Sunday, March 27, 2011
KAOSER
ഒഴിവുകാല പഠന -വിനോദ സഹവാസം
കണ്ണൂര്‍: സ്കൂള്‍ വിദ്യാര്‍ഥികള്‍ക്കായുള്ള ഒഴിവുകാല പഠന-വിനോദ സഹവാസം ഏപ്രില്‍ 11 മുതല്‍ മേയ് അഞ്ചുവരെ പുല്ലൂപ്പി കൌസര്‍ ഇംഗ്ലീഷ് സ്കൂളില്‍ സംഘടിപ്പിക്കും. ഖുര്‍ആന്‍, ഹദീസ്, കര്‍മശാസ്ത്ര പഠനം, സാഹിത്യം, കല, വ്യക്തിത്വ വികസനം, ഡ്രോയിങ് എന്നീ വിഷയങ്ങളില്‍ പരിശീലനവും പിക്നിക്, സീഡി പ്രദര്‍ശനം, ആരോഗ്യ, കൌണ്‍സലിങ് ക്ലാസുകള്‍ എന്നിവയുമുണ്ടാകും. അഞ്ചുമുതല്‍ എട്ടുവരെ ക്ലാസുകളിലെ വിദ്യാര്‍ഥി വിദ്യാര്‍ഥിനികള്‍ക്ക് സ്കൂള്‍ പരിഗണന കൂടാതെ പ്രവേശനം നല്‍കും. താല്‍പര്യമുള്ളവര്‍ മാര്‍ച്ച് 31നുമുമ്പ് പുല്ലൂപ്പി കൌസര്‍ സ്കൂളില്‍ രജിസ്റ്റര്‍ ചെയ്യണം. കണ്ണൂര്‍ കാല്‍ടെക്സ് ജങ്ഷനില്‍നിന്ന് സ്കൂളിലേക്ക് ബസ് സൌകര്യം ഉള്‍പ്പെടെ കോഴ്സ് പൂര്‍ണമായും സൌജന്യമാണ്.
ഫോണ്‍: 2748786.
SOLIDARITY THALASSERY
വിളക്കുതൂണിന് റീത്തുവെച്ചു
തലശേãരി: മാസങ്ങളായി തകരാറിലായ തലശേãരി പുതിയ ബസ്സ്റ്റാന്‍ഡിലെ ഹൈമാസ്റ്റ് ലൈറ്റ് അറ്റകുറ്റപ്പണി നടത്താത്ത തലശേãരി നഗരസഭാധികൃതരുടെ നടപടിയില്‍ പ്രതിഷേധിച്ച് സോളിഡാരിറ്റിയുടെ നേതൃത്വത്തില്‍ വിളക്കുതൂണിന് റീത്ത് ചാര്‍ത്തി. ഏരിയാ പ്രസിഡന്റ് എ.പി. അജ്മല്‍ റീത്ത് സമര്‍പ്പണം നടത്തി.എന്‍.കെ. അര്‍ഷാദ്, കെ.ശുഹൈബ്, അബ്ദുസമദ്, സി.ടി. ഖാലിദ് എന്നിവര്‍ നേതൃത്വം നല്‍കി.
CHAKKARAKAL NEWS: BAR
ബാറിനെതിരെ പ്രതിഷേധ പ്രകടനവും
പൊതുയോഗവും സംഘടിപ്പിച്ചു
ചക്കരക്കല്ല്: ചക്കരക്കല്ലില്‍ അനുമതിയില്ലാതെ പ്രവര്‍ത്തിക്കുന്ന ബാറിനെതിരെ പ്രതിഷേധ പ്രകടനവും പൊതുയോഗവും സംഘടിപ്പിച്ചു. പൊതുയോഗവും സംഘടിപ്പിച്ചു
ചക്കരക്കല്ലിലെയും പരിസരപ്രദേശങ്ങളിലെയും സമാധാനം തകര്‍ക്കുന്ന ബാര്‍ അടച്ചുപൂട്ടുക, അധികൃതരുടെ നിസ്സംഗത അവസാനിപ്പിക്കുക തുടങ്ങിയ ആവശ്യങ്ങളുന്നയിച്ചു.
ബാര്‍ വിരുദ്ധ ജനകീയ സമരസമിതിയുടെ നേതൃത്വത്തിലായിരുന്നു പരിപാടി. ശനിയാഴ്ച ഉച്ചക്ക് മൂന്നുമണിക്ക് മൌവ്വഞ്ചേരി ബാങ്ക് ഓഡിറ്റോറിയത്തില്‍ നടന്ന കണ്‍വെന്‍ഷനില്‍ സാമൂഹിക സാംസ്കാരിക പ്രവര്‍ത്തകരായ ഫാ. തോമസ് തൈത്തോട്ടം, യു.പി. സിദ്ദീഖ് മാസ്റ്റര്‍, അഡ്വ. അഹമ്മദ് മാണിയൂര്‍, ടി.പി.ആര്‍. നാഥ്, എ.ടി. സമീറ, എ. സക്കീന ടീച്ചര്‍ തുടങ്ങിയവര്‍ സംബന്ധിച്ചു. ടൌണില്‍ നടന്ന പ്രതിഷേധ പ്രകടനത്തിന് ഫാ. തോമസ് തൈത്തോട്ടം, ഹസീന മുഹമ്മദലി, കാര്‍ത്യായനി ടീച്ചര്‍, സി.ടി. ഷഫീഖ്, താഹിര്‍, കെ.കെ. ഫിറോസ് എന്നിവര്‍ നേതൃത്വം നല്‍കി.
