ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----
Showing posts with label SIO. Show all posts
Showing posts with label SIO. Show all posts

Monday, July 1, 2013

എസ്.ഐ.ഒ മാര്‍ച്ചില്‍ പൊലീസ് അക്രമം; നിരവധി പേര്‍ക്ക് പരിക്ക്

എസ്.ഐ.ഒ മാര്‍ച്ചില്‍ പൊലീസ് അക്രമം;
നിരവധി പേര്‍ക്ക് പരിക്ക്

കോഴിക്കോട്: കോളജുകള്‍ക്ക് സ്വയംഭരണാവകാശം നല്‍കുന്നതിനുമുമ്പ് സമഗ്ര നിയമനിര്‍മാണം വേണമെന്നാവശ്യപ്പെട്ട് എസ്.ഐ.ഒ നടത്തിയ ഡി.ഡി.ഇ ഓഫിസ് മാര്‍ച്ചിനുനേരെ പൊലീസ് ലാത്തിച്ചാര്‍ജ്.
നേതാക്കളടക്കം നിരവധി എസ്.ഐ.ഒ പ്രവര്‍ത്തകര്‍ക്ക് ഗുരുതരമായി പരിക്കേറ്റു. പ്രകോപനമില്ലാതെ ലാത്തിവീശിയ പൊലീസ്, പ്രവര്‍ത്തകരെ വളഞ്ഞിട്ടു തല്ലി. മുപ്പതിലധികം പേര്‍ക്ക്് പരിക്കേറ്റു. എസ്.ഐ.ഒ സംസ്ഥാന കാമ്പസ് സമിതി അംഗം അമീന്‍ മോങ്ങം, ജില്ലാ സമിതിയംഗങ്ങളായ നഈം ഗഫൂര്‍, സജീര്‍ എടത്തുടി, പി.കെ. നുഐം , എം.കെ. ഇബ്രാഹിം , ഫഹ്മി കാപ്പാട്,  എം. സഹല്‍, ജെ.എം.ഷഫീഖ് , സി. നഈം, വസീം പുന്നശ്ശേരി, കെ.പി. അസ്ലഹ് , മുജാഹിദ്, ഹഫീദ് എന്നിവരെ ബീച്ച് ആശുപത്രിയില്‍ പ്രവേശിപ്പിച്ചു.
പൊലീസ് നടപടിയില്‍ പ്രതിഷേധിച്ച് പ്രവര്‍ത്തകര്‍ ഒരു മണിക്കൂറോളം ദേശീയപാത ഉപരോധിച്ചു. അക്രമം നടത്തിയ പൊലീസുകാര്‍ക്കെതിരെ നടപടി സ്വീകരിക്കണമെന്നാവശ്യപ്പെട്ട് കമീഷണര്‍ ഓഫിസിലേക്ക് വിദ്യാര്‍ഥികള്‍ മാര്‍ച്ച് നടത്തി. സോളിഡാരിറ്റി സംസ്ഥാന ജനറല്‍ സെക്രട്ടറി ടി. മുഹമ്മദ് വേളം ഉദ്ഘാടനം ചെയ്തു. സമാധാനപരമായി സമരംചെയ്യുന്ന സംഘടനകളെ തെരഞ്ഞെടുത്ത് ആക്രമിക്കുന്ന ഉമ്മന്‍ ചാണ്ടി സര്‍ക്കാറിന്‍െറ സമീപനത്തിന്‍െറ തുടര്‍ച്ചയാണ് ഈ നടപടിയെന്ന് അദ്ദേഹം പറഞ്ഞു. ജമാഅത്തെ ഇസ്ലാമി ജില്ലാ പ്രസിഡന്‍റ് ഖാലിദ് മൂസാ നദ്വി, ശിഹാബുദ്ദീന്‍ ഇബ്നു ഹംസ എന്നിവര്‍ സംസാരിച്ചു.  നേതാക്കളുമായി നടത്തിയ ചര്‍ച്ചയില്‍, അക്രമം കാണിച്ച പൊലീസുകാര്‍ക്കെതിരെ നടപടി സ്വീകരിക്കുമെന്ന്് സിറ്റി പൊലീസ് കമീഷണര്‍ സ്പര്‍ജന്‍ കുമാര്‍ ഉറപ്പുനല്‍കി. രാവിലെ  ഡി.ഡി.ഇ ഓഫിസ് മാര്‍ച്ച് എസ്.ഐ.ഒ സംസ്ഥാന പ്രസിഡന്‍റ് എസ്. ഇര്‍ഷാദ്  ഉദ്ഘാടനം ചെയ്തു. ജില്ലാ പ്രസിഡന്‍റ് ഷബീര്‍ കൊടുവള്ളി, അമീന്‍ മോങ്ങം എന്നിവര്‍ സംസാരിച്ചു.
ലാത്തിച്ചാര്‍ജ് പൊലീസുകാരന്‍െറ പദ്ധതിയെന്ന്
ഇന്‍റലിജന്‍സ് റിപ്പോര്‍ട്ട്
കോഴിക്കോട്: കോളജുകള്‍ക്ക് സ്വയംഭരണാവകാശം അനുവദിക്കാനുള്ള നീക്കത്തില്‍ പ്രതിഷേധിച്ച് എസ്.ഐ.ഒ നടത്തിയ ഡി.ഡി.ഇ ഓഫിസ് മാര്‍ച്ചില്‍ വിദ്യാര്‍ഥികളെ മര്‍ദിക്കാന്‍ ഒരു പൊലീസുകാരന്‍ അമിതാവേശം കാണിച്ചതായി ഇന്‍റലിജന്‍സ് റിപ്പോര്‍ട്ട്. പൊലീസിനെതിരെ മുദ്രാവാക്യം വിളിക്കാതെയും കൈപോലും ചൂണ്ടാതെയും മാര്‍ച്ച് നടത്തുന്നതിനിടെ ഒരു പൊലീസുകാരന്‍ കരുതിക്കൂട്ടി ലാത്തിച്ചാര്‍ജിന് നേതൃത്വം നല്‍കിയെന്നാണ് ഇന്‍റലിജന്‍സ് റിപ്പോര്‍ട്ട്.  ഇയാളെ കുറിച്ചുള്ള വിവരങ്ങള്‍ ഇന്‍റലിജന്‍സ് സിറ്റി പൊലീസ് കമീഷണര്‍ക്കും ആഭ്യന്തര മന്ത്രാലയത്തിനും കൈമാറി. ലാത്തിച്ചാര്‍ജ് നടത്താന്‍ തക്കവിധം ഒരു പ്രകോപനവും വിദ്യാര്‍ഥികളില്‍നിന്ന് ഉണ്ടായിട്ടില്ളെന്ന് റിപ്പോര്‍ട്ടിലുണ്ട്.
കഴിഞ്ഞദിവസം ഇടതുയുവജന സംഘടനകള്‍ എല്‍.ഡി.വൈ.എഫ് നടത്തിയ കലക്ടറേറ്റ് മാര്‍ച്ചില്‍ രൂക്ഷമായ കല്ളേറുണ്ടായിട്ടും ലാത്തിച്ചാര്‍ജിന് തുനിയാതിരുന്ന പൊലീസ്, സമാധാനപരമായി മാര്‍ച്ച് നടത്തിയ എസ്.ഐ.ഒ വിദ്യാര്‍ഥികളെ മര്‍ദിച്ചതിന് പിന്നിലെ ലക്ഷ്യവും ഇന്‍റലിജന്‍സ് അന്വേഷിക്കുന്നുണ്ട്. വെള്ളിയാഴ്ച എ.ബി.വി.പിയുടെ നേതൃത്വത്തില്‍ വിദ്യാര്‍ഥികള്‍ നടത്തിയ ഡി.ഡി.ഇ ഓഫിസ് മാര്‍ച്ചിനിടെ പൊലീസിന് നേരെ കൈയേറ്റ ശ്രമം നടന്നതായും ഒരു സംഘം വിദ്യാര്‍ഥികള്‍ രണ്ടാമത്തെ ഗേറ്റിലൂടെ ഉള്ളില്‍ പ്രവേശിച്ചിട്ടും പൊലീസ് അനങ്ങിയില്ളെന്നും റിപ്പോര്‍ട്ടില്‍ ചൂണ്ടിക്കാട്ടുന്നു.
ഇന്നലെ ലാത്തിച്ചാര്‍ജിന് നേതൃത്വം നല്‍കിയ പൊലീസുകാരന്‍െറ രാഷ്ട്രീയ-സംഘടനാ ബന്ധമടക്കം വിശദാംശം ശേഖരിച്ചതായി അറിയുന്നു. എസ്.ഐ.ഒ പ്രവര്‍ത്തകര്‍ കുഴപ്പമൊന്നും ഉണ്ടാക്കിയില്ളെന്നും എന്നിട്ടും ലാത്തിച്ചാര്‍ജ് നടത്തിയതിന് ദു$ഖമുണ്ടെന്നും ഡ്യൂട്ടിയിലുണ്ടായിരുന്ന ഉന്നത പൊലീസ് ഓഫിസര്‍ പ്രതികരിച്ചു. ജനാധിപത്യ രീതിയില്‍ നടത്തുന്ന സമരങ്ങളെ തല്ലിയൊതുക്കാന്‍ പൊലീസ് ശ്രമിക്കുന്നതായി എസ്.ഐ.ഒ സംസ്ഥാന പ്രസിഡന്‍റ് എസ്. ഇര്‍ഷാദ് ആരോപിച്ചു. ലാത്തിയടിയേറ്റ് പരിക്കേറ്റ് ചികില്‍സയില്‍ കഴിയുന്ന പ്രവര്‍ത്തകരെ സന്ദര്‍ശിച്ച് സംസാരിക്കുകയായിരുന്നു അദ്ദേഹം. ജനറല്‍ സെക്രട്ടറി സഫീര്‍ഷ, സെക്രട്ടറി കെ.എസ്. നിസാര്‍, സംസ്ഥാന സമിതിയംഗം റബീഹ് മുഹമ്മദ് എന്നിവരും പരിക്കേറ്റവരെ സന്ദര്‍ശിച്ചു.
Courtesy:Madhyamam

