Saturday, March 31, 2012
വി.കെ. മൊയ്തു ഹാജി അനുസ്മരണം ഇന്ന്
വി.കെ. മൊയ്തു ഹാജി അനുസ്മരണം ഇന്ന്
പഴയങ്ങാടി: ഉത്തരകേരളത്തിലെ വിദ്യാഭ്യാസ രംഗത്ത് ശ്രദ്ധേയ സംഭാവനകളര്‍പ്പിച്ച പഴയങ്ങാടി വാദിഹുദ തഅ്ലീമുല്‍ ഇസ്ലാം ട്രസ്റ്റ് ചെയര്‍മാന്‍ വി.കെ.മൊയ്തു ഹാജി അനുസ്മരണ പ്രഭാഷണവും ജമാഅത്തെ ഇസ്ലാമി മാടായി ഏരിയ പുറത്തിറക്കുന്ന സ്മരണിക പ്രകാശനവും ഇന്ന് ഉച്ച രണ്ടുമണിക്ക് വാദിഹുദയില്‍ നടക്കും. ജമാഅത്തെ ഇസ്ലാമി അമീര്‍ ടി.ആരിഫലി സ്മരണിക പ്രകാശനം ചെയ്യും. ടി.കെ.അഹമ്മദ് ഹാജി ഏറ്റുവാങ്ങും. ഗള്‍ഫ് മാധ്യമം ഏഡിറ്റര്‍ വി.കെ.ഹംസ അബ്ബാസ് അനുസ്മരണ പ്രഭാഷണം നടത്തും. ജമാഅത്തെ ഇസ്ലാമി ജില്ലാ പ്രസിഡന്‍റ് ടി.കെ.മുഹമ്മദലി അധ്യക്ഷത വഹിക്കും.
വ്യാപാരി സമ്മേളനം
വ്യാപാരി സമ്മേളനം
കാഞ്ഞിരോട്: വ്യാപാരി വ്യവസായി ഏകോപനസമിതി കാഞ്ഞിരോട് യൂനിറ്റ് സമ്മേളനം ജില്ലാ വൈസ് പ്രസിഡന്‍റ് സി.സി. വര്‍ഗീസ് ഉദ്ഘാടനം ചെയ്തു. മേഖലാ പ്രസിഡന്‍റ് കെ. സുധാകരന്‍ അധ്യക്ഷത വഹിച്ചു. ആദ്യകാല കച്ചവടക്കാരെ മേഖലാ പ്രസിഡന്‍റ് ആദരിച്ചു. ഉച്ചക്കുശേഷം നടന്ന സമ്മേളനത്തില്‍ ജില്ലാ പ്രസിഡന്‍റ് ദേവസ്യ മേച്ചേരി മുഖ്യപ്രഭാഷണം നടത്തി. കാഞ്ഞിരോട് യൂനിറ്റ് പ്രസിഡന്‍റ് അഹമ്മദ് നന്ദി പറഞ്ഞു.
സ്കൂള്‍ വാര്‍ഷികം
സ്കൂള്‍ വാര്‍ഷികം
കാഞ്ഞിരോട്: കാഞ്ഞിരോട് എ.യു.പി സ്കൂള്‍ വാര്‍ഷികാഘോഷം മുണ്ടേരി പഞ്ചായത്ത് പ്രസിഡന്‍റ് സി. ശ്യാമള ഉദ്ഘാടനം ചെയ്തു. പി.ടി.എ പ്രസിഡന്‍റ് പി.സി. ഇബ്രാഹിം അധ്യക്ഷത വഹിച്ചു.
സമ്മാനദാനം അഹമ്മദ്കുട്ടി മാസ്റ്റര്‍ നിര്‍വഹിച്ചു. മഹറൂഫ്, വാര്‍ഡംഗം പി.സി. നൗഷാദ്, എ.എന്‍. അരുണിമ, മദര്‍ പി.ടി.എ പ്രസിഡന്‍റ് എസ്.എം. ശാഹിദ, സി.എ. രാധാകൃഷ്ണന്‍ എന്നിവര്‍ സംസാരിച്ചു. പി.കെ. യമുന നന്ദി പറഞ്ഞു.
