ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----

Thursday, November 8, 2012

സമാജ്വാദി കോളനി: തീരുമാനം സ്വാഗതാര്‍ഹം’

സമാജ്വാദി കോളനി:
തീരുമാനം സ്വാഗതാര്‍ഹം’
കണ്ണൂര്‍: സമാജ്വാദി കോളനിവാസികളുടെ ദുരിതത്തിന് അറുതിവരുത്താന്‍ മുഖ്യമന്ത്രി നിര്‍ദേശിച്ച പ്രോജക്ട് റിപ്പോര്‍ട്ട് തീരുമാനം സ്വാഗതാര്‍ഹമാണെന്ന് സോളിഡാരിറ്റി സമാജ്വാദി വികസന മുന്നണി കണ്‍വീനര്‍ പി. മിനി അഭിപ്രായപ്പെട്ടു. കോളനി വികസനത്തിന് സോളിഡാരിറ്റി വര്‍ഷങ്ങളായി നടത്തുന്ന പരിശ്രമങ്ങള്‍ക്കുള്ള അംഗീകാരമാണ് മുഖ്യമന്ത്രിയുടെ നിലപാട്. യോഗത്തില്‍ കെ.കെ. ശുഹൈബ്, ഷംന, ബിജു എന്നിവര്‍ സംസാരിച്ചു.

വിദ്യാര്‍ഥിദ്രോഹം -എസ്.ഐ.ഒ

 വിദ്യാര്‍ഥിദ്രോഹം -എസ്.ഐ.ഒ
കോഴിക്കോട്: ബസ് ചാര്‍ജ് വര്‍ധിപ്പിച്ച സംസ്ഥാന സര്‍ക്കാര്‍ നടപടി കടുത്ത വിദ്യാര്‍ഥിദ്രോഹമാണെന്ന് എസ്.ഐ.ഒ സംസ്ഥാന പ്രസിഡന്‍റ് ശിഹാബ് പൂക്കോട്ടൂര്‍.
ഇത്തരം ജനദ്രോഹ നടപടികളില്‍നിന്ന് സര്‍ക്കാര്‍ പിന്മാറിയില്ളെങ്കില്‍ ശക്തമായ പ്രതിഷേധ പരിപാടികള്‍ക്ക് എസ്.ഐ.ഒ നേതൃത്വംനല്‍കുമെന്നും അദ്ദേഹം പറഞ്ഞു.

Wednesday, November 7, 2012

മുണ്ടേരി പി.എച്ച്.സിയില്‍ കിടത്തി ചികിത്സ ആരംഭിക്കണം

മുണ്ടേരി പി.എച്ച്.സിയില്‍
കിടത്തി ചികിത്സ ആരംഭിക്കണം
മുണ്ടേരി: മുണ്ടേരി ഗ്രാമപഞ്ചായത്തിലെ പ്രാഥമികാരോഗ്യ കേന്ദ്രത്തില്‍ കിടത്തി ചികിത്സക്ക് സൗകര്യം ലഭ്യമാക്കാന്‍ നടപടി സ്വീകരിക്കണമെന്ന് എസ്.ഡി.പി.ഐ പഞ്ചായത്ത് കമ്മിറ്റി ആവശ്യപ്പെട്ടു. മുഖ്യമന്ത്രി, ആരോഗ്യമന്ത്രി, എ.പി. അബ്ദുല്ലക്കുട്ടി എം.എല്‍.എ, ജില്ലാ മെഡിക്കല്‍ ഓഫിസര്‍ എന്നിവര്‍ക്ക് ഇതുസംബന്ധിച്ച് നിവേദനം നല്‍കി.

