്ദിയും പറഞ്ഞു.

Saturday, May 11, 2013

ജമാഅത്തെ ഇസ്ലാമി വീഡിയോ പോര്‍ട്ടല്‍ ആരംഭിച്ചു


ജമാഅത്തെ ഇസ്ലാമി വീഡിയോ 
പോര്‍ട്ടല്‍ ആരംഭിച്ചു
കോഴിക്കോട്: പരസ്പര ആരോപണ പ്രത്യാരോപണങ്ങള്‍ നടത്തി സമുദായത്തിന്‍െറ മുഖം പൊതുസമൂഹത്തില്‍ വികൃതമാക്കുന്നതിന് പകരം രചനാത്മകമായ ഇടപെടലുകളാണ് സോഷ്യല്‍ നെറ്റ്വര്‍ക്കുകളില്‍ നടക്കേണ്ടതെന്ന് ജമാഅത്തെ ഇസ്ലാമി അസിസ്റ്റന്‍റ് അമീര്‍ ശൈഖ് മുഹമ്മദ് കാരകുന്ന്. ജമാഅത്തെ ഇസ്ലാമിയുടെ വീഡിയോ പോര്‍ട്ടല്‍ ഹിറാ സെന്‍ററില്‍ ഉദ്ഘാടനം ചെയ്യുകയായിരുന്നു അദ്ദേഹം. ഈ കാലഘട്ടത്തിലെ ജിഹാദിന്‍െറ പ്രധാന ആയുധമാണ് മാധ്യമങ്ങള്‍. ദൈവപ്രീതിക്കായി ജനങ്ങള്‍ക്കുപകാരപ്പെടുന്ന രീതിയില്‍ അതുപയോഗപ്പെടുത്തണമെന്നും അദ്ദേഹം കൂട്ടിച്ചേര്‍ത്തു. ഡി 4 മീഡിയ ഡയറക്ടര്‍ വി.കെ. അബ്ദു അധ്യക്ഷത വഹിച്ചു. ആയിരത്തോളം വീഡിയോ ക്ളിപ്പുകള്‍ ഉള്‍ക്കൊള്ളുന്ന പോര്‍ട്ടല്‍ www. jihkerala.tv എന്ന അഡ്രസിലാണ് ലഭ്യമാവുക.

Friday, April 26, 2013

കേരള മുസ്ലിം ചരിത്ര കോണ്‍ഫറന്‍സ്: ലോഗോ പ്രകാശനം ചെയ്തു

 കേരള മുസ്ലിം ചരിത്ര കോണ്‍ഫറന്‍സ്:
ലോഗോ പ്രകാശനം ചെയ്തു
മലപ്പുറം: കേരള മുസ്ലിം ചരിത്ര കോണ്‍ഫറന്‍സിന്‍െറ ലോഗോ പാണക്കാട് മുനവ്വറലി ശിഹാബ് തങ്ങള്‍ പ്രകാശനം ചെയ്തു. ഡിസംബര്‍ 22, 23, 24 ജെ.ഡി.ടി ഇസ്ലാം കാമ്പസില്‍ പതിനാറ് സെഷനുകളായി നടക്കുന്ന   കോണ്‍ഫറന്‍സില്‍ നൂറിലധികം ഗവേഷണ പ്രബന്ധങ്ങള്‍ അവതരിപ്പിക്കും.  കോണ്‍ഫറന്‍സ് ഡയറക്ടര്‍ ശൈഖ് മുഹമ്മദ് കാരകുന്ന്, കണ്‍വീനര്‍ ശിഹാബ് പൂക്കോട്ടൂര്‍, മുസ്തഫ ഹുസൈന്‍ എന്നിവര്‍ സംബന്ധിച്ചു. ആബിദ് അബൂബക്കറാണ് ലോഗോ ഡിസൈന്‍ ചെയ്തത്.

