ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----

Tuesday, August 7, 2012

ഇഫ്താര്‍ സംഗമം

ഇഫ്താര്‍ സംഗമം
എടക്കാട്: എടക്കാട് സഫ സെന്‍ററില്‍ നടന്ന ഇഫ്താര്‍ സംഗമം കെ.കെ. നാരായണന്‍ എം.എല്‍.എ ഉദ്ഘാടനം ചെയ്തു. എം.കെ. നൂറുദ്ദീന്‍ റമദാന്‍ സന്ദേശം നല്‍കി. കളത്തില്‍ ബഷീര്‍ അധ്യക്ഷത വഹിച്ചു. പ്രേമരാജന്‍ എടക്കാട്, ജയരാജന്‍ കടമ്പൂര്‍, പ്രഭാകരന്‍ മാസ്റ്റര്‍, ടി.കെ.ഡി മുഴപ്പിലങ്ങാട് എന്നിവര്‍ സംസാരിച്ചു.

സ്നേഹസംഗമം

സ്നേഹസംഗമം
തളിപ്പറമ്പ്: സോളിഡാരിറ്റി യൂത്ത് മൂവ്മെന്‍റ് തളിപ്പറമ്പ് ഏരിയാ കമ്മിറ്റി സംഘടിപ്പിച്ച ഇഫ്താര്‍ സ്നേഹസംഗമം സ്വാമി വിശ്വഭദ്രാനന്ദ ശക്തിബോധി ഉദ്ഘാടനം ചെയ്തു. സോളിഡാരിറ്റി ജില്ലാ സെക്രട്ടറി സാദിഖ് ഉളിയില്‍ ഇഫ്താര്‍ സന്ദേശം നല്‍കി. പ്രസ്ഫോറം പ്രസിഡന്‍റ് എം.കെ. മനോഹരന്‍, ഗ്രന്ഥകാരന്‍ കെ.സി. വര്‍ഗീസ്, ജമാഅത്തെ ഇസ്ലാമി ജില്ലാ സമിതി അംഗം കെ.പി. ആദം കുട്ടി എന്നിവര്‍ സംസാരിച്ചു. സംസ്ഥാന ചലച്ചിത്ര അവാര്‍ഡ് ജൂറിയുടെ പ്രത്യേക പരാമര്‍ശത്തിന് അര്‍ഹനായ ‘ആദിമധ്യാന്തം’ സിനിമയില്‍ അഭിനയിച്ച മാസ്റ്റര്‍ പ്രിജിത്തിനെ ചടങ്ങില്‍ അഭിനന്ദിച്ചു. ഏരിയ പ്രസിഡന്‍റ് മിഫ്താഫ് അധ്യക്ഷത വഹിച്ചു. മുസദ്ദിഖ് സ്വാഗതവും കെ.കെ. ഖാലിദ്  നന്ദിയും പറഞ്ഞു.

ഇഫ്താര്‍ സംഗമം

ഇഫ്താര്‍ സംഗമം
പാടിയോട്ടുചാല്‍: ജമാഅത്തെ ഇസ്ലാമി പാടിയോട്ടുചാല്‍ ഹല്‍ഖയുടെ ആഭിമുഖ്യത്തില്‍ ടൗണ്‍ നന്മ സാംസ്കാരിക കേന്ദ്രം ഓഫിസില്‍ ഇഫ്താര്‍ സംഗമം നടത്തി. സംഗമത്തില്‍ ‘റമദാന്‍ സന്ദേശം’ എന്ന വിഷയത്തില്‍ ജമാല്‍ കടന്നപ്പള്ളി ക്ളാസെടുത്തു. ശിഹാബ് അരവഞ്ചാല്‍ സ്വാഗതം പറഞ്ഞു.

ഇഫ്താര്‍ സംഗമം

 
 
 
 
  ഇഫ്താര്‍ സംഗമം
 കക്കാട്: ജമാഅത്തെ ഇസ്ലാമി കക്കാട് ഹല്‍ഖ ഇഫ്താര്‍ സംഗമം സംഘടിപ്പിച്ചു. പുഴാതി പഞ്ചായത്ത് പ്രസിഡന്‍റ് സി. രാധാകൃഷ്ണന്‍ ഉദ്ഘാടനം ചെയ്തു. നാസിം സി.പി. മുസ്തഫ അധ്യക്ഷത വഹിച്ചു. ജമാഅത്തെ ഇസ്ലാമി ജില്ലാ പ്രസിഡന്‍റ് ടി.കെ. മുഹമ്മദലി റമദാന്‍ സന്ദേശം നല്‍കി. കാടന്‍ ബാലകൃഷ്ണന്‍, ശിവദാസന്‍, പള്ളിപ്രം പ്രസന്നന്‍, അഡ്വ. അഹമ്മദ് മാണിയൂര്‍, പി.എ. സിദ്ദീഖ് എന്നിവര്‍ സംസാരിച്ചു. പി.വി. സക്കീര്‍ഹുസൈന്‍ സ്വാഗതവും സി.പി. മുഹമ്മദ് മുര്‍ഷിദ് നന്ദിയും പറഞ്ഞു.

