ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----
Showing posts with label QSC KANNUR. Show all posts
Showing posts with label QSC KANNUR. Show all posts

Thursday, July 25, 2013

ഖുര്‍ആന്‍ ക്വിസ്

 ഖുര്‍ആന്‍ ക്വിസ്
കണ്ണൂര്‍: ഖുര്‍ആന്‍ സ്റ്റഡി സെന്‍ററിന്‍െറ ആഭിമുഖ്യത്തില്‍ ഖുര്‍ആന്‍ ക്വിസ് മത്സരം സംഘടിപ്പിക്കുമെന്ന് ജില്ലാ കോഓഡിനേറ്റര്‍ മൂസ മാസ്റ്റര്‍ അറിയിച്ചു. സ്റ്റഡി സെന്‍റര്‍ മുഖേന വിതരണം ചെയ്യുന്ന ചോദ്യക്കടലാസ് പൂരിപ്പിച്ച് ആഗസ്റ്റ് മൂന്നിനകം സെന്‍ററുകളില്‍ ഏല്‍പ്പിക്കണം. കണ്ണൂര്‍ കൗസര്‍ കോംപ്ളക്സ്, മട്ടന്നൂര്‍ ഹിറ സെന്‍റര്‍, തലശ്ശേരി ഇസ്ലാമിക് സെന്‍റര്‍, അല്‍ഫലാഹ് പെരിങ്ങാടി, ഐഡിയല്‍ കോളജ് ഉളിയില്‍, മസ്ജിദുറഹ്മ പാനൂര്‍ തുടങ്ങിയ സെന്‍ററുകളില്‍നിന്ന് ചോദ്യപേപ്പര്‍ ലഭിക്കും. വിജയികള്‍ക്ക് ചെറിയപെരുന്നാള്‍ ദിനം ആകര്‍ഷകമായ സമ്മാനങ്ങള്‍ നല്‍കും. കൂടുതല്‍ വിവരങ്ങള്‍ക്ക് 9446313721 എന്ന നമ്പറില്‍ ബന്ധപ്പെടണം.

Monday, June 10, 2013

ഖുര്‍ആന്‍ സ്റ്റഡി സെന്‍റര്‍ പുതിയ ബാച്ച് ഉദ്ഘാടനം

 
 


ഖുര്‍ആന്‍ സ്റ്റഡി സെന്‍റര്‍ പുതിയ 
ബാച്ച് ഉദ്ഘാടനം
കണ്ണൂര്‍: ഖുര്‍ആന്‍ സ്റ്റഡി സെന്‍റര്‍ കൗസര്‍ യൂനിറ്റിന്‍െറ പുതിയ ബാച്ച് കൗസര്‍ കോംപ്ളക്സ് ഓഡിറ്റോറിയത്തില്‍ കാംബസാര്‍ ജുമാമസ്ജിദ് ഖത്തീബ് ഹാഫിസ് അനസ് മൗലവി ഉദ്ഘാടനം ചെയ്തു. ടി.കെ. മുഹമ്മദലി അധ്യക്ഷത വഹിച്ചു. ജമാഅത്തെ ഇസ്ലാമി ജില്ലാ പ്രസിഡന്‍റ് യു.പി. സിദ്ദീഖ് മാസ്റ്റര്‍ മുഖ്യപ്രഭാഷണം നടത്തി. എന്‍.എം. ബഷീര്‍ മാസ്റ്റര്‍, കെ.പി. ഹിഷാം മാസ്റ്റര്‍ എന്നിവര്‍ സംസാരിച്ചു. ഡയറക്ടര്‍ ഡോ. പി. സലീം സ്വാഗതം പറഞ്ഞു.

Saturday, June 8, 2013

ഖുര്‍ആന്‍ സ്റ്റഡി സെന്‍റര്‍ ഉദ്ഘാടനം നാളെ

ഖുര്‍ആന്‍ സ്റ്റഡി സെന്‍റര്‍
ഉദ്ഘാടനം നാളെ
കണ്ണൂര്‍: ഖുര്‍ആന്‍ സ്റ്റഡി സെന്‍റര്‍ കേരള, കൗസര്‍ യൂനിറ്റിന് കീഴിലുള്ള പുതിയ ബാച്ച് നാളെ രാവിലെ കൗസര്‍ കോംപ്ളക്സില്‍ കണ്ണൂര്‍ കാംബസാര്‍ ഖത്തീബ് ഹാഫിസ് അനസ് മൗലവി ഉദ്ഘാടനം ചെയ്യും. ജമാഅത്തെ ഇസ്ലാമി ജില്ലാ പ്രസിഡന്‍റ് യു.പി. സിദ്ദീഖ് മാസ്റ്റര്‍ അധ്യക്ഷത വഹിക്കും.