ദുരിതത്തിന് അറുതിയാവുന്നു

ഓരോ കുടുംബത്തിനും 
നാല് സെന്‍റ് ഭൂമിയില്‍ വീട് നല്‍കും
സമാജ്വാദി കോളനിവാസികളുടെ
ദുരിതത്തിന് അറുതിയാവുന്നു
കണ്ണൂര്‍: തോട്ടട സമാജ്വാദി കോളനി നിവാസികളുടെ തെരുവുജീവിതത്തിന് തുല്യമായ കൊടും ദുരിതങ്ങള്‍ക്ക് അറുതിയാവുന്നു. പ്ളാസ്റ്റിക് ചാക്കും തുണികളും മറച്ചുണ്ടാക്കിയ കൂരകളില്‍ തിങ്ങിഞെരുങ്ങി കഴിയുന്ന കുടുംബങ്ങള്‍ക്ക് നാലുസെന്‍റ് ഭൂമി വീതം ലഭ്യമാക്കി ഭവനപദ്ധതി നടപ്പാക്കാന്‍ പ്രാഥമിക നടപടിയായി. പദ്ധതിക്ക് വിശദമായ പ്രോജക്ട് റിപ്പോര്‍ട്ട് തയാറാക്കി സമര്‍പ്പിക്കാന്‍ മുഖ്യമന്ത്രി ജില്ലാ കലക്ടര്‍ക്ക് നിര്‍ദേശം നല്‍കിയിട്ടുണ്ട്.
ജില്ലാപഞ്ചായത്തംഗം പി. മാധവന്‍ മാസ്റ്റര്‍ മുഖ്യമന്ത്രിക്ക് സമര്‍പ്പിച്ച നിവേദനം പരിഗണിച്ചാണ് പദ്ധതി തയാറാക്കാന്‍ നിര്‍ദേശം നല്‍കിയത്. ജില്ലാകലക്ടര്‍ ചെയര്‍മാനായുള്ള അഭയനികേതന് അനുവദിച്ച 14 ഏക്കര്‍ ഭൂമിയില്‍നിന്ന് മൂന്ന് ഏക്കര്‍ കോളനിക്കായി ഏറ്റെടുത്ത് ഒരു കുടുംബത്തിന് നാലുസെന്‍റ് ഭൂമി ലഭിക്കുന്ന വിധം പദ്ധതി തയാറാക്കാനാണ് ഉദ്ദേശ്യം.  സമാജ്വാദി കോളനിയോട് ചേര്‍ന്ന് കിടക്കുന്നതാണ് അഭയനികേതന്‍െറ ഭൂമി. ഇതില്‍ എട്ട് ഏക്കറോളം ഉപയോഗിക്കാതെ കാടുപിടിച്ച് കിടക്കുകയാണ്.
സ്ഥലലഭ്യതയനുസരിച്ച് വീടുകളായോ ഫ്ളാറ്റ് സമുച്ചയമായോ പദ്ധതിയുടെ രൂപരേഖ തയാറാക്കാനാണ് ആവശ്യപ്പെട്ടത്. നവംബര്‍ 17ന് കണ്ണൂരിലത്തെുന്ന മുഖ്യമന്ത്രി കോളനി സന്ദര്‍ശിക്കും. പദ്ധതിയുടെ ഒൗദ്യോഗിക പ്രഖ്യാപനവും അന്ന് നടത്തും. അപ്പോഴേക്കും വിശദമായ പ്രോജക്ട് റിപ്പോര്‍ട്ട് തയാറാക്കണം.
എടക്കാട് ഗ്രാമപഞ്ചായത്തിലെ 14ാം വാര്‍ഡില്‍പെട്ട സമാജ്വാദി കോളനിയിലെ 1.68 സെന്‍റ് ഭൂമിയില്‍ 84 കുടുംബങ്ങളിലായി 400ഓളം ആളുകളാണ് താമസിക്കുന്നത്. 37 കുടുംബങ്ങള്‍ക്ക് മാത്രമാണ് വാസയോഗ്യമായ വീടുകളുള്ളത്. ഓലയും ചാക്കും തുണിയും ഉപയോഗിച്ചുണ്ടാക്കിയ കൂരകളാണ് ശേഷിച്ച 45 എണ്ണം. ഇതില്‍ രണ്ട് വീടുകളില്‍ മാത്രമാണ് കക്കൂസ് ഉള്ളത്. കക്കൂസ് നിര്‍മിക്കാനുള്ള സ്ഥലം പോലും ലഭ്യമല്ലാത്തതിനാല്‍ തൊട്ടടുത്തുള്ള തുറസായ പറമ്പിലാണ് കോളനിനിവാസികള്‍ മലമൂത്ര വിസര്‍ജനം നടത്തുന്നത്. വീടുകളിലെ മാലിന്യങ്ങള്‍ തള്ളുന്നതും ഇവിടെയാണ്. ഇത് ആരോഗ്യ പ്രശ്നങ്ങള്‍ക്ക് ഇടയാക്കുന്നു. തെരുവില്‍ കഴിയുന്നതിനെക്കാള്‍ ശോചനീയമായ അവസ്ഥയിലാണ് കോളനിയിലെ ജീവിതം. സംസ്ഥാന സര്‍ക്കാര്‍ നടപ്പാക്കിയ നൂറുദിന പരിപാടിയില്‍ ഉള്‍പ്പെടുത്തി കോളനിയില്‍ കുടിവെള്ള പദ്ധതി നടപ്പാക്കാന്‍ ശ്രമിച്ചിരുന്നെങ്കിലും ഇതേവരെ യാഥാര്‍ഥ്യമായില്ല.  സോളിഡാരിറ്റി യൂത്ത് മൂവ്മെന്‍റ് ജില്ലാ കമ്മിറ്റിയുടെ നേതൃത്വത്തില്‍ ഏര്‍പ്പെടുത്തിയ കുടിവെള്ള പദ്ധതിയെയാണ് ഇപ്പോള്‍  കോളനിവാസികള്‍ ആശ്രയിക്കുന്നത്. കുഴല്‍ക്കിണര്‍, ടാങ്ക്, പൈപ്പ്ലൈന്‍, വീടുകള്‍ക്കു മുന്നില്‍ ടാപ്പുകള്‍ എന്നിവ ഉള്‍പ്പെടെ 1,82,433 രൂപ ചെലവഴിച്ചാണ് സോളിഡാരിറ്റി കോളനിയില്‍ കുടിവെള്ളം എത്തിച്ചത്.
നേരത്തെ ജില്ലാപഞ്ചായത്ത് ഇവിടെ സ്ഥാപിച്ച ടാങ്കും പമ്പുസെറ്റും വെള്ളമത്തെിക്കാന്‍ ഉപയോഗപ്പെടാതെ നോക്കുകുത്തിയായി. കുഴല്‍ക്കിണറില്‍ വെള്ളം ലഭിക്കുന്നില്ളെന്നതായിരുന്നു പദ്ധതി പ്രയോജനരഹിതമാകാന്‍ ഉദ്യോഗസ്ഥര്‍ പറഞ്ഞ കാരണം. എന്നാല്‍, സോളിഡാരിറ്റി നിര്‍മിച്ച കിണറില്‍ ആവശ്യത്തിന് വെള്ളം ലഭ്യമായി
. കോളനിവാസികള്‍ക്ക് ശുചിത്വപൂര്‍ണവും വാസയോഗ്യവുമായ വീടുകള്‍ നിര്‍മിച്ചുനല്‍കാന്‍ പ്രത്യേക പാക്കേജ് ഉണ്ടാക്കണമെന്ന് പി. മാധവന്‍ മാസ്റ്റര്‍ മുഖ്യമന്ത്രിക്ക് നല്‍കിയ നിവേദനത്തില്‍ അഭ്യര്‍ഥിച്ചിരുന്നു. കഴിഞ്ഞ ഒക്ടോബര്‍ 21ന് തിരുവനന്തപുരത്ത് നേരിട്ട് ചെന്ന് സമര്‍പ്പിച്ച നിവേദനം മുഖ്യമന്ത്രി ഗൗരവപൂര്‍വം പരിഗണിച്ച് പദ്ധതി തയാറാക്കാന്‍ നിര്‍ദേശിക്കുകയാണുണ്ടായത്.
കോളനിയിലെ താമസക്കാരില്‍ ഭൂരിഭാഗവും പട്ടികജാതി വിഭാഗത്തില്‍പെട്ട ചക്ളിയ സമുദായാംഗങ്ങളാണ്. അന്യസംസ്ഥാനക്കാരായ നാടോടികളും കൂലി ത്തൊഴിലാളികളുമൊക്കെയാണ് മറ്റുള്ളവര്‍. മുഖ്യമന്ത്രിയുടെ പ്രഖ്യാപനം നിരാശ്രയരായ ഇവര്‍ക്ക് ഏറെ പ്രതീക്ഷ നല്‍കുന്നു.

Tuesday, November 6, 2012

MAJLIS KIDS FEST 2012


MAJLIS FEST 2012



MAJLIS FEST 2012



അല്‍ഫലാഹ് ഇംഗ്ളീഷ് സ്കൂള്‍ കായികമേള

 അല്‍ഫലാഹ് ഇംഗ്ളീഷ് സ്കൂള്‍ 
കായികമേള
ന്യൂമാഹി: അല്‍ഫലാഹ് ഇംഗ്ളീഷ് സ്കൂള്‍ വാര്‍ഷിക കായികമേള ന്യൂമാഹി പഞ്ചായത്ത് പ്രസിഡന്‍റ് ശ്രീജ ഉദ്ഘാടനം ചെയ്തു. അല്‍ഫലാഹ് മാനേജര്‍ എം. ദാവൂദ് പതാക ഉയര്‍ത്തി. വാര്‍ഡംഗം സജിത, വൈസ് പ്രിന്‍സിപ്പല്‍ ഷര്‍മിന ഖാലിദ് എന്നിവര്‍ സംബന്ധിച്ചു.

