അല്‍ഫലാഹ് പി.ടി.എ ഭാരവാഹികള്‍

അല്‍ഫലാഹ് പി.ടി.എ ഭാരവാഹികള്‍

പെരിങ്ങാടി: പെരിങ്ങാടി അല്‍ഫലാഹ് പി.ടി.എ ജനറല്‍ബോഡി യോഗം പുതിയ ഭാരവാഹികളെ തെരഞ്ഞെടുത്തു. പി.ടി.എ പ്രസിഡന്‍റ് എം.എം. അബ്ദുന്നാസര്‍ അധ്യക്ഷത വഹിച്ചു. കോളജ് പ്രിന്‍സിപ്പല്‍ എന്‍.എം. ബഷീര്‍, സ്കൂള്‍ പ്രിന്‍സിപ്പല്‍ പ്രദീപ് കുമാര്‍, മാനേജിങ് കമ്മിറ്റി പ്രസിഡന്‍റ് കെ.കെ. അബ്ദുല്ല, വഖഫ് ബോര്‍ഡംഗം പി.പി. അബ്ദുറഹ്മാന്‍, ശര്‍മിന ഖാലിദ് എന്നിവര്‍ സംസാരിച്ചു.
മികച്ച വിജയം നേടിയ കുട്ടികള്‍ക്ക് മാനേജര്‍ എം. ദാവൂദ് അവാര്‍ഡ് നല്‍കി. ഭാരവാഹികളായി എം.എം. അബ്ദുന്നാസര്‍ (പ്രസി.), ഹംസ ഹാജി (വൈസ് പ്രസി.), നിലോഫര്‍ (മദര്‍ പി.ടി.എ പ്രസി.), ശബാനി റഫീഖ് (വൈസ് പ്രസി.) എന്നിവരെ തെരഞ്ഞെടുത്തു. ആബിദ് സ്വാഗതവും മഹതി നന്ദിയും പറഞ്ഞു.

AL FALAH

 

 

ADMISSION

അല്‍ഫലാഹിന് 100 ശതമാനം വിജയം

മജ്ലിസ് പൊതുപരീക്ഷ:   അല്‍ഫലാഹിന് 

100 ശതമാനം വിജയം

ന്യൂമാഹി: പെരിങ്ങാടി അല്‍ഫലാഹ് ഇംഗ്ളീഷ് സ്കൂള്‍ മജ്ലിസ് സെക്കന്‍ഡറി പൊതുപരീക്ഷയില്‍ 100 ശതമാനം വിജയം കരസ്ഥമാക്കി. മൂന്നു വിദ്യാര്‍ഥികള്‍ എല്ലാ വിഷയങ്ങളിലും എ പ്ളസും 10 വിദ്യാര്‍ഥികള്‍ എല്ലാ വിഷയങ്ങളിലും എ ഗ്രേഡും നേടി. വിജയികളെ അല്‍ഫലാഹ് ഇംഗ്ളീഷ് സ്കൂള്‍ വൈസ് പ്രിന്‍സിപ്പല്‍ ഷര്‍മിന ഖാലിദ് അഭിനന്ദിച്ചു.

ഖുര്‍ആന്‍ ഗവേഷണ മത്സര വിജയികളെ അനുമോദിച്ചു

 ഖുര്‍ആന്‍ ഗവേഷണ മത്സര
വിജയികളെ അനുമോദിച്ചു

പെരിങ്ങാടി: മജ്ലിസ് തഅ്ലീമുല്‍ ഇസ്ലാമി സംസ്ഥാന തലത്തില്‍ കോളജ് വിദ്യാര്‍ഥികള്‍ക്കായി സംഘടിപ്പിച്ച ഖുര്‍ആന്‍ ഗവേഷണ മത്സരത്തില്‍ രണ്ടാംസ്ഥാനം നേടിയ അല്‍ഫലാഹ് കോളജ് വിദ്യാര്‍ഥിനികളെ അനുമോദിച്ചു.
പി.ടി.എ പ്രസിഡന്‍റ് എം.എം. അബ്ദുന്നാസര്‍ സമ്മാനങ്ങള്‍ വിതരണം ചെയ്തു. പ്രിന്‍സിപ്പല്‍ എന്‍.എം. ബഷീര്‍ അധ്യക്ഷത വഹിച്ചു. മാനേജര്‍ എം. ദാവൂദ്, വൈസ് പ്രിന്‍സിപ്പല്‍ ഷര്‍മിന ഖാലിദ്, സി.കെ. അബ്ദുല്‍ ജലീല്‍, ശംസീര്‍ മാസ്റ്റര്‍, ബിസ്മിന എന്നിവര്‍ സംസാരിച്ചു. പി.കെ. അബ്ദുല്ല സ്വാഗതവും വി.എം. ശ്രീഷ നന്ദിയും പറഞ്ഞു.