Monday, June 24, 2013

മണിപ്പാല്‍ സംഭവം: പ്രതിഷേധം ഉയരണം -എസ്.ഐ.ഒ

 മണിപ്പാല്‍ സംഭവം: പ്രതിഷേധം ഉയരണം -എസ്.ഐ.ഒ
  ഉഡുപ്പി: മണിപ്പാലില്‍ എം.ബി.ബി.എസ് വിദ്യാര്‍ഥിനി കൂട്ടമാനഭംഗത്തിനിരയായ സംഭവം കിരാതമാണെന്നും കുറ്റവാളികളെ ഉടന്‍ പിടികൂടണമെന്നും എസ്.ഐ.ഒ സംസ്ഥാന ജനറല്‍ സെക്രട്ടറി കെ.വി. സഫീര്‍ഷാ പറഞ്ഞു. ഉഡുപ്പിയില്‍ വിദ്യാര്‍ഥിപ്രതിഷേധ റാലി ഉദ്ഘാടനം ചെയ്യുകയായിരുന്നു അദ്ദേഹം. ആവര്‍ത്തിക്കപ്പെടുന്ന ഇത്തരം ഹീനകൃത്യങ്ങള്‍ കേവല നിയമനിര്‍മാണങ്ങള്‍കൊണ്ട് ഇല്ലാതാക്കാന്‍ സാധ്യമല്ല. സംസ്ഥാനത്തിന് പുറത്തുപഠിക്കുന്ന വിദ്യാര്‍ഥികള്‍ നിരവധി ചൂഷണങ്ങള്‍ക്ക് ഇരിയാകുന്നുണ്ട്. അവരുടെ സുരക്ഷ ഉറപ്പുവരുത്താനുള്ള സംവിധാനം സംസ്ഥാന സര്‍ക്കാര്‍ ഒരുക്കണമെന്നും അദ്ദേഹം കൂട്ടിച്ചേര്‍ത്തു.

Sunday, June 23, 2013

ഇന്‍റലിജന്‍സ് റിപ്പോര്‍ട്ട് പിന്‍വലിക്കണം -എസ്.ഐ.ഒ

ഇന്‍റലിജന്‍സ്  റിപ്പോര്‍ട്ട്
പിന്‍വലിക്കണം  -എസ്.ഐ.ഒ
കോഴിക്കോട്: സ്കൂളുകളില്‍ ശിരോവസ്ത്രം ധരിക്കുന്നതിനുള്ള ഭരണഘടനാ അവകാശത്തിനുവേണ്ടി നിലകൊണ്ട സംഘടനകളെ കുഴപ്പക്കാരായി ചിത്രീകരിക്കുന്ന ഇന്‍റലിജന്‍സ് റിപ്പോര്‍ട്ടും സര്‍ക്കാര്‍ സര്‍ക്കുലറും പിന്‍വലിക്കണമെന്ന് എസ്.ഐ.ഒ സംസ്ഥാന പ്രസിഡന്‍റ് എസ്. ഇര്‍ഷാദ് ആവശ്യപ്പെട്ടു. മതസ്വാതന്ത്ര്യം ഭരണഘടന നല്‍കുന്ന അവകാശമാണ്. അത് ഹനിക്കുന്ന മാനേജ്മെന്‍റുകള്‍ക്കെതിരെ നടപടി സ്വീകരിക്കണം. ശിരോവസ്ത്ര വിഷയത്തില്‍ സര്‍ക്കാറിന്‍െറ നിലപാട് വ്യക്തമാക്കണമെന്ന് അദ്ദേഹം പ്രസ്താവനയില്‍ ആവശ്യപ്പെട്ടു.