സമ്മാനദാനം അഹമ്മദ്കുട്ടി മാസ്റ്റര്‍ നിര്‍വഹിച്ചു. മഹറൂഫ്, വാര്‍ഡംഗം പി.സി. നൗഷാദ്, എ.എന്‍. അരുണിമ, മദര്‍ പി.ടി.എ പ്രസിഡന്‍റ് എസ്.എം. ശാഹിദ, സി.എ. രാധാകൃഷ്ണന്‍ എന്നിവര്‍ സംസാരിച്ചു. പി.കെ. യമുന നന്ദി പറഞ്ഞു.
പെട്ടിപ്പാലം: പൊലീസ്പീഡനത്തിനെതിരെ ശബ്ദമുയര്‍ത്തണം- പൊതുജനാരോഗ്യ സമിതി
പെട്ടിപ്പാലം: പൊലീസ്പീഡനത്തിനെതിരെ
ശബ്ദമുയര്‍ത്തണം- പൊതുജനാരോഗ്യ സമിതി
ശബ്ദമുയര്‍ത്തണം- പൊതുജനാരോഗ്യ സമിതി
ന്യൂമാഹി: പുന്നോല്‍ പെട്ടിപ്പാലത്ത് ലോറി കത്തിച്ചതിലെ പ്രതികളെ പിടിക്കാന്‍ സാധിക്കാത്ത പൊലീസ് നിരപരാധികളെ പീഡിപ്പിക്കുന്നതിനെതിരെ മനുഷ്യസ്നേഹികള്‍ ശബ്ദമുയര്‍ത്തണമെന്ന് പുന്നോല്‍ പൊതുജനാരോഗ്യ സംരക്ഷണ സമിതി ഭാരവാഹികള്‍ ആവശ്യപ്പെട്ടു. പുന്നോലില്‍ സ്ത്രീകള്‍ മാത്രമുള്ള വീടുകളില്‍ പൊലീസ് കയറി ഭീതി സൃഷ്ടിച്ച് സമരത്തില്‍നിന്ന് ആളുകളെ പിന്തിരിപ്പിക്കാനാണ് ശ്രമമെന്നും സമിതി ആരോപിച്ചു.
പെട്ടിപ്പാലം: നഗരസഭ പ്രതികാരം അവസാനിപ്പിക്കണം -സോളിഡാരിറ്റി
പെട്ടിപ്പാലം: നഗരസഭ പ്രതികാരം
അവസാനിപ്പിക്കണം -സോളിഡാരിറ്റി
അവസാനിപ്പിക്കണം -സോളിഡാരിറ്റി
കണ്ണൂര്‍: പെട്ടിപ്പാലം നിവാസികളോട് ഐക്യദാര്‍ഢ്യം പ്രഖ്യാപിച്ച് സമരം ചെയ്തതിന്‍െറ പേരില്‍ സോളിഡാരിറ്റി പ്രവര്‍ത്തകരെ കള്ളക്കേസില്‍ കുടുക്കി നഗരസഭ നടത്തുന്ന പ്രതികാരവേട്ട അവസാനിപ്പിക്കണമെന്ന് ജില്ലാ പ്രസിഡന്‍റ് ഫാറൂഖ് ഉസ്മാന്‍ ആവശ്യപ്പെട്ടു. മാലിന്യവണ്ടി കത്തിച്ചതിലും കെ.എസ്.ആര്‍.ടി.സി ബസിന് കല്ളെറിഞ്ഞ സംഭവത്തിലും യഥാര്‍ഥ പ്രതികളെ നിയമത്തിന് മുന്നില്‍ കൊണ്ടുവരാന്‍ താല്‍പര്യമില്ലാത്ത നഗരസഭ സോളിഡാരിറ്റിയുടെ നിരപരാധികളായ പ്രവര്‍ത്തകരെ പീഡിപ്പിക്കുന്നത് നിയമവ്യവസ്ഥയോടുള്ള വെല്ലുവിളിയാണെന്നും അദ്ദേഹം പറഞ്ഞു.