ഇഫ്താര്‍ സംഗമം

 ഇഫ്താര്‍ സംഗമം
ചക്കരക്കല്ല്: ജമാഅത്തെ ഇസ്ലാമി ചക്കരക്കല്ല് ഘടകം സംഘടിപ്പിച്ച ഇഫ്താര്‍ സംഗമം സ്നേഹവിരുന്നായി മാറി. സഫ സെന്‍ററില്‍ നടന്ന സംഗമം ചെമ്പിലോട് പഞ്ചായത്ത് പ്രസിഡന്‍റ് എം.സി. മോഹനന്‍ ഉദ്ഘാടനം ചെയ്തു. കെ.കെ. ഇബ്രാഹിം മാസ്റ്റര്‍ അധ്യക്ഷത വഹിച്ചു. എസ്.ഐ.ഒ സംസ്ഥാന സമിതിയംഗം നഹാസ് മാള ഇഫ്താര്‍ സന്ദേശം നല്‍കി. ബി.ജെ.പി ജില്ലാ നേതാവ് യു.ടി. ജയന്ത്, മുസ്ലിംലീഗ് ധര്‍മടം മണ്ഡലം പ്രസിഡന്‍റ് എന്‍.കെ. റഫീഖ് മാസ്റ്റര്‍, ചാലോടന്‍ രാജീവന്‍, സോഷ്യലിസ്റ്റ് ജനതാദള്‍ നേതാവ് കെ.വി. കോരന്‍, ചക്കരക്കല്ല് പ്രസ്ഫോറം പ്രസിഡന്‍റ് എ.കെ. സുരേന്ദ്രന്‍, എം.വി. അനില്‍കുമാര്‍ എന്നിവര്‍ സംസാരിച്ചു.
ഡോ. ജനാര്‍ദനന്‍, വ്യാപാരി വ്യവസായി ഏകോപനസമിതി ചക്കരക്കല്ല് യൂനിറ്റ് പ്രസിഡന്‍റ് കെ. പ്രദീപന്‍, സെക്രട്ടറി ശൗക്കത്തലി, ജമാഅത്തെ ഇസ്ലാമി കണ്ണൂര്‍ ഏരിയാ വൈസ് പ്രസിഡന്‍റ് ഇ. അബ്ദുല്‍ സലാം എന്നിവര്‍ പങ്കെടുത്തു. ഡോ. കെ.പി. അബ്ദുല്‍ ഗഫൂര്‍ സ്വാഗതവും എം. മൊയ്തീന്‍കുട്ടി നന്ദിയും പറഞ്ഞു.

റമദാന്‍ സൗഹൃദ സംഗമം

 
 
 
 
 
  റമദാന്‍ സൗഹൃദ സംഗമം
ചേലേരി: ചേലേരിമുക്ക്  അലിഫ്  ചരിറ്റബിള്‍ ട്രസ്റ്റിന്‍െറ ആഭിമുഖ്യതില്‍ അലിഫ് സെന്‍ററില്‍ റമദാന്‍ സൗഹൃദ സംഗമം സംഘടിപ്പിച്ചു. പ്രശസ്ത ഭഗവത്ഗീത പ്രഭാഷകന്‍ ശ്രീ: രാമചന്ദ്രന്‍ മാസ്റ്റര്‍, ജമാഅത്തെ ഇസ്ലാമി വളപട്ടണം ഏരിയാ പ്രസിഡന്‍റ് വി.എന്‍. ഹാരിസ് എന്നിവര്‍ സംസാരിച്ചു. അലിഫ് ചാരിറ്റബിള്‍ ട്രസ്റ്റ് ചെയര്‍മാന്‍ അബ്ദുല്‍ ജബ്ബാര്‍ മാസ്റ്റര്‍ അധ്യക്ഷത വഹിച്ചു. കെ.സി. ഹാരിസ് സ്വാഗതം പറഞ്ഞു. നാട്ടലെ സാമൂഹിക സാംസ്കാരിക രംഗത്തെ പ്രമുഖര്‍ സൗഹൃദ സംഗമത്തിലും തുടര്‍ന്ന് നടന്ന ഇഫ്താറിലും പങ്കെടുത്തു.