Thursday, June 13, 2013

എസ്.ഐ.ഒ നിയമസഭാ മാര്‍ച്ചില്‍ പ്രതിഷേധമിരമ്പി


എസ്.ഐ.ഒ നിയമസഭാ
മാര്‍ച്ചില്‍ പ്രതിഷേധമിരമ്പി

തിരുവനന്തപുരം: കോളജുകള്‍ക്ക് സ്വയംഭരണാവകാശം നല്‍കാനുള്ള തീരുമാനത്തില്‍ നിയമനിര്‍മാണം നടത്തണമെന്നാവശ്യപ്പെട്ട് എസ്.ഐ.ഒ സംസ്ഥാന കമ്മിറ്റി നടത്തിയ നിയമസഭാ മാര്‍ച്ചില്‍ പ്രതിഷേധമിരമ്പി. സ്വയംഭരണാവകാശം ഇരുതല മൂര്‍ച്ചയുള്ള വാളാണെന്നും മതിയായ സൂക്ഷ്മതയും പരിശീലനവും കൂടാതെ ഉപയോഗിച്ചാല്‍ വലിയ അപകടമാകുമെന്നും മാര്‍ച്ച് ഉദ്ഘാടനം ചെയ്ത സംസ്ഥാന പ്രസിഡന്‍റ് എസ്. ഇര്‍ഷാദ് പറഞ്ഞു.
പല വിഷയങ്ങളിലും ഉമ്മന്‍ചാണ്ടി ഏകാധിപതിയെപ്പോലെയാണ് പെരുമാറുന്നതെന്ന് സോളിഡാരിറ്റി സംസ്ഥാന സെക്രട്ടറി സാദിഖ് ഉളിയില്‍ പറഞ്ഞു. എസ്.ഐ.ഒ സംസ്ഥാന സെക്രട്ടറി സഫീര്‍ ഷാ, കെ.എസ്. നിസാര്‍ തുടങ്ങിയവര്‍ സംസാരിച്ചു. സംസ്ഥാന സമിതി അംഗങ്ങളായ തൗഫീഖ് കെ.പി, സി.ടി. സുഹൈബ്, ശിയാസ് പെരുമാതുറ, സക്കീര്‍ നേമം തുടങ്ങിയവര്‍ നേതൃത്വം നല്‍കി.  യൂനിവേഴ്സിറ്റി കോളജിന് മുന്നില്‍ നിന്നാരംഭിച്ച മാര്‍ച്ച് നിയമസഭക്ക് മുന്നില്‍ പൊലീസ് തടഞ്ഞു. പൊലീസും സമരക്കാരും തമ്മില്‍ ഏറെനേരം ബാരിക്കേഡില്‍ പിടിവലി ഉണ്ടായി. ബാരിക്കേഡ് സമരക്കാര്‍ മറിച്ചിട്ടു.

Tuesday, June 11, 2013

എസ്.ഐ.ഒ നിയമസഭാ മാര്‍ച്ച് നാളെ

എസ്.ഐ.ഒ  നിയമസഭാ  മാര്‍ച്ച് നാളെ
കോഴിക്കോട്: കോളജുകള്‍ക്ക് സ്വയംഭരണാവകാശം നല്‍കുന്ന വിഷയത്തില്‍ സര്‍ക്കാര്‍ നിയമനിര്‍മാണം നടത്തണമെന്നാവശ്യപ്പെട്ട്  എസ്.ഐ.ഒ  നിയമസഭാ മാര്‍ച്ച് ബുധനാഴ്ച നടക്കും.  ശക്തമായ നിയമങ്ങളില്ലാതെ നടപ്പാക്കിയാല്‍ മേനേജ്മെന്‍റുകളുടെ സ്വാര്‍ഥ താല്‍പര്യങ്ങളായിരിക്കും വിദ്യാഭ്യാസ മേഖലയില്‍ നടപ്പാക്കപ്പെടുക. ആദ്യം റിപ്പോര്‍ട്ട് നടപ്പാക്കി, പ്രശ്നങ്ങളുണ്ടാകുമ്പോള്‍ പരിഹരിക്കാം എന്ന് സര്‍ക്കാര്‍ തീരുമാനിച്ചാല്‍ സ്വാശ്രയ മേഖലയില്‍ സംഭവിച്ച അബദ്ധം ആവര്‍ത്തിക്കുമെന്നും സംസ്ഥാന പ്രസിഡന്‍റ് എസ്. ഇര്‍ഷാദ് പ്രസ്താവനയില്‍ ചൂണ്ടിക്കാട്ടി.

Monday, June 10, 2013

അരിപ്പ സമരഭൂമിയില്‍ എസ്.ഐ.ഒയുടെ പുസ്തകം വിതരണം

അരിപ്പ  സമരഭൂമിയില്‍
എസ്.ഐ.ഒയുടെ
പുസ്തകം വിതരണം
കുളത്തൂപ്പുഴ(കൊല്ലം): പഠിക്കാന്‍ നിര്‍വാഹമില്ലാതെ സമരഭൂമിയില്‍ അകപ്പെട്ടുപോയ സമരക്കാരുടെ മക്കള്‍ക്ക്  എസ്.ഐ.ഒവിന്‍െറ കൈത്താങ്ങ്. സമരഭൂമിയിലെ വിദ്യാര്‍ഥികള്‍ക്ക് എസ്.ഐ.ഒ പഠനോപകരണങ്ങള്‍  വിതരണംചെയ്തു.
സംസ്ഥാനത്തിന്‍െറ വിവിധ ഭാഗങ്ങളില്‍ നിന്നായി സമരഭൂമിയിലത്തെിയ വിദ്യാര്‍ഥികള്‍ക്ക്   ബുക്കും, പുസ്തകസഞ്ചിയും, കുടയും മറ്റുപകരണങ്ങളും നല്‍കി. ഒന്നുമുതല്‍ പ്ളസ്ടുവരെ പഠിക്കുന്ന 45 ലധികം വരുന്ന വിദ്യാര്‍ഥികള്‍ക്കാണ് പഠനോപകരണങ്ങളത്തെിച്ചത്. വെല്‍ഫെയര്‍ പാര്‍ട്ടി സംസ്ഥാന സെക്രട്ടറി കെ.എ. ഷെഫീക്ക് പരിപാടി ഉദ്ഘാടനം ചെയ്തു. ആദിവാസി ഭൂസമരത്തിന് പിന്തുണ പ്രഖ്യാപിക്കുന്നതോടൊപ്പം സമരക്കാരുടെ വിദ്യാര്‍ഥികള്‍ വിദ്യാഭ്യാസത്തില്‍ പിന്നാക്കംപോകരുതെന്ന   ഓര്‍മപ്പെടുത്തലാണ്  പഠനോപകരണ വിതരണത്തിലൂടെ മനസ്സിലാക്കേണ്ടതെന്നും അദ്ദേഹം പറഞ്ഞു.എസ്.ഐ.ഒ സംസ്ഥാന പ്രസിഡന്‍റ് എസ്. ഇര്‍ഷാദ് പഠനോപകരണ വിതരണം നിര്‍വഹിച്ചു. ജില്ലാ സെക്രട്ടറി ഫൈസല്‍ അധ്യക്ഷത വഹിച്ചു. ജമാഅത്തെ ഇസ്ലാമി കുളത്തൂപ്പുഴ ഏരിയാ പ്രസിഡന്‍റ് അബ്ദുസമദ്, സമരസമിതി സംസ്ഥാന പ്രസിഡന്‍റ് ശ്രീരാമന്‍ കൊയ്യോന്‍, ഊരുമൂപ്പന്‍ സി.കെ. തങ്കപ്പന്‍ തുടങ്ങിയവര്‍ സംസാരിച്ചു.