ADMISSION

DAFFODILS

സമാപന സമ്മേളനം

 സമാപന സമ്മേളനം

തലശ്ശേരി: പെരിങ്ങാടി അല്‍ഫലാഹ് വിദ്യാഭ്യാസ സ്ഥാപനങ്ങളുടെ വാര്‍ഷികാഘോഷ സമാപന സമ്മേളനം കാലിക്കറ്റ് ജെ.ഡി.ടി ഇസ്ലാം സെക്രട്ടറി പി. കുഞ്ഞുമുഹമ്മദ് ഉദ്ഘാടനം ചെയ്തു. ജമാഅത്തെ ഇസ്ലാമി ജനറല്‍ സെക്രട്ടറി പി. മുജീബുറഹ്മാന്‍ മുഖ്യപ്രഭാഷണം നടത്തി. അല്‍ഫലാഹ് ഇന്‍സ്റ്റിറ്റ്യൂഷന്‍സ് മാനേജര്‍ എം. ദാവൂദ് അധ്യക്ഷത വഹിച്ചു.
എസ്.കെ. മുഹമ്മദ്, നസ്നീം അഹമ്മദ് എന്നിവര്‍ സംസാരിച്ചു. വാര്‍ഷികാഘോഷത്തിന്‍െറ ഭാഗമായി സംഘടിപ്പിക്കുന്ന ‘ഫലാഹ് എക്സ്പോ’ എക്സിബിഷന്‍ പ്രദര്‍ശനം ഞായറാഴ്ച തുടരും. രാവിലെ ഒമ്പത് മുതല്‍ വൈകീട്ട് ആറ് വരെയാണ് പ്രദര്‍ശനം.

കാഴ്ചയുടെ വസന്തം തീർത്ത് അൽഫലാഹ് എക്സ്പോ ശ്രദ്ധേയമാകുന്നു..

 

 

 

 

 

 

 

 

കാഴ്ചയുടെ വസന്തം തീർത്ത് അൽഫലാഹ്  

 എക്സ്പോ ശ്രദ്ധേയമാകുന്നു..

ആർട്ട്, പുരാവസ്തു ശേഖരങ്ങൾ, പഠനോപകരണ പ്രദർശനങ്ങൾ, മെഡിക്കൽ, അപൂർവ്വയിനം സ്റ്റാമ്പ് &കോയിൻ കലക്ഷനുകൾ, പ്രശസ്തരായ ധാരാളം ചിത്രകാരന്മാരുടെ ചിത്രങ്ങളുടെ പ്രദർശനം, വിവിധ ശാസ്ത്ര ശാഖകളിലുള്ള എക്സിബിറ്റുകൾ, ജ്യോതിശാസ്ത്രപ്രദർശനം, ഇസ്ലാമികമായ ധാർമിക കാഴ്ചപ്പാടൂകളും ദീനീ വിജ്ഞാനീയങ്ങളും സരളമായി അവതരിപ്പിക്കുന്ന ഇസ്ലാമിക് എക്സിബിഷൻ ...... വ്യത്യസ്തമായ അനുഭവങ്ങളും അറിവും പകർന്നു തരാൻ നിങ്ങൾക്കായി സജ്ജമാക്കിയിരിക്കുന്ന്ഉ. ജനുവരി 10,11, 12 തീയ്യതികളിൽ അൽഫലാഹ് ക്യാമ്പസിൽ..