കാഞ്ഞിരോട് ബസാറില്‍ തെരുവുവിളക്കുകള്‍ കത്തിക്കണം

 കാഞ്ഞിരോട് ബസാറില്‍
തെരുവുവിളക്കുകള്‍ കത്തിക്കണം
കാഞ്ഞിരോട്: മുണ്ടേരി പഞ്ചായത്തിലെ കാഞ്ഞിരോട് കരക്കാട്ട്, കാഞ്ഞിരോട് ബസാര്‍ തുടങ്ങിയ പ്രദേശങ്ങളില്‍ തെരുവുവിളക്കുകള്‍ കത്തിക്കണമെന്നാവശ്യപ്പെട്ട് യൂത്ത്ലീഗ് നിവേദനം നല്‍കി.  യൂത്ത്ലീഗ് മണ്ഡലം ജനറല്‍ സെക്രട്ടറി അഷ്റഫ് കാഞ്ഞിരോട്, പഞ്ചായത്ത് പ്രസിഡന്‍റിനും കെ.എസ്.ഇ.ബി എക്സി. എന്‍ജിനീയര്‍ക്കുമാണ് നിവേദനം നല്‍കിയത്.

എസ്.ഐ.ഒ കണ്ണൂര്‍ ജില്ലാ കേഡര്‍ ക്യാമ്പ്

 എസ്.ഐ.ഒ കണ്ണൂര്‍ ജില്ലാ
കേഡര്‍ ക്യാമ്പ്
കണ്ണൂര്‍: എസ്.ഐ.ഒ കണ്ണൂര്‍ ജില്ലാ കമ്മിറ്റിയുടെ ആഭിമുഖ്യത്തില്‍ നരയന്‍പാറ ഐഡിയല്‍ കോളജില്‍ കേഡര്‍ ക്യാമ്പ് സംഘടിപ്പിച്ചു. ജമാഅത്തെ ഇസ്ലാമി ജില്ലാ പ്രസിഡന്‍റ് ടി.കെ. മുഹമ്മദലി ഉദ്ഘാടനം ചെയ്തു. എസ്.ഐ.ഒ ജില്ലാ പ്രസിഡന്‍റ് യൂനുസ് സലിം അധ്യക്ഷത വഹിച്ചു. മുനീര്‍, വി.എന്‍. ഹാരിസ്, ശംസീര്‍ ഇബ്രാഹിം, ആഷിഖ് കാഞ്ഞിരോട് എന്നിവര്‍ സംസാരിച്ചു. വി.കെ. കുട്ടു സമാപനം നിര്‍വഹിച്ചു. വിദ്യാഭ്യാസ-കലാ-കായിക മേളകളില്‍ ഉന്നത വിജയം കൈവരിച്ച പ്രവര്‍ത്തകരായ ഹിഷാം ഖാലിദ്, അഫ്സല്‍ ഹുസൈന്‍, ഫഹദ് അഴിയൂര്‍, റാഷിദ് താണ എന്നിവരെ അനുമോദിച്ചു. അഫ്സല്‍ ഹുസൈന്‍, സാബിഖ് മാസ്റ്റര്‍, സഫീര്‍, ഹഫീഫ് എന്നിവര്‍ നേതൃത്വം നല്‍കി.

മണല്‍മാഫിയ-രാഷ്ട്രീയബന്ധം അരാജകത്വമുണ്ടാക്കുന്നു -സോളിഡാരിറ്റി

 മണല്‍മാഫിയ-രാഷ്ട്രീയബന്ധം
അരാജകത്വമുണ്ടാക്കുന്നു -സോളിഡാരിറ്റി

കണ്ണൂര്‍: മണല്‍ മാഫിയ-രാഷ്ട്രീയ അവിശുദ്ധ ബന്ധം വമ്പിച്ച പരിസ്ഥിതി ആഘാതത്തിനും നിര്‍മാണ മേഖലയുടെ പ്രതിസന്ധിക്കും കാരണമായിരിക്കുകയാണെന്ന് സോളിഡാരിറ്റി ജില്ലാ സെക്രട്ടേറിയറ്റ് വിലയിരുത്തി. അനധികൃത മണല്‍കടത്ത് നടത്തിയവരെ പൊലീസ് സ്റ്റേഷനില്‍നിന്ന് മോചിപ്പിക്കാന്‍ കെ. സുധാകരനും കെ.എം. ഷാജിയും നടത്തിയ നീക്കത്തിലൂടെ രാഷ്ട്രീയ-മാഫിയ ബന്ധം മറനീക്കി പുറത്തുവന്നിരിക്കുകയാണെന്ന് യോഗം ആരോപിച്ചു. മണല്‍വാരലും വിതരണവും സുതാര്യവും കൊള്ളക്ക് പഴുതില്ലാത്ത രീതിയില്‍ ശാസ്ത്രീയവുമായി പുന$ക്രമീകരിക്കാന്‍ അധികാരികള്‍ ആര്‍ജവം കാണിക്കണമെന്ന് സെക്രട്ടേറിയറ്റ് ആവശ്യപ്പെട്ടു.
മണല്‍വാരല്‍ മേഖലയിലെ രാഷ്ട്രീയ പിന്തുണയോടെയുള്ള മാഫിയ പ്രവര്‍ത്തനങ്ങളെ തുറന്നുകാട്ടി സോളിഡാരിറ്റി പ്രക്ഷോഭം സംഘടിപ്പിക്കാന്‍ തീരുമാനിച്ചു.  ജില്ലാ പ്രസിഡന്‍റ് ഫാറൂഖ് ഉസ്മാന്‍ അധ്യക്ഷത വഹിച്ചു. കെ.എം. മഖ്ബൂല്‍, ടി.പി. ഇല്യാസ്, എം.ബി. മുഹമ്മദ് ഫൈസല്‍ എന്നിവര്‍ സംസാരിച്ചു.

നിയുക്ത കര്‍ദിനാളിന് അഭിനന്ദനം

നിയുക്ത കര്‍ദിനാളിന് 
ജമാഅത്തെ ഇസ്ലാമിയുടെ അഭിനന്ദനം
തിരുവനന്തപുരം: നിയുക്ത കര്‍ദിനാള്‍ ക്ളിമ്മീസ് മാര്‍ ബസേലിയോസ്  കാതോലിക്കാ ബാവക്ക് ജമാഅത്തെ ഇസ്ലാമി ആശംസ നേര്‍ന്നു. സംസ്ഥാന ജനറല്‍ സെക്രട്ടറി പി.മുജീബുറഹ്മാനും സംഘവും പട്ടത്തെ അരമനയില്‍ എത്തിയാണ് ആശംസ അറിയിച്ചത്. മതസമൂഹങ്ങള്‍  കൂടുതല്‍ അടുക്കുകയും ആശയങ്ങള്‍ പങ്കുവെക്കുകയുമാണ് വേണ്ടതെന്ന് കാതോലിക്കാ ബാവ പറഞ്ഞു. നമ്മുടെ ബഹുസ്വരതക്കുതകുന്ന ഇത്തരം ആശയകൈമാറ്റങ്ങള്‍ക്കായി സൗഹൃദവേദികള്‍ ഉണ്ടാകുന്നതിന് ജമാഅത്തെ ഇസ്ലാമിയുടെ പൂര്‍ണ പിന്തുണ മുജീബുറഹ്മാന്‍ വാഗ്ദാനം ചെയ്തു. സബ്സോണ്‍ സെക്രട്ടറി എം.മെഹബൂബ്, ജില്ലാ സമിതി അംഗം എ.അന്‍സാരി എന്നിവര്‍ ജനറല്‍ സെക്രട്ടറിക്കൊപ്പം ഉണ്ടായിരുന്നു.