Sunday, June 9, 2013

വിദ്യാഭ്യാസ നിലപാടുകള്‍ രൂപവത്കരിക്കുന്നത് നവസാമ്രാജ്യത്വ ശക്തികള്‍

 വിദ്യാഭ്യാസ നിലപാടുകള്‍ രൂപവത്കരിക്കുന്നത് നവസാമ്രാജ്യത്വ
ശക്തികള്‍  -ആരിഫലി
കൊച്ചി: രാജ്യത്തെ വിദ്യാഭ്യാസ നിലപാടുകള്‍ രൂപവത്കരിക്കുന്നത് നവസാമ്രാജ്യത്വ ശക്തികളാണെന്ന് ജമാഅത്തെ ഇസ്ലാമി കേരള അമീര്‍ ടി. ആരിഫലി. മുമ്പ് ബ്രിട്ടീഷ് സാമ്രാജ്യം  അവരുടെ താല്‍പര്യം സംരക്ഷിക്കാന്‍ വിദ്യാഭ്യാസത്തെ ഉപയോഗപ്പെടുത്തിയിരുന്നെങ്കില്‍ ഇന്ന് പലതരം എന്‍.ജി.ഒകള്‍  സാമ്രാജ്യത്വ അഭീഷ്ടപ്രകാരം വിദ്യാഭ്യാസത്തെ മാറ്റിയെടുക്കുകയാണ് ചെയ്യുന്നതെന്ന് എസ്.ഐ.ഒ സംസ്ഥാന കമ്മിറ്റിയുടെ കേരള എജുക്കേഷന്‍ കോണ്‍ഗ്രസിന്‍െറ പ്രഖ്യാപനം നിര്‍വഹിച്ച് അദ്ദേഹം പറഞ്ഞു.
വിദ്യാഭ്യാസ പദ്ധതികള്‍ ആവിഷ്കരിക്കപ്പെടുന്നത് ഇപ്പോഴും സാമ്രാജ്യത്വത്തിനു വേണ്ടിയാണ്. വിദ്യാര്‍ഥികള്‍ വിദ്യാഭ്യാസത്തിന്‍െറ ഗുണഭോക്താക്കളും ഉപയോക്താക്കളും മാത്രമായിക്കൂടാ.
വിദ്യാഭ്യാസം എങ്ങനെയുള്ളതായിരിക്കണമെന്ന് പറയാനും അവര്‍ക്ക് അവകാശമുണ്ട്. പഠനപ്രവര്‍ത്തനങ്ങളില്‍ ഏര്‍പ്പെടുന്ന ഏതൊരാള്‍ക്കും അത് ഏത് ദിശയിലായിരിക്കണമെന്ന് പറയാനും കഴിയണം. വിദ്യാഭ്യാസ മേഖലയില്‍ നഷ്ടമായിക്കൊണ്ടിരിക്കുന്ന ധാര്‍മികത വീണ്ടെടുക്കപ്പെടേണ്ടതുണ്ടെന്നും വിദ്യാഭ്യാസത്തിന്‍െറ ഘടകങ്ങളില്‍അതിനും പ്രാധാന്യം നല്‍കണമെന്നും അദ്ദേഹം പറഞ്ഞു.
ഏതെങ്കിലും പ്രത്യേക മതവിഭാഗത്തിന്‍െറ ധാര്‍മികത അടിച്ചേല്‍പ്പിക്കാതെ എല്ലാ മതവിഭാഗങ്ങള്‍ക്കും യോജിക്കാവുന്ന ധാര്‍മികത ഇക്കാര്യത്തില്‍ കണ്ടെത്തേണ്ടതുണ്ട്. അഴിമതി അടക്കമുള്ള സാമൂഹിക ജീര്‍ണതകള്‍ പിഴുതെറിയും വിധമുള്ള  സമൂല പരിഷ്കരണമാണ് വിദ്യാഭ്യാസത്തില്‍  വരേണ്ടതെന്നും ആരിഫലി ചൂണ്ടിക്കാട്ടി. എസ്.ഐ.ഒ സംസ്ഥാന പ്രസിഡന്‍റ് എസ്. ഇര്‍ഷാദ് അധ്യക്ഷത വഹിച്ചു. ജി.ഐ.ഒ സംസ്ഥാന സെക്രട്ടറി പി. റുക്സാന, സോളിഡാരിറ്റി സംസ്ഥാന സെക്രട്ടറി ടി. മുഹമ്മദ് വേളം, എസ്.ഐ.ഒ സംസ്ഥാന ജനറല്‍ സെക്രട്ടറി കെ.വി. ഷഫീര്‍ ഷാ എന്നിവര്‍ സംസാരിച്ചു. ഒക്ടോബര്‍ 26, 27 തീയതികളില്‍ തിരുവനന്തപുരത്താണ് എജുക്കേഷന്‍ കോണ്‍ഗ്രസ് സംഘടിപ്പിക്കുന്നത്.

Wednesday, May 29, 2013

എസ്.ഐ.ഒ അനുശോചിച്ചു

എസ്.ഐ.ഒ
അനുശോചിച്ചു
ആലപ്പുഴ: പ്രമുഖ ഇസ്ലാമിക പണ്ഡിതനും പ്രഭാഷകനുമായിരുന്ന മുട്ടാണിശേരില്‍ കോയാക്കുട്ടി മൗലവിയുടെ നിര്യാണത്തില്‍ എസ്.ഐ.ഒ സംസ്ഥാന കമ്മിറ്റി അനുശോചിച്ചു. മുഖ്യധാര മതസംഘടനകളിലൊന്നും പക്ഷംചേരാതെ എല്ലാവരോടും ഐക്യത്തെക്കുറിച്ച് സംസാരിച്ച പണ്ഡിതനായിരുന്നു അദ്ദേഹമെന്ന് സംസ്ഥാന സെക്രട്ടറി തൗഫീഖ് മമ്പാട് അനുസ്മരിച്ചു. തൗഫീഖ് മമ്പാട്,കൊല്ലം ജില്ലാ പ്രസിഡന്‍റ് മുഹമ്മദ് ഫാസില്‍, കായംകുളം ഏരിയ സെക്രട്ടറി അഹദ് എന്നിവര്‍ മരണാനന്തര ചടങ്ങില്‍ പങ്കെടുത്തു.