Tuesday, May 28, 2013

ഖുര്‍ആന്‍ പരീക്ഷ

 
 ഖുര്‍ആന്‍ പരീക്ഷ
കണ്ണൂര്‍: ഖുര്‍ആന്‍ സ്റ്റഡി സെന്‍റര്‍ കേരളയുടെ ആഭിമുഖ്യത്തില്‍ പൊതുജനങ്ങള്‍ക്കായി നടത്തിയ ഖുര്‍ആന്‍ പരീക്ഷയില്‍ മുന്നൂറോളം പേര്‍ പങ്കെടുത്തു.
75 വയസ്സ് പിന്നിട്ട കണ്ണൂരിലെ റിട്ട. എസ്.പി അബൂബക്കര്‍ ഹാജി, എം. അബ്ദുറഹ്മാന്‍കുട്ടി മാസ്റ്റര്‍ (റിട്ട. എ.ഇ.ഒ), പതിമൂന്നുകാരികളായ രിസ പര്‍വീന്‍ (മാട്ടൂല്‍), ഫാത്തിമ ഷഹാന, ഫാത്തിമത്തുല്‍ ഷഹന (ഞാലുവയല്‍) എന്നിവരടക്കം വിദ്യാര്‍ഥികളും വൃദ്ധരും പരീക്ഷയെഴുതി.
കണ്ണൂര്‍ കൗസര്‍, മാഹി പെരിങ്ങാടി അല്‍ ഫലാഹ് കോളജ്, മട്ടന്നൂര്‍ ഹിറാ സെന്‍റര്‍, പയ്യന്നൂര്‍ ഹിറാ സെന്‍റര്‍ എന്നിവിടങ്ങളില്‍ നടന്ന പരീക്ഷക്ക് കെ. ഹിഷാം മാസ്റ്റര്‍, സി.കെ. ഹസീബ, അശ്റഫ് മാസ്റ്റര്‍, ഹസീന സകരിയ്യ, സി. അലി, പിലാത്തറ മുഹമ്മദലി മാസ്റ്റര്‍ എന്നിവര്‍ നേതൃത്വംനല്‍കി.

Tuesday, May 21, 2013

ഖുര്‍ആന്‍ സ്റ്റഡി സെന്‍റര്‍ പരീക്ഷകള്‍ മാറ്റിവെച്ചു

ഖുര്‍ആന്‍ സ്റ്റഡി സെന്‍റര്‍ പരീക്ഷകള്‍
മാറ്റിവെച്ചു
കണ്ണൂര്‍: മേയ് 19ന് നടത്തേണ്ടിയിരുന്ന ഖുര്‍ആന്‍ സ്റ്റഡി സെന്‍റര്‍ പരീക്ഷകള്‍ മേയ് 26ലേക്ക് മാറ്റിയതായി ജില്ല കോഓഡിനേറ്റര്‍ അറിയിച്ചു. കണ്ണൂര്‍ കൗസര്‍, പെരിങ്ങാടി അല്‍ഫലാഹ്, മട്ടന്നൂര്‍ ഹിറാ സെന്‍റര്‍, പയ്യന്നൂര്‍ മസ്ജിദുറഹ്മ എന്നിവയാണ് പരീക്ഷാ കേന്ദ്രങ്ങള്‍. പരീക്ഷാര്‍ഥികള്‍ ഹാള്‍ടിക്കറ്റുകള്‍ സ്റ്റഡി സെന്‍ററുകളില്‍നിന്ന് സ്വീകരിക്കണം.