വൈകീട്ട് നടന്ന പൊതുയോഗം ഫാ. തോമസ് ഉദ്ഘാടനം ചെയ്തു. കെ.വി. കോരന്‍ അധ്യക്ഷത വഹിച്ചു. ടി.പി.ആര്‍. നാഥ്, സി.എച്ച്. മുഹമ്മദലി ഹാജി, അഡ്വ. അഹമ്മദ് മാണിയൂര്‍, ഫയിലുറഹ്മാന്‍, എം. രമേശന്‍, ആശാ ഹരി, ദിനു മൊട്ടമ്മല്‍, അബ്ദുല്‍ ഖാദര്‍ സലഫി, കെ.കെ. രവീന്ദ്രന്‍ തുടങ്ങിയവര്‍ സംസാരിച്ചു. കെ.പി. മുത്തലിബ് നന്ദി പറഞ്ഞു.
Friday, March 25, 2011
KM SHAJI
സോളിഡാരിറ്റി ഓഫിസില്‍ കെ എം ഷാജി രഹസ്യസന്ദര്‍ശനം നടത്തി
കണ്ണൂര്‍: നിയമസഭാ തിരഞ്ഞെടുപ്പില്‍ അഴീക്കോട് മണ്ഡലത്തില്‍നിന്നു യു.ഡി.എഫ് സ്ഥാനാര്‍ഥിയായി മല്‍സരിക്കുന്ന യൂത്ത് ലീഗ് സംസ്ഥാന പ്രസിഡന്റ് കെ എം ഷാജി സോളിഡാരിറ്റിയുടെ പിന്തുണ തേടി സോളിഡാരിറ്റിയുടെ ജില്ലാ ആസ്ഥാനത്തെത്തി. ഇന്നലെ ഉച്ചയ്ക്ക് 1.30ഓടെയാണു കണ്ണൂര്‍ കാല്‍ടെക്സ് ജങ്ഷനിലെ കൌസര്‍ കോംപ്ളക്സിലെ സോളിഡാരിറ്റി ഓഫിസില്‍ കെ എം ഷാജി രഹസ്യസന്ദര്‍ശനം നടത്തിയത്. യൂത്ത് ലീഗ് കണ്ണൂര്‍ ജില്ലാ പ്രസിഡന്റ് അന്‍സാരി തില്ലങ്കേരിയും ലീഗ് മുഖപത്രത്തിലെ ജില്ലാ ലേഖകനും കൂടെയുണ്ടായിരുന്നു. സോളിഡാരിറ്റി ജില്ലാ പ്രസിഡന്റ് കെ എം മഖ്്ബൂല്‍, സംസ്ഥാന പ്രതിനിധി സഭാ അംഗം ജലീല്‍ പടന്ന എന്നിവരുമായി 10 മിനുട്ടിലേറെ സമയം ചര്‍ച്ചനടത്തി. എന്നാല്‍ തിരഞ്ഞെടുപ്പില്‍ ഏതെങ്കിലും മുന്നണിക്കോ സ്ഥാനാര്‍ഥിക്കോ വോട്ടുനല്‍കാന്‍ സംസ്ഥാന നേതൃത്വം ആഹ്വാനം ചെയ്തിട്ടില്ലാത്തതിനാല്‍ പിന്തുണ സംബന്ധിച്ചു നിലപാട് വ്യക്തമാക്കാന്‍ സോളിഡാരിറ്റി നേതാക്കള്‍ തയ്യാറായിട്ടില്ലെന്നാണു സൂചന. കെ എം ഷാജി ഇന്നലെ രാവിലെയാണു നാമനിര്‍ദേശ പത്രിക സമര്‍പ്പിച്ചത്. നിരവധി നേതാക്കളോടൊപ്പം പ്രകടനമായെത്തിയാണു പത്രിക നല്‍കിയതെങ്കിലും ഇടവേളയില്‍ ജില്ലയിലെ മറ്റു ലീഗ് നേതാക്കളെ ഒഴിവാക്കിയായിരുന്നു സോളിഡാരിറ്റി ഓഫിസിലെത്തിയത്. സോളിഡാരിറ്റി, ജമാഅത്തെ ഇസ്്ലാമി, പോപുലര്‍ ഫ്രണ്ട് തുടങ്ങിയ സംഘടനകളെ നിരന്തരം വിമര്‍ശിച്ചിരുന്ന ഷാജി ഇത്തരം സംഘടനകളുമായി തിരഞ്ഞെടുപ്പിലോ മറ്റോ യാതൊരുവിധ ചര്‍ച്ചകള്‍ നടത്തുകയോ പിന്തുണ തേടുകയോ ചെയ്യില്ലെന്നു പരസ്യമായി പ്രഖ്യാപിച്ചിരുന്നു. അഴീക്കോട് മണ്ഡലത്തില്‍ എസ്.ഡി.പി.ഐ സ്ഥാനാര്‍ഥിയെ നിര്‍ത്തിയതിനാല്‍ ഇവിടെ മല്‍സരം കനക്കുമെന്ന വിലയിരുത്തലിന്റെ അടിസ്ഥാനത്തിലാണ് ഷാജി സോളിഡാരിറ്റിയുടെ പിന്തുണ തേടിയതെന്ന് അറിയുന്നു.