Wednesday, April 3, 2013

ഗള്‍ഫ് മേഖലയില്‍ ഇന്ത്യ കാര്യക്ഷമമായി ഇടപെടണം -ടി. ആരിഫലി

 ഗള്‍ഫ് മേഖലയില്‍ ഇന്ത്യ കാര്യക്ഷമമായി
ഇടപെടണം -ടി. ആരിഫലി
 കോഴിക്കോട്: സൗദിയില്‍ സ്വദേശിവത്കരണത്തിന്‍െറ ഭാഗമായി നടപ്പാക്കുന്ന പരിഷ്കാരങ്ങള്‍ പ്രവാസികളെ സാരമായി ബാധിക്കുന്ന സാഹചര്യത്തില്‍ ഇന്ത്യ കാര്യക്ഷമമായി ഇടപെടണമെന്ന് ജമാഅത്തെ ഇസ്ലാമി കേരള അമീര്‍ ടി. ആരിഫലി ആവശ്യപ്പെട്ടു. പ്രവാസികളില്‍ ആശങ്കയും ഭീതിയും വളര്‍ത്തുന്ന പ്രസ്താവനകള്‍ക്കുപകരം അവരുടെ പ്രശ്നങ്ങള്‍ പരിഹരിക്കുന്ന നയതന്ത്ര നീക്കങ്ങളാണ് സര്‍ക്കാറിന്‍െറ ഭാഗത്തുനിന്ന് ഉണ്ടാവേണ്ടത്. പുതിയ നിയമങ്ങള്‍ സൃഷ്ടിക്കാന്‍ പോവുന്ന പ്രത്യാഘാതങ്ങള്‍ വളരെ ചെറുതല്ല. ചെറുകിട സംരംഭകരെയും നിരവധി തൊഴിലാളികളെയും സാരമായി ബാധിക്കുന്നതാണിത്. എന്നാല്‍, സര്‍ക്കാറിന്‍െറ ഭാഗത്തു നിന്നുള്ള ശക്തവും ആസൂത്രിതവുമായ നയതന്ത്ര നീക്കത്തിലൂടെ ഇതുമൂലമുണ്ടായേക്കാവുന്ന ആഘാതം ലഘൂകരിക്കാന്‍ സാധിക്കും. അദ്ദേഹം പറഞ്ഞു. അനധികൃത തൊഴിലാളികള്‍ക്ക് നിയമാനുസൃത തൊഴിലുകളിലേക്ക് മാറുന്നതിന് സാവകാശം ലഭ്യമാക്കാനും നിയമം നടപ്പിലാക്കുന്നതില്‍ മാനുഷിക പരിഗണന ഉറപ്പുവരുത്താനുമാണ് സര്‍ക്കാര്‍  ശ്രമിക്കേണ്ടത്. ഇന്ത്യയും സൗദിയും തമ്മിലുള്ള ദീര്‍ഘകാല നയതന്ത്രബന്ധത്തിന്‍െറ അടിസ്ഥാനത്തില്‍ ഇത് സാധ്യമാകും. രാജ്യത്തിന്‍െറ സമ്പദ് ഘടന നിലനിര്‍ത്തുന്നതില്‍ സുപ്രധാന പങ്ക് വഹിക്കുന്ന പ്രവാസികളിലുണ്ടായ ഭീതിയും അനിശ്ചിതത്വവും വളര്‍ത്തുന്നതിലല്ല, സാധ്യമായ പരിഹാരശ്രമങ്ങളിലൂടെ അവരെ പിന്തുണക്കുന്നതിലാണ് രാജ്യം കരുത്ത് കാണിക്കേണ്ടത്. ഇത് സൗദിയുടെ മാത്രം പ്രശ്നമല്ല. ഏതാനും വര്‍ഷങ്ങളായി മുഴുവന്‍ ഗള്‍ഫ് മേഖലയിലും ഉയര്‍ന്നുകൊണ്ടിരിക്കുന്ന വിഷയമാണ്. നയതന്ത്രപരമായ നീക്കത്തിലൂടെ സാധ്യമാവുന്നത്ര തൊഴില്‍ സുരക്ഷ ഉറപ്പുവരുത്തുന്നതിലും തിരിച്ചുവരുന്ന പ്രവാസികളെ പുനരധിവസിപ്പിക്കുന്നതിനുള്ള പദ്ധതികളാവിഷ്കരിക്കുന്നതിലും സര്‍ക്കാര്‍ ഏറെ വൈകിയിരിക്കുകയാണെന്നും അമീര്‍ അഭിപ്രായപ്പെട്ടു.

