ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----
Showing posts with label JIH MADAYI AREA. Show all posts
Showing posts with label JIH MADAYI AREA. Show all posts

Monday, July 22, 2013

ഇഫ്താര്‍ മീറ്റ്

ഇഫ്താര്‍ മീറ്റ്

പഴയങ്ങാടി:  ജമാഅത്തെ ഇസ്ലാമി മാടായി ഏരിയ സമിതിയുടെ ആഭിമുഖ്യത്തില്‍ ഇഫ്താര്‍ സംഗമം നടത്തി. യു.പി. സിദ്ദീഖ് മാസ്റ്റര്‍ മുഖ്യപ്രഭാഷണം നടത്തി. അബ്ദുല്‍ അസീസ് പുതിയങ്ങാടി അധ്യക്ഷത വഹിച്ചു. വി.പി. മുഹമ്മദലി, അജിത് മാട്ടൂല്‍, എ.കെ.ഗോവിന്ദന്‍, മോഹനന്‍ കുഞ്ഞിമംഗലം, വി.ആര്‍.വി. ഏഴോം, സുധീര്‍ വെങ്ങര, ഡോ. സി.കെ. ശ്രീജന്‍, എന്‍.എം. മൂസ എന്നിവര്‍ സംസാരിച്ചു.

Monday, January 14, 2013

മുല്ലപ്പൂ വിപ്ളവം സ്വേച്ഛാധിപതികള്‍ക്കുള്ള താക്കീത്

 
 മുല്ലപ്പൂ വിപ്ളവം സ്വേച്ഛാധിപതികള്‍ക്കുള്ള
താക്കീത് -ശൈഖ് മുഹമ്മദ് കാരകുന്ന്
പഴയങ്ങാടി: ലോകത്ത് അരങ്ങേറിയ മുല്ലപ്പൂ വിപ്ളവവും പരിണത ഫലമായ മുല്ലപ്പൂ വസന്തവും പരത്തുന്നത് സൗരഭ്യവും അധികാരം അടക്കിവാണ സ്വേച്ഛാധിപതികള്‍ക്കുള്ള താക്കീതുമാണെന്ന് ജമാഅത്തെ ഇസ്ലാമി കേരള അസി.അമീര്‍ ശൈഖ് മുഹമ്മദ് കാരകുന്ന് അഭിപ്രായപ്പെട്ടു. ജമാഅത്തെ ഇസ്ലാമി മാടായി ഏരിയ സമ്മേളനം വെങ്ങരയില്‍ ഉദ്ഘാടനം ചെയ്യുകയായിരുന്നു അദ്ദേഹം.
ഇസ്ലാമിക ചിഹ്നങ്ങളെ തകര്‍ത്തെറിഞ്ഞ തുര്‍ക്കി ഒടുവില്‍ ഇസ്ലാമിക രാജ്യമായി പരിവര്‍ത്തിച്ചു. ടൂണീഷ്യയാണ് പരിവര്‍ത്തന വിധേയമായ മറ്റൊരു രാജ്യം. 300 ആളുകള്‍ക്ക് ജീവഹാനിയും അതില്‍ തന്നെ പകുതിയിലേറെ പേര്‍ ഭരണകൂട ഭീകരതയുടെ ബലിയാടുകളുമായ വിപ്ളവത്തിലൂടെയാണ് ഇത് സാധിച്ചത്. ഈജിപ്തില്‍ ഇന്ത്യന്‍ സ്വാതന്ത്യ സമരത്തിലുണ്ടായ ജീവഹാനിയെക്കാള്‍ കുറഞ്ഞ ജീവഹാനിയിലൂടെയാണ്  വിപ്ളവവും  വിജയവും നേടിയത്.
ഇന്ത്യയില്‍ ഇസ്ലാമിക പ്രസ്ഥാനങ്ങള്‍ പരീക്ഷണ ഘട്ടങ്ങളിലൂടെയാണ് പോകുന്നത്. കേരളത്തിലടക്കം ഇസ്ലാമിക പ്രസ്ഥാനങ്ങളെ തെറ്റിദ്ധരിപ്പിക്കാനും തീവ്രവാദവും ഭീകരതയും ആരോപിക്കാനും ശ്രമം നടന്നിട്ടുണ്ട്. എന്നാല്‍, ആരോപണങ്ങള്‍ വ്യാജമായിരുന്നുവെന്ന കണ്ടത്തെലുകള്‍ക്കാണ് കേരളമടക്കം സാക്ഷ്യം വഹിക്കുന്നതെന്നും അദ്ദേഹം പറഞ്ഞു. ജമാഅത്തെ ഇസ്ലാമി ജില്ല സെക്രട്ടറി കളത്തില്‍ ബഷീര്‍ അധ്യക്ഷത വഹിച്ചു. ഖലീല്‍ നദ്വി ഖിറാഅത്ത് നടത്തി.
‘അഭിപ്രായ വൈവിധ്യങ്ങളിലെ ഇസ്ലാമികത’ എന്ന വിഷയത്തില്‍ ഡോ.എ.എ. ഹലീം പ്രഭാഷണം നടത്തി. ഗള്‍ഫ് മാധ്യമം എഡിറ്റര്‍ വി.കെ. ഹംസ അബ്ബാസ് സമാപന പ്രസംഗം നടത്തി. പി.കെ. മുഹമ്മദ് സാജിദ് നദ്വി സ്വാഗതവും അബ്ദുല്‍ അസീസ് പുതിയങ്ങാടി നന്ദിയും പറഞ്ഞു.