Courtesy: Thejas/24-03-2011
Thursday, March 24, 2011
OBIT_VK MOIDU HAJI PAYANGADI
വി.കെ. മൊയ്തുഹാജിഅന്തരിച്ചു
പഴയങ്ങാടി: മൂന്നു പതിറ്റാണ്ടായി കണ്ണൂര്‍ ജില്ലയുടെയുടെയും ഉത്തരകേരളത്തിന്റെയും സാമൂഹിക, സാംസ്കാരിക, വിദ്യാഭ്യാസ മേഖലകളില്‍ നിറസാന്നിധ്യമായിരുന്ന വി.കെ. മൊയ്തുഹാജി (74) അന്തരിച്ചു. പഴയങ്ങാടി വാദിഹുദ ആസ്ഥാനമായ മുട്ടം തഅ്ലീമുല്‍ ഇസ്ലാം ട്രസ്റ്റ് ചെയര്‍മാനാണ്. പരിയാരം മെഡിക്കല്‍ കോളജ് ആശുപത്രിയില്‍ ബുധനാഴ്ച രാവിലെ 11 മണിക്കായിരുന്നു അന്ത്യം.
'ഗള്‍ഫ് മാധ്യമം' പത്രാധിപര്‍ വി.കെ. ഹംസ അബ്ബാസ് സഹോദരനാണ്. മുട്ടത്തെ എസ്.വി. അബ്ബാസ് ഹാജി^വി.കെ. ആയിഷ ദമ്പതികളുടെ മകനായി 1937 ജൂണ്‍ ഒന്നിന് ജനിച്ച മൊയ്തുഹാജി മുട്ടത്ത് പ്രാഥമിക വിദ്യാഭ്യാസം പൂര്‍ത്തീകരിച്ചതിനുശേഷം ഫാറൂഖ് കോളജ്, പാലക്കാട് വിക്ടോറിയ കോളജ്, ശാന്തപുരം ഇസ്ലാമിയ കോളജ് എന്നിവിടങ്ങളില്‍നിന്ന് പഠനം പൂര്‍ത്തിയാക്കി.
ജമാഅത്തെ ഇസ്ലാമിയിലൂടെ പൊതുരംഗത്തെത്തിയ മൊയ്തു ഹാജി 1981ല്‍ മുട്ടം തഅലീമുല്‍ ഇസ്ലാം ട്രസ്റ്റിന്റെ ചെയര്‍മാനായി തെരഞ്ഞെടുക്കപ്പെട്ടു. മത്സ്യസംസ്കരണ സ്ഥാപനമായ ചൂട്ടാട് അബ്ബാസണ്‍സ് മാനുവല്‍ ഇന്‍ഡസ്ട്രീസ് ഉടമയാണ്.പാപ്പിനിശേãരി ഈമാന്‍ ചാരിറ്റബിള്‍ ട്രസ്റ്റ് ചെയര്‍മാന്‍, കണ്ണൂര്‍ കൌസര്‍ ചാരിറ്റബിള്‍ ട്രസ്റ്റ്, ഇന്‍സാഫ് ചാരിറ്റബിള്‍ ട്രസ്റ്റ്, പുതിയങ്ങാടി അല്‍ഇഖ്റാം ചാരിറ്റബിള്‍ ട്രസ്റ്റ് എന്നിവയുടെ പ്രവര്‍ത്തകസമിതി അംഗം, കേരള റെക്കഗ്നൈസ്ഡ് സ്കൂള്‍ മാനേജ്മെന്റ് അസോസിയേഷന്‍ പ്രവര്‍ത്തക സമിതിയംഗം, കേരള മുസ്ലിം ഓര്‍ഫനേജ് കമ്മിറ്റിയംഗം, ജമാഅത്തെ ഇസ്ലാമി മാടായി ഹല്‍ഖാ നാസിം എന്നീ നിലകളിലും സേവനമനുഷ്ഠിച്ചുവരുകയായിരുന്നു.
ഭാര്യ: എസ്.എല്‍.പി. ആമിനാബി.