Monday, January 28, 2013

ഖുര്‍ആന്‍ സ്റ്റഡി സെന്‍റര്‍ സംസ്ഥാന സംഗമം

ഖുര്‍ആന്‍ സ്റ്റഡി സെന്‍റര്‍ സംസ്ഥാന സംഗമം:
ഖുര്‍ആന്‍ എല്ലാ സമൂഹങ്ങള്‍ക്കും
മാതൃക -സയ്യിദ് ജലാലുദ്ദീന്‍ ഉമരി
 കല്‍പറ്റ: വിശുദ്ധ ഖുര്‍ആന്‍ ലോകത്തിലെ മുഴുവന്‍ സമൂഹങ്ങള്‍ക്കും മാതൃകയും വഴികാട്ടിയുമാണെന്ന് ജമാഅത്തെ ഇസ്ലാമി ഹിന്ദ് അമീര്‍ മൗലാന സയ്യിദ് ജലാലുദ്ദീന്‍ ഉമരി പറഞ്ഞു. ഖുര്‍ആന്‍ സ്റ്റഡി സെന്‍റര്‍ കേരളയുടെ സംസ്ഥാന സംഗമവും അവാര്‍ഡ് ദാന ചടങ്ങും വയനാട് കല്‍പറ്റ ലളിത് മഹല്‍ ഓഡിറ്റോറിയത്തില്‍ ഉദ്ഘാടനം ചെയ്യുകയായിരുന്നു അദ്ദേഹം.
മനുഷ്യനു മുമ്പില്‍ പലതരം മാര്‍ഗങ്ങളുണ്ട്. അതില്‍ ഏറ്റവും ശരിയായ മാര്‍ഗം ഖുര്‍ആനാണ്. ഖുര്‍ആന്‍െറ ഏതെങ്കിലും ഭാഗം മാത്രം ജീവിതത്തില്‍ പകര്‍ത്തുകയല്ല, സമസ്ത മേഖലകളിലും മാര്‍ഗദര്‍ശമായി സ്വീകരിക്കണം.
ഖുര്‍ആന്‍ പഠിക്കുന്നവരും പഠിപ്പിക്കുന്നവരുമാണ് ഏറ്റവും ഉത്തമരെന്ന് പ്രവാചക സന്ദേശമുണ്ട്. ആരാധന, കുടുംബബന്ധം, രാഷ്ട്രീയം, സാമ്പത്തികം തുടങ്ങിയ എല്ലാ മേഖലകളിലും ഖുര്‍ആന് വ്യക്തമായ നിര്‍ദേശങ്ങളുണ്ട്. ഏറ്റവും വലിയ വിപ്ളവത്തിന് കെല്‍പുള്ള ഗ്രന്ഥമാണിത് -ജലാലുദ്ദീന്‍ ഉമരി പറഞ്ഞു.
ജമാഅത്തെ ഇസ്ലാമി കേരള അമീര്‍ ടി. ആരിഫലി അധ്യക്ഷത വഹിച്ചു.
സന്മാര്‍ഗത്തെ പിന്തുടരാന്‍ നിരന്തരം ആവശ്യപ്പെടുന്ന ഖുര്‍ആന്‍ എല്ലാ മൂല്യങ്ങളും മനുഷ്യ സമൂഹത്തിന് കാണിച്ചു തരുന്നുണ്ടെന്ന് ആരിഫലി പറഞ്ഞു.നാഗരികതയും ആധുനികതയും ശാസ്ത്ര, സാങ്കേതിക രംഗവും എത്ര വളര്‍ന്നാലും അതിന്‍െറയെല്ലാം അടിസ്ഥാനമായി ധാര്‍മിക മൂല്യങ്ങളുണ്ടാകുമ്പോള്‍ മാത്രമേ അതുകൊണ്ട് മനുഷ്യരാശിക്ക് പ്രയോജനമുള്ളൂ. ഇത്തരം അടിസ്ഥാന മൂല്യങ്ങളാണ് ഖുര്‍ആന്‍ പഠിപ്പിക്കുന്നത്.പാശ്ചാത്യമൂല്യങ്ങളില്‍നിന്നാണ് ബലാത്സംഗം പോലുള്ള തിന്മകള്‍ വളര്‍ന്നുവരുന്നതെന്നും അദ്ദേഹം പറഞ്ഞു.
ഖുര്‍ആന്‍ പഠനം ജനകീയമാക്കുന്നതില്‍ സ്റ്റഡി സെന്‍റര്‍ വലിയ പങ്കാണ് വഹിക്കുന്നതെന്ന് മുഖ്യപ്രഭാഷണം നടത്തിയ ഇ.ടി. മുഹമ്മദ് ബഷീര്‍ എം.പി പറഞ്ഞു. ഖുര്‍ആനിലേക്ക് കൂടുതല്‍ ആളുകളെ എത്തിക്കുകയും അതിനുള്ള പാഠ്യപദ്ധതി ക്രമീകരിക്കുകയുമാണ് ആവശ്യം -അദ്ദേഹം പറഞ്ഞു. അഖിലേന്ത്യാ അമീറിന്‍െറ പ്രസംഗം ജമാല്‍ ആലുവ പരിഭാഷപ്പെടുത്തി. മലിക് ശഹ്ബാസ് ‘ഖുര്‍ആനില്‍നിന്ന്’ അവതരിപ്പിച്ചു. ഡോ. ജമാലുദ്ദീന്‍ ഫാറൂഖി, എ.പി. ഹുസൈന്‍ സഖാഫി ചെമ്മലശ്ശേരി, വി.കെ. അലി, റഹ്മാബി എന്നിവര്‍ സംസാരിച്ചു. സംസ്ഥാന കോഓഡിനേറ്റര്‍ കെ.പി. അബ്ദുഖാദിര്‍ സ്വാഗതം പറഞ്ഞു.
ഉച്ചകഴിഞ്ഞ് നടന്ന സെമിനാറില്‍ ജമാഅത്തെ ഇസ്ലാമി കേരള അസി. അമീര്‍ ശൈഖ് മുഹമ്മദ് കാരകുന്ന് അധ്യക്ഷത വഹിച്ചു. തിരുവനന്തപുരം പാളയം ജുമാമസ്ജിദ് ഇമാം മൗലവി ജമാലുദ്ദീന്‍ മങ്കട അവാര്‍ഡ് ദാനം നിര്‍വഹിച്ചു. സ്വാഗത സംഘം ചെയര്‍മാന്‍ വി.പി. ബഷീര്‍ സ്വാഗതം പറഞ്ഞു.
അല്‍ ജാമിഅ ശാന്തപുരം ഡെ. റെക്ടര്‍ ഇല്‍യാസ് മൗലവി, സ്വാഗതസംഘം രക്ഷാധികാരി പി. ആലി ഹാജി, വ്യാപാരി വ്യവസായി ഏകോപന സമിതി വൈ. പ്രസിഡന്‍റ് കെ. കുഞ്ഞിരായിന്‍ ഹാജി എന്നിവര്‍ സംസാരിച്ചു. സ്വാഗതസംഘം ജന. കണ്‍വീനര്‍ കെ. മുസ്തഫ നന്ദി പറഞ്ഞു.  