Monday, October 1, 2012

ചിത്രരചനാ മത്സരം

ചിത്രരചനാ മത്സരം
പഴയങ്ങാടി: മലര്‍വാടി ബാലസംഘം സംസ്ഥാനതലത്തില്‍ നടത്തുന്ന ബാലചിത്രരചനാ മത്സരത്തിന്‍െറ ഭാഗമായി മാടായി ഏരിയയുടെ നേതൃത്വത്തില്‍ ജി.വി.എച്ച്.എസ്.എസ് മാടായി, ജി.എം.യു.പി സ്കൂള്‍ പെരുമ്പ എന്നീ കേന്ദ്രങ്ങളില്‍ മത്സരം നടത്തും. എല്‍.കെ.ജി മുതല്‍ രണ്ടാംക്ളാസ് വരെ ക്രയോണ്‍ കളറിങ്ങും മൂന്നാം ക്ളാസ് മുതല്‍ ഏഴാം ക്ളാസ് വരെ വാട്ടര്‍ കളറിങ്ങുമാണ്. താല്‍പര്യമുള്ളവര്‍ ഒക്ടോബര്‍ രണ്ടിന് രാവിലെ മത്സരകേന്ദ്രത്തില്‍ എത്തേണ്ടതാണ്. ഫോണ്‍: 9562881702, 9995307200.

Sunday, July 29, 2012

റമദാന്‍ കിറ്റ് വിതരണം

 
 റമദാന്‍ കിറ്റ്
വിതരണം
ഏഴോം: ജമാഅത്തെ ഇസ്ലാമി മാടായി ഏരിയയും യു.എ.ഇ കണ്ണൂര്‍ അസോസിയേഷനും സംയുക്തമായി റമദാന്‍ കിറ്റ് നല്‍കി. ഏരിയാ പ്രസിഡന്‍റ് ബി.പി. അബ്ദുല്‍ ഹമീദ് ഉദ്ഘാടനം ചെയ്തു. മസ്ജിദുന്നൂര്‍ ഖത്തീബ് സി.കെ. മുനവ്വിര്‍ റമദാന്‍ സന്ദേശം നല്‍കി. സി. ആലിമുഹമ്മദ് ഹാജി, കൊട്ടില പെയിന്‍ ആന്‍ഡ് പാലിയേറ്റിവ് കെയര്‍ സെക്രട്ടറി യു.പി.വി. യശോദ ടീച്ചര്‍, ഇബ്രാഹിംകുട്ടി മാസ്റ്റര്‍ എന്നിവര്‍ സംസാരിച്ചു. എം.കെ. ഹനീഫ്, കുഞ്ഞബ്ദുല്ല മാസ്റ്റര്‍, സി.പി. അബ്ദുല്‍ കരീം എന്നിവര്‍ പങ്കെടുത്തു. പെരുവാമ്പയില്‍ നടന്ന കിറ്റ് വിതരണം പെരുവാമ്പ ഖത്തീബ് പെടേന ഹംസ മൗലവി ഉദ്ഘാടനം ചെയ്തു. ബി.വി. ഇബ്രാഹിം, പെരുവാമ്പ സഈദ് എന്നിവര്‍ നേതൃത്വം നല്‍കി.

Sunday, March 4, 2012

പുസ്തക ചര്‍ച്ചയും പ്രഭാഷണവും

പുസ്തക ചര്‍ച്ചയും പ്രഭാഷണവും
പഴയങ്ങാടി: ‘ക്ഷോഭിക്കുന്ന അറബിത്തെരുവുകള്‍’ എന്ന പുസ്തകത്തെ അധികരിച്ച് ജമാഅത്തെ ഇസ്ലാമി മാടായി ഏരിയയുടെ ആഭിമുഖ്യത്തില്‍ ഇന്നു വൈകീട്ട് നാലുമണിക്ക് ചര്‍ച്ചയും പ്രഭാഷണവും നടക്കും. മാടായി ഗ്രാമ പഞ്ചായത്ത് കമ്യൂണിറ്റി ഹാളില്‍ കെ.സുനില്‍ കുമാര്‍ ഉദ്ഘാടനം ചെയ്യും.