AL FALAH


UMRA 2012


Monday, November 5, 2012

PRABODHANAM WEEKLY


MADHYAMAM WEEKLY


കുടുംബ സംഗമം

 കുടുംബ സംഗമം
വീരാജ്പേട്ട: കുടുംബ ജീവിതത്തിലെ ശൈഥില്യമാണ് ആധുനിക മനുഷ്യന്‍ നേരിടുന്ന ഏറ്റവും വലിയ വെല്ലുവിളിയെന്ന് ജമാഅത്തെ ഇസ്ലാമി കേരള സംസ്ഥാന  വനിതാ വിഭാഗം പ്രസിഡന്‍റ് കെ.എന്‍. സുലൈഖ. ജമാഅത്തെ ഇസ്ലാമി കുടക് ജില്ലാ സമിതി സിദ്ദാപുരത്തെ കരടികോട് ചര്‍ച്ച്ഹാളില്‍ സംഘടിപ്പിച്ച ഈദ്ഫെസ്റ്റ് 2012 കുടുംബ സംഗമത്തില്‍ മുഖ്യപ്രഭാഷണം നടത്തുകയായിരുന്നു അവര്‍. കെ.എം. ഉമര്‍ മൗലവി ഖുര്‍ആന്‍ ക്ളാസെടുത്തു. കെ. സാദിഖ് സംസാരിച്ചു. ജില്ലാ സെക്രട്ടറി പി.കെ. അബ്ദുറഹ്മാന്‍ സ്വാഗതം പറഞ്ഞു. നവാസ് പാലേരിയുടെ ഗാനമേളയും നടന്നു.

മലര്‍വാടി വീട്: ഫണ്ട് ശേഖരണം





 


 മലര്‍വാടി വീട്: 
ഫണ്ട് ശേഖരണം
ചാലാട്: മലര്‍വാടി ബാലസംഘത്തിന്‍െറ ആഭിമുഖ്യത്തില്‍ പാവപ്പെട്ട വിദ്യാര്‍ഥികള്‍ക്ക് വീട് നിര്‍മിച്ചുനല്‍കുന്നതിനുള്ള ഫണ്ട് ശേഖരണത്തിന്‍െറ പള്ളിക്കുന്ന് പഞ്ചായത്തുതല ഉദ്ഘാടനം ഗ്രാമപഞ്ചായത്ത് പ്രസിഡന്‍റ് കെ.പി. വിദ്യ ഉദ്ഘാടനം ചെയ്തു. ആദ്യഗഡു ലിയോ ഫുഡ്സ് ആന്‍ഡ് സ്പൈസസ് മാനേജിങ് ഡയറക്ടര്‍ അക്ബര്‍ പാഷ വിദ്യാര്‍ഥി അന്‍ഫസ് മുഹമ്മദിന് കൈമാറി. മലര്‍വാടി ബാലസംഘം യൂനിറ്റ് കോഓഡിനേറ്റര്‍ സി.എച്ച്. ഷൗക്കത്തലി അധ്യക്ഷത വഹിച്ചു. കെ. ജഷീര്‍, വെല്‍ഫെയര്‍ പാര്‍ട്ടി പള്ളിക്കുന്ന് പഞ്ചായത്ത് പ്രസിഡന്‍റ് പി.വി. രവീന്ദ്രന്‍ എന്നിവര്‍ സംസാരിച്ചു. ടി.കെ. അസ്ലം സ്വാഗതവും കെ.പി. റഫീഖ് നന്ദിയും പറഞ്ഞു.

സോളിഡാരിറ്റി മേഖലാ സമ്മേളനം

 
 
 സോളിഡാരിറ്റി 
മേഖലാ സമ്മേളനം
കണ്ണൂര്‍: മനുഷ്യരെ അടിമകളാക്കുന്ന അധീശത്വ ശക്തികള്‍ക്കെതിരെ പോരാടാനും ജനങ്ങള്‍ക്കുവേണ്ടി പ്രവര്‍ത്തിക്കാനും യുവാക്കള്‍ മുന്നോട്ടുവരണമെന്ന് സോളിഡാരിറ്റി മുന്‍ സംസ്ഥാന പ്രവര്‍ത്തക സമിതി അംഗം ടി.പി. മുഹമ്മദ് ഷമീം പറഞ്ഞു. ‘വിപ്ളവ വസന്തത്തിന്‍െറ ശലഭങ്ങളാവുക’ എന്ന തലക്കെട്ടില്‍ സോളിഡാരിറ്റി കണ്ണൂര്‍ മേഖലാ സമ്മേളനത്തില്‍ മുഖ്യപ്രഭാഷണം നിര്‍വഹിക്കുകയായിരുന്നു അദ്ദേഹം. ജില്ലാ സെക്രട്ടറി സാദിഖ് ഉളിയില്‍ ഉദ്ഘാടനം ചെയ്തു. കാഞ്ഞിരോട് ഏരിയ പ്രസിഡന്‍റ് കെ.കെ. ഫൈസല്‍ അധ്യക്ഷത വഹിച്ചു. ജമാഅത്തെ ഇസ്ലാമി ഏരിയ പ്രസിഡന്‍റ് ഹനീഫ മാസ്റ്റര്‍ സംസാരിച്ചു. കെ.കെ. മുഹമ്മദ് ഷുഹൈബ് സ്വാഗതം പറഞ്ഞു.