Friday, March 29, 2013

മേഘാലയ സര്‍വകലാശാലക്ക് സിദ്ദീഖ് ഹസന്‍ ബ്ളോക്

 മേഘാലയ സര്‍വകലാശാലക്ക്
സിദ്ദീഖ് ഹസന്‍ ബ്ളോക്
ന്യൂദല്‍ഹി: മേഘാലയയിലെ ശാസ്ത്രസാങ്കേതിക സര്‍വകലാശാല പുതുതായി നിര്‍മിച്ച ബ്ളോക്കിന് ഹ്യൂമന്‍ വെല്‍ഫെയര്‍ ഫൗണ്ടേഷന്‍ ജനറല്‍ സെക്രട്ടറിയും ജമാഅത്തെ ഇസ്ലാമി അഖിലേന്ത്യാ അസിസ്റ്റന്‍റ് അമീറുമായ പ്രഫ. കെ.എ. സിദ്ദീഖ് ഹസന്‍െറ പേരിട്ടു. വിഷന്‍ 2016 പദ്ധതിയിലൂടെ ഇന്ത്യയൊട്ടുക്കും ക്ഷേമപ്രവര്‍ത്തനങ്ങള്‍ക്ക്  നേതൃത്വം നല്‍കിയതിനുള്ള ആദരസൂചകമായാണ് പുതിയ ബ്ളോക്കിന് സിദ്ദീഖ് ഹസന്‍െറ പേര് നല്‍കിയത്. കേന്ദ്ര ന്യൂനപക്ഷ മന്ത്രി കെ.എ. റഹ്മാന്‍ ഖാന്‍ അടുത്ത മാസം മൂന്നിന് സിദ്ദീഖ് ഹസന്‍ ബ്ളോക് ഉദ്ഘാടനം ചെയ്യും.
ഉത്തരേന്ത്യയിലും വടക്കു കിഴക്കന്‍ സംസ്ഥാനങ്ങളിലും ന്യൂനപക്ഷങ്ങളുടെ വിദ്യാഭ്യാസ ശാക്തീകരണത്തിനും സാമൂഹിക അഭ്യുന്നതിക്കും വേണ്ടി വിഷന്‍ 2016ന് കീഴില്‍ നിരവധി പദ്ധതികള്‍ക്ക് സിദ്ദീഖ് ഹസന്‍ നേതൃത്വം നല്‍കി വരുന്നുണ്ട്.
ഇതിനുള്ള അംഗീകാരമെന്ന നിലയില്‍ സര്‍വകലാശാല ചാന്‍സലറായ മഹ്ബൂബുല്‍ ഹഖ് പുതിയ ബ്ളോക്കിന് പ്രഫ. സിദ്ദീഖ് ഹസന്‍െറ പേര് നല്‍കിയത്. വടക്കു കിഴക്കന്‍ സംസ്ഥാനങ്ങളിലെ ഏക സ്വകാര്യ ശാസ്ത്ര സാങ്കേതിക സര്‍വകലാശാലയാണ് കൊച്ചുസംസ്ഥാനമായ മേഘാലയയിലെ റി-ഭായ് ജില്ലയില്‍ 400 ഏക്കറിലായി വ്യാപിച്ചുകിടക്കുന്ന യൂനിവേഴ്സിറ്റി ഓഫ് സയന്‍സ് ആന്‍ഡ് ടെക്നോളജി. സര്‍വകലാശാല ചാന്‍സലര്‍ മഹ്ബൂബുല്‍ ഹഖ് ഏതാനും ദിവസം മുമ്പ് മികച്ച വിദ്യാഭ്യാസ സംരംഭകനുള്ള ദേശീയ അവാര്‍ഡ് കേന്ദ്ര മാനവ വിഭവ ശേഷി സഹ മന്ത്രി ശശി തരൂരില്‍ നിന്ന് ഏറ്റുവാങ്ങിയിരുന്നു. കൊച്ചി ശാസ്ത്ര സാങ്കേതിക സര്‍വകലാശാലയിലും അലീഗഢ് മുസ്ലിം സര്‍വകലാശാലയിലും വൈസ് ചാന്‍സലറായിരുന്ന ഡോ. അബ്ദുല്‍ അസീസ് ആണ് സര്‍വകലാശാലയുടെ പുതിയ വൈസ് ചാന്‍സലര്‍.

Saturday, March 23, 2013

വി.കെ. അലി ജമാഅത്തെ ഇസ്ലാമി കേന്ദ്ര കൂടിയാലോചന സമിതി അംഗം

 വി.കെ. അലി ജമാഅത്തെ ഇസ്ലാമി
കേന്ദ്ര കൂടിയാലോചന സമിതി അംഗം
കോഴിക്കോട്: ജമാഅത്തെ ഇസ്ലാമി കേന്ദ്ര കൂടിയാലോചന സമിതിയില്‍  വന്ന ഒഴിവിലേക്ക് പ്രഗല്ഭ പണ്ഡിതനും പ്രഭാഷകനുമായ വി.കെ. അലിയെ തെരഞ്ഞെടുത്തു.  മലപ്പുറം ജില്ലയിലെ എടയൂര്‍ സ്വദേശിയാണ്. ശാന്തപുരം ഇസ്ലാമിയ കോളജ്, ഖത്തര്‍ യൂനിവേഴ്സിറ്റി എന്നിവിടങ്ങളില്‍നിന്ന് വിദ്യാഭ്യാസം പൂര്‍ത്തിയാക്കിയ അദ്ദേഹം ഖത്തര്‍ വഖഫ് മന്ത്രാലയത്തില്‍ ദീര്‍ഘകാലം സേവനമനുഷ്ഠിച്ചിട്ടുണ്ട്.
പ്രബോധനം സബ് എഡിറ്റര്‍, ജമാഅത്തെ ഇസ്ലാമി കേരള അസി. സെക്രട്ടറി, സംസ്ഥാന വഖഫ് ബോര്‍ഡ് മെംബര്‍, ശാന്തപുരം അല്‍ജാമിഅ ഡയറക്ടര്‍ തുടങ്ങിയ ഉത്തരവാദിത്തങ്ങള്‍ നിര്‍വഹിച്ച അദ്ദേഹം നിലവില്‍ ജമാഅത്തെ ഇസ്ലാമി കേരള ശൂറാ അംഗം, കേന്ദ്ര പ്രതിനിധി സഭാംഗം, ബോധനം ചീഫ് എഡിറ്റര്‍, സംസ്ഥാന ഹജ്ജ് കമ്മിറ്റി മെംബര്‍ എന്നീ നിലകളില്‍ പ്രവര്‍ത്തിക്കുന്നു. തഫ്ഹീമുല്‍ ഖുര്‍ആന്‍ ഉള്‍പ്പെടെ പല ഗ്രന്ഥങ്ങളും മലയാളത്തിലേക്ക് വിവര്‍ത്തനം ചെയ്തിട്ടുണ്ട്.