Monday, August 6, 2012

PAIN & PALLIATIVE CARE

KIDS MALL

 

ഇഫ്താര്‍ സംഗമം

 ഇഫ്താര്‍ സംഗമം
പെരിങ്ങത്തൂര്‍: കരിയാട് മലര്‍വാടിയില്‍ കാരുണ്യ സെന്‍റര്‍ നടത്തിയ ഇഫ്താര്‍ സംഗമം കേരള ഡയലോഗ് സെന്‍റര്‍ സെക്രട്ടറി ജി.കെ. എടത്തനാട്ടുകര ഉദ്ഘാടനം ചെയ്തു. ജില്ലാപഞ്ചായത്തംഗം ഹമീദ് കരിയാട്, പട്ട്യേരി കുഞ്ഞികൃഷ്ണന്‍ അടിയോടി, കെ. അബൂബക്കര്‍ മാസ്റ്റര്‍, ടി.എം. ബാബുരാജ്, കോടൂര്‍ ബാലന്‍, പി. മുഹമ്മദ്, കെ.കെ. രവീന്ദ്രന്‍ മാസ്റ്റര്‍, സി.വി. നാണു, സി.കെ. രവിശങ്കരന്‍, ഭരതന്‍ മാസ്റ്റര്‍, എം.ടി.കെ. ബാബു, പി.കെ. രാജന്‍, പി.കെ. ഗോപാലകൃഷ്ണന്‍ എന്നിവര്‍ സംസാരിച്ചു. നാസര്‍ മാസ്റ്റര്‍ സ്വാഗതവും കെ.കെ. അബ്ദുല്ല നന്ദിയും പറഞ്ഞു.

യൂത്ത് മീറ്റ്

 യൂത്ത് മീറ്റ്
 കണ്ണൂര്‍: ‘കരുണയുള്ള യുവത സമൂഹത്തിന്‍െറ പ്രാര്‍ഥന’ എന്ന മുസ്ലിം യൂത്ത്ലീഗ് കാമ്പയിനിന്‍െറ ഭാഗമായി കണ്ണൂര്‍ നിയോജകമണ്ഡലം കമ്മിറ്റി ത്യാഗസ്മരണ യൂത്ത് മീറ്റും ഇഫ്താറും സംഘടിപ്പിച്ചു. സംസ്ഥാന വൈസ് പ്രസിഡന്‍റ് കെ.പി. താഹിര്‍ ഉദ്ഘാടനം ചെയ്തു. മുസ്ലിംലീഗ് ജില്ലാ സെക്രട്ടറി അഡ്വ. പി.വി. സൈനുദ്ദീന്‍ മുഖ്യപ്രഭാഷണം നടത്തി. കണ്ണൂര്‍ മണ്ഡലം മുസ്ലിംലീഗ് ജനറല്‍ സെക്രട്ടറി എം.പി. മുഹമ്മദലി, കണ്ണൂര്‍ മുനിസിപ്പല്‍ വൈസ് ചെയര്‍മാന്‍ സി. സമീര്‍, മുസ്ലിഹ് മഠത്തില്‍, അബ്ദുസ്സലാം സഖാഫി, ടി.കെ. നൗഷാദ് എന്നിവര്‍ സംസാരിച്ചു. അഷ്റഫ് കാഞ്ഞിരോട് സ്വാഗതവും ഫസലുറഹ്മാന്‍ പുറത്തീല്‍ നന്ദിയും പറഞ്ഞു.

PRABODHANAM WEEKLY

MADHYAMAM WEEKLY

Sunday, August 5, 2012

കാഞ്ഞിരോട് കൂട്ടം ഇഫ്താര്‍ സംഗമം

 
 
 
 
 
 
