ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----
Showing posts with label SOLIDARITY THALASSERY AREA. Show all posts
Showing posts with label SOLIDARITY THALASSERY AREA. Show all posts

Wednesday, March 20, 2013

ബജറ്റ് രേഖ കത്തിച്ച് പ്രതിഷേധിച്ചു

ബജറ്റ് രേഖ കത്തിച്ച്  പ്രതിഷേധിച്ചു
 തലശ്ശേരി: മലബാര്‍ കാന്‍സര്‍ സെന്‍ററിന്‍െറ വികസനത്തിന് തുക വകയിരുത്താത്തതില്‍ പ്രതിഷേധിച്ച് സോളിഡാരിറ്റിയുടെ നേതൃത്വത്തില്‍ സംസ്ഥാന ബജറ്റിന്‍െറ കോപ്പി കത്തിച്ച് പ്രതിഷേധിച്ചു. ദിനംപ്രതി നൂറുകണക്കിന് രോഗികള്‍ ചികിത്സ തേടിയത്തെുന്ന സ്ഥാപനത്തിന്‍െറ കാര്യത്തില്‍ യു.ഡി.എഫ് സര്‍ക്കാര്‍ പുനരാലോചന നടത്തണമെന്നും യോഗം ആവശ്യപ്പെട്ടു.
തലശ്ശേരി ഏരിയ കമ്മിറ്റിയുടെ നേതൃത്വത്തില്‍ നടന്ന പ്രതിഷേധ യോഗത്തില്‍ കെ. മുഹമ്മദ് നിയാസ്, യു.കെ. സെയ്ദ്, കെ.എം. അഷ്ഫാഖ് എന്നിവര്‍ സംസാരിച്ചു.

Saturday, March 9, 2013

ആശുപത്രി അധികൃതര്‍ക്കെതിരെ കേസെടുക്കണം - സോളിഡാരിറ്റി

ആശുപത്രി അധികൃതര്‍ക്കെതിരെ
കേസെടുക്കണം - സോളിഡാരിറ്റി
തലശ്ശേരി: ഇന്ദിരാഗാന്ധി സഹകരണ ആശുപത്രിയില്‍ നടന്ന പീഡന ശ്രമവുമായി ബന്ധപ്പെട്ട് ആശുപത്രി അധികൃതര്‍ക്കെതിരെയും കേസെടുക്കണമെന്ന് സോളിഡാരിറ്റി തലശ്ശേരി ഏരിയ കമ്മിറ്റി യോഗം ആവശ്യപ്പെട്ടു. സ്ത്രീകളെ പരിചരിക്കാന്‍ ഒരു സുരക്ഷയുമില്ലാതെ പുരുഷന്‍മാരെ നിയോഗിച്ച ആശുപത്രി മാനേജ്മെന്‍റും സംഭവത്തിന് ഉത്തരവാദികളാണ്. ഈ മേഖലയില്‍ കര്‍ശന പെരുമാറ്റച്ചട്ടം കൊണ്ടുവരാന്‍ അധികൃതര്‍ ശ്രദ്ധിക്കണമെന്നും യോഗം ആവശ്യപ്പെട്ടു. യോഗത്തില്‍ ഏരിയ പ്രസിഡന്‍റ് കെ.എം. അഷ്ഫാഖ് അധ്യക്ഷത വഹിച്ചു. പി.എ. ശഹീദ്, പി.പി. സക്കീര്‍, ജസീം എന്നിവര്‍ സംസാരിച്ചു. 

Thursday, August 9, 2012

ഇഫ്താര്‍ വിരുന്ന്

ഇഫ്താര്‍ വിരുന്ന്
തലശ്ശേരി: സോളിഡാരിറ്റി തലശ്ശേരി ഏരിയാ കമ്മിറ്റി സംഘടിപ്പിച്ച ഇഫ്താര്‍ വിരുന്നില്‍ സംസ്ഥാന സമിതിയംഗം കെ.എം. മഖ്ബൂല്‍ മുഖ്യപ്രഭാഷണം നടത്തി. പി.ഇ. സഈദ് അധ്യക്ഷത വഹിച്ചു. വ്യാപാരി വ്യവസായി ഏകോപന സമിതി ജില്ലാ പ്രസിഡന്‍റ് വര്‍ഗീസ്, സി.പി. അഷ്റഫ്, ടി.വി. മോഹനന്‍, റംഷീദ് ഇല്ലിക്കല്‍ എന്നിവര്‍ സംസാരിച്ചു.