Wednesday, March 20, 2013

ജമാഅത്ത് അമീര്‍ മുര്‍സിയെ കണ്ടു

  ജമാഅത്ത് അമീര്‍ മുര്‍സിയെ കണ്ടു 
 ന്യൂദല്‍ഹി: മൂന്നു ദിവസത്തെ ഇന്ത്യാ സന്ദര്‍ശനത്തിനത്തെിയ ഈജിപ്ത് പ്രസിഡന്‍റ് മുഹമ്മദ് മുര്‍സിയുമായി ജമാഅത്തെ ഇസ്ലാമി അഖിലേന്ത്യ അമീര്‍ മൗലാന ജലാലുദ്ദീന്‍ ഉമരിയുടെ നേതൃത്വത്തിലുള്ള മുസ്ലിം പ്രതിനിധിസംഘം കൂടിക്കാഴ്ച നടത്തി. മുര്‍സി താമസിക്കുന്ന ഐ.ടി.സി മൗര്യ ഹോട്ടലില്‍ ചൊവ്വാഴ്ച വൈകീട്ട് അഞ്ച് മണിക്കായിരുന്നു കൂടിക്കാഴ്ച.
ജമാഅത്തെ ഇസ്ലാമി അഖിലേന്ത്യാ സെക്രട്ടറി ഇഅ്ജാസ് അസ്ലം, ജംഇയ്യത്ത് ഉലമായേ ഹിന്ദ് നേതാവ്  മൗലാന അര്‍ശദ് മദനി, ജംഇയ്യത്ത് അഹ്ലെ ഹദീസ് നേതാക്കളായ അസ്ഗര്‍ അലി, ഇമാം മഹ്ദി എന്നിവരും അമീറിനൊപ്പമുണ്ടായിരുന്നു. 
ഈജിപ്തിനെ മാറ്റത്തിലേക്ക് കൊണ്ടുപോകാനുള്ള പിന്തുണ തേടി ഇന്ത്യയിലത്തെിയ മുര്‍സിയെ രാജ്യത്തെ മുസ്ലിം സംഘടനകള്‍ ഹൃദയപൂര്‍വം സ്വാഗതം ചെയ്യുകയാണെന്ന് അമീര്‍ മുര്‍സിയോട് പറഞ്ഞു. ഈജിപ്തിലെ സംഭവവികാസങ്ങള്‍ വളരെ താല്‍പര്യപൂര്‍വമാണ് ഇന്ത്യന്‍ മുസ്ലിംകള്‍ നോക്കിക്കണ്ടതെന്നും ജനാധിപത്യരീതിയില്‍ മുര്‍സി അധികാരത്തിലേറിയത് ഇന്ത്യന്‍ മുസ്ലിംകള്‍ സ്വാഗതം ചെയ്തിട്ടുണ്ടെന്നും അമീര്‍ മുര്‍സിയോട് പറഞ്ഞു. 
തുടര്‍ന്ന് സംസാരിച്ച മൗലാന അര്‍ശദ് മദനി ജംഇയ്യത്തുല്‍ ഉലമായേ ഹിന്ദ് വിദ്യാഭ്യാസ രംഗത്ത് നടത്തുന്ന പ്രവര്‍ത്തനങ്ങള്‍ വിശദീകരിച്ചു. ഇന്ത്യയിലെ ഏറ്റവും പ്രഗല്ഭമായ മതവിദ്യാഭ്യാസ സ്ഥാപനമായ ദാറുല്‍ ഉലൂം ദയൂബന്ദിന്‍െറ സ്വാധീനം അയല്‍രാജ്യമായ പാകിസ്താനിലും ബംഗ്ളാദേശിലും വരെ എത്തിയിട്ടുണ്ടെന്നും അദ്ദേഹം വിശദീകരിച്ചു.
ഇന്തോനേഷ്യ കഴിഞ്ഞാല്‍ ലോകത്ത് ഏറ്റവും കൂടുതല്‍ മുസ്ലിംകളുള്ള രാജ്യമെന്ന നിലയില്‍ അവരുടെ വിദ്യാഭ്യാസത്തിലും ധാര്‍മിക ശിക്ഷണത്തിലും ബദ്ധശ്രദ്ധരാകണമെന്ന് മുര്‍സി മുസ്ലിം നേതാക്കളോട് അഭ്യര്‍ഥിച്ചു. 