ഫലാഹ് എക്സ്പോ ഇന്ന് തുടങ്ങും

ഫലാഹ് എക്സ്പോ ഇന്ന് തുടങ്ങും

പെരിങ്ങാടി: പെരിങ്ങാടി അല്‍ഫലാഹ് സ്ഥാപനങ്ങളുടെ 31ാമത് വാര്‍ഷികാഘോഷത്തിന്‍െറ ഭാഗമായി നടക്കുന്ന ഫലാഹ് എക്സ്പോ ഇന്ന് ആരംഭിക്കും. രാവിലെ 10 മണിക്ക് കേന്ദ്ര ആഭ്യന്തര സഹമന്ത്രി മുല്ലപ്പള്ളി രാമചന്ദ്രന്‍ ഉദ്ഘാടനം ചെയ്യും. വഖഫ് ബോര്‍ഡ് അംഗം പി.പി. അബ്ദുറഹ്മാന്‍ അധ്യക്ഷത വഹിക്കും. പുതുതായി നിര്‍മിച്ച ബ്ളോക്കിന്‍െറ ഉദ്ഘാടനം ജമാഅത്തെ ഇസ്ലാമി സംസ്ഥാന അമീര്‍ ടി. ആരിഫലി നിര്‍വഹിക്കും. ജംഇയ്യതുല്‍ ഫലാഹ് ചെയര്‍മാന്‍ കെ.എം. അബ്ദുറഹിം എക്സിബിഷന്‍ ഉദ്ഘാടനം ചെയ്യും. ഖുര്‍ആന്‍, സയന്‍സ്, ആര്‍ട്, മെഡിക്കല്‍, ചരിത്രം, ഐ.ടി, പ്ളാനറ്റോറിയം എന്നീ മേഖലകളില്‍ 500ലധികം പ്രദര്‍ശനങ്ങള്‍ ഒരുക്കിയിട്ടുണ്ട്. രാവിലെ ഒമ്പതു മുതല്‍ വൈകീട്ട് ആറു വരെയാണ് പ്രദര്‍ശനം. ജനുവരി 12ന് സമാപിക്കും. എല്ലാ ദിവസവും വിദ്യാര്‍ഥികളുടെ കലാപരിപാടികള്‍ നടക്കും.

AL FALAH

AL FALAH

 

 

 

 