  "കാഞ്ഞിരോട് കൂട്ടം" 
ഇഫ്താര്‍ സംഗമം
ഷാര്‍ജ അല്‍ നഹദ യില്‍ വെച്ച് "കാഞ്ഞിരോട് കൂട്ടം" ഇഫ്താര്‍ സംഗമം നടന്നു. പരിപാടിയില്‍ കാഞ്ഞിരോട് മഹല്ലിലെ പ്രവാസി കുടുംബങ്ങള്‍ അടക്കം നൂറ്റമ്പതോളം പേര്‍ പങ്കെടുത്തു. ദുബായ്, അബുദാബി, അജ്മാന്‍ തുടങ്ങി യു എ ഇ ലെ എല്ലാ എമിരേറ്റുകളില്‍ നിന്നുമുള്ള മഹല്ല് നിവാസികളാല്‍ സദസ്സ് സമ്പന്നമായിരുന്നു. കൂട്ടം പ്രസിഡണ്ട്‌ ഷമീര്‍ എം പി അധ്യക്ഷത വഹിച്ചു, കൂട്ടം സെക്രടറി ഷഹീന്‍ കുടുക്കിമെട്ട കൂട്ടത്തെ സദസ്സിനു പരിജയപ്പെടുത്തി. അധിതിയായി എത്തിയ ബഹു. ഇര്‍ഷാദ് ഫൈസി അവര്‍കള്‍  മുഖ്യ പ്രഭാഷണം നടത്തി. കൂടാതെ കബീര്‍ അസ്അദി, കൂട്ടം അഡ്വസരി അംഗം അബ്ദുല്‍ സലാം കാഞ്ഞിരോട് എനനിവര്‍ ആശംസാ പ്രസംഗങ്ങള്‍ നടത്തി.

KIDS MALL

കിഡ്സ്മാള്‍
ഉദ്ഘാടനം; സ്കൂള്‍
ലീഡര്‍മാര്‍ക്ക് ആദരം
കണ്ണൂര്‍: കണ്ണൂര്‍ താവക്കര ബസ്സ്റ്റാന്‍ഡില്‍ ഞായറാഴ്ച രാവിലെ പത്തിന് പുതുതായി ആരംഭിക്കുന്ന കുട്ടികളുടെ ഷോറൂമായ കിഡ്സ്മാളിന്‍െറ ഉദ്ഘാടനം പുതുമയാര്‍ന്ന രൂപത്തില്‍.
ന്യൂബോണ്‍ മുതല്‍ 12 വയസ്സുവരെയുള്ള കുട്ടികളുടെ റെഡിമെയ്ഡ് ഉടുപ്പുകള്‍, വിവിധ ന്യൂബോണ്‍ ഐറ്റംസ് തുടങ്ങിയവ അടങ്ങിയ ഷോറൂമിന്‍െറ ഉദ്ഘാടനം കണ്ണൂരിലെ സെന്‍റ് മൈക്കിള്‍സ്, സെന്‍റ് തെരേസാസ്, റിംസ് ഇന്‍റര്‍നാഷനല്‍, ദീനുല്‍ ഇസ്ലാം സഭ, എസ്.എന്‍ വിദ്യാമന്ദിര്‍, ഉറുസുലൈന്‍, കാഞ്ഞിരോട് അല്‍ഹുദ, കെ.എം.ജെ തുടങ്ങിയ സ്കൂളുകളിലെ ലീഡര്‍മാര്‍ സംയുക്തമായി നിര്‍വഹിക്കും.

ആക്രമണം രാഷ്ട്രീയത്തിന് വെല്ലുവിളി -വെല്‍ഫെയര്‍ പാര്‍ട്ടി



ജില്ലയിലെ ആക്രമണം രാഷ്ട്രീയത്തിന്
വെല്ലുവിളി -വെല്‍ഫെയര്‍ പാര്‍ട്ടി
കണ്ണൂര്‍: ജില്ലയില്‍ അരങ്ങേറിക്കൊണ്ടിരിക്കുന്ന ആക്രമണ സംഭവങ്ങള്‍ മൂല്യാധിഷ്ഠിത രാഷ്ട്രീയത്തിന് കടുത്ത വെല്ലുവിളിയാണെന്ന് വെല്‍ഫെയര്‍ പാര്‍ട്ടി ജില്ലാ പ്രസിഡന്‍റ് കെ.ടി. രാധാകൃഷ്ണന്‍ കൂടാളി അഭിപ്രായപ്പെട്ടു. വെല്‍ഫെയര്‍ പാര്‍ട്ടി ജില്ലാ ആസ്ഥാനത്ത് നടന്ന പ്രചാരണ മാഗസിന്‍ പ്രകാശന ചടങ്ങില്‍ സംസാരിക്കുകയായിരുന്നു അദ്ദേഹം. പൊതുമുതല്‍ നശിപ്പിക്കലും ജനങ്ങളുടെ സൈ്വരജീവിതം തടസ്സപ്പെടുത്തുംവിധം അന്യായമായ ഹര്‍ത്താലും ആക്രമണവും രാഷ്ട്രീയ പ്രവര്‍ത്തനത്തിന് ചേര്‍ന്നതല്ളെന്നും അദ്ദേഹം പറഞ്ഞു. സംസ്ഥാന ജനറല്‍ സെക്രട്ടറി പി.എ. അബ്ദുല്‍ ഹഖീം ജില്ലാ ട്രഷറര്‍ വി.കെ. ഖാലിദിന് നല്‍കി പത്രിക പ്രകാശനം ചെയ്തു. ജില്ലാ ജനറല്‍ സെക്രട്ടറി അഡ്വ. കെ.എല്‍. അബ്ദുല്‍ സലാം സ്വാഗതവും വൈസ് പ്രസിഡന്‍റ് പള്ളിപ്രം പ്രസന്നന്‍ നന്ദിയും പറഞ്ഞു.

