വൃക്കരോഗ നിര്‍ണയ ക്യാമ്പ്

വൃക്കരോഗ നിര്‍ണയ ക്യാമ്പ്

കണ്ണൂര്‍: സോളിഡാരിറ്റി സിറ്റി യൂനിറ്റും ഹെല്‍പിങ് ഹാന്‍ഡ്സ് കോഴിക്കോടും കണ്ണൂര്‍ സിറ്റി നാലുവയല്‍ ഐ.സി.എം സ്കൂളില്‍ സൗജന്യ വൃക്കരോഗ നിര്‍ണയ ക്യാമ്പും രക്തഗ്രൂപ് നിര്‍ണയവും വൃക്കരോഗ ബോധവത്കരണ ക്ളാസും നടത്തി. 400ഓളം പേര്‍ പങ്കെടുത്തു. സോളിഡാരിറ്റി സംസ്ഥാന സമിതിയംഗം കെ.എം. മഖ്ബൂല്‍ ഉദ്ഘാടനം ചെയ്തു. കണ്ണൂര്‍ ഏരിയ പ്രസിഡന്‍റ് കെ.കെ. ഷുഹൈബ് മുഹമ്മദ് അധ്യക്ഷത വഹിച്ചു.
ജമാഅത്തെ ഇസ്ലാമി കണ്ണൂര്‍ ഏരിയ പ്രസിഡന്‍റ് മുഹമ്മദ് ഹനീഫ മാസ്റ്റര്‍, കെ.പി. എറമു തുടങ്ങിയവര്‍ സംസാരിച്ചു. സോളിഡാരിറ്റി സിറ്റി യൂനിറ്റ് പ്രസിഡന്‍റ് കെ. ഖല്ലാന്‍ സ്വാഗതവും സഹീര്‍ നന്ദിയും പറഞ്ഞു.

സോളിഡാരിറ്റി കണ്‍വെന്‍ഷന്‍

സോളിഡാരിറ്റി കണ്‍വെന്‍ഷന്‍

കണ്ണൂര്‍: സോളിഡാരിറ്റി കണ്ണൂര്‍ സിറ്റി യൂനിറ്റ് കണ്‍വെന്‍ഷന്‍ സംസ്ഥാന സമിതി അംഗം കെ.എം. മഖ്ബൂല്‍ ഉദ്ഘാടനം ചെയ്തു. കണ്ണൂര്‍ ഏരിയ പ്രസിഡന്‍റ് കെ.കെ. ഷുഹൈബ് മുഹമ്മദ്  അധ്യക്ഷത വഹിച്ചു. കണ്ണൂര്‍ സിറ്റി ജമാഅത്തെ ഇസ്ലാമി പ്രാദേശിക അമീര്‍ എറമു, ജമാഅത്തെ ഇസ്ലാമി കണ്ണൂര്‍ ഏരിയ സമിതിഅംഗം കെ. അബ്ദുല്‍ അസീസ് എന്നിവര്‍ സംബന്ധിച്ചു.
ഏരിയ സെക്രട്ടറി നൗഷാദ് തായത്തെരു സ്വാഗതം പറഞ്ഞു. 
ഭാരവാഹികള്‍: അഹമ്മദ് ഖല്ലാഖ് (പ്രസി.),
 മൊയ്തു സിറ്റി (സെക്ര.), 
ശബീര്‍ (ജോ. സെക്ര.), 
വി. അഷ്ഹാഷ് (ട്രഷ.).