മക്കള്‍: മുഹമ്മദ് അഷ്റഫ് (ബദരിയ്യ ഫൂട്ട്വെയര്‍, തളിപ്പറമ്പ്), മുബാറക, മുഹമ്മദ് സിദ്ദീഖ് (സില്‍ക്ക് സിറ്റി, പയ്യന്നൂര്‍), ശാഫി മൊയ്തു (ബേഗ്ഫൂട്ട്, കണ്ണൂര്‍), സാബിറ (സിംഗപ്പൂര്‍), റംല, മുഹമ്മദ് റഫീഖ് (അബൂദബി), ആയിശബി, മുഹമ്മദ് ഫര്‍ഹത്ത് സലീം (ഫാസ്റ്റ് ഫൈബര്‍ പ്രോഡക്ട്, ചൂട്ടാട്), ത്വയ്യിബ (ലെക്ചറര്‍, ഇസ്ലാമിക് യൂനിവേഴ്സിറ്റി, കുവൈത്ത്), റുക്സാന (ചെന്നൈ).
മരുമക്കള്‍: സൈബുന്നിസ (കമ്പില്‍), ഹാഷിം (പയ്യന്നൂര്‍), സൌദ പടന്ന (ജമാഅത്തെ ഇസ്ലാമി വനിതാ വിഭാഗം കണ്ണൂര്‍ ജില്ലാ പ്രസിഡന്റ്), നാജിദ ബാനു ആദിരാജ (കണ്ണൂര്‍), വി.വി. ശരീഫ് (സിംഗപ്പൂര്‍), ഫെബീന (കണ്ണൂര്‍), ഫാറൂഖ് ഉസ്മാന്‍ (സെക്രട്ടറി, സോളിഡാരിറ്റി കണ്ണൂര്‍ ജില്ലാ കമ്മിറ്റി), ശബാന (പുതിയങ്ങാടി), അര്‍ഷദ് (കുവൈത്ത്), അജ്മല്‍ (ചെന്നൈ). മറ്റു സഹോദരങ്ങള്‍: വി.കെ. അബ്ദുല്ല, കുഞ്ഞാമിന, അസ്മ, സഫിയ, എം. മുസ്തഫ, പരേതരായ വി.കെ. യൂസുഫ് ഹാജി, ആത്തീമ.
വിടപറഞ്ഞത് വിദ്യാഭ്യാസ
ഗതിമാറ്റത്തിന്റെ ശില്‍പി
വി.കെ. മൊയ്തു ഹാജിയുടെ വിയോഗത്തോടെ ഉത്തരകേരളത്തിന് നഷ്ടമായത് വിദ്യാഭ്യാസ ഗതിമാറ്റത്തിന്റെ ശില്‍പിയെ. പ്രദേശത്തിന്റെ വിദ്യാഭ്യാസരംഗത്ത് പൊളിച്ചെഴുത്ത് നടത്തിയ സ്ഥാപനങ്ങള്‍ക്ക് സാന്നിധ്യം നല്‍കാനായത് വി.കെ. മൊയ്തുഹാജിയുടെ വിപ്ലവകരമായ വിദ്യാഭ്യാസ പരിശ്രമ പ്രവര്‍ത്തനങ്ങളുടെ ഫലമായിട്ടായിരുന്നു.
1981ല്‍ തഅ്ലീമുല്‍ ഇസ്ലാം ട്രസ്റ്റിന്റെ കീഴില്‍ പഴയങ്ങാടി വാദിഹുദയില്‍ നഴ്സറി സ്കൂളോടെയാണ് വിദ്യാഭ്യാസ സ്ഥാപനത്തിന് തുടക്കം കുറിക്കുന്നത്. തുടര്‍ന്ന് സി.ബി.എസ്.ഇ അംഗീകാരത്തോടെ പ്രോഗ്രസിവ് സീനിയര്‍ സെക്കന്‍ഡറി സ്കൂള്‍, കേരള സിലബസിലുള്ള വാദിഹുദ ഹയര്‍ സെക്കന്‍ഡറി സ്കൂള്‍, വാദിഹുദ ഹൈസ്കൂള്‍, ഐ.ടി.സി, കാരുണ്യ നികേതന്‍ ബധിര^ മൂക വിദ്യാലയം, അല്‍ഹുദ ഓര്‍ഫന്‍സ് കെയര്‍ ഹോം, കണ്ണൂര്‍ യൂനിവേഴ്സിറ്റിയുടെ അംഗീകാരത്തോടെയുള്ള വാദിഹുദ ഇന്‍സ്റ്റിറ്റ്യൂട്ട് ഓഫ് റിസര്‍ച് ആന്‍ഡ് അഡ്വാന്‍സ്ഡ് സ്റ്റഡീസ് തുടങ്ങി നിരവധി സംരംഭങ്ങള്‍ക്ക് അദ്ദേഹം ചുക്കാന്‍ പിടിച്ചു. പ്രദേശത്തെ നിരവധി ചാരിറ്റബിള്‍ സംരംഭങ്ങളില്‍ മൊയ്തു ഹാജിയുടെ കൈയൊപ്പ് പതിഞ്ഞിട്ടുണ്ട്. മിതഭാഷിയായ പ്രഭാഷകനും എഴുത്തുകാരനുമായിരുന്ന മൊയ്തു ഹാജിയുടെ ലേഖനങ്ങള്‍ പ്രബോധനം വാരികയിലും ഇംഗ്ലീഷ് ആനുകാലികമായ മെസേജിലും പ്രസിദ്ധീകരിച്ചിട്ടുണ്ട്.