Tuesday, April 17, 2012

യുവജനസംഗമം

 യുവജനസംഗമം
തലശ്ശേരി: ജനകീയ സമരങ്ങള്‍ യുവജന സംഘടനകള്‍ കണ്ടില്ളെന്നു നടിക്കുന്നത് ആരെ തൃപ്തിപ്പെടുത്താനാണെന്ന് വ്യക്തമാക്കണമെന്ന് സോളിഡാരിറ്റി ജില്ലാ സെക്രട്ടറി കെ. സാദിഖ്. കനക് ഓഡിറ്റോറിയത്തില്‍ സോളിഡാരിറ്റി തലശ്ശേരി ഏരിയാ കമ്മിറ്റി സംഘടിപ്പിച്ച യുവജനസംഗമം ഉദ്ഘാടനം ചെയ്യുകയായിരുന്നു അദ്ദേഹം. അതിജീവനത്തിന് ജനങ്ങള്‍ നെട്ടോട്ടമോടുമ്പോള്‍ വിപ്ളവം പ്രസംഗിക്കുന്ന യുവജന സംഘടനകള്‍ തിരിഞ്ഞുനോക്കാത്തത് നിര്‍ഭാഗ്യകരമാണെന്നും അദ്ദേഹം പറഞ്ഞു. ചടങ്ങില്‍ സോളിഡാരിറ്റി ഏരിയാ കമ്മിറ്റി ഏര്‍പ്പെടുത്തിയ ‘ജനമിത്ര 2012’ അവാര്‍ഡിനര്‍ഹനായ പത്രപ്രവര്‍ത്തകന്‍ റംഷീദ് ഇല്ലിക്കലിന് ഉപഹാരവും കാഷ് അവാര്‍ഡും നല്‍കി ആദരിച്ചു. ഏരിയാ പ്രസിഡന്‍റ് പി.എ. ഷഹീദ് അധ്യക്ഷത വഹിച്ചു. യു. ഉസ്മാന്‍ സംസാരിച്ചു. സെക്രട്ടറി കെ.എം. അഷ്ഫാഖ് സ്വാഗതം പറഞ്ഞു. സീഡി പ്രദര്‍ശനവും നടന്നു.

Monday, March 19, 2012

പെട്ടിപ്പാലം: നഗരസഭ ആടിനെ പട്ടിയാക്കുന്നു -സോളിഡാരിറ്റി

പെട്ടിപ്പാലം: നഗരസഭ ആടിനെ
പട്ടിയാക്കുന്നു -സോളിഡാരിറ്റി
തലശ്ശേരി: പെട്ടിപ്പാലം സമരത്തെ അവഹേളിക്കുകയും ദുരാരോപണങ്ങളുന്നയിക്കുകയും ചെയ്യുന്ന നഗരസഭയുടെ നിലപാട് ആടിനെ പട്ടിയാക്കുന്ന രീതിയാണെന്ന് സോളിഡാരിറ്റി തലശ്ശേരി ഏരിയാ കമ്മിറ്റി യോഗം ആരോപിച്ചു. വര്‍ഷങ്ങളായി പെട്ടിപ്പാലത്ത് തള്ളിയ മാലിന്യത്തില്‍നിന്ന് ലഭിച്ച അവിഹിത വരുമാനം നഷ്ടപ്പെട്ടുപോകുമെന്ന ഭയത്താലാണ് ഭരണപക്ഷത്തും പ്രതിപക്ഷത്തുമുള്ളവര്‍ ഉറഞ്ഞുതുള്ളുന്നത്. സമരം തുടങ്ങിയശേഷം മാലിന്യസംസ്കരണത്തിന് 23 ലക്ഷം ചെലവാക്കിയെന്ന മറുപടി അഴിമതിയുടെ ആഴം വ്യക്തമാക്കുന്നു.
സമരക്കാര്‍ക്കെതിരെ ആരോപിക്കുന്ന ഭൂമാഫിയ ബന്ധം തെളിയിക്കാന്‍ നഗരസഭ തയാറാവണം. അഴിമതിയില്‍ ഭരണ-പ്രതിപക്ഷ ഒത്തുകളിയുടെ തികഞ്ഞ ഉദാഹരണമാണ് ഇപ്പോള്‍ തലശ്ശേരി നഗരസഭ. ഇത്തരം ജനവിരുദ്ധ നയങ്ങള്‍ക്കെതിരെ സോളിഡാരിറ്റി ശക്തമായ സമരത്തിന് തയാറെടുക്കുകയാണെന്ന് യോഗം മുന്നറിയിപ്പ് നല്‍കി. പ്രസിഡന്‍റ് പി.എ. സഹീദ് അധ്യക്ഷത വഹിച്ചു. സെക്രട്ടറി കെ.എം. അഷ്ഫാഖ് റിപ്പോര്‍ട്ട് അവതരിപ്പിച്ചു. കെ. മുഹമ്മദ് നിയാസ്, പി.പി. സക്കീര്‍ എന്നിവര്‍ സംസാരിച്ചു.