Sunday, November 4, 2012

ഹിദായത് നഗര്‍ റോഡിലെ വളവ് ഇനി ഓര്‍മ

 
 
 
 
ഹിദായത് നഗര്‍ റോഡിലെ വളവ് നികത്തി
ഹിദായത് നഗര്‍ റോഡിലെ വളവ് ഇനി ഓര്‍മ
കാഞ്ഞിരോട് : സ്കൂള്‍ വാഹനങ്ങളടക്കം നിരവധി വാഹനങ്ങള്‍ ദിവസവും കടന്നു പോകുന്ന മായന്‍മുക്ക് _ ഹിദായത്ത് നഗര്‍ റോഡിലെ അപകട ഭീതിയുയര്‍ത്തിയ വളവു നികത്തി. പരിസരവാസിയും സ്ഥലം ഉടമയുമായ ടി. വി. അബ്ദുല്‍ റഷീദ്  സാഹിബ് സൗജന്യമായി സ്ഥലം വിട്ടുകൊടുത്തതോടെയാണ് വാഹനങ്ങള്‍ക്കും കാല്‍നടക്കാര്‍ക്കും ഭീഷണി ഉയര്‍ത്തിയ വളവു നികത്തുന്നതിനു സൗകര്യമൊരുങ്ങിയത് . 
     മസ്ജിദുല്‍ ഹുദ, അല്‍ ഹുദ ഇംഗ്ളീഷ് സ്കൂള്‍ തുടങ്ങിയ സ്ഥാപനങ്ങളുടെ നടത്തിപ്പുകാരായ കാഞ്ഞിരോട് ഇസ്ലാമിയ ട്രസ്റ്റ് ഭാരവാഹികള്‍ മുന്‍കയ്യെടുത്താണ് നിര്‍മാണ പ്രവര്‍ത്തനങ്ങള്‍ നടത്തുന്നത്.  വളവ് നില്‍കുന്ന ഭാഗത്ത് റോഡ് വീതികൂട്ടി കരങ്കല്ല് കൊണ്ട് ഭിത്തികെട്ടി മണ്ണിട്ട് നികത്തിയാണ് നിര്‍മാണം നടക്കുന്നത്. നിര്‍മാണ പ്രവര്‍ത്തനങ്ങള്‍ക്കുള്ള ചെലവും വഹികുന്നത് കാഞ്ഞിരോട് ഇസ്ലാമിയ ട്രസ്റ്റാണ്.
     നിര്‍മാണ പ്രവര്‍ത്തനങ്ങള്‍ക്ക് സ്ഥലം ഉടമ ടി. വി. അബ്ദുല്‍ റഷീദ് സാഹിബ് , ജമാഅത്തെ  ഇസ്ലാമി യൂനിറ്റ് പ്രസിഡന്‍്റ് വി. പി. അബ്ദുല്‍ ഖാദര്‍ എഞ്ചിനീയര്‍ , എ. എം. മുഹമ്മദ് ,വി. കെ. അബ്ദുല്‍ റസാക്ക്, പി. സി. അജ്മല്‍ , പി. പി.  അബ്ദുല്‍ സത്താര്‍ തുടങ്ങിയവര്‍ നേതൃത്വം നല്‍കി.

കിഡ്സ് ഫെസ്റ്റ് 2012

ഉത്തര മേഖല 
മജ്ലിസ് കിഡ്സ് ഫെസ്റ്റ് 2012
സ്വാഗത സംഘം രൂപീകരിച്ചു
കാഞ്ഞിരോട്: നവംമ്പര്‍ 10 ന് കാഞ്ഞിരോട് അല്‍ ഹുദ  ഇംഗ്ളീഷ് സ്കൂളില്‍ നടക്കുന്ന ഉത്തര മേഖല മജ്ലിസ് കിഡ്സ് ഫെസ്റ്റ് 2012 സ്വാഗത സംഘം രൂപികരിച്ചു.
സ്വാഗത സംഘം ഭാരവാഹികള്‍:
പി.സി. മൊയ്തു മാസ്റ്റര്‍ (മുഖ്യ രക്ഷാധികാരി)
വി.പി. അബ്ദുല്‍ ഖാദര്‍ എഞ്ചിനീയര്‍ (ചെയര്‍മാന്‍)
കെ.ടി. കുഞ്ഞിമൊയ്തീന്‍ (ജന.കണ്‍വീനര്‍)
എം.പി. യമുന ടീച്ചര്‍  (പോഗ്രാം)
എം. തുളസി ടീച്ചര്‍ (സ്റ്റേജ് & അക്കമഡേഷന്‍)
ടി. അബ്ദുല്‍ ഖാദര്‍ മാസ്റ്റര്‍  (റിസപ്ഷന്‍)
കെ. സജീം (പ്രചാരണം)
എ.എം മുഹമ്മദ്  (ഭക്ഷണം )
പി.പി. അബ്ദുല്‍ സത്താര്‍  (ലോ & ഓര്‍ഡര്‍)
വി.കെ. നൗഷാദ് (ധനകാര്യം)

നഴ്സുമാരുടെ സമരത്തിന് ഐക്യദാര്‍ഢ്യവുമായി വെല്‍ഫെയര്‍ പാര്‍ട്ടി

 
 നഴ്സുമാരുടെ സമരത്തിന്
ഐക്യദാര്‍ഢ്യവുമായി വെല്‍ഫെയര്‍ പാര്‍ട്ടി
കണ്ണൂര്‍: നഴ്സിങ് സമരത്തിന്‍െറ മറവില്‍ യോഗ്യത നേടിയിട്ടില്ലാത്ത നഴ്സുമാരെയും വിദ്യാര്‍ഥികളെയും വെച്ചുള്ള ചികിത്സ ജനങ്ങളുടെ ജീവന്‍വെച്ചുള്ള തീക്കളിയാണെന്ന് വെല്‍ഫെയര്‍ പാര്‍ട്ടി ഓഫ് ഇന്ത്യ ജില്ലാ പ്രസിഡന്‍റ് കെ.ടി. രാധാകൃഷ്ണന്‍ കൂടാളി പറഞ്ഞു. കണ്ണൂര്‍ ധനലക്ഷ്മി ആശുപത്രിക്കു മുന്നിലെ നഴ്സുമാരുടെ സമരപ്പന്തല്‍ സന്ദര്‍ശിച്ച് സംസാരിക്കുകയായിരുന്നു അദ്ദേഹം.
വെല്‍ഫെയര്‍ പാര്‍ട്ടി ഓഫ് ഇന്ത്യ ജില്ലാ വൈസ് പ്രസിഡന്‍റുമാരായ പള്ളിപ്രം പ്രസന്നന്‍, സൈനുദ്ദീന്‍ കരിവെള്ളൂര്‍, ജില്ലാ സെക്രട്ടറിമാരായ എന്‍.എം. ശഫീഖ്, മോഹനന്‍ കുഞ്ഞിമംഗലം, മണ്ഡലം പ്രസിഡന്‍റ് ഇംതിയാസ് എന്നിവരും കൂടെയുണ്ടായിരുന്നു.