ബുധനാഴ്ച രാവിലെ 11 മണിയോടെ മൊയ്തുഹാജിയുടെ വിയോഗ വാര്‍ത്തഅറിഞ്ഞതു മുതല്‍ പുതിയങ്ങാടിയിലെ വസതിയായ ശാന്തിനികേതനിലേക്ക് ജനം ഒഴുകിയെത്തുകയായിരുന്നു. ജനത്തിരക്ക് കാരണം പുതിയങ്ങാടി, മൊട്ടാമ്പ്രം മേഖലയില്‍ ഏറെനേരം ഗതാഗതം മുടങ്ങി. മത, സാമൂഹിക, സാസ്കാരിക, രാഷ്ട്രീയ രംഗങ്ങളിലെ പ്രമുഖരടങ്ങുന്ന വന്‍ ജനാവലിയുടെ സാന്നിധ്യത്തില്‍ വൈകീട്ട് ആറു മണിയോടെ പുതിയങ്ങാടി തലക്കലെ പള്ളി ഖബര്‍സ്ഥാനില്‍ മൃതദേഹം ഖബറടക്കി.
ജമാഅത്തെ ഇസ്ലാമി കേരള അമീര്‍ ടി.ആരിഫലി, അസി. അമീര്‍ ശൈഖ് മുഹമ്മദ് കാരകുന്ന്, ജനറല്‍ സെക്രട്ടറി എം.കെ. മുഹമ്മദലി, സെക്രട്ടറിമാരായ എന്‍.എം.അബ്ദുറഹിമാന്‍, ടി.കെ.ഹുസൈന്‍, 'മാധ്യമം' പത്രാധിപര്‍ ഒ.അബ്ദുറഹ്മാന്‍, എക്സിക്യൂട്ടിവ് എഡിറ്റര്‍ വി.എം. ഇബ്രാഹിം, ഡെപ്യൂട്ടി ജനറല്‍ മാനേജര്‍ വി.കെ. ഖാലിദ്, മുസ്ലിം ലീഗ് ജില്ലാ പ്രസിഡന്റ് വി.കെ.അബ്ദുല്‍ ഖാദര്‍ മൌലവി, ജില്ലാ സെക്രട്ടറി കെ.ടി.സഹദുല്ല, മുന്‍മന്ത്രി കെ.പി. നൂറുദ്ദീന്‍, ജമാഅത്തെ ഇസ്ലാമി ജില്ലാ ആക്ടിങ് പ്രസിഡന്റ് യു.പി.സിദ്ദീഖ്, സെക്രട്ടറി കളത്തില്‍ ബഷീര്‍, സോളിഡാരിറ്റി ജില്ലാ പ്രസിഡന്റ് കെ.എം. മഖ്ബൂല്‍, മുന്‍ ജില്ലാ പഞ്ചായത്ത് വൈസ് പ്രസിഡന്റ് പി. രാമചന്ദ്രന്‍, ഡി.സി.സി സെക്രട്ടറി പ്രമോദ്, ഐ.എന്‍.ടി.യു.സി ജില്ലാ പ്രസിഡന്റ് പി.പി. കരുണാകരന്‍ മാസ്റ്റര്‍, കല്യാശേãരി നിയമസഭാ മണ്ഡലം സ്ഥാനാര്‍ഥികളായ ടി.വി.രാജേഷ്, അഡ്വ.ഇന്ദിര,കാസര്‍കോട് ആലിയ കോളജ് ട്രസ്റ്റ് വൈസ് പ്രസിഡന്റ് അബൂബക്കര്‍ ഉമരി, സെക്രട്ടറി എന്‍ജിനീയര്‍ മുഹമ്മദ്, പ്രിന്‍സിപ്പല്‍ മുഹമ്മദ് ഗൈസ്, കണ്ണൂര്‍ കൌസര്‍ ട്രസ്റ്റ് വൈസ് ചെയര്‍മാന്‍ പി.സി.മൊയ്തു മാസ്റ്റര്‍ തുടങ്ങിയവര്‍ വസതിയിലെത്തി അനുശോചനം അറിയിച്ചു. മൊട്ടാമ്പ്രത്ത് ചേര്‍ന്ന സര്‍വകക്ഷി അനുശോചന യോഗത്തില്‍ മൊയ്തു ഹാജിയുടെ സഹോദരനും 'ഗള്‍ഫ് മാധ്യമം' പത്രാധിപരുമായ വി.കെ. ഹംസ അബ്ബാസ്, ഐ.എന്‍.എല്‍ സംസ്ഥാന ട്രഷറര്‍ ബി. ഹംസ ഹാജി, സൈദ് ഇബ്രാഹിം, എ.പി.ബദറുദ്ദീന്‍, പി.ഒ.പി. മുഹമ്മദലി ഹാജി, ഡോ. കെ.ടി. അഷ്റഫ്, വി.വിനോദ്, ശ്രീരാമന്‍ കൊയ്യോന്‍ എന്നിവര്‍ സംസാരിച്ചു. പഴയങ്ങാടി പ്രസ് ഫോറം അനുശോചിച്ചു. മഹമൂദ് വാടിക്കല്‍, സുധീര്‍ വെങ്ങര, പവിത്രന്‍ മാസ്റ്റര്‍, ഫൈസല്‍ മാടായി, ബാലന്‍ പൊങ്ങാരന്‍, പത്മനാഭന്‍ മാസ്റ്റര്‍, രാജേഷ് എന്നിവര്‍ സംസാരിച്ചു.