Saturday, May 25, 2013

പുതിയ ഹയര്‍ സെക്കന്‍ഡറി: സര്‍ക്കാര്‍ ശാസ്ത്രീയ പഠനം നടത്തണം -എസ്.ഐ.ഒ

പുതിയ ഹയര്‍ സെക്കന്‍ഡറി:  സര്‍ക്കാര്‍
ശാസ്ത്രീയ പഠനം നടത്തണം -എസ്.ഐ.ഒ
കോഴിക്കോട്: സംസ്ഥാനത്ത് ഹയര്‍ സെക്കന്‍ഡറി സ്കൂളുകളില്ലാത്ത 148 പഞ്ചായത്തുകളില്‍ ഹയര്‍ സെക്കന്‍ഡറികള്‍ ആരംഭിക്കാനുള്ള തീരുമാനം പുന$പരിശോധിക്കണമെന്ന് എസ്.ഐ.ഒ സംസ്ഥാന സെക്രട്ടേറിയറ്റ് ആവശ്യപ്പെട്ടു. അര ലക്ഷത്തിലധികം സീറ്റുകള്‍ കഴിഞ്ഞ വര്‍ഷം ഒഴിഞ്ഞു കിടക്കെ ശാസ്ത്രീയമായ പഠനം നടത്താതെ വീണ്ടും അനുവദിക്കുന്നത് സംസ്ഥാനത്ത് കൂടുതല്‍ ഹയര്‍ സെക്കന്‍ഡറി സീറ്റുകള്‍ ഒഴിഞ്ഞുകിടക്കാനും സര്‍ക്കാറിന് കൂടുതല്‍ സാമ്പത്തിക ബാധ്യത വരുത്താനും ഇടവരുത്തും. മലബാര്‍ മേഖലയില്‍ ഹയര്‍ സെക്കന്‍ഡറി പ്രവേശനത്തിന് മതിയായ സീറ്റുകളില്ലാത്ത സാഹചര്യമുണ്ട്. ഇത്തരം പ്രദേശങ്ങള്‍ കണ്ടത്തെി ആവശ്യമായ സ്ഥലങ്ങളില്‍ ഹയര്‍ സെക്കന്‍ഡറി സ്കൂളുകളും ബാച്ചുകളും അനുവദിക്കണം.സ്കൂളുകളില്‍ വിദ്യാര്‍ഥികള്‍ക്ക് ആനുപാതികമായി അധ്യാപക തസ്തികകള്‍ സൃഷ്ടിക്കണമെന്നും സെക്രട്ടേറിയറ്റ് ആവശ്യപ്പെട്ടു. സംസ്ഥാന പ്രസിഡന്‍റ് എസ.് ഇര്‍ഷാദ് അധ്യക്ഷത വഹിച്ചു. സെക്രട്ടറിമാരായ കെ.എസ് നിസാര്‍, എ അനസ്, കെ.പി തൗഫീഖ്, സി.ടി സുഹൈബ്, പി.പി ജുമൈല്‍, അസി. സെക്രട്ടറി അബ്ദുറഹീം ചേന്ദമംഗല്ലൂര്‍ എന്നിവര്‍ സംസാരിച്ചു. ജനറല്‍ സെക്രട്ടറി കെ.വി സഫീര്‍ഷ റിപ്പോര്‍ട്ട് അവതരിപ്പിച്ചു.

Thursday, May 16, 2013

ബീമാപള്ളിയില്‍ നടന്നത് ആസൂത്രിത പൊലീസ് അതിക്രമം -ഗീലാനി

 ബീമാപള്ളിയില്‍ നടന്നത് ആസൂത്രിത പൊലീസ് അതിക്രമം -ഗീലാനി
തിരുവനന്തപുരം: ബീമാപള്ളി വെടിവെപ്പുമായി ബന്ധപ്പെട്ട ജുഡീഷ്യല്‍ കമീഷന്‍ റിപ്പോര്‍ട്ട് സര്‍ക്കാര്‍ പുറത്തുവിടണമെന്ന് മനുഷ്യാവകാശ പ്രവര്‍ത്തകനും ദല്‍ഹി യൂനിവേഴ്സിറ്റി പ്രഫസറുമായ എസ്.എ.ആര്‍. ഗീലാനി. റിപ്പോര്‍ട്ട് പൂഴ്ത്തിവെച്ചിരിക്കുന്ന കാലത്തോളം നിരാലംബരായി തീര്‍ന്ന ഇരകള്‍ വീണ്ടും പീഡിപ്പിക്കപ്പെടുന്ന സാഹചര്യം ഉണ്ടാകും. ‘വംശീയ ജനാധിപത്യത്തിനെതിരെയുള്ള ഓര്‍മപ്പെടുത്തലാണ് ബീമാപള്ളി’ എന്ന തലക്കെട്ടില്‍ എസ്.ഐ.ഒ നടത്തിയ പ്രതിഷേധ സംഗമം ഗാന്ധിപാര്‍ക്കില്‍ ഉദ്ഘാടനം ചെയ്യുകയായിരുന്നു ഗീലാനി.
പൊലീസിന്‍െറ ആസൂത്രിത അതിക്രമമാണ് ബീമാപള്ളിയില്‍ നടന്നതെന്നാണ് മനുഷ്യാവകാശ സംഘടനകള്‍ നടത്തിയ അന്വേഷണത്തില്‍ ബോധ്യമായത്. എന്നാല്‍ വര്‍ഗീയ സംഘര്‍ഷമാണെന്നാണ് പൊലീസ് ഉണ്ടാക്കിയ കഥ. സംഭവിച്ചതെന്താണെന്ന് ജുഡീഷ്യല്‍ കമീഷന്‍ റിപ്പോര്‍ട്ടില്‍ വ്യക്തമാണ്. പക്ഷേ, അത് പൂഴ്ത്തിവെച്ചിരിക്കുകയാണ്. ലോകത്തെ ഏറ്റവും വലിയ ജനാധിപത്യ രാഷ്ട്രമെന്ന് പറയുന്ന ഇന്ത്യയില്‍ മനുഷ്യാവകാശ ലംഘനങ്ങള്‍ എങ്ങനെ കൈകാര്യം ചെയ്യുന്നുവെന്നത് ശ്രദ്ധേയമാണ്. ഇന്ദിരഗാന്ധി വധവുമായി ബന്ധപ്പെട്ട് 150ഓളം സിഖുകാര്‍ കൊല്ലപ്പെടുകയും നിരവധി പേര്‍ ജയിലിലടയ്ക്കപ്പെടുകയും ചെയ്തു. അവരിലാര്‍ക്കും മനുഷ്യാവകാശങ്ങള്‍ ലഭിച്ചില്ല. കശ്മീരില്‍ 17ഉം 18ഉം വര്‍ഷങ്ങളായി ഭര്‍ത്താക്കന്മാര്‍ എവിടെയെന്നറിയാതെ കഴിയുന്ന പകുതി വിധവകളായ സ്ത്രീകള്‍ നിരവധിയാണ്. പിതാക്കളെവിടെയെന്ന് അവരുടെ മക്കള്‍ ചോദിക്കുന്നു. ഭര്‍ത്താക്കന്മാരെ അന്വേഷിച്ച് ന്യൂദല്‍ഹി ജന്തര്‍മന്തറില്‍ പ്രതിഷേധ സമരത്തിനൊരുങ്ങിയ കുടുംബാംഗങ്ങളെ ആട്ടിയോടിച്ചു. ദല്‍ഹി പ്രസ്ക്ളബില്‍ പോലും അവര്‍ക്ക് ഇടം നല്‍കിയില്ല.
ഭരണഘടന അനുശാസിക്കുന്ന ജനാധിപത്യാവകാശങ്ങള്‍ പരസ്യമായി ലംഘിക്കപ്പെടുന്നു. മാധ്യമങ്ങളും അതിന് കൂട്ടുനില്‍ക്കുന്നു. ന്യൂനപക്ഷ ക്ഷേമം ഉറപ്പാക്കിയാല്‍ മാത്രമേ ജനാധിപത്യം പൂര്‍ണമാകൂ. അവകാശ നിഷേധങ്ങള്‍ക്കെതിരെ ക്രിയാത്മകമായി പോരാടണം. അവകാശങ്ങള്‍ ചോദിച്ച് വാങ്ങണം. ചോദ്യങ്ങള്‍ ഉയരുന്നിടത്തുമാത്രമേ അര്‍ഹമായ അവകാശങ്ങള്‍ ലഭിക്കുകയുള്ളൂവെന്നും അദ്ദേഹം ഓര്‍മിപ്പിച്ചു.
ബീമാപള്ളിയില്‍ നടന്നത് ഏകപക്ഷീയമായ പൊലീസ് വെടിവെപ്പായിരുന്നുവെന്ന് അധ്യക്ഷ പ്രസംഗത്തില്‍ എസ്.ഐ.ഒ സംസ്ഥാന പ്രസിഡന്‍റ് എസ്. ഇര്‍ഷാദ് പറഞ്ഞു. ചരിത്രത്തിലെ വ്യാജ ഏറ്റുമുട്ടലുകളുടെ പട്ടികയില്‍ ബീമാപള്ളി വെടിവെപ്പും ചേര്‍ക്കപ്പെടും. കുറ്റവാളികള്‍ ആരാണെന്ന് വ്യക്തമായിട്ടും അവര്‍ രക്ഷപ്പെടുന്ന സാഹചര്യമാണ് ഭരണം ഒരുക്കുന്നത്. എന്നാല്‍ സമൂഹം കുറ്റവാളിയാക്കപ്പെട്ടവര്‍ക്ക് ഇനി രക്ഷപ്പെടാന്‍ കഴിയില്ളെന്നും അദ്ദേഹം പറഞ്ഞു. ജമാഅത്തെ ഇസ്ലാമി സംസ്ഥാന സമിതി അംഗം ടി.കെ. ഫാറൂഖ്, കെ.കെ. കൊച്ച്, അഡ്വ. ഷാനവാസ്, വര്‍ഷ ബഷീര്‍, അഷ്റഫ് കടയ്ക്കല്‍, റെനി ഐലിന്‍, കെ. ഷാഹിര്‍, അബ്ദുല്‍ അസീസ്  തുടങ്ങിയവര്‍ സംസാരിച്ചു.