അല്‍ഫലാഹ് വാര്‍ഷികാഘോഷം പത്തിന് തുടങ്ങും

 അല്‍ഫലാഹ് വാര്‍ഷികാഘോഷം
പത്തിന് തുടങ്ങും

തലശ്ശേരി: അല്‍ഫലാഹ് വിദ്യാഭ്യാസ സ്ഥാപനങ്ങളുടെ വാര്‍ഷികാഘോഷം ജനുവരി പത്ത് മുതല്‍ 12 വരെ പെരിങ്ങാടി അല്‍ഫലാഹ് കാമ്പസില്‍ നടക്കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു. ‘ഫലാഹ് എക്സ്പോ 2013’ എന്ന് പേരിട്ട പരിപാടി പത്തിന് രാവിലെ പത്തിന് കേന്ദ്ര ആഭ്യന്തര സഹമന്ത്രി മുല്ലപ്പള്ളി രാമചന്ദ്രന്‍ ഉദ്ഘാടനം ചെയ്യും.
പെരിങ്ങാടി അല്‍ഫലാഹ് കാമ്പസിന്‍െറ പുതിയ ബ്ളോക് ഉദ്ഘാടനം ജമാഅത്തെ ഇസ്ലാമി കേരള അമീര്‍ ടി. ആരിഫലി നിര്‍വഹിക്കും. ജംഇയ്യത്തുല്‍ ഫലാഹ് ട്രസ്റ്റ് ചെയര്‍മാന്‍ കെ.എം. അബ്ദുറഹീം എക്സിബിഷന്‍ ഉദ്ഘാടനം ചെയ്യും. വിദ്യാ കൗണ്‍സില്‍ സെക്രട്ടറി എസ്. കമറുദ്ദീന്‍ ഡിജിറ്റല്‍ ക്ളാസ് റൂമിന്‍െറയും കെ.കെ. മമ്മുണ്ണി മൗലവി നവീകരിച്ച ലൈബ്രറിയുടെയും നൂറുല്‍ അമീന്‍ കുടിവെള്ള പദ്ധതിയുടെയും ഉദ്ഘാടനം നിര്‍വഹിക്കും.
ഉച്ചക്ക് രണ്ടിന് നടക്കുന്ന കിഡ്സ് ഫെസ്റ്റ് ജമാഅത്തെ ഇസ്ലാമി ജില്ല പ്രസിഡന്‍റ് ടി.കെ. മുഹമ്മദലി ഉദ്ഘാടനം ചെയ്യും.11ന് ഉച്ചക്ക് 11ന് നടക്കുന്ന മാധ്യമ സെമിനാര്‍ കോടിയേരി ബാലകൃഷ്ണന്‍ എം.എല്‍.എ ഉദ്ഘാടനം ചെയ്യും. ‘മാധ്യമങ്ങളും വര്‍ഗീയതയും’ എന്ന വിഷയത്തില്‍ സോളിഡാരിറ്റി സംസ്ഥാന സെക്രട്ടറി ടി. മുഹമ്മദ് വേളം വിഷയാവതരണം നടത്തും. ‘മാധ്യമം’ എഡിറ്റര്‍ ഒ. അബ്ദുറഹ്മാന്‍ അധ്യക്ഷത വഹിക്കും. വൈകീട്ട് അഞ്ചിന് നടക്കുന്ന കലാപരിപാടി കുടുംബ കോടതി ജില്ല ജഡ്ജി പി. ഇന്ദിര ഉദ്ഘാടനം ചെയ്യും. ജമാഅത്തെ ഇസ്ലാമി വനിത വിഭാഗം പ്രസിഡന്‍റ് കെ.എന്‍. സുലൈഖ മുഖ്യപ്രഭാഷണം നടത്തും. 12ന് വൈകീട്ട് അഞ്ചിന് നടക്കുന്ന സമാപന സമ്മേളനം മന്ത്രി കെ.പി. മോഹനന്‍ ഉദ്ഘാടനം ചെയ്യും. ജമാഅത്തെ ഇസ്ലാമി ജനറല്‍ സെക്രട്ടറി പി. മുജീബുറഹ്മാന്‍ മുഖ്യപ്രഭാഷണം നടത്തും. വാര്‍ത്താസമ്മേളനത്തില്‍ അല്‍ഫലാഹ് ഇന്‍സറ്റിറ്റ്യൂഷന്‍ മാനേജര്‍ എം. ദാവൂദ്, വുമന്‍സ് കോളജ് പ്രിന്‍സിപ്പല്‍ എന്‍.എം. ബഷീര്‍ മാസ്റ്റര്‍, പി.ടി.എ പ്രസിഡന്‍റ് എം.എം. നാസര്‍, പ്രശാന്ത് ഒളവിലം എന്നിവര്‍ പങ്കെടുത്തു.

അപൂര്‍വ്വ ദിനം അവിസ്മരണീയമാക്കി.

 

 അപൂര്‍വ്വ ദിനം
അവിസ്മരണീയമാക്കി

ന്യൂമാഹി: നൂറ്റാണ്ടിലൊരിക്കല്‍ സംഭവിക്കുന്ന അത്യപൂര്‍വ്വ ദിനമായ 12/12/12 അല്‍ഫലാഹ് ഇംഗ്ളീഷ് മീഡിയം സ്കൂളിലെ വിദ്യാര്‍ത്ഥികള്‍ അവിസ്മരണിയമാക്കി. സ്കൂള്‍ മൈതാനത്ത് അപൂര്‍വ്വ നിമിഷത്തിലെ അക്കങ്ങളുടെ രീതിയില്‍ അണിനിരന്നും മോണ്ടിസ്സോറി ക്ളാസ്സുകളിലെ കുരുന്നുകള്‍ 12 ഇനം പച്ചക്കറികളും, പഴവര്‍ഗങ്ങളും പലഹരങ്ങളും പ്രദര്‍ശിപ്പിച്ചും ആഘോഷിച്ചു.