Courtesy:Madhyamam
SANKARA VILASAM SCHOOL
സ്കൂള്‍ വാര്‍ഷികം
കാഞ്ഞിരോട് ശങ്കരവിലാസം യു.പി സ്കൂള്‍ വാര്‍ഷികം ആഘോഷിച്ചു. സമാപന സമ്മേളനം കണ്ണൂര്‍ സൌത്ത് എ.ഇ.ഒ സി.വി. ജയന്‍ മാസ്റ്റര്‍ ഉദ്ഘാടനം ചെയ്തു. പി.ടി.എ. പ്രസിഡന്റ് എം. കൃഷ്ണന്‍ അധ്യക്ഷത വഹിച്ചു. എ. ചന്ദ്രന്‍, കെ. പ്രമീള എന്നിവര്‍ സംസാരിച്ചു. വിരമിക്കുന്ന അധ്യാപകര്‍ക്ക് കെ. പ്രമീള ഉപഹാരം സമര്‍പ്പിച്ചു. കെ. ജനാര്‍ദനന്‍ എന്‍ഡോവ്മെന്റ് വിതരണം ചെയ്തു. മത്സര വിജയികള്‍ക്ക് എ. ചന്ദ്രന്‍ സമ്മാനദാനം നടത്തി. കെ. സുധീര്‍ സഞ്ചയിക സമ്മാനം വിതരണം ചെയ്തു. വിരമിക്കുന്ന കെ.വി. ബാലകൃഷ്ണന്‍, കെ. സതി എന്നിവര്‍ മറുപടി പ്രസംഗം നടത്തി. പ്രധാനാധ്യാപകന്‍ കെ. ജയപ്രകാശ് സ്വാഗതവും സ്റ്റാഫ് സെക്രട്ടറി സി. രാമകൃഷ്ണന്‍ നന്ദിയും പറഞ്ഞു. കുട്ടികളുടെ കലാപരിപാടികള്‍ അരങ്ങേറി.
Wednesday, March 23, 2011
ENTRANCE COACHING
എന്‍ട്രന്‍സ് പരിശീലനം
മെഡിക്കല്‍, എന്‍ജിനീയറിങ് പ്രവേശന പരീക്ഷക്ക് തയാറെടുക്കുന്ന ജില്ലയിലെ മുസ്ലിം വിദ്യാര്‍ഥികള്‍ക്ക് തളിപ്പറമ്പ് സര്‍സയ്യിദ് കോളജ് റെമഡിയല്‍ കോച്ചിങ് സെന്ററിന്റെ ആഭിമുഖ്യത്തില്‍ പരിശീലനം നല്‍കും. കണ്ണൂര്‍ കാല്‍ടെക്സ് ജങ്ഷനിലെ കൌസര്‍ ഇംഗ്ലീഷ് സ്കൂളില്‍ ഏപ്രില്‍ ഒന്നുമുതല്‍ ക്ലാസ് ആരംഭിക്കും. താല്‍പര്യമുള്ളവര്‍ കാല്‍ടെക്സിലെ കൌസര്‍ ഓഫിസില്‍ അപേക്ഷ നല്‍കണം. ഫോണ്‍: 9895636087.