Monday, March 18, 2013

അറബ്വസന്തം അന്യവത്കരണത്തിനെതിരായ ചെറുത്തുനില്‍പ് -എ.കെ രാമകൃഷ്ണന്‍

 അറബ്വസന്തം അന്യവത്കരണത്തിനെതിരായ ചെറുത്തുനില്‍പ് -എ.കെ രാമകൃഷ്ണന്‍
ന്യൂദല്‍ഹി: യൂറോപ്യന്‍ ചിന്താരീതിയെ ചോദ്യം ചെയ്യാനുള്ള ആര്‍ജവം ആധുനിക ഇസ്ലാമിക ലോകത്ത് വേണ്ടത്ര ഉണ്ടായില്ളെന്നും അതിന്‍െറ ബഹിര്‍സ്ഫുരണമാണ് അറബ് വസന്തമായി പുറത്തുവന്നതെന്നും ജവഹര്‍ ലാല്‍ നെഹ്റു സര്‍വകലാശാല പ്രഫസര്‍ എ.കെ രാമകൃഷ്ണന്‍ അഭിപ്രായപ്പെട്ടു. സാമ്പത്തികവും സാമൂഹികവുമായ കാരണങ്ങള്‍ കൂടിയുണ്ടെങ്കിലും ആധുനികതയുടെ ലോകവീക്ഷണം ഇസ്ലാമിക ലോകത്തെ അന്യവത്കരിച്ചതിനെതിരെയുള്ള സ്വത്വത്തിന്‍െറ ചെറുത്തുനില്‍പാണ് അറബ് തെരുവുകളില്‍ കണ്ടതെന്നും അദ്ദേഹം പറഞ്ഞു. ‘മാറുന്ന കാലത്തെ ഇസ്ലാമിന്‍െറ ഇടം’ എന്ന തലക്കെട്ടില്‍ ജമാഅത്തെ ഇസ്ലാമി ഹിന്ദ് ദല്‍ഹി-ഹരിയാന ഘടകം ന്യൂദല്‍ഹി രാജേന്ദ്ര ഭവനില്‍ സംഘടിപ്പിച്ച സംവാദത്തില്‍ പ്രസംഗിക്കുകയായിരുന്നു രാമകൃഷ്ണന്‍.
 മതഗ്രന്ഥങ്ങളിലുള്ള പാരമ്പര്യമായ ജ്ഞാനവും സമകാലിക വിഷയങ്ങളിലുള്ള അറിവും രണ്ട് അറകളില്‍ നില്‍ക്കുന്ന സ്ഥിതിയാണിപ്പോള്‍. ഈ അവസ്ഥ മാറി  രണ്ടും ഉള്‍ചേര്‍ന്നുനിന്നെങ്കില്‍ മാത്രമേ ഇസ്ലാമിന്‍െറ ഇജ്തിഹാദ് അര്‍ഥവത്താകൂ എന്ന് രാമകൃഷ്ണന്‍ പറഞ്ഞു. വ്യാഖ്യാനങ്ങളുടെ സമകാലികതയിലാണ് ഇസ്ലാമിക സമൂഹം ഊന്നേണ്ടത്. ഇന്നത്തെ കാലത്തെക്കുറിച്ചും അതിന്‍െറ ദര്‍ശനങ്ങളെക്കുറിച്ചും നല്ല ഗ്രാഹ്യമുണ്ടെങ്കിലേ പ്രസക്തമായ വ്യാഖ്യാനത്തിന് സാധ്യമാകൂ. ഇത്തരം ബോധ്യമുള്ള  ബൗദ്ധികനിരയെയാണ് ഇസ്ലാം ഇന്ന് തേടുന്നതെന്നും രാമകൃഷ്ണന്‍ കൂട്ടിച്ചേര്‍ത്തു.  ഇസ്ലാമിക ശരീഅത്ത് ശിക്ഷാവിധികളുടെ സമാഹാരമല്ളെന്നും സാമൂഹിക സുരക്ഷിതത്വം ഒരുക്കുന്നതിനുള്ള നടപടിക്രമമാണെന്നും ‘മാധ്യമം, മീഡിയാ വണ്‍‘ ഗ്രൂപ്പ് എഡിറ്റര്‍ ഒ. അബ്ദുറഹ്മാന്‍ അഭിപ്രായപ്പെട്ടു. സാമൂഹിക സുരക്ഷക്കുള്ള സാഹചര്യം സൃഷ്ടിച്ച ശേഷം കടുത്ത നിയമലംഘനം നടത്തുന്നവര്‍ക്കുള്ളതാണ് ശിക്ഷയെന്നും അദ്ദേഹം പറഞ്ഞു. 
ഇസ്ലാമിക രാഷ്ട്രീയം നിഷിദ്ധമെന്നുപറഞ്ഞ് മാറ്റിനിര്‍ത്തിയ കാലം കഴിഞ്ഞുവെന്നും അതൊരു വിപ്ളവ ബദലാണെന്ന് ലോകം അംഗീകരിച്ചുകഴിഞ്ഞുവെന്നും ജമാഅത്തെ ഇസ്ലാമി കേരള അസിസ്റ്റന്‍റ് അമീര്‍ ശൈഖ് മുഹമ്മദ് കാരകുന്ന് പറഞ്ഞു.   ദല്‍ഹി മലയാളി അസോസിയേഷന്‍ പ്രസിഡന്‍റ് സി. ചന്ദ്രന്‍, ഫാദര്‍ തോമസ് (സി.ബി.സി.ഐ) എന്നിവര്‍ സംസാരിച്ചു. 