Sunday, January 27, 2013

ഖുര്‍ആന്‍ സ്റ്റഡി സെന്‍റര്‍ സംസ്ഥാന സംഗമം 27ന് കല്‍പറ്റയില്‍

ഖുര്‍ആന്‍ സ്റ്റഡി സെന്‍റര്‍
സംസ്ഥാന സംഗമം 27ന് കല്‍പറ്റയില്‍
 കല്‍പറ്റ: ഖുര്‍ആന്‍ സ്റ്റഡി സെന്‍റര്‍ കേരളയുടെ സംസ്ഥാന സംഗമവും അവാര്‍ഡ് ദാനവും ജനുവരി 27ന് കല്‍പറ്റ ലളിത് മഹല്‍ ഓഡിറ്റോറിയത്തില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. രാവിലെ 10ന് ജമാഅത്തെ ഇസ്ലാമി അഖിലേന്ത്യാ അമീര്‍ മൗലാനാ സയ്യിദ് ജലാലുദ്ദീന്‍ ഉമരി ഉദ്ഘാടനം ചെയ്യും. കേരള അമീര്‍ ടി. ആരിഫലി അധ്യക്ഷത വഹിക്കും.
11.30ന് നടക്കുന്ന സെമിനാറില്‍ ‘വിശുദ്ധ ഖുര്‍ആനിന്‍െറ അമാനുഷികത’ എന്ന വിഷയത്തില്‍ ഡോ. ജമാലുദ്ദീന്‍ ഫാറൂഖി, ‘വിശുദ്ധ ഖുര്‍ആനിന്‍െറ ആത്മീയത’ എന്ന വിഷയത്തില്‍ എ.പി. ഹുസൈന്‍ സഖാഫി ചെമ്മലശ്ശേരി, ‘സ്ത്രീ വിശുദ്ധ ഖുര്‍ആനില്‍’ എന്ന വിഷയത്തില്‍ പി.വി. റഹ്മാബി, ‘വിശുദ്ധ ഖുര്‍ആനും സമൂഹ സംവിധാനവും’ എന്ന വിഷയത്തില്‍ വി.കെ. അലി എന്നിവര്‍ സംസാരിക്കും.
ഉച്ചക്ക് 2.30ന് അവാര്‍ഡ് ദാന സമ്മേളനം ഇ.ടി. മുഹമ്മദ് ബഷീര്‍ എം.പി ഉദ്ഘാടനം ചെയ്യും. തിരുവനന്തപുരം പാളയം പള്ളി ഇമാം ജമാലുദ്ദീന്‍ മങ്കട അവാര്‍ഡ്ദാനം നിര്‍വഹിക്കും. ജമാഅത്തെ ഇസ്ലാമി കേരള അസി. അമീര്‍ ശൈഖ് മുഹമ്മദ് കാരകുന്ന് അധ്യക്ഷത വഹിക്കും. കല്‍പറ്റ നഗരസഭാ ചെയര്‍മാന്‍ എ.പി. ഹമീദ്, ശാന്തപുരം അല്‍ ജാമിഅ ഡെ. റെക്ടര്‍ ഇല്‍യാസ് മൗലവി, പി. ആലി ഹാജി, വ്യാപാരി വ്യവസായി ഏകോപന സമിതി വയനാട് ജില്ലാ വൈസ് പ്രസിഡന്‍റ് കെ. കുഞ്ഞിരായന്‍ ഹാജി എന്നിവര്‍ സംസാരിക്കും.
കേരളത്തില്‍ 1997ല്‍ രൂപവത്കരിച്ച ഖുര്‍ആന്‍ പഠനവേദിയാണ് ഖുര്‍ആന്‍ സ്റ്റഡി സെന്‍റര്‍ കേരള. ആയിരത്തിലധികം പഠനകേന്ദ്രങ്ങളും പതിനയ്യായിരത്തിലധികം പഠിതാക്കളുമുണ്ട്.
ആഴ്ചയില്‍ രണ്ട് മണിക്കൂര്‍ എന്ന ക്രമത്തില്‍ ഒമ്പതു വര്‍ഷംകൊണ്ട് ഖുര്‍ആനിലെ മുഴുവന്‍ അധ്യായങ്ങളും പഠിക്കാവുന്ന തരത്തിലാണ് സിലബസ്. നാല് ബാച്ചുകള്‍ ഇതിനകം പുറത്തിറങ്ങി. ഹ്രസ്വകാല കോഴ്സുകളും പൊതുക്ളാസുകളും നടത്തുന്നുമുണ്ട്.

Friday, August 24, 2012

ക്ളാസ് ഞായറാഴ്ച തുടങ്ങും

ഖുര്‍ആന്‍ സ്റ്റഡി സെന്‍റര്‍
ക്ളാസ് ഞായറാഴ്ച തുടങ്ങും
കണ്ണൂര്‍: ഖുര്‍ആന്‍ സ്റ്റഡി സെന്‍റര്‍ കൗസര്‍ യൂനിറ്റിലെ എല്ലാ ബാച്ചുകളും ആഗസ്റ്റ് 26ന് ആരംഭിക്കും.

Saturday, August 11, 2012

കാഷ് അവാര്‍ഡ് നല്‍കി

 ഖുര്‍ആന്‍ സ്റ്റഡിസെന്‍ററിന്‍െറ ആഭിമുഖ്യത്തില്‍ നടത്തിയ ജില്ലാതല പരീക്ഷയില്‍ ഒന്നാംറാങ്ക് നേടിയ സുമയ്യാ ഫാറൂഖിന് ജമാഅത്തെ ഇസ്ലാമി ജില്ലാ ജനറല്‍ സെക്രട്ടറി കളത്തില്‍ ബഷീര്‍ കാഷ് അവാര്‍ഡ് നല്‍കുന്നു.

Tuesday, July 10, 2012

ഖുര്‍ആന്‍ സ്റ്റഡിസെന്‍റര്‍ പരീക്ഷാഫലം പ്രഖ്യാപിച്ചു

ഖുര്‍ആന്‍ സ്റ്റഡിസെന്‍റര്‍ 
പരീക്ഷാഫലം പ്രഖ്യാപിച്ചു
കണ്ണൂര്‍: ഖുര്‍ആന്‍ സ്റ്റഡിസെന്‍റര്‍ കേരള 2012 മേയില്‍ നടത്തിയ ജില്ലാതല പരീക്ഷകളുടെ ഫലം പ്രഖ്യാപിച്ചു.
മൂന്നാംവര്‍ഷ പരീക്ഷയില്‍ സുമയ്യ ഫാറൂഖ് (ഞാലുവയല്‍), എം. സമീന എന്നിവര്‍ യഥാക്രമം ഒന്നാംറാങ്കും രണ്ടാംറാങ്കും ബേബി ഹസീബ, ബി. റഹ്മത്ത് (കണ്ണൂര്‍) എന്നിവര്‍ മൂന്നാം റാങ്കും നേടി. 
പ്രിലിമിനറി ഒന്നാംവര്‍ഷ പരീക്ഷയില്‍ കെ. തന്‍സീറ (വളപട്ടണം), എ.കെ. റുഫൈദ (മാട്ടൂല്‍) എന്നിവര്‍ ഒന്നാംറാങ്കും സാബിറ അബൂബക്കര്‍ (പെരിങ്ങാടി), സബ്ന റാഷിദ് (ഫ്രഞ്ച് പെട്ടിപ്പാലം, മാഹി), നദീറ മുസ്തഫ എ.പി.വി (പുതിയങ്ങാടി) എന്നിവര്‍ രണ്ടാംറാങ്കും നേടി. 
ഒന്നാംവര്‍ഷത്തില്‍ 96 ശതമാനവും മൂന്നാംവര്‍ഷത്തില്‍ 100 ശതമാനവും വിജയികളായി. റാങ്ക് നേടിയവരെ ഖുര്‍ആന്‍ സ്റ്റഡിസെന്‍റര്‍ ജില്ലാ നേതൃത്വം അഭിനന്ദിച്ചു.

