സോളിഡാരിറ്റി ദശവാര്‍ഷികാഘോഷം
17ന് തുടങ്ങും
17ന് തുടങ്ങും
കോഴിക്കോട്: സോളിഡാരിറ്റി യൂത്ത് മൂവ്മെന്‍റ് പത്താം വാര്‍ഷികാഘോഷ പരിപാടി ഈമാസം 17ന് തൃശൂരില്‍ തുടങ്ങുമെന്ന് സംസ്ഥാന പ്രസിഡന്‍റ് പി.ഐ. നൗഷാദ് വാര്‍ത്താസമ്മേളനത്തില്‍ അറിയിച്ചു. ‘സോളിഡാരിറ്റിയുള്ള കേരളത്തിന് 10 വയസ്സ്’ എന്ന മുദ്രാവാക്യം ഉയര്‍ത്തി സോഷ്യല്‍ ഓഡിറ്റിങ് പരിപാടിയോടെയാണ് ആഘോഷങ്ങള്‍ക്ക് തുടക്കം കുറിക്കുക. സാഹിത്യ അക്കാദമി ഹാളില്‍ ടി.ടി. ശ്രീകുമാര്‍ സോഷ്യല്‍ ഓഡിറ്റിങ് ഉദ്ഘാടനം ചെയ്യും. എം.പി. പരമേശ്വരന്‍, ടി. ആരിഫലി, എം.ബി. രാജേഷ് എം.പി, എം.ജി. രാധാകൃഷ്ണന്‍, ഗീവര്‍ഗീസ് മാര്‍ കുറിലോസ് മെത്രാപ്പോലീത്ത, സലീന പ്രക്കാനം, ഡോ. ആസാദ്, സി.ആര്‍. നീലകണ്ഠന്‍, അഡ്വ. എം. ലിജു, പി. സുരേന്ദ്രന്‍, കെ.കെ. ഷാഹിന എന്നിവര്‍ പങ്കെടുക്കും.
ഏപ്രില്‍ ആറ്, ഏഴ് തീയതികളില്‍ തിരുവനന്തപുരത്ത് ‘ഇന്‍ഫ്രാ വിഷന്‍ കേരള’ എന്ന പേരില്‍ പശ്ചാത്തല വികസനത്തെക്കുറിച്ച് അക്കാദമിക സമ്മേളനം സംഘടിപ്പിക്കും. ഗതാഗതം, ഊര്‍ജം, വ്യവസായ പാര്‍ക്കുകള്‍, ഭൂവിനിയോഗം, വാസ്തുശില്‍പ സംസ്കാരം എന്നീ വിഷയങ്ങളില്‍ പ്രബന്ധങ്ങള്‍ അവതരിപ്പിക്കും. പഞ്ചാബ് സ്റ്റേറ്റ് ട്രാന്‍സ്പോര്‍ട്ട് കമീഷണര്‍ നവദീപ് അസിജ, പൊതുമരാമത്ത് മന്ത്രി വി.കെ. ഇബ്രാഹിം കുഞ്ഞ്, പ്രഫുല്‍ ബിദ്വായ്, തോമസ് ഐസക്, ഡോ. ജയരാജ്, സി.പി. ജോണ്‍, ജി. ശങ്കര്‍, ഇളങ്കോവന്‍, ടോമി സിറിയക് തുടങ്ങിയവര്‍ പങ്കെടുക്കും.
മേയ് 11 മുതല്‍ 13 വരെ ‘യൂത്ത് സ്പ്രിങ്’ യുവജനാഘോഷം കോഴിക്കോട്ട് നടത്തും. ബദല്‍ വികസന എക്സിബിഷന്‍, സാംസ്കാരിക പരിപാടി, വിവിധ മണ്ഡലങ്ങളില്‍ ശ്രദ്ധ നേടിയ യുവാക്കളുടെ സംഗമം, പ്രവാസി യുവാക്കളുടെ കലാ-സാംസ്കാരിക ഇടപെടലുകള്‍ എന്നിവയുണ്ടാകും. ടി. മുഹമ്മദ് വേളം, സി.എം. ശരീഫ് എന്നിവരും വാര്‍ത്താസമ്മേളനത്തില്‍ പങ്കെടുത്തു.
ഏപ്രില്‍ ആറ്, ഏഴ് തീയതികളില്‍ തിരുവനന്തപുരത്ത് ‘ഇന്‍ഫ്രാ വിഷന്‍ കേരള’ എന്ന പേരില്‍ പശ്ചാത്തല വികസനത്തെക്കുറിച്ച് അക്കാദമിക സമ്മേളനം സംഘടിപ്പിക്കും. ഗതാഗതം, ഊര്‍ജം, വ്യവസായ പാര്‍ക്കുകള്‍, ഭൂവിനിയോഗം, വാസ്തുശില്‍പ സംസ്കാരം എന്നീ വിഷയങ്ങളില്‍ പ്രബന്ധങ്ങള്‍ അവതരിപ്പിക്കും. പഞ്ചാബ് സ്റ്റേറ്റ് ട്രാന്‍സ്പോര്‍ട്ട് കമീഷണര്‍ നവദീപ് അസിജ, പൊതുമരാമത്ത് മന്ത്രി വി.കെ. ഇബ്രാഹിം കുഞ്ഞ്, പ്രഫുല്‍ ബിദ്വായ്, തോമസ് ഐസക്, ഡോ. ജയരാജ്, സി.പി. ജോണ്‍, ജി. ശങ്കര്‍, ഇളങ്കോവന്‍, ടോമി സിറിയക് തുടങ്ങിയവര്‍ പങ്കെടുക്കും.
മേയ് 11 മുതല്‍ 13 വരെ ‘യൂത്ത് സ്പ്രിങ്’ യുവജനാഘോഷം കോഴിക്കോട്ട് നടത്തും. ബദല്‍ വികസന എക്സിബിഷന്‍, സാംസ്കാരിക പരിപാടി, വിവിധ മണ്ഡലങ്ങളില്‍ ശ്രദ്ധ നേടിയ യുവാക്കളുടെ സംഗമം, പ്രവാസി യുവാക്കളുടെ കലാ-സാംസ്കാരിക ഇടപെടലുകള്‍ എന്നിവയുണ്ടാകും. ടി. മുഹമ്മദ് വേളം, സി.എം. ശരീഫ് എന്നിവരും വാര്‍ത്താസമ്മേളനത്തില്‍ പങ്കെടുത്തു.