Tuesday, March 12, 2013

ഹജ്ജ് കേസില്‍ കക്ഷി ചേരാന്‍ ജമാഅത്തിന്‍െറ അപേക്ഷ

 ഹജ്ജ് കേസില്‍ കക്ഷി ചേരാന്‍ ജമാഅത്തിന്‍െറ അപേക്ഷ
‘സ്വകാര്യ ക്വോട്ടയില്‍ സര്‍ക്കാര്‍ നേരിട്ട്
ഹാജിമാരെ തെരഞ്ഞെടുക്കണം’
ന്യൂദല്‍ഹി: സ്വകാര്യ ഹജ്ജ് ക്വോട്ടയില്‍ കേന്ദ്ര സര്‍ക്കാര്‍ നേരിട്ട് ഹാജിമാരെ തെരഞ്ഞെടുക്കണമെന്ന് ആവശ്യപ്പെട്ട് കേരള ജമാഅത്തെ ഇസ്ലാമി  സുപ്രീംകോടതിയെ സമീപിച്ചു. സുപ്രീംകോടതിയുടെ പരിഗണനയിലുള്ള ഹജ്ജ് കേസില്‍ കക്ഷി ചേര്‍ക്കാന്‍ നല്‍കിയ അപേക്ഷയിലാണ് ഈ ആവശ്യമുന്നയിച്ചത്. ഈ നിര്‍ദേശം സ്വീകാര്യമല്ളെങ്കില്‍ ലാഭേച്ഛയില്ലാതെ പ്രവര്‍ത്തിക്കുന്ന ജീവകാരുണ്യ സംഘടനകള്‍ക്ക് സ്വകാര്യക്വോട്ട അനുവദിക്കുന്നതില്‍ മുന്‍ഗണന നല്‍കണമെന്നും ജമാഅത്ത് മുന്‍കൈ എടുത്ത് സ്ഥാപിച്ച കേരള മുസ്ലിം സര്‍വീസ് ട്രസ്റ്റ് സമര്‍പ്പിച്ച അപേക്ഷയില്‍ ആവശ്യപ്പെട്ടു.
സ്വകാര്യ ക്വോട്ട ടൂര്‍ ഓപറേറ്റര്‍മാര്‍ക്ക് വീതംവെക്കുന്നതിന് പകരം സബ്സിഡിയോടെയുള്ളതെന്നും അല്ലാത്തതെന്നും രണ്ടായി തരം തിരിച്ച് കേന്ദ്ര ഹജ്ജ് കമ്മിറ്റി നേരിട്ട് ഹാജിമാരെ തെരഞ്ഞെടുക്കണമെന്നാണ് ആവശ്യം. കേന്ദ്ര ഹജ്ജ് കമ്മിറ്റി മുഖേന നടത്തുന്ന നറുക്കെടുപ്പില്‍ മൂന്നു ലക്ഷത്തോളം ഹാജിമാര്‍ നിലവില്‍ പങ്കെടുക്കുന്നുണ്ട്. അതിനാല്‍ സബ്സിഡി ഇല്ലാത്ത യാത്രക്കാരെയുംഹജ്ജ് കമ്മിറ്റിക്ക് ഇതുപോലെ  തെരഞ്ഞെടുക്കാവുന്നതാണ്. സബ്സിഡിയില്ലാതെ പോകാന്‍ തയാറുള്ളവരില്‍നിന്ന് ഹജ്ജ് കമ്മിറ്റി നേരിട്ട് അപേക്ഷ സ്വീകരിച്ച് പട്ടിക തയാറാക്കണം.  ഇവരുടെ വിസ സ്റ്റാമ്പിങ് അടക്കമുള്ള കാര്യങ്ങളും സര്‍ക്കാര്‍ ക്വോട്ടയിലെന്ന പോലെ ചെയ്യാന്‍ കഴിയും. സൗദിയിലെ താമസമടക്കം അതിനുശേഷം വരുന്ന കാര്യങ്ങളില്‍ മാത്രമേ സ്വകാര്യ ഓപറേറ്റര്‍മാരുടെ സേവനം തേടേണ്ടതുള്ളൂ എന്ന് അപേക്ഷ ബോധിപ്പിച്ചു.  ഹജ്ജ് യാത്രയുടെ നിരക്ക് കുത്തനെ താഴാന്‍ ഇത് കാരണമാകും. വന്‍കിടക്കാരുടെ കുത്തക ഇല്ലാതാക്കാനും പുതിയ ഹാജിമാരുടെ അവസരം നഷ്ടപ്പെടുത്തി  ഒരേ വ്യക്തി വീണ്ടും വീണ്ടും ഹജ്ജിന് പോകുന്നത് തടയാനും ഇത് വഴി കഴിയും. ഈ നിര്‍ദേശം സ്വീകാര്യമല്ളെങ്കില്‍ ലാഭേച്ഛയില്ലാതെ പ്രവര്‍ത്തിക്കുന്ന ജീവകാരുണ്യ സംഘടനകള്‍ക്ക് സ്വകാര്യക്വോട്ട അനുവദിക്കുന്നതില്‍ മുന്‍ഗണന നല്‍കണമെന്ന് ഹരജിയില്‍ ആവശ്യപ്പെട്ടു. 