Monday, May 13, 2013

ഹൈകോടതി വിധി ദൗര്‍ഭാഗ്യകരം -എസ് ഐ ഒ

ഹൈകോടതി വിധി
ദൗര്‍ഭാഗ്യകരം -എസ് ഐ ഒ

കോഴിക്കോട്: സി.ബി.എസ്.ഇ സ്കൂള്‍തലത്തില്‍ നടത്തിയ ഇന്‍േറണല്‍ പരീക്ഷ എഴുതിയവരെയും പ്ളസ് വണ്‍ ഏകജാലക പ്രവേശനത്തില്‍ പരിഗണിക്കണമെന്ന ഹൈകോടതി വിധി ദൗര്‍ഭാഗ്യകരമെന്ന് എസ്.ഐ.ഒ സംസ്ഥാന പ്രസിഡന്‍റ് എസ്. ഇര്‍ശാദ്. പൊതുപരീക്ഷ എഴുതിയ വിദ്യാര്‍ഥികളോടുള്ള അനീതിയാണ് കോടതിവിധിയെന്നും ഇതിനെതിരെ സര്‍ക്കാര്‍ അപ്പീലിന് പോകണമെന്നും അദ്ദേഹം ആവശ്യപ്പെട്ടു.

Saturday, April 27, 2013

കൂടുതല്‍ ജനാധിപത്യ കാമ്പസുകള്‍ സൃഷ്ടിക്കപ്പെടണം -പി. മുജീബുറഹ്മാന്‍

 കൂടുതല്‍ ജനാധിപത്യ കാമ്പസുകള്‍
സൃഷ്ടിക്കപ്പെടണം  -പി. മുജീബുറഹ്മാന്‍
പെരുമ്പിലാവ്: കേരളത്തില്‍ കൂടുതല്‍ ജനാധിപത്യ കാമ്പസുകള്‍ സൃഷ്ടിക്കപ്പെടണമെന്നും അതിന്‍െറ മാര്‍ഗത്തില്‍ എസ്.ഐ.ഒ നടത്തുന്ന മുന്നേറ്റങ്ങള്‍ ശ്രദ്ധേയമാണെന്നും ജമാഅത്തെ ഇസ്ലാമി സംസ്ഥാന ജനറല്‍ സെക്രെട്ടറി പി.മുജീബുറഹ്മാന്‍ പ്രസ്താവിച്ചു.
സംസ്ഥാനത്തെ തെരഞ്ഞെടുക്കപ്പെട്ട കാമ്പസ് പ്രവര്‍ത്തകര്‍ക്കായി പെരുമ്പിലാവ് അന്‍സാര്‍ കാമ്പസില്‍ എസ്.ഐ.ഒ സംസ്ഥാനകമ്മിറ്റി സംഘടിപ്പിച്ച രണ്ടു ദിവസത്തെ വര്‍ക്ക്ഷോപ്പ്  ഉദ്ഘാടനം ചെയ്യുകയായിരുന്നു അദ്ദേഹം. സംസ്ഥാന പ്രസിഡന്‍റ് എസ്. ഇര്‍ഷാദ്, സംസ്ഥാന കാമ്പസ് സെക്രട്ടറി കെ.എസ്.നിസാര്‍ തുടങ്ങിയവര്‍ സംസാരിച്ചു.  കാമ്പസ് സംഘാടനം, കാമ്പസ് ഇലക്ഷന്‍: സമീപന‘:രീതികള്‍ , സമരം: ഇടപെടലുകളുടെ രീതിശാസ്ത്രം തുടങ്ങിയ ചര്‍ച്ചകള്‍ ശില്‍പശാലയില്‍ നടക്കും. മതം, മതേതരത്വം, നിയമവിജ്ഞാനം തുടങ്ങിയ വിഷയങ്ങളിലുള്ള പഠന ക്ളാസുകള്‍ യഥാക്രമം ശിഹാബ് പൂക്കോട്ടൂര്‍, ജോയ് കൈതാരത്ത് തുടങ്ങിയവര്‍ അവതരിപ്പിക്കും.ജി.ഐ.ഒ സംസ്ഥാന സെക്രട്ടറി ലബീബ ഇബ്രാഹിം, എസ്.ഐ.ഒ കാമ്പസ് അസി. സെക്രട്ടറി അസ്ലം അലി തുടങ്ങിയവര്‍ സംസാരിക്കും.