VOTERS LIST
വോട്ടേഴ്സ് ലിസ്റ്റില്‍ പേരുണ്ടോയെന്നറിയാന്‍
എസ്.എം.എസ് സംവിധാനം
വോട്ടേഴ്സ് ലിസ്റ്റില്‍ പേരുണ്ടോയെന്നും പോളിങ് സ്റ്റേഷന്‍ ഏതാണെന്നും അറിയാന്‍ എസ്.എം.എസ് സൌകര്യം ജില്ലയിലും നടപ്പായി. 2011 ജനുവരി അഞ്ചിലെ ലിസ്റ്റില്‍ പേരുണ്ടോയെന്നും പോളിങ് സ്റ്റേഷന്‍ ഏതാണെന്നും അറിയാം. 9446401077 എന്ന നമ്പറിലേക്കാണ് എസ്.എം.എസ് അയക്കേണ്ടത്. പോളിങ് സ്റ്റേഷന്‍ അറിയുന്നതിന് കണ്ണൂര്‍ താലൂക്കില്‍ പെട്ടവര്‍ (കണ്ണൂര്‍, ധര്‍മടം, അഴീക്കോട്, കല്യാശേãരി മണ്ഡലം) KR വോട്ടര്‍ ഐ.ഡി കാര്‍ഡ് നമ്പര്‍ എന്ന ഫോര്‍മാറ്റില്‍ വേണം എസ്.എം.എസ് അയക്കാന്‍.
തളിപ്പറമ്പ് താലൂക്കിലെ (പയ്യന്നൂര്‍, ഇരിക്കൂര്‍, തളിപ്പറമ്പ് മണ്ഡലം) വോട്ടര്‍മാര്‍ TP വോട്ടര്‍ ഐ.ഡി കാര്‍ഡ് നമ്പര്‍ എന്ന ഫോര്‍മാറ്റിലും തലശേãരി താലൂക്കില്‍പെട്ടവര്‍ (തലശേãരി, കൂത്തുപറമ്പ്,മട്ടന്നൂര്‍,പേരാവൂര്‍ മണ്ഡലം) TY വോട്ടര്‍ ഐ.ഡി കാര്‍ഡ് നമ്പര്‍ എന്ന ഫോര്‍മാറ്റിലും എസ്.എം.എസ് അയച്ചാല്‍ പോളിങ് സ്റ്റേഷന്‍ അറിയാം.
വോട്ടര്‍ ഐ.ഡി കാര്‍ഡ് നമ്പര്‍ അറിയാന്‍ കണ്ണൂര്‍ താലൂക്ക്: KRNMNAME/FATHER OR MOTHER OR HUSBAND/HOUSE NAME തളിപ്പറമ്പ് താലൂക്ക്: TPNMNAME/FATHER OR MOTHER OR HUSBAND/HOUSE NAME തലശേãരി താലൂക്ക്: TYNMNAME/FATHER OR MOTHER OR HUSBAND/HOUSE NAME. വോട്ടേഴ്സ് ലിസ്റ്റിലെ കൂടുതല്‍ വിവരങ്ങള്‍ www.ceokerala.gov.in എന്ന വെബ്സൈറ്റിലും ജനുവരി അഞ്ചിലെ ഒഴിവാക്കപ്പെട്ടവരുടെ ലിസ്റ്റ് www.kannur service.gov.in എന്ന വെബ്സൈറ്റിലും ലഭിക്കും.
തളിപ്പറമ്പ് താലൂക്കിലെ (പയ്യന്നൂര്‍, ഇരിക്കൂര്‍, തളിപ്പറമ്പ് മണ്ഡലം) വോട്ടര്‍മാര്‍ TP
വോട്ടര്‍ ഐ.ഡി കാര്‍ഡ് നമ്പര്‍ അറിയാന്‍ കണ്ണൂര്‍ താലൂക്ക്: KRNM
CHAKKARAKAL NEWS: BAR
ചക്കരക്കല്ലിലെ ബാര്‍അടച്ചുപൂട്ടണം
ആക്ഷന്‍ കമ്മിറ്റി
ആക്ഷന്‍ കമ്മിറ്റി
ചക്കരക്കല്ല്: ചക്കരക്കല്ലിലെ ജനങ്ങളുടെ സ്വൈരജീവിതം തകര്‍ക്കുന്ന ബാര്‍ അടച്ചുപൂട്ടണമെന്ന് ബാര്‍ വിരുദ്ധ ജനകീയ സമിതിയുടെ നേതൃത്വത്തില്‍ നടന്ന പൊതുയോഗം ആവശ്യപ്പെട്ടു.
കേരള പഞ്ചായത്തീരാജ് 232ാം ആക്ടനുസരിച്ച് നിയമനടപടി കൈക്കൊള്ളണമെന്ന് ഫാ. തോമസ് തൈത്തോട്ടം ഉദ്ഘാടനപ്രസംഗത്തില്‍ ആവശ്യപ്പെട്ടു. ബാര്‍ ഉള്‍ക്കൊള്ളുന്ന ചെമ്പിലോട് പഞ്ചായത്തിന്റെ അനുവാദമില്ലാതെയാണ് സ്ഥാപനം പ്രവര്‍ത്തിക്കുന്നതെന്നും അധികൃതരുടെ ഭാഗത്തുനിന്നുള്ള നിസ്സഹകരണം അവസാനിപ്പിക്കണമെന്നും അദ്ദേഹം പറഞ്ഞു.ചക്കരക്കല്ലില്‍ പ്രതിപക്ഷ നേതാവ് ഉമ്മന്‍ചാണ്ടിയുടെ കേരളമോചന യാത്രാസമയത്ത് സോളിഡാരിറ്റി യൂത്ത് മൂവ്മെന്റ് ഇതുസംബന്ധിച്ച് നിവേദനം നല്‍കിയിരുന്നു.