കര്‍ക്കശമായ വ്യവസ്ഥകളിലൂടെ ഇത്തരം സംഘങ്ങളെ തെരഞ്ഞടുക്കാന്‍ സര്‍ക്കാറിന് കഴിയും. ജനുവരി 14ന് സുപ്രീംകോടതി പുറപ്പെടുവിച്ച ഇടക്കാല ഉത്തരവില്‍ ലാഭേച്ഛയില്ലാത്ത സന്നദ്ധസംഘടനകളുടെ കാര്യം പരിശോധിക്കാന്‍ പറഞ്ഞിരുന്നുവെന്ന് ഹരജിയില്‍ ചൂണ്ടിക്കാട്ടി. എന്നാല്‍,  ഇക്കാര്യം മന്ത്രാലയം പരിഗണിച്ചതേയില്ല. ചില വന്‍കിട കുത്തകകള്‍ക്കുവേണ്ടിയാണ് സര്‍ക്കാറിന്‍െറ നയമെന്ന് വ്യാപകമായ വിമര്‍ശമുണ്ടെന്ന് കേന്ദ്ര സര്‍ക്കാറിന്‍െറ തന്നെ സ്വന്തം  സത്യവാങ്മൂലത്തില്‍ സര്‍ക്കാര്‍ തന്നെ സമ്മതിച്ചതാണെന്ന് ഹരജി ബോധിപ്പിച്ചു. കോടതിയില്‍നിന്ന് നിരന്തരം നിര്‍ദേശമുണ്ടായിട്ടും ഹാജിമാര്‍ക്ക് അനുഗുണമായ തരത്തില്‍ നയം രൂപപ്പെടുത്താന്‍ സര്‍ക്കാര്‍ തയാറായിട്ടില്ല.  പുതിയ ഓപറേറ്റര്‍മാര്‍ക്ക് കടന്നുവരാന്‍ പുതിയ കാറ്റഗറി സൃഷ്ടിച്ച് കുത്തകവത്കരണം പരിഹരിക്കാന്‍ കഴിയുമെന്നാണ് സര്‍ക്കാര്‍ അവകാശപ്പെടുന്നത്. എന്നാല്‍, ഒരു കാറ്റഗറി സൃഷ്ടിച്ച് കുത്തകവത്കരണം തടയാന്‍ കഴിയില്ളെന്നും സേവനദാതാക്കള്‍ക്കിടയില്‍ ആരോഗ്യകരമായ മത്സരം സൃഷ്ടിക്കുകയാണ് വേണ്ടതെന്നും  ജമാഅത്ത് ബോധിപ്പിച്ചു.  ഒരു കോടി വിറ്റുവരവുള്ളവരും സേവന നികുതി കൊടുക്കുന്നവരും മാത്രം അപേക്ഷിച്ചാല്‍ മതിയെന്ന് പറയുന്നതും കുത്തകകള്‍ക്ക് വേണ്ടിയാണ്. ഹജ്ജ് തീര്‍ഥാടനവുമായി ബന്ധപ്പെട്ട സേവനങ്ങള്‍ക്ക് നികുതി വേണ്ടതില്ളെന്ന് 2009ല്‍ സര്‍ക്കാര്‍ പുറത്തിറക്കിയ സര്‍ക്കുലര്‍ ഇതിന് തെളിവായി ഹാജരാക്കിയിട്ടുണ്ട്.  ഹാജിമാര്‍ പഞ്ചനക്ഷത്ര സൗകര്യം ആവശ്യപ്പെടുന്നുണ്ടെന്ന വിദേശമന്ത്രാലയത്തിന്‍െറ  അവകാശവാദം ശരിയല്ളെന്നും വസ്തുതകള്‍ക്ക് നിരക്കുന്നതല്ളെന്നും ഹരജിയിലുണ്ട്. ഇപ്പോഴുള്ള പട്ടിക അടിസ്ഥാനമാക്കി അടുത്ത അഞ്ചു വര്‍ഷത്തേക്ക് സ്വകാര്യ ഹജ്ജ് ക്വോട്ട അനുവദിക്കാനുള്ള നീക്കത്തില്‍നിന്ന് പിന്തിരിയണമെന്നും ഹരജിയില്‍ ആവശ്യപ്പെട്ടു.