പ്രതികളെ മാതൃകാപരമായി ശിക്ഷിക്കണം -ടി.കെ. മുഹമ്മദലി
അജ്മലിന്‍െറ മരണം:
പ്രതികളെ മാതൃകാപരമായി
ശിക്ഷിക്കണം -ടി.കെ. മുഹമ്മദലി
ശിക്ഷിക്കണം -ടി.കെ. മുഹമ്മദലി
കണ്ണൂര്‍: റാഗിങ്ങിനിടെ പൊള്ളലേറ്റ് കണ്ണൂര്‍ കാപ്പാട് സ്വദേശി അജ്മല്‍ മരിക്കാനിടയായ സംഭവത്തില്‍ പ്രതികളെ എത്രയുംപെട്ടെന്ന് പിടികൂടി മാതൃകാപരമായി ശിക്ഷിക്കണമെന്ന് ജമാഅത്തെ ഇസ്ലാമി കണ്ണൂര്‍ ജില്ലാ പ്രസിഡന്‍റ് ടി.കെ. മുഹമ്മദലി പറഞ്ഞു. സെക്രട്ടറി കളത്തില്‍ ബഷീര്‍, കെ.പി. അബ്ദുല്‍ അസീസ് എന്നിവര്‍ സംസാരിച്ചു.
മുഖ്യമന്ത്രി ഇടപെടണം-സോളിഡാരിറ്റി
കണ്ണൂര്‍: അജ്മല്‍ മരിക്കാനിടയായ സംഭവത്തില്‍ മുഖ്യമന്ത്രി അടിയന്തരമായി ഇടപെടണമെന്നും കുറ്റവാളികളെ നിയമത്തിന് മുന്നില്‍ കൊണ്ടുവന്ന് മാതൃകാപരമായി ശിക്ഷിക്കണമെന്നും സോളിഡാരിറ്റി കണ്ണൂര്‍ ജില്ലാ സെക്രട്ടേറിയറ്റ് ആവശ്യപ്പെട്ടു. അജ്മലിന്‍െറ വീട് ജില്ലാ ഭാരവാഹികള്‍ സന്ദര്‍ശിച്ചു. ഫാറൂഖ് ഉസ്മാന്‍, പി.സി. ശമീം, കെ.എം. മഖ്ബൂല്‍, ടി.കെ. റിയാസ്, എന്‍.എം. ശഫീഖ് എന്നിവര്‍ സംസാരിച്ചു.
മലയാളി വിദ്യാര്‍ഥികള്‍ക്ക് സുരക്ഷിതത്വം
ഉറപ്പാക്കണം-എസ്.ഐ.ഒ
ഉറപ്പാക്കണം-എസ്.ഐ.ഒ
കണ്ണൂര്‍: കാപ്പാട്ടെ അജ്മലിന്‍െറ മരണത്തിന് പിന്നിലെ പ്രതികളെ പഴുതടച്ച അന്വേഷണത്തിലൂടെ നിയമത്തിന് മുന്നില്‍ കൊണ്ടുവരണമെന്നും അന്യസംസ്ഥാനങ്ങളില്‍ മലയാളി വിദ്യാര്‍ഥികള്‍ക്ക് സുരക്ഷിതത്വം ഉറപ്പാക്കണമെന്നും എസ്.ഐ.ഒ കണ്ണൂര്‍ ജില്ലാ പ്രസിഡന്‍റ് യൂനുസ് സലീം ആവശ്യപ്പെട്ടു. അജ്മലിന്‍െറ വീട് അദ്ദേഹം സന്ദര്‍ശിച്ചു. അന്വേഷണത്തിന് സംസ്ഥാനസര്‍ക്കാര്‍ നിയമപരമായ പിന്തുണ നല്‍കണമെന്നും ആവശ്യപ്പെട്ടു.
Subscribe to:
Posts (Atom)