കെ.വി. കോരന്‍ അധ്യക്ഷത വഹിച്ചു. സി.എച്ച്. മുഹമ്മദലി ഹാജി (മുസ്ലിംലീഗ്), സി.പി. സലീം (കെ.എന്‍.എം), സി.എച്ച്. മുസ്തഫ (ജമാഅത്തെ ഇസ്ലാമി), സി. കാര്‍ത്യായനി ടീച്ചര്‍ (മദ്യനിരോധന സമിതി), തെക്കീബസാര്‍ മദ്യഷാപ്പ് സമരനായിക ശശികല, ഇ. അബ്ദുസ്സലാം, ടി.പി.ആര്‍. നാഥ് (സര്‍വോദയ സംഘം), സി.സി. മാമു ഹാജി, പട്ടന്‍ ഭാസ്കരന്‍ എന്നിവര്‍ സംസാരിച്ചു. ദിനു മൊട്ടമ്മല്‍ സ്വാഗതവും കെ.പി. മുത്തലിബ് നന്ദിയും പറഞ്ഞു.രാവിലെ നടന്ന വാഹനജാഥ ഏച്ചൂരില്‍നിന്നാരംഭിച്ച് ചക്കരക്കല്ലില്‍ സമാപിച്ചു. ടി. ചന്ദ്രന്‍, രഘു മാസ്റ്റര്‍, ദിനു മൊട്ടമ്മല്‍, കെ.കെ. ഫിറോസ്, പി.സി. അഹമ്മദ്, കെ.പി. മുത്തലിബ്, സി.സി. മാമു ഹാജി, കെ.വി. അഷ്റഫ് എന്നിവര്‍ നേതൃത്വം നല്‍കി.
കേരള പഞ്ചായത്തീരാജ് 232ാം ആക്ടനുസരിച്ച് നിയമനടപടി കൈക്കൊള്ളണമെന്ന് ഫാ. തോമസ് തൈത്തോട്ടം ഉദ്ഘാടനപ്രസംഗത്തില്‍ ആവശ്യപ്പെട്ടു. ബാര്‍ ഉള്‍ക്കൊള്ളുന്ന ചെമ്പിലോട് പഞ്ചായത്തിന്റെ അനുവാദമില്ലാതെയാണ് സ്ഥാപനം പ്രവര്‍ത്തിക്കുന്നതെന്നും അധികൃതരുടെ ഭാഗത്തുനിന്നുള്ള നിസ്സഹകരണം അവസാനിപ്പിക്കണമെന്നും അദ്ദേഹം പറഞ്ഞു.ചക്കരക്കല്ലില്‍ പ്രതിപക്ഷ നേതാവ് ഉമ്മന്‍ചാണ്ടിയുടെ കേരളമോചന യാത്രാസമയത്ത് സോളിഡാരിറ്റി യൂത്ത് മൂവ്മെന്റ് ഇതുസംബന്ധിച്ച് നിവേദനം നല്‍കിയിരുന്നു.
കെ.വി. കോരന്‍ അധ്യക്ഷത വഹിച്ചു. സി.എച്ച്. മുഹമ്മദലി ഹാജി (മുസ്ലിംലീഗ്), സി.പി. സലീം (കെ.എന്‍.എം), സി.എച്ച്. മുസ്തഫ (ജമാഅത്തെ ഇസ്ലാമി), സി. കാര്‍ത്യായനി ടീച്ചര്‍ (മദ്യനിരോധന സമിതി), തെക്കീബസാര്‍ മദ്യഷാപ്പ് സമരനായിക ശശികല, ഇ. അബ്ദുസ്സലാം, ടി.പി.ആര്‍. നാഥ് (സര്‍വോദയ സംഘം), സി.സി. മാമു ഹാജി, പട്ടന്‍ ഭാസ്കരന്‍ എന്നിവര്‍ സംസാരിച്ചു. ദിനു മൊട്ടമ്മല്‍ സ്വാഗതവും കെ.പി. മുത്തലിബ് നന്ദിയും പറഞ്ഞു.രാവിലെ നടന്ന വാഹനജാഥ ഏച്ചൂരില്‍നിന്നാരംഭിച്ച് ചക്കരക്കല്ലില്‍ സമാപിച്ചു. ടി. ചന്ദ്രന്‍, രഘു മാസ്റ്റര്‍, ദിനു മൊട്ടമ്മല്‍, കെ.കെ. ഫിറോസ്, പി.സി. അഹമ്മദ്, കെ.പി. മുത്തലിബ്, സി.സി. മാമു ഹാജി, കെ.വി. അഷ്റഫ് എന്നിവര്‍ നേതൃത്വം നല്‍കി.
Courtesy:madhyamam
Tuesday, March 22, 2011
Subscribe to:
Posts (Atom)