Sunday, March 24, 2013

സര്‍ക്കാറിന്‍െറ ന്യൂനപക്ഷ സമീപനം വിവേചനാപരം

സര്‍ക്കാറിന്‍െറ ന്യൂനപക്ഷ
സമീപനം വിവേചനാപരം
-എസ്.ഐ.ഒ ജനകീയ സംവാദം
മലപ്പുറം: സര്‍ക്കാറിന്‍െറ ന്യൂനപക്ഷ സമീപനം തികച്ചും വിവേചനപരമാണെന്ന് ‘യു.ഡി.എഫ് സര്‍ക്കാറിന്‍െറ ന്യൂനപക്ഷ സമീപനം: പ്രീണനമോ വിവേചനമോ’ എന്ന പേരില്‍ എസ്.ഐ.ഒ മലപ്പുറത്ത് നടത്തിയ ജനകീയ സംവാദം വിലയിരുത്തി.
ന്യൂനപക്ഷങ്ങള്‍ അനര്‍ഹമായത് നേടിക്കൊണ്ടിരിക്കുന്നു എന്ന വ്യാപക പ്രചാരണങ്ങള്‍ ന്യൂനപക്ഷ വിരുദ്ധ അജണ്ടയുടെ ഭാഗമാണെന്നും ഫാഷിസ്റ്റുകളും വര്‍ഗീയ കക്ഷികളും ഉപയോഗിക്കുന്ന പദാവലികളാണ് മുഖ്യധാരാ രാഷ്ട്രീയ പാര്‍ട്ടികള്‍ ഉപയോഗിക്കുന്നതെന്നും അധ്യക്ഷത വഹിച്ച എസ്.ഐ.ഒ സംസ്ഥാന പ്രസിഡന്‍റ് എസ്. ഇര്‍ഷാദ് പറഞ്ഞു.
എസ്.ഐ.ഒ സംസ്ഥാന വിദ്യാഭ്യാസ സെക്രട്ടറി എ. അനസ് വിഷയം അവതരിപ്പിച്ചു.
അവഗണനയും വിവേചനവും തിരിച്ചറിയാനും ചോദ്യം ചെയ്യാനുമുള്ള ആര്‍ജവവും വിവേകവുമുള്ള ഒരു ചെറുപ്പം ഇവിടെ വളര്‍ന്നുവരുന്നുണ്ടെന്നും അത് ഭരണകൂടം തിരിച്ചറിയണമെന്നും ‘മാധ്യമം’ അസി. എക്സിക്യൂട്ടീവ് എഡിറ്റര്‍ സി. ദാവൂദ് പറഞ്ഞു.  
നഗരസഭ പ്രതിപക്ഷ നേതാവ് പാലോളി കുഞ്ഞിമുഹമ്മദ്, ബദീഉസ്സമാന്‍, സോളിഡാരിറ്റി സംസ്ഥാന എക്സി. അംഗം ജലീല്‍ മോങ്ങം തുടങ്ങിയവര്‍ സംസാരിച്ചു. നഹാസ് മാള സ്വാഗതവും കെ.കെ. അഷ്റഫ് നന്ദിയും പറഞ്ഞു.

Sunday, March 17, 2013

സിവില്‍ സര്‍വീസ്: സര്‍ക്കാര്‍ ഉത്തരവ് സ്വാഗതാര്‍ഹം -എസ്.ഐ.ഒ

 സിവില്‍ സര്‍വീസ്: സര്‍ക്കാര്‍ ഉത്തരവ്
സ്വാഗതാര്‍ഹം -എസ്.ഐ.ഒ
കോഴിക്കോട് : ഈ വര്‍ഷം മുതല്‍ സിവില്‍ സര്‍വീസ് പരീക്ഷയില്‍ സമഗ്രപരിഷ്കാരമെന്ന  പേരില്‍ യു.പി.എസ്.സി കൊണ്ടുവന്ന നിബന്ധനകള്‍ താല്‍ക്കാലികമായി മരവിപ്പിച്ച സര്‍ക്കാര്‍ ഉത്തരവ് സ്വാഗതാര്‍ഹമെന്ന് എസ്.ഐ.ഒ സംസ്ഥാന പ്രസിഡന്‍റ് എസ്. ഇര്‍ഷാദ് പറഞ്ഞു. സിവില്‍ സര്‍വീസ് മെയിന്‍ പരീക്ഷ പ്രാദേശിക ഭാഷയില്‍ എഴുതുന്നതിന് പ്രസ്തുത ഭാഷ പഠനമാധ്യമമാക്കി ബിരുദം നേടണമെന്നും 25ല്‍ കുറയാത്ത അപേക്ഷകര്‍ ഈ ഭാഷയില്‍ ഉണ്ടാകണമെന്നും അല്ളെങ്കില്‍ ഇംഗ്ളീഷിലോ ഹിന്ദിയിലോ ആണ് പരീക്ഷയെഴുതേണ്ടത് എന്നുമാണ് യു.പി.എസ്.സി നിര്‍ദേശം. ഇത് ന്യൂനപക്ഷങ്ങളെയും എസ്.സി/എസ്.ടി, മറ്റ് പിന്നാക്ക വിഭാഗങ്ങളെയും രാജ്യത്തിന്‍െറ ഉയര്‍ന്ന തസ്തികകളില്‍നിന്ന് മാറ്റിനിര്‍ത്താനുള്ള ഗൂഢശ്രമത്തിന്‍െറ ഭാഗമായാണ് നടപ്പാക്കിയത്. ഭരണഘടന അംഗീകരിച്ച ഭാഷകളില്‍ പരീക്ഷയെഴുതാനുള്ള സൗകര്യം നിലനില്‍ക്കുന്നതിനായിരുന്നു പാര്‍ലമെന്‍റ് അംഗങ്ങളുടെ സമ്മര്‍ദ പ്രകാരം സര്‍ക്കാര്‍ കൊണ്ടുവന്ന ഈ താല്‍ക്കാലിക തീരുമാനം. ഇത് സ്ഥിരമാക്കി ഉത്തരവിറക്കണമെന്നും അദ്ദേഹം ആവശ്യപ്പെട്ടു.

Monday, February 11, 2013

SIO


എസ്.ഐ.ഒ സംസ്ഥാന നേതൃസംഗമം

 എസ്.ഐ.ഒ സംസ്ഥാന നേതൃസംഗമം
കോഴിക്കോട്:  ഇര്‍ഷാദിയ കോളജില്‍ നടന്ന എസ്.ഐ.ഒ നേതൃക്യാമ്പ് അവസാനിച്ചു. ജമാഅത്തെ ഇസ്ലാമി കേരള അമീര്‍ ടി. ആരിഫലി ഉദ്ഘാടനം ചെയ്തു.
പുതിയ കാലയളവിലേക്കുള്ള നയം സംസ്ഥാന പ്രസിഡന്‍റ് എസ്. ഇര്‍ശാദ് വിശദീകരിച്ചു.അറബ് വിപ്ളവവും ഇന്ത്യയിലെ ഇസ്ലാമിക ചലനങ്ങളും എന്ന വിഷയത്തില്‍ ഖാലിദ് മൂസ നദ്വിയും വിദ്യാഭ്യാസം പുതിയ പ്രവണതകള്‍ എന്ന വിഷയത്തില്‍ ആര്‍. യൂസുഫും ക്ളാസെടുത്തു.