Saturday, November 3, 2012

സാമുദായികത രാഷ്ട്രീയ താല്‍പര്യത്തിന് ഉപയോഗിക്കുന്നത് അപകടകരം: ഒ. അബ്ദുറഹ്മാന്‍

 
 
 സാമുദായികത രാഷ്ട്രീയ താല്‍പര്യത്തിന് ഉപയോഗിക്കുന്നത്
അപകടകരം: ഒ. അബ്ദുറഹ്മാന്‍
കണ്ണൂര്‍: രാഷ്ട്രീയ താല്‍പര്യത്തിനും സ്വാര്‍ഥ താല്‍പര്യത്തിനും വേണ്ടി സാമുദായികത ഉപയോഗിക്കുമ്പോഴാണ് അപകടകരമാവുന്നതെന്ന് ‘മാധ്യമം’ എഡിറ്റര്‍ ഒ. അബ്ദുറഹ്മാന്‍ പറഞ്ഞു. ജമാഅത്തെ ഇസ്ലാമി കണ്ണൂര്‍ ജില്ലാ കമ്മിറ്റി ‘കേരള രാഷ്ട്രീയം, സാമുദായികത, വര്‍ഗീയത’ എന്ന വിഷയത്തില്‍ ചേംബര്‍ ഹാളില്‍ സംഘടിപ്പിച്ച തുറന്ന ചര്‍ച്ച ഉദ്ഘാടനം ചെയ്യുകയായിരുന്നു അദ്ദേഹം.
കേരളം എന്നും നിലനിര്‍ത്തിയിരുന്നത് മത-സാമുദായിക സൗഹൃദമാണ്. അതിന് ഒരിക്കലെങ്കിലും ഗുരുതരമായ പോറലേറ്റാല്‍ പിന്നീട് തിരിച്ച് പിടിക്കാനാവാത്ത അവസ്ഥയുണ്ടാവും. എല്ലാ മതങ്ങളെയും പ്രവര്‍ത്തിക്കാനും ഉള്‍ക്കൊള്ളാനും തയറായിക്കൊണ്ടാണ് കേരളം അഭിമാനകരമായ പാരമ്പര്യം നിലനിര്‍ത്തിയത്. എന്നാല്‍, സ്വാതന്ത്ര്യത്തിന്‍െറ 60 വര്‍ഷത്തിന് ശേഷം തിരിഞ്ഞുനോക്കുമ്പോള്‍ ജാതീയത മറ്റൊരുതരത്തില്‍ ശക്തി പ്രാപിക്കുകയും സാമുദായികത വര്‍ഗീയതയായി മാറുകയും ചെയ്യുകയാണ്.  അസ്വസ്ഥരായ ജനങ്ങളെ യഥാര്‍ഥ പ്രശ്നങ്ങളില്‍ നിന്ന് തിരിച്ചുവിടാന്‍ അയഥാര്‍ഥമായ വിഷയങ്ങള്‍ മാധ്യമങ്ങളടക്കം ഉയര്‍ത്തിക്കൊണ്ടുവരികയാണ്. എല്ലാ സംസ്ഥാനങ്ങളിലും പ്രാദേശികതയും ജാതീയതയും പറഞ്ഞുള്ള വീതംവെപ്പാണ് നടക്കുന്നത്. കേരളത്തിലും കേന്ദ്രത്തിലും അടുത്ത കാലത്ത് നടന്ന മന്ത്രിസഭാ പുന$സംഘടന പോലും ഇത്തരത്തിലാണ് നടന്നത്. ആഗോളവല്‍കരണത്തിനും കോര്‍പറേറ്റ്വല്‍കരണത്തിനും ഇതില്‍ പങ്കുണ്ട്. കോടികളുടെ അഴിമതി നടത്തുന്ന ഭരണാധികാരികള്‍ക്ക് അറബ് വസന്തം പാഠമാകണം. അണ്ണാ ഹസാരെക്ക് ആദ്യഘട്ടത്തില്‍ ലഭിച്ച പിന്തുണ കണ്ണുതുറപ്പിക്കേണ്ടതാണെന്നും ഒ. അബ്ദുറഹ്മാന്‍ പറഞ്ഞു.
വര്‍ഗീയതയും തീവ്രവാദവും ഏതുഭാഗത്ത് നിന്ന് വന്നാലും എതിര്‍ക്കാന്‍ മടിയില്ളെന്ന് സി.പി.എം സംസ്ഥാന കമ്മിറ്റി അംഗം എം.വി. ജയരാജന്‍ പറഞ്ഞു. ഭൂരിപക്ഷം ഹിന്ദുക്കളും മുസ്ലിംകളും ഭീകരവാദത്തിന് എതിരാണ്. ഭീകരവാദികളെന്നാല്‍ ന്യൂനപക്ഷം മാത്രമാണെന്ന് പ്രചരിപ്പിക്കുന്നവരുടെ ലക്ഷ്യം മറ്റൊരു ഭീകരവാദം വളര്‍ത്തുകയാണ്. പള്ളിക്കുന്നില്‍ കൊല്ലപ്പെട്ട സചിന്‍െറ വീട്ടില്‍ സി.പി.എം നേതാക്കള്‍ പോയത് വര്‍ഗീയ കലാപം ഉണ്ടാവരുതെന്നതിനാലാണെന്നും അദ്ദേഹം പറഞ്ഞു.
ആരെയും പ്രീണിപ്പിക്കാനല്ല, എല്ലാവരെയും ഉള്‍ക്കൊള്ളാനാണ് കോണ്‍ഗ്രസ് ശ്രമിക്കുന്നതെന്ന് കെ.പി.സി.സി സെക്രട്ടറി സതീശന്‍ പാച്ചേനി പറഞ്ഞു. മുസ്ലിം തീവ്രവാദത്തെ കോണ്‍ഗ്രസ് പ്രോല്‍സാഹിപ്പിക്കുന്നുവെന്ന് ഇപ്പോള്‍ പ്രചരിപ്പിക്കുന്നവര്‍ തന്നെയാണ് അഞ്ചാറ് വര്‍ഷം മുമ്പ് മൃദുഹിന്ദുത്വത്തെ പുല്‍കുന്നുവെന്ന് പറഞ്ഞത്. പിറവം, നെയ്യാറ്റിന്‍കര ഉപതെരഞ്ഞെടുപ്പുകളില്‍ ജാതീയതയും വര്‍ഗീയതയും ഉയര്‍ത്തുന്ന തരത്തിലാണ് ഇടതുപക്ഷം പ്രചാരണം നടത്തിയതെന്നും അദ്ദേഹം പറഞ്ഞു.
ന്യൂനപക്ഷങ്ങളെ ബാധിക്കുന്ന കാര്യങ്ങള്‍ മാത്രമാണ് ചര്‍ച്ച ചെയ്യപ്പെടുന്നതെന്ന് മുസ്ലിം ലീഗ് ജില്ലാ വൈസ്പ്രസിഡന്‍റ് അഡ്വ. പി.വി. സൈനുദ്ദീന്‍ പറഞ്ഞു. സമുദായവും മുസ്ലിം ലീഗും അനര്‍ഹമായതെന്തോ നേടിയെടുത്തുവെന്ന നിലയിലാണ് പ്രചാരണം. എന്നാല്‍ ഒന്നും നേടിയിട്ടില്ളെന്നാണ് നരേന്ദ്രന്‍ കമീഷന്‍ റിപ്പോര്‍ട്ട് പുറത്തുവന്നപ്പോള്‍ വ്യക്തമായത്. മുസ്ലിം ലീഗിന്‍േറതടക്കം എല്ലാ പാര്‍ട്ടികളുടേയും പ്രവര്‍ത്തനങ്ങളെക്കുറിച്ച് ധവളപത്രം പുറത്തിറക്കണമെന്നും അദ്ദേഹം ആവശ്യപ്പെട്ടു.
പുതിയതരം ജാതീയതയാണ് ഇപ്പോള്‍ നിലവിലുള്ളതെന്ന് വെല്‍ഫയര്‍ പാര്‍ട്ടി കണ്ണൂര്‍ ജില്ലാ പ്രസിഡന്‍റ് രാധാകൃഷ്ണന്‍ കൂടാളി പറഞ്ഞു. നിക്ഷിപ്ത താല്‍പര്യത്തിനും വോട്ടുബാങ്കിനും വേണ്ടി വര്‍ഗീയത വളര്‍ത്തുന്ന രാഷ്ട്രീയപാര്‍ട്ടികള്‍ ആത്മപരിശോധന നടത്തണമെന്നും അദ്ദേഹം പറഞ്ഞു.
ലീഗിന് അഞ്ചാംമന്ത്രി സ്ഥാനം കൊടുത്തതിനെയല്ല, അത് എങ്ങനെ കൊടുത്തുവെന്നതാണ് എതിര്‍ക്കപ്പെടുന്നതെന്ന് എസ്.എന്‍.ഡി.പി തളിപ്പറമ്പ് താലൂക്ക് കണ്‍വീനര്‍ വി.പി. ദാസന്‍ പറഞ്ഞു. മന്ത്രി സ്ഥാനം നല്‍കിയത് യു.ഡി.എഫില്‍ ചര്‍ച്ച ചെയ്തിട്ടല്ല. മറിച്ച് പാണക്കാട് തങ്ങള്‍ പ്രഖ്യാപിക്കുകയായിരുന്നുവെന്നും അദ്ദേഹം പറഞ്ഞു.
ജമാഅത്തെ ഇസ്ലാമി സംസ്ഥാന ജനറല്‍ സെക്രട്ടറി പി. മുജീബ്റഹ്മാന്‍ മോഡറേറ്ററായിരുന്നു. വഖഫ് ബോര്‍ഡ് അംഗം പി.പി. അബ്ദുറഹ്മാന്‍ പെരിങ്ങാടി, ജമാഅത്തെ ഇസ്ലാമി കണ്ണൂര്‍ ജില്ലാ സെക്രട്ടറി കളത്തില്‍ ബഷീര്‍ എന്നിവര്‍ സംബന്ധിച്ചു. ജില്ലാ പ്രസിഡന്‍റ് ടി.കെ. മുഹമ്മദലി സ്വാഗതവും ജില്ലാ സമിതി അംഗം ജമാല്‍ കടന്നപ്പള്ളി നന്ദിയും പറഞ്ഞു.