Saturday, June 30, 2012

ഖുര്‍ആന്‍ സ്റ്റഡി സെന്‍റര്‍ പരീക്ഷാഫലം പ്രസിദ്ധീകരിച്ചു


ഖുര്‍ആന്‍ സ്റ്റഡി സെന്‍റര്‍
പരീക്ഷാഫലം പ്രസിദ്ധീകരിച്ചു
കോഴിക്കോട്: ഖുര്‍ആന്‍ സ്റ്റഡി സെന്‍റര്‍ കേരള 2012 മേയില്‍ നടത്തിയ പ്രിലിമിനറി, സെക്കന്‍ഡറി പരീക്ഷകളുടെ ഫലം പ്രഖ്യാപിച്ചപ്പോള്‍ 80 ശതമാനം പേര്‍ വിജയികളായി.
സെക്കന്‍ഡറി പരീക്ഷയില്‍  വി. താഹിറ   (വടകര,കോഴിക്കോട്) ഒന്നാം റാങ്കു നേടി. പി.കെ.  സഫിയ (മക്കരപറമ്പ്, മലപ്പുറം), കെ.സി. രഹ്ന ബീവി (വളപട്ടണം, കണ്ണൂര്‍) എന്നിവര്‍ രണ്ടാം റാങ്ക് പങ്കിട്ടു.  എം. അസ്മ (കടന്നമണ്ണ ,മലപ്പുറം), സഫിയ ഹംസ (വെണ്‍മനാട്, തൃശൂര്‍) എന്നിവര്‍ മൂന്നാം റാങ്ക് നേടി.
പ്രിലിമിനറി ഒന്നാം റാങ്ക് സി.പി. ജുബീന (പൊന്ന്യം വെസ്റ്റ് കണ്ണൂര്‍) നേടി. ഡോ. സുലൈഖ അന്‍വറിനാണ് (എറണാകുളം) രണ്ടാം റാങ്ക്.  മൂന്നാം റാങ്ക് സി.പി. ഷമീദയും (പൊന്ന്യം വെസ്റ്റ്, കണ്ണൂര്‍), സുലൈഖ ലിയാഖത്തും (മഞ്ചേരി, മലപ്പുറം) പങ്കിട്ടു.
ജില്ലാ തലത്തിലും സംസ്ഥാന തലത്തിലുമായി നടന്ന വിവിധ പരീക്ഷകളില്‍ 2000ഓളം പേര്‍ പങ്കെടുത്തു. ജില്ലാതല പരീക്ഷകളിലെ റാങ്ക് ജേതാക്കള്‍ക്ക് ജില്ലാ സംഗമങ്ങളിലും സംസ്ഥാനതല ജേതാക്കള്‍ക്ക് സംസ്ഥാന സംഗമത്തിലും അവാര്‍ഡ് നല്‍കുമെന്ന്  ഖുര്‍ആന്‍ സ്റ്റഡി സെന്‍റര്‍ സംസ്ഥാന കോഓഡിനേറ്റര്‍ അറിയിച്ചു.

Monday, June 11, 2012

ഖുര്‍ആന്‍ സ്റ്റഡി സെന്‍റര്‍ പുതിയ ബാച്ച് തുടങ്ങി

 ഖുര്‍ആന്‍ സ്റ്റഡി സെന്‍റര്‍ പുതിയ ബാച്ച് തുടങ്ങി
കണ്ണൂര്‍: ദൈവ കാരുണ്യത്തിലേക്കുള്ള കവാടമാണ് ഖുര്‍ആന്‍ പഠനത്തിലൂടെ തുറക്കപ്പെടുന്നതെന്ന് ജസ്റ്റിസ് വി. ഖാലിദ്. മനുഷ്യന്‍െറ കൈകടത്തലുകള്‍ക്ക് വിധേയമാകാതെ ഖുര്‍ആന്‍ നിത്യനൂതന ഗ്രന്ഥമായി നിലനില്‍ക്കുന്നത് അതിന്‍െറ അതുല്യത കൊണ്ടാണ്. കണ്ണൂര്‍ കൗസറില്‍ ഖുര്‍ആന്‍ സ്റ്റഡി സെന്‍ററിന്‍െറ പുതിയ ബാച്ചിന്‍െറ ഉദ്ഘാടനം നിര്‍വഹിക്കുകയായിരുന്നു അദ്ദേഹം. ജമാഅത്തെ ഇസ്ലാമി കാസര്‍കോട് ജില്ലാ പ്രസിഡന്‍റ് യു.പി. സിദ്ദീഖ് അധ്യക്ഷത വഹിച്ചു. പഠിതാക്കളുടെ ഹാന്‍ഡ്ബുക്കിന്‍െറ പ്രകാശനം പി.സി. മുനീര്‍ മാസ്റ്റര്‍ നിര്‍വഹിച്ചു. ഖുര്‍ആന്‍ പഠിതാക്കളില്‍ സംസ്ഥാനതലത്തില്‍ റാങ്ക് നേടിയ പി.പി. ജുമാനക്കും മജ്ലിസ് ഏഴാംക്ളാസ് പരീക്ഷയില്‍ കൗസര്‍ മദ്റസയില്‍ ഒന്നാംറാങ്ക് നേടിയ നദാ ശാഫിക്കും അവാര്‍ഡുകള്‍ നല്‍കി. ഡോ. പി. സലിം, മമ്മു മൗലവി, ഡോ. അബ്ദുല്‍ഗഫൂര്‍, ബഷീര്‍ മാസ്റ്റര്‍, ഹിഷാം മാസ്റ്റര്‍, ഷാഫി മൊയ്തു,വി. സാദിഖ് എന്നിവര്‍ സംസാരിച്ചു.