Wednesday, January 4, 2012

പ്രവര്‍ത്തന ഫണ്ട് ഉദ്ഘാടനം

പ്രവര്‍ത്തന ഫണ്ട് ഉദ്ഘാടനം
തലശേãരി: സോളിഡാരിറ്റി പ്രവര്‍ത്തനഫണ്ട് ശേഖരണത്തിന്റെ തലശേãരി ഏരിയാതല ഉദ്ഘാടനം സതേണ്‍ മര്‍ച്ചന്റ് അസോസിയേഷന്‍ പ്രസിഡന്റ് ടി.പി. ചിന്നന്‍ ഏരിയാ പ്രസിഡന്റ് ടി.എ. ശഹീദിനു സംഭാവന നല്‍കി നിര്‍വഹിച്ചു.  ഏരിയാ സമിതിയംഗങ്ങളായ കെ. നിയാസ്, സാജിദ് കോമത്ത് എന്നിവര്‍ പങ്കെടുത്തു.

Saturday, October 15, 2011

തട്ടിപ്പെന്നാരോപിച്ച് നാട്ടുകാര്‍ റോഡ് പ്രവൃത്തി തടഞ്ഞു

 
 
 തട്ടിപ്പെന്നാരോപിച്ച് നാട്ടുകാര്‍
റോഡ് പ്രവൃത്തി തടഞ്ഞു
തലശേãരി: ലോഗന്‍സ് റോഡ് അറ്റകുറ്റപ്പണിയില്‍ തട്ടിപ്പെന്നാക്ഷേപിച്ച് വ്യാപാരികളും നാട്ടുകാരും സോളിഡാരിറ്റി പ്രവര്‍ത്തകരും ചേര്‍ന്ന് പ്രവൃത്തി തടഞ്ഞു. വെള്ളിയാഴ്ച വൈകീട്ട് നാലരയോടെ തലശേãരി ട്രാഫിക് പൊലീസ് സ്റ്റേഷനുമുന്നിലാണ് സംഭവം.
റോഡിലെ കുഴികളില്‍ നേരത്തെ താല്‍ക്കാലികമായി പാകിയ കരിങ്കല്‍ ചീളുകള്‍ മാറ്റാതെ ടാറിങ് നടത്തുന്നുവെന്നാരോപിച്ചാണ് പ്രവൃത്തി തടഞ്ഞത്. റോഡുപണി തടഞ്ഞവര്‍ മുദ്രാവാക്യം മുഴക്കി.
എസ്.ഐ സനല്‍കുമാര്‍ സ്ഥലത്തെത്തി സമരക്കാരുമായും കരാറുകാരുമായും സംസാരിച്ചു. റോഡുപണി ശരിയാംവിധം  ചെയ്യുമെന്ന് കരാറുകാര്‍ ഉറപ്പുനല്‍കിയതിനെ തുടര്‍ന്നാണ് സമരക്കാര്‍ പിരിഞ്ഞത്.

Saturday, June 25, 2011

SOLIDARITY THALASSERY AREA

സോളിഡാരിറ്റി യോഗം
തലശേãരി: മണിചെയിന്‍ തട്ടിപ്പിനെതിരെ സോളിഡാരിറ്റി ജില്ലാ കമ്മിറ്റി നേതൃത്വത്തില്‍ 27ന് നടത്തുന്ന എസ്.പി ഓഫിസ് മാര്‍ച്ച് വിജയിപ്പിക്കാന്‍ തലശേãരി ഏരിയ സെക്രട്ടേറിയറ്റ് യോഗം തീരുമാനിച്ചു. ഏരിയാ പ്രസിഡന്റ് പി.എ സെഹീദ് അധ്യക്ഷത വഹിച്ചു. കെ.പി. ഷാനവാസ്, കെ. സാജിദ് എന്നിവര്‍ സംസാരിച്ചു.