MAJLIS KIDS FEST


ഈദ് സുഹൃദ്സംഗമം

ഈദ് സുഹൃദ്സംഗമം
തളിപ്പറമ്പ്: ജമാഅത്തെ ഇസ്ലാമി ധര്‍മശാല ഘടകം സംഘടിപ്പിച്ച ഈദ് സുഹൃദ് സംഗമം  ഗാന്ധിയനും സാംസ്കാരിക പ്രവര്‍ത്തകനുമായ കെ.പി. റഹീം ഉദ്ഘാടനം ചെയ്തു. കണ്ണൂര്‍ എന്‍ജിനീയറിങ് കോളജ് പ്രഫസര്‍ ഡോ. ജോണ്‍, ധര്‍മശാല സാംസ്കാരിക കേന്ദ്രം ഡയറക്ടര്‍ അബ്ദുസ്സമദ്, സോളിഡാരിറ്റി ഏരിയാ പ്രസിഡന്‍റ് സി.എച്ച്. മിഫ്താഫ് എന്നിവര്‍ സംസാരിച്ചു. ജമാഅത്തെ ഇസ്ലാമി ഏരിയാ പ്രസിഡന്‍റ് വി.എന്‍. ഹാരിസ് അധ്യക്ഷത വഹിച്ചു. ജലാല്‍ ഖാന്‍ സ്വാഗതവും ഉമ്മര്‍ മാസ്റ്റര്‍ നന്ദിയും പറഞ്ഞു.

സൗഹൃദ സംഗമം

സൗഹൃദ സംഗമം
വിളയാങ്കോട്: വിറാസ് (വാദിഹുദ ഇന്‍സ്റ്റിറ്റ്യൂട്ട് ഓഫ് റിസര്‍ച് ആന്‍ഡ് അഡ്വാന്‍സ്ഡ് സ്റ്റഡീസ്) കോളജ് യൂനിയന്‍െറ നേതൃത്വത്തില്‍ ഈദ് സൗഹൃദ സംഗമം നടത്തി. പ്രിന്‍സിപ്പല്‍ മുഹമ്മദ് ഇഖ്ബാല്‍ അധ്യക്ഷത വഹിച്ചു. ടി.ഐ.ടി ഗ്രൂപ്പ് വൈസ് ചെയര്‍മാന്‍ എസ്.എ.പി. അബ്ദുല്‍സലാം സംഗമം ഉദ്ഘാടനം ചെയ്തു. ഫാ. ക്ളാരന്‍സ് പാലിയത്ത്, സ്വാമി വിശ്വഭദ്രാനന്ദ ശക്തിബോധി, സി.കെ. മുനവിര്‍, പ്രഫ. കെ.എം. മുരളീധരന്‍ എന്നിവര്‍ സംസാരിച്ചു. കോളജ് യൂനിയന്‍ ചെയര്‍മാന്‍ ജൈസല്‍ ജമാല്‍ സ്വാഗതവും വൈസ് ചെയര്‍മാന്‍ യു. റിഷാന നന്ദിയും പറഞ്ഞു. സംഗീത വിരുന്നും ഉണ്ടായി.

‘മദ്യപാനികളെ പുറത്താക്കാന്‍ ആര്‍ജവം കാണിക്കണം’


‘മദ്യപാനികളെ പുറത്താക്കാന്‍ ആര്‍ജവം കാണിക്കണം’
കണ്ണൂര്‍: മദ്യത്തിനെതിരെ മുസ്ലിംലീഗും യൂത്ത്ലീഗും നടത്തുന്ന കൂട്ടായ്മകള്‍ ആത്മാര്‍ഥതയുള്ളതാണെങ്കില്‍ മുസ്ലിംലീഗിലെ മദ്യപാനികളെ പാര്‍ട്ടിയില്‍നിന്ന് പുറത്താക്കാന്‍ നേതൃത്വം ആര്‍ജവം കാണിക്കണമെന്ന് ഐ.എന്‍.എല്‍ ജില്ലാ ജനറല്‍ സെക്രട്ടറി അഷ്റഫ് പുറവൂര്‍ പ്രസ്താവനയില്‍ ആവശ്യപ്പെട്ടു. ലീഗ് നേതൃത്വം ഇത്തരക്കാരെ പുറത്താക്കാത്തപക്ഷം ലീഗിന്‍െറ അടിത്തറ തകരാര്‍ അധികാലം വേണ്ടിവരില്ളെന്ന് അദ്ദേഹം കൂട്ടിച്ചേര്‍ത്തു.