BAITHU ZAKATH KOZHIKODE

NORKA

സഹൂലത് ജേണല്‍ പ്രകാശനം ചെയ്തു

 സഹൂലത് ജേണല്‍ പ്രകാശനം ചെയ്തു
 ന്യൂദല്‍ഹി: പലിശരഹിത മൈക്രോ ഫിനാന്‍സ് സ്ഥാപനങ്ങള്‍ അഭിമുഖീകരിക്കുന്ന പ്രശ്നങ്ങളെക്കുറിച്ച് അവബോധമുണ്ടാക്കുന്നതിന് സഹൂലത് ജേണല്‍ എന്നപേരില്‍ പുതിയ പ്രസിദ്ധീകരണം പുറത്തിറക്കി. സഹൂലത് മൈക്രോ ഫിനാന്‍സ് സൊസൈറ്റിയുടെ ആഭിമുഖ്യത്തില്‍ പുറത്തിറക്കിയ ജേണലിന്‍െറ പ്രകാശനകര്‍മം ജമാഅത്തെ ഇസ്ലാമി അഖിലേന്ത്യാ അമീര്‍ മൗലാന സയ്യിദ് ജലാലുദ്ദീന്‍ ഉമരി ന്യൂദല്‍ഹിയില്‍ നിര്‍വഹിച്ചു.
ജേണലിന്‍െറ ലക്ഷ്യങ്ങളെക്കുറിച്ച് ചീഫ് എഡിറ്റര്‍ ഡോ. ഒൗസാഫ് അഹ്മദ് ചടങ്ങില്‍ വിശദീകരിച്ചു. ജാമിഅ മില്ലിയ ഇസ്ലാമിയയിലെ പശ്ചിമേഷ്യന്‍ പഠന വിഭാഗം അസോസിയേറ്റ് പ്രഫ. ഡോ. ജാവേദ് ഖാന്‍, മില്ലി ഗസറ്റ് ചീഫ് എഡിറ്റര്‍ ഡോ. സഫറുല്‍ ഇസ്ലാംഖാന്‍, ജേണലിന്‍െറ അന്താരാഷ്ട്ര ഉപദേശക സമിതി അംഗം ഡോ. വഖാര്‍ അന്‍വര്‍, സഹൂലത് മൈക്രോ ഫിനാന്‍സ് സൊസൈറ്റി വൈസ് പ്രസിഡന്‍റും ചീഫ് എക്സിക്യൂട്ടിവ് ഓഫിസറുമായ അര്‍ഷാദ് അജ്മല്‍ എന്നിവര്‍ സംസാരിച്ചു. സഹൂലത് മൈക്രോ ഫിനാന്‍സ് സൊസൈറ്റിയിലെ ഉസാമ ഖാന്‍ നന്ദി പറഞ്ഞു.

Saturday, August 4, 2012

KIDS MALL

റമദാന്‍ കിറ്റ് വിതരണം

റമദാന്‍ കിറ്റ്
വിതരണം
മുഴപ്പിലങ്ങാട്: മുഴപ്പിലങ്ങാട് ഹിറാ സോഷ്യല്‍ സെന്‍ററില്‍ രണ്ടാംഘട്ട റമദാന്‍ കിറ്റ് വിതരണം ജമാഅത്തെ ഇസ്ലാമി ജില്ലാ സെക്രട്ടറി കളത്തില്‍ ബഷീര്‍ ഉദ്ഘാടനം ചെയ്തു.
പ്രദേശത്തെ നിര്‍ധനരായ 58 കുടുംബങ്ങള്‍ക്ക് റമദാന്‍ കിറ്റ് വിതരണം ചെയ്തു.
എടക്കാട് സഫാ സെന്‍റര്‍ ഇമാം ഇസ്മായില്‍ അധ്യക്ഷത വഹിച്ചു. അമീര്‍ അബ്ദുറഹിമാന്‍ ഖിറാഅത്ത് നടത്തി. കളത്തില്‍ ബഷീര്‍ മുഖ്യ പ്രഭാഷണം നടത്തി. കെ.ടി. റസാഖ് സ്വാഗതവും സി.വി.ഒ. ആസിഫ് നന്ദിയും പറഞ്ഞു. റഷാദ്, റംഷീദ്, ഹനീഫ, അമീന്‍  എന്നിവര്‍ നേതൃത്വം നല്‍കി.