Monday, May 21, 2012

ഖുര്‍ആന്‍ സ്റ്റഡി സെന്‍റര്‍ പരീക്ഷ നടത്തി

 
 
 ഖുര്‍ആന്‍ സ്റ്റഡി സെന്‍റര്‍
പരീക്ഷ നടത്തി
‘ഖുര്‍ആന്‍ സ്റ്റഡി സെന്‍റര്‍ കേരള’യുടെ ആഭിമുഖ്യത്തില്‍ സംസ്ഥാനതല പൊതുപരീക്ഷ കണ്ണൂര്‍ ജില്ലയില്‍ മൂന്ന് കേന്ദ്രങ്ങളിലായി നടന്നു. 300ഓളം പഠിതാക്കള്‍ പങ്കെടുത്തു. എട്ടുവര്‍ഷംകൊണ്ട് ഖുര്‍ആന്‍ അര്‍ഥസഹിതം വിശദീകരണത്തോടുകൂടി പഠിപ്പിക്കുന്ന സിലബസാണ് ഖുര്‍ആന്‍ സ്റ്റഡി സെന്‍ററിന്‍േറത്. ഇതോടൊപ്പം അറബിഭാഷയില്‍ പരിജ്ഞാനവും, പ്രവാചക ചര്യയില്‍ (ഹദീസ്) പ്രാവീണ്യവും നേടാന്‍ പരിശീലനം നല്‍കുന്നുണ്ട്. ഉദ്യോഗസ്ഥരും സാധാരണക്കാരും പ്രൈമറി ക്ളാസുകളില്‍ പഠിക്കുന്ന വിദ്യാര്‍ഥികളും ഉള്‍പ്പെടെ നിരവധിപേര്‍ ജില്ലയിലെ വിവിധ സ്റ്റഡിസെന്‍ററുകളില്‍ പഠനത്തിനത്തെുന്നുണ്ട്. പ്രഗല്ഭരായ അധ്യാപകരാണ് പഠനത്തിന് നേതൃത്വം നല്‍കുന്നത്. കണ്ണൂര്‍ കൗസര്‍ ഓഡിറ്റോറിയം, പെരിങ്ങാടി അല്‍ഫലാഹ് കോളജ്, മട്ടാമ്പ്രം ഇസ്ലാമിക് സെന്‍റര്‍ എന്നിവിടങ്ങളില്‍ നടന്ന പരീക്ഷക്ക് എന്‍.എം. മൂസമാസ്റ്റര്‍, എന്‍.എം. ബഷീര്‍, ജമീല ടീച്ചര്‍, കെ. ഹിഷാം, കെ.കെ. ഇബ്രാഹിം മാസ്റ്റര്‍, കെ. സാബിക്, റംല ടീച്ചര്‍ എന്നിവര്‍ നേതൃത്വം നല്‍കി.

Monday, April 9, 2012

ഖുര്‍ആന്‍ സ്റ്റഡി സെന്‍റര്‍ പരീക്ഷ

ഖുര്‍ആന്‍ സ്റ്റഡി സെന്‍റര്‍ പരീക്ഷ
കണ്ണൂര്‍: ഖുര്‍ആന്‍ സ്റ്റഡി സെന്‍റര്‍ സംസ്ഥാന-ജില്ലാ തല പരീക്ഷകള്‍ മേയ് 20ന് നടക്കും. ജില്ലയിലെ വിവിധ കേന്ദ്രങ്ങളില്‍ നടക്കുന്ന പരീക്ഷകള്‍ക്ക് അപേക്ഷിക്കാനുള്ള അവസാന തീയതി ഏപ്രില്‍ 14 ആണെന്ന് ജില്ലാ കോഓഡിനേറ്റര്‍ അറിയിച്ചു.

