പ്രതിഷേധം
കണ്ണൂര്‍: ജി.ഐ.ഒ ജില്ല കമ്മിറ്റിയുടെ നേതൃത്വത്തില്‍ വായ മൂടിക്കെട്ടി പ്രകടനം നടത്തി. ക്രൂരതക്കിരയായി മരണപ്പെട്ട യുവതിയുടെ സംസ്കാരം നടക്കുന്നതിനു മുമ്പുതന്നെ പ്രതികളെ ജനമധ്യത്തില്‍ ശിക്ഷിക്കണമെന്ന് പ്രതിഷേധ പ്രകടനം ഉദ്ഘാടനം ചെയ്ത ജി.ഐ.ഒ സംസ്ഥാന വൈസ് പ്രസിഡന്‍റ് ഖദീജ പറഞ്ഞു. നമ്മുടെ പെണ്‍കുട്ടികള്‍ക്ക് ഇനിയും പുറത്തിറങ്ങേണ്ടതുണ്ട്. അവര്‍ക്ക് സുരക്ഷയൊരുക്കുന്നതിന് അധികാരികള്‍ ശ്രദ്ധിക്കണം. ഭരണാധികാരികള്‍ ജനങ്ങളുടെ പ്രശ്നങ്ങളിലേക്ക് ഇറങ്ങി വരണമെന്നും അവര്‍ പറഞ്ഞു. കാല്‍ടെക്സില്‍ നടന്ന സമാപനയോഗത്തില്‍ ജില്ല പ്രസിഡന്‍റ് ടി.കെ. ജംഷീറ അധ്യക്ഷത വഹിച്ചു. കെ. നാജിയ, കെ. സുഫൈല, ടി. ശബാന, എന്‍. സക്കീന എന്നിവര്‍ നേതൃത്വം നല്‍കി.
No comments:
Post a Comment
Thanks