മഅ്ദനി ഫോറം ജനകീയ ഫണ്ട്

 മഅ്ദനി ഫോറം ജനകീയ ഫണ്ട്
സമാഹരണം വിജയിപ്പിക്കണം
തിരുവനന്തപുരം: അബ്ദുന്നാസിര്‍ മഅ്ദനി നിയമസഹായത്തിനുവേണ്ടി ജസ്റ്റിസ് ഫോര്‍ മഅ്ദനി ഫോറം ആഗസ്റ്റ് 10ന് നടത്തുന്ന ജനകീയ ഫണ്ട് സമാഹരണം വിജയിപ്പിക്കണമെന്ന് ചെയര്‍മാന്‍ ഡോ. സെബാസ്റ്റ്യന്‍ പോള്‍, വര്‍ക്കിങ് ചെയര്‍മാന്‍ അഡ്വ. കെ.പി. മുഹമ്മദ്, ജനറല്‍ കണ്‍വീനര്‍ എച്ച്. ഷഹീര്‍ മൗലവി എന്നിവരും മത-സാമൂഹിക-സാംസ്കാരിക നായകരും സംയുക്ത പ്രസ്താവനയില്‍ ആവശ്യപ്പെട്ടു. വിചാരണത്തടവുകാരനായി ജയിലിലടക്കപ്പെട്ട മഅ്ദനിക്ക് പൗരാവകാശം എന്ന നിലക്ക് ലഭിക്കേണ്ട നിയമസഹായത്തിനുള്ള ഫണ്ട് സമാഹരണം വിജയിപ്പിക്കാന്‍ ജാതി, മത, കക്ഷി വിത്യാസങ്ങളില്ലാതെ മുഴുവന്‍ മനുഷ്യസ്നേഹികളും രംഗത്തിറങ്ങണമെന്ന് പ്രസ്താവനയില്‍ ആവശ്യപ്പെട്ടു.
എം.എല്‍.എമാരായ ജമീലാ പ്രകാശം, പി.ടി.എ. റഹീം, കെ.ടി. ജലീല്‍, മുന്‍മന്ത്രി ഡോ. നീലലോഹിതദാസന്‍ നാടാര്‍, ഡോ. ബലരാമന്‍, ഭാസുരേന്ദ്ര ബാബു, തൊടിയൂര്‍ മുഹമ്മദ്കുഞ്ഞ് മൗലവി, അബ്ദുല്‍ ഷുക്കൂര്‍ അല്‍ഖാസിമി, ടി. ആരിഫലി, പ്രഫ. അബ്ദുല്‍ ഹമീദ്, എസ്.എ. പുതിയവളപ്പില്‍, മൗലവി ജമാലുദ്ദീന്‍ മങ്കട, പൂന്തുറ സിറാജ്, അഡ്വ. എസ്. പ്രഹ്ളാദന്‍, പി.ഐ. നൗഷാദ്, വയലാര്‍ ഗോപകുമാര്‍, കടയ്ക്കല്‍ ജുനൈദ്, ചേലക്കുളം അബ്ദുല്‍ ഹമീദ് മൗലവി എന്നിവരാണ് സംയുക്ത പ്രസ്താവനയില്‍ ഒപ്പുവെച്ചത്.