Wednesday, February 29, 2012

ടേബിള്‍ ടോക് നടത്തി

 
 ടേബിള്‍ ടോക് നടത്തി
പയ്യന്നൂര്‍: ജമാഅത്തെ ഇസ്ലാമി മാടായി ഏരിയാ കമ്മിറ്റിയുടെ ആഭിമുഖ്യത്തില്‍ പയ്യന്നൂരില്‍ ‘മുഹമ്മദ് നബി: ജീവിതവും സന്ദേശവും’ വിഷയത്തില്‍ ടേബിള്‍ ടോക് സംഘടിപ്പിച്ചു. വി.എന്‍. ഹാരിസ് വിഷയം അവതരിപ്പിച്ചു. സ്വാതന്ത്ര്യസമര സേനാനി വി.പി. അപ്പുക്കുട്ട പൊതുവാള്‍, സിനാജുദ്ദീന്‍, എം. അഷ്റഫ്, രാഘവന്‍ കടന്നപ്പള്ളി, അസീസ് മൗലവി, പി.വി. ഹസന്‍കുട്ടി എന്നിവര്‍ പങ്കെടുത്തു. യു.പി. സിദ്ദീഖ് പ്രഭാഷണം നടത്തി. റഫീഖ് പയ്യന്നൂര്‍ സ്വാഗതവും ബി.പി. അബ്ദുല്‍ ഹമീദ് നന്ദിയും പറഞ്ഞു

Tuesday, November 8, 2011

ഈദ് സുഹൃദ് സംഗമം

ഈദ് സുഹൃദ് സംഗമം
പയ്യന്നൂര്‍: ജമാഅത്തെ ഇസ്ലാമി മാടായി ഏരിയാ വനിതാ വിഭാഗം സംഘടിപ്പിക്കുന്ന ഈദ് സുഹൃദ് സംഗമം ഇന്ന് (08-11-2011) വൈകീട്ട് മൂന്നിന് കുഞ്ഞിമംഗലം പറമ്പത്ത് എസ്.എന്‍. ഇംഗ്ലീഷ് സ്കൂളില്‍ നടക്കും. ഡോ. ശാന്തി ധനഞ്ജയന്‍ ഉദ്ഘാടനം ചെയ്യും. വി.എന്‍. ഹാരിസ് ഈദ് സന്ദേശം നല്‍കും.

Wednesday, August 17, 2011

JIH MADAYI AREA

അശരണര്‍ക്ക് ആശ്വാസമായി റമദാന്‍ റിലീഫ്
പഴയങ്ങാടി: ജമാഅത്തെ ഇസ്ലാമി മാടായി ഏരിയ കമ്മിറ്റിയുടെ ആഭിമുഖ്യത്തില്‍ 200 കുടുംബങ്ങള്‍ക്ക് ഓണം-റമദാന്‍ കിറ്റുകള്‍ വിതരണം ചെയ്തു. പഴയങ്ങാടി എസ്.ഐ. ഫായിസ് അലി ഉദ്ഘാടനം ചെയ്തു. ബി.പി. അബ്ദുല്‍ ഹമീദ് അധ്യക്ഷത വഹിച്ചു. എ. മുഹമ്മദ് കുഞ്ഞി സ്വാഗതവും വി.എന്‍. ഹാരിസ് നന്ദിയും പറഞ്ഞു.
ജമാഅത്തെ ഇസ്ലാമി ഏഴോം കാര്‍കൂന്‍ ഹല്‍ഖയുടെ ആഭിമുഖ്യത്തില്‍ ഓണപ്പറമ്പിലെയും പരിസര പ്രദേശത്തെയും 50 കുടുംബങ്ങള്‍ക്ക് റമദാന്‍ കിറ്റ് വിതരണം ചെയ്തു. ഓണപ്പറമ്പ് സ്കൂള്‍ മാനേജര്‍ അബ്ദുല്‍ കരീം മാസ്റ്റര്‍ ഉദ്ഘാടനം ചെയ്തു. ബി.പി.അബ്ദുല്‍ ഹമീദ് അധ്യക്ഷത വഹിച്ചു. മുസ്തഫ ഇബ്റാഹിം പ്രഭാഷണം നടത്തി. കുഞ്ഞബ്ദുല്ല മാസ്റ്റര്‍ സ്വാഗതവും ഇബ്റാഹിം കുട്ടി മാസ്റ്റര്‍ നന്ദിയും പറഞ്ഞു.
ഏഴോം ഹല്‍ഖയുടെ ആഭിമുഖ്യത്തില്‍ ഏഴോം ബോട്ടുകടവ്, മൂന്നാംപീടിക, നെരുവമ്പ്രം പ്രദേശങ്ങളില്‍ നടന്ന റമദാന്‍ കിറ്റ് വിതരണം ഹല്‍ഖാ നാസിം എ.ഇബ്റാഹിം കുട്ടി മാസ്റ്റര്‍ ഉദ്ഘാടനം ചെയ്തു. ജമാഅത്തെ ഇസ്ലാമി ജില്ലാ ദഅ്വ വിങ് സെക്രട്ടറി ജമാല്‍ കടന്നപ്പള്ളി പ്രഭാഷണം നടത്തി. ഹനീഫ അധ്യക്ഷത വഹിച്ചു.