യൂത്ത്ലീഗ് മദ്യവിരുദ്ധ കൂട്ടായ്മ

 
യൂത്ത്ലീഗ് മദ്യവിരുദ്ധ കൂട്ടായ്മ
 മുണ്ടേരി: മദ്യനിരോധത്തിനുള്ള സമ്പൂര്‍ണാധികാരം പഞ്ചായത്തുകള്‍ക്ക് നല്‍കണമെന്നാവശ്യപ്പെട്ട് മുണ്ടേരി പഞ്ചായത്ത് മുസ്ലിം യൂത്ത്ലീഗ് കുടുക്കിമൊട്ടയില്‍ മദ്യവിരുദ്ധ കൂട്ടായ്മ സംഘടിപ്പിച്ചു. മുസ്ലിംലീഗ് മണ്ഡലം ജനറല്‍ സെക്രട്ടറി എം.പി. മുഹമ്മദലി ഉദ്ഘാടനം ചെയ്തു.
പ്രസിഡന്‍റ് എം.വി. റിയാസ് അധ്യക്ഷത വഹിച്ചു. മദ്യനിരോധന സമിതി ജില്ലാ പ്രസിഡന്‍റ് എം. മുകുന്ദന്‍ മാസ്റ്റര്‍ മുഖ്യപ്രഭാഷണം നടത്തി. അബ്ദുല്‍ കരീം അല്‍ഖാസിമി, കണ്ണൂര്‍ സലഫി മസ്ജിദ് ഖത്തീബ് നൗഷാദ് സ്വലാഹി, പി.സി. അഹമ്മദ്കുട്ടി, രഘു മാസ്റ്റര്‍, സുധാകരന്‍ മാസ്റ്റര്‍, പി.സി. അഹമ്മദ്, യൂത്ത്ലീഗ് മണ്ഡലം നേതാക്കളായ അഷ്റഫ് കാഞ്ഞിരോട്, പി.സി. നൗഷാദ്, എം. മഹറൂഫ്, എം.എസ്.എഫ് ജില്ലാ സെക്രട്ടറി ആഷിഖ് മുക്കണ്ണി, എം.പി. നൂറുദ്ദീന്‍, പി. മുഹമ്മദലി എന്നിവര്‍ സംസാരിച്ചു. എം.കെ. റഹീം സ്വാഗതവും സി.പി. യാസീന്‍ നന്ദിയും പറഞ്ഞു.

എടക്കാട് ബ്ളോക് കേരളോത്സവം നാലിന് തുടങ്ങും

 എടക്കാട് ബ്ളോക്
കേരളോത്സവം
നാലിന് തുടങ്ങും
കണ്ണൂര്‍: എടക്കാട് ബ്ളോക് പഞ്ചായത്ത് കേരളോത്സവം നവംബര്‍ നാലുമുതല്‍ 11 വരെ മുണ്ടേരി ഗ്രാമപഞ്ചായത്തിലെ വിവിധ കേന്ദ്രങ്ങളില്‍ നടത്തും. ഫുട്ബാള്‍ മത്സരം നവംബര്‍ നാലിന് രാവിലെ ഏഴുമുതല്‍ മുണ്ടേരി ഹൈസ്കൂള്‍ ഗ്രൗണ്ടിലും വോളിബാള്‍ കാനിച്ചേരിയിലും ക്രിക്കറ്റ് മുണ്ടേരി പഞ്ചായത്ത് മിനി സ്റ്റേഡിയത്തിലും നടക്കും. ഷട്ടില്‍ മത്സരം ആറിന് വൈകീട്ട് കയ്പ്പക്കയില്‍ മൊട്ടയിലും കബഡി മത്സരങ്ങള്‍ നവംബര്‍ 10ന് മുണ്ടേരി ഹൈസ്കൂള്‍ ഗ്രൗണ്ടിലും. വടംവലി, കളരിപ്പയറ്റ്, കാര്‍ഷിക  മത്സരങ്ങള്‍ നവംബര്‍ 11ന് മുണ്ടേരി ഹൈസ്കൂളിലും നടക്കും. കായിക മത്സരങ്ങള്‍ നവംബര്‍ 10നും കലാമത്സരങ്ങള്‍ നവംബര്‍ 11നും മുണ്ടേരി ഹൈസ്കൂളില്‍ നടത്തും.

സോളിഡാരിറ്റി പത്ര- ദൃശ്യ മാധ്യമ അവാര്‍ഡ്

 സോളിഡാരിറ്റി പത്ര-
ദൃശ്യ മാധ്യമ അവാര്‍ഡ്
കോഴിക്കോട്:  വികസനം, പരിസ്ഥിതി, മനുഷ്യാവകാശം എന്നീ വിഷയങ്ങളില്‍ മലയാള പത്രങ്ങളിലും ടെലിവിഷന്‍ ചാനലുകളിലും പ്രസിദ്ധീകരിച്ച മികച്ച റിപ്പോര്‍ട്ടുകള്‍ക്കും ഡോക്യുമെന്‍ററികള്‍ക്കും സോളിഡാരിറ്റി യൂത്ത് മൂവ്മെന്‍റ് അവാര്‍ഡ് നല്‍കുന്നു. 2011 നവംബര്‍ ഒന്നിനും 2012 ഒക്ടോബര്‍ 31നും ഇടയില്‍ മലയാള ദിനപത്രങ്ങളില്‍ പ്രസിദ്ധീകരിച്ച പ്രത്യേക വാര്‍ത്തകളും ഫീച്ചറുകളും  ഡോക്യുമെന്‍ററി ചിത്രങ്ങളുമാണ് 10,000 രൂപയും  പ്രശസ്തി പത്രവുമടങ്ങുന്ന അവാര്‍ഡിന് പരിഗണിക്കുക. എന്‍ട്രികള്‍ മൂന്നു കോപ്പി വീതം ബയോഡാറ്റയും ഫോട്ടോയും സഹിതം മീഡിയാ സെക്രട്ടറി, സോളിഡാരിറ്റി യൂത്ത് മൂവ്മെന്‍റ്, പി.ബി നമ്പര്‍ 833, ഹിറാ സെന്‍റര്‍, മാവൂര്‍ റോഡ്, കോഴിക്കോട് എന്ന വിലാസത്തില്‍ നവംബര്‍ 30നകം അയക്കണം.