Monday, February 13, 2012

പ്രവാചകന്മാര്‍ അംഗീകരിക്കപ്പെടുന്നതിനെ വിശ്വാസികള്‍ സ്വാഗതം ചെയ്യണം -ടി. ആരിഫലി

പ്രവാചകന്മാര്‍ അംഗീകരിക്കപ്പെടുന്നതിനെ
വിശ്വാസികള്‍ സ്വാഗതം ചെയ്യണം
-ടി. ആരിഫലി
ആലുവ: മാര്‍ക്സിസം പോലും മതവിമോചകരുടെ സാധ്യതകള്‍ അനാവരണം ചെയ്യുന്ന കാല്ധാണ് നാം ജീവിക്കുന്നതെന്ന് ജമാഅ്ധ ഇസ്ലാമി കേരള അമീര്‍ ടി. ആരിഫലി. ആലുവ ഹിറ നഗറില്‍ ഖുര്‍ആന്‍ സ്റ്റഡി സെന്റര്‍ കേരള സംസ്ഥാന സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മതം സാമൂഹിക ജീവിത്ധിലും മുറുകെപ്പിടിച്ചിരുന്ന വിശ്വാസികളെ ഫണ്ടമെന്റലിസ്റ്റുകളും തീവ്രവാദികളും എക്സ്ട്രീമിസ്റ്റുകളുമൊക്കെ ആക്കിയ കാലഘട്ട്ധില്‍ നിന്ന് ഭിന്നമായി മത്ധിന്റെ സാമൂഹിക മുഖം  ലോകം തിരിച്ചറിഞ്ഞ് തുടങ്ങിയിരിക്കുന്നു. മാര്‍ക്സിസം ഇന്ന് മത വിമോചകരെ നെഞ്ചേറ്റുന്നു. പ്രവാചകന്മാര്‍ അംഗീകരിക്കപ്പെടുന്നതിനെ വിശ്വാസികള്‍ സ്വാഗതം ചെയ്യണം. പ്രവാചക ദര്‍ശനങ്ങളെ അവരെ പഠിപ്പിക്കാനുള്ള വഴിയായി ഇതിനെ കാണണമെന്നും അദ്ദേഹം പറഞ്ഞു.
ഇസ്ലാമില്‍ നിന്ന് നഷ്ടപ്പെട്ടുകൊണ്ടിരിക്കുന്ന സാമൂഹികമുഖം തിരിച്ചുപിടിക്കാനാണ് ഇസ്ലാമിക പ്രസ്ഥാനങ്ങള്‍ ശ്രമിച്ചുകൊണ്ടിരിക്കുന്നത്. ഈജിപ്തിലും ടുനീഷ്യയിലും മൊറോക്കോയിലും ലിബിയയിലും പ്രവാചക ദൌത്യമാണ് ഇസ്ലാമിക പ്രസ്ഥാനങ്ങള്‍ ഏറ്റെട്ധുത്. മതമൂല്യങ്ങളില്‍ നിന്ന് അകറ്റിയെട്ധു സാമൂഹിക ഘടന പലപേരുകളില്‍ മനുഷ്യന്‍ പരീക്ഷിച്ച് നോക്കി. ഇന്ന് അതിന്റെ നിര്‍ണായക ഘട്ട്ധിലാണുള്ളത്. ഇവയില്‍ നിന്നൊക്കെ മനുഷ്യന് നിരവധി തിരിച്ചടികളുമുണ്ടായി. ഇപ്പോള്‍ തിരിച്ചറിവുകളുടെ കാലമാണ്. മത്ധിനും സാമൂഹിക ജീവിത്ധില്‍ ചിലത് ചെയ്യാനുണ്ട് എന്ന തിരിച്ചറിവിലേക്ക് ലോകം എ്ധി. ഈ സാഹചര്യം ഉപയോഗപ്പെട്ധുി സര്‍വചരാചരങ്ങള്‍ക്കും നന്മ പ്രദാനം ചെയ്യുന്ന ഖുര്‍ആന്‍ വിശ്വാസികള്‍ ഉയര്ധ്‍ിപ്പിടിക്കുന്നുണ്ടോയെന്ന ചോദ്യം പ്രസക്തമാണെന്നും അദ്ദേഹം പറഞ്ഞു. 21 ാം നൂറ്റാണ്ടില്‍ ഖുര്‍ആന്‍ വിസ്മയകരമായ ദൌത്യങ്ങളാണ് നിര്‍വഹിക്കുന്നതെന്ന് അധ്യക്ഷത വഹിച്ച ജമാഅ്ധ ഇസ്ലാമി കേരള അസി. അമീര്‍ ശൈഖ് മുഹമ്മദ് കാരകുന്ന് പറഞ്ഞു. കാലങ്ങളായി പരീക്ഷിച്ച ലോക്ധിലെ രാഷ്ട്രീയ കക്ഷികള്‍ ജനവിരുദ്ധമാകുമ്പോള്‍ ഇസ്ലാം കാലാതിവര്ധ്‍ിയായി ഉയരുന്നു. ചടങ്ങില്‍ ഖാലിദ പര്‍വീണ്‍ (ഹൈദരാബാദ്) ഖുര്‍ആന്‍ സ്റ്റഡി സെന്റര്‍ ജേതാക്കള്‍ക്ക് അവാര്‍ഡ് വിതരണം നട്ധി.
ആലുവ നഗരസഭ ചെയര്‍മാന്‍ എം.ടി. ജേക്കബ് സംസാരിച്ചു.  സലാഹുദ്ദീന്‍ മദനി, ഫരീദുദ്ദീന്‍ മൌലവി കാളിയാര്‍, മൌലവി ജമാലുദ്ദീന്‍ മങ്കട, പി. മുജീബ് റഹ്മാന്‍, ഇല്‍യാസ് മൌലവി, സ്വഫിയ ശറഫിയ്യ എന്നിവര്‍ വിവിധ വിഷയങ്ങളില്‍ സംസാരിച്ചു. മൌലവി ബഷീര്‍ മുഹ്യിദ്ദീന്‍ \'ഖുര്‍ആനില്‍ നിന്ന്\' അവതരിപ്പിച്ചു. ഖുര്‍ആന്‍ സ്റ്റഡി സെന്റര്‍ കേരള കോ ഓഡിനേറ്റര്‍ കെ.പി. അബ്ദുല്‍ ഖാദര്‍ മൌലവി സ്വാഗതവും സംസ്ഥാന സംഗമം സ്വാഗതസംഘം ചെയര്‍മാന്‍ എം.എം. അബ്ദുല്‍ അസീസ് നന്ദിയും പറഞ്ഞു.

Monday, January 23, 2012

ഖുര്‍ആന്റെ വിമോചനാത്മകത ചര്‍ച്ചയാകുന്നു - എം.ഐ. അബ്ദുല്‍ അസീസ്

 
 