Saturday, February 9, 2013

എയ്ഡഡ് പദവി: ലീഗ് നിലപാട് ലജ്ജാകരം -എസ്.ഐ.ഒ

എയ്ഡഡ് പദവി: ലീഗ് നിലപാട് ലജ്ജാകരം -എസ്.ഐ.ഒ
കോഴിക്കോട് : രാഷ്ട്രീയ സമ്മര്‍ദങ്ങള്‍ക്ക് വഴങ്ങി എ.ഐ.പി സ്കൂളുകള്‍ക്ക് എയ്ഡഡ് പദവി അനുവദിക്കണമെന്ന ആവശ്യത്തില്‍നിന്ന് മുസ്ലിംലീഗ് പിന്‍വാങ്ങിയത് ലജ്ജാകരമാണെന്ന് എസ്.ഐ.ഒ സംസ്ഥാന പ്രസിഡന്‍റ് എസ്. ഇര്‍ശാദ്. കേരളത്തിലെ ജാതി ശക്തികള്‍ രാഷ്ട്രീയ മേധാവിത്വത്തിനുവേണ്ടി ഉയര്‍ത്തുന്ന വിമര്‍ശങ്ങളില്‍  കുടുങ്ങി ന്യൂനപക്ഷങ്ങള്‍ക്ക് അര്‍ഹതപ്പെട്ട അവകാശങ്ങള്‍ അവഗണിക്കപ്പെടുന്നത് ജനാധിപത്യ വിരുദ്ധമാണ്. അധ്യാപകരുടെ ശമ്പളമല്ല സ്ഥാപനങ്ങളുടെ നിലനില്‍പാണ് അടിസ്ഥാന വിഷയം.1986ലെ ദേശീയ വിദ്യാഭ്യാസ നയത്തിന്‍െറ ഭാഗമായി ന്യൂനപക്ഷ ജില്ലകളിലെ വിദ്യാഭ്യാസപുരോഗതി ലക്ഷ്യം വെച്ച് ആസൂത്രണം ചെയ്തതാണ് ഇത്തരം സ്കൂളുകള്‍. ന്യൂനപക്ഷ ജില്ലകളിലെ വിദ്യാഭ്യാസത്തിനാവശ്യമായ സൗകര്യങ്ങള്‍ പരിഗണിച്ചുകൊണ്ട് ഇത്തരം സ്ഥാപനങ്ങള്‍

Tuesday, January 1, 2013

SIO


ദല്‍ഹി സംഭവം: കാമ്പസുകള്‍ ഐക്യപ്പെടണം -എസ്.ഐ.ഒ

 ദല്‍ഹി സംഭവം: കാമ്പസുകള്‍
ഐക്യപ്പെടണം -എസ്.ഐ.ഒ
കോഴിക്കോട്: ദല്‍ഹി സംഭവത്തെ തുടര്‍ന്ന് രാജ്യവ്യാപകമായി  ഉയരുന്ന പ്രതിഷേധങ്ങളോട് ഐക്യപ്പെടണമെന്ന് എസ്.ഐ.ഒ.  ഇന്ത്യന്‍ ധാര്‍മിക സദാചാരബോധത്തിനു നേരെ ഉയര്‍ന്ന വലിയൊരു ചോദ്യചിഹ്നമാണ്  ഈ സംഭവം. കൂടുതല്‍ സാമൂഹിക സുരക്ഷിതത്വം ഉറപ്പുവരുത്തുന്നതിന് ക്രിയാത്മകമായ പ്രതിഷേധങ്ങള്‍ വ്യാപകമായി ഉയര്‍ന്നുവരേണ്ടതുണ്ട്.
രാജ്യത്തിന്‍െറ വിവിധ ഭാഗങ്ങളില്‍ സ്ത്രീത്വം അപമാനിക്കപ്പെടുമ്പോള്‍ പൊതുസമൂഹവും ഭരണകൂടവും ഒരുപോലെ കുറ്റക്കാരാകുന്നു. ജനങ്ങളുടെ സാമൂഹിക സദാചാരബോധത്തെ വളര്‍ത്താന്‍ ഭരണകൂടത്തിന് കഴിയേണ്ടതുണ്ട്. എങ്കില്‍ മാത്രമേ ഇത്തരം പ്രശ്നങ്ങള്‍ പരിഹരിക്കാന്‍ കഴിയൂ.
 രാജ്യവ്യാപകമായി ഉയരുന്ന പ്രതിഷേധസ്വരങ്ങള്‍ക്ക് ഐക്യപ്പെട്ട് കാമ്പസുകളില്‍ ഇന്ന് ഐക്യദാര്‍ഢ്യദിനമായി ആചരിക്കുമെന്ന് സംസ്ഥാന സെക്രട്ടേറിയറ്റ് അറിയിച്ചു.

Monday, December 17, 2012

എസ്. ഇര്‍ഷാദ് എസ്.ഐ.ഒ സംസ്ഥാന പ്രസിഡന്‍റ്

എസ്. ഇര്‍ഷാദ് S.I.O. സംസ്ഥാന പ്രസിഡന്‍റ്;
 സഫീര്‍ഷ ജനറല്‍ സെക്രട്ടറി
കോഴിക്കോട്: 2013-2014 പ്രവര്‍ത്തന കാലയളവിലേക്കുള്ള എസ്.ഐ.ഒ സംസ്ഥാന പ്രസിഡന്‍റായി എസ്. ഇര്‍ഷാദും ജനറല്‍ സെക്രട്ടറിയായി കെ.വി. മുഹമ്മദ് സഫീര്‍ഷയും  തെരഞ്ഞെടുക്കപ്പെട്ടു. കെ.പി. തൗഫീഖ് (സംഘടന), കെ.എസ്. നിസാര്‍ (കാമ്പസ്), കെ.കെ. അശ്റഫ് (പബ്ളിക് റിലേഷന്‍), എ. അനസ് (വിദ്യാഭ്യാസം), നഹാസ് മാള (സംവേദന വേദി), ജുമൈല്‍ കൊടിഞ്ഞി (ദീനീ മദാരിസ്),ഒ.കെ. ഫാരിസ് (ഹൈസ്കൂള്‍ ആന്‍ഡ് ഹയര്‍ സെക്കന്‍ഡറി) എന്നിവര്‍ സെക്രട്ടറിമാരാണ്.
കൊല്ലം ജില്ലയിലെ ചടയമംഗലം സ്വദേശിയായ എസ്. ഇര്‍ഷാദ് നിലവില്‍ ദേശീയ സെക്രട്ടറിയാണ്. സംസ്ഥാന ജനറല്‍ സെക്രട്ടറിയായും പ്രവര്‍ത്തിച്ചിട്ടുണ്ട്. മലപ്പുറം ജില്ലയിലെ വളാഞ്ചേരി സ്വദേശിയാണ് സഫീര്‍ഷ.
സംസ്ഥാന ആസ്ഥാനമായ വിദ്യാര്‍ഥി ഭവനില്‍ നടന്ന തെരഞ്ഞെടുപ്പിന് സംസ്ഥാന രക്ഷാധികാരി ടി. ആരിഫലി നേതൃത്വം നല്‍കി. എസ്.ഐ.ഒ സംസ്ഥാന പ്രസിഡന്‍റ് ശിഹാബ് പൂക്കോട്ടൂര്‍ സ്വാഗതം പറഞ്ഞു.