Saturday, March 9, 2013

ബംഗ്ളാദേശ് സര്‍ക്കാര്‍ നടപടി അപലപനീയം -ജമാഅത്ത് അമീര്‍

ബംഗ്ളാദേശ് സര്‍ക്കാര്‍ നടപടി
അപലപനീയം -ജമാഅത്ത് അമീര്‍
ന്യൂദല്‍ഹി: ബംഗ്ളാദേശ് ജമാഅത്ത് നേതാക്കള്‍ക്കെതിരെ സര്‍ക്കാര്‍ നിശ്ചയിച്ച യുദ്ധക്കുറ്റ ട്രൈബ്യൂണലിന്‍െറ വിധി ക്രൂരവും അപലപനീയവുമെന്ന് ജമാഅത്തെ ഇസ്ലാമി ഹിന്ദ് അഖിലേന്ത്യാ അമീര്‍ ജലാലുദ്ദീന്‍ ഉമരി പ്രസ്താവനയില്‍ പറഞ്ഞു. 1971ല്‍ കിഴക്കന്‍ പാകിസ്താനില്‍ നടന്ന പ്രശ്നങ്ങളില്‍ ബംഗ്ളാദേശ് ജമാഅത്തെ ഇസ്ലാമിക്ക് ശൈഖ് മുജീബുറഹ്മാനില്‍നിന്നും വ്യത്യസ്തമായ നിലപാടാണുണ്ടായിരുന്നത് എന്നത് ശരിയാണ്. പക്ഷേ, അത് അപരാധമായി കണക്കാക്കപ്പെടരുത്. വ്യത്യസ്ത നിലപാടുകളും വീക്ഷണങ്ങളുമുള്ള വ്യക്തികളും സംഘടനകളും എല്ലാ ദേശത്തും ഉണ്ടായിട്ടുണ്ട്. അവരെ കള്ളക്കേസില്‍പെടുത്തി ക്രൂരമായ ശിക്ഷ വിധിക്കുന്നത് നീതീകരിക്കാനാവില്ല. അതാണിപ്പോള്‍ ബംഗ്ളാദേശില്‍ സംഭവിക്കുന്നത്.
ബംഗ്ളാദേശില്‍ ജനകീയാടിത്തറയുള്ള ജമാഅത്തെ ഇസ്ലാമിയെ തകര്‍ക്കാനുള്ള  ബോധപൂര്‍വ ശ്രമമാണിത്. ശൈഖ് മുജീബുറഹ്മാന്‍ പോലും തന്‍െറ ശത്രുക്കളുടെ പട്ടികയില്‍ ജമാഅത്തിനെ ഉള്‍പ്പെടുത്തിയിരുന്നില്ല എന്നത് ശൈഖ് ഹസീന മറക്കരുത്. ബംഗ്ളാദേശിനെ സാമ്പത്തികമായും സാമൂഹികമായും വളര്‍ത്താന്‍ ഏറെ സംഭാവന നല്‍കിയ പ്രസ്ഥാനമാണ് ജമാഅത്തെ ഇസ്ലാമി. അവര്‍ രാജ്യത്തിന്‍െറ ഭരണത്തിലും ഭാഗഭാക്കായി. ഇത്തരം ചരിത്ര വസ്തുതകള്‍ മുന്നില്‍വെച്ചാണ് ബംഗ്ളാദേശ് ജമാഅത്തെ ഇസ്ലാമിയെ വിലയിരുത്തേണ്ടത്. ഇതെല്ലാം അവഗണിച്ച് തലമുറകള്‍ക്കുശേഷം പഴയ പ്രശ്നം കുത്തിപ്പൊക്കി നിരപരാധികളെ ശിക്ഷിക്കുന്നത് ശൈഖ് ഹസീനയുടെയും ബംഗ്ളാദേശിന്‍െറയും പ്രതിച്ഛായ മോശമാക്കാനേ ഉപകരിക്കൂ. ബംഗ്ളാദേശ് സര്‍ക്കാര്‍ പ്രതികാര നടപടിയില്‍നിന്ന് പിന്തിരിയണമെന്നും അമീര്‍ ആവശ്യപ്പെട്ടു.