 ഖുര്‍ആന്റെ വിമോചനാത്മകത ചര്‍ച്ചയാകുന്നു
- എം.ഐ. അബ്ദുല്‍ അസീസ്
തലശേãരി: വിശുദ്ധ ഖുര്‍ആന്റെ വിമോചനാത്മകത ആഗോള സമൂഹം സജീവമായി ചര്‍ച്ച ചെയ്യുകയാണെന്ന് ജമാഅത്തെ ഇസ്ലാമി അസിസ്റ്റന്റ് അമീര്‍ എം.ഐ. അബ്ദുല്‍ അസീസ്. ഖുര്‍ആന്‍ സ്റ്റഡിസെന്റര്‍ കേരളയുടെ ജില്ലാ സംഗമം തലശേãരി ടൌണ്‍ഹാളില്‍ ഉദ്ഘാടനം ചെയ്യുകയായിരുന്നു അദ്ദേഹം.
ഖുര്‍ആന്റെ വിപ്ലവാത്മകത പഠിക്കുന്നതിന് പാശ്ചാത്യ ബുദ്ധിജീവികളും വിദ്യാര്‍ഥികളും അറബ് വസന്തത്തിലെ വിപ്ലവ നായകനായ റാശിദ് ഗനൂശിയോട് നിരന്തര സമ്പര്‍ക്കം പുലര്‍ത്തി വരുകയാണ്. സമകാലിക യാഥാര്‍ഥ്യങ്ങളില്‍ നിന്ന് പാഠമുള്‍ക്കൊണ്ട് മുസ്ലിം സമൂഹം സ്രഷ്ടാവ് ഏല്‍പിച്ച ബാധ്യതകള്‍ നിര്‍വഹിക്കാന്‍ മുന്നോട്ടു വരണം. പലിശരഹിത ഇസ്ലാമിക ബാങ്കിങ് തുടങ്ങാന്‍ കേരളത്തില്‍ സര്‍ക്കാര്‍ തലത്തില്‍ നടപടി ആരംഭിച്ചത് എടുത്തുപറയത്തക്ക നേട്ടമാണെന്ന് അദ്ദേഹം അഭിപ്രായപ്പെട്ടു.
വിശ്വാസവൈവിധ്യം ഖുര്‍ആന്‍ അംഗീകരിച്ചതാണെന്നും ഇതര മതങ്ങളുടെ ആരാധനാമൂര്‍ത്തികളെ ആക്ഷേപിക്കുന്നത് ഖുര്‍ആന്‍ തടഞ്ഞത് ഇസ്ലാമിന്റെ ക്രിയാത്മക ഇടപെടലാണ് കാണിക്കുന്നതെന്നും 'ഖുര്‍ആനും ബഹുസ്വര സമൂഹവും' എന്ന വിഷയത്തില്‍ സംസാരിക്കവേ തിരുവനന്തപുരം പാളയം പള്ളി ഇമാം മൌലവി ജമാലുദ്ദീന്‍ മങ്കട ചൂണ്ടിക്കാട്ടി. പ്രവാചക ദൌത്യം ഏറ്റെടുത്ത ഇസ്ലാമിക സമൂഹം ബഹുസ്വര സമൂഹത്തില്‍ ഉണര്‍ന്ന് പ്രവര്‍ത്തിക്കണം.
'ഖുര്‍ആനിലെ കുടുംബം' എന്ന വിഷയത്തില്‍ സഫിയ ശര്‍ഫിയ പ്രഭാഷണം നടത്തി. 'ഖുര്‍ആന്‍ വിസ്മയങ്ങളിലൂടെ ഒരു യാത്ര' എന്ന പരിപാടി ശാന്തപുരം അല്‍ജാമിഅ കോളജ് ലെക്ചറര്‍ നഹാസ് മാള അവതരിപ്പിച്ചു.
 ജമാഅത്തെ ഇസ്ലാമി ജില്ലാ പ്രസിഡന്റ് ടി.കെ. മുഹമ്മദലി അധ്യക്ഷത വഹിച്ചു. എസ്.എ. പുതിയവളപ്പില്‍, അഡ്വ. പി.പി. ജയരാജന്‍, കെ.ബി. മുഹമ്മദലി മൌലവി, സി. മഹമൂദ് ഹാജി, കെ.ടി. അന്ത്രു മൌലവി എന്നിവര്‍ സംസാരിച്ചു. ഖുര്‍ആന്‍ സ്റ്റഡിസെന്റര്‍ ജില്ലാ കോര്‍ഡിനേറ്റര്‍ പി.സി. മുനീര്‍ സ്വാഗതവും ജമാഅത്തെ ഇസ്ലാമി തലശേãരി ഏരിയ പ്രസിഡന്റ് യു. ഉസ്മാന്‍ നന്ദിയും പറഞ്ഞു.

Saturday, January 21, 2012

ഖുര്‍ആന്‍ സ്റ്റഡി സെന്റര്‍ ജില്ലാ സംഗമം നാളെ

ഖുര്‍ആന്‍ സ്റ്റഡി സെന്റര്‍
ജില്ലാ സംഗമം നാളെ
തലശേãരി: ഖുര്‍ആന്‍ സ്റ്റഡിസെന്റര്‍ കേരളയുടെ കണ്ണൂര്‍ ജില്ലാ സംഗമം ജനുവരി 22ന് രാവിലെ 9.30 മുതല്‍ തലശേãരി ടൌണ്‍ഹാളില്‍ നടക്കും. ജമാഅത്തെ ഇസ്ലാമി അസിസ്റ്റന്റ് അമീര്‍ എം.ഐ. അബ്ദുല്‍ അസീസ് ഉദ്ഘാടനം ചെയ്യും. 'ഖുര്‍ആനിലെ കുടുംബം' എന്ന വിഷയത്തില്‍ സഫിയ ശര്‍ഫിയ്യ പ്രഭാഷണം നടത്തും.
എസ്.എ. പുതിയവളപ്പില്‍, അഡ്വ. പി.പി. ജയരാജന്‍, തലശേãരി സ്റ്റേഡിയം മസ്ജിദ് ഖത്തീബ് ഇബ്രാഹിം നജ്മി, സി. മഹ്മൂദ് ഹാജി എന്നിവര്‍ സംസാരിക്കും. ഉച്ച രണ്ടിന് 'ഖുര്‍ആനും ബഹുസ്വര സമൂഹവും' എന്ന വിഷയത്തില്‍ തിരുവനന്തപുരം പാളയം പള്ളി ഇമാം മൌലവി ജമാലുദ്ദീന്‍ മങ്കട പ്രഭാഷണം നടത്തും. 'ഖുര്‍ആന്‍ വിസ്മയങ്ങളിലൂടെ ഒരു യാത്ര' എന്ന പരിപാടിക്ക് നഹാസ് മാള നേതൃത്വം നല്‍കും.