വിദേശ തൊഴിലന്വേഷകര്‍ക്ക് പഠന ക്യാമ്പ്

 വിദേശ തൊഴിലന്വേഷകര്‍ക്ക് 
പഠന ക്യാമ്പ്
കണ്ണൂര്‍: നോര്‍ക്ക റൂട്ട്സിന്‍െറ ആഭിമുഖ്യത്തില്‍ വിദേശ തൊഴിലന്വേഷകര്‍ക്കായി ഒരുദിവസത്തെ പഠന ക്യാമ്പ് (പ്രീഡിപാര്‍ച്ചര്‍ ഓറിയന്‍േറഷന്‍ പ്രോഗ്രാം) ആഗസ്റ്റ് 25 ന് കോഴിക്കോട് ഹോട്ടല്‍ പാരമൗണ്ടില്‍ നടത്തും. വിസ സംബന്ധമായ പ്രശ്നങ്ങള്‍ തൊഴില്‍ സംബന്ധമായ കരാറുകള്‍, ശമ്പള വ്യവസ്ഥകള്‍, വിദേശത്ത് ഇന്‍റര്‍വ്യൂവിന് പങ്കെടുക്കാന്‍ ഉദ്യോഗാര്‍ഥികളെ പ്രാപ്തരാക്കുന്ന ക്ളാസുകള്‍, വിദേശ തൊഴില്‍ സാഹചര്യങ്ങള്‍, തൊഴില്‍ നിയമങ്ങള്‍, വിവിധ തരം വിസകള്‍, വിദേശ തൊഴില്‍ അവസരങ്ങള്‍, വിദേശ രാജ്യങ്ങളെക്കുറിച്ച് അത്യാവശ്യം അറിഞ്ഞിരിക്കേണ്ട നിയമങ്ങള്‍ എന്നിവയെക്കുറിച്ച് ക്യാമ്പില്‍ പ്രഗല്ഭര്‍ ക്ളാസെടുക്കും. സ്റ്റഡി മെറ്റീരിയല്‍സ്, ഭക്ഷണം എന്നിവ സൗജന്യമായി ലഭിക്കും.  താല്‍പര്യമുള്ളവര്‍ 100 രൂപ ഫീസടച്ച് പേര് മുന്‍കൂട്ടി രജിസ്റ്റര്‍ ചെയ്യേണ്ടതാണ്.  ആദ്യം രജിസ്റ്റര്‍ ചെയ്യുന്ന 100 പേര്‍ക്ക് പ്രവേശം ലഭിക്കും. ഫോണ്‍: 0495 2304885, 0497 2765310, 9744328441, 9447653355.

Thursday, August 2, 2012

ALIF CENTRE

KANHIRODE KOOTTAM UAE LOGO

ASSAM HELP

അല്‍ഫലാഹ് കൗണ്‍സലിങ് സെന്‍റര്‍ ഉദ്ഘാടനം ചെയ്തു

 അല്‍ഫലാഹ് കൗണ്‍സലിങ്
സെന്‍റര്‍ ഉദ്ഘാടനം ചെയ്തു
ന്യൂമാഹി: പെരിങ്ങാടി അല്‍ഫലാഹ് ഇന്‍സ്റ്റിറ്റ്യൂഷന്‍െറ കീഴില്‍ പുതുതായി ആരംഭിക്കുന്ന അല്‍ഫലാഹ് സെന്‍റര്‍ ഫോര്‍ കൗണ്‍സലിങ് ആന്‍ഡ് ഗൈഡന്‍സ് സെന്‍റര്‍ കേരള വഖഫ് ബോര്‍ഡ് അംഗം പി.പി. അബ്ദുറഹ്മാന്‍ ഉദ്ഘാടനം ചെയ്തു. ജമാഅത്തെ ഇസ്ലാമി ചൊക്ളി ഏരിയാ കണ്‍വീനര്‍ കെ.കെ. അബ്ദുല്ല അധ്യക്ഷത വഹിച്ചു. ദുബൈ കെ.എം.സി.സി മുന്‍ പ്രസിഡന്‍റ് എന്‍.എം. കരീം മുഖ്യാതിഥിയായിരുന്നു. ബിലാല്‍ ട്രസ്റ്റ് ചെയര്‍മാന്‍ മുഹമ്മദ് ഹാജി, അല്‍ഫലാഹ് കോളജ് പ്രിന്‍സിപ്പല്‍ എന്‍.എം. ബഷീര്‍, അല്‍ഫലാഹ് സ്കൂള്‍ വൈ. പ്രിന്‍സിപ്പല്‍ ഷര്‍മിന ഖാലിദ്, മാനേജര്‍ എം. ദാവൂദ്, ഡോ. സുനില്‍കുമാര്‍, ഡോ. വേണുഗോപാല്‍ എന്നിവര്‍ സംസാരിച്ചു. റിഫ്അത്ത് അഫ്രോസ സ്വാഗതവും സുചിത്ര നന്ദിയും പറഞ്ഞു.

ഇഫ്താര്‍ സംഗമം

ഇഫ്താര്‍ സംഗമം
തളിപ്പറമ്പ്: സോളിഡാരിറ്റി തളിപ്പറമ്പ് ഏരിയാ കമ്മിറ്റിയുടെ ആഭിമുഖ്യത്തില്‍ ഇഫ്താര്‍ സ്നേഹസംഗമം നടത്തും. ശനിയാഴ്ച വൈകീട്ട് അഞ്ചിന് ഫുഡ് ഹൗസ് ഓഡിറ്റോറിയത്തില്‍ സ്വാമി വിശ്വഭദ്രാനന്ദശക്തിബോധി ഉദ്ഘാടനം ചെയ്യും.