സ്വാഗത സംഘം രൂപവത്കരിച്ചു

സ്വാഗത സംഘം
രൂപവത്കരിച്ചു

ന്യൂമാഹി: അല്‍ഫലാഹ് സ്ഥാപനങ്ങളുടെ വാര്‍ഷികത്തിന്‍േറയും  ‘ഫലാഹ് എക്സ്പോ 2012’ എക്സിബിഷന്‍േറയും നടത്തിപ്പിന് സ്വാഗത സംഘം രൂപവത്കരിച്ചു. ഡിസംബര്‍ 27, 28, 29 തീയതികളിലാണ് പരിപാടി.
 ഭാരവാഹികള്‍: കെ.കെ. അബ്ദുല്ല (ചെയര്‍.), എം.സി.കെ. നാസര്‍, സി.കെ. ജലീല്‍ (വൈസ് ചെയര്‍.), എന്‍.എം. ബഷീര്‍ (ജന. കണ്‍.), ഷര്‍മിന ഖാലിദ് (കണ്‍.), എം.എ. നാസര്‍ (പ്രോഗ്രാം), മുഹമ്മദ് പ്രശാന്ത് (എക്സ്പോ), ഇബ്രാഹിം (സാമ്പത്തികം), എം. റഊഫ് (പ്രചാരണം), മുഹമ്മദ് സാലിഹ് (ലൈറ്റ് ആന്‍റ് സൗണ്ട്), സയ്യിദ് മുഹമ്മദ് ഫഹദ് (വളന്‍റിയര്‍), മുഹമ്മദ് തന്‍സീം (മീഡിയ), എന്‍. മുഖ്താര്‍ (കലാ പരിപാടികള്‍), പി. ഷീഹാബുദ്ദീന്‍ (ഭക്ഷണം), സുലൈമാന്‍ മാസ്റ്റര്‍ (സ്വീകരണം), സി. ഹസീന (വനിതാ വിഭാഗം). അല്‍ഫലാഹ് മാനേജര്‍ എം.ദാവൂദ് യോഗത്തിന് നേതൃത്വം നല്‍കി.

പൂര്‍വ വിദ്യാര്‍ഥി, അധ്യാപക സംഗമം

പൂര്‍വ വിദ്യാര്‍ഥി,
അധ്യാപക സംഗമം

ന്യൂമാഹി: പെരിങ്ങാടി അല്‍ഫലാഹ് ഇന്‍സ്റ്റിറ്റ്യൂഷന്‍െറ നേതൃത്വത്തില്‍ നടന്ന പൂര്‍വ വിദ്യാര്‍ഥി, അധ്യാപക സംഗമം ജമാഅത്തെ ഇസ്ലാമി ജില്ലാ പ്രസിഡന്‍റ് ടി.കെ. മുഹമ്മദലി ഉദ്ഘാടനം ചെയ്തു.
അല്‍ഫലാഹ് കോളജ് പ്രിന്‍സിപ്പല്‍ എന്‍.എം. ബഷീര്‍ അധ്യക്ഷത വഹിച്ചു.
പൂര്‍വ അധ്യാപകരെ പ്രതിനിധാനംചെയ്ത് മൊയ്തീന്‍ കുട്ടി മൗലവി, നാസര്‍ മാസ്റ്റര്‍, സൈനബ ടീച്ചര്‍, സി.കെ. കുഞ്ഞമ്മദ് മാസ്റ്റര്‍, ഇബ്റാഹിം മാസ്റ്റര്‍, സലീമ ടീച്ചര്‍ എന്നിവര്‍ സംസാരിച്ചു. പൂര്‍വ വിദ്യാര്‍ഥി പ്രതിനിധികളായ വഹീദ ഹഫീഖ്, ഹസീന, ഡോ. സ്വാലിഹ, ഡോ. നജ്മ, ജബീന ഇര്‍ഷാദ്, നസീമ, പി.ടി.എ പ്രസിഡന്‍റ് നാസര്‍ പുന്നോല്‍, അജിത ടീച്ചര്‍, സാലിഹ് മുഹമ്മദ് അല്‍ഫലാഹ് മാനേജര്‍ എം. ദാവൂദ് എന്നിവര്‍ സംസാരിച്ചു. സി.ടി. ത്വാഹിറ സ്വാഗതം പഞ്ഞു.

അല്‍ ഫലാഹു ചിത്രകല ക്യാമ്പ്‌

അല്‍ ഫലാഹു ചിത്രകല ക്യാമ്പ്‌

 ന്യൂ മാഹി: അല്ഫലാഹു ഇംഗ്ലീഷ് സ്കൂളിലെ ആര്‍ടിസ്റ്റ് ഫോറത്തിന്റെ ആഭിമുഖ്യത്തില്‍ സംഗടിപ്പിക്കുന്ന ത്രിദിന ചിത്രകലാ ക്യാമ്പ്‌ പ്രസസ്ഥ കലാകാരന്‍ പൊന്ന്യം ചന്ദ്രന്‍ ഉദ്ഘാടനം ചെയ്തു. അല്ഫലാഹ് വൈസ് പ്രിന്സിപാല്‍ ശര്‍മിന ഖാലിദ്‌ അധ്യക്ഷത വഹിച്ചു. കെ. ആര്‍. ബാബു മ്യൂറല്‍ പെയന്റിങ്ങിനെ കുറിച്ചും, പ്രേമലത ടീച്ചര്‍ കരകൌശല വസ്തു നിര്‍മ്മാണത്തിലും ക്ലാസ്സുകള്‍ കൈകാര്യം ചെയ്തു.

അല്‍ഫലാഹ് ഇംഗ്ളീഷ് സ്കൂള്‍ കായികമേള

 അല്‍ഫലാഹ് ഇംഗ്ളീഷ് സ്കൂള്‍ 

കായികമേള

ന്യൂമാഹി: അല്‍ഫലാഹ് ഇംഗ്ളീഷ് സ്കൂള്‍ വാര്‍ഷിക കായികമേള ന്യൂമാഹി പഞ്ചായത്ത് പ്രസിഡന്‍റ് ശ്രീജ ഉദ്ഘാടനം ചെയ്തു. അല്‍ഫലാഹ് മാനേജര്‍ എം. ദാവൂദ് പതാക ഉയര്‍ത്തി. വാര്‍ഡംഗം സജിത, വൈസ് പ്രിന്‍സിപ്പല്‍ ഷര്‍മിന ഖാലിദ് എന്നിവര്‍ സംബന്ധിച്ചു.

AL FALAH

ജില്ലാ തൈക്വാണ്‍ഡോ: അല്‍ഫലാഹിന് നേട്ടം

 ജില്ലാ തൈക്കോണ് ഡോ ചാമ്പ്യന്ഷിപ്പില് മെഡല് നേടിയ അല്‍ ഫലാഹ് വിദ്യാര്‍ഥികള്‍  അദ്ധ്യാപകരോടോപ്പം..

 ജില്ലാ തൈക്വാണ്‍ഡോ:
അല്‍ഫലാഹിന് നേട്ടം

തലശ്ശേരി: കണ്ണൂരില്‍ നടന്ന ജില്ലാതല തൈക്വാണ്‍ഡോ  ചാമ്പ്യന്‍ഷിപ്പില്‍ പെരിങ്ങാടി അല്‍ഫലാഹ് ഇംഗ്ളീഷ് മീഡിയം സ്കൂളിന് മികച്ച നേട്ടം. സബ് ജൂനിയര്‍ അണ്ടര്‍ 26 കിലോഗ്രാം വിഭാഗത്തില്‍ സ്കൂളിലെ ഹൈഫ ജാഫര്‍ സ്വര്‍ണ മെഡലും ഹഫ ഫായിസ് വെള്ളി മെഡലും നേടി. അണ്ടര്‍ 20 കി.ഗ്രാം ഇനത്തില്‍ സമ്റ മറിയവും  അണ്ടര്‍ 32 കി.ഗ്രാം ഇനത്തില്‍ ഫാത്തിമത്ത് നൂറയും സ്വര്‍ണ മെഡല്‍ കരസ്ഥമാക്കി.
അണ്ടര്‍ 29 കി.ഗ്രാം വിഭാഗത്തില്‍ സന്തോഷ് മുഹമ്മദ് വെള്ളിമെഡല്‍ കരസ്ഥമാക്കി. അല്‍ഫലാഹ് ഇന്‍സ്റ്റിറ്റ്യൂഷന്‍ മാനേജര്‍ എം. ദാവൂദ്, വൈസ് പ്രിന്‍സിപ്പല്‍ ഷര്‍മിന ഖാലിദ് എന്നിവര്‍ മെഡല്‍ ജേതാക്കളെ അനുമോദിച്ചു.