സീറ്റൊഴിവ്

 സീറ്റൊഴിവ്
പഴയങ്ങാടി: വാദിഹുദ കാമ്പസില്‍ പ്രവര്‍ത്തിക്കുന്ന ഇസ്ലാമിക് കോംപ്ളക്സ് പ്രൈവറ്റ് ഐ.ടി.ഐയില്‍ പട്ടികജാതി/പട്ടികവര്‍ഗ വിഭാഗത്തിന് സംവരണം ചെയ്ത ഡ്രാഫ്റ്റ്സ്മാന്‍ സിവില്‍ ട്രേഡില്‍ രണ്ടും മെക്കാനിക് മോട്ടോര്‍ വെഹ്ക്കിള്‍ ട്രേഡില്‍ ഒന്നും സീറ്റുകള്‍ ഒഴിവുണ്ട്.
 താല്‍പര്യമുള്ളവര്‍ ആഗസ്റ്റ് ആറിന് 10 മണിക്ക് സര്‍ട്ടിഫിക്കറ്റുകള്‍ സഹിതം ഓഫിസില്‍ ഹാജരാകണം. ഫോണ്‍: 0497 2870485.

കെ.എസ്.ഇ.ബി ഓഫിസ് മാര്‍ച്ച് നടത്തി

 
 കെ.എസ്.ഇ.ബി ഓഫിസ് മാര്‍ച്ച് നടത്തി
ശ്രീകണ്ഠപുരം: വൈദ്യുതി ചാര്‍ജ് വര്‍ധനയില്‍ പ്രതിഷേധിച്ച് വെല്‍ഫെയര്‍ പാര്‍ട്ടി ഇരിക്കൂര്‍ നിയോജക മണ്ഡലം കമ്മിറ്റി നേതൃത്വത്തില്‍ ശ്രീകണ്ഠപുരം കെ.എസ്.ഇ.ബി ഓഫിസിലേക്ക് മാര്‍ച്ച് നടത്തി. ജില്ലാകമ്മിറ്റിയംഗം കെ. സാദിഖ് ഉദ്ഘാടനം ചെയ്തു.
മണ്ഡലം പ്രസിഡന്‍റ് പി.വി. രാഘവന്‍ അധ്യക്ഷത വഹിച്ചു. രാഘവന്‍ കാവുമ്പായി, എന്‍.വി. താഹിര്‍, യു.പി. നസീര്‍, ഖലീല്‍ നടുവില്‍, കെ.പി. അബ്രഹാം എന്നിവര്‍ സംസാരിച്ചു.
ശ്രീകണ്ഠപുരം കെ.എസ്.ഇ.ബി ഓഫിസിലേക്ക് കര്‍ഷകസംഘം ഏരിയാ കമ്മിറ്റി നടത്തിയ മാര്‍ച്ച് ജില്ലാ ജോ. സെക്രട്ടറി കെ.ടി. ചന്ദ്രന്‍ മാസ്റ്റര്‍ ഉദ്ഘാടനം ചെയ്തു. പി.എം. ശിവന്‍ അധ്യക്ഷത വഹിച്ചു. ടി.എം. ജോഷി, വി.സി. കുഞ്ഞിനാരായണന്‍, കെ.പി. രമണി, മലപ്പട്ടം പ്രഭാകരന്‍ എന്നിവര്‍ സംസാരിച്ചു.

റമദാന്‍ റിലീഫ്, ഭക്ഷ്യ കിറ്റുകള്‍ വിതരണം ചെയ്തു

റമദാന്‍ റിലീഫ്, ഭക്ഷ്യ കിറ്റുകള്‍
വിതരണം ചെയ്തു
കേളകം: യു.എ.ഇ കണ്ണൂര്‍ ജില്ലാ ഇസ്ലാമിക് അസോസിയേഷന്‍െറ ആഭിമുഖ്യത്തില്‍ അടക്കാത്തോട്ടിലെ നിര്‍ധനരായ 45 കുടുംബങ്ങള്‍ക്ക് റമദാന്‍ റിലീഫ് പ്രവര്‍ത്തനത്തിന്‍െറ ഭാഗമായി ഭക്ഷ്യകിറ്റുകള്‍ വിതരണം ചെയ്തു. കെ.എം. ഇസ്മാഈല്‍ നേതൃത